DKD Gif

Ayugya Gif

adweb

Raambo 2 gIF

ಇದು ಕಾಮಿಡಿಯ ಕಲ್ಯಾಣ

ಚಿತ್ರ: ನಂಜುಂಡಿ ಕಲ್ಯಾಣ

ನಿರ್ಮಾಣ: ಶಿವಣ್ಣ ದಾಸನಪುರ

ನಿರ್ದೇಶನ: ರಾಜೇಂದ್ರ ಕಾರಂತ್‌

ತಾರಾಬಳಗ: ತನುಷ್‌, ಶ್ರವ್ಯ, ಪದ್ಮಜಾ ರಾವ್‌, ರಾಜೇಂದ್ರ ಕಾರಂತ್‌, ಕುರಿ ಪ್ರತಾಪ್‌.

--------------------------------------------

ನಂಜುಂಡಿ ಕಲ್ಯಾಣ ಅಂದ್ರೆ ಮಾಲಾಶ್ರೀ ಮತ್ತು ರಾಘವೇಂದ್ರ ರಾಜ್‌ಕುಮಾರ್‌ ಜ್ಞಾಪಕ ಬರುತ್ತಾರೆ. ಅದೇ ಹೆಸರನ್ನಿಟ್ಟುಕೊಂಡು ತೆರೆಗೆ ಬಂದಿರುವ ಹೊಸ 'ನಂಜುಂಡಿ ಕಲ್ಯಾಣ'ದಲ್ಲಿ ಅಂತಹ ನೆನಪಿನಲ್ಲಿಟ್ಟುಕೊಳ್ಳುವಂತಹದ್ದು ಏನು ಇಲ್ಲ. ಆದರೆ ಭರ್ಜರಿ ಕಾಮಿಡಿ ಇದೆ.
.

ಶ್ರೀಮಂತ ತಾಯಿಗೆ ತನ್ನ ಮಗನಿಗೆ ದೊಡ್ಡ ಶ್ರೀಮಂತರ ಮನೆಯಿಂದ ಹೆಣ್ಣು ತರಬೇಕು ಎಂಬ ಆಸೆ. ಅದಕ್ಕಾಗಿ ಊರಲ್ಲಿರುವ ಎಲ್ಲ ಹೆಣ್ಣುಮಕ್ಕಳ ಮನೆಗೂ ಹೋಗಿ ಇಷ್ಟವಿಲ್ಲದಿದ್ದರೆ ಅವರನ್ನು ಅವಮಾನಿಸುತ್ತಿರುತ್ತಾಳೆ. ಇದನ್ನು ಕಂಡ ತಂದೆಗೆ ತನ್ನ ಪತ್ನಿಯ ದುರಾಹಂಕಾರವನ್ನು ಇಳಿಸಬೇಕು ಎಂದು ಮಗನಿಗೆ ಹೇಳುತ್ತಾರೆ.

ಇದಕ್ಕಾಗಿ ಮಗ ಒಂದು ಪ್ಲಾನ್‌ ಮಾಡುತ್ತಾನೆ. ತಾಯಿಯನ್ನು ಸರಿದಾರಿಗೆ ತರಲು ಆತ 'ಗೇ' ಒಬ್ಬನನ್ನು ಮದುವೆಯಾಗಿದ್ದೇನೆ ಎಂದು ನಾಟಕವಾಡುತ್ತಾನೆ. ಇದನ್ನು ಆ ತಾಯಿ ಹೇಗೆ ಸ್ವೀಕರಿಸುತ್ತಾಳೆ ಆಮೇಲೆ ಏನಾಗುತ್ತದೆ ಎಂಬುದನ್ನು ಅರಿಯಲು ಸಿನಿಮಾ ನೋಡಬೇಕು.
.

ರಂಗಭೂಮಿಯಲ್ಲಿ ಒಳ್ಳೆ ಹೆಸರು ಮಾಡಿರುವ ನಟ ಕಮ್‌ ನಿರ್ದೇಶಕ ರಾಜೇಂದ್ರ ಕಾರಂತ್‌ ಒಂದು ಸಿಂಪಲ್‌ ಕಥೆಯನ್ನು ಹಾಸ್ಯದ ಮೂಲಕ ಹೇಳಿದ್ದಾರೆ.

ಪ್ರತಿಯೊಂದು ಸನ್ನಿವೇಶದಲ್ಲೂ ಕಾಮಿಡಿ ತುಂಬಿರಬೇಕು ಎಂಬುದು ಅವರ ಉದ್ದೇಶವಾಗಿದೆ, ಅದು ಇಡೀ ಸಿನಿಮಾದಲ್ಲಿ ಕಾಣುತ್ತದೆ. ಇಡೀ ಸಿನಿಮಾವನ್ನು ಕಾಮಿಡಿಗೆ ಮೀಸಲಿಟ್ಟಿರೋ ಕಾರಣ ಇಲ್ಲಿ ಸೆಂಟಿಮೆಂಟ್‌, ಆ್ಯಕ್ಷನ್‌ಗೆ ಅಷ್ಟೊಂದು ಜಾಗವಿಲ್ಲ.
.

ನಂಜುಂಡಿ ಕಲ್ಯಾಣದ ಮೂಲಕ ನಿರ್ದೇಶಕರು ಮನುಷ್ಯನಿಗೆ ಪ್ರೀತಿ ವಿಶ್ವಾವೇ ಮುಖ್ಯ ಎಂಬುದನ್ನು ಹೇಳಿದ್ದಾರೆ. ಇಡೀ ಸಿನಿಮಾದಲ್ಲಿ ಒಂದೊಳ್ಳೆ ಲವ್‌ಸ್ಟೋರಿ ಇದೆ.

ಯುವ ಪ್ರೇಕ್ಷಕರನ್ನು ಉದ್ದೇಶವಾಗಿಟ್ಟುಕೊಂಡೆ ಸಾಕಷ್ಟು ಡಬ್ಬಲ್‌ ಮೀನಿಂಗ್‌ ಡೈಲಾಗ್‌ಗಳನ್ನು ರಚಿಸಿರುವ ಕಾರಣ , ಕೆಲವು ಕಡೆ ಅತಿರೇಕ ಎನಿಸುತ್ತದೆ. ಫ್ಯಾಮಿಲಿ ಒಟ್ಟಿಗೆ ಸಿನಿಮಾ ನೋಡಲು ಸ್ವಲ್ಪ ಮುಜುಗರ ಅನಿಸೋದು ಖಂಡಿತ.
.

ಇಡೀ ಸಿನಿಮಾದಲ್ಲಿ ನಕ್ಕು ನಗಿಸುವುದರಲ್ಲಿ ಯಾವುದೇ ಅನುಮಾನವಿಲ್ಲ. ಸಿನಿಮಾಗೆ ತನುಷ್‌ ಹೀರೋ ಆದರೂ, ಕುರಿ ಪ್ರತಾಪ್‌ ಪಾತ್ರಕ್ಕೆ ಹೆಚ್ಚು ಸ್ಕೋಪ್‌ ಇದೆ ಮತ್ತು ಕುರಿ ಅದನ್ನು ಸಮರ್ಥವಾಗಿ ನಿರ್ವಹಿಸಿದ್ದಾರೆ. ಇನ್ನು ತನುಷ್‌ ಸಹ ತಮ್ಮ ಪಾತ್ರಕ್ಕೆ ಉತ್ತಮವಾಗಿ ನಟಿಸಿದ್ದಾರೆ. ನಾಯಕ ತನುಶ್‌ ಈ ಹಿಂದಿನ ಸಿನಿಮಾಗಳಿಗೆ ಹೋಲಿಸಿದರೆ ನಟನೆಯಲ್ಲಿ ಪಳಗಿದ್ದಾರೆ.

ನಾಯಕಿ ಶ್ರವ್ಯ ಇಲ್ಲಿ ಮುದ್ದಾಗಿ ಕಾಣಿಸುತ್ತಾರೆ. ಕೆಲ ಹಾಡುಗಳಲ್ಲಿ ಸಖತ್‌ ಗ್ಲಾಮರಸ್‌ ಆಗಿ ನಟಿಸುವ ಮೂಲಕ ಅಚ್ಚರಿ ಮೂಡಿಸಿದ್ದಾರೆ. ಉಳಿದಂತೆ ಪದ್ಮಜಾ ರಾವ್‌, ಮಂಜುನಾಥ ಹೆಗಡೆ, ರಾಜೇಂದ್ರ ಕಾರಂತ್‌ ತಮ್ಮ ಪಾತ್ರಕ್ಕೆ ನ್ಯಾಯ ಒದಗಿಸಿದ್ದಾರೆ.
.

#NanjundiKalyana #Cineloka

ಆರ್‌ ಜೆ ರೋಹಿತ್ ಮತ್ತು ರವಿಚಂದ್ರನ್‌ ನಟನೆಯ ಬಕಾಸುರ ಚಿತ್ರ ಇದೇ 27ಕ್ಕೆ ಬಿಡುಗಡೆಯಾಗಲಿದೆ.
ಕರ್ವ ಮೂಲಕ ಗಮನ ಸೆಳೆದಿದ್ದ ನಿರ್ದೇಶಕ ನವನೀತ್‌ 'ಬಕಾಸುರ' ಚಿತ್ರವನ್ನು ನಿರ್ದೇಶನ ಮಾಡಿದ್ದಾರೆ.ದುಡ್ಡಿನ ಹಿಂದೆ ಹೋಗುವ ಮನುಷ್ಯನಿಗೆ ಯಾವ ರೀತಿಯ ತೊಂದರೆಗಳು ಬರುತ್ತವೆ ಎಂಬುದನ್ನು ಚಿತ್ರದಲ್ಲಿ ಹೇಳಲಾಗಿದೆಯಂತೆ. ನಟ ರೋಹಿತ್‌ ತನ್ನ ಸ್ನೇಹಿತರೊಂದಿಗೆ ಸೇರಿಕೊಂಡು ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ.
.
ವಿಶೇಷ ಎಂದರೆ ರವಿಚಂದ್ರನ್‌ ಈ ಚಿತ್ರದಲ್ಲಿ ನೆಗೆಟಿವ್ ಶೇಡ್‌ ಇರುವ ಪಾತ್ರದಲ್ಲಿ ನಟಿಸಿದ್ದಾರೆ. ಗಾಂಧಾರಿ ಸೀರಿಯಲ್‌ ಖ್ಯಾತಿಯ ಕಾವ್ಯ ಗೌಡ ಈ ಚಿತ್ರದ ನಾಯಕಿಯಾಗಿದ್ದಾರೆ.
.
ದುಡ್ಡು ಮನುಷ್ಯನ ಅಲ್ಟಿಮೇಟ್‌ ಗುರಿಯಾಗಬಾರದು, ದುಡ್ಡಿನ ಹಿಂದೆ ಹೋದರೆ ಸಮಾಜದಲ್ಲಿ, ಮನೆಯಲ್ಲಿ ಎಲ್ಲಿಯೂ ಬೆಲೆ ಸಿಗುವುದಿಲ್ಲ ಎಂಬ ಅಂಶವನ್ನು ಕಮರ್ಷಿಯಲ್‌ ಅಂಶಗಳನ್ನು ಇಟ್ಟುಕೊಂಡು ಹೇಳಲಾಗಿದೆ.
 
ಜಯಣ್ಣ ಫಿಲಂಸ್ ವಿತರಣೆ ಮೂಲಕ ಚಿತ್ರ ತೆರೆಗೆ ಬರುತ್ತಿದೆ.
.
#Buckaasuura #Cineloka

 
ಸ್ಯಾಂಡಲ್‌ವುಡ್‌ನಲ್ಲಿ ಇತ್ತೀಚೆಗೆ ಸತ್ಯಕಥೆಗಳನ್ನು ಆಧರಿಸಿದ ಚಿತ್ರಗಳು ಹೆಚ್ಚಾಗಿ ತೆರೆಗೆ ಬರುತ್ತಿವೆ. ಇದೀಗ ಅದೇ ಸಾಲಿನಲ್ಲಿ 'ಎಟಿಎಂ' ಚಿತ್ರ ಕೂಡಾ ಸೇರುತ್ತದೆ. ಈ ಚಿತ್ರದ ಇದೇ 20 ಕ್ಕೆ ಬಿಡುಗಡೆಯಾಗಲಿದೆ.
.
ಅಮರ್‌ ನಿರ್ದೇಶನದಲ್ಲಿ ಮೂಡಿಬಂದಿರುವ ಈ ಚಿತ್ರದಲ್ಲಿ ನಿರ್ದೇಶಕರು ಸತ್ಯಕಥೆಯನ್ನು ಆಧರಿಸಿ ಸಿನಿಮಾ ಮಾಡಿದ್ದಾರೆ. ಈಗಾಗಲೇ ಬಿಡುಗಡೆಯಾಗಿರುವ ಟ್ರೇಲರ್‌ ಮತ್ತು ಹಾಡುಗಳು ಜನರನ್ನು ಸೆಳೆದಿದೆ.
.
ಕೆಲವು ವರ್ಷಗಳ ಹಿಂದೆ ಹಿಂದೆ ಬೆಂಗಳೂರಿನ ಕಾಪೋರೇಷನ್‌ ವೃತ್ತದಲ್ಲಿನ ಎಟಿಎಂ ಒಂದರಲ್ಲಿ ಮಹಿಳೆಯ ಮೇಲೆ ಮಾರಣಾಂತಿಕವಾದ ಹಲ್ಲೆ ನಡೆದು ದೇಶದ ಗಮನ ಸೆಳೆದಿತ್ತು. ಇದೇ ಘಟನೆಯನ್ನು ಆಧರಿಸಿ ಈ ಚಿತ್ರವನ್ನು ಕಮರ್ಷಿಯಲ್‌ ಅಂಶಗಳನ್ನು ತುಂಬಿ ನಿರ್ಮಾಣ ಮಾಡಲಾಗಿದೆ.
.
ಇದು ಒಂದು ಕ್ರೈಂ ಓರಿಯಂಟೆಡ್ ಚಿತ್ರ ಎಂಬಂತೆ ಕಂಡರೂ ಈ ಚಿತ್ರದಲ್ಲೆಲ್ಲೂ ಕೊಲೆಗಳನ್ನು ವೈಭವೀಕರಿಸಿಲ್ಲವಂತೆ. ಈ ನೈಜ ಘಟನೆಗೆ ಸಿನಿಮಾ ಟಚ್‌ ನೀಡಿದ್ದಾರೆ ನಿರ್ದೇಶಕ ಅಮರ್‌. ವಿನಯ್ ಈ ಚಿತ್ರದ ಮೂಲಕ ನಾಯಕರಾಗಿ ನಟಿಸುತ್ತಿದ್ದಾರೆ. ಚಂದು ಗೌಡ, ಶೋಭಿತಾ, ಆ್ಯಂಕರ್‌ ಹೇಮಾ ಸೇರಿದಂತೆ ಸಾಕಷ್ಟು ಮಂದಿ ನಟಿಸಿದ್ದಾರೆ.
.
#AttemptToMurder #Cineloka

ರಾಘವೇಂದ್ರ ರಾಜ್‌ಕುಮಾರ್‌ ನಾಯಕರಾಗಿದ್ದ ಹಳೇ ನಂಜುಂಡಿ ಕಲ್ಯಾಣದಲ್ಲಿ ಮದುವೆಯ ಬಗೆಗಿನ ಸರ್ಕಸ್‌ ನಡೆಯುತ್ತದೆ, ಈ ವಾರ ಬಿಡುಗಡೆಯಾಗುತ್ತಿರುವ ನಂಜುಂಡಿ ಕಲ್ಯಾಣದಲ್ಲಿಯೂ ಮದುವೆ ಬಗೆಗಿನ ಸರ್ಕಸ್‌ ನಡೆಯುತ್ತದೆ.

 

ತಾನು ಇಷ್ಟಪಟ್ಟವರ ಜತೆ ಮದುವೆಯಾಗಲು ಸಿನಿಮಾದ ನಾಯಕ ಮಾಡುವ ನಾನಾ ವಿಧದ ಸರ್ಕಸ್ಸೇ ಈ ಚಿತ್ರದ ಕಥೆ. ಬಹಳ ಗಂಭೀರ ವಿಷಯವನ್ನು ಈ ಚಿತ್ರದಲ್ಲಿ ಹಾಸ್ಯದೊಂದಿಗೆ ಹೇಳಲಾಗಿದೆ. ಈ ಕಾರಣಕ್ಕಾಗಿ ಚಿತ್ರ ಎಲ್ಲ ವರ್ಗದ ಪ್ರೇಕ್ಷಕರಿಗೂ ಇಷ್ಟವಾಗಲಿದೆ.

 

 ಸಲಿಂಗಿಗಳು ಮದುವೆಯಾಗುವುದು ನಮ್ಮ ದೇಶದಲ್ಲಿ ನಡೆಯುವುದು ಬಹಳ ಕಡಿಮೆ. ಆದರೆ ವಿದೇಶದಲ್ಲಿ ಇದೆಲ್ಲ ಕಾಮನ್‌, ಹೀಗೆ ವಿದೇಶದಲ್ಲಿ ಸಲಿಂಗಿಯನ್ನು ಮದುವೆಯಾಗಿ ಬಂದು ನಮ್ಮ ದೇಶದಲ್ಲಿ ಏನು ಕಷ್ಟ ಪಡುತ್ತಾನೆ ಎನ್ನುವುದನ್ನು ಚಿತ್ರದಲ್ಲಿನಿರ್ದೇಶಕರು ಹೇಳಿದ್ದಾರೆ. ನಿರ್ದೇಶಕರಿಗೆ ಈ ಸಿನಿಮಾವನ್ನು ನಮ್ಮ ಜನ ಹೇಗೆ ತೆಗೆದುಕೊಳ್ಳುತ್ತಾರೆ ಎಂಬುದೇ ಕುತೂಹಲವಾಗಿದೆಯಂತೆ. ಈ ಚಿತ್ರದಲ್ಲಿ ಎಲ್ಲ ಕಮರ್ಷಿಯಲ್‌ ಅಂಶಗಳು ಇವೆ.

  

ಮಡಮಕ್ಕಿ ಖ್ಯಾತಿಯ ತನುಷ್‌ ಶಿವಣ್ಣ ಚಿತ್ರದ ನಾಯಕ. ಮೊದಲ ಬಾರಿಗೆ ಅವರು ಹೊಸರೀತಿಯ ಪಾತ್ರವನ್ನು ಮಾಡಿದ್ದಾರೆ. ಶ್ರವ್ಯ ನಾಯಕಿಯಾಗಿ ಕಾಣಿಸಿಕೊಂಡಿದ್ದು, ಕುರಿ ಪ್ರತಾಪ್‌ ಗೇ ಪಾತ್ರ ನಿರ್ವಹಿಸಿದ್ದಾರೆ. 

 
ಕಿಚ್ಚ ಸುದೀಪ್‌ ಅವರ ಸಿನಿಮಾ ಕೆರಿಯರ್‌ಗೆ ದೊಡ್ಡ ಬ್ರೇಕ್‌ ನೀಡಿದ್ದು 'ಹುಚ್ಚ' ಚಿತ್ರ. ಈಗ 'ಹುಚ್ಚ-2' ಚಿತ್ರ ಇದೇ 6 ರಂದು ಬಿಡುಗಡೆಯಾಗುತ್ತಿದೆ.
ಡಾರ್ಲಿಂಗ್‌ ಸಿನಿಮಾ ಮೂಲಕ ಫೇಮಸ್‌ ಆಗಿದ್ದ ಕೃಷ್ಣ 'ಹುಚ್ಚ-2'ನಲ್ಲಿ ಹುಚ್ಚನಾಗಿದ್ದಾರೆ. ಹಿಂದೆ ಸುದೀಪ್‌ ಅವರ 'ಹುಚ್ಚ' ಸಿನಿಮಾವನ್ನು ನಿರ್ದೇಶನ ಮಾಡಿದ್ದ ಓಂಪ್ರಕಾಶ್‌ ರಾವ್‌ 'ಹುಚ್ಚ-2' ಚಿತ್ರವನ್ನು ಡೈರೆಕ್ಟ್ ಮಾಡಿದ್ದಾರೆ.
ಇದೊಂದು ಪಕ್ಕಾ ಅಕ್ಷ್ಯನ್ ಥ್ರಿಲ್ಲರ್‌ ಚಿತ್ರವಾಗಿದ್ದು, ಕೃಷ್ಣ ಅವರ ಡಿಫ್ರೆಂಟ್‌ ಲುಕ್‌ ಎಲ್ಲರಿಗೂ ಇಷ್ಟವಾಗಿದೆ.
ಡಾರ್ಲಿಂಗ್‌ ಕೃಷ್ಣನ ಜೋಡಿಯಾಗಿ ಶ್ರಾವ್ಯ ರಾವ್‌ ಅಭಿನಯಿಸಿದ್ದು, ವಿಶೇಷ ಪಾತ್ರದಲ್ಲಿ ಸಾಯಿ ಕುಮಾರ್‌ ಕಾಣಿಸಿಕೊಂಡಿದ್ದಾರೆ. ಇನ್ನುಳಿದಂತೆ ಮಾಳವಿಕಾ ಅವಿನಾಶ್‌ ನಾಯಕನ ತಾಯಿ ಪಾತ್ರದಲ್ಲಿ ಮಿಂಚಿದ್ದಾರೆ. ಅವಿನಾಶ್‌, ಓಂ ಪ್ರಕಾಶ್‌ ರಾವ್‌ ಸೇರಿದಂತೆ ಹಲವರು ಅಭಿನಯಿಸಿದ್ದಾರೆ.
ರೇಣುಕಾ ಮೂವೀಸ್‌ ಮೇಕರ್ಸ್‌ ಬ್ಯಾನರ್‌ನಡಿ ಉಮೇಶ್‌ ರೆಡ್ಡಿ ಎಂಬುವವರು ಈ ಚಿತ್ರವನ್ನ ನಿರ್ಮಾಣ ಮಾಡಿದ್ದಾರೆ. ಈ ಸಿನಿಮಾದ ಹಾಡುಗಳಿಗೆ ಅನೂಪ್‌ ಸೀಳಿನ್‌ ಸಂಗೀತ ಸಂಯೋಜಿಸಿದ್ದಾರೆ.
#Huccha2 #Cineloka
ಸ್ಯಾಂಡಲ್‌ವುಡ್‌ನ ಹಿರಿಯ ನಿರ್ದೇಶಕ ಎನ್‌ ಓಂಪ್ರಕಾಶ್‌ ರಾವ್‌ 50ರ ಮೈಲಿಗಲ್ಲಿನಲ್ಲಿದ್ದು, ತಾವು ನಿರ್ದೇಶನ ಮಾಡಲಿರುವ 50 ನೇ ಚಿತ್ರದಲ್ಲಿ ಹ್ಯಾಟ್ರಿಕ್ ಹೀರೊ ಡಾ.ಶಿವರಾಜ್‌ಕುಮಾರ್‌ ನಟಿಸುತ್ತಾರೆ ಎಂದು ಹೇಳಿದ್ದಾರೆ.
.
ಅಲ್ಲದೆ ಈ ಚಿತ್ರಕ್ಕೆ 'ತ್ರಿವಿಕ್ರಮ' ಎಂದು ಟೈಟಲ್‌ ಸಹ ಇಡಲಾಗಿದೆಯಂತೆ. ಶಿವರಾಜ್‌ಕುಮಾರ್‌ ಅವರ 50 ನೇ ಸಿನಿಮಾವನ್ನು ಓಂ ಪ್ರಕಾಶ್‌ ರಾವ್‌ ನಿರ್ದೇಶನ ಮಾಡಿದ್ದರು. ಈಗ ಓಂಪ್ರಕಾಶ್‌ ಅವರ 50 ನೇ ಸಿನಿಮಾಗೆ ಶಿವಣ್ಣ ನಾಯಕರಾಗಿ ನಟಿಸುವುದು ಪಕ್ಕಾ ಆಗಿದೆ. ಅಲ್ಲದೆ ಈ ಚಿತ್ರದಲ್ಲಿ ಬಾಲಿವುಡ್‌ನ ಸಂಜಯ್‌ ದತ್‌ ವಿಲನ್‌ ಆಗಿ ನಟಿಸುತ್ತಾರಂತೆ.
.
  
'ತ್ರಿವಿಕ್ರಮ' ಐದು ಭಾಷೆಗಳಲ್ಲಿ ತಯಾರಾಗುತ್ತಿದ್ದು, ಕನ್ನಡದಲ್ಲಿ ಶಿವಣ್ಣ ಹಾಗೂ ಇತರ ಭಾಷೆಗಳಲ್ಲಿ ಬೇರೆ ನಾಯಕರು ಇರಲಿದ್ದಾರೆ. ಆದರೆ, ಐದು ಭಾಷೆಗಳಲ್ಲೂ ಸಂಜಯ್‌ ದತ್‌ ಅವರೇ ವಿಲನ್‌ ಆಗಿ ನಟಿಸಲಿದ್ದಾರೆ ಎಂದು ಓಂ ಪ್ರಕಾಶ್ ರಾವ್ ಹೇಳಿಕೊಂಡಿದ್ದಾರೆ.
.
  
#KarunadaChakravarthy #DrShivanna #TriVikrama #Cineloka

ಕಥೆ ಮತ್ತು ನಿರೂಪಣೆಯಿಂದ ಗಮನ ಸೆಳೆಯುವ ‘ಇದೀಗ ಬಂದ ಸುದ್ದಿ’ :
----------------

ಇತ್ತೀಚಿನ ದಿನಗಳಲ್ಲಿ ಸಿಂಪಲ್‌ ಸಬ್ಜೆಕ್ಟ್ ಇಟ್ಟುಕೊಂಡು ಹೊಸಬರು ಉತ್ತಮ ಚಿತ್ರ ಮಾಡುತ್ತಿದ್ದಾರೆ ಆ ಸಾಲಿಗೆ ಹೊಸ ಸೇರ್ಪಡೆ 'ಇದೀಗ ಬಂದ ಸುದ್ದಿ' ಸಿನಿಮಾ.

ತನ್ನ ಟೈಟಲ್‌ನಿಂದಲೇ ಗಮನ ಸೆಳೆದಿದ್ದ ಈ ಚಿತ್ರ ಶುಕ್ರವಾರ ಬಿಡುಗಡೆಯಾಗಿದೆ. ಈ ಚಿತ್ರದಲ್ಲಿ ಸಾಮಾಜಿಕ ಸಂದೇಶವನ್ನು ಹೇಳಲಾಗಿದೆ.

ಚಿತ್ರದ ಆರಂಭ ಆಗೋದು ಒಂದು ಅಪಘಾತದಿಂದ, ಬೆಳಗ್ಗೆ ಎಲ್ಲರೂ ತಮ್ಮ ತಮ್ಮ ಕೆಲಸಕ್ಕೆ ಹೋಗಲು ಬಸ್‌ನಿಲ್ದಾಣದಲ್ಲಿ ನಿಂತಿರುತ್ತಾರೆ, ಆಗ ಇದ್ದಕ್ಕಿದ್ದ ಹಾಗೆ ಕಾರೋಂದು ಬಂದು ಎಲ್ಲರಿಗೂ ಗುದ್ದುತ್ತಾನೆ. ಆಗ ಸ್ಥಳದಲ್ಲಿಯೇ ನಾಲ್ವರು ಮೃತಪಟ್ಟು, ಕೆಲವರಿಗೆ ಗಾಯವಾಗುತ್ತದೆ. ಈ ಅಪಘಾತ ಮಾಡಿದ ವ್ಯಕ್ತಿ ವಿಪರೀತ ಕುಡಿದು ಕಾರು ಓಡಿಸಿಕೊಂಡು ಬಂದಿರುತ್ತಾನೆ. ತನಿಖೆ ಆರಂಭವಾದಾಗ , ಅಪಘಾತ ಮಾಡಿದವನು ಪ್ರಭಾವಿಗಳ ಪುತ್ರ ಎಂದು ತಿಳಿಯುತ್ತದೆ. ಈ ಕೇಸ್‌ನ್ನು ಹ್ಯಾಂಡಲ್‌ ಮಾಡುವ ಪೊಲೀಸ್‌ ಅಧಿಕಾರಿಗೆ ಒಂದು ಕಡೆ ಪ್ರಭಾವಶಾಲಿಯ ಋಣ, ಇನ್ನೊಂದು ಕಡೆ ಸತ್ತವರ ಕುಟುಂಬಗಳಿಗೆ ನ್ಯಾಯ ಕೊಡಿಸುವ ಜವಾಬ್ದಾರಿ. ಈ ಎರಡರಲ್ಲಿ ಯಾವುದನ್ನು ಮಾಡುತ್ತಾನೆ ಎಂಬುದೇ ಚಿತ್ರದ ಕಥೆ.


ಕಥೆ ಸಾಮಾನ್ಯ ಎನಿಸಿದರೂ, ಅದು ಇಷ್ಟವಾಗುವುದು ನಿರೂಪಣೆಯಲ್ಲಿ. ಈ ಚಿತ್ರದಲ್ಲಿ ಯಾವುದೇ ದೊಡ್ಡ ಸ್ಟಾರ್‌ಗಳಿಲ್ಲ, ಮುಖ ಪರಿಚಯ ಹೆಚ್ಚಾಗಿರುವ ನಟ ನಟಿಯರು ಯಾರು ಇಲ್ಲ,ಆದರೂ ನಿರ್ದೇಶಕರು ತಮ್ಮ ಜಾಣ್ಮೆಯನ್ನು ಕಥೆ ಮತ್ತು ಚಿತ್ರಕಥೆ ಮಾಡಿಕೊಳ್ಳುವಲ್ಲಿ ತೋರಿದ್ದಾರೆ.

ಮೊದಲೇ ಹೇಳಿದಂತೆ ಈ ಚಿತ್ರದಲ್ಲಿ ಸಂದೇಶವಿದೆ. ಅದನ್ನು ಹೇಳಲು ನಿರ್ದೇಶಕರು ಒಂದಷ್ಟು ಕುಟುಂಬಗಳ ಕಥೆಯನ್ನು ತೆಗೆದುಕೊಂಡಿದ್ದಾರೆ. ಅಪಘಾತಗಳು ಬರೀ ಜೀವ ಕಳೆಯುವುದಲ್ಲ, ಗಾಯಗೊಂಡಿರುವರ ಕನಸುಗಳನ್ನು ಸಹ ಕೊಲ್ಲುತ್ತದೆ ಎಂಬುದನ್ನು ನಿರ್ದೇಶಕ ಎಸ್‌ ಆರ್‌ ಪಾಟೀಲ್‌ ಸೂಕ್ಷ್ಮವಾಗಿ ಹೇಳಿದ್ದಾರೆ.
ಇಡೀ ಚಿತ್ರದಲ್ಲಿ ಪಾಟೀಲ್‌ ಕುಡಿದು ವಾಹನ ಚಲಾಯಿಸಬೇಡಿ ಎಂಬ ಸಂದೇಶವನ್ನು ನೀಡಲು ಪ್ರಯತ್ನ ಪಟ್ಟಿದ್ದಾರೆ. ಜತೆಗೆ ಹಣದ ಅಮಲಿನಲ್ಲಿ ಅಪಘಾತ ಮಾಡಿದವರ ಮನಸ್ಥಿತಿಯನ್ನು ಸಹ ಸಮಾಜದ ಮುಂದೆ ಪಾತ್ರಗಳ ಮೂಲಕ ತೆರೆದಿಟ್ಟಿದ್ದಾರೆ.


ನಿರ್ದೇಶಕರಿಗೆ ಇದು ಮೊದಲ ಸಿನಿಮಾವಾದ್ದರಿಂದ ಅಲ್ಲಲ್ಲಿ ಸಣ್ಣ ಪುಟ್ಟ ತಪ್ಪುಗಳು ಕಾಣಿಸುತ್ತವೆ ಆದರೆ ಸಿನಿಮಾದ ಉದ್ದೇಶ ಮತ್ತು ಸಿನಿಮಾ ತೆಗೆದುಕೊಳ್ಳುವ ನಿಲುವು ಆ ತಪ್ಪುಗಳನ್ನು ಮುಚ್ಚಿಹಾಕುತ್ತದೆ.
ನಿರ್ದೇಶಕ ಎಸ್‌ ಆರ್‌ ಪಾಟೀಲ್‌ ಅವರ ಶ್ರಮಕ್ಕೆ ಛಾಯಾಗ್ರಾಹಕ ಸತೀಶ್‌ ರಾಜೇಂದ್ರನ್‌ ಹಾಗೂ ಸಂಕಲನಕಾರ ನವೀನ್‌ ಕುಮಾರ್‌ ಸಹ ಸಾಥ್‌ ನೀಡಿ ಸಿನಿಮಾವನ್ನು ಚೆಂದಗಾಣಿಸಿದ್ದಾರೆ. ಎರಿಕ್‌ ಜಾನ್ಸನ್‌ ಹಿನ್ನೆಲೆ ಸಂಗೀತ ಸಹ ಗಮನಸೆಳೆಯುತ್ತದೆ. ಚಿತ್ರದಲ್ಲಿ ನಟಿಸಿರುವ ಪ್ರತಿಯೊಬ್ಬರು ಹೊಸ ಕಲಾವಿದರು,ಎಲ್ಲರೂ ತಮ್ಮ ಪಾತ್ರಕ್ಕೆ ನ್ಯಾಯ ಸಲ್ಲಿಸಿದ್ದಾರೆ. ನಿರ್ದೇಶಕ ಎಸ್‌ ಆರ್‌ ಪಾಟೀಲ್‌ ತಮ್ಮ ಮತ್ತು ಸ್ನೇಹಿತರ ಜತೆಗೂಡಿ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ.

ಪ್ರತಿಯೊಬ್ಬರು ನೋಡಲೇ ಬೇಕಾದ ಸಿನಿಮಾವಾಗಿ 'ಇದೀಗ ಬಂದ ಸುದ್ದಿ' ಹೊರ ಹೊಮ್ಮಿರುವುದರಲ್ಲಿ ಯಾವುದೇ ಅನುಮಾನವಿಲ್ಲ.

 ರೇಟಿಂಗ್ - 3.5/5

ಹಿಂದಿಯ ಸೂಪರ್‌ ಹಿಟ್ ಚಿತ್ರ ಕ್ವೀನ್‌ನ ಕನ್ನಡ ಅವತರಿಣಿಕೆ ಬಟರ್‌ ಫ್ಲೈ ಚಿತ್ರದ ಮತ್ತೊಂದು ಶೆಡ್ಯೂಲ್‌ ಏಪ್ರಿಲ್‌ 3 ರಿಂದ ಮೈಸೂರಿನಲ್ಲಿ ಆರಂಭವಾಗಲಿದೆ.

 

ಹಿಂದಿಯಲ್ಲಿ ಕಂಗನಾ ಮಾಡಿದ್ದಪಾತ್ರವನ್ನು ಪಾರುಲ್‌ ಯಾದವ್‌ ಮಾಡುತ್ತಿದ್ದು, ಈಗಾಗಲೇ ಪ್ಯಾರೀಸ್‌ ಸೇರಿದಂತೆ ಹೊರ ದೇಶಗಳಲ್ಲಿ ಚಿತ್ರೀಕರಣ ಮುಗಿಸಿ ಬಂದಿದೆ ಚಿತ್ರತಂಡ. ಕರ್ನಾಟಕದ ಗೋಕಣಧದಲ್ಲಿಯೂ ಶೂಟಿಂಗ್‌ ಕಂಪ್ಲೀಟ್‌ ಮಾಡಿದ್ದು, ಮುಂದಿನ ಶೆಡ್ಯೂಲ್‌ ಮೈಸೂರಿನಲ್ಲಿ ಎನ್ನಲಾಗುತ್ತಿದೆ.

 

ಈ ಚಿತ್ರದಲ್ಲಿ ಶಶಿ ವರುಣ್‌ ನಾಯಕರಾಗಿ ನಟಿಸುತ್ತಿದ್ದಾರೆ. ರಮೇಶ್‌ ಅರವಿಂದ್‌ ಆ್ಯಕ್ಷನ್‌ ಕಟ್‌ ಹೇಳುತ್ತಿದ್ದು, ಇದನ್ನು ಯಥಾವತ್‌ ರಿಮೇಕ್‌ ಮಾಡದೇ, ಆ ಚಿತ್ರದ ಥೀಮ್‌ ಮಾತ್ರ ತೆಗೆದುಕೊಂಡು ನಮ್ಮ ಭಾವನೆಗಳಿಗೆ ತಕ್ಕ ದೃಶ್ಯಗಳನ್ನು ಕಟ್ಟುತ್ತಿದ್ದಾರಂತೆ.

 

ನಿರ್ಮಾಪಕರಾದ ಮನು ಕುಮಾರನ್, ನಿರ್ದೇಶಕರಾದ ರಮೇಶ್ ಅರವಿಂದ್ ಮತ್ತು ನಾಯಕಿ ಪರುಲ್ ಯಾದವ್ ಇತ್ತೀಚೆಗೆ ಚಾಮುಂಡಿ ಬೆಟ್ಟಕ್ಕೆ ತೆರಳಿ ಚಾಮುಂಡೇಶ್ವರಿ ಮಾತೆಯ ಆಶೀರ್ವಾದವನ್ನು ಪಡೆದರು.

ಈ ವಾರ ಬಿಡುಗಡೆಯಾಗಿರುವ ಜಾನಿ ಜಾನಿ ಎಸ್‌ ಪಾಪಾ ಸಿನಿಮಾ ಫುಲ್‌ಟೈಮ್‌ ಕಾಮಿಡಿ ಸಿನಿಮಾವಾಗಿ ಹೊರ ಹೊಮ್ಮಿದೆ. ಇಷ್ಟು ದಿನ ಆ್ಯಕ್ಷನ್‌ ಮತ್ತು ಮಾಸ್‌ ಸಿನಿಮಾಗಳನ್ನು ಮಾಡಿಕೊಂಡು ಬಂದಿದ್ದ ದುನಿಯಾ ವಿಜಯ್‌ 'ಜಾನಿ ಜಾನಿ...'ಯ ಪ್ರತಿ ಫ್ರೇಮ್‌ನಲ್ಲಿಯೂ ನಗಿಸುತ್ತಾರೆ.

 

 

ರೈನ್‌ಬೋ ಎಂಬ ಕಾಲೋನಿಯಲ್ಲಿ ಪ್ರತಿ ಕೆಲಸಕ್ಕೂ ಜಾನಿ [ದುನಿಯಾ ವಿಜಯ್‌] ಮತ್ತು ಪಾಪಾ [ರಂಗಾಯಣ ರಘು] ಬೇಕಾಗಿರುತ್ತಾರೆ. ಪ್ರತಿ ಕೆಲಸವನ್ನು ಇವರು ಡೀಲ್‌ ಎಂದು ತಿಳಿದುಕೊಂಡು ಮಾಡುತ್ತಿರುತ್ತಾರೆ. ಯಾರ ಬಳಿಯ ಸಾಲ್ವ್‌ ಆಗದ ವಿಷಯಗಳನ್ನು ಈ ಜಾನಿ ಮತ್ತು ಪಾಪಾ ಇಬ್ಬರೂ ಕ್ಷಣ ಮಾತ್ರದಲ್ಲಿ ಬಗೆಹರಿಸಲಿ ಕಾಲೋನಿಯ ಪ್ರೀತಿ ಗಳಿಸಿರುತ್ತಾರೆ. ಈ ಸಮಯದಲ್ಲಿ ನಾಯಕಿ ಪ್ರಿಯಾ[ರಚಿತಾ ರಾಮ್‌] ಅಚಾನಕ್‌ ಭೇಟಿ, ನಂತರ ಅವಳ ಮೇಲೆ ಲವ್‌. ಇದೆಲ್ಲವು ನಡೆಯುತ್ತಿರುವಾಗ ನಾಯಕಿ ಪ್ರಿಯಾ ರೈನ್ ಬೋ ಕಾಲೋನಿಗೆ ಬಂದು ನೆಲೆಗೊಳ್ಳುತ್ತಾಳೆ. ಅಲ್ಲಿಂದ ಜಾನಿ ಮತ್ತು ಪ್ರಿಯಾಳ ಲವ್ ಸ್ಟೋರಿ ಆರಂಭ.

 

 

ಪ್ರಿಯಾಗೆ ಯು.ಎಸ್ ಗೆ ಹೋಗ್ಬೇಕು ಎಂಬ ಕನಸಿರುತ್ತದೆ. ಆದರೆ ಯುಎಸ್‌ಗೆ ಹೋದರೆ ಜಾನಿಯ ಲವ್‌ಗೆ ಕತ್ತರಿ ಬೀಳುತ್ತದೆ. ಹಾಗಾಗಿ ಜಾನಿ ಇವಳನ್ನು ಯುಎಸ್‌ಗೆ ಹೋಗದಂತೆ ಮತ್ತು ತನ್ನ ಬುಟ್ಟಿಯಲ್ಲಿ ಬೀಳಿಸಿಕೊಳ್ಳಲು ಸಿಕ್ಕಾಪಟ್ಟೆ ಸರ್ಕಸ್‌ ಮಾಡುತ್ತಾನೆ. ಪ್ರಿಯಾ ಯು.ಎಸ್ ಗೆ ಹೋಗ್ತಾಳ ಅಥವಾ ಜಾನಿಯನ್ನು ಲವ್‌ ಮಾಡುತ್ತಾಳಾ ಎಂಬುದೇ ಚಿತ್ರಕಥೆ.

 

 

2011ರಲ್ಲಿ ಬಿಡುಗಡೆಯಾಗಿದ್ದ ಜಾನಿ ಮೇರಾ ನಾಮ್‌ ಚಿತ್ರದಲ್ಲಿಯೂ ಇಂತಹದ್ದೇ ಕಥೆ ಇತ್ತು. ಇದು ಅದರ ಮುಂದುವರೆದ ಭಾಗ. ಈ ಜಾನಿ ಸಿಕ್ಕಾಪಟ್ಟೆ ಅಪ್‌ಡೇಟ್‌ ಆಗಿದ್ದಾನೆ. ಇಡೀ ಸಿನಿಮಾದಲ್ಲಿ ದೃಶ್ಯದಿಂದ ದೃಶ್ಯಕ್ಕೆ ವಿಜಯ್‌ ನಗಿಸುತ್ತಾ ಪ್ರೇಕ್ಷಕನಿಗೆ ಕಿಕ್‌ ಕೊಡುತ್ತಾರೆ. ಇವರಿಗೆ ರಂಗಾಯಣ ರಘು ಮತ್ತು ಪುಟ್ಟ ಬಾಲಕ ಹೇಮಂತ್ ಸಹ ಸಾಥ್‌ ನೀಡುತ್ತಾರೆ. ಇರುವ ಮೂರು ಫೈಟ್‌ನಲ್ಲಿ ವಿಜಯ್‌ ಎಂದಿನಂತೆ ಮಿಂಚಿದ್ದಾರೆ.

 

 

ನಿರ್ದೇಶಕ ಪ್ರೀತಂ ಗುಬ್ಬಿ ಒಳ್ಳೊಳ್ಳೆ ಸೆಟ್‌ ಹಾಕಿಸಿ ಸಿನಿಮಾವನ್ನು ಶ್ರೀಮಂತಗೊಳಿಸಿದ್ದಾರೆ. ಚಿತ್ರದ ಮೊದಲರ್ಧ ಹೋಗೋದೇ ಗೊತ್ತಾಗಲ್ಲ ಆದರೆ ಸೆಕಂಡ್ ಹಾಫ್ ಸ್ವಲ್ಪ ನಿಧಾನವೆನಿಸುತ್ತದೆ. ಮೋಹನ್‌ ಬಿ ಕೆರೆಯವರ ಕಲಾ ಕೆಲಸ ಅದ್ಭತವಾಗಿ ಮೂಡಿಬಂದಿದೆ. ಇನ್ನು ಸಿನಿಮಾಟೋಗ್ರಫರ್‌ ಕರುಣಾಕರ್‌ ಪ್ರತಿ ದೃಶ್ಯವನ್ನು ಸೊಗಸಾಗಿ ಸೆರೆ ಹಿಡಿದಿದ್ದಾರೆ. ಅಜನೀಶ್ ಸಂಗೀತ ನೀಡಿರುವ ಅರ್ಮಾನ್‌ ಮಲ್ಲಿಕ್‌ ಹಾಡಿರುವ 'ನೀನೇ ನಂಗೆಲ್ಲ' ಹಾಡು ಮತ್ತು 'ಹೊಸ ಪದ್ಮಾವತಿ' ಸಾಂಗ್‌ ಗುನುಗುವಂತೆ ಮಾಡುತ್ತವೆ.

 

 

ನಾಯಕಿ ರಚಿತಾ ರಾಮ್‌ ಸುಂದರವಾಗಿ ಕಾಣುವುದಲ್ಲದೆ ತಮ್ಮ ಮುಗ್ಧ ನಟನೆಯಿಂದ ಗಮನ ಸೆಳೆಯುತ್ತಾರೆ. ಈ ಚಿತ್ರಕ್ಕೆ ಅವರೇ ಡಬ್ಬಿಂಗ್‌ ಮಾಡಿರುವುದು ಬಹಳ ವಿಶೇಷವಾಗಿದೆ. ಉಳಿದಂತೆ ಅಚ್ಯುತ್‌ಕುಮಾರ್‌, ಸಾಧುಕೋಕಿಲಾ, ಗಡ್ಡಪ್ಪ, ನಾಗಭೂಷಣ್, ಸೇರಿದಂತೆ ಪ್ರತಿಯೊಬ್ಬ ನಟರು ಸಿನಿಮಾದ ಓಟಕ್ಕೆ ತಕ್ಕಂತೆ ನಟಿಸಿದ್ದಾರೆ.

 

 

ಈ ಸಿನಿಮಾದಲ್ಲಿ ಲಾಜಿಕ್‌ ಹುಡುಕುವ ಹಾಗಿಲ್ಲ, ಕಾಮಿಡಿ ಚಿತ್ರವಾದ್ದರಿಂದ ನಿರ್ದೇಶಕರು ಪ್ರತಿ ಸೀನ್‌ನಲ್ಲಿಯೂ ನಗಿಸುವ ಪ್ರಯತ್ನ ಮಾಡಿದ್ದಾರೆ ಎಂಬುದು ಫೈನಲ್‌ ಸ್ಟೇಟ್‌ ಮೆಂಟ್‌.

 

 

ರೇಟಿಂಗ್ : 3.25/5

 


ಸೀನಿ ಆ್ಯಕ್ಷನ್‌ ಕಟ್‌ ಹೇಳಿರುವ '6ನೇ ಮೈಲಿ' ಚಿತ್ರವನ್ನು ನಿರ್ಮಾಣ ಮಾಡಿರುವುದು ದಕ್ಷಿಣ ಭಾರತದ ಖ್ಯಾತ ನ್ಯೂರೋ ಸರ್ಜನ್‌ ಡಾ. ಶೈಲೇಶ್‌ ಕುಮಾರ್‌.

 

 

ಹೌದು ಹರಿಹರ ಮೂಲದವರಾದ ಶೈಲೇಶ್‌ ಅವರಿಗೆ ಸಿನಿಮಾ ಮೇಲೆ ಬಹಳ ಪ್ರೀತಿ ಮತ್ತು ಆಸಕ್ತಿ. ಒಳ್ಳೆ ಸಿನಿಮಾ ಮಾಡಬೇಕು ಎಂದು ಉತ್ತಮ ಕಥೆಗಾಗಿ ಹುಡುಕುತ್ತಿದ್ದಾಗೆ ಸೀನಿಯವರು ಸಿಕ್ಕಿದ್ದಾರೆ. ಸೀನಿ ಹೇಳಿದ ಕಥೆ ಕೇಳಿ ಇಂಪ್ರೆಸ್‌ ಆದ ಶೈಲೇಶ್‌ಕುಮಾರ್‌ '6ನೇ ಮೈಲಿ' ಚಿತ್ರಕ್ಕೆ ಬಂಡವಾಳ ಹಾಕುವುದಾಗಿ ಹೇಳಿದ್ದಾರೆ. ಆಗ ತಯಾರಾಗಿದ್ದೇ ಈ ಚಿತ್ರ.

 

 

ಸಸ್ಪೆನ್ಸ್‌ ಥ್ರಿಲ್ಲರ್‌ ಸಬ್ಜೆಕ್ಟ್‌ ಇರುವ ಈ ಚಿತ್ರದಲ್ಲಿ ಸಂಚಾರಿ ವಿಜಯ್‌, ಆರ್‌ ಜೆ ನೇತ್ರಾ, ಸುದೇಶ್‌ ಸೇರಿದಂತೆ ಸಾಕಷ್ಟು ಮಂದಿ ನಟಿಸಿದ್ದಾರೆ. ಈ ಚಿತ್ರದಲ್ಲಿ ಒಂದೇ ಒಂದು ಹಾಡಿದ್ದು ಅದನ್ನು ವಸಿಷ್ಠ ಸಿಂಹ ಹಾಡಿದ್ದಾರೆ. ಈ ಹಾಡಿಗೆ ಡೆತ್‌ ಮೆಟಲ್‌ ಮ್ಯೂಸಿಕ್‌ ಬಳಸಲಾಗಿದೆ. ಈ ಹಾಡನ್ನು ಸುದೀಪ್‌ ಮೆಚ್ಚಿಕೊಂಡು ಟ್ವೀಟ್ ಮಾಡಿದ್ದರು.

Page 12 of 15

LJOS nigif

May 1st

ad free

ರಿಯಲ್ ಸ್ಟಾರ್ ಉಪೇಂದ್ರ ರಾಜ್ಯ ರಾಜಕೀಯದಲ್ಲಿ ಯಾವ ಪಕ್ಷ ಸೇರಬೇಕು.?
  • Votes: (0%)
  • Votes: (0%)
  • Votes: (0%)
  • Votes: (0%)
  • Votes: (0%)
Total Votes:
First Vote:
Last Vote:
Go to top