IB anigif

Ayugya Gif

adweb

udgharsha

 
ಹಾರರ್‌ ಸಿನಿಮಾಗಳಲ್ಲಿ ದೆವ್ವ ಚಿತ್ರದ ಪಾತ್ರದಾರಿಗಳಿಗೆ ಕಾಟ ಕೊಡುವುದು ಎಲ್ಲ ಸಿನಿಮಾಗಳಲ್ಲಿಯೂ ಬರುತ್ತದೆ. ಅದು ಟ್ರಂಕ್‌ನಲ್ಲಿಯೂ ಮರುಕಳಿಸಿದೆ. ಆದರೆ ಟ್ರಂಕ್‌ ಹಾರರ್‌ ಕಥೆಗೆ ಸೆಂಟಿಮೆಂಟ್‌ ಅಂಶಗಳನ್ನು ಬೆರಸಿ ಒಂದಷ್ಟು ಇಷ್ಟವಾಗುವಂತೆ ಮಾಡಿದ್ದಾರೆ.
.
ತನ್ನ ಸುತ್ತ ಆತ್ಮವೊಂದು ಓಡಾಡುತ್ತಿದೆ, ಎಂಬುದರ ಅರಿವು ನಾಯಕನಿಗೆ ಬರುತ್ತದೆ, ಇದೇ ಅನುಭವ ಆತನ ತಾಯಿಗೂ ಆಗಿರುತ್ತದೆ ಹಾಗಾಗಿ ಆತ ಮನೆಗೆ ರಿಯಲ್‌ ಗೋಸ್ಟ್‌ ಹಂಟರ್‌ಗಳನ್ನು ಕರೆತಂದು ಆತ್ಮದ ಹುಡುಕಾಟಕ್ಕೆ ಸಿದ್ಧವಾಗುತ್ತಾನೆ.
ರಿಯಲ್‌ ಗೋಸ್ಟ್‌ ಹಂಟರ್‌ಗಳು ಬಂದು ಆತ್ಮವನ್ನು ಹುಡುಕುತ್ತಾರೆ. ಆ ಆತ್ಮದಿಂದ ಏನಾದರೂ ಸಮಸ್ಯೆ ಆಗುತ್ತಾದ ಎಂಬುದು ಚಿತ್ರದ ಕಥೆ. ಆತ್ಮದಿಂದ ಸಮಸ್ಯೆಗೆ ಸಿಲುಕುವ ಸಾಕಷ್ಟು ಸಿನಿಮಾಗಳು ಬಂದಿವೆ, ಅವೆಲ್ಲವೂ ಒಂದೇ ಫಾರ್ಮ್ಯಾಟ್‌, ಟ್ರಂಕ್‌ ಕೂಡಾ ಆ ವಿಚಾರದಲ್ಲಿ ಅದೇ ಸಾಲಿಗೆ ಸೇರುತ್ತದೆ. ಆದರೆ ಈ ಸಿನಿಮಾದ ಪರಿಸರ ಮಾತ್ರ ಬೇರೆ ಅಷ್ಟೇ.
.
ಬಹುತೇಕ ಹಾರರ್‌ ಸಿನಿಮಾಗಳಂತೆ ಈ ಚಿತ್ರದಲ್ಲಿಯೂ ಮೊದಲರ್ಧ ವೀಕು, ದ್ವಿತಿಯಾರ್ಧ ಸಸ್ಪೆನ್ಸ್ ಗೆ ಬ್ರೇಕು ಎಂಬಂತೆ ಫಸ್ಟ್‌ ಆಫ್‌ನಲ್ಲಿ ಪ್ರೇಕ್ಷಕನಿಗೆ ಏನನ್ನು ಹೇಳದೆ, ಎಲ್ಲವನ್ನು ಸೆಕೆಂಡ್‌ ಆಫ್‌ನಲ್ಲಿ ರಿವೀಲ್‌ ಮಾಡುತ್ತಾ ಹೋಗುತ್ತಾರೆ.
.
ಟ್ರಂಕ್‌ ಸಿನಿಮಾದಲ್ಲಿ ಹಿನ್ನೆಲೆ ಸಂಗೀತ ಮತ್ತು ಸಿನಿಮಾಟೋಗ್ರಫರ್‌ ಮಾಡಿಕೊಂಡಿರುವ ಲೈಟಿಂಗ್‌ ಗಮನ ಸೆಳೆಯುತ್ತದೆ. ಈ ಸಿನಿಮಾದಲ್ಲಿ ಹಾರರ್‌ ಜತೆ ಸಹೋದರ-ಸಹೋದರಿಯ ಬಾಂಧವ್ಯದ ಕಥೆಯೂ ಇದೆ. ನಿರ್ದೇಶಕಿ ರಿಶಿಕಾ ಫ್ಲ್ಯಾಶ್‌ ಬ್ಯಾಕ್‌ನ್ನು ಬಹಳ ಪರಿಣಾಮಕಾರಿಯಾಗಿ ಬಳಸಿಕೊಂಡಿದ್ದಾರೆ. ಹಾರರ್‌ ಕಥೆಯಲ್ಲೂ ಸೆಂಟಿಮೆಂಟ್‌ ಬೆರೆಸಿ, ಒಂದಷ್ಟು ಹೊತ್ತು ಮನಮಿಡಿಯುವಂತೆ ಮಾಡಲಾಗಿದೆ. ಆದರೆ ಕ್ಲೈಮ್ಯಾಕ್ಸ್‌ನ್ನು ಫೇಲವ ಗೊಳಿಸಿದ್ದು ಮಾತ್ರ ನೋಡುಗನಿಗೆ ನಿರಾಸೆ ಆಗುತ್ತದೆ. ಟ್ರಂಕ್‌ ಸಿನಿಮಾ ಟೆಕ್ನಿಕಲಿ ಬಹಳ ಚೆನ್ನಾಗಿದೆ.
.
ನಿಹಾಲ್‌, ವೈಶಾಲಿ ದೀಪಕ್‌ ಇಬ್ಬರು ಭರವಸೆಯ ನಟ ನಟಿಯರಾಗಿ ಹೊರ ಹೊಮ್ಮಿದ್ದಾರೆ. ಅರುಣಾ ಬಾಲರಾಜ್‌, ಸುಂದರಶ್ರೀ ತಮಗೆ ಕೊಟ್ಟ ಕೆಲಸವನ್ನು ಅಚ್ಚುಕಟ್ಟಾಗಿ ಮಾಡಿದ್ದಾರೆ.
ಹಾರರ್‌ ಸಿನಿಮಾವನ್ನು ನೋಡಲು ಇಷ್ಟಪಡುವವರು ಟ್ರಂಕ್‌ ಸಿನಿಮಾವನ್ನೊಮ್ಮೆ ನೋಡಬಹುದು.
.
ರೇಟಿಂಗ್ - 3.25/5.
#TRUNK #Cineloka

na anigif

aaadi nigif

ad free

ರಿಯಲ್ ಸ್ಟಾರ್ ಉಪೇಂದ್ರ ರಾಜ್ಯ ರಾಜಕೀಯದಲ್ಲಿ ಯಾವ ಪಕ್ಷ ಸೇರಬೇಕು.?
  • Votes: (0%)
  • Votes: (0%)
  • Votes: (0%)
  • Votes: (0%)
  • Votes: (0%)
Total Votes:
First Vote:
Last Vote:
Go to top