IB anigif

Ayugya Gif

adweb

udgharsha

Sunil HC Gowda

Sunil HC Gowda

 

ವಿಭಿನ್ನ ಕಥೆ, ಹಾರರ್ ಹಿನ್ನೆಲೆಯಲ್ಲಿ ಮೂಡಿಬಂದಿರುವ ಸಿ 3 ಚಿತ್ರದ ಆಡಿಯೋ ಹಾಗೂ ಟ್ರೈಲರ್ ಅನಾವರಣ ಸಮಾರಂಭ ಇತ್ತೀಚೆಗೆ ನಡೆಯಿತು. ಈ ಹಿಂದೆ ಶಿವಮಣಿ, ಆಸ್ಕರ್ ಕೃಷ್ಣ, ಶ್ರೀನಿವಾಸರಾಜು ಮುಂತಾದ ನಿರ್ದೇಶಕರ ಬಳಿ ಕೆಲಸ ಮಾಡಿದ ಕೃಷ್ಣಕುಮಾರ್ ಬಿ. ಹೊಂಗನೂರು ಈ ಚಿತ್ರದ ಕಥೆ, ಚಿತ್ರಕಥೆ ಬರೆದು ನಿರ್ದೇಶನ ಮಾಡಿದ್ದಾರೆ. ಈ ಚಿತ್ರದಲ್ಲಿ ನಾಯಕ, ನಾಯಕಿ ಬಿಟ್ಟರೆ ಯಾವುದೇ ಪಾತ್ರಗಳಿಲ್ಲ, ಒಂದೆರಡು ಪಾತ್ರಗಳು ಕಂಡುಬಂದರೂ ಅದು ಒಂದೆರಡು ಸೀನ್‍ಗಳಲ್ಲಿ ಮಾತ್ರ. ಇಡೀ ಚಿತ್ರದ ಕಥೆ ನಡೆಯುವುದು ಒಂದೇ ರಾತ್ರಿಯಲ್ಲಿ ಹಾಗೂ ಒಂದೇ ಲೊಕೇಶನ್‍ನಲ್ಲಿ. ಕಿರುತೆರೆಯ ಲಕ್ಷ್ಮೀ ಬಾರಮ್ಮ ಖ್ಯಾತಿಯ ವಿಜಯಕುಮಾರ್ ಹಾಗೂ ಪ್ಯಾಟಿ ಹುಡ್ಗೀರ್ ಖ್ಯಾತಿಯ ಐಶ್ವರ್ಯ ಆ ಎರಡು ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

 

ಈಗಾಗಲೇ ಈ ಚಿತ್ರದ ಚಿತ್ರೀಕರಣ ಪೂರ್ಣಗೊಂಡಿದ್ದು, ಮೊನ್ನೆ ಚಿತ್ರದ ಆಡಿಯೋ ಸಿಡಿಯನ್ನು ಜ್ಯೋತಿಷಿ ಗಣಪತಿ ಹೆಬ್ಬಾರ್ ಅವರು ಬಿಡುಗಡೆ ಮಾಡಿದರು, ಇನ್ನು ಚಿತ್ರದ ಟ್ರೈಲರನ್ನು ನಿರ್ದೇಶಕ ಆಸ್ಕರ್ ಕೃಷ್ಣ ಲಾಂಚ್ ಮಾಡಿದರು. ಚಿತ್ರದಲ್ಲಿ ಕೇವಲ ಒಂದೇ ಹಾಡಿದ್ದು, ಅದಕ್ಕೆ ಡಾ.ನಾಗೇಂದ್ರ ಪ್ರಸಾದ್ ಸಾಹಿತ್ಯ ರಚಿಸಿದ್ದಾರೆ, ವಿಜಯ ಪ್ರಕಾಶ್ ಹಾಗೂ ಜೋಗಿ ಸುನೀತಾ ದನಿಗೂಡಿಸಿದ್ದಾರೆ. ಈ ಚಿತ್ರವನ್ನು ಬಿ.ಎಂ.ಚೇತನ್ ಅವರು ನಿರ್ಮಾಣ ಮಾಡಿದ್ದಾರೆ. ಆದಿಲ್ ನದಾಫ್ ಚಿತ್ರಕ್ಕೆ ಸಂಗೀತ ಸಂಯೋಜನೆ ಮಾಡಿದ್ದಾರೆ.

 

ಇಡೀ ರಾತ್ರಿ ಕಛೇರಿಯ ಒಳಗೇ ನಾಯಕ ಇರಬೇಕಾದ ಸಂದರ್ಭ ಒದಗಿಬಂದಿರುತ್ತದೆ. ಆ ಸಂದರ್ಭದಲ್ಲಿ ಆತನ ಮನಸ್ಸು ಏನೇನೆಲ್ಲಾ ಯೋಚನೆ ಮಾಡುತ್ತದೆ, ಮನುಷ್ಯ ಭಯ ಆದಾಗ ಹೇಗೆ ನಡೆದುಕೊಳ್ತಾನೆ, ಭಯ ಎದುರಿಸುವಾಗ ಹೇಗೆ ಧೈರ್ಯ ತಂದುಕೊಳ್ತಾನೆ ಎಂದು ಈ ಪಾತ್ರದ ಮೂಲಕ ನಿರ್ದೇಶಕರು ಹೇಳುವ ಪ್ರಯತ್ನ ಮಾಡಿದ್ದಾರೆ. ನಾಯಕ ಅಲ್ಲಿಂದ ಹೇಗೆ ಪಾರಾಗಿ ಹೊರಬರುತ್ತಾನೆ ಕೊನೆಯಲ್ಲಿ ಏನಾಗುತ್ತಾನೆ ಎನ್ನುವುದೇ ಈ ಚಿತ್ರದ ಕಥೆ. ಈ ಸಂದರ್ಭದಲ್ಲಿ ನಿರ್ದೇಶಕ ಕೃಷ್ಣಕುಮಾರ್ ಮಾತನಾಡುತ್ತ ಕೆಂಗೇರಿ ಬಳಿ ಸರ್ಕಾರಿ ಕಛೇರಿಯೊಂದರಲ್ಲಿ ಇಡೀ ಚಿತ್ರಕ್ಕೆ ಚಿತ್ರೀಕರಣ ನಡೆಸಲಾಗಿದೆ. ಒಂದು ಬಿಲ್ಡಿಂಗ್ ಒಳಗೆ ಒಬ್ಬ ವ್ಯಕ್ತಿಯ ಸುತ್ತ ನಡೆವ ಕಥೆ ಇಟ್ಟುಕೊಂಡು ಒಂದು ಎಕ್ಸ್‍ಪರಿಮೆಂಟ್ ಮಾಡಿದ್ದೇನೆ. ಈ ಮಧ್ಯೆ ನಾಯಕಿಯೂ ಬರುತ್ತಾಳೆ, ಆಕೆ ಹೇಗೆ, ಏಕೆ ಬರುತ್ತಾಳೆ ಅಂತ ಹೇಳುವುದೇ ಚಿತ್ರದ ಕಥೆ ಎಂದು ಹೇಳಿದರು. ನಂತರ ನಿರ್ಮಾಪಕರಾದ ಚೇತನ್ ಮಾತನಾಡುತ್ತ ಇದೇ ಮೊದಲಬಾರಿಗೆ ಚಿತ್ರವನ್ನು ನಿರ್ಮಾಣ ಮಾಡಿದ್ದೇನೆ. ನಂತರದಲ್ಲಿ ಇನ್ನೂ ಹಲವಾರು ಸಿನಿಮಾ ಮಾಡುವ ಯೋಜನೆಯಿದೆ ಎಂಬುದಾಗಿ ಹೇಳಿಕೊಂಡರು.

 

ಸಂಗೀತ ನಿರ್ದೇಶಕ ಆದಿಲ್ ನದಾಫ್ ಮಾತನಾಡುತ್ತ ಇದು ನನ್ನ ಸಂಗೀತ ನಿರ್ದೇಶನದ 2ನೇ ಚಿತ್ರ. ಚಿರದಲ್ಲಿ ಒಂದೇ ಒಂದು ಹಾಡಿದ್ದು, ಅಂಬಾರಿ ಏರಿ ನಾವು ಹೋಗೋಣ ಬಾರೋ ಎಂದ ಈ ಹಾಡನ್ನು ಡಾ.ನಾಗೇಂದ್ರ ಪ್ರಸಾದ್ ರಚಿಸಿದ್ದಾರೆ ಎಂದು ಹೇಳಿದರು. ಚಿತ್ರದ ನಾಯಕನಟ ವಿಜಯ ಕುಮಾರ್ ಮಾತನಾಡುತ್ತ ಒಬ್ಬ ಸಾಫ್ಟ್‍ವೇರ್ ಕಂಪನಿಯ ಹುಡುಗನಾಗಿ ನಾನೀ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದೇನೆ. ನಿರ್ದೇಶಕ ಕೃಷ್ಣಕುಮಾರ್ ನನಗೆ ಹತ್ತು ವರ್ಷಗಳ ಸ್ನೇಹಿತ. 28 ರಾತ್ರಿಗಳು ಒಂದೇ ಲೊಕೇಶನ್‍ನಲ್ಲಿ ಶೂಟ್ ಮಾಡಿದೆವು. ಒಬ್ಬನೇ ವ್ಯಕ್ತಿ ಒಂದು ಸ್ಥಳದಲ್ಲಿ ಬಂಧಿಯಾಗಿದ್ದಾಗ ಏನೆಲ್ಲ ತರ್ಲೆಗಳನ್ನು ಮಾಡಬಹುದು ಎಂದು ನನ್ನ ಪಾತ್ರದ ಮೂಲಕ ತೋರಿಸಿದ್ದಾರೆ ಎಂದು ಹೇಳಿದರು. ನಾಯಕಿ ಐಶ್ವರ್ಯ ಮಾತನಾಡುತ್ತ ಕಾಮಿಡಿ, ಥ್ರಿಲ್ಲರ್ ಎಲ್ಲಾ ಇರುವಂಥ ಎಂಟರ್‍ಟೈನ್‍ಮೆಂಟ್ ಪ್ಯಾಕೇಜ್ ಇದು. ನಾಯಕನನ್ನು ಗೋಳುಹುಯ್ದುಕೊಳ್ಳುವ ಪಾತ್ರ ಎಂದು ತನ್ನ ಪಾತ್ರದ ಬಗ್ಗೆ ಹೇಳಿಕೊಂಡರು.

 

ಐಕೇರ್ ಮೂವೀಸ್ ಲಾಂಛನದಡಿಯಲ್ಲಿ, ಅಶ್ವಿನ್ ಪಿರೇರಾರವರು ನಿರ್ಮಿಸುತ್ತಿರುವ “ಅಸತೋಮ ಸದ್ಗಮಯ” ಕನ್ನಡ ಚಲನಚಿತ್ರವು ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳನ್ನು ಮುಗಿಸಿ ಸೆನ್ಸಾರ್ ಹಂತಕ್ಕೆ ತಲುಪಿದೆ. “ಅಸತೋಮ ಸದ್ಗಮಯ” ಸಂಪೂರ್ಣ ಸಾಂಸಾರಿಕ ಚಿತ್ರವಾಗಿದ್ದು, ಮಹಿಳೆಯರು ಮತ್ತು ಮಕ್ಕಳು ನೋಡಲೇಬೆಕಾದಂತಹ ಸಿನೆಮಾ ಎಂಬುದು ನಿರ್ದೇಶಕರ ಅಭಿಪ್ರಾಯ.

 

ಸದ್ಯದಲ್ಲೆ ಈ ಚಿತ್ರದ ಆಡಿಯೋ ಬಿಡುಗಡೆಯಾಗಲಿದೆ. ಚಿತ್ರದಲ್ಲಿ ಒಟ್ಟು ಐದು ಹಾಡುಗಳಿದ್ದು ವಿಜಯಪ್ರಕಾಶ್, ಅನುರಾಧ ಭಟ್, ಪದ್ಮಲತಾ ಅವರ ಕಂಠಗಳಲ್ಲಿ ಎಲ್ಲಾ ಹಾಡುಗಳು ಚೆನ್ನಾಗಿ ಮೂಡಿಬಂದಿವೆ ಎನ್ನುತ್ತದೆ ಚಿತ್ರತಂಡ. ಎಲ್ಲಾ ಅಂದುಕೊಂಡಂತೆ ಆದರೆ ಚಿತ್ರವನ್ನು ಏಪ್ರಿಲ್ ತಿಂಗಳಾಂತ್ಯಕ್ಕೆ ಬಿಡುಗಡೆ ಮಾಡುವ ಯೋಚನೆಯಿದೆ ಎನ್ನುತ್ತಾರೆ ನಿರ್ಮಾಪಕರು.

 

 

ಈ ಚಿತ್ರದಲ್ಲಿ ರಾಧಿಕಾ ಚೇತನ್ ಜೊತೆಗೆ ಕಿರಣ್ ರಾಜ್ ಹಾಗೂ ಲಾಸ್ಯ ನಾಗರಾಜ್ ಅವರು ಮುಖ್ಯಭೂಮಿಕೆಯಲ್ಲಿದ್ದು, ರಾಜೇಶ್ ವೇಣೂರ್‍ರವರ ನಿರ್ದೇಶನವಿದೆ.

ಸ್ಯಾಂಡಲ್‌ವುಡ್‌ನಲ್ಲಿ ಸ್ಟಾರ್‌ವಾರ್ ಇದೆ ಎನ್ನುವ ಹೊತ್ತಿನಲ್ಲಿ ಕಿಚ್ಚ ಸುದೀಪ್ ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್, ಭಾವನಾ,ಧನಂಜಯ ನಟನೆಯ ಟಗರು ಚಿತ್ರವನ್ನು ನೋಡಿ ಮೆಚ್ಚಿಕೊಂಡಿದ್ದಾರೆ.

 

ಬಿಡುಗಡೆಯಾದ ದಿನದಿಂದ ಭರ್ಜರಿ ಕಲೆಕ್ಷನ್ ಮಾಡುತ್ತಿರುವ ಟಗರು ಚಿತ್ರವನ್ನು ನೋಡಿ ಮೆಚ್ಚಿಕೊಂಡು ತಮ್ಮ ಟ್ವೀಟರ್ ಅಕೌಂಟ್‌ನಲ್ಲಿ ಅದರ ವಿಮರ್ಷೆ ಬರೆದಿದ್ದಾರೆ.

 

ಸೂರಿಯವರ ಡಿಫ್ರೆಂಟ್ ಸ್ಕ್ರೀನ್ ಪ್ಲೇ ಮೆಚ್ಚಿಕೊಂಡಿರುವ ಸುದೀಪ್, ಸೂರಿ ಇಟ್ಟಿರುವ ಹೆಸರುಗಳಿಗೂ ಅವರು ಖುಷಿ ಪಟ್ಟಿದ್ದಾರೆ. ಇಂತಹ ಚಿತ್ರ ಸೂರಿಯಿಂದ ಮಾತ್ರ ಸಾಧ್ಯ, ಈ ಚಿತ್ರಕ್ಕೆ ನಿರ್ದೇಶಕರು ಆರಿಸಿಕೊಂಡಿರುವ ಲೊಕೇಶನ್ ಸಹ ಬಹಳ ವಿಶೇಷವಾಗಿದೆ ಎಂದಿರುವ ಅವರು ಶಿವರಾಜ್‌ಕುಮಾರ್ ಅವರ ಎನರ್ಜಿ ಮತ್ತು ಅಭಿನಯಕ್ಕೆ ಫಿದಾ ಆಗಿದ್ದೇನೆ ಎಂದು ಬರೆದುಕೊಂಡಿದ್ದಾರೆೆ. ಧನಂಜಯ ಅವರ ಸ್ಕ್ರೀನ್ ಅಪಿಯರೆನ್ಸ್ ಹಾಗೂ ಪಾತ್ರ ಎರಡು ತುಂಬಾ ಇಷ್ಟ ಪಟಿರುವ ಕಿಚ್ಚ, ವಸಿಷ್ಠ ಸಿಂಹ ಅವರ ಧ್ವನಿಯ ಬಗ್ಗೆ ಮಾತನಾಡಿದ್ದಾರೆ.

 

ಸಂಗೀತದ ಮೂಲಕ ಫೇಮಸ್ ಆಗಿರುವ ಚರಣ್‌ರಾಜ್ ಅವರಿಗೂ ಸುದೀಪ್ ಶುಭಾಶಯ ತಿಳಿಸಿದ್ದಾರೆ. ಒಟ್ಟಾಗಿ ಟಗರು ಚಿತ್ರವನ್ನು ಸುದೀಪ್ ಇಷ್ಟಪಟ್ಟಿದ್ದಾರೆ.

ಹಿಂದಿಯ ಕ್ವೀನ್‌ ಚಿತ್ರದ ಕನ್ನಡ ಅವತರಿಣಿಕೆ “ಬಟರ್‌ಫ್ಲೈ “‌ ಈಗಾಗಲೇ ಪ್ಯಾರೀಸ್‌ನಲ್ಲಿ ಶೂಟಿಂಗ್‌ ಮುಗಿಸಿ ವಾಪಾಸ್ಸಾಗಿದೆ. ಈಗ ಕರ್ನಾಟಕದಲ್ಲಿ ಚಿತ್ರೀಕರಣ ನಡೆಸುತ್ತಿರುವ ಚಿತ್ರತಂಡ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ‘ನಂ1 ಯಾರಿ ವಿತ್‌ ಶಿವಣ್ಣ’ ಕಾರ್ಯಕ್ರಮದಲ್ಲಿ ಭಾಗವಹಿಸಿದೆ.

 

ನಂ 1 ಯಾರಿ ವಿತ್‌ ರಾಣಾ ಶೋದ ಕನ್ನಡ ಅವತರಿಣಿಕೆಯಾದ ಈ ಕಾರ್ಯಕ್ರಮದಲ್ಲಿ ಈಗಾಗಲೇ ಉಪೇಂದ್ರ, ಶ್ರುತಿ ಹರಿಹರನ್‌, ಚಿಕ್ಕಣ್ಣ, ಶರಣ್‌ ಸೇರಿದಂತೆ ಸಾಕಷ್ಟು ಮಂದಿ ಭಾಗವಹಿಸಿದ್ದಾರೆ.

 

ಈಗ ಬಟರ್‌ ಪ್ಲೈ ಚಿತ್ರದ ನಾಯಕಿ ಪಾರುಲ್‌ ಯಾದವ್‌ ನಿರ್ದೇಶಕ ರಮೇಶ್‌ ಅರವಿಂದ್‌ ಸೇರಿದಂತೆ ಚಿತ್ರತಂಡ ಕಾರ್ಯಕ್ರಮದಲ್ಲಿ ಭಾಗವಹಿಸಿ ನಿರೂಪಕ ಶಿವರಾಜ್‌ಕುಮಾರ್‌ ಅವರೊಂದಿಗೆ ಮಸ್ತಿ ಮಾಡಿದ್ದಾರೆ.

ಕಳೆದವಾರ ಬಿಡುಗಡೆಯಾಗಿ ಯಶಸ್ವಿ ಪ್ರದರ್ಶನ ಕಾಣುತ್ತಿರುವ 'ಟಗರು' ಚಿತ್ರದಲ್ಲಿನ ಕೆಲ ಪಾತ್ರಗಳು ಸಿನಿಮಾದ ಟೈಟಲ್‌ಗಳಾಗಿವೆ.
 
ಟಗರು ಚಿತ್ರದಲ್ಲಿ ಡಾಲಿ, ಕಾಕ್ರೋಚ್‌, ಚಿಟ್ಟೆ, ಬೇಬಿ ಕೃಷ್ಣ, ಕಾನ್‌ಸ್ಟೇಬಲ್‌ ಸರೋಜ ಸೇರಿದಂತೆ ಸಾಕಷ್ಟು ವಿಶೇಷ ಕ್ಯಾರೆಕ್ಟರ್‌ಗಳಿದ್ದವು. ಇವೆಲ್ಲವೂ ಈಗ ಸಿನಿಮಾದ ಟೈಟಲ್‌ಗಳಾಗಿ ವಾಣಿಜ್ಯ ಮಂಡಳಿಯಲ್ಲಿ ರಿಜಿಸ್ಟರ್‌ ಆಗಿವೆಯಂತೆ.
 
ಡಾಲಿ ಟೈಟಲ್‌ ದೊಡ್ಮನೆ ಹುಡ್ಗ ನಿರ್ಮಾಪಕ ಗೋವಿಂದು ಅವರ ಬ್ಯಾನರ್‌ನಲ್ಲಿ ರಿಜಿಸ್ಟರ್‌ ಆದರೆ, ಚಿಟ್ಟೆ ‘ಕಾಕ್ರೋಚ್‌’ ಕೂಡ ಬೇರೊಬ್ಬ ನಿರ್ಮಾಪಕರು ರಿಜಿಸ್ಟರ್‌ ಮಾಡಿಕೊಂಡಿದ್ದಾರೆ.
 
ಡಾಲಿಯ ಜೊತೆಯಲ್ಲಿ ಡಾಲಿಯ ಡಾರ್ಲಿಂಗ್‌ ಕಾನ್‌ಸ್ಟೇಬಲ್‌ ಸರೋಜ ಹೆಸರು ಸಹ ಈಗಾಗಲೇ ರಿಜಿಸ್ಟರ್‌ ಆಗಿದೆ. ಇನ್ನು ಡಾಲಿಯ ಬಾಸ್‌ ಬೇಬಿ ಕೃಷ್ಣ ಟೈಟಲ್‌ನ್ನು ಟಗರು ಚಿತ್ರದಲ್ಲಿ ಅದೇ ಪಾತ್ರದಲ್ಲಿ ನಟಿಸಿದ್ದ ದೇವನಾಥ ರಿಜಿಸ್ಟರ್‌ ಮಾಡಿಸಿದ್ದಾರಂತೆ. ಸೂರಿ ಸಿನಿಮಾದ ಪಾತ್ರಗಳು ತೆರೆ ಮೇಲೆ ಬಂದರೆ ಅಚ್ಚರಿಯಿಲ್ಲ.

 

ಟಗರು ಚಿತ್ರದ ಚಿಟ್ಟೆ ವಸಿಷ್ಠ ಸಿಂಹ ಈಗ ಒಂದರ ಹಿಂದೆ ಒಂದರಂತೆ ಚಿತ್ರಗಳನ್ನು ಒಪ್ಪಿಕೊಳ್ಳುತ್ತಿದ್ದಾರೆ. ಈಗ ಮತ್ತೊಂದು ಚಿತ್ರ ಒಪ್ಪಿಕೊಂಡಿದ್ದು, ಅದರ ನಿರ್ದೇಶಕರು ಫನೀಶ್‌.

 

ಫನೀಶ್‌ ಈ ಹಿಂದೆ ಶಿವರಾಜ್‌ಕುಮಾರ್‌ ನಟನೆಯ ಅಂದರ್‌ ಬಾಹರ್ ಚಿತ್ರವನ್ನು ನಿರ್ದೇಶನ ಮಾಡಿದ್ದರು. ನಮ್ಮ ಸಮಾಜಕ್ಕೆ ಸ್ವಾತಂತ್ರ್ಯ ಬಂದು ಇಷ್ಟು ವರ್ಷಗಳಾದ್ರೂ ಅಸಮಾಧಾನ, ವ್ಯವಸ್ಥೆಯ ಮೇಲೆ ಕೋಪ, ಎಲ್ಲವೂ ಇದೆ. ಆದರೆ ಜೀವನ ಮಾತ್ರ ನಡೆಯುತ್ತಲೇ ಇದೆ. ಅಂತಾರಾಷ್ಟ್ರೀಯ ಬೆದರಿಕೆಗಳು ಸಾರ್ವಕಾಲಿಕ ಗಂಭೀರ ಸಮಸ್ಯೆಯ ಪರಿಧಿಯೊಳಗಿನ ಒಂದು ವಿಷಯವನ್ನು ಎತ್ತಿಕೊಂಡು ಅದರ ಬಗ್ಗೆ ಬೆಳಕು ಚೆಲ್ಲುವಂತೆ ಕಥೆಯನ್ನು ಸಿನಿಮಾ ಮಾಡುತ್ತಿದ್ದಾರಂತೆ ಫನೀಶ್‌.

 

ಈ ಚಿತ್ರದಲ್ಲಿ ಸದ್ಯಕ್ಕೆ ವಸಿಷ್ಠ ಸಿಂಹ ಮತ್ತು ತಬಲಾ ನಾಣಿ ಇಬ್ಬರು ಆಯ್ಕೆ ಯಾಗಿದ್ದಾರೆ. ಉಳಿದ ಕಲಾವಿದರ ಆಯ್ಕೆ ನಡೆಯಬೇಕಿದೆ.

 

ಇಷ್ಟು ದಿನ ಗಾಯಕರಾಗಿ ಚಿರಪರಿಚಿತರಾಗಿದ್ದ ವಿಜಯ್‌ ಪ್ರಕಾಶ್‌ ಎರಡನೇ ಬಾರಿಗೆ ಈ ಚಿತ್ರಕ್ಕೆ ಸಂಗೀತ ಸಂಯೋಜಿಸುತ್ತಿದ್ದಾರೆ. ಸತೀಶ್‌, ಜನಾರ್ಧನ್‌, ಶಶಾಂಕ್‌ ಅನುಗ್ರಹ ಎಂಟರ್‌ಪ್ರೈಸಸ್‌ ಎಂಬ ಬ್ಯಾನರ್‌ನಿಂದ ಈ ಚಿತ್ರವನ್ನು ನಿರ್ಮಾಣ ಮಾಡುತ್ತಿದ್ದಾರೆ. ಈ ಚಿತ್ರವನ್ನು ಛತ್ತೀಸಘಡದ ಕಾಡಿನಲ್ಲಿ ಚಿತ್ರೀಕರಣ ನಡೆಸಲು ನಿರ್ದೇಶಕ ಫನೀಶ್‌ ತಯಾರಿ ನಡೆಸಿದ್ದಾರೆ.

 

ಸಂಚಾರಿ ವಿಜಯ್‌ ನಟನೆಯ ಸಸ್ಪೆನ್ಸ್‌ ಥ್ರಿಲ್ಲರ್‌ ಚಿತ್ರ 6 ನೇ ಮೈಲಿಯಲ್ಲಿ ಒಂದೇ ಒಂದು ಹಾಡಿದ್ದು ಅದಕ್ಕೆ ಗ್ರ್ಯಾಮಿ ಅವಾರ್ಡ್‌ ಪುರಸ್ಕೃತರು ಡೆತ್‌ಮೆಟಲ್‌ ಮಾದರಿಯ ಸಂಗೀತ ನೀಡಿದ್ದಾರೆ. ಕನ್ನಡದ ಮಟ್ಟಿಗೆ ಇದೊಂದು ಹೊಸ ಪ್ರಯೋಗ.ಇತ್ತೀಚೆಗೆ ಈ ಹಾಡಿನ್ನು ಚಿತ್ರತಂಡ ಬಿಡುಗಡೆ ಮಾಡಿತು.

 

ಈ ಚಿತ್ರದ ಕಥೆ ಬರೆಯುವಾಗ ಸಿನಿಮಾಗೆ ಹಾಡಿನ ಅಗತ್ಯ ಇರಲಿಲ್ಲ ಎಂದುಕೊಂಡಿದ್ದರು ನಿರ್ದೇಶಕ ಸೀನಿ. ಆದರೆ ಸಂಗಿತ ನಿರ್ದೇಶಕ ಸಾಯಿ ಕಿರಣ್‌ ಚಿತ್ರದಲ್ಲಿ ಡೆತ್‌ ಮೆಟಲ್‌ ಸಂಗೀತ ಇರುವ ಹಾಡೊಂದು ಇದ್ದರೆ ಚೆಂದ. ಕನ್ನಡದಲ್ಲಿ ಈವರೆಗೂ ಡೆತ್‌ಮೆಟಲ್‌ ಮ್ಯೂಸಿಕ್‌ ಬಂದಿಲ್ಲ ಎಂದು ಹೇಳಿದರಂತೆ. ಆಗ ನಿರ್ದೇಶಕ ಸೀನಿ ಕೂಡ ಈ ಮೂಲಕ ನಿರ್ಮಾಪಕ ಶೈಲೇಶ್‌ಕುಮಾರ್‌ಗೆ ಒಳ್ಳೆ ಗಿಫ್ಟ್‌ ಕೊಡೊಣ ಎಂದು ನಿರ್ಧಿರಿಸಿದ್ದಾರೆ. ಆಗ ಹುಟ್ಟಕೊಂಡಿದ್ದೆ '6 ನೇ ಮೈಲಿಯ ಟೈಟಲ್‌ ಟ್ರ್ಯಾಕ್‌'. ಈ ಹಾಡನ್ನು ಸಾಯಿಕಿರಣ್ ಕಂಪೋಸ್‌ ಮಾಡಿದ್ದಾರೆ. ಇವರ ಕಂಪೋಸಿಂಗ್‌ ಗೆ ಸೌಂಡ್‌ ಎಂಜಿನಿಯರ್‌ ಮತ್ತು ಮಾಸ್ಟರಿಂಗ್‌ ಎಂಜಿನಿಯರ್‌ ಕೆಲಸ ಮಾಡಿರುವ ಇಬ್ಬರೂ ಗ್ರ್ಯಾಮಿ ಅವಾರ್ಡ್‌ ವಿನ್ನರ್‌ ಆಗಿದ್ದಾರೆ.

 

ಈ ಹಾಡನ್ನು ವಸಿಷ್ಠ ಸಿಂಹ ಹಾಡಿದ್ದಾರೆ. ವಸಿಷ್ಠ ಸಿಂಹ ಧ್ವನಿ ಈ ಹಾಡಿಗೆ ಸೂಟ್‌ ಆಗುತ್ತದೆ ಎಂಬ ಕಾರಣಕ್ಕೆ ಅವರ ಕೈಯಲ್ಲೇ ಹಾಡಿಸಿದ್ದಾರೆ. ಆರ್‌ಜೆ ನೇತ್ರಾ, ಸುದರ್ಶನ್‌, ಸಂಚಾರಿ ವಿಜಯ್‌ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಈ ಚಿತ್ರವನ್ನು ದಕ್ಷಿಣ ಭಾರತದ ಖ್ಯಾತ ನ್ಯೂರೋ ಸರ್ಜನ್‌ ಡಾ. ಶೈಲೇಶ್‌ಕುಮಾರ್‌ ನಿರ್ಮಾಣ ಮಾಡಿದ್ದಾರೆ.

 

ಶಂಕರ್ & ಅಸೋಸಿಯೆಟ್ಸ್ ಲಾಂಛನದಲ್ಲಿ ಶಂಕರ್ ಅವರು ನಿರ್ಮಿಸಿರುವ `3000`ಚಿತ್ರ ಈ ವಾರ ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದೆ.

ರಬ್ಬುನಿ ಕೀರ್ತಿ ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದು ನಿರ್ದೆಶಿಸಿರುವ ಈ ಚಿತ್ರಕ್ಕೆ ಕ್ಲಾರೆನ್ಸ್ ಅಲೆನ್ ಕ್ರಾಸ್ತಾ ಸಂಗೀತ ನೀಡಿದ್ದಾರೆ.

ಮನುಕೃಷ್ಣನ್ ಛಾಯಾಗ್ರಹಣ, ಉಗ್ರಂ ಶ್ರೀಕಾಂತ್ ಸಂಕಲನ ಹಾಗೂ ರಬ್ಬುನಿ ಕೀರ್ತಿ, ಶಿವಕಾಂತ್ ಕಲಾ ನಿರ್ದೇಶನವಿರುವ ಈ ಚಿತ್ರದ ತಾರಾಬಳಗದಲ್ಲಿ ಗೌರೀಶ್ ಅಕ್ಕಿ, ರಬ್ಬುನಿ ಕೀರ್ತಿ, ಸುಹಾನ್, ಪ್ರಸಾದ್, ಮಹಂತೇಶ್, ಸ್ವಾತಿ, ಉಜ್ಜಾಲ, ಕಾವ್ಯ, ಪಲ್ಲವಿ ಮುಂತಾದವರಿದ್ದಾರೆ.

ಬಾಲಿವುಡ್‌ನಲ್ಲಿ ಆರ್‌ಜಿವಿ ಸರ್ಕಾರ್‌ ಬಿಡುಗಡೆಯಾಗಿ ಯಶಸ್ವಿಯೂ ಆಯಿತು. ಈಗ ಕನ್ನಡದಲ್ಲಿಯೂ ಸರ್ಕಾರ್‌ ಎನ್ನುವ ಚಿತ್ರ ಬರುತ್ತಿದೆ.

ಇದು ಹಿಂದಿಯ "ಸರ್ಕಾರ್‌"ನ ರಿಮೇಕ್‌ ಅಲ್ಲ. ಇದೊಂದು ಹೊಸಬರ ಪ್ರಯತ್ನ. ಇನ್ನೇನು ಬಿಡುಗಡೆಯಾಗಲಿರುವ ಈ ಚಿತ್ರವನ್ನು ಮಂಜು ಪ್ರೀತಂ ಎಂಬ ಯುವಕ ನಿರ್ದೇಶನ ಮಾಡಿದ್ದಾರೆ.

ಹುಬ್ಬಳ್ಳಿ ಮೂಲದ ಜಗದೀಶ್‌ ಅಲಿಯಾಸ್‌ ಜಗ್ಗಿ ನಾಯಕರಾಗಿ ಸ್ಯಾಂಡಲ್‌ವುಡ್‌ಗೆ ಎಂಟ್ರಿಕೊಡುತ್ತಿದ್ದಾರೆ.
ಮಂಜು ಪ್ರೀತಂಗೆ ಇದು ಮೊದಲ ಚಿತ್ರವಾದರೂ, ಅವರು ಈಗಾಗಲೇ ಹಲವು ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ.

ಗೊಲ್ಡನ್‌ ಸ್ಟಾರ್‌ ಗಣೇಶ್‌ ಅವರ ಕಟ್ಟಾಭಿಮಾನಿಯಾಗಿದ್ದಾರೆ ಮಂಜುಪ್ರೀತಂ. ಪಾರ್ವತಿ ಚಿತ್ರದ ನಿರ್ಮಾಪಕರು. 'ಸರ್ಕಾರ್‌' ಅಂದರೆ, ಇದು ರೌಡಿಸಂ ಅಥವಾ ರಾಜಕೀಯ ಬ್ಯಾಗ್ರೌಂಡ್‌ ಇರುವ ಸಿನಿಮಾ ಎಂದುಕೊಳ್ಳುತ್ತಾರೆ ಆದರೆ ಇದು ಪಕ್ಕಾ ಲವ್‌ ಸ್ಟೋರಿ. ಜತೆಗೆ ಮಾಸ್‌ ಎಲಿಮೆಂಟ್ಸ್‌ ಸೇರಿಕೊಂಡು ಎಂಟರ್‌ಟೈನ್‌ಮೆಂಟ್‌ ಕೋಡುವ ಸಿನಿಮಾವಾಗಿದೆ. ಲೇಖಚಂದ್ರ ನಾಯಕಿಯಾಗಿ ನಟಿಸಿದ್ದಾರೆ.

ಚಿತ್ರಕ್ಕೆ ಸತೀಶ್‌ ಆರ್ಯನ್‌ ನಾಲ್ಕು ಹಾಡುಗಳನ್ನು ಕೊಟ್ಟಿದ್ದಾರೆ. ನಾಗೇಂದ್ರಪ್ರಸಾದ್‌, ಮಳವಳ್ಳಿ ಸಾಯಿಕೃಷ್ಣ ಮತ್ತು ಸಂತೋಷ್‌ನಾಯ್ಕ ಗೀತೆ ರಚಿಸಿದ್ದಾರೆ. ರಾಜ್‌ಪುಟಿ ಅರುಣ್‌ಕುಮಾರ್‌ ಕ್ಯಾಮೆರಾ ಹಿಡಿದಿದ್ದಾರೆ. ಚಿತ್ರದಲ್ಲಿ ಶೋಭರಾಜ್‌ ಸತ್ಯಜಿತ್‌, ಕೀರ್ತಿರಾಜ್‌, ರಮೇಶ್‌ ಪಂಡಿತ್‌ ಮತ್ತಿತರರು ನಟಿಸಿದ್ದಾರೆ.

ಚಿತ್ರ ನಾಳೆ ರಾಜ್ಯದೆಲ್ಲೆಡೆ ತೆರೆ ಬರುತ್ತಿದೆ. ವಿಜಯ್ ಸಿನಿಮಾಸ್ ಚಿತ್ರವನ್ನು ವಿತರಿಸುತ್ತಿದ್ದಾರೆ.

#Sarkar #Cineloka

ರಾಷ್ಟ್ರ ಪ್ರಶಸ್ತಿ ಪಡೆದಿದ್ದ ಹರಿವು ಸಿನಿಮಾವನ್ನು ನಿರ್ದೇಶನ ಮಾಡಿದ್ದ ಮಂಸೂರೆ ಈಗ ಮಹಿಳಾ ಪ್ರಧಾನ 'ನಾತಿಚರಾಮಿ' ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದಾರೆ.
ಈ ಸಿನಿಮಾದಲ್ಲಿ ಹೆಣ್ಣು ತನ್ನ ವೃತ್ತಿ ಮತ್ತು ವೈಯಕ್ತಿಕ ಜೀವನವನ್ನು ಹೇಗೆ ನಿರ್ವಹಿಸುತ್ತಾಳೆ ಎಂಬ ಕಥೆಯಿದೆ. ಇತ್ತೀಚೆಗೆ ಬೆಂಗಳೂರಿನ ದೇವಸ್ಥಾನವೊಂದರಲ್ಲಿ ಮುಹೂರ್ತ ಆಚರಿಸಿಕೊಂಡ ಚಿತ್ರತಂಡ, ಸಿನಿಮಾದ ಬಗ್ಗೆ ಮಾಹಿತಿ ನೀಡಿತು.
ಈ ಚಿತ್ರದಲ್ಲಿ ಟೆಕ್ಕಿಯೊಬ್ಬಳು ವೃತ್ತಿಯಲ್ಲಿ ಯಶಸ್ಸು ಕಂಡು ತನ್ನ ವೈಯಕ್ತಿಕ ಜೀವನದಲ್ಲಿ ಸಮಸ್ಯೆಯಲ್ಲಿ ಸಿಲುಕಿ ಒದ್ದಾಡುತ್ತಿರುತ್ತಾಳೆ. ಸಂಪ್ರದಾಯ ಆಚರಣೆ ಗೊತ್ತಿದ್ದು, ಗೊತ್ತಿಲ್ಲದ ಹಾಗೆ ಅದನ್ನು ಹೇಗೆ ನಿಭಾಯಿಸುವುದು ಎಂದು ಗೊಂದಲದಲ್ಲಿರುತ್ತಾಳೆ. ಇದೇ ಸಮಯದಲ್ಲಿ ತನ್ನ ಪತಿ ಮೃತಪಟ್ಟಿರುತ್ತಾನೆ. ವೃತ್ತಿ ಜೀವನ ಮೇಲೆ ಹೋದಂತೆ ವೈಯಕ್ತಿ ಕ ಜೀವನ ಕುಸಿಯುತ್ತಿರುತ್ತದೆ. ಇದೇ ಸಿನಿಮಾದ ಕಥೆಯಾಗಿದೆ. ಇಂತಹ ಸಾಕಷ್ಟು ಘಟನೆಗಳು ಸಾಕಷ್ಟು ಜನರ ಲೈಫ್‌ನಲ್ಲಿ ನಡೆದಿರುತ್ತದೆ. ನೋಡುಗರು ಈ ಕಥೆಯನ್ನು ರಿಲೇಟ್‌ ಸಹ ಮಾಡಿಕೊಳ್ಳುತ್ತಾರೆ ಎನ್ನುತ್ತಾರೆ ನಿರ್ದೇಶಕ ಮಂಸೂರೆ.
ಈ ಚಿತ್ರದ ಚಿತ್ರೀಕರಣ ಸಂಪೂರ್ಣ ಬೆಂಗಳೂರಿನಲ್ಲೇ ನಡೆಯುತ್ತದೆ. ಶ್ರುತಿ ಹರಿಹರನ್‌ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಶರಣ್ಯ, ಅಶ್ವಿನ್‌, ಗ್ರೀಷ್ಮಾ, ಬಾಲಾಜಿ ಮನೋಹರ್‌, ಸಂಚಾರಿ ವಿಜಯ್‌ ನಟಿಸುತ್ತಿದ್ದಾರೆ.
ಲೇಖಕಿ ಸಂಧ್ಯಾರಾಣಿ ಕಥೆ ಮತ್ತು ಸಂಭಾಷಣೆಯನ್ನು ಬರೆದಿದ್ದಾರೆ. ಕಂಟ್ರ್ಯಾಕ್ಟರ್ಗಳಾಗಿರುವ ಜಗನ್ಮೋಹನ ರೆಡ್ಡಿ, ಶಿವಕುಮಾರ್‌ ರೆಡ್ಡಿ ಈ ಚಿತ್ರಕ್ಕೆ ಬಂಡವಾಳ ಹೂಡುತ್ತಿದ್ದಾರೆ.

Page 24 of 35

na anigif

aaadi nigif

ad free

ರಿಯಲ್ ಸ್ಟಾರ್ ಉಪೇಂದ್ರ ರಾಜ್ಯ ರಾಜಕೀಯದಲ್ಲಿ ಯಾವ ಪಕ್ಷ ಸೇರಬೇಕು.?
  • Votes: (0%)
  • Votes: (0%)
  • Votes: (0%)
  • Votes: (0%)
  • Votes: (0%)
Total Votes:
First Vote:
Last Vote:
Go to top