DKD Gif

Shatayu

adweb

Raambo 2 gIF

Sunil HC Gowda

Sunil HC Gowda

ಹಳ್ಳಿಯಿಂದ ಸಿಟಿಗೆ ಬರುವ ಹುಡುಗರಿಬ್ಬರು ಅಲ್ಲಿ ಯಾವ ರೀತಿ ಸಂದರ್ಭಗಳನ್ನು ಎದುರಿಸಿದರು ಎಂಬ ಕಥಾಹಂದರವನ್ನಿಟ್ಟುಕೊಂಡು ಮಾಡಿದ ಚಿತ್ರ ‘ಯಾರ್ ಯಾರೋ ಗೋರಿ ಮೇಲೆ’ ರಾಘುಚಂದ್ ಕಥೆ-ಚಿತ್ರಕಥೆ ಬರೆದು ನಿರ್ದೇಶನ ಮಾಡಿರುವ ಈ ಚಿತ್ರದ ಹಾಡುಗಳ ಧ್ವನಿಸುರುಳಿ ಬಿಡುಗಡೆ ಸಮಾರಂಭ ಇತ್ತೀಚೆಗೆ ರೇಣುಕಾಂಭ ಥಿಯೇಟರ್‍ನಲ್ಲಿ ನಡೆಯಿತು.
 
.
ಇಬ್ಬರು ನಾಯಕರ ಸುತ್ತ ನಡೆಯುವ ಈ ಕಥೆಯಲ್ಲಿ ನಾಲ್ಕು ಹಾಡುಗಳಿದ್ದು, 2 ಸಾಹಸ ದೃಶ್ಯಗಳಿವೆ. ಅಭಿ ಹಾಗೂ ರಾಜ್ ಈ ಚಿತ್ರದ ಇಬ್ಬರು ನಾಯಕರಾಗಿದ್ದು ರಾಜ್ (ಪುಟ್ಟರಾಜು) ನಾಯಕನಾಗಿ ಅಭಿನಯಿಸುವುದರೊಂದಿಗೆ ನಿರ್ಮಾಣದ ಜವಾಬ್ದಾರಿಯನ್ನೂ ಸಹ ಹೊತ್ತುಕೊಂಡಿದ್ದಾರೆ. ಶಿವಮೊಗ್ಗ ಮೂಲದ ವರ್ಷ ಈ ಚಿತ್ರದಲ್ಲಿ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ.
.
D8H 4816
ಚಿತ್ರದ 2 ಹಾಡುಗಳ ಹಾಗೂ ಟೀಸರ್ ಪ್ರದರ್ಶನದ ನಂತರ ನಡೆದ ಪತ್ರಕಾಗೋಷ್ಠಿಯಲ್ಲಿ ಮಾತನಾಡಿದ ನಿರ್ದೇಶಕ ರಾಘುಚಂದ್ ನಿರ್ದೇಶಕನಾಗಬೇಕು ಎಂಬುದು ನನ್ನ ಬಹುದಿನಗಳ ಕನಸು. ಸುಮಾರು ವರ್ಷಗಳಿಂದ ಕಷ್ಟಪಟ್ಟು ಕೊನೆಗೆ ನನ್ನ ಸ್ನೇಹಿತನ ಮೂಲಕ ನಿರ್ದೇಶಕನಾದೆ. ಲೋಕಿ ಅದ್ಭುತವಾದ 4 ಹಾಡುಗಳನ್ನು ಮಾಡಿದ್ದಾರೆ. ಇದೊಂದು ಸಸ್ಪೆನ್ಸ್ ಹಾಗೂ ಥ್ರಿಲ್ಲರ್ ಕಥಾನಕ ತೆಲುಗು, ತಮಿಳು ಚಿತ್ರಗಳ ರೇಂಜ್‍ನಲ್ಲಿ ಈ ಚಿತ್ರ ಮಾಡಿದ್ದೇವೆ. ಹುಟ್ಟು ಸಾವಿನ ಮಧ್ಯೆ ಸಂದರ್ಭ ನಮ್ಮನ್ನು ಹೇಗೆಲ್ಲಾ ಆಟ ಆಡಿಸುತ್ತದೆ ಎಂದು ಈ ಚಿತ್ರದ ಮೂಲಕ ಹೇಳಿದ್ದೇವೆ. ಈ ಚಿತ್ರದ 80 ರಷ್ಟು ಭಾಗದ ಚಿತ್ರೀಕರಣ ನಡೆದಿರುವುದು ಬಳ್ಳಾರಿ ಸುತ್ತಮುತ್ತ. ಉಳಿದಂತೆ ಸಕಲೇಶಪುರ, ಬೆಂಗಳೂರು, ಶ್ರೀರಂಗಪಟ್ಟಣದಲ್ಲೂ ಶೂಟಿಂಗ್ ಮಾಡಿದ್ದೇವೆ ಎಂದು ಹೇಳಿದರು.
.
ನಾಯಕ ಕಂ ನಿರ್ಮಾಪಕ ಪುಟ್ಟರಾಜು ಮಾತನಾಡಿ ನಾನು ಬಳ್ಳಾರಿಯವನು ನಮ್ಮ ಪೋಷಕರು ವ್ಯಾಪಾರ ಮಾಡಿಕೊಂಡಿದ್ದಾರೆ. ಸಿನಿಮಾ ರಂಗದಲ್ಲಿ ಇದು ನನ್ನ ಏಳು ವರ್ಷಗಳ ಹೋರಾಟ. ನನ್ನ ಸ್ನೇಹಿತನಿಗೂ ಒಂದು ಅವಕಾಶ ಬೇಕಿತ್ತು. ನಾನೂ ಕೂಡ ತೆರೆಯ ಮೇಲೆ ಕಾಣಿಸಿಕೊಳ್ಳಬೇಕಾಗಿತ್ತು. ಹಾಗಾಗಿ ಈ ಸಿನಿಮಾಗೆ ಬಂಡವಾಳ ಹೂಡಲು ನಿರ್ಧರಿಸಿದೆ. ಮನೆಯಲ್ಲೂ ಕೂಡ ಎಲ್ಲರೂ ಸಪೋರ್ಟ್ ಮಾಡಿದರು. ಚಿತ್ರದಲ್ಲಿ ನನ್ನದು ಒಬ್ಬ ಸೈಕೋ ತರದ ಪಾತ್ರ. ಚಿತ್ರ ಸೀನ್ ಟು ಸೀನ್ ಕುತೂಹಲ ಕೆರಳಿಸುತ್ತಾ ಹೋಗುತ್ತದೆ ಎಂದು ಹೇಳಿದರು.
.
D8H 4866
ನಂತರ ಮತ್ತೊಬ್ಬ ನಟ ಅಭಿ ಮಾತನಾಡಿ ನಾನೂ ಕೂಡ ಅಸಿಸ್ಟೆಂಟ್ ಡೈರೆಕ್ಟರ್ ಆಗಿ ಕೆಲ ವರ್ಷಗಳಿಂದ ಕೆಲಸ ಮಾಡಿದ್ದೇನೆ. ವಿರಾಟ್ ಚಿತ್ರದಿಂದ ಕಲಾವಿದನಾಗಿಯೂ ಕಾಣಿಸಿಕೊಂಡಿದ್ದೇನೆ. ಫೇಸ್‍ಬುಕ್ ಮೂಲಕ ನಾನು ಈ ತಂಡಕ್ಕೆ ಪರಿಚಿತನಾದೆ. ಈ ಚಿತ್ರದಲ್ಲಿ ನನ್ನದು ಡಬಲ್ ರೋಲ್. ಇದೊಂದು ತ್ರಿಕೋನ ಪ್ರೇಮಕಥೆ. ಪಕ್ಕಾ ರಾ ಲವ್ ಸಬ್ಜೆಕ್ಟ್ ಎಂದು ಚಿಕ್ಕದಾಗಿ ತನ್ನ ಪರಿಚಯ ಮಾಡಿಕೊಂಡರು. ನಂತರ ನಾಯಕಿ ವರ್ಷ ಮಾತನಾಡಿ ನಾನು ತೆರೆಯ ಮೇಲೆ ಕಾಣಿಸಿಕೊಳ್ಳಬೇಕು ಎಂಬುದು ನನ್ನ ತಾತನ ಆಸೆಯಾಗಿತ್ತು. ನನಗೆ ಆಕ್ಟಿಂಗ್ ಬಗ್ಗೆ ನನಗೇನು ಗೊತ್ತಿದ್ದಿಲ್ಲ. ಈ ಚಿತ್ರದಲ್ಲಿ ವರ್ಕ್ ಮಾಡಿ ಸಾಕಷ್ಟು ಕಲಿತೆ. ಈ ತರದ ಅವಕಾಶ ಮುಂದೆ ನನಗೆ ಸಿಗಲಿ ಎಂದು ಹೇಳಿದರು.
.
ಸಂಗೀತ ನಿರ್ದೇಶಕ ಲೋಕಿ ಮಾತನಾಡಿ ಹಂಸಲೇಖ ಅವರ ದೇಸಿ ಕಾಲೇಜಿನಲ್ಲಿ ವರ್ಕ್ ಮಾಡಿದ್ದೆ. ವೆರೈಟಿ ಸಾಂಗ್ ಈ ಚಿತ್ರದಲ್ಲಿದೆ ಎಂದು ಹೇಳಿದರು. ವಿನು ಮನಸು ಈ ಚಿತ್ರಕ್ಕೆ ಹಿನ್ನೆಲೆ ಸಂಗೀತ ಒದಗಿಸಿದ್ದಾರೆ. ಪ್ರದೀಪ್ ಗಾಂಧಿ ಈ ಚಿತ್ರದ ಛಾಯಾಗ್ರಾಹಕರು. ಯಾರ್ ಯಾರೋ ಗೋರಿ ಮೇಲೆ ಚಿತ್ರದ ಹಾಡುಗಳ ಧ್ವನಿಸುರುಳಿಯನ್ನು ಹಿರಿಯ ನಿರ್ದೇಶಕ ಹೆಚ್.ವಾಸು, ಎಂ.ಡಿ.ಶ್ರೀಧರ್ ಹಾಗೂ ತೆಲುಗು ನಟ ಶಫಿ ಸೇರಿ ಬಿಡುಗಡೆ ಮಾಡಿದರು.
.
#YaarYaaroGoriMele #Cineloka
ಕಳೆದ ವರ್ಷ ಬಿಡುಗಡೆಯಾಗಿದ್ದ ಶುದ್ಧಿ ಚಿತ್ರದ ಮೂಲಕ ಸ್ಯಾಂಡಲ್ವುಡ್ನ ಸೂಕ್ಷ್ಮ ಸಂವೇದನೆಯುಳ್ಳ ನಿರ್ದೇಶಕ ಎಂಬ ಹೆಸರು ಮಾಡಿದ್ದ, ಆದರ್ಶ್ ಈಶ್ವರಪ್ಪ "ಭಿನ್ನ" ಎಂಬ ಸಿನಿಮಾವನ್ನು ಮಾಡುತ್ತಿದ್ದಾರೆ.
.
 ಈ ಕಥೆಯನ್ನು ಪುಟ್ಟಣ ಕಣಗಾಲ್ ಅವರ 'ಶರಪಂಜರ'ವನ್ನು ಆಧಾರವಾಗಿಟ್ಟುಕೊಂಡು ಮಾಡಿದ್ದಾರಂತೆ. ಈ ಸಿನಿಮಾದ ನಾಯಕಿಯ ಹೆಸರು ಸಹ ಕಾವೇರಿ ಎಂದೆ ಇರುತ್ತದೆ. ಶರಪಂಜರದಲ್ಲಿ ಕಾವೇರಿ ಕ್ಯಾರೆಕ್ಟರ್ ಮಾಡಿದ್ದ ಕಲ್ಪನಾ ಅವರ ನಟನಾ ಶೈಲಿ ಆದರ್ಶ್ ಚಿತ್ರದಲ್ಲಿಯೂ ಇರುತ್ತದಂತೆ.
ಆ ಚಿತ್ರದ ಫರ್ಸ್ಟ್ ಲುಕ್ ಪೋಸ್ಟರ್ ಇಲ್ಲಿದೆ.
.
#Bhinna #Cineloka
 
ಇದೇ ಶುಕ್ರವಾರ ಬಿಡುಗಡೆಯಾಗುತ್ತಿರುವ 'ಸೀಜರ್‌' ಸಿನಿಮಾದಲ್ಲಿ ಚಿರಂಜೀವಿ ಸರ್ಜಾ ತಮ್ಮ ಡಿಫ್ರೆಂಟ್‌ ಲುಕ್‌ನಲ್ಲಿ ಮಿಂಚುತ್ತಿದ್ದಾರೆ. ವಿಶೇಷ ಎಂದರೆ ಈಚಿತ್ರದಲ್ಲಿ ಚಿರು ಕಾರ್‌ ಸೀಜ್‌ ಮಾಡುವ ವ್ಯಕ್ತಿಯಾಗಿ ನಟಿಸಿದ್ದಾರೆ.
.
ವಿನಯ್‌ಕೃಷ್ಣ ನಿದೇಶನದ ಈ ಚಿತ್ರದಲ್ಲಿ ರವಿಚಂದ್ರನ್‌, ಸಾವಿರಾರು ಕಾರುಗಳಿಗೆ ಸಾಲ ನೀಡುವ ದೊಡ್ಡ ಫೈನಾನ್ಶಿಯರ್‌ ಪಾತ್ರದಲ್ಲಿ ಕಾಣಿಸಿಕೊಂಡರೆ. ಕೊಟ್ಟ ಸಾಲ ಮರಳಿ ಬಾರದೇ ಇದ್ದಾಗ, ಅಂತಹ ವಾಹನಗಳನ್ನು ಸೀಜ್‌ ಮಾಡುವ ಯುವಕನ ಪಾತ್ರದಲ್ಲಿ ಚಿರಂಜೀವಿ ಸರ್ಜಾ ನಟಿಸಿದ್ದಾರೆ. ಸಾಲದಲ್ಲಿ ಪಡೆದ ವಾಹನಗಳನ್ನು ತನ್ನ ಸಮಾಜ ವಿರೋಧಿ ಕೃತ್ಯಗಳಿಗೆ, ಅರಾಜಕ ದಂಧೆಗಳಿಗೆ ಬಳಸಿಕೊಳ್ಳುವ ಪಾತ್ರದಲ್ಲಿ ಪ್ರಕಾಶ್‌ ರೈ ಕಾಣಿಸಿಕೊಂಡಿದ್ದಾರೆ.
.
 D8H 4205
ಈ ಚಿತ್ರದಲ್ಲಿ ವಿಶಿಷ್ಟವಾದ ಮೀಸೆ ಬಿಟ್ಟು ಚಿರು ಮಿಂಚುತ್ತಿದ್ದಾರೆ. ಈ ಚಿತ್ರವನ್ನು ನಿರ್ಮಾಪಕರು ಕನ್ನಡ ಸೇರಿದಂತೆ ನಾಲ್ಕು ಭಾಷೆಗಳಲ್ಲಿ ಬಿಡುಗಡೆ ಮಾಡುತ್ತಿದ್ದಾರೆ. ಚಂದನ್‌ ಶೆಟ್ಟಿ ಈ ಚಿತ್ರಕ್ಕೆ ಸಂಗೀತ ಸಂಯೋಜನೆ ಮಾಡುವುದರ ಜತೆಗೆ ಸಾಹಿತ್ಯ ಕೂಡ ಬರೆದ್ದಾರೆ. ಪಾರೂಲ್‌ ಯಾದವ್‌ ನಾಯಕಿಯಾಗಿ ನಟಿಸಿದ್ದಾರೆ.
.
#Seizer #Cineloka
 ಚಿರು ಚಿತ್ರದ ಮೂಲಕ ಸ್ಯಾಂಡಲ್ವುಡ್ಗೆ ಎಂಟ್ರಿ ಕೊಟ್ಟ ಕೃತಿ, ಬಾಲಿವುಡ್‌ನಲ್ಲಿ ಸಿಕ್ಕಾಪಟ್ಟೆ ಬ್ಯುಸಿಯಾಗಿದ್ದಾರೆ. ದಳಪತಿ ಚಿತ್ರದ ಪ್ರಮೋಷನ್‌ಗಾಗಿ ಬೆಂಗಳೂರಿಗೆ ಬಂದಿದ್ದ ಕೃತಿ ಸಿನಿಲೋಕದೊಂದಿಗೆ ಮಾತನಾಡಿದ್ದಾರೆ.
.
ದಳಪತಿ ಒಪ್ಪಿಕೊಳ್ಳೋಕೆ ಏನು ಕಾರಣ?
------
ನಾನು ಹಿಂದೆಂದೂ ಕಾಣಿಸಿಕೊಳ್ಳದ ಪಾತ್ರ ಸಿಕ್ಕಿತು. ಕಥೇಲಿ ಫ್ರೆಶ್‌ನೆಸ್ ಇದೆ. ಪ್ರೇಮ್ ಸರ್ ಜೊತೆನೂ ಕೆಲಸ ಮಾಡುವ ಅವಕಾಶ ಸಿಕ್ಕಿತ್ತು. ಒಳ್ಳೆ ತಂಡ,ಒಪ್ಪಿಕೊಂಡೆ.
.
ಬಾಲಿವುಡ್‌ನಲ್ಲಿ ಸಖತ್‌ ಬೋಲ್ಡ್‌ ಆಗಿ ನಟಿಸಿದ್ದೀರಾ?
------
ಹೌದು ನಾನು ಒಬ್ಬ ನಟಿಯಾಗಿ ಬರೀ ಗೌರಮ್ಮನ ಥರದ ರೋಲ್‌ಗಳಲ್ಲಿ ಮಾತ್ರ ನಟಿಸಿದ್ದೆ. ನನಗೆ ಒಂದು ಡಿಫ್ರೆಂಟ್‌ ಆಗಿರುವ ಪಾತ್ರ ಬೇಕಿತ್ತು ಹಾಗಾಗಿ ಬೋಲ್ಡ್‌ ಆಗಿ ನಟಿಸಿದೆ. ಇದರಿಂದ ನನಗೇನು ತೊಂದರೆಯಿಲ್ಲ. ನನ್ನ ಫ್ಯಾಮಿಲಿ ಕೂಡಾ ನನ್ನನ್ನು ಈ ಬಗ್ಗೆ ಪ್ರಶ್ನೆ ಮಾಡಿಲ್ಲ.
.
ಆ ಸಿನಿಮಾ ಆದ ಮೇಲೆ ದಕ್ಷಿಣ ಭಾರತೀಯ ಚಿತ್ರರಂಗದಲ್ಲಿಯೂ ಕೆಲವರು ನಿಮ್ಮನ್ನು ಆ ರೀತಿಯ ಪಾತ್ರಗಳಲ್ಲಿ ನಟಿಸಲು ಕೇಳಿದ್ರಾ?
------
ಇಲ್ಲ. ಯಾರು ನನಗೆ ಆ ರೀತಿ ಪಾತ್ರ ಮಾಡಿ ಎಂದು ಕೇಳಿಲ್ಲ . ರಾಝ್‌ ಸಿನಿಮಾಗೆ ಆ ಬೋಲ್ಡ್‌ನೆಸ್‌ ಅವಶ್ಯಕತೆ ಇತ್ತು. ಹಾಗಾಗಿ ಅಲ್ಲಿ ನಟಿಸಿದೆ. ಇಲ್ಲಿಯೂ ಸ್ಕ್ರಿಪ್ಟ್‌ನಲ್ಲಿ ಹಾಟ್‌ ಸೀನ್‌ನ ಅವಶ್ಯಕತೆ ಇದ್ದರೆ ನಾನು ನಟಿಸುತ್ತೇನೆ.
.
ನಿಮ್ಮ ಸಿನಿ ಜರ್ನಿಯಲ್ಲಿ ಸಿಗುತ್ತಿರುವ ಪಾತ್ರಗಳ ಬಗ್ಗೆ ತೃಪ್ತಿ ಇದೆಯೇ?
-----
ಐ ಆಮ್ ಹ್ಯಾಪೀ..ನಾನು ಈಗಾಗಲೇ ರೊಮ್ಯಾಂಟಿಕ್‌ , ಕಾಮಿಡಿ, ಹಾರರ್‌, ಡ್ರಾಮಾ, ಗ್ಲಾಮರ್ ಹೀಗೆ ಸಾಕಷ್ಟು ವಿವಿಧ ರೀತಿಯ ಪಾತ್ರಗಳನ್ನು ನಿರ್ವಹಿಸಿದ್ದೇನೆ. ಈಗ ನಟಿಸುತ್ತಿರುವ ಯಮ್ಲಾ ಪಾಗ್ಲಾ ದಿವಾನ ಚಿತ್ರ ನನ್ನ ಸಿನಿ ಕರಿಯರ್‌ನಲ್ಲಿ ಬಹು ದೊಡ್ಡ ಸಿನಿಮಾವಾಗಲಿದೆ.
.
ಬೇರೆ ಯಾವುದೇ ಕನ್ನಡ ಚಿತ್ರದಿಂದ ಅವಕಾಶ ಬರಲಿಲ್ವಾ?
-----
ಸಾಕಷ್ಟು ಕಥೆಗಳನ್ನು ಕೇಳಿದ್ದೇನೆ. ದರ್ಶನ್ ಅವರ ಯಜಮಾನ ಚಿತ್ರದಲ್ಲಿ ನಾನು ನಟಿಸಬೇಕಿತ್ತು ಆದರೆ ಡೇಟ್ಸ್‌ನ ಸಮಸ್ಯೆಯಿಂದಾಗಿ ಕೈ ಬಿಡಬೇಕಾಯಿತು.  ದರ್ಶನ್ ಅವರ ಜತೆ ನಟಿಸಲು ಮುಂದಿನ ದಿನಗಳಲ್ಲಿ ಮತ್ತೆ ಅವಕಾಶ ಸಿಕ್ಕರೆ ನಟಿಸುತ್ತೇನೆ.
.
ಕನ್ನಡದಲ್ಲಿ ಯಾವ ಸ್ಟಾರ್ ನಟನ ಜೊತೆ ನಟಿಸಬೇಕು ಎಂಬ ಆಸೆ ಇದೆ?
------
 ನನಗೆ ಎಲ್ಲರ ಜೊತೆ ನಟಿಸಲು ಇಷ್ಟ. ಅದರಲ್ಲಿ ಒಬ್ಬ ನಟ ಅಂದರೆ ಕಿಚ್ಚ ಸುದೀಪ್. ಏಕೆಂದರೆ ನಾನು ಒಂದ್ಸಲ ಬಿಗ್ ಬಾಸ್ ಶೋಗೆ ಹೋಗಿದ್ದಾಗ ಅವರಲ್ಲಿ ಪಾಸಿಟಿವ್ ವೈಬ್ಸ್ ಕಾಣಿಸಿತು. ಅವರಿಗೆ ಸಿನಿಮಾ ಎಂದರೆ ಸಕ್ಕತ್ ಪ್ಯಾಶನ್, ಅಂತವರ ಜೊತೆ ಕೆಲಸ ಮಾಡಲು ನನಗೆ ಖುಷಿ ಕೊಡುತ್ತೆ .
.
ಬಾಲಿವುಡ್‌ನಲ್ಲಿ ಸ್ಯಾಂಡಲ್‌ವುಡ್‌, ಟಾಲಿವುಡ್‌ ಎಲ್ಲ ಕಡೆಯೂ ನಟಿಸಿದ್ದೀರಾ, ಇದರಲ್ಲಿ ಬೆಸ್ಟ್‌ ಯಾವುದು?
-----
ನನಗೆ ಎಲ್ಲವೂ ಬೆಸ್ಟ್‌ ಬೇರೆ ಬೇರೆ ಇಂಡಸ್ಟ್ರಿಗಳನ್ನು ಕಂಪೇರ್‌ ಮಾಡಬಾರದು. ಇದುವರೆಗೂ ನಾನು ಕೆಲಸ ಮಾಡಿರುವ ಎಲ್ಲ ಕಡೆಯಲ್ಲೂ ನನಗೆ ಯಾವುದೇ ರೀತಿಯ ಕೆಟ್ಟ ಅನುಭವಗಳಾಗಿಲ್ಲ. ಹಾಗಾಗಿ ನನಗೆ ಎಲ್ಲವೂ ಬೆಸ್ಟ್‌ ಆಗಿದೆ.
.
ಕಾಸ್ಟಿಂಗ್‌ ಕೌಚ್‌ ಬಗ್ಗೆ ನಿಮ್ಮ ಅಭಿಪ್ರಾಯ??
-------
ಕಾಸ್ಟಿಂಗ್‌ ಕೌಚ್‌ ವಿಚಾರದಲ್ಲಿ ನಾನು ಬಹಳ ಸ್ಟ್ರಿಕ್ಟ್‌. ನನ್ನನ್ನು ಯಾರಾದ್ರು ಆ ದೃಷ್ಟಿಯಲ್ಲಿ ನೋಡಿದ್ರೆ ಅವರನ್ನು ಕೊಲೆ ಮಾಡುತ್ತೇನೆ. ನಾವು ಸ್ಟ್ರಿಕ್ಟ್‌ ಆಗಿದ್ದರೆ ಯಾರು ನಮ್ಮ ಬಳಿ ಬರುವುದಿಲ್ಲ.
#Dalapathi #Cineloka

 

ದುನಿಯಾ ವಿಜಯ್‌ ಅವರ ಬಹು ನಿರೀಕ್ಷಿತ ಚಿತ್ರ ಕುಸ್ತಿಗೆ ವಿಜಯ್‌ ಅವರು ಸಕಲ ತಯಾರಿಗಳನ್ನು ಮಾಡಿಕೊಳ್ಳುತ್ತಿದ್ದಾರೆ. ಅನಿಲ್‌ ಮಂಡ್ಯ ನಿರ್ದೇಶನ ಮಾಡುತ್ತಿರುವ ಈ ಚಿತ್ರದ ಮೂಲಕ ವಿಜಯ್‌ ತಮ್ಮ ಪುತ್ರ ಸಾಮ್ರಾಟ್‌ರನ್ನು ಬೆಳ್ಳಿತೆರೆಗೆ ತರುತ್ತಿದ್ದಾರೆ. ಇಡೀ ಸಿನಿಮಾ ಮಟ್ಟಿ ಕುಸ್ತಿಯನ್ನು ಆಧರಿಸಿದ್ದ ಚಿತ್ರವಾಗಿದ್ದು, ಅದಕ್ಕಾಗಿ ವಿಜಿ ಮತ್ತು ಸಾಮ್ರಾಟ್‌ ಈಗಾಗಲೇ ಭರ್ಜರಿ ತಯಾರಿ ಆರಂಭಿಸಿದ್ದಾರೆ.

 

WhatsApp Image 2018 04 10 at 3.35.42 PM

ವಿಜಯ್‌ ಉತ್ತರ ಕರ್ನಾಟಕದಿಂದ ರಾಷ್ಟ್ರೀಯ ಮಟ್ಟದ ನಾಲ್ವರು ಕುಸ್ತಿಪಟುಗಳನ್ನು ಕರೆಸಿ ಅವರಿಂದ ಪಟ್ಟುಗಳನ್ನು ಕಲಿಯುತ್ತಿದ್ದಾರೆ. ತಾವು ಕಲಿಯುವುದರ ಜತೆಗೆ ತಮ್ಮ ಪುತ್ರ ಸಾಮ್ರಾಟ್‌ಗೂ ಕಲಿಸುತ್ತಿದ್ದಾರೆ. ಪುತ್ರ ಸಾಮ್ರಾಟ್‌ಗೆ ಈಗ ಬೇಸಿಗೆ ರಜೆ ಇದೆ. ಹಾಗಾಗಿ ಪ್ರತಿ ದಿನ ಬೆಳಗ್ಗೆ ಮತ್ತು ಸಂಜೆ ಎರಡು ಹೋತ್ತು ಕುಸ್ತಿ, ಫಿಟ್‌ನೆಸ್‌ ಬಗ್ಗೆ ವಿಜಯ್‌ ಖುದ್ದು ತರಬೇತಿ ನೀಡುತ್ತಿದ್ದಾರೆ. ಇದರ ಜತೆಯಲ್ಲಿ ರಾಷ್ಟ್ರ ಮಟ್ಟದಲ್ಲಿ ಬಾಲಕರ ಕುಸ್ತಿಯಲ್ಲಿ ಹೆಸರು ಮಾಡಿರುವ ಒಬ್ಬ ಹುಡುಗ ಸಿನಿಮಾದಲ್ಲಿ ನಟಿಸುತ್ತಿದ್ದಾನೆ.

 

 

ಈ ಕಥೆಯನ್ನು ದುನಿಯಾ ವಿಜಯ್‌ ಅವರೇ ಬರೆದಿದ್ದು, ಅದಕ್ಕಾಗಿ ಸಾಕಷ್ಟು ಕುಸ್ತಿಪಟುಗಳಿಂದ ಮಾಹಿತಿ ಪಡೆದಿದ್ದಾರೆ. ಕುಸ್ತಿ ಕಲೆ ನಶಿಸಿಹೋಗುತ್ತಿರುವ ಹೊತ್ತಲ್ಲಿ ದುನಿಯಾ ವಿಜಯ್‌ ಕುಸ್ತಿಯನ್ನು ಆಧಾರವಾಗಿಟ್ಟುಕೊಂಡು ಒಳ್ಳೆ ಸಿನಿಮಾ ಮಾಡಲು ಹೊರಟಿದ್ದಾರೆ. ಈ ಚಿತ್ರದ ಚಿತ್ರೀಕರಣ ಜೂನ್‌ನಲ್ಲಿ ಆರಂಭವಾಗಲಿದೆ.

ವಿನಯ್‌ ಕೃಷ್ಣ ನಿರ್ದೇಶನದ ಸೀಜರ್‌ ಚಿತ್ರ ಈ ವಾರ ಬಿಡುಗಡೆಯಾಗಲಿದೆ. ಈ ಚಿತ್ರದಲ್ಲಿ ಯುವ ಸಾಮ್ರಾಟ್‌ ಚಿರಂಜೀವಿ ಸರ್ಜಾ ಜತೆ ಕ್ರೇಜಿಸ್ಟಾರ್‌ ರವಿಚಂದ್ರನ್‌ ನಟಿಸಿದ್ದು, ರವಿಚಂದ್ರನ್‌ಗಾಗಿ ಚಿತ್ರತಂಡ ವಿಶಿಷ್ಟ ಕಾರನ್ನು ಡಿಸೈನ್‌ ಮಾಡಿದೆ.

 

ಈ ಸಿನಿಮಾದಲ್ಲಿ ರವಿಚಂದ್ರನ್‌ ಕಾರುಗಳಿಗೆ ಫೈನಾನ್ಸ್‌ ಮಾಡುವ ಫೈನಾನ್ಸಿಯರ್‌ ಪಾತ್ರದಲ್ಲಿ ನಟಿಸಿದ್ದು, ಇವರ ಆಫೀಸ್‌ನ ಟೇಬಲ್‌ ಕೂಡಾ ಕಾರಿನ ಆಕಾರದಲ್ಲಿಯೇ ತಯಾರಿಸಲಾಗಿದೆ.

 

ಅಲ್ಲದೇ, ರವಿಚಂದ್ರನ್‌ ಅಭಿನಯದ ಏಕಾಂಗಿ ಚಿತ್ರದಲ್ಲಿ ಒಂದು ಕಪ್ಪು ಸ್ಯಾಂಟ್ರೋ ಕಾರನ್ನು ಬಳಸಿದ್ದರು. ಸೀಜರ್‌ನಲ್ಲಿ ಅದೇ ರೀತಿಯ ಮತ್ತೊಂದು ಕಾರನ್ನು ಇವರು ಸಿನಿಮಾ ಪೂರ್ತಿ ಬಳಸಿದ್ದಾದೆ. ತ್ರಿವಿಕ್ರಮ… ನಿರ್ಮಾಣ ಮಾಡಿರುವ ಈ ಚಿತ್ರದಲ್ಲಿ ರವಿಚಂದ್ರನ್‌ ಬಳಸುವ ಕಾರ್‌ ನಂಬರ್‌ ಪ್ಲೇಟ್‌ 'ಕೆಎ 01 ವೈ ಜೆಡ್‌' ಅಂತಿದೆ. ಅಲ್ಲದೇ, ಕಾರಿನ ಮುಂದೆ ಕ್ರೇಜಿ ಸ್ಟಾರ್‌, ಕಾರಿನ ಗೇರ್‌ನ್ನ್ನು ತಲೆಬುರುಡೆಯಲ್ಲಿ ವಿನ್ಯಾಸ ಮಾಡಲಾಗಿದೆ. ಕಾರಿನ ಹಿಂದೆ ಒಂದು ಸಾಲು- ಇನ್‌ಜೂರ್ಡ್‌ ಬೈ ಮಾಫಿಯಾ ಎಂದು ಬರೆಸಲಾಗಿದೆ.

ravi

 

ಇಡೀ ಸಿನಿಮಾ ಕಾರ್‌ ಮಾಫಿಯಾ ಸುತ್ತ ಸಾಗುತ್ತದೆ. ಪಾರುಲ್‌ ಯಾದವ್‌ ಈ ಚಿತ್ರದ ನಾಕಿಯಾಗಿದ್ದಾರೆ.
ಏಪ್ರಿಲ್ 13 ರಂದು ಚಿತ್ರ ತೆರೆಗೆ ಬರುತ್ತಿದೆ.

ಇದು ಕಾಮಿಡಿಯ ಕಲ್ಯಾಣ

ಚಿತ್ರ: ನಂಜುಂಡಿ ಕಲ್ಯಾಣ

ನಿರ್ಮಾಣ: ಶಿವಣ್ಣ ದಾಸನಪುರ

ನಿರ್ದೇಶನ: ರಾಜೇಂದ್ರ ಕಾರಂತ್‌

ತಾರಾಬಳಗ: ತನುಷ್‌, ಶ್ರವ್ಯ, ಪದ್ಮಜಾ ರಾವ್‌, ರಾಜೇಂದ್ರ ಕಾರಂತ್‌, ಕುರಿ ಪ್ರತಾಪ್‌.

--------------------------------------------

ನಂಜುಂಡಿ ಕಲ್ಯಾಣ ಅಂದ್ರೆ ಮಾಲಾಶ್ರೀ ಮತ್ತು ರಾಘವೇಂದ್ರ ರಾಜ್‌ಕುಮಾರ್‌ ಜ್ಞಾಪಕ ಬರುತ್ತಾರೆ. ಅದೇ ಹೆಸರನ್ನಿಟ್ಟುಕೊಂಡು ತೆರೆಗೆ ಬಂದಿರುವ ಹೊಸ 'ನಂಜುಂಡಿ ಕಲ್ಯಾಣ'ದಲ್ಲಿ ಅಂತಹ ನೆನಪಿನಲ್ಲಿಟ್ಟುಕೊಳ್ಳುವಂತಹದ್ದು ಏನು ಇಲ್ಲ. ಆದರೆ ಭರ್ಜರಿ ಕಾಮಿಡಿ ಇದೆ.
.

ಶ್ರೀಮಂತ ತಾಯಿಗೆ ತನ್ನ ಮಗನಿಗೆ ದೊಡ್ಡ ಶ್ರೀಮಂತರ ಮನೆಯಿಂದ ಹೆಣ್ಣು ತರಬೇಕು ಎಂಬ ಆಸೆ. ಅದಕ್ಕಾಗಿ ಊರಲ್ಲಿರುವ ಎಲ್ಲ ಹೆಣ್ಣುಮಕ್ಕಳ ಮನೆಗೂ ಹೋಗಿ ಇಷ್ಟವಿಲ್ಲದಿದ್ದರೆ ಅವರನ್ನು ಅವಮಾನಿಸುತ್ತಿರುತ್ತಾಳೆ. ಇದನ್ನು ಕಂಡ ತಂದೆಗೆ ತನ್ನ ಪತ್ನಿಯ ದುರಾಹಂಕಾರವನ್ನು ಇಳಿಸಬೇಕು ಎಂದು ಮಗನಿಗೆ ಹೇಳುತ್ತಾರೆ.

ಇದಕ್ಕಾಗಿ ಮಗ ಒಂದು ಪ್ಲಾನ್‌ ಮಾಡುತ್ತಾನೆ. ತಾಯಿಯನ್ನು ಸರಿದಾರಿಗೆ ತರಲು ಆತ 'ಗೇ' ಒಬ್ಬನನ್ನು ಮದುವೆಯಾಗಿದ್ದೇನೆ ಎಂದು ನಾಟಕವಾಡುತ್ತಾನೆ. ಇದನ್ನು ಆ ತಾಯಿ ಹೇಗೆ ಸ್ವೀಕರಿಸುತ್ತಾಳೆ ಆಮೇಲೆ ಏನಾಗುತ್ತದೆ ಎಂಬುದನ್ನು ಅರಿಯಲು ಸಿನಿಮಾ ನೋಡಬೇಕು.
.

ರಂಗಭೂಮಿಯಲ್ಲಿ ಒಳ್ಳೆ ಹೆಸರು ಮಾಡಿರುವ ನಟ ಕಮ್‌ ನಿರ್ದೇಶಕ ರಾಜೇಂದ್ರ ಕಾರಂತ್‌ ಒಂದು ಸಿಂಪಲ್‌ ಕಥೆಯನ್ನು ಹಾಸ್ಯದ ಮೂಲಕ ಹೇಳಿದ್ದಾರೆ.

ಪ್ರತಿಯೊಂದು ಸನ್ನಿವೇಶದಲ್ಲೂ ಕಾಮಿಡಿ ತುಂಬಿರಬೇಕು ಎಂಬುದು ಅವರ ಉದ್ದೇಶವಾಗಿದೆ, ಅದು ಇಡೀ ಸಿನಿಮಾದಲ್ಲಿ ಕಾಣುತ್ತದೆ. ಇಡೀ ಸಿನಿಮಾವನ್ನು ಕಾಮಿಡಿಗೆ ಮೀಸಲಿಟ್ಟಿರೋ ಕಾರಣ ಇಲ್ಲಿ ಸೆಂಟಿಮೆಂಟ್‌, ಆ್ಯಕ್ಷನ್‌ಗೆ ಅಷ್ಟೊಂದು ಜಾಗವಿಲ್ಲ.
.

ನಂಜುಂಡಿ ಕಲ್ಯಾಣದ ಮೂಲಕ ನಿರ್ದೇಶಕರು ಮನುಷ್ಯನಿಗೆ ಪ್ರೀತಿ ವಿಶ್ವಾವೇ ಮುಖ್ಯ ಎಂಬುದನ್ನು ಹೇಳಿದ್ದಾರೆ. ಇಡೀ ಸಿನಿಮಾದಲ್ಲಿ ಒಂದೊಳ್ಳೆ ಲವ್‌ಸ್ಟೋರಿ ಇದೆ.

ಯುವ ಪ್ರೇಕ್ಷಕರನ್ನು ಉದ್ದೇಶವಾಗಿಟ್ಟುಕೊಂಡೆ ಸಾಕಷ್ಟು ಡಬ್ಬಲ್‌ ಮೀನಿಂಗ್‌ ಡೈಲಾಗ್‌ಗಳನ್ನು ರಚಿಸಿರುವ ಕಾರಣ , ಕೆಲವು ಕಡೆ ಅತಿರೇಕ ಎನಿಸುತ್ತದೆ. ಫ್ಯಾಮಿಲಿ ಒಟ್ಟಿಗೆ ಸಿನಿಮಾ ನೋಡಲು ಸ್ವಲ್ಪ ಮುಜುಗರ ಅನಿಸೋದು ಖಂಡಿತ.
.

ಇಡೀ ಸಿನಿಮಾದಲ್ಲಿ ನಕ್ಕು ನಗಿಸುವುದರಲ್ಲಿ ಯಾವುದೇ ಅನುಮಾನವಿಲ್ಲ. ಸಿನಿಮಾಗೆ ತನುಷ್‌ ಹೀರೋ ಆದರೂ, ಕುರಿ ಪ್ರತಾಪ್‌ ಪಾತ್ರಕ್ಕೆ ಹೆಚ್ಚು ಸ್ಕೋಪ್‌ ಇದೆ ಮತ್ತು ಕುರಿ ಅದನ್ನು ಸಮರ್ಥವಾಗಿ ನಿರ್ವಹಿಸಿದ್ದಾರೆ. ಇನ್ನು ತನುಷ್‌ ಸಹ ತಮ್ಮ ಪಾತ್ರಕ್ಕೆ ಉತ್ತಮವಾಗಿ ನಟಿಸಿದ್ದಾರೆ. ನಾಯಕ ತನುಶ್‌ ಈ ಹಿಂದಿನ ಸಿನಿಮಾಗಳಿಗೆ ಹೋಲಿಸಿದರೆ ನಟನೆಯಲ್ಲಿ ಪಳಗಿದ್ದಾರೆ.

ನಾಯಕಿ ಶ್ರವ್ಯ ಇಲ್ಲಿ ಮುದ್ದಾಗಿ ಕಾಣಿಸುತ್ತಾರೆ. ಕೆಲ ಹಾಡುಗಳಲ್ಲಿ ಸಖತ್‌ ಗ್ಲಾಮರಸ್‌ ಆಗಿ ನಟಿಸುವ ಮೂಲಕ ಅಚ್ಚರಿ ಮೂಡಿಸಿದ್ದಾರೆ. ಉಳಿದಂತೆ ಪದ್ಮಜಾ ರಾವ್‌, ಮಂಜುನಾಥ ಹೆಗಡೆ, ರಾಜೇಂದ್ರ ಕಾರಂತ್‌ ತಮ್ಮ ಪಾತ್ರಕ್ಕೆ ನ್ಯಾಯ ಒದಗಿಸಿದ್ದಾರೆ.
.

#NanjundiKalyana #Cineloka

ಆರ್‌ ಜೆ ರೋಹಿತ್ ಮತ್ತು ರವಿಚಂದ್ರನ್‌ ನಟನೆಯ ಬಕಾಸುರ ಚಿತ್ರ ಇದೇ 27ಕ್ಕೆ ಬಿಡುಗಡೆಯಾಗಲಿದೆ.
ಕರ್ವ ಮೂಲಕ ಗಮನ ಸೆಳೆದಿದ್ದ ನಿರ್ದೇಶಕ ನವನೀತ್‌ 'ಬಕಾಸುರ' ಚಿತ್ರವನ್ನು ನಿರ್ದೇಶನ ಮಾಡಿದ್ದಾರೆ.ದುಡ್ಡಿನ ಹಿಂದೆ ಹೋಗುವ ಮನುಷ್ಯನಿಗೆ ಯಾವ ರೀತಿಯ ತೊಂದರೆಗಳು ಬರುತ್ತವೆ ಎಂಬುದನ್ನು ಚಿತ್ರದಲ್ಲಿ ಹೇಳಲಾಗಿದೆಯಂತೆ. ನಟ ರೋಹಿತ್‌ ತನ್ನ ಸ್ನೇಹಿತರೊಂದಿಗೆ ಸೇರಿಕೊಂಡು ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ.
.
ವಿಶೇಷ ಎಂದರೆ ರವಿಚಂದ್ರನ್‌ ಈ ಚಿತ್ರದಲ್ಲಿ ನೆಗೆಟಿವ್ ಶೇಡ್‌ ಇರುವ ಪಾತ್ರದಲ್ಲಿ ನಟಿಸಿದ್ದಾರೆ. ಗಾಂಧಾರಿ ಸೀರಿಯಲ್‌ ಖ್ಯಾತಿಯ ಕಾವ್ಯ ಗೌಡ ಈ ಚಿತ್ರದ ನಾಯಕಿಯಾಗಿದ್ದಾರೆ.
.
ದುಡ್ಡು ಮನುಷ್ಯನ ಅಲ್ಟಿಮೇಟ್‌ ಗುರಿಯಾಗಬಾರದು, ದುಡ್ಡಿನ ಹಿಂದೆ ಹೋದರೆ ಸಮಾಜದಲ್ಲಿ, ಮನೆಯಲ್ಲಿ ಎಲ್ಲಿಯೂ ಬೆಲೆ ಸಿಗುವುದಿಲ್ಲ ಎಂಬ ಅಂಶವನ್ನು ಕಮರ್ಷಿಯಲ್‌ ಅಂಶಗಳನ್ನು ಇಟ್ಟುಕೊಂಡು ಹೇಳಲಾಗಿದೆ.
 
ಜಯಣ್ಣ ಫಿಲಂಸ್ ವಿತರಣೆ ಮೂಲಕ ಚಿತ್ರ ತೆರೆಗೆ ಬರುತ್ತಿದೆ.
.
#Buckaasuura #Cineloka

 
ಸ್ಯಾಂಡಲ್‌ವುಡ್‌ನಲ್ಲಿ ಇತ್ತೀಚೆಗೆ ಸತ್ಯಕಥೆಗಳನ್ನು ಆಧರಿಸಿದ ಚಿತ್ರಗಳು ಹೆಚ್ಚಾಗಿ ತೆರೆಗೆ ಬರುತ್ತಿವೆ. ಇದೀಗ ಅದೇ ಸಾಲಿನಲ್ಲಿ 'ಎಟಿಎಂ' ಚಿತ್ರ ಕೂಡಾ ಸೇರುತ್ತದೆ. ಈ ಚಿತ್ರದ ಇದೇ 20 ಕ್ಕೆ ಬಿಡುಗಡೆಯಾಗಲಿದೆ.
.
ಅಮರ್‌ ನಿರ್ದೇಶನದಲ್ಲಿ ಮೂಡಿಬಂದಿರುವ ಈ ಚಿತ್ರದಲ್ಲಿ ನಿರ್ದೇಶಕರು ಸತ್ಯಕಥೆಯನ್ನು ಆಧರಿಸಿ ಸಿನಿಮಾ ಮಾಡಿದ್ದಾರೆ. ಈಗಾಗಲೇ ಬಿಡುಗಡೆಯಾಗಿರುವ ಟ್ರೇಲರ್‌ ಮತ್ತು ಹಾಡುಗಳು ಜನರನ್ನು ಸೆಳೆದಿದೆ.
.
ಕೆಲವು ವರ್ಷಗಳ ಹಿಂದೆ ಹಿಂದೆ ಬೆಂಗಳೂರಿನ ಕಾಪೋರೇಷನ್‌ ವೃತ್ತದಲ್ಲಿನ ಎಟಿಎಂ ಒಂದರಲ್ಲಿ ಮಹಿಳೆಯ ಮೇಲೆ ಮಾರಣಾಂತಿಕವಾದ ಹಲ್ಲೆ ನಡೆದು ದೇಶದ ಗಮನ ಸೆಳೆದಿತ್ತು. ಇದೇ ಘಟನೆಯನ್ನು ಆಧರಿಸಿ ಈ ಚಿತ್ರವನ್ನು ಕಮರ್ಷಿಯಲ್‌ ಅಂಶಗಳನ್ನು ತುಂಬಿ ನಿರ್ಮಾಣ ಮಾಡಲಾಗಿದೆ.
.
ಇದು ಒಂದು ಕ್ರೈಂ ಓರಿಯಂಟೆಡ್ ಚಿತ್ರ ಎಂಬಂತೆ ಕಂಡರೂ ಈ ಚಿತ್ರದಲ್ಲೆಲ್ಲೂ ಕೊಲೆಗಳನ್ನು ವೈಭವೀಕರಿಸಿಲ್ಲವಂತೆ. ಈ ನೈಜ ಘಟನೆಗೆ ಸಿನಿಮಾ ಟಚ್‌ ನೀಡಿದ್ದಾರೆ ನಿರ್ದೇಶಕ ಅಮರ್‌. ವಿನಯ್ ಈ ಚಿತ್ರದ ಮೂಲಕ ನಾಯಕರಾಗಿ ನಟಿಸುತ್ತಿದ್ದಾರೆ. ಚಂದು ಗೌಡ, ಶೋಭಿತಾ, ಆ್ಯಂಕರ್‌ ಹೇಮಾ ಸೇರಿದಂತೆ ಸಾಕಷ್ಟು ಮಂದಿ ನಟಿಸಿದ್ದಾರೆ.
.
#AttemptToMurder #Cineloka

ರಾಘವೇಂದ್ರ ರಾಜ್‌ಕುಮಾರ್‌ ನಾಯಕರಾಗಿದ್ದ ಹಳೇ ನಂಜುಂಡಿ ಕಲ್ಯಾಣದಲ್ಲಿ ಮದುವೆಯ ಬಗೆಗಿನ ಸರ್ಕಸ್‌ ನಡೆಯುತ್ತದೆ, ಈ ವಾರ ಬಿಡುಗಡೆಯಾಗುತ್ತಿರುವ ನಂಜುಂಡಿ ಕಲ್ಯಾಣದಲ್ಲಿಯೂ ಮದುವೆ ಬಗೆಗಿನ ಸರ್ಕಸ್‌ ನಡೆಯುತ್ತದೆ.

 

ತಾನು ಇಷ್ಟಪಟ್ಟವರ ಜತೆ ಮದುವೆಯಾಗಲು ಸಿನಿಮಾದ ನಾಯಕ ಮಾಡುವ ನಾನಾ ವಿಧದ ಸರ್ಕಸ್ಸೇ ಈ ಚಿತ್ರದ ಕಥೆ. ಬಹಳ ಗಂಭೀರ ವಿಷಯವನ್ನು ಈ ಚಿತ್ರದಲ್ಲಿ ಹಾಸ್ಯದೊಂದಿಗೆ ಹೇಳಲಾಗಿದೆ. ಈ ಕಾರಣಕ್ಕಾಗಿ ಚಿತ್ರ ಎಲ್ಲ ವರ್ಗದ ಪ್ರೇಕ್ಷಕರಿಗೂ ಇಷ್ಟವಾಗಲಿದೆ.

 

 ಸಲಿಂಗಿಗಳು ಮದುವೆಯಾಗುವುದು ನಮ್ಮ ದೇಶದಲ್ಲಿ ನಡೆಯುವುದು ಬಹಳ ಕಡಿಮೆ. ಆದರೆ ವಿದೇಶದಲ್ಲಿ ಇದೆಲ್ಲ ಕಾಮನ್‌, ಹೀಗೆ ವಿದೇಶದಲ್ಲಿ ಸಲಿಂಗಿಯನ್ನು ಮದುವೆಯಾಗಿ ಬಂದು ನಮ್ಮ ದೇಶದಲ್ಲಿ ಏನು ಕಷ್ಟ ಪಡುತ್ತಾನೆ ಎನ್ನುವುದನ್ನು ಚಿತ್ರದಲ್ಲಿನಿರ್ದೇಶಕರು ಹೇಳಿದ್ದಾರೆ. ನಿರ್ದೇಶಕರಿಗೆ ಈ ಸಿನಿಮಾವನ್ನು ನಮ್ಮ ಜನ ಹೇಗೆ ತೆಗೆದುಕೊಳ್ಳುತ್ತಾರೆ ಎಂಬುದೇ ಕುತೂಹಲವಾಗಿದೆಯಂತೆ. ಈ ಚಿತ್ರದಲ್ಲಿ ಎಲ್ಲ ಕಮರ್ಷಿಯಲ್‌ ಅಂಶಗಳು ಇವೆ.

  

ಮಡಮಕ್ಕಿ ಖ್ಯಾತಿಯ ತನುಷ್‌ ಶಿವಣ್ಣ ಚಿತ್ರದ ನಾಯಕ. ಮೊದಲ ಬಾರಿಗೆ ಅವರು ಹೊಸರೀತಿಯ ಪಾತ್ರವನ್ನು ಮಾಡಿದ್ದಾರೆ. ಶ್ರವ್ಯ ನಾಯಕಿಯಾಗಿ ಕಾಣಿಸಿಕೊಂಡಿದ್ದು, ಕುರಿ ಪ್ರತಾಪ್‌ ಗೇ ಪಾತ್ರ ನಿರ್ವಹಿಸಿದ್ದಾರೆ. 

Page 7 of 24

Amma ILU Reease Gif

KK Gif Release

ad free

ರಿಯಲ್ ಸ್ಟಾರ್ ಉಪೇಂದ್ರ ರಾಜ್ಯ ರಾಜಕೀಯದಲ್ಲಿ ಯಾವ ಪಕ್ಷ ಸೇರಬೇಕು.?
  • Votes: (0%)
  • Votes: (0%)
  • Votes: (0%)
  • Votes: (0%)
  • Votes: (0%)
Total Votes:
First Vote:
Last Vote:
Go to top