Headlines

"ಬೆಲ್‌ ಬಾಟಮ್‌" ಚಿತ್ರದಲ್ಲಿ ದರೋಡೆಯೇ ಪ್ರಮುಖ ಅಂಶ
ರಿಷಬ್‌ ಶೆಟ್ಟಿ ನಟನೆಯ ಬೆಲ್‌ಬಾಟಮ್‌ ಚಿತ್ರಕ್ಕೆ ಹತ್ತು ವರ್ಷಗಳ ಹಿಂದೆ ಕೋಲಾರದಲ್ಲಿ ನಡೆದಿದ್ದ ದರೋಡೆಯೇ ಪ್ರೇರಣೆಯಂತೆ. . ಇದೇ ವಾರ ಅಂದರೆ 15ರಂದು ಬಿಡುಗಡೆಯಾಗುತ್ತಿರುವ ಈ ಸಿನಿಮಾದಲ್ಲಿ ರಿಷಬ್‌ ಶೆಟ್ಟಿ ಡಿಟೆಕ್ಟಿವ್‌ ದಿವಾಕರ ಎಂಬ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಜಯತೀರ್ಥ ಆ್ಯಕ್ಷನ್‌ ಕಟ್‌ ಹೇಳುತ್ತಿದ್ದಾರೆ.... More detail
'ಚಂಬಲ್' ಚಿತ್ರದಲ್ಲಿದ್ಯಾ ಡಿಕೆ ರವಿ ಕಥೆ??
  ಅಯೋಗ್ಯ ಸಿನಿಮಾದ ಯಶಸ್ಸಿನ ನಂತರ ನಟ ಸತೀಶ್‌ ಅವರ ಚಂಬಲ್‌ ಬಿಡುಗಡೆಗೆ ಸಿದ್ಧವಾಗಿದೆ. ಈ ಸಿನಿಮಾದ ಟ್ರೇಲರ್‌ ಬಿಡುಗಡೆಯಾಗಿದ್ದು, ಅದನ್ನು ನೋಡಿದರೆ ಇದು ಐಎಎಸ್‌ ಅಧಿಕಾರಿ ಡಿ ಕೆ ರವಿ ಕಥೆ ಇದ್ದ ಹಾಗಿದೆ. . ಹೌದು ಚಂಬಲ್‌ ಸಿನಿಮಾದ ಟ್ರೇಲರ್ ನೋಡಿದ ತಕ್ಷಣ ಸಾಮಾನ್ಯರಿಗೆ ಬರುವ ಅಭಿಪ್ರಾಯ ಇದಾಗಿದೆ. ಈ ಸಿನಿಮಾವನ್ನು... More detail
"ಉದ್ಘರ್ಷ" ಚಿತ್ರದ ಟ್ರೈಲರ್ಗೆ 'ಕಿಚ್ಚ'ನ ಧ್ವನಿ
ಕನ್ನಡ ಸಿನಿ ಪ್ರೇಕ್ಷಕರಿಗೆ ಸಸ್ಪೆನ್ಸ್ ಥ್ರಿಲರ್ ಚಿತ್ರಗಳ ಹುಚ್ಚು ಹಿಡಿಸಿದ ಮಾಸ್ಟರ್ ಡೈರೆಕ್ಟರ್ ಸುನೀಲ್ ಕುಮಾರ್ ದೇಸಾಯಿ, ಉದ್ಘರ್ಷದ ಮೂಲಕ ಈಗ ಮತ್ತೆ ದೊಡ್ಡ ನಿರೀಕ್ಷೆ ಹುಟ್ಟುಹಾಕಿದ್ದಾರೆ. . ಈ ಬಾರಿ ಮತ್ತೊಂದು ಸರ್ಪ್ರೈಸ್ ನೀಡಿರೋ ದೇಸಾಯಿ, ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅವರಿಂದ 'ಉದ್ಘರ್ಷ' ಚಿತ್ರದ ಟ್ರೇಲರ್ಗೆ ಸೈಲಂಟ್ ಆಗಿಯೇ ಡಬ್ಬಿಂಗ್... More detail
ಫ್ಲಮಿಂಗೊ ಅವಾರ್ಡ್ಸ್ 2018
ಸಿನಿಮಾ ಪ್ರಿಯರಿಗೆ ಡ್ಯಾನ್ಸ್, ನಟನೆ, ನಿರ್ದೇಶನ ಮತ್ತು ಮಾಡಲಿಂಗ್ ಕಲಿಯಲು ‘ಫ್ಲೆಮಿಂಗೋ ಸೆಲಬ್ರಿಟಿಸ್ ವರ್ಡ್ ಪ್ರೈ. ಲಿಮಿಟೆಡ್’ ತರಭೇತಿ ಸಂಸ್ಥೆಯು ಧವನ್‌ ಸೋಹ ಸಾರಥ್ಯದಲ್ಲಿ 2013ರಲ್ಲಿ ಪ್ರಾರಂಭ ಮಾಡಿದ್ದಾರೆ. ಉತ್ತಮ ವಿದ್ಯಾರ್ಥಿಗಳನ್ನು ಅಡಿಷನ್ ಮಾಡಿ ಕಿರುತೆರೆ, ಹಿರಿತೆರೆಗೆ ಶಿಪಾರಸ್ಸು ಮಾಡಲಾಗುತ್ತಿದೆ. ಈಗಾಗಲೇ ಹಲವು ಪ್ರತಿಭೆಗಳು... More detail
'ದಂಡುಪಾಳ್ಯಂ 4' ಚಿತ್ರವನ್ನು ತಿರಸ್ಕರಿಸಿದ ಸೆನ್ಸಾರ್‌...
  ಸುಮನ್‌ ರಂಗನಾಥ್‌ ನಟಿಸಿರುವ ದಂಡುಪಾಳ್ಯಂ-4 ಚಿತ್ರವನ್ನು ಸೆನ್ಸಾರ್‌ ಮಂಡಳಿ ರಿಜೆಕ್ಟ್‌ ಮಾಡಿದೆ. ಆದರೆ ಯಾವುದೇ ಕಾರಣ ನೀಡದೆ ಸಿನಿಮಾವನ್ನು ತಿರಸ್ಕರಿಸಿರುವ ಸೆನ್ಸಾರ್‌  ಮಂಡಳಿ ವಿರುದ್ಧ ನಿರ್ಮಾಪಕ ವೆಂಕಟ್‌ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ನವೆಂಬರ್‌ ತಿಂಗಳಿನಲ್ಲಿ ಸೆನ್ಸಾರ್‌ಗಾಗಿ... More detail
prev
next

Jan 21

nata

ttm

adweb

udgharsha

ಚಿತ್ರ: ಬೆಲ್ ಬಾಟಂ

ನಿರ್ದೇಶಕ: ಜಯತೀರ್ಥ
ಸಂಗೀತ ನಿರ್ದೇಶಕ: ಅಜನೀಶ್ ಲೋಕನಾಥ್
ನಿರ್ಮಾಣ: ಗೋಲ್ಡನ್ ಹಾರ್ಸ್ ಸಿನಿಮಾಸ್

ತಾರಾಗಣ: ರಿಷಬ್ ಶೆಟ್ಟಿ, ಹರಿಪ್ರಿಯಾ, ಅಚ್ಯುತ್ ಕುಮಾರ್, ಪ್ರಮೋದ್ ಶೆಟ್ಟಿ, ಯೋಗರಾಜ್ ಭಟ್

-----

ಥ್ರಿಲ್ಲರ್‌ ಕಥೆ ಹೇಳುವಾಗ ರೋಮಾಂಚಕಾರಿ ಚಿತ್ರಕಥೆ ಇರಬೇಕು. ಮತ್ತು ದೃಶ್ಯದಿಂದ ದೃಶ್ಯಕ್ಕೆ ಕೂತಹಲ ಮೂಡಿಸುತ್ತಿರಬೇಕು. ಆದರೆ ಈ ಎಲ್ಲ ಬೇಲಿಗಳನ್ನು ಮುರಿದು ಸಸ್ಪೆನ್ಸ್‌ ಥ್ರಿಲ್ಲರ್‌ ಕಥೆಯನ್ನು ಹಾಸ್ಯದ ಮೂಲಕ ಪ್ರೇಕ್ಷಕರಿಗೆ ಉಣಬಡಿಸಿದೆ ಬೆಲ್‌ಬಾಟಮ್‌ ಸಿನಿಮಾ.

ಕೋಲಾರದ ಬಳಿ ನಡೆದ ನೈಜ ಘಟನೆಗೆ ಕಥಾ ರೂಪ ಕೊಟ್ಟು ಅದನ್ನು ಸಿನಿಮಾ ಲಾಂಗ್ವೇಜ್‌ ಇಳಿಸಿದ್ದಾರೆ ಜಯತೀರ್ಥ ಆ್ಯಂಡ್‌ ಟೀಮ್‌. ಇಡೀ ಸಿನಿಮಾವನ್ನು 70 ಮತ್ತು 80ರ ದಶಕದಲ್ಲಿ ಕಟ್ಟಿಕೊಟ್ಟಿರುವದೇ ಈ ಸಿನಿಮಾದ ಹೈಲೈಟ್‌.

.

ಸಿನಿಮಾದ ಟೈಟಲ್‌ನಲ್ಲಿಯೇ ಇರುವಂತೆ ಇದು ಡಿಟೆಕ್ಟಿವ್‌ ದಿವಾಕರನ [ರಿಷಬ್‌ ಶೆಟ್ಟಿ] ಸಾಹಸ ಗಾಥೆ. ದಿವಾಕರ ಇಲ್ಲಿ ಡಿಟೆಕ್ಟಿವ್‌ ಆಗುವುದಕ್ಕೆ ಮುನ್ನ ಒಬ್ಬ ಸಾಮಾನ್ಯ ಪೊಲೀಸ್‌ ಕಾನ್‌ಸ್ಟೇಬಲ್‌ ಆಗಿರುತ್ತಾನೆ. ತನ್ನ ಚಾಕಚಕ್ಯತೆಯಿಂದ ಮೇಲಾಧಿಕಾರಿಗಳು ಕಂಡು ಹಿಡಿಯಲು ಆಗದ ಕೇಸ್‌ ಒಂದನ್ನು ಪರಿಹರಿಸಿ ಇಡೀ ಸ್ಟೇಷನ್‌ನಲ್ಲಿ ಹೀರೋ ಆಗುತ್ತಾನೆ. ಅದೇ ಅವನಿಗೆ ಮತ್ತೊಂದು ಪ್ರಮುಖ ಕೇಸ್‌ ಹುಡುಕಿಕೊಡುತ್ತದೆ. ಆದರೆ ಇದು ಮೂರು ಪೊಲೀಸ್‌ ಸ್ಟೇಷನ್‌ಗಳಿಗೆ ತಲೆನೋವಾಗಿದ್ದ ಕೇಸ್‌ ಆಗಿರುತ್ತದೆ. ದಿವಾಕರ ಇದನ್ನು ಕಂಡು ಹಿಡಿಯದಿದ್ದರೆ ಮೂರು ಜನ ಸಬ್‌ ಇನ್‌ಸ್ಪೆಕ್ಟರ್‌ಗಳ ಕೆಲಸಕ್ಕೆ ಕುತ್ತು ಬರುವಂತಹದ್ದಾಗಿರುತ್ತದೆ. ಆ ಕೇಸ್‌ ಯಾವುದು, ಅದನ್ನು ದಿವಾಕರ ಹೇಗೆ ಪರಿಹರಿಸುತ್ತಾನೆ. ಅದಕ್ಕೆ ಆತ ಬಳಸುವ ಟ್ರಿಕ್‌ಗಳಾವುವು. ಇವೆಲ್ಲವೂ ಸಿನಿಮಾದ ಚಿತ್ರಕಥೆಯಾಗಿದೆ. ಇದನ್ನೆಲ್ಲ ನೋಡಲು ಒಮ್ಮೆ ಚಿತ್ರಮಂದಿರಕ್ಕೆ ಹೋಗಲೇಬೇಕು.

.

ಒಂದು ಸಾಮಾನ್ಯ ಕೇಸ್‌ ಅಂದುಕೊಳ್ಳುವಾಗಲೇ ತಿರುಳುಗಳು ನಿಧಾನವಾಗಿ ಬಿಚ್ಚಿಕೊಳ್ಳುತ್ತಾ ಹೋಗುತ್ತವೆ. ಆ ತಿರುಳುಗಳಿಗೆ ಹಾಸ್ಯದ ಲೇಪನ ಸಿನಿಮಾ ನೋಡುವ ಪ್ರೇಕ್ಷಕರನ್ನು ಸೀಟಿನ ತುದಿಗೆ ಕಟ್ಟಿಹಾಕುತ್ತವೆ. ಈ ವಿಚಾರದಲ್ಲಿ ಸಂಭಾಷಣೆಕಾರ ರಘು ನಿಡುವಳ್ಳಿ ಅವರ ಬರವಣಿಗೆ ಪ್ರಶಂಸೆಗೆ ಒಳಪಡುತ್ತದೆ.

.

ಕಥೆ 80 ರ ದಶಕದಲ್ಲಿ ನಡೆಯುವುದರಿಂದ ಅದನ್ನು ಸಮರ್ಥವಾಗಿ ಕಟ್ಟಿಕೊಟ್ಟಿದೆ ಚಿತ್ರತಂಡ. ಎಲ್ಲಿಯೂ ಆಧುನಿಕತೆಯ ಲವಲೇಶವೂ ಕಾಣುವುದಿಲ್ಲ. ಇದು ನೋಡುಗನಿಗೆ ಹೊಸದಾಗಿ ಕಂಡು ಸಿನಿಮಾ ಕಲರ್‌ಫುಲ್ ಮೇಕಿಂಗ್‌ ಅನ್ನಿಸುತ್ತದೆ.

.

ಮೊದಲ ಬಾರಿಗೆ ನಾಯಕರಾಗಿರುವ ರಿಷಬ್‌ ಶೆಟ್ಟಿ ಚೊಚ್ಚಲ ಪ್ರಯತ್ನದಲ್ಲಿಯೇ ಸಿಕ್ಸರ್‌ ಬಾರಿಸಿದ್ದಾರೆ. ಕಾಮಿಡಿ, ಲವರ್‌ ಬಾಯ್‌, ಖಡಕ್‌ ಡಿಟೆಕ್ಟಿವ್‌ ಹೀಗೆ ಎಲ್ಲ ಪಾತ್ರದಲ್ಲಿಯೂ ಮಿಂದೆದ್ದಿದ್ದಾರೆ. ಬೊಗಸೆ ತುಂಬ ಆಸೆ ನೀಡುವೆ ಎಂಬ ಹಾಡಿನಷ್ಟೇ ಸುಂದರವಾಗಿ ಹರಿಪ್ರಿಯಾ ನಟಿಸಿದ್ದಾರೆ. ಪ್ರಮೋದ್ ಶೆಟ್ಟಿ, ಯೋಗರಾಜ್ ಭಟ್, ಅಚ್ಯುತ್ ಕುಮಾರ್‌ ಎಲ್ಲರೂ ತಮ್ಮ ಪಾತ್ರಗಳಿಗೆ ನ್ಯಾಯ ಸಲ್ಲಿಸಿದ್ದಾರೆ. ಸೆಗಣಿ ಪಿಂಟೋ ಆಗಿ ಸುಜಯ್‌ ಶಾಸ್ತ್ರಿ ಮತ್ತು ಪಿ ಡಿ ಸತೀಶ್‌ ಚಂದ್ರ ಕಾಂಪಿಟೇಶನ್‌ನಲ್ಲಿ ನಗಿಸುತ್ತಾರೆ. ಸಿನಿಮಾಟೋಗ್ರಫರ್‌ ಅರವಿಂದ್‌ ಕಶ್ಯಪ್‌, ಸಂಗೀತ ನಿರ್ದೇಶಕ ಅಜನೀಶ್‌ ಲೋಕನಾಥ್‌ ಅವರ ಕೆಲಸ ಸಿನಿಮಾದ ಕಲರ್‌ ಅನ್ನು ಹೆಚ್ಚಿಸಿದೆ.

 

.

80ರ ದಶಕದ ರೆಟ್ರೋ ಫಿಲ್‌ ಮತ್ತು ಒಂದೊಳ್ಳೆ ಸಸ್ಪೆನ್ಸ್‌ ಥ್ರಿಲ್ಲರ್‌ ಕಥೆಯನ್ನು ನೋಡಲು ಬೆಲ್‌ಬಾಟಮ್‌ ಚಿತ್ರವನ್ನು ನೋಡಲೇಬೇಕು.

ರೇಟಿಂಗ್ - 4/5

ಚಿತ್ರ: ನಟಸಾರ್ವಭೌಮ

ನಿರ್ಮಾಪಕ: ರಾಕ್‌ಲೈನ್‌ ವೆಂಕಟೇಶ್‌
ನಿರ್ದೇಶನ: ಪವನ್‌ ಒಡೆಯರ್‌
ಸಂಗೀತ: ಡಿ. ಇಮಾನ್
ತಾರಗಣ: ಪುನೀತ್ ರಾಜ್‌ಕುಮಾರ್‌, ರಚಿತಾ ರಾಮ್‌, ಅನುಪಮಾ ಪರಮೇಶ್ವರನ್‌, ರವಿಶಂಕರ್‌, ಚಿಕ್ಕಣ್ಣ

.

ಪವರ್ ಸ್ಟಾರ್ ಪುನೀತ್‌ರಾಜ್‌ಕುಮಾರ್‌ ಅವರ ಸಿನಿಮಾಗಳಲ್ಲಿ ಫೈಟ್ಸ್‌, ಡಾನ್ಸ್‌, ಹಾಡು, ಲವ್‌ಸ್ಟೋರಿ , ಫ್ಯಾಮಿಲಿ ಸೆಂಟಿಮೆಂಟ್‌ ಎಲ್ಲವೂ ಇರುತ್ತದೆ. ಆದರೆ ನಟಸಾರ್ವಭೌಮದಲ್ಲಿ ಇದೆಲ್ಲದರ ಜತೆಗೆ ಹಾರರ್‌ ಎಲಿಮೆಂಟ್‌ ಸೇರಿಕೊಂಡು ಪ್ರೇಕ್ಷಕರಿಗೆ ಥ್ರಿಲ್‌ ನೀಡುತ್ತದೆ.

.

ನಾಯಕ ಗಗನ್‌ ದೀಕ್ಷೀತ್‌[ ಪುನೀತ್‌] ಕೋಲ್ಕತ್ತದಿಂದ ಬೆಂಗಳೂರಿಗೆ ವರ್ಗವಾಗಿ ಬರುವ ಪತ್ರಕರ್ತ. ಈತ ಬೆಂಗಳೂರಿಗೆ ಯಾರೊ ಒಬ್ಬರನ್ನು ಹುಡುಕಿಕೊಂಡು ಬರುತ್ತಾನೆ. ಬೆಂಗಳೂರಿಗೆ ಬಂದ ತಕ್ಷಣ ಕೇಂದ್ರದ ಸಚಿವರೊಬ್ಬರನ್ನು ಪ್ರಾಣಾಪಯದಿಂದ ಪಾರು ಮಾಡುತ್ತಾನೆ. ಆದರೆ ಇದೇ ಕೇಂದ್ರ ಸಚಿವರನ್ನು ಅವರ ಬರ್ತ್‌ಡೇ ಪಾರ್ಟಿಯಲ್ಲಿ ಹೊಡೆದು ನೆಲಕ್ಕೆ ಉರುಳಿಸುತ್ತಾನೆ. ಅದು ಯಾಕೆ, ಆ ಕೇಂದ್ರ ಸಚಿವರಿಗೂ ಗಗನ್‌ಗೂ ಏನು ಸಂಬಂಧ, ಜತೆಗೆ ಆತ ಬೆಂಗಳೂರಿಗೆ ಹುಡುಕಿಕೊಂಡ ಬಂದಿದ್ದು ಯಾರನ್ನು, ಇನ್ನು ಬಿಡುಗಡೆಯಾಗಿರುವ ಟ್ರೇಲರ್‌ನಲ್ಲಿ ಪುನೀತ್‌ ಮೈ ಮೇಲೆ ದೆವ್ವಬಂದಿದೆ ಎಂಬುದು ಎಲ್ಲರಿಗೂ ಗೊತ್ತಾಗಿದೆ. ಆದರೆ ಅದು ಯಾಕೆ, ಆ ದೆವ್ವ ಯಾರು, ಪುನೀತ್‌ ಮೇಲೆ ಯಾಕೆ ಬಂದಿದೆ ಇಂತಹ ಹಲವು ಪ್ರಶ್ನೆಗಳನ್ನು ಸಿನಿಮಾದಲ್ಲಿಯೇ ನೋಡಬೇಕು.

.

ಎಲ್ಲ ಹಾರರ್‌ ಕಥೆಯಲ್ಲಿರುವಂತೆ ಈ ಸಿನಿಮಾದಲ್ಲಿಯೂ ಒಂದು ರಿವೇಂಜ್‌ ಕಥೆ ಇದೆ, ಆದರೆ ಪವನ್‌ ಒಡೆಯರ್‌ ಅದನ್ನು ತೆರೆ ಮೇಲೆ ತಂದಿರುವ ರೀತಿ ಚೆನ್ನಾಗಿದೆ. ಸಾಮಾನ್ಯ ಕಥೆಗೆ ಪುನೀತ್‌ ಅವರ ಸ್ಟಾರ್‌ಗಿರಿಯನ್ನು ಮಿಕ್ಸ್‌ ಮಾಡಿ , ಅದ್ಭುತವಾದ ಡಾನ್ಸ್‌,ಅಭಿಮಾನಿಗಳಿಗಾಗಿ ಅಭಿಮಾನದ ಡೈಲಾಗ್ಸ್‌ಗಳು, ಸುಮಧುರ ಹಾಡುಗಳು, ಹೀಗೆ ಎಲ್ಲವನ್ನು ಸೇರಿಸಿ ಸಿನಿಮಾವನ್ನು ಪಕ್ಕಾ ಎಂಟರ್‌ಟೇನರ್ ಮಾಡಿದ್ದಾರೆ. ಕೊಲ್ಕತಾದಲ್ಲಿ ಶೂಟ್ ಮಾಡಿರುವ ದೃಶ್ಯಗಳು ಮನಸ್ಸಿಗೆ ಹತ್ತಿರವಾಗುತ್ತವೆ.

ಸಿನಿಮಾ ಸಂಪೂರ್ಣ ಅಪ್ಪುಮಯ ಮಾಡಿರುವ ನಿರ್ದೇಶಕ ಪವನ್, ನಾಯಕಿಯರಿಗೆ ಹೆಚ್ಚು ಕೆಲಸ ಕೊಟ್ಟಿಲ್ಲ. ಚಿತ್ರದಲ್ಲಿ ಕೆಲವೊಂದು ದೃಶ್ಯಗಳ ಡಿಟೈಲಿಂಗ್ ಮಿಸ್ ಹೊಡೆದಿದೆ.

.

ಪುನೀತ್‌ರಾಜ್‌ಕುಮಾರ್‌ ಅವರು ಡಾನ್ಸ್‌, ಫೈಟ್ಸ್‌, ಲವ್‌ ಸೀನ್‌, ಸೆಂಟಿಮೆಂಟ್‌, ಕಾಮಿಡಿ ಎಲ್ಲದರಲ್ಲೂ ನೂರಕ್ಕೆ ನೂರರಷ್ಟು ಅಂಕ ಗಳಿಸಿದ್ದಾರೆ. ಹಾಗಾಗಿ ಅವರಿಗೆ ನಟಸಾರ್ವಭೌಮ ಎಂಟ ಟೈಟಲ್‌ ಸೂಟ್‌ ಆಗುತ್ತದೆ. ಇಬ್ಬರು ನಾಯಕಿಯರಲ್ಲಿ ಹೆಚ್ಚು ಮನಸ್ಸಿನಲ್ಲಿ ಉಳಿಯುವುದು ಅನುಪಮಾ ಪರಮೇಶ್ವರನ್‌. ರಚಿತಾ ಮುದ್ದಾಗಿ ಕಂಡರೂ, ಅವರಿಗೆ ಸ್ಕ್ರೀನ್‌ ಸ್ಪೇಸ್‌ ಕಮ್ಮಿಯೇ ಇದೆ. ಇನ್ನು ರವಿಶಂಕರ್‌ ಎಂದಿನಂತೆ ಅಬ್ಬರಿಸಿದ್ದಾರೆ. ಅಚ್ಯುತ್‌ಕುಮಾರ್‌ ಅವರದ್ದು ವಿಶೇಷ ಪ್ರಯತ್ನ. ಚಿಕ್ಕಣ್ಣ ಮತ್ತು ಸಾಧುಕೋಕಿಲಾ ನಗಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

.

ವೈದಿ ಅವರ ಕ್ಯಾಮೆರಾ, ಇಮಾನ್  ಅವರ ಸಂಗೀತ ಎರಡೂ ಹದವಾಗಿ ಬೆರೆತು ಸಿನಿಮಾ ಕಲರ್‌ಫುಲ್‌ ಆಗಿ ಕಂಡಿದೆ.ಪೀಟರ್ ಹೆನ್ ಅವರ ಸಾಹಸ ನಿರ್ದೇಶನ ಇನ್ನೂ ಚೆನ್ನಾಗಿರಬಹುದಿತ್ತು. ಪುನೀತ್‌ ಅವರನ್ನು ಅದ್ಭುತವಾಗಿ ಕುಣಿಸಿರುವ ನೃತ್ಯ ನಿರ್ದೇಶಕರು ಸಹ ಪ್ರಶಂಸಾರ್ಹರು. ಯಾವುದೇ ಕೊರತೆ ಇಲ್ಲದೆ ಸಿನಿಮಾ ಮಾಡಿರುವುದು ಎದ್ದು ಕಾಣುತ್ತದೆ. ಇದರ ಸಂಪೂರ್ಣ ಕ್ರೆಡಿಟ್‌ ರಾಕ್‌ಲೈನ್‌ ವೆಂಕಟೇರಶ್‌ ಅವರದ್ದು.

.

ಒಟ್ಟಿನಲ್ಲಿ ನಟಸಾರ್ವಭೌಮ ಫ್ಯಾಮಿಲಿ ಕಮ್‌ ಮಾಸ್‌ ಆಡಿಯನ್ಸ್‌ ಇಷ್ಟಪಡುವಂತಹ ಸಿನಿಮಾವಾಗಿದೆ. ಅದರಲ್ಲು ಅಪ್ಪು ಫ್ಯಾನ್ಸ್‌ ಅಂತೂ ಸಖತ್‌ ಎಂಜಾಯ್‌ ಮಾಡುತ್ತಾರೆ.

ರೇಟಿಂಗ್‌ : 3.75/5

ಚಿತ್ರ : ಬಜಾರ್
ನಿರ್ಮಾಣ : ತಿಮ್ಮೇಗೌಡ
ನಿರ್ದೇಶಕ : ಸುನಿ
ಸಂಗೀತ : ರವಿ ಬಸ್ರೂರು
ಕ್ಯಾಮೆರಾ : ಸಂತೋಷ್ ರೈ ಪಾತಾಜೆ
ತಾರಾಗಣ : ಧನ್‌ವೀರ್, ಅದಿತಿ ಪ್ರಭುದೇವ, ಸಾಧುಕೋಕಿಲ, ಶರತ್ ಲೋಹಿತಾಶ್ವ, ಅರುಣಾ ಬಾಲರಾಜ್, ಚೇತನ್ ಚಂದ್ರ, ಧರ್ಮೇಂದ್ರ ಅರಸ್

.

ಪಾರಿವಾಳ ರೇಸ್‌ ಜಗತ್ತಿನ ಪರಿಚಯ ಮಾಡಿಸುವ ಬಜಾರ್‌ :

 

ಸ್ಯಾಂಡಲ್‌ವುಡ್‌ನಲ್ಲಿ ಎಲ್ಲ ತರಹದ ರೌಡಿಸಂ ಸಿನಿಮಾಗಳು ಬಂದಿವೆ. ಆದರೆ ಪಾರಿವಾಳ ರೇಸ್‌ಗೆ ಸಂಬಂಧಿಸಿದ್ದು ಇರಲಿಲ್ಲ. ಅದರ ಕೊರತೆಯನ್ನು ಬಜಾರ್‌ ನೀಗಿಸಿದೆ.

ಇಲ್ಲಿಯವರೆಗೂ ತರಾವರಿ ಲವ್‌ ಸ್ಟೋರಿಗಳ ಮೂಲಕ ಗಮನ ಸೆಳೆದಿದ್ದ ಸಿಂಪಲ್‌ ಸುನಿ ಮೊದಲ ಬಾರಿಗೆ ಇಂತಹದ್ದೊಂದು ವಿಶೇಷ ಕಥೆಯ ಮೂಲಕ ಮಾಸ್‌ ಸಿನಿಮಾ ಮಾಡಿದ್ದಾರೆ.

.

ನಿರ್ದೇಶಕ ಸುನಿ ತಮ್ಮ ಪಾರಿವಾಳ ಹಾರಾಟ ಸ್ಪರ್ಧೆ ಮತ್ತು ಅದರ ಹಿಂದಿನ ಬೆಟ್ಟಿಂಗ್ ದಂಧೆಯನ್ನು ತೆರೆ ಮೇಲೆ ತಂದು ಎಲ್ಲ ವರ್ಗದವರಿಗೂ ತಲುಪಿಸವ ಪ್ರಯತ್ನ ಮಾಡಿದ್ದಾರೆ. ಈ ಪ್ರಯತ್ನಕ್ಕೆ ಅವರ ಚಿತ್ರಕಥೆ ಸಾಥ್‌ ನೀಡಿದೆ.

.

ಈ ಸಿನಿಮಾದಲ್ಲಿ ಕ್ಯೂಟ್‌ ಲವ್‌ಸ್ಟೋರಿಯಿದೆ, ಕ್ಲಾಸ್‌ ಜನಗಳ ಬದುಕಿದೆ. ಬಿ ಮತ್ತು ಸಿ ಆಡಿಯನ್ಸ್ ಇಷ್ಟಪಡುವ ಖಡಕ್‌ ಡೈಲಾಗ್‌, ಮಾಸ್‌ ಫೈಟ್ಸ್‌, ಕಿವಿಗೆ ಕಿಕ್‌ ಕೊಡುವ ಹಿನ್ನೆಲೆ ಸಂಗೀತ ಎಲ್ಲವೂ ಇದೆ. ಇವೆಲ್ಲವೂ ಇರುವ ಕಾರಣಕ್ಕೆ ಬಹುಶಃ ಸುನಿ ಇದಕ್ಕೆ ಬಜಾರ್‌ ಎಂದು ಹೆಸರಿಟ್ಟಿರಬಹುದು.

.

ಸುನಿ ಮೊದಲ ಬಾರಿಗೆ ರೌಡಿಸಂ ಎಲಿಮೆಂಟ್‌ ಇರುವ ಮಾಸ್‌ ಸಿನಿಮಾ ಮಾಡಿದ್ದಾರೆ, ಆದರೆ ತಮ್ಮ ಸ್ಟೈಲ್‌ನ್ನು ಇಲ್ಲಿಯೂ ಸೂಕ್ಷ್ಮವಾಗಿ ಮುಂದುವರೆಸಿದ್ದಾರೆ.ಚಿತ್ರದ ವೇಗ ಸ್ವಲ್ಪ ಚುರುಕಾಗಿರಬೇಕಿತ್ತು, ಚಿತ್ರದ ಸಬ್ಜೆಕ್ಟ್ ಹೆವಿ ಆಗಿರೋದ್ರಿಂದ ಪಾತ್ರವರ್ಗಕ್ಕೆ ನುರಿತ ಕಲಾವಿದರ ಅವಶ್ಯಕತೆ ಇತ್ತು. ಉದಾಹರಣೆಗೆ ಪೋಲೀಸ್ ಅಧಿಕಾರಿ ಪಾತ್ರಕ್ಕೆ ಮತ್ತಷ್ಟು ಖಡಕ್ ನಟನ ಅವಶ್ಯಕತೆಯಿತ್ತು. ಸಾಧು ಕೋಕಿಲ ಅವರದು ಕಾಮಿಡಿ ಪಾತ್ರವೋ, ಸೀರಿಯಸ್ ಪಾತ್ರವೋ ತಿಳಿಯುವುದಿಲ್ಲ. ಯಾಕಂದ್ರೆ ಚಿತ್ರ ಮುಗಿದ ಮೇಲೆ ಸಾಧು ಅವರ ನೆನಪಿರೋದೇ ಇಲ್ಲ.

.

ಈ ಸಿನಿಮಾ ಮೂಲಕ ಸ್ಯಾಂಡಲ್ವುಡ್‌ಗೆ ಎಂಟ್ರಿ ಕೊಟ್ಟಿರುವ ಧನ್ವೀರ್‌ ಚೊಚ್ಚಲ ಪ್ರಯತ್ನದಲ್ಲೇ ಗಮನ ಸೆಳೆಯುತ್ತಾರೆ.ತಮ್ಮ ಹೈಟು ವೈಟು, ಧ್ವನಿ, ನಟನೆ ಎಲ್ಲದರಲ್ಲಿಯೂ ಅವರು ಇಷ್ಟವಾಗುತ್ತಾರೆ. ಶರತ್‌ ಲೋಹಿತಾಶ್ವ ಎಂದಿನಂತೆ ತಮ್ಮ ಪಾತ್ರದಲ್ಲಿ ಸಿಕ್ಸರ್‌ ಬಾರಿಸಿದ್ದಾರೆ. ನಾಯಕಿ ಅದಿತಿ ಸಹ ಕ್ಯೂಟ್‌ ಆಗಿ ನಟಿಸಿದ್ದಾರೆ. ಕುಡುಕ ತಂದೆಯಾಗಿ ಧರ್ಮೇಂದ್ರ ಅರಸ್ ಇಷ್ಟವಾಗುತ್ತಾರೆ. ಚೇತನ್ ಚಂದ್ರ, ಸಾಧು ಕೋಕಿಲಾ ಎಲ್ಲರೂ ತಮ್ಮ ಪಾತ್ರಗಳಿಗೆ ನ್ಯಾಯ ಸಲ್ಲಿಸಿದ್ದಾರೆ.

.

ಸಂಗೀತ ಮತ್ತು ಸಿನಿಮಾಟೋಗ್ರಫಿ ಸಿನಿಮಾದ ಪ್ಲಸ್‌ಪಾಯಿಂಟ್‌ನಲ್ಲಿ ತನ್ನ ಅಗ್ರಗಣ್ಯ ಸ್ಥಾನ ಗಳಿಸುತ್ತದೆ. ಇದಕ್ಕೆ ಕಾರಣರಾದ ರವಿ ಬಸ್ರೂರು, ಸಂತೋಷ್‌ ರೈ ಪಾತಾಜೆ ಅಭಿನಂದಾರ್ಹರು.

ಒಟ್ಟಿನಲ್ಲಿ ಸಿನಿಮಾ ಮಾಸ್‌ ಮತ್ತು ಕ್ಲಾಸ್‌ ಪ್ರೇಕ್ಷಕರಿಬ್ಬರನ್ನು ಸೆಳೆಯುವದರಲ್ಲಿ ಅನುಮಾನವಿಲ್ಲ.

.

ರೇಟಿಂಗ್ : 3.5/5

ಚಿತ್ರ: ಸೀತಾರಾಮ ಕಲ್ಯಾಣ
ನಿರ್ದೇಶನ : ಎ ಹರ್ಷ
ನಿರ್ಮಾಣ : ಅನಿತಾ ಕುಮಾರಸ್ವಾಮಿ
ಸಂಗೀತ : ಅನೂಪ್ ರೂಬೆನ್ಸ್
ಸಿನಿಮಾಟೋಗ್ರಾರ್ : ಸ್ವಾಮಿ
ತಾರಾಗಣ : ನಿಖಿಲ್‌ಕುಮಾರ್, ರಚಿತಾರಾಮ್, ಶರತ್‌ಕುಮಾರ್, ಮಧುಬಾಲ, ಆದಿತ್ಯ ಮೆನನ್, ಚಿಕ್ಕಣ್ಣ,ನಯನ ಮತ್ತಿತರರು.

.


ನಿಖಿಲ್‌ಕುಮಾರ್‌ ಮತ್ತು ರಚಿತಾ ರಾಮ್‌ ನಟನೆಯ ಸೀತಾರಾಮ ಕಲ್ಯಾಣ ಸಿನಿಮಾ ಮೇಕಿಂಗ್‌, ಸಂಗೀತ, ಆ್ಯಕ್ಷನ್‌, ಕಾಮಿಡಿ, ಹೀಗೆ ಎಲ್ಲದರಿಂದಲೂ ಒಟ್ಟಾಗಿ ಕೌಟುಂಬಿಕ ಕಲ್ಯಾಣವಾಗಿದೆ.

ಸೀತಾ ರಾಮ ಕಲ್ಯಾಣದಲ್ಲಿ ಎಲ್ಲವೂ ಇದೆ. ಲವ್‌ಸ್ಟೋರಿ, ಕಾಮಿಡಿ, ಎಮೋಷನ್ಸ್‌, ಆ್ಯಕ್ಷನ್ ಹೀಗೆ ಎಲ್ಲ ಅಂಶಗಳನ್ನು ಒಳಗೊಂಡಿರುವ ಒಂದು ಕಂಪ್ಲೀಟ್‌ ಪ್ಯಾಕೇಜ್‌ ಈ ಸಿನಿಮಾ.

.

ಮದುವೆಯೊಂದರಲ್ಲಿ ನಾಯಕ ಆರ್ಯ [ನಿಖಿಲ್‌]ಗೆ ಗೀತಾ [ರಚಿತಾ ರಾಮ್‌]ಳನ್ನು ನೋಡುತ್ತಾನೆ. ನೋಡಿದ ತಕ್ಷಣ ಲವ್‌ಲ್ಲಿ ಬೀಳೋ ಆರ್ಯ ಅದನ್ನು ಹೇಳುವುದು ಮಾತ್ರ ಸಿನಿಮಾದ ಇಂಟರ್‌ವೆಲ್‌ ಅಷ್ಟೊತ್ತಿಗೆ. ಅಷ್ಟೊರಳಗೆ ಒಂದು ಫೈಟ್‌, ಒಂದಷ್ಟು ಕಥೆಯ ವಿಸ್ತರಣೆ ಆಗಿರುತ್ತದೆ. ಅದೇನು ಎಂಬುದನ್ನು ಸಿನಿಮಾದಲ್ಲಿಯೇ ನೋಡಿದರೆ ಚಂದ.

.

ನಿರ್ದೇಶಕ ಹರ್ಷ ಮೇಕಿಂಗ್‌, ಲೊಕೇಶನ್‌ ಸೆಲೆಕ್ಷನ್‌, ಹಾಡುಗಳ ಆಯ್ಕೆ, ಚಿತ್ರಕಥೆ ಎಲ್ಲದರಲ್ಲಿಯೂ ಅಚ್ಚುಕಟ್ಟಾಗಿ ಕೆಲಸ ಮಾಡಿ ಗಮನ ಸೆಳೆದಿದ್ದಾರೆ. ಚಿತ್ರದ ಕೆಲವು ದೃಶ್ಯಗಳಲ್ಲಿ ಒಂದೆರಡು ತೆಲುಗು ಸಿನಿಮಾಗಳ ಛಾಯೆಯಿದೆ.

.

ಹರ್ಷ ಅವರ ಕನಸಿಗೆ ಸಿನಿಮಾಟೋಗ್ರಫರ್‌ ಸ್ವಾಮಿ ಮತ್ತು ಸಂಗೀತ ನಿರ್ದೇಶಕ ಅನುಪ್‌ ರೂಬೆನ್ಸ್‌ ನೀರೆರೆದಿದ್ದಾರೆ. ಅತಿ ಹೆಚ್ಚು ಗಮನ ಸೆಳೆಯುವುದು ಇವರಿಬ್ಬರ ಕೆಲಸ. ಇನ್ನು ನಿಖಿಲ್‌ಕುಮಾರ್‌ ಮೊದಲ ಸಿನಿಮಾಗೂ ಈ ಸಿನಿಮಾಗೂ ಸಾಕಷ್ಟು ಪಳಗಿದ್ದಾರೆ. ಡೈಲಾಗ್‌ ಡಿಲವರಿ, ಆ್ಯಕ್ಷನ್‌, ನಟನೆ, ರೊಮ್ಯಾನ್ಸ್‌, ಕಾಮಿಡಿ ಹೀಗೆ ಎಲ್ಲವನ್ನು ಲೀಲಾಜಾಲವಾಗಿ ಮಾಡಿ ನಟನಾಗಿ ಮಾಗಿದ್ದಾರೆ.

.

ರಚಿತಾ ರಾಮ್‌ ಇಲ್ಲಿ ಪಕ್ಕಾ ಫ್ಯಾಮಿಲಿ ಗರ್ಲ್‌. ಇಡೀ ಸಿನಿಮಾದ ಲಂಗ ದಾವಣಿ ಹಾಕಿಕೊಂಡು ಇಷ್ಟವಾಗುತ್ತಾರೆ. ಅಲ್ಲದೆ ತಮ್ಮ ಎಂದಿನಂತೆ ಲವಲವಿಕೆಯ ನಟನೆಯನ್ನು ಅವರು ಮುಂದುವರೆಸಿದ್ದಾರೆ. ಉಳಿದಂತೆ ಚಿಕ್ಕಣ್ಣ, ಮತ್ತು ಕಾಮಿಡಿ ಕಿಲಾಡಿಗಳು ಗ್ಯಾಂಗ್‌ ನಗಿಸುವಲ್ಲಿ ಯಶಸ್ವಿಯಾಗಿದೆ. ಚಿತ್ರದಲ್ಲಿರುವ ಸೆಂಟಿಮೆಂಟ್ ಸೀನ್‌ಗಳಲ್ಲಿ ರವಿಶಂಕರ್ ಮತ್ತು ಶರತ್ ಕುಮಾರ್ ಪೈಪೋಟಿಗೆ ಬಿದ್ದು ನಟಿಸಿದ್ದಾರೆ.

.

ಒಟ್ಟಿನಲ್ಲಿ ಸೀತಾ ರಾಮ ಕಲ್ಯಾಣವನ್ನು ನೋಡಲು ಇಡೀ ಫ್ಯಾಮಿಲಿ ಜತೆ ಯಾವುದೇ ಇರಿಸುವ ಮುರಿಸಿಲ್ಲದೇ ಹೋಗಬಹುದು.

ರೇಟಿಂಗ್‌: 3.75/5

ಚಿತ್ರಬೆಸ್ಟ್‌ ಫ್ರೆಂಡ್ಸ್‌ 
ನಿರ್ಮಾಣಲಯನ್‌ ಎಸ್‌. ವೆಂಕಟೇಶ್‌
ನಿರ್ದೇಶನ: ಟೇಶಿ ವೆಂಕಟೇಶ್‌
ತಾರಾಗಣಮೇಘನಾ, ದ್ರಾವ್ಯ ಶೆಟ್ಟಿ, ಆಶಾ, ಸುಮತಿ ಪಾಟೀಲ್‌ ಮತ್ತಿತರರು

.

ನೈಜ ಘಟನೆಗಳನ್ನು ಸಿನಿಮಾ ಮಾಡುವುದು ಇತ್ತೀಚೆಗೆ ಸಾಮಾನ್ಯವಾಗಿದೆ ಆ ಸಾಲಿಗೆ ಹೊಸ ಸೇರ್ಪಡೆ ಬೆಸ್ಟ್‌ ಫ್ರೆಂಡ್ಸ್‌.

ಇತ್ತೀಚಿನ ವರ್ಷಗಳಲ್ಲಿ ಅತಿ ಹೆಚ್ಚು ಚರ್ಚಿತವಾದ ಸಲಿಂಗ ಕಾಮ ಈ  ಸಿನಿಮಾದ ಕಥಾ ವಸ್ತು. ಸಲಿಂಗ ಕಾಮವನ್ನು ನಮ್ಮ ಸಮಾಜ ಇನ್ನೂ ಸಂಪೂರ್ಣವಾಗಿ ಒಪ್ಪಿಕೊಳ್ಳುವ ಪರಿಸ್ಥಿತಿಗೆ ಬಂದಿಲ್ಲ. ಆದರೆ ಇಂತಹ ವಿಷಯದ ಬಗ್ಗೆ ದಿಟ್ಟ ನಿಲುವಿನೊಂದಿಗೆ ಸಿನಿಮಾ ಮಾಡಿರುವ ಟೇಶಿ ವೆಂಕಟೆಶ್‌ ಅವರ ಧೈರ್ಯವನ್ನು ಮೆಚ್ಚಲೇಬೇಕು.

.

ಹಳ್ಳಿಯಿಂದ ಸಿಟಿಗೆ ಬಂದು ಕಾಲೇಜಿಗೆ ಸೇರುವ ಆಕರ್ಷಣ ಎಂಬ ಹುಡುಗಿಗೆ, ಸೃಷ್ಠಿ ಎಂಬ ಯುವತಿಯ ಪರಿಚಯವಾಗುತ್ತದೆ. ಈ ಪರಿಚಯ ಗಾಢವಾದ ಸ್ನೇಹಕ್ಕೆ ದಾರಿ ಮಾಡಿಕೊಡುತ್ತದೆ. ವಿಶೇಷ ಎಂದರೆ ಇವರಿಬ್ಬರೂ ಒಬ್ಬರನ್ನೊಬ್ಬರು ಮೋಹಿಸಿಕೊಂಡು, ತಾವು ಯಾರನ್ನು ಮದುವೆಯಾಗುವುದಿಲ್ಲ ಎಂಬ ನಿರ್ಧಾರಕ್ಕೆ ಬರುತ್ತಾರೆ. ಇದನ್ನು ಒಪ್ಪದ ಪೋಷಕರು ಇಬ್ಬರನ್ನು ಬೇರೆ ಮಾಡುತ್ತಾರೆ. ಆಗ ಈ ಜೋಡಿ ಏನು ಮಾಡುತ್ತದೆ ಎಂಬುದೇ ಸಿನಿಮಾದ ಕಥೆ.

.

ಸಲಿಂಗ ಕಾಮ ಎಂಬುದು ಸಮಾಜದ ಒಂದು ಸಹಜ ಕ್ರಿಯೆ ಎಂಬುದನ್ನು ನಿರ್ದೇಶಕರು ಹೇಳುವ ಪ್ರಯತ್ನ ಮಾಡಿದ್ದಾರೆ. ಅಲ್ಲದೇ ಭೂಮಿಯಲ್ಲಿ ಭೂಮಿಯಲ್ಲಿ ಮನುಷ್ಯನೂ ಸೇರಿದಂತೆ ಪ್ರತಿಯೊಂದು ಜೀವಿಯೂ ದೇವರ ಸೃಷ್ಠಿ. ಪ್ರತಿ ಸೃಷ್ಟಿಯಲ್ಲೂ ಒಂದೊಂದು ವಿಶಿಷ್ಟಗುಣವಿರುತ್ತದೆ. ಪ್ರತಿಯೊಂದಕ್ಕೂ ಬದುಕುವ ಹಕ್ಕಿರುತ್ತದೆ. ಪ್ರತಿ ಸೃಷ್ಟಿಯನ್ನೂ ಅದರದ್ದೇ ಆದ ರೀತಿಯಲ್ಲಿ ಬದುಕಲು ಬಿಡಬೇಕು. ಆದರೆಅದೆಲ್ಲದನ್ನು ನೋಡುವ, ಸ್ವೀಕರಿಸುವ ಸಮಾಜದ ದೃಷ್ಟಿ ವಿಶಾಲವಾಗಿರಬೇಕು ಎಂಬ ಸಂದೇಶವನ್ನು ಸಿನಮಾದ ಕೊನೆಯಲ್ಲಿ ನಿರ್ದೇಶಕರು ನೀಡುತ್ತಾರೆ.

.

ಈ ಹಿಂದೆಯೂ ಬೇರೆ ಬೇರೆ ಭಾಷೆಗಳಲ್ಲಿ ಸಲಿಂಗ ಪ್ರೇಮದ ಬಗೆಗಿನ ಸಿನಿಮಾಗಳು ಮೂಡಿ ಬಂದಿವೆ. ಆದರೆ ಕನ್ನಡದ ಮಟ್ಟಿಗೆ ಬೆಸ್ಟ್‌ ಫ್ರೆಂಡ್ಸ್ ಹೊಸ ಪ್ರಯತ್ನ. ಸಿನಿಮಾವನ್ನು ನಿರ್ದೇಶಕು ಕನ್ನಡದ ನೇಟಿವಿಟಿಗೆ ತಕ್ಕಂತೆ ಕಟ್ಟಿಕೊಟ್ಟಿದ್ದಾರೆ.

ಚಿತ್ರದ ಕಥೆ,ಚಿತ್ರಕಥೆ, ಸಂಭಾಷಣೆ, ಸಾಹಿತ್ಯ ಎಲ್ಲ ವಿಭಾಗದಲ್ಲಿಯೂ ನಿರ್ದೇಶಕರು ಕೆಲಸ ಮಾಡಿರುವ ಪರಿಣಾಮವೋ ಏನೋ, ಎನೋ  ಮಿಸ್‌ ಆಗಿದೆ ಎಂಬ ಫೀಲಿಂಗ್‌ ಬರುತ್ತದೆ.

.

ನಿರ್ದೇಶಕರ ಕಲ್ಪನೆಗೆ ಕಲಾವಿದರು ಇನ್ನೊಂದಿಷ್ಟು ಸಾಥ್‌ ನೀಡಬೇಕಿತ್ತು ಎನಿಸುತ್ತದೆ. ಉಳಿದಂತೆ ಸಮಾಜದ ವಿಶಿಷ್ಟ ಸಬ್ಜೆಕ್ಟ್‌ ಒಂದನ್ನು ಸಿನಿಮಾ ಮಾದ್ಯಮದ ಮೂಲಕ ಅತಿಹೆಚ್ಚು ಜನರಿಗೆ ತಲುಪಿಸುವ ಟೇಶಿ ವೆಂಕಟೇಶ್‌ ಅವರ ಪ್ರಯತ್ನ ಮೆಚ್ಚುಗೆಗೆ ಪಾತ್ರವಾಗುತ್ತದೆ.

.

ರೇಟಿಂಗ್ - 2.75/5

 

ಚಿತ್ರ: ಫಾರ್ಚುನರ್‌

ನಿರ್ದೇಶಕ: ಮಂಜುನಾಥ್‌ ಜೆ ಅನಿವಾರ್ಯ

ನಿರ್ಮಾಣ: ಗೊಲೇಚ ಫಿಲಂಸ್‌

ಸಂಗೀತ: ಪೂರ್ಣಚಂದ್ರ ತೇಜಸ್ವಿ

ಕಲಾವಿದರು: ದಿಗಂತ್‌, ಸೋನುಗೌಡ, ಸ್ವಾತಿ ಶರ್ಮಾ, ಕಲ್ಯಾಣಿ, ನವೀನ್‌ ಕೃಷ್ಣ, ರಾಜೇಶ್‌ ನಟರಂಗ

.

ಸಂಬಂಧಗಳನ್ನು ಪ್ರೀತಿಯಿಂದ ಮನಸ್ಸಿಗೆ ಸಂಬಂದಪಟ್ಟವೇ ಹೊರತು ಬಾಹ್ಯ ಜಗತ್ತಿಗೆ ತಕ್ಕಂತೆ ಅಲ್ಲ ಎಂಬುದನ್ನು ಮನರಂಜನೆಯ ಮೂಲಕ ಹೇಳುವ ಸಣ್ಣ ಪ್ರಯತ್ನವೇ ಈ ವಾರ ಬಿಡುಗಡೆಯಾಗಿರುವ ಫಾರ್ಚುನರ್‌.

ಫಾರ್ಚುನರ್‌ ಎಂದಾಕ್ಷಣ, ಕಾರಿನ ಬ್ರ್ಯಾಂಡ್‌ ನೆನಪಿಗೆ ಬರುತ್ತದೆ. ಈ ಸಿನಿಮಾದ ಕಥೆಯೂ ಈ ಫಾರ್ಚುನರ್ಗೆ ಸಂಬಂಧಪಟ್ಟಿದ್ದೆ ಆಗಿದೆ. ಫಾರ್ಚುನರ್ ಅಂದರೆ ಅದೃಷ್ಟ. ಈ ಅದೃಷ್ಟವನ್ನು ಇಲ್ಲಿ ಇಬ್ಬರು ಹುಡುಕಿ ಹೊರಡುತ್ತಾರೆ. ಹೊರಟ ಈ ಇಬ್ಬರಲ್ಲಿ ಒಬ್ಬರು ಯಶಸ್ವಿಯಾದರೆ ಮತ್ತೊಬ್ಬರು ಯಶಸ್ವಿಯಾಗುತ್ತಾರೋ ಇಲ್ಲವೋ ಎಂಬುದಕ್ಕೆ ಅಲ್ಪ ವಿರಾಮ ಕೊಟ್ಟಿದ್ದಾರೆ ನಿರ್ದೇಶಕರು.

.

ಈ ಚಿತ್ರ ನಿರ್ದೇಶಕರ ಚೊಚ್ಚಲ ಸಿನಿಮಾವಾಗಿದೆ. ಆದರೆ ಇಡಿ ಸಿನಿಮಾದಲ್ಲಿ ಅಂತಹ ಯಾವುದೇ ಲಕ್ಷಣಗಳು ಕಾಣುವುದಿಲ್ಲ. ಬದಲಿಗೆ ಹಾಸ್ಯ, ಎಮೋಷನ್ಸ್‌, ಲವ್‌, ರೊಮ್ಯಾನ್ಸ್‌ ಎಲ್ಲವನ್ನು ಹದವಾಗಿ ಬೆರೆಸಿ ಪ್ರೇಕ್ಷಕರಿಗೆ ನೀಡಿದ್ದಾರವರು. ಪ್ರತಿಯೊಬ್ಬರ ಸಂಬಂಧದಲ್ಲಿಯೂ ಸುಳ್ಳುಗಳನ್ನು ಹೇಳುತ್ತಾರೆ. ಆದರೆ ಈ ಸಿನಿಮಾದಲ್ಲಿ ಒಂದು ಸಂಬಂಧದ ಸೇತುವೆ ಸೃಷ್ಟಿಯಾಗುವುದೇ ಸುಳ್ಳಿನಿಂದ. ಆದರೆ ಅದೇ ಸುಳ್ಳು ಮನಸ್ಸಿನ ನೆಮ್ಮದಿಯನ್ನು ಸಹ ಹಾಳು ಮಾಡುತ್ತದೆ ಎಂಬುದನ್ನು ಬಹಳ ನೈಜವಾಗಿ ಕಟ್ಟಿಕೊಟ್ಟಿದ್ದಾರೆ ನಿರ್ದೇಶಕ ಮಂಜುನಾಥ್‌. ಆ ಸುಳ್ಳು ಯಾವುದು, ಅದೃಷ್ಟವನ್ನು ಹುಡುಕಿಕೊಂಡು ಹೋಗುವ ವ್ಯಕ್ತಿಗಳ್ಯಾರು ಹೀಗೆ ಹಲವು ಪ್ರಶ್ನೆಗಳಿಗೆ ಉತ್ತರ ಬೇಕಾದರೆ ಚಿತ್ರಮಂದಿರಕ್ಕೆ ಹೋಗಿಯೇ ತಿಳಿಯಬೇಕು.

.

ನಿರ್ದೇಶಕ ಮಂಜುನಾಥ್‌ ತಮ್ಮ ಮೊದಲ ಚಿತ್ರದಲ್ಲಿಯೇ ಭರವಸೆಯ ನಿರ್ದೇಶಕರಾಗುವ ಲಕ್ಷಣ ತೋರಿದ್ದಾರೆ. ಹಾಸ್ಯದ ದೃಶ್ಯಗಳನ್ನಾಗಲಿ,  ಭಾವನಾತ್ಮಕ ದೃಶ್ಯಗಳನ್ನಾಗಲಿ ಅವರು ಅನುಭವಿ ಕಟ್ಟಿಕೊಟ್ಟಿದ್ದಾರೆ. ನಿರ್ದೇಶಕರ ಕಲ್ಪನೆಗೆ ಪ್ರತಿಯೊಬ್ಬ ತಂತ್ರಜ್ಞರು, ಕಲಾವಿದರು ಸಾಥ್‌ ನೀಡಿದ್ದಾರೆ.

.

ಜವಬ್ದಾರಿ ಇಲ್ಲದ ಹುಡುಗನಾಗಿ, ಪ್ರೀತಿಗಾಗಿ ಹಂಬಲಿಸುವ ಪತಿಯಾಗಿ ನಟ ದಿಗಂತ್‌ ಅವರ ನಟನೆ ಇಷ್ಟವಾಗುತ್ತದೆ. ಅದರಲ್ಲೂ ಅವರು ನೀಡುವ ಎಕ್ಸ್‌ಪ್ರೆಶನ್‌ಗಳಿಗೆ ಪ್ರೇಕ್ಷಕರು ಬೋಲ್ಡ್‌ ಆಗುತ್ತಾರೆ. ಸೋನುಗೌಡ ಅವರ ಸೆಕೆಂಡ್‌ ಇನ್ನಿಂಗ್ಸ್‌ ಬಹಳ ಚೆನ್ನಾಗಿದೆ. ಈ ಹಿಂದೆ ಬಿಡುಗಡೆಯಾಗಿದ್ದ ಗುಳ್ಟು ಸಿನಿಮಾದಲ್ಲಿಯೂ ಅವರ ನಟನೆ ಮತ್ತು ಸೌಂದರ್ಯದ ಬಗ್ಗೆ ಎಲ್ಲರೂ ಮಾತನಾಡಿದ್ದರು. ಈ ಚಿತ್ರದಲ್ಲಿಯೂ ಅವರು ತಮ್ಮ ಬೋಲ್ಡ್‌ ನಟನೆಯ ಮೂಲಕ ಗಮನ ಸೆಳೆಯುವುದರ ಜತೆಗೆ ಲುಕ್ಸ್ ಗಳಿಂದಲೂ ಪ್ರೇಕ್ಷಕರನ್ನು ತಮ್ಮತ್ತ ಸೆಳೆಯುತ್ತಾರೆ. ಸ್ವಾತಿ ಶರ್ಮಾ ಅವರ ಮುಗ್ಧ ನಟನೆಗೆ ಚಪ್ಪಾಳೆ ತಟ್ಟದವರೇ ಇಲ್ಲ. ಉಳಿದಂತೆ ಸುಜಯ್‌ ಶಾಸ್ತ್ರಿ, ರಾಜೇಶ್‌ ನಟರಂಗ ಸೇರಿದಂತೆ ಎಲ್ಲರೂ ತಮಗೆ ವಹಿಸಿದ ಕೆಲಸವನ್ನು ಚಾಚೂ ತಪ್ಪದೆ ನಿರ್ವಹಿಸಿದ್ದಾರೆ.

.

ಪೂರ್ಣಚಂದ್ರ ತೇಜಸ್ವಿಯವರ ಸಂಗೀತದಲ್ಲಿ ಎರಡ್ಮೂರು ಹಾಡು ಗುನುಗುವಂತೆ ಮಾಡುತ್ತದೆ. ಉಳಿದಂತೆ ಚಿತ್ರ ಒಂದು ಕಂಪ್ಲೀಟ್‌ ಫ್ಯಾಮಿಲಿ ಎಂಟರ್‌ಟೈನರ್‌ ಆಗಿದ್ದು ಈ ವಿಕೇಂಡ್‌ನಲ್ಲಿ ಫ್ಯಾಮಿಲಿ ಸಮೇತ ನೋಡಬಹುದು.

ರೇಟಿಂಗ್ - 3.25/5

ಸಿನಿಮಾ: ನಾತಿಚರಾಮಿ

ನಿರ್ದೇಶಕ: ಮಂಸೋರೆ

ನಿರ್ಮಾಣ: ತೇಜಸ್ವಿನಿ ಎಂಟರ್‌ಪ್ರೈಸಸ್‌

ಕಲಾವಿದರು: ಶ್ರುತಿ ಹರಿಹರನ್‌, ಸಂಚಾರಿ ವಿಜಯ್‌, ಶರಣ್ಯ, ಪೂರ್ಣಚಂದ್ರ ಮೈಸೂರು.

----

ಮದುವೆ ಸಮಯದಲ್ಲಿ ಅರ್ಥೇಚ, ಧರ್ಮೇಚ, ಕಾಮೇಚ ಎಂದು ವಾಗ್ದಾನ ಮಾಡುವ ಪತಿ ಇದ್ದಕ್ಕಿದ್ದ ಹಾಗೆ ಮೃತಪಟ್ಟರೆ, ಮದುವೆಯಾದ ಪತ್ನಿಯ ಮನಸ್ಸಲ್ಲಿ ನಡೆಯುವ ಸಂಘರ್ಷವನ್ನು ತಡೆಯುವಯಾರು? ಈ ಪ್ರಶ್ನೆಗೆ ಉತ್ತರ ಹುಡುಕುವ ಕೆಲಸ ಮಾಡಿದ್ದಾರೆ ನಿರ್ದೇಶಕ ಮಂಸೋರೆ.

.

ಗೌರಿ [ಶ್ರುತಿ ಹರಿಹರನ್‌] ಮತ್ತು ಸುಮಾ [ಶರಣ್ಯ] ಈ ಸಿನಿಮಾದ ಎರಡು ಮುಖಗಳು. ಪ್ರೀತಿಯಿಂದ ವಿವಾಹವಾಗಿ ದಾಂಪತ್ಯ ಸುಖದ ಅಲೆಯಲ್ಲಿ ತೇಲುತ್ತಿರುವ ಗೌರಿಗೆ ಗಂಡನ ಸಾವು ದೊಡ್ಡ ಅಘಾತ ನೀಡುತ್ತದೆ. ಗಂಡನ ನೆನಪು ಒಂದು ಕಡೆಯಾದರೆ, ತನ್ನೊಳಗೆ ಅದುಮಿಡಲು ಸಾಧ್ಯವಾಗದಿರು ಬಯಕೆಗಳು ಮತ್ತೊಂದು ಕಡೆ ಗೌರಿಯನ್ನು ಬಾಧಿಸುತ್ತಿರುತ್ತವೆ. ಅದೇ ರೀತಿ ಮದುವೆಯಾದ ದಿನದಿಂದ ಗಂಡ ಬರೀ ದೈಹಿಕ ವಾಂಛೆಗಷ್ಟೇ ನನ್ನನ್ನು ಬಳಸಿಕೊಳ್ಳುತ್ತಿದ್ದಾನೆ ಹೊರತು ನನಗೆ ತನ್ನ ಆತ್ಮ ಸಂಗಾತವನ್ನು ನೀಡುತ್ತಿಲ್ಲ ಎನ್ನುವ ನೋವಿನಲ್ಲಿ ದಿನ ದೂಡುತ್ತಿದ್ದಾಳೆ ಸುಮಾ. ಇವರಿಬ್ಬರು ಒಂದು ನಾಣ್ಯದ ಎರಡು ಮುಖಗಳಿದ್ದಂತೆ. ಇವರಿಬ್ಬರ ನಡುವೆ ದೊಡ್ಡ ದೊಡ್ಡ ಕನಸುಗಳನ್ನು ಕಾಣುವ ಮಧ್ಯಮ ವರ್ಗದ ಗಂಡನಾಗಿ ಸುರೇಶ್‌ [ಸಂಚಾರಿ ವಿಜಯ್‌] . ಈ ಮೂರು ಪಾತ್ರಗಳನ್ನು ಸಂಬಂಧ ಅನ್ನವು ದಾರದಿಂದ ಪೋಣಿಸಿದ್ದಾರೆ ಮಂಸೋರೆ.

.

ಮಹಿಳೆಯ ದೇಹ ಬಯಕೆಗಳ ಬಗ್ಗೆ ತಮ್ಮ ಅಭಿಪ್ರಾಯವನ್ನು ಮುಕ್ತವಾಗಿ ಹಂಚಿಕೊಳ್ಳುವುದಿರಲಿ, ಹಂಚಿಕೊಳ್ಳುವುದರ ಬಗ್ಗೆ ಯಾರು ಯೋಚನೆಯೂ ಮಾಡುವುದಿಲ್ಲ. ಅಂತಹ ಸೂಕ್ಷ್ಮ ವಿಷಯವನ್ನು ನಿರ್ಧಿಷ್ಟ ಅವಧಿಯಲ್ಲಿ ತೆರೆದಿಡಿವ ಪ್ರಯತ್ನದಲ್ಲಿ ನಿರ್ದೇಶಕರು ತಕ್ಕ ಮಟ್ಟಿಗೆ ಗೆದಿದ್ದಾರೆ. ನಿರ್ದೇಶಕರ ಈ ಆಲೋಚನೆಗೆ ಜೀವ ತುಂಬಿರುವುದು, ಕಥೆಗಾರ್ತಿ ಸಂಧ್ಯಾರಾಣಿ, ಸಂಗೀತ ನಿರ್ದೇಶಕಿ ಬಿಂದು ಮಾಲಿನಿ ಮತ್ತು ಕಲಾವಿದರು. ಇವರ ಜತೆ ಉಳಿದ ತಂತ್ರಜ್ಞರ ಕೆಲಸವೂ ಸಿನಿಮಾದಲ್ಲಿ ಗಮನ ಸೆಳೆಯುತ್ತದೆ.

.

ದೇಹದ ಬಯಕೆಗಳನ್ನು ಮುಕ್ತವಾಗಿ ಮಾತನಾಡುವುದು ತಪ್ಪೋ ಸರಿಯೋ ಎಂಬ ಗೊಂದಲದಲ್ಲಿರುವ ಪಾತ್ರದಲ್ಲಿ ಶ್ರುತಿ ಹರಿಹರನ್‌ ಅವರದ್ದು ಕಾಡುವ ನಟನೆ. ಶ್ರುತಿ ಅವರು ಚಿತ್ರದಿಂದ ಚಿತ್ರಕ್ಕೆ ತಮ್ಮ ನಟನ ಸಾಮರ್ಥ್ಯವನ್ನು ಹೊರಹಾಕುತ್ತಿದ್ದಾರೆ. ಮಧ್ಯಮ ವರ್ಗದ ಗಂಡ ಹೆಂಡತಿಯಾಗಿ ಸಂಚಾರಿ ವಿಜಯ್‌ ಮತ್ತು ಶರಣ್ಯ ಚಪ್ಪಾಳೆ ಗಿಟ್ಟಿಸುವಂತೆ ನಟಿಸಿದ್ದಾರೆ. ಕೆಲವೇ ದೃಶ್ಯಗಳಲ್ಲಿ ಬರುವ ಪೂರ್ಣಚಂದ್ರ ಮೈಸೂರು ಇನ್ನೊಂದಷ್ಟು ಹೊತ್ತು ಇರಬೇಕಿತ್ತು ಅನ್ನಿಸುವಂತೆ ನಟಿಸಿದ್ದಾರೆ. ಬಾಲಾಜಿ ಮನೋಹರ್‌ ಸೇರಿದಂತೆ ಎಲ್ಲ ಕಲಾವಿದರು ನೈಜತೆಗೆ ಹತ್ತಿರವಾಗಿ ನಟಿಸಿದ್ದಾರೆ.

.

ಚಿತ್ರದ ತಾಂತ್ರಿಕತೆಯ ವಿಷ್ಯದಲ್ಲಿ ಹೇಳಿಕೊಳ್ಳುವ ಕೆಲಸವನ್ನು ಮಾಡಿಲ್ಲ. ತಾಂತ್ರಿಕ ದೋಷಗಳು ಚಿತ್ರದುದ್ದಕ್ಕೂ ಕಾಣುತ್ತಿರುತ್ತವೆ. ಚಿತ್ರದ ಹಿನ್ನಲೆ ಸಂಗೀತ ಹಾಡುಗಳಿಗಿಂತ ಚೆನ್ನಾಗಿದೆ.
ಮಂಸೋರೆ ಅವರು ಚಿತ್ರಕ್ಕೆ ಇನ್ನಷ್ಟು ವೇಗ ನೀಡಿದ್ದರೆ ಚೆನ್ನಾಗಿರುತ್ತಿತ್ತು ಎನ್ನಿಸದೇ ಇರದು.

.

ಸೂಕ್ಷ್ಮ ಸಂವೇದನೆ ಉಳ್ಳ ಸಿನಿಮಾ ಇದಾಗಿದ್ದು, ಅಂತಹ ಸಿನಿಮಾ ನೋಡೋ ಪ್ರೇಕ್ಷಕರಿಗೆ ಕಾಡದೇ ಬಿಡುವುದಿಲ್ಲ.

ರೇಟಿಂಗ್‌: 3.25/5

ಸಿನಿಮಾ: ಸ್ವಾರ್ಥರತ್ನ

ನಿರ್ದೇಶಕ: ಅಶ್ವಿನ್‌ ಕೋಡಂಗೆ
ಕಲಾವಿದರು: ಆದರ್ಶ್‌ ಗುಂಡುರಾಜ್‌, ಇಶಿತಾ ವರ್ಷ, ಸ್ನೇಹಾ ಸಿಂಗ್‌, ಸಾಧು ಕೋಕಿಲಾ, ರಮೇಶ್‌ ಭಟ್‌, ಸುಧಾ ಬೆಳವಾಡಿ, ಅಮಿತ್‌

.

ಬದುಕಿನಲ್ಲಿಪ್ರೀತಿ ಎಂಬುದು ಎಂತಹ ಮನುಷ್ಯನನ್ನು ಬೇಕಾದರೂ ಬದಲಾಯಿಸುತ್ತದೆ. ಅಂತಹ ಒಬ್ಬನ ಕಥೆಯೇ ಈ ಸ್ವಾರ್ಥರತ್ನ. ಪರಮ ಸ್ವಾರ್ಥಿಯಾಗಿದ್ದ ಒಬ್ಬ ಹುಡುಗ ತನ್ನ ಪ್ರೀತಿಗಾಗಿ ಹೇಗೆ ನಿಸ್ವಾರ್ಥಿಯಾಗುತ್ತಾನೆ ಎಂಬುದೇ ಈ ಸಿನಿಮಾದ ಕಥೆ.

ಅಶ್ವಿನ್‌ ಕೋಡಂಗೆ ಮೊದಲ ಬಾರಿಗೆ ನಿರ್ದೇಶನ ಮಾಡಿರುವ ಸ್ವಾರ್ಥ ರತ್ನ, ವಿಶೇಷ ಸಬ್ಜೆಕ್ಟ್‌ ಇಟ್ಟುಕೊಂಡು ತಯಾರಾದ ಸಿನಿಮಾವಾಗಿದೆ. ಆದರೆ ಒಂದಷ್ಟು ಮುಖ್ಯ ಅಂಶಗಳ ಕೊರತೆಯಿಂದ ಈ ಸಿನಿಮಾ ಕೊರಗುತ್ತದೆ.

.

ನಾಯಕ ಆದರ್ಶ್‌ ಪರಮ ಸ್ವಾರ್ಥಿ ತಾನು ಪ್ರೀತಿಸುವ ಹುಡುಗಿಯ ಮುಂದೆ ಭಿಕ್ಷುಕರಿಗೆ ಹಣ ಕೊಟ್ಟರೂ ಅವಳು ಹೋದ ತಕ್ಷಣ ಅದನ್ನು ವಾಪಾಸ್‌ ಕಿತ್ತಕೊಳ್ಳುವ ಬುದ್ಧಿ. ಹೀಗಿದ್ದವನನ್ನು ನಾಯಕಿ ದೂರದಿಂದಲೇ ಬದಲಾಯಿಸುತ್ತಾಳೆ. ನಾಯಕಿ ಕವನ[ ಇಷಿತಾ] ಗೆ ಸಮಾಜ ಸೇವೆ ಮಾಡುವುದರಲ್ಲಿ ಆನಂದ. ನಿಧಾನವಾಗಿ ತನ್ನ ಹುಡುಗನನ್ನು ಅದೇ ಹಾದಿಗೆ ತರುವ ಪ್ರಯತ್ನ ಮಾಡುತ್ತಾಳೆ. ಆದರೆ ಸೆಕೆಂಡ್‌ ಹಾಫ್‌ನಲ್ಲಿ ಮತ್ತೊಬ್ಬ ಹುಡುಗಿ ನಾಯಕನನ್ನು ಪ್ರೀತಿಸುತ್ತಾಳೆ. ಆದರೆ ಅವನು ಮಾತ್ರ ಕವನಳಿಗಾಗಿಯೇ ನಿಸ್ವಾರ್ಥವಾಗಿ ಕಾಯುತ್ತಾ ಕೂರುತ್ತಾನೆ. ಇವನಿಗೆ ಕವನ ಸಿಗುತ್ತಾಳೋ ಇಲ್ಲವೋ ಎಂಬುದನ್ನು ಸಿನಿಮಾದಲ್ಲಿಯೇ ನೋಡಬೇಕು.

.

ಸಿನಿಮಾದ ಸಂಭಾಷಣೆ ಬಹಳ ಚೆನ್ನಾಗಿ ಮೂಡಿ ಬಂದಿದ್ದು, ಇದನ್ನು ಚಿತ್ರಕಥೆ ಮಾಡಿಕೊಳ್ಳುವ ವಿಚಾರದಲ್ಲಿಯೂ ನಿರ್ದೇಶಕರು ಗಮನ ಹರಿಸಬೇಕಿತ್ತು. ಒಂದಷ್ಟು ಉತ್ತರ ಸಿಗದ ಪ್ರಶ್ನೆಗಳು ಸಿನಿಮಾದಲ್ಲಿವೆ.. ಇಡೀ ಚಿತ್ರವನ್ನು ನವ ನಟ ಆದರ್ಶ್‌ ಆವರಿಸಿಕೊಂಡಿದ್ದಾರೆ. ಇನ್ನೊಂದಿಷ್ಟು ಅಭಿನಯದ ಅವಶ್ಯಕತೆ ಅವರಿಗಿತ್ತು.. ಇಶಿತಾ ವರ್ಷ ಮತ್ತು ಸ್ನೇಹಾ ಸಿಂಗ್‌ ತಮ್ಮ ಪಾತ್ರಕ್ಕೆ ನ್ಯಾಯ ಸಲ್ಲಿಸಿದ್ದಾರೆ. ಹಾಸ್ಯ ನಟ ಅಮಿತ್‌ ಚೆನ್ನಾಗಿ ನಟಿಸಿದ್ದಾರೆ. ಸಿನಿಮಾ ಕಡೆಯಲ್ಲಿ ಒಂದು ಮೆಸೆಜ್‌ ಕೊಡುವ ಪ್ರಯತ್ನ ಮಾಡುತ್ತದೆ.

.

ರೇಟಿಂಗ್‌: 3/5

 

ಚಿತ್ರ: ವಿರಾಜ್.


ನಿರ್ದೇಶಕ: ನಾಗೇಶ್ ನದಾಸಿ. 
ನಿರ್ಮಾಣ : ಮಂಜುನಾಥ ಸ್ವಾಮಿ. 
ಸಿನಿಮಾಟೋಗ್ರಫಿ : ಮಲ್ಲಿಕಾರ್ಜುನ್. 
ಸಂಗೀತ: ಸುಭಾಷ್ ಆನಂದ್. 
ತಾರಾಗಣ: ದೇವರಾಜ್, ವಿನಯ ಪ್ರಸಾದ್, ಜೈಜಗದೀಶ್, ವಿದ್ಯಾಭರಣ್, ಶಿರಿನ್ ಕಂಚವಾಲ, ನಿಖಿತಾ, ಸ್ವಾತಿ, ಕಡ್ಡಿಪುಡಿ ಚಂದ್ರು.
.

ಈ ವಾರ ಬಿಡುಗಡೆಯಾಗಿರುವ ವಿರಾಜ್ ತನ್ನ ಮೇಕಿಂಗ್‌ನಿಂದಾಗಿ ಒಂದಷ್ಟು ಗಮನ ಸೆಳೆದಿತ್ತುಘಿ. ನಾಗೇಶ್ ನರದಾಸಿ ಪ್ರೇಮ ಕಥೆಗೆ ಒಂದೆರೆಡು ಟ್ವಿಸ್ಟ್‌ , ಅದಕ್ಕೊಂದು ಫ್ಯಾಮಿಲಿ ಸೆಂಟಿಮೆಂಟ್‌ ಎಲ್ಲವನ್ನು ಬೆರಸಿ ಲವ್‌ ಕಮ್‌ ಆ್ಯಕ್ಷನ್‌, ಮತ್ತು ಫ್ಯಾಮಿಲಿ ಸಿನಿಮಾ ಮಾಡಿದ್ದಾರೆ.
.

ವಿರಾಜ್‌ ಎನ್ನುವುದು ಇಲ್ಲಿ ಸಿನಿಮಾ ನಾಯಕನ ಹೆಸರು. ಈತ ತಾತ ಅಜ್ಜಿಯ ಪ್ರೀತಿಯ ಮೊಮ್ಮಗ. ತಂದೆ ತಾಯಿ ಇಲ್ಲದ ಕಾರಣ ವಿರಾಜ್‌ ಕೂಡಾತನ್ನ ತಾತ ಮತ್ತು ಅಜ್ಜಿಯನ್ನು ದೇವರಂತೆ ಪೂಜಿಸುತ್ತಿರುತ್ತಾನೆ. ಅವರಿಗೆ ನೋವಾಗುವಂತಹ ಯಾವುದೇ ಕೆಲಸವನ್ನು ಅವನು ಮಾಡುವುದಿಲ್ಲ. ಹೀಗಿರುವಾಗ ಕಾಲೇಜಿನಲ್ಲಿ ಒಂದು ಹುಡುಗಿಯನ್ನು ಇಷ್ಟಪಡುತ್ತಾನೆ. ತಮ್ಮ ಮೊಮ್ಮಗ ಇಷ್ಟಪಟ್ಟಿದ್ದಾನೆ ಎಂದು ತಾತ, ಅಜ್ಜಿಯೂ ಒಪ್ಪಿಕೊಳ್ಳುತ್ತಾರೆ. ನಾಯಕಿಯ ತಂದೆ ತಾಯಿಗೆ ಯಾವಾಗಲೂ ಸ್ಟೇಟಸ್‌ದೇ ಚಿಂತೆ. ಈ ಸ್ಟೇಟಸ್‌ನಿಂದಾಗ ಇವರ ನಿಶ್ಚಿತಾರ್ಥ ಮುರಿದು ಬಿದ್ದು ಮದುವೆ ನಿಂತು ಹೋಗುತ್ತದೆ. ಆದರೆ ಹೀಗೆ ಸ್ಟೇಟಸ್‌ ನಿಂದ ದೂರವಾಗಿದ್ದ ಪ್ರೀತಿ ಮತ್ತೆ ಒಂದಾಗುತ್ತದೆ. ಹೀಗೆ ಒಂದಾದ ಪ್ರೀತಿಗೆ ಮತ್ತೆ ಕಂಟಕ ಬರುತ್ತದೆ. ಈ ಕಂಟಕವೇನು, ಆ ಕಂಟಕ ನಿವಾರಣೆಯಾಗಿ ಇವರಿಬ್ಬರು ಒಂದಾಗುತ್ತಾರೆ ಎಂಬದನ್ನು ಸಿನಿಮಾದಲ್ಲಿಯೇ ನೋಡಬೇಕು.
.

ಚಿತ್ರಕಥೆಯಲ್ಲಿ ಇನ್ನು ಒಂದಿಷ್ಟ ವೇಗ ಬೇಕಿತ್ತು, ಕಾಮಿಡಿ ದೃಶ್ಯಗಳನ್ನು ಕತ್ತರಿಸಬಹುದಿತ್ತು, ಸಿನಿಮಾಟೋಗ್ರಫಿ ಚೆನ್ನಾಗಿದೆ. ಒಂದೇ ಒಂದು ಹಾಡು ಮಾತ್ರ ಗುನುಗುವಂತಿದೆ. ಉಳಿದಂತೆ ನಾಯಕ ವಿಧ್ಯಾಭರಣ್‌ ಮೊದಲ ಪ್ರಯತ್ನಲದಲ್ಲಿಯೇ ಪಾಸ್‌ ಆಗಿದ್ದಾರೆ. ಇನ್ನೊಂದಿಷ್ಟ ಪ್ರಯತ್ನ ಮಾಡಿದರೆ ಒಳ್ಳೆ ನಟನಾಗುವ ಲಕ್ಷಣ ಕಾಣುತ್ತಿದೆ. ನಾಯಕಿಯರಿಬ್ಬರೂ ತಮ್ಮ ಕೆಲಸವನ್ನು ಅಚ್ಚುಕಟ್ಟಾಗಿ ಮಾಡಿದ್ದಾರೆ. ದೇವರಾಜ್‌, ಜೈಜಗದೀಶ್‌, ಸ್ವಾತಿ, ಶ್ರೀಧರ್‌, ಟೆನ್ನಿಸ್‌ ಕೃಷ್ಣ ಎಲ್ಲರೂ ತಮಗೆ ಕೊಟ್ಟ ಕೆಲಸವನ್ನು ನೀಟಾಗಿ ಮಾಡಿ ಮುಗಿಸಿದ್ದಾರೆ.

ವಿಕೇಂಡ್‌ನಲ್ಲಿ ಸಿನಿಮಾವನ್ನು ಒಮ್ಮೆ ನೋಡಲು ಅಡ್ಡಿಯಿಲ್ಲ.

. ರೇಟಿಂಗ್ : 3/5


ಹೊಸಬರ ಹೊಸ ಪ್ರೇಮಕಥೆ ಈ "ವಿರಾಜ್" :
ಚಿತ್ರ: ವಿರಾಜ್ನಿರ್ದೇಶಕ: ನಾಗೇಶ್ ನದಾಸಿನಿರ್ಮಾಣ : ಮಂಜುನಾಥ ಸ್ವಾಮಿಸಿನಿಮಾಟೋಗ್ರಫಿ : ಮಲ್ಲಿಕಾರ್ಜುನ್ಸಂಗೀತ: ಸುಭಾಷ್ ಆನಂದ್ತಾರಾಗಣ: ದೇವರಾಜ್, ವಿನಯ ಪ್ರಸಾದ್, ಜೈಜಗದೀಶ್, ವಿದ್ಯಾಭರಣ್, ಶಿರಿನ್ ಕಂಚವಾಲ, ನಿಖಿತಾ, ಸ್ವಾತಿ, ಕಡ್ಡಿಪುಡಿ ಚಂದ್ರು..
ಈ ವಾರ ಬಿಡುಗಡೆಯಾಗಿರುವ ವಿರಾಜ್ ತನ್ನ ಮೇಕಿಂಗ್‌ನಿಂದಾಗಿ ಒಂದಷ್ಟು ಗಮನ ಸೆಳೆದಿತ್ತುಘಿ. ನಾಗೇಶ್ ನರದಾಸಿ ಪ್ರೇಮ ಕಥೆಗೆ ಒಂದೆರೆಡು ಟ್ವಿಸ್ಟ್‌ , ಅದಕ್ಕೊಂದು ಫ್ಯಾಮಿಲಿ ಸೆಂಟಿಮೆಂಟ್‌ ಎಲ್ಲವನ್ನು ಬೆರಸಿ ಲವ್‌ ಕಮ್‌ ಆ್ಯಕ್ಷನ್‌, ಮತ್ತು ಫ್ಯಾಮಿಲಿ ಸಿನಿಮಾ ಮಾಡಿದ್ದಾರೆ..
ವಿರಾಜ್‌ ಎನ್ನುವುದು ಇಲ್ಲಿ ಸಿನಿಮಾ ನಾಯಕನ ಹೆಸರು. ಈತ ತಾತ ಅಜ್ಜಿಯ ಪ್ರೀತಿಯ ಮೊಮ್ಮಗ.  ತಂದೆ ತಾಯಿ ಇಲ್ಲದ ಕಾರಣ ವಿರಾಜ್‌ ಕೂಡಾತನ್ನ ತಾತ ಮತ್ತು ಅಜ್ಜಿಯನ್ನು ದೇವರಂತೆ ಪೂಜಿಸುತ್ತಿರುತ್ತಾನೆ. ಅವರಿಗೆ ನೋವಾಗುವಂತಹ ಯಾವುದೇ ಕೆಲಸವನ್ನು ಅವನು ಮಾಡುವುದಿಲ್ಲ. ಹೀಗಿರುವಾಗ ಕಾಲೇಜಿನಲ್ಲಿ ಒಂದು ಹುಡುಗಿಯನ್ನು ಇಷ್ಟಪಡುತ್ತಾನೆ. ತಮ್ಮ ಮೊಮ್ಮಗ ಇಷ್ಟಪಟ್ಟಿದ್ದಾನೆ ಎಂದು ತಾತ, ಅಜ್ಜಿಯೂ ಒಪ್ಪಿಕೊಳ್ಳುತ್ತಾರೆ. ನಾಯಕಿಯ ತಂದೆ ತಾಯಿಗೆ ಯಾವಾಗಲೂ ಸ್ಟೇಟಸ್‌ದೇ ಚಿಂತೆ. ಈ ಸ್ಟೇಟಸ್‌ನಿಂದಾಗ ಇವರ ನಿಶ್ಚಿತಾರ್ಥ ಮುರಿದು ಬಿದ್ದು ಮದುವೆ ನಿಂತು ಹೋಗುತ್ತದೆ. ಆದರೆ ಹೀಗೆ ಸ್ಟೇಟಸ್‌ ನಿಂದ ದೂರವಾಗಿದ್ದ ಪ್ರೀತಿ ಮತ್ತೆ ಒಂದಾಗುತ್ತದೆ. ಹೀಗೆ ಒಂದಾದ ಪ್ರೀತಿಗೆ ಮತ್ತೆ ಕಂಟಕ ಬರುತ್ತದೆ. ಈ ಕಂಟಕವೇನು, ಆ ಕಂಟಕ ನಿವಾರಣೆಯಾಗಿ ಇವರಿಬ್ಬರು ಒಂದಾಗುತ್ತಾರೆ ಎಂಬದನ್ನು ಸಿನಿಮಾದಲ್ಲಿಯೇ ನೋಡಬೇಕು..
ಚಿತ್ರಕಥೆಯಲ್ಲಿ ಇನ್ನು ಒಂದಿಷ್ಟ ವೇಗ ಬೇಕಿತ್ತು, ಕಾಮಿಡಿ ದೃಶ್ಯಗಳನ್ನು ಕತ್ತರಿಸಬಹುದಿತ್ತು, ಸಿನಿಮಾಟೋಗ್ರಫಿ ಚೆನ್ನಾಗಿದೆ. ಒಂದೇ ಒಂದು ಹಾಡು ಮಾತ್ರ ಗುನುಗುವಂತಿದೆ. ಉಳಿದಂತೆ ನಾಯಕ ವಿಧ್ಯಾಭರಣ್‌ ಮೊದಲ ಪ್ರಯತ್ನಲದಲ್ಲಿಯೇ ಪಾಸ್‌ ಆಗಿದ್ದಾರೆ. ಇನ್ನೊಂದಿಷ್ಟ ಪ್ರಯತ್ನ ಮಾಡಿದರೆ ಒಳ್ಳೆ ನಟನಾಗುವ ಲಕ್ಷಣ ಕಾಣುತ್ತಿದೆ. ನಾಯಕಿಯರಿಬ್ಬರೂ ತಮ್ಮ ಕೆಲಸವನ್ನು ಅಚ್ಚುಕಟ್ಟಾಗಿ  ಮಾಡಿದ್ದಾರೆ. ದೇವರಾಜ್‌, ಜೈಜಗದೀಶ್‌, ಸ್ವಾತಿ, ಶ್ರೀಧರ್‌, ಟೆನ್ನಿಸ್‌ ಕೃಷ್ಣ ಎಲ್ಲರೂ ತಮಗೆ ಕೊಟ್ಟ ಕೆಲಸವನ್ನು ನೀಟಾಗಿ ಮಾಡಿ ಮುಗಿಸಿದ್ದಾರೆ. ವಿಕೇಂಡ್‌ನಲ್ಲಿ ಸಿನಿಮಾವನ್ನು ಒಮ್ಮೆ ನೋಡಲು ಅಡ್ಡಿಯಿಲ್ಲ.


ರೇಟಿಂಗ್ :3/5

Film: Kismat

Director: Vijaya Raghavendra

Cast: Vijaya Raghavendra, Sangeetha Bhat, Saikumar, Dileep Raj, Chikkanna, Naveen Krishna, Dharma, Sunder Raj, Nanda Gopal and others.

Music: Rajesh Murugeshan

--

Vijaya Raghavendra’s much-awaited film Kismat has released today at theatres across Karnataka. Kismat is a Hindi word, which means the destiny. This film is a like a destiny for actor Vijaya Raghavendra who made debut as a director through this film. Generally, films are made on time-management are suspense or crime thrillers but Kismat has comedy element too.  Its script revolves around the incidents taken place from morning to evening. This film is an official Remakeof Malyalam movie Neram.

.

It is about Vijay (Vijaya Raghavendra) who has borrowed money from money lender Bhadra for his sister’s marriage. Bhadra has threatened Vijay to return his money before 5 pm. At this juncture, Vijay’s lover Anu (Sangeetha Bhat) runs away from her home and waits for him. He arranges money and gives it to his friend for handing over to Bhadra. Meanwhile, a thief lays his hands on the money and escapes. While Vijay is in a dilemma on how to arrange money to Bhadra and how to meet his lover, his brother-in-law demands him to pay the balance amount of dowry agreed at the time of marriage. The climax is how Vijay comes out of all these hurdles.

.

This is Vijaya Raghavendra’s maiden film as a director but he handled the megaphone with aplomb. His USP is the selection of artistes. Vijaya Raghavendra has played unemployed youth well. For the first time, Chikkanna played a serious character. Saikumar, Naveen Krishna, Dharma, Sundar Raj have provided good support. Dileep Raj, as a friend who comes to hero’s rescue, has acted well. Sangeetha Bhat, though played a brief role, has utilized this opportunity well. Nandagopal as a money lender has also acted well. If he takes acting seriously, he would be a good asset for Sandalwood.

.

Music by Rajesh Murugeshan is good. Two songs are worth listening. Rajesh Narayanan has done a good job behind the camera which effectively captured the streets of Bengaluru.

This is a clean and neat film and worth watch by whole family members.

.

Rating – 3.25/5

  •  Start 
  •  Prev 
  •  1  2  3  4  5  6 
  •  Next 
  •  End 
Page 1 of 6

kismat

aaadi nigif

ad free

Cineloka TV

Photo Gallery

ರಿಯಲ್ ಸ್ಟಾರ್ ಉಪೇಂದ್ರ ರಾಜ್ಯ ರಾಜಕೀಯದಲ್ಲಿ ಯಾವ ಪಕ್ಷ ಸೇರಬೇಕು.?
  • Votes: (0%)
  • Votes: (0%)
  • Votes: (0%)
  • Votes: (0%)
  • Votes: (0%)
Total Votes:
First Vote:
Last Vote:
Go to top