IB anigif

Ayugya Gif

adweb

udgharsha

ತನ್ನ ಟೈಟಲ್‌ನಿಂದ ಗಮನ ಸೆಳೆದಿರುವ 'ಸಂಕಷ್ಟಕರ ಗಣಪತಿ' ಸಿನಿಮಾದ ಟ್ರೇಲರ್‌ ಈಗ ಯೂಟ್ಯೂಬ್‌ನಲ್ಲಿ ಟ್ರೆಂಡಿಂಗ್‌ನಲ್ಲಿದೆ. ಇದು ಏಲಿಯನ್‌ ಹ್ಯಾಂಡ್‌ ಸಿಂಡ್ರೋಮ್‌ ಎಂಬ ಖಾಯಿಲೆಯನ್ನು ಆಧರಿಸಿದ ಚಿತ್ರವಾಗಿದೆ. ಈ ಹಿಂದೆ ಪನ್ಮಂಡಿ ಕ್ರಾಸ್‌ ಎಂಬ ಕಿರು ಚಿತ್ರ ಮಾಡಿ ಗಮನ ಸೆಳೆದಿದ್ದ ಅರ್ಜುನ್‌ಕುಮಾರ್‌, ಸಂಕಷ್ಟಕರ ಗಣಪತಿಗೆ ಆ್ಯಕ್ಷನ್‌ ಕಟ್‌ ಹೇಳಿದ್ದಾರೆ.


ಒಂದಷ್ಟು ಸಿನಿಮಾಗಳಲ್ಲಿ ನಟಿಸಿದ್ದ ಲಿಖಿತ್‌ ಶೆಟ್ಟಿ ಈ ಸಿನಿಮಾದ ನಾಯಕ.ಶ್ರುತಿ ಗೋರಾಡಿಯಾ ನಾಯಕಿ.

.

ಈ ಸಿನಿಮಾದ ನಾಯಕನಿಗೆ ಏಲಿಯನ್‌ ಹ್ಯಾಂಡ್‌ ಡಿಸಾರ್ಡರ್‌ ಎಂಬ ಖಾಯಿಲೆ ಬರುತ್ತದೆ. ಈ ಖಾಯಿಲೆ ಪ್ರಪಂಚದಲ್ಲಿ ನೂರು ಜನಕ್ಕೆ ಮಾತ್ರ ಬರುತ್ತದೆ. ಇದಕ್ಕೆ ತುತ್ತಾದ ನಾಯಕನಿಗೆ ಆತನ ಎಡಗೈ ಸಂಪೂರ್ಣ ಹಿಡಿತ ತಪ್ಪುತ್ತದೆ. ಬೇರೆ ಏನೇ ಕೆಲಸ ಮಾಡುತ್ತಿದ್ದರೂ, ಎಡಗೈ ಮಾತ್ರ ಇನ್ನೇನೋ ಕೆಲಸ ಮಾಡುತ್ತಿರುತ್ತದೆ. ಇದರಿಂದ ಆತ ಒಂದಷ್ಟು ಸಮಸ್ಯೆಗಳಿಗೆ ಸಿಲುಕಿಕೊಳ್ಳುತ್ತಾನೆ. ಇದನ್ನೇ ಸಿನಿಮಾದಲ್ಲಿ ನಿರ್ದೇಶಕರು ಕಾಮಿಡಿಯಾಗಿ ಹೇಳಿದ್ದಾರಾಂತೆ.

.

ಮಂಗಳವಾರ ಬಿಡುಗಡೆಯಾಗಿರುವ ಟ್ರೇಲರ್‌ ಯೂಟ್ಯೂಬ್‌ನಲ್ಲಿ ಟ್ರೆಂಡ್ ಆಗ್ತಿದೆ. ಪ್ರೇಕ್ಷಕರಿಗೆ ಕುತೂಹಲ ಮೂಡಿಸುವಲ್ಲಿ ಚಿತ್ರತಂಡ ಗೆದ್ದಿದೆ.

ಡೈನಮೇಟ್‌ ಫಿಲಂಸ್‌ ಬ್ಯಾನರ್‌ ಅಡಿಯಲ್ಲಿ ರಾಜೇಶ್‌ಬಾಬು, ಫೈಜಾನ್‌ ಖಾನ್‌, ಜೊಡಿದಾರ್‌, ಬಿ.ಎಸ್‌.ಹೇಮಂತ್‌ಕುಮಾರ್‌, ಪ್ರಮೋದ್‌ ನಿಂಬಾಳ್ಕರ್‌, ಎ ಚೆಲುವರಾಜ ನಾಯ್ಡು ಜಂಟಿಯಾಗಿ ನಿರ್ಮಾಣ ಮಾಡಿದ್ದಾರೆ.

 
ಚಾಲೆಂಜಿಂಗ್‌ ಸ್ಟಾರ್‌ ದರ್ಶನ್‌ ಈಗ ವನ್ಯ ಜೀವಿ ರಕ್ಷಣೆಗೆ ನಿಂತಿದ್ದಾರೆ. ಅರ್ಥಾತ್‌ ಮೈಸೂರು ಮೃಗಾಲಯ ಮತ್ತು ಅರಣ್ಯ ಇಲಾಖೆಯ ರಾಯಭಾರಿಯಾಗಿ ನೇಮಕವಾಗಿದ್ದಾರೆ.
.
ಈ ಹಿಂದೆಯೇ ದರ್ಶನ್‌ ಮೃಗಾಲಯದಲ್ಲಿ ಅನೇಕ ಪ್ರಾಣಿಗಳನ್ನು ದತ್ತು ತೆಗೆದುಕೊಂಡು ಸಾಕಲು ಧನ ಸಹಾಯ ಮಾಡಿದ್ದಾರೆ. ಹಲವು ವರ್ಷಗಳಿಂದ ಒಂದು ಆನೆ ಮತ್ತು ಒಂದು ಹುಲಿಯನ್ನು ದರ್ಶನ್‌ ದತ್ತು ಪಡೆದು ಅದಕ್ಕೆ ಆಗುವ ಖರ್ಚು ನೀಡುತ್ತಿರುತ್ತಾರೆ.
.
ಈಗಾಗಲೇ ದರ್ಶನ್‌ ವೃಕ್ಷ ಸಂರಕ್ಷಣೆ ಕುರಿತ ‘ಪ್ಲಾಂಟ್‌ ಎ ಟ್ರೀ’(Plant a Tree) ಎಂಬ ಸಾಕ್ಷ್ಯ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಕರ್ನಾಟಕದ ಅಭಯಾರಣ್ಯಗಳಲ್ಲಿ ಚಿತ್ರೀಕರಣ ಮಾಡಲಾಗುತ್ತಿದೆ. ಮಲೆಮಹದೇಶ್ವರ ಬೆಟ್ಟ, ನಾಗರಹೊಳೆ, ಬಂಡೀಪುರ ಮತ್ತಿತರ ಕಾಡುಗಳಲ್ಲಿ ಚಿತ್ರೀಕರಣಗೊಳ್ಳುತ್ತಿದೆ. ಜೂನ್‌ 5 ರಂದು ಇದು ರಿಲೀಸ್‌ ಆಗಲಿದೆ.
.
#ChallengingStarDarshan #Cineloka

ಝೀ ಕನ್ನಡದ ನಾಗಿಣಿ ಧಾರಾವಾಹಿ ತಂಡದಿಂದ ಅಂಬರೀಶ್ ಜನ್ಮ ದಿನಾಚರಣೆ :

----------

ಕನ್ನಡ ಚಿತ್ರರಂಗದ ಖ್ಯಾತ ನಟ, ರಾಜಕಾರಣಿ `ರೆಬೆಲ್ ಸ್ಟಾರ್' ಅಂಬರೀಶ್ ಅವರ 66ನೇ ಜನ್ಮ ದಿನಾಚರಣೆಯನ್ನು ಈ ವರ್ಷ ನಾಗಿಣಿ ಧಾರಾವಾಹಿ ತಂಡ ಸಂಭ್ರಮದಿಂದ ಆಚರಿಸಿತು.

.

ಕಲಾವಿದರ ಸಂಘದ ಅಧ್ಯಕ್ಷ ಅಂಬರೀಶ್ ಬಿಡುವಿನ ಸಮಯದಲಿ ್ಲಅವರ ಮಿತ್ರರಾದ ಹಿರಿಯ ನಟ ಅಮಿತಾಭ್ ಬಚ್ಚನ್ ಹಾಗೂ ರಜನೀಕಾಂತ್ ಅವರ ಚಲನಚಿತ್ರಗಳನ್ನು ವೀಕ್ಷಿಸಲು ಇಷ್ಟಪಡುತ್ತಾರೆ; ಅಲ್ಲದೆ ಅವರ ಮನೆಯಲ್ಲಿರುವ 3 ಟೀವಿ ಸೆಟ್‍ಗಳಲ್ಲಿ ಝೀಕನ್ನಡದ ನಾಗಿಣಿ ಧಾರಾವಾಹಿಯನ್ನು ಒಂದು ಕಂತು ಕೂಡಾ ತಪ್ಪಿಸಿಕೊಳ್ಳದೆ ವೀಕ್ಷಿಸುತ್ತಾರೆ. ಪ್ರತಿನಿತ್ಯ ಅವರು ರಾತ್ರಿ 9.00ರಿಂದ 9.30ರವರೆಗಿನ ಅವಧಿ ನಾಗಿಣಿ ಧಾರಾವಾಹಿ ವೀಕ್ಷಣೆಗೆ ಮೀಸಲಾಗಿರುತ್ತದೆ, ಆ ಸಮಯದಲ್ಲಿ ಅವರು ಯಾರನ್ನೂ ಭೇಟಿಯಾಗುವುದಿಲ್ಲ ಮತ್ತು ಈ ಅವಧಿಯಲಿ ್ಲಯಾರೂ ಅವರಿಗೆ ತೊಂದರೆ ಕೊಡುವಂತಿಲ್ಲ.

.

ನಾಗಿಣಿ ಧಾರಾವಾಹಿ ಕುರಿತಾದ ಅವರ ಪ್ರೀತಿಯನ್ನು ಸಂಭ್ರಮಿಸುವ ಹಿನ್ನೆಲೆಯಲ್ಲಿ ಈ ವರ್ಷ ಝೀಕನ್ನಡ ಅವರ ಹುಟ್ಟುಹಬ್ಬವನ್ನು ಅನಿರೀಕ್ಷಿತವಾಗಿ ಆಯೋಜಿಸಿದ್ದು ಅದಕ್ಕಾಗಿ ನಾಗಿಣಿ ಮುದ್ರಿತ ಕೇಕ್, ನಾಗಿಣಿ ಕಲಾವಿದರು ಮತ್ತು ಮುಖ್ಯ ಕಲಾವಿದೆ ನಾಗಿಣಿ ದಿರಿಸು ಧರಿಸಿ ಈ ವಿಶೇಷ ದಿನಕ್ಕಾಗಿ ಕಂಗೊಳಿಸಿದರು.

.

ಈ ಅನಿರೀಕ್ಷಿತವಾಗಿ ಆಯೋಜಿಸಿದ್ದ ಅಂಬರೀಶ್ ಅವರ ಜನ್ಮ ದಿನಾಚರಣೆ ಇಡೀ ಕನ್ನಡ ಚಿತ್ರರಂಗಕ್ಕೆ ಸಂಭ್ರಮ ತಂದಿದ್ದಲ್ಲದೆ ರಾಕಿಂಗ್ ಸ್ಟಾರ್ ಯಶ್ ಹಾಗೂ ಸ್ಯಾಂಡಲ್‍ವುಡ್ ಕಿಂಗ್ ಶಿವರಾಜ್‍ಕುಮಾರ್ ಅವರೂ ಭಾಗಿಯಾದರು.

.

#ZeeKannada #Cineloka #Nagini

 

 
ನಟಿ ಹರಿಪ್ರಿಯಾ ಇತ್ತೀಚಿನ ದಿನಗಳಲ್ಲಿ ವಿಶಿಷ್ಟ ಸಿನಿಮಾಗಳನ್ನು ಒಪ್ಪಿಕೊಳ್ಳುತ್ತಿದ್ದಾರೆ. ಆ ಸಾಲಿನನಲ್ಲಿ ಹೊಸ ಸೇರ್ಪಡೆ 'D/O ಪಾರ್ವತಮ್ಮ'. ಈ ಚಿತ್ರದಲ್ಲಿ ಹಿರಿಯ ನಟಿ ಸುಮಲತಾ ಹರಿಪ್ರಿಯಾ ತಾಯಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ.
.
ಈ ಚಿತ್ರದ ಫಸ್ಟ್‌ ಲುಕ್‌ ಬಿಡುಗಡೆಯಾಗಿದ್ದು, ಇದರಲ್ಲಿ ಹರಿಪ್ರಿಯಾ ಇನ್ವೆಸ್ಟಿಗೇಶನ್‌ ಆಫೀಸರ್‌ ಆಗಿ ಖಡಕ್‌ ಲುಕ್‌ನಲ್ಲಿ ಮಿಂಚಿದ್ದಾರೆ. ಈ ಚಿತ್ರದ ಪೋಸ್ಟರ್‌ ಬಿಡುಗಡೆಯಾದಾಗ ಸಂಪ್ರದಾಯ ಹುಡುಗಿಯಾಗಿ ಅವರು ಕಾಣಿಸಿಕೊಂಡಿದ್ದರು. ಈಗ ಈ ಲುಕ್‌ ಬಿಡುಗಡೆಯಾಗಿದೆ.
.
ಈ ಚಿತ್ರದಲ್ಲಿ ಹರಿಪ್ರಿಯಾ ಎರಡು ಶೇಡ್‌ನಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ಇದು ಅವರ 25ನೇ ಚಿತ್ರ ಎಂಬುದು ವಿಶೇಷ.
.
#DaugtherOfParvathamma #Cineloka

ಅಪೂರ್ವ ಚಿತ್ರದ ಮೂಲಕ ಗಮನ ಸೆಳೆದಿದ್ದ ಮೈಸೂರಿನ ಯುವತಿ ಅಪೂರ್ವ ಮತ್ತೆ ರವಿಚಂದ್ರನ್‌ಗೆ ಜತೆಯಾಗಿದ್ದಾರೆ.
.
2016ರಲ್ಲಿ ತೆರೆಕಂಡ ಅಪೂರ್ವ ಚಿತ್ರಕ್ಕೆ ರವಿಚಂದ್ರನ್‌ ಮೈಸೂರಿನ ಹುಡುಗಿ ಅಪೂರ್ವರನ್ನೇ ಕರೆತಂದಿದ್ದರು ಅಪೂರ್ವ ಚಿತ್ರ ದಯನೀಯ ಸೋಲು ಕಂಡ ನಂತರ, ಫೇಸ್‌ ಬುಕ್‌ನಲ್ಲಿ ಮಾಜಿ ನಟಿ ಎಂದು ಅಪೂರ್ವ ಬರೆದುಕೊಂಡಿದ್ದರು.
.
ಈಗ ರವಿಚಂದ್ರನ್‌ ಹೊಸ ಚಿತ್ರಕ್ಕೆ ಕೀಚಕ ಎಂದು ಹೆಸರಿಟ್ಟಿದ್ದಾರೆ. ಈ ಚಿತ್ರವನ್ನು ತಮಿಳು ನಿರ್ದೇಶಕ ಶಿವರಾಜ್‌ ನಿರ್ದೇಶನ ಮಾಡಲಿದ್ದಾರೆ. ನಿರ್ದೇಶಕ ಶಿವರಾಜ್‌ ಈ ಮೊದಲು ಉಪೇಂದ್ರ ಅಭಿನಯದ ಎ ಚಿತ್ರವನ್ನು ತಮಿಳಿನಲ್ಲಿ ರಿಮೇಕ್‌ ಮಾಡಿದ್ದರು. ಈಗ ಕೀಚಕ ಮೂಲಕ ಕನ್ನಡಕ್ಕೆ ಎಂಟ್ರಿ ಕೊಟ್ಟಿದ್ದಾರೆ.
.
#Keechaka #Cineloka #CrazyStarRavichandran
ರಾಮಧಾನ್ಯ ಚರಿತೆಯ ಅನಾವರಣ
ಚಿತ್ರ: ರಾಮಧಾನ್ಯ
ನಿರ್ಮಾಣ: ದಶಮುಖ ವೆಂಚರ್ಸ್
ನಿರ್ದೇಶನ: ಟಿ.ಎನ್‌. ನಾಗೇಶ್‌
ತಾರಾಗಣ: ಯಶಸ್‌ ಸೂರ್ಯ, ನಿಮಿಕಾ ರತ್ನಾಕರ, ಮಂಡ್ಯ ರಮೇಶ್‌
ಭಕ್ತಿ ಪರಂಪರೆಯಲ್ಲಿ ಅಗ್ರ ಗಣ್ಯರಾದ ಕನಕದಾಸರು ರಚಿಸಿದ ರಾಮಧಾನ್ಯ ಚರಿತೆ ಸಿನಿಮಾವಾಗಿ ಈಗ ಬಿಡುಗಡೆಯಾಗಿದೆ.
‘ರಾಮಧಾನ್ಯ ಚರಿತೆ ಇದಕ್ಕೆ ಮೊದಲು ನಾಟಕರೂಪದಲ್ಲಿ ಪ್ರದರ್ಶನ ಕಂಡಿತ್ತು.ಅದನ್ನೇ ಆಧರಿಸಿ ನಿರ್ದೇಶಕ ನಾಗೇಶ್‌ ಸಿನಿಮಾ ಮಾಡಿದ್ದಾರೆ.
.
ಕನಕದಾಸರು ರಾಮಧಾನ್ಯ ಚರಿತೆಯಲ್ಲಿ ಭತ್ತ ಮತ್ತು ರಾಗಿಯನ್ನು ರೂಪಕಗಳಾಗಿ ಬಳಸಿಕೊಂಡು ಸಮಾಜದಲ್ಲಿರುವ ಮೇಲು ಕೀಳು ಎಂಬ ತಾರತಮ್ಯವನ್ನು ಹೇಳಿದ್ದರು.ಈ ಚಿತ್ರದಲ್ಲಿ ನಾಗೇಶ್‌ ಈ ಕಥೆಯನ್ನು ಬಹಳ ಚೆಂದವಾಗಿ ನಿರೂಪಿಸಿದ್ದಾರೆ.
ಜಾತಿ ಪದ್ಧತಿಯೊಳಗೆ ನಾವು ಹೇಗೆ ಸಿಲುಕಿ ಹೇಗೆ ಒದ್ದಾಡುತ್ತಿದ್ದೇವೆ ಎಂಬುದನ್ನು ಚಿತ್ರಿಸಿದ್ದಾರೆ. ಜಾತಿ ಪದ್ಧತಿಗೆ ಕನಕದಾಸರ ಕೀರ್ತನೆಗಳೇ ದಾರಿ ದೀಪ ಎಂದು ಅವರು ಸಿನಿಮಾದಲ್ಲಿ ಸೂಕ್ಷ್ಮವಾಗಿ ಹೇಳಿದ್ದಾರೆ.
.
.
ಕನಕದಾಸರನ್ನು ತೆರೆ ಮೇಲೆ ತಂದು ಅದನ್ನು ನೋಡುಗರ ಮನಸ್ಸಿಗೆ ಹಿಡಿಸುವಂತೆ ಮಾಡಲು ನಾಗೇಶ್‌ ಬಹಳ ಶ್ರಮ ಪಟ್ಟಿದ್ದಾರೆ. ಜನರಿಗೆ ಕನಕದಾಸರ ಕಥೆಯನ್ನು ಅರ್ಥ ಮಾಡಿಸಲು, ಒಂದಷ್ಟು ರಂಜನೆಯುಳ್ಳ ಅಂಶಗಳನ್ನು ಸೇರಿಸಿದ್ದಾರೆ. ಇದು ಕೆಲವೆಡೆ ಸಿನಿಮಾದ ಆಶಯವನ್ನು ಹಿಂದೆ ತಳ್ಳಿತೇನೋ ಎಂದು ಭಾಸವಾಗುತ್ತದೆ. ಕನಕದಾಸರ ಕೀರ್ತನೆಗಳನ್ನು ಗೀತೆ, ಸಂಭಾಷಣೆ ರೂಪದಲ್ಲಿ ಬಳಸಿಕೊಳ್ಳಲಾಗಿದೆ. ಆದರೆ ಸಂಗೀತ ಅಂತಹ ಮದ ನೀಡುವುದಿಲ್ಲ.
.
ನಿರ್ದೇಶಕರ ಕಲ್ಪನೆಯಲ್ಲಿ ನಟ ಯಶಸ್‌ ಸೂರ್ಯ ರಾಮ, ಕನಕದಾಸರಾಗಿ ಮಿಂದು ಎದ್ದಿದ್ದಾರೆ. ನಿಮಿಕಾ ರತ್ನಾಕರ ಸೀತೆಯಾಗಿ, ಕನಕನ ಪತ್ನಿಯಾಗಿ ಹಾಗೂ ಆಧುನಿಕ ಹುಡುಗಿಯಾಗಿ ನೋಡುಗರಿಗೆ ಇಷ್ಟವಾಗುತ್ತಾರೆ. ಸಿನಿಮಾಟೋಗ್ರಫರ್‌ ಬೆನಕ ರಾಜು ಕೆಲಸ ಚಿತ್ರಕ್ಕೆ ಪ್ಲಸ್‌ ಪಾಯಿಂಟ್‌ ಆಗಿದೆ.
.
ರಾಮಧಾನ್ಯ ಚರಿತ ನಾಟಕಕ್ಕೆ ಕೆಲಸ ಮಾಡಿದ್ದ ಬಸವರಾಜ ಸೂಳೇರಿಪಾಳ್ಯ ಅವರ ಸಂಭಾಷಣೆ ಚಿತ್ರಕ್ಕೊಂದು ಹಿರಿತನ ನೀಡಿದೆ. ದೇಸಿ ಮೋಹನ್‌ ಇನ್ನಷ್ಟು ಒಳ್ಳೆಯ ಕಂಪೋಸಿಂಗ್‌ ನೀಡಬಹುದಿತ್ತು. ಒಂದಷ್ಟು ಮೈನಸ್‌ ಮತ್ತು ಪ್ಲಸ್‌ಗಳ ನಡುವೆ ಕನಕದಾಸರ ಬಗ್ಗೆ ಅರಿಯಲು ಸಿನಿಮಾ ನೋಡಬಹುದು ಜತೆಗೆ ಕುಟುಂಬ ಸಮೇತರಾಗಿ ಸಿನಿಮಾವನ್ನು ನೋಡಲು ಅಡ್ಡಿಯಿಲ್ಲ.
.
ರೇಟಿಂಗ್ - 3/5
#Ramadhanya #Cineloka
ರಾಜ ಲವ್ಸ್‌ ರಾಧೆಯಲ್ಲಿ ಸುಳ್ಳಿನ ಪ್ರೀತಿ :
-----
ಸುಳ್ಳು ನಮ್ಮ ಬದುಕನ್ನು ಹೇಗೆ ತೊಂದರೆಯಲ್ಲಿ ಸಿಕ್ಕಿ ಹಾಕಿಕೊಳ್ಳುವಂತೆ ಮಾಡುತ್ತದೆ ಎಂಬುದನ್ನು ಲವ್‌, ಕಾಮಿಡಿಯನ್ನು ಮಿಕ್ಸ್‌ ಮಾಡಿದಾಗ ರಾಜ ಲವ್ಸ್‌ ರಾಧೆಯ ಥರದ ಸಿನಿಮಾವಾಗುತ್ತದೆ.
.
ಮ್ಯಾಕನಿಕ್‌[ವಿಜಯ್‌ ರಾಘವೇಂದ್ರ] ರಾಧೆ ಎಂಬ ಹುಡುಗಿಯನ್ನುಪ್ರೀತಿ ಮಾಡಲು ಆರಂಭಿಸುತ್ತಾನೆ. ವೃತ್ತಿಯಲ್ಲಿ ಮ್ಯಾಕನಿಕ್‌ ಆದರೂ ಸಾಫ್ಟ್‌ ವೇರ್‌ ಎಂಜಿನಿಯರ್ ಎಂದು ಹೇಳಿರುತ್ತಾನೆ. ಇದೇ ಸುಳ್ಳನ್ನು ತನ್ನ ತಾಯಿಗೂ ಹೇಳಿರುತ್ತಾನೆ. ಇದರಿಂದ ಒಂದೊಂದೆ ಸಮಸ್ಯೆಗೆ ಸಿಕ್ಕಿ ಹಾಕಿಕೊಳ್ಳುತ್ತಾ ಹೋಗುತ್ತಾನೆ. ಇದರಿಂದ ಹೇಗೆ ಬಿಡಿಸಿಕೊಂಡು ಹೊರಬರುತ್ತಾನೆ ಎಂಬುದೇ ಚಿತ್ರಕಥೆಯಾಗಿದೆ.
.
ಸಿನಿಮಾದ ಹೆಸರು ಕೇಳಿದ ತಕ್ಷಣ ಇದೊಂದು ಲವ್‌ಸ್ಟೋರಿ ಎಂದು ತಿಳಿಯುತ್ತದೆ ಆದರೆ ಸಿನಿಮಾದಲ್ಲಿ ಲವ್‌ಸ್ಟೋರಿ ಜತೆ ಕಾಮಿಡಿ ಸಹ ಇದೆ. ಈ ಸಿನಿಮಾದಲ್ಲಿ ಕಾಮಿಡಿ ಮತ್ತು ಲವ್‌ಸ್ಟೋರಿ ಎರಡು ಮಿಕ್ಸ್ ಆಗಿರುವುದು ಸಿನಿಮಾಗೆ ಮೈನಸ್‌ ಸಹ ಆಗುತ್ತದೆ. ಏಕೆಂದರೆ ಆ ಕಡೆ ಪ್ರೇಮದ ತೀವ್ರತೆಯೂ ಇಲ್ಲ, ಈ ಕಡೆ ಕಾಮಿಡಿಯು ಎಫೆಕ್ಟೀವ್‌ ಆಗಿ ಮೂಡಿ ಬಂದಿಲ್ಲ. ಹಾಸ್ಯ ನಟರು ಇದ್ದಾಕ್ಷಣಕ್ಕೆ ಜನ ನಗುತ್ತಾರೆ ಎಂದು ನಿರ್ದೇಶಕರು ಅಂದಾಜಿಸಿರುವುದು ಈ ಸಿನಿಮಾದಲ್ಲಿ ಎದ್ದು ಕಾಣುತ್ತದೆ.
.
ಈ ಚಿತ್ರದಲ್ಲಿ ಸಾಧು ಕೋಕಿಲ, ರಂಗಾಯಣ ರಘು, ಟೆನ್ನಿಸ್ ಕೃಷ್ಣ ಮಿಕ್ಕಂತೆ ಕುರಿ ಪ್ರತಾಪ್, ಪವನ್, ಮಿತ್ರ, ತಬಲಾ ನಾಣಿ, ಕುರಿ ರಂಗ,ಇವರೆಲ್ಲರ ಜತೆ ರವಿಶಂಕರ್‌ ಸಹ ಕಾಮಿಡಿ ಮಾಡುತ್ತಾರೆ. ಆದರೆ ಕೆಲ ದೃಶ್ಯಗಳಲ್ಲಿ ಹಾಸ್ಯ ಸಹ್ಯವಾಗುವುದಿಲ್ಲ. ಸಿನಿಮಾಗಳಿಗೆ ಪ್ರಸೆಂಟೇಶನ್‌ ಬಹಳ ಮುಖ್ಯವಾಗುತ್ತದೆ ಆದರೆ ನಿರ್ದೇಶಕರು ಚಿತ್ರವನ್ನು ಪ್ರೇಕ್ಷಕರಿಗೆ ಪ್ರಸೆಂಟ್‌ ಮಾಡುವಲ್ಲಿ ಎಡವಿದ್ದಾರೆ. ಉಳಿದಂತೆ ಒಂದಷ್ಟು ಕ್ಯಾಚಿಯಾದ ಸಂಭಾಷಣೆಗಳು ಚಿತ್ರದಲ್ಲಿವೆ.
.
ವಿಜಯ್ ರಾಘವೇಂದ್ರ, ರವಿಶಂಕರ್, ಶೋಭರಾಜ್ ಎಂದಿನಂತೆ ತಮ್ಮ ಫಾರ್ಮ್‌ ಮುಂದುವರೆಸಿದ್ದಾರೆ. ನಾಯಕಿ ರಾಧಿಕಾ ಪ್ರೀತಿ ಮತ್ತು ಶುಭಾ ಪೂಂಜಾ ಇಷ್ಟವಾಗುತ್ತಾರೆ. ಸಂಗೀತ ಮತ್ತು ಛಾಯಾಗ್ರಹಣದಲ್ಲಿ ಮತ್ತು ಸಂಗೀತದಲ್ಲಿ ವೀರ್‌ಸಮರ್ಥ್‌ ಗಮನ ಸೆಳೆಯುತ್ತಾರೆ. ಒಂದಷ್ಟು ಮೈನಸ್‌ಗಳಿದ್ದರೂ, ಸಿನಿಮಾವನ್ನು ಒಮ್ಮೆ ನೋಡಲು ಅಡ್ಡಿಯಿಲ್ಲ.
.
ರೇಟಿಂಗ್: 3/5
#RajaLovesRadhe #Cineloka
 
ಚಿರಂಜೀವಿ ಸರ್ಜಾ ನಟನೆಯ 'ಅಮ್ಮಾ ಐ ಲವ್‌' ಚಿತ್ರ ಸೆನ್ಸಾರ್‌ ಅಂಗಳ ತಲುಪಿದೆ.
ಆ ದಿನಗಳ ಖ್ಯಾತಿಯ ಕೆ ಎಂ ಚೈತನ್ಯ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಈ ಚಿತ್ರಕ್ಕೆ ನಿಶ್ವಿಕಾನಾಯ್ಡು ನಾಯಕಿಯಾಗಿದ್ದಾರೆ.
.
ಸೆನ್ಸಾರ್‌ ಆದ ತಕ್ಷಣ ಈ ಚಿತ್ರದ ಬಿಡುಗಡೆ ದಿನಾಂಕವನ್ನು ಚಿತ್ರತಂಡ ಪ್ರಕಟಿಸಲಿದೆಯಂತೆ. ಸದ್ಯದ ಮಾಹಿತಿ ಪ್ರಕಾರ ಸಿನಿಮಾ ಜೂನ್‌ ತಿಂಗಳಲ್ಲಿ ಬಿಡುಗಡೆಯಾಗಲಿದೆ. ಚಿತ್ರದ ಹಾಡುಗಳು ಮೇ 28 ರಂದು ಬಿಡುಗಡೆಯಾಗಳಿವೆಯಂತೆ.
.
ನಿರ್ಮಾಪಕ ಯೋಗಿ, ನಟ ಚಿರಂಜೀವಿ ಸರ್ಜಾ, ನಿರ್ದೇಶಕ ಚೈತನ್ಯ ಅವರ ಹ್ಯಾಟ್ರಿಕ್‌ ಕಾಂಬಿನೇಶನ್‌ ಇದಾಗಿದೆ. ಭಿಕ್ಷುಕರ ಕಥೆ ಜತೆಗೆ ತಾಯಿ ಸೆಂಟಿಮೆಂಟ್‌ ಈ ಚಿತ್ರದಲ್ಲಿದೆ.
.
#AmmaILoveYou #Cineloka
ವಿಜಯ್‌ ರಾಘವೇಂದ್ರ ನಾಯಕನಾಗಿ ಕಾಣಿಸಿಕೊಂಡಿರುವ ರಾಜ ಲವ್ಸ್‌ ರಾಧೆ ಚಿತ್ರ ಈ ವಾರ ಬಿಡುಗಡೆಯಾಗುತ್ತಿದೆ.
ಈ ಸಂಭಾಷಣೆ ಚಿತ್ರವನ್ನು ನಿರ್ದೇಶಿಸಿದ್ದ ರಾಜಶೇಖರ್‌ ಈ ಚಿತ್ರಕೆ ಆ್ಯಕ್ಷನ್‌ ಕಟ್‌ ಹೇಳಿದ್ದಾರೆ. ರಾಧಿಕಾಪ್ರೀತಿ ಈ ಚಿತ್ರದಲ್ಲಿ ವಿಜಯ್‌ ರಾಘವೇಂದ್ರಗೆ ಜೋಡಿಯಾಗಿದ್ದಾರೆ.
ಈ ಸಿನಿಮಾದಲ್ಲಿ ಕಮರ್ಷಿಯಲ್‌ ಕಾಮಿಡಿ ಇದ್ದು, ಜನಕ್ಕೆ ಬಹಳ ಇಷ್ಟವಾಗುತ್ತದೆ ಎಂಬುದು ಚಿತ್ರತಂಡದ ನಂಬಿಕೆಯಾಗಿದೆ. ವೀರ್‌ ಸಮರ್ಥ್‌ ನೀಡಿರುವ ಸಂಗೀತ ಈಗಾಗಲೇ ಹಿಟ್‌ ಲೀಸ್ಟ್‌ಗೆ ಸೇರಿರುವುದು ಚಿತ್ರತಂಡ ಗೆದ್ದಷ್ಟೇ ಖುಷಿಯಾಗಿದೆ.
ರಾಜ್ಯಾದ್ಯಂತ ಸುಮಾರು 150ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ರಾಜ ರಾಧೆಯ ಲವ್‌ ಸ್ಟೋರಿಯನ್ನು ನೋಡಬಹುದು.
ಎಚ್ ಎಲ್ ಎನ್ ರಾಜ್ ಈ ಚಿತ್ರವನ್ನು ನಿರ್ಮಿಸಿದ್ದಾರೆ. ವಿಜಯ್ ಸಿನಿಮಾಸ್ ಡಿಸ್ಟ್ರಿಬ್ಯುಶನ್ಸ್ ಮೂಲಕ ಚಿತ್ರ ಬಿಡುಗಡೆಯಾಗುತ್ತಿದೆ
#RajaLovesRadhe #Cineloka
 
ರೆಬಲ್ ಸ್ಟಾರ್ ಅಂಬರೀಷ್ ನಟನೆಯ 'ಅಂಬಿ ನಿಂಗೆ ವಯಸ್ಸಾಯ್ತೋ' ಚಿತ್ರ ಕೊನೆಯ ಹಂತಕ್ಕೆ ಬಂದಿದೆ.
ಲಾಸ್ಟ್ ಶ್ಯೆಡೂಲ್ನ ಚಿತ್ರತಂಡ ಕೇರಳದಲ್ಲಿ ಚಿತ್ರೀಕರಿಸಲು ಮಂಗಳವಾರ ಬೆಳ್ಳಂಬೆಳಗ್ಗೆ ಕೇರಳದತ್ತ ಪ್ರಯಾಣ ಮಾಡಿದೆ. ಗುರುದತ್ ಗಾಣಿಗ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ ಈ ಚಿತ್ರ ತಮಿಳಿನ ಪವರ್ ಪಾಂಡಿಯ ರಿಮೇಕ್ ಆಗಿದೆ.
.
ಸುದೀಪ್, ಶ್ರುತಿ ಹರಿಹರನ್ ಅವರ ಭಾಗದ ಚಿತ್ರೀಕರಣ ಕಂಪ್ಲೀಟ್ ಆಗಿದೆ. ಈಗ ಲಾಸ್ಟ್ ಶೆಡ್ಯೂಲ್ಗಾಗಿ ನಿರ್ಮಾಪಕ ಜಾಕ್ ಮಂಜು, ಕೋರಿಯೋಗ್ರಫರ್ ಇಮ್ರಾನ್ ಸರ್ದಾರಿಯಾ ಕೇರಳದತ್ತ ಹೆಜ್ಜೆ ಹಾಕಿದ್ದಾರೆ.
.
ಅಂಬಿ, ಕೇರಳದಲ್ಲಿ ಬೈಕ್ ರೈಡ್ ಮಾಡಲಿದ್ದು, ಅಲ್ಲಿಯೇ ತನ್ನ ಹಳೇ ಲವರ್ ಮೀಟ್ ಮಾಡುವ ಸನ್ನೀವೇಶಗಳನ್ನು ಶೂಟಿಂಗ್ ಮಾಡಲಾಗುತ್ತದೆ. ಕೇರಳದ ರಸ್ತೆಗಳಲ್ಲಿ ಅಂಬಿಯ ಬೈಕ್ ರೈಡಿಂಗ್ ಹೇಗಿರುತ್ತದೆ ಎಂಬುದಕ್ಕೆ ಚಿತ್ರ ಬಿಡುಗಡೆಯಾಗುವವರೆಗೂ ಕಾಯಬೇಕು. ಕೇರಳ ಶೂಟಿಂಗ್ ಮುಗಿಯುತ್ತಿದ್ದಂತೆ, ಚಿತ್ರಕ್ಕೆ ಕುಂಬಳಕಾಯಿ ಒಡೆಯಲಾಗುವುದು.
.
#AmbiNingVayassaitho #RebelStarAmbareesh #Cineloka
Page 10 of 17

LJOS nigif

May 1st

ad free

ರಿಯಲ್ ಸ್ಟಾರ್ ಉಪೇಂದ್ರ ರಾಜ್ಯ ರಾಜಕೀಯದಲ್ಲಿ ಯಾವ ಪಕ್ಷ ಸೇರಬೇಕು.?
  • Votes: (0%)
  • Votes: (0%)
  • Votes: (0%)
  • Votes: (0%)
  • Votes: (0%)
Total Votes:
First Vote:
Last Vote:
Go to top