IB anigif

Ayugya Gif

adweb

udgharsha

 

ಚಿತ್ರ : ಇರುವುದೆಲ್ಲವ ಬಿಟ್ಟು
ನಿರ್ದೇಶಕ : ಕಾಂತಾ ಕನ್ನಲಿ
ನಿರ್ಮಾಪಕ : ದೇವರಾಜ್‌ ದಾವಣಗೆರೆ
ಸಂಗೀತ : ಶ್ರೀಧರ್‌ ಸಂಭ್ರಮ್‌
ಕ್ಯಾಮೆರಾ : ವಿಲಿಯಂ ಡೇವಿಡ್‌
ತಾರಾಗಣ : ಮೇಘನಾ ರಾಜ್‌, ಶ್ರೀ, ತಿಲಕ್‌, ಅಚ್ಯುತ್‌ಕುಮಾರ್‌, ಅರುಣಾ ಬಾಲರಾಜ್‌, ಅಭಿಷೇಕ್‌ ರಾಯಣ್ಣ


ಕಣ್ಣೀರು ಹಾಕಿಕೊಂಡು ದ್ವೇಷ ಸಾಧಿಸುವವರನ್ನು ನಾನು ನೋಡುತ್ತಿದ್ದೇನೆ ಎನ್ನುತ್ತಾನೆ ನಾಯಕ ಆಕಾಶ್‌, ಇಂತಹ ಸಾಕಷ್ಟು ಭಾವಾನತ್ಮಕ ಡೈಲಾಗ್‌ಗಳಿಂದ ಇರುವುದೆಲ್ಲವ ಬಿಟ್ಟು ಸಿನಿಮಾ ಗಮನ ಸೆಳೆಯುತ್ತದೆ. ಸಂಬಂಧಗಳಲ್ಲಿ ಸ್ವಾಭಿಮಾನಕ್ಕಿಂತ ಪ್ರೀತಿ ಮುಖ್ಯ ಎಂದು ಹೇಳುತ್ತದೆ ಈ ಸಿನಿಮಾ.
.

ತನ್ನ ಕರಿಯರ್‌, ಕಾರ್ಪೋರೇಟ್‌ ಲೈಫ್‌, ಐಷರಾಮಿ ಬದುಕಿನ ಹಿಂದೆ ಓಡುವ ಪೂರ್ವಿ( ಮೇಘನಾರಾಜ್‌)ಗೆ ಬೇರೆಯವರಿಂದ ಆರ್ಡರ್‌ ಮಾಡಿಕೊಳ್ಳುವ ಬದಲಿಗೆ ತಾನೇ ಆರ್ಡರ್‌ ಮಾಡುವ ಸ್ಥಾನಕ್ಕೆ ಹೋಗಬೇಕು ಎಂಬ ಆಸೆ ಇರುತ್ತದೆ. ಅದನ್ನು ಆಕೆ ಸಾಧಿಸುತ್ತಾಳೆ. ಈ ಸಮಯದಲ್ಲಿ ಆಕೆಗೆ ದೇವ್‌ (ತಿಲಕ್‌) ನ ಪರಿಚಯವಾಗುತ್ತದೆ. ಇವರಿಬ್ಬರ ನಡುವೆ ಪ್ರೇಮ, ಪ್ರೀತಿ ಪ್ರಣಯ ಎಲ್ಲವೂ ಆಗುತ್ತದೆ ಆದರೆ ಮದುವೆ ಆಗುವುದಿಲ್ಲ. ಮದುವೆ ಎಂಬುದನ್ನು ಇವರಿಬ್ಬರು ನಂಬುವುದಿಲ್ಲ. ಆದರೆ ಈ ವಿಷಯ ಪೂರ್ವಿ ತಂದೆಗೆ ತಿಳಿದು, ಬೆಂಗಳೂರಿಗೆ ಬಂದು ಜಗಳ ಮಾಡುತ್ತಾರೆ. ಪೂರ್ವಿ ತನ್ನ ಪಾಲಿಗೆ ಸತ್ತಳು ಎಂದೇ ಆ ತಂದೆ ನಿರ್ಧಾರ ಮಾಡುತ್ತಾರೆ. ಇದೇ ಸಮಯದಲ್ಲಿ ಪೂರ್ವಿ ಗರ್ಭಿಣಿಯಾಗುತ್ತಾಳೆ, ಆಗ ದೇವ್‌ನೊಂದಿಗೆ ಯಾವುದೋ ವಿಷಯಕ್ಕೆ ಜಗಳ ಮಾಡಿಕೊಂಡು ದೂರವಾಗುತ್ತಾಳೆ. ತಂದೆಯ ಪ್ರೀತಿ, ಪ್ರೇಮಿಯ ಪ್ರೀತಿ ಎಲ್ಲವನ್ನು ಕಳೆದುಕೊಂಡ ಪೂರ್ವಿ ವೃತ್ತಿಯಲ್ಲಿ ಬೆಳೆಯುತ್ತಾ ಹೋಗುತ್ತಾಳೆ, ಆದರೆ ಪರ್ಸನಲ್‌ ಆಗಿ ಕುಗ್ಗಿ ಹೋಗುತ್ತಾಳೆ. ಈ ಸಮಯದಲ್ಲಿ ಆಕಾಶ್‌ ( ಶ್ರೀ) ಸಿಕ್ಕು, ಪೂರ್ವಿ ಬದುಕಲ್ಲಿ ತಂಪು ಗಾಳಿ ಬೀಸುವಂತೆ ಮಾಡುತ್ತಾನೆ. ಆದರೆ ಪೂರ್ವಿ ತನ್ನ ತಂದೆಯ ಜತೆ ಒಂದಾಗುತ್ತಾಳಾ, ಆಕಾಶ್‌ನನ್ನು ಮದುವೆ ಆಗುತ್ತಾಳಾ ಎಂಬುದಕ್ಕೆ ಸಿನಿಮಾ ನೋಡಬೇಕು.
.

ಹೆಸರು, ಹಣ ಎಲ್ಲದಕ್ಕಿಂತ ಸಂಬಂಧಗಳು ಎಷ್ಟು ಮುಖ್ಯ ಎಂಬುದನ್ನು ನಿರ್ದೇಶಕ ಕಾಂತಾ ಕನ್ನಲಿ ಸುಂದರವಾಗಿ ಕಟ್ಟಿಕೊಟ್ಟಿದ್ದಾರೆ. ಕಾಂತಾ ಕನ್ನಲಿಯವರ ಕಲ್ಪನೆಗೆ ತಕ್ಕಂತೆ ಎಲ್ಲ ನಟ ನಟಿಯರು ಕೆಲಸ ಮಾಡಿದ್ದಾರೆ. ಯಾರು ನಿರೀಕ್ಷೆ ಮಾಡದಂತಹ ಕ್ಲೈಮ್ಯಾಕ್ಸ್‌ನಿಂದ ಪ್ರೇಕ್ಷಕರಿಗೆ ಅಚ್ಚರಿ ಮೂಡುವಂತೆ ಮಾಡುತ್ತಾರೆ ನಿರ್ದೇಶಕರು.
.

ನಟಿ ಮೇಘನಾ ರಾಜ್‌ ತಮ್ಮ ಅತ್ಯುತ್ತಮ ನಟನೆಯನ್ನು ಮತ್ತೊಮ್ಮೆ ಇಲ್ಲಿ ಪ್ರದರ್ಶನ ಮಾಡಿದ್ದಾರೆ. ನವ ನಟ ಶ್ರೀಗೆ ಇದು ಹೊಸ ಪ್ರಯತ್ನವಾದರೂ ಅದರಲ್ಲೇ ಅವರು ಸೆಂಚುರಿ ಬಾರಿಸಿದ್ದಾರೆ. ಸ್ಯಾಂಡಲ್‌ವುಡ್‌ನಲ್ಲಿ ಗಟ್ಟಿಯಾಗಿ ನಿಲ್ಲಬಲ್ಲ ಎಲ್ಲ ರೀತಿಯ ಲಕ್ಷಣಗಳು ಅವರ ನಟನೆ ಮತ್ತು ಲುಕ್ಸ್‌ನಲ್ಲಿದೆ. ತಿಲಕ್‌ ಮತ್ತು ಅಚ್ಯುತ್‌ಕುಮಾರ್‌ , ಅರುಣಾ ಬಾಲರಾಜ್‌ ತಮ್ಮ ಪಾತ್ರಗಳಿಗೆ ನ್ಯಾಯ ಸಲ್ಲಿಸಿದ್ದಾರೆ.
.

ಶ್ರೀಧರ್‌ ಸಂಭ್ರಮ್‌ ಸಂಗೀತ ನಿಜಕ್ಕೂ ಕಾಡುತ್ತದೆ. ವಿಲಿಯಂ ಡೇವಿಡ್‌ ಅವರ ಕ್ಯಾಮೆರಾ ಎಲ್ಲರ ಭಾವನೆಗಳನ್ನು ಅದ್ಭುತವಾಗಿ ಸೆರೆ ಹಿಡಿದಿದೆ. ಜಲ್ಸಾ ಸಿನಿಮಾ ಮೂಲಕ ಒಂದಷ್ಟು ಭರವಸೆ ಮೂಡಿಸಿದ್ದ ನಿರ್ದೇಶಕ ಕಾಂತಾ ಕನ್ನಲಿ ಈ ಸಿನಿಮಾ ಮೂಲಕ ತಾನೊಬ್ಬ ಉತ್ತಮ ತಂತ್ರಜ್ಞ ಎಂಬುದನ್ನು ತೋರಿಸಿಕೊಟ್ಟಿದ್ದಾರೆ. ಒಂದಷ್ಟು ಒಳ್ಳೆಯ ವಿಷಯವನ್ನು ಹೇಳಲು ಒಳ್ಳೆ ನಟ ನಟಿಯರನ್ನು ಆಯ್ಕೆ ಮಾಡಿಕೊಂಡು ನೀಟಾದ ಚಿತ್ರ ಮಾಡಿದ್ದಾರವರು.
.
ಈ ವೀಕೆಂಡ್‌ನಲ್ಲಿ ಕುಟುಂಬ ಸಮೇತ ಈ ಸಿನಿಮಾವನ್ನು ನೋಡಬಹುದು.
.
ರೇಟಿಂಗ್ - 3.25/5

ಇದೇ 21ಕ್ಕೆ ಬಿಡುಗಡೆಯಾಗುತ್ತಿರುವ "ಇರುವುದೆಲ್ಲವ ಬಿಟ್ಟು" ಸಿನಿಮಾದಲ್ಲಿ ಮೇಘನಾ ರಾಜ್‌ ಸಖತ್‌ ಬೋಲ್ಡ್‌ ಆಗಿ ಕಾಣಿಸಿಕೊಂಡಿದ್ದಾರೆ. ಮೇಘನಾ ಜತೆಗೆ ತಿಲಕ್‌ ಮತ್ತು ಶ್ರೀ ಮಹದೇವ್‌ ಮುಂತಾದವರು ನಟಿಸಿರುವ ಈ ಚಿತ್ರವನ್ನು ಕಾಂತಾ ಕನ್ನಲಿ ನಿರ್ದೇಶಿಸಿದ್ದಾರೆ.

.

ಈ ಸಿನಿಮಾದಲ್ಲಿ ಮೇಘನಾ ಮೂರು ಶೇಡ್‌ನಲ್ಲಿ ಕಾಣಿಸಿಕೊಂಡಿದ್ದು, ಮುದ್ದಿನ ಮಗಳಾಗಿ, ಯಶಸ್ವಿ ಉದ್ಯಮಿಯಾಗಿ, ಪ್ರೀತಿಯನ್ನು ಹುಡುಕುವ ಹುಡುಗಿಯಾಗಿದ್ಧಾರೆ.

.

ಈ ಸಿನಿಮಾಗೆ ಯು ಸರ್ಟಿಫಿಕೇಟ್‌ ಸಿಕ್ಕಿದ್ದು, ಇದಕ್ಕೆ ನಿರ್ದೇಶಕ ಕಾಂತಾ ಕನ್ನಲಿ ಖುಷಿಯಾಗಿದ್ದಾರೆ. ಈ ಚಿತ್ರವನ್ನು ಬಿಲ್ವ ಕ್ರಿಯೇಶನ್ಸ್‌ ನಡಿ ದೇವರಾಜ್‌ ದಾವಣಗೆರೆ ನಿರ್ಮಾಣ ಮಾಡಿದ್ದಾರೆ.

ಪ್ರೀತಂ ಗುಬ್ಬಿ ಮತ್ತು ಗೊಲ್ಡನ್‌ ಸ್ಟಾರ್‌ ಗಣೇಶ್‌ ಒಟ್ಟಿಗೆ ಸಿನಿಮಾ ಮಾಡುತ್ತಾರೆ ಎಂಬ ಸುದ್ದಿ ಗಾಂಧಿನಗರದಲ್ಲಿ ಕಳೆದ 6 ತಿಂಗಳುಗಳಿಂದ ಓಡಾಡುತ್ತಲೇ ಇತ್ತು. ಈಗ ಅದು ನಿಜವಾಗುತ್ತಿದೆ.

.

ಹೌದು, ಗಣೇಶ ಹಬ್ಬದ ದಿನ ಪ್ರೀತಂ ಗುಬ್ಬಿ ಅವರು ಈ ಚಿತ್ರದ ಟೈಟಲ್ ಅನೌನ್ಸ್ ಮಾಡುವ ಮೂಲಕ ಚಿತ್ರ ಮಾಡುವ ವಿಷಯವನ್ನು ಅಧಿಕೃತ ಮಾಡಿದ್ದಾರೆ. ಚಿತ್ರಕ್ಕೆ "ಮರೆಯುವ ಮುನ್ನ" ಎಂದು ಹೆಸರಿಡಲಾಗಿದೆ.

.

ಹೆಸರೇ ಸೂಚಿಸುವಂತೆ ಈ ಸಿನಿಮಾ ಫುಲ್‌ ರೊಮ್ಯಾಂಟಿಕ್‌ ಕಥೆಯನ್ನು ಹೊಂದಿದ್ದು, ಇದಕ್ಕಾಗಿ ಬಹಳ ದಿನಗಳಿಂದ ಪ್ರೀತಂ ಕೆಲಸ ಮಾಡುತ್ತಿದ್ದಾರಂತೆ.  ಗಣೇಶ್‌ ಅವರ ಆರೇಂಜ್‌, ಗಿಮಿಕ್‌, ಗೀತಾ ಚಿತ್ರಗಳ ನಂತರ ಮರೆಯುವ ಮುನ್ನ ಆರಂಭವಾಗುತ್ತದಂತೆ.

.

ಗಣೇಶ್‌ ಮತ್ತು ಪ್ರೀತಂ ಜೋಡಿ ಈ ಮೊದಲು 'ಮಳೆಯಲಿ ಜೊತೆಯಲಿ', 'ದಿಲ್‌ ರಂಗೀಲಾ' ಸಿನಿಮಾದಲ್ಲಿ ಒಟ್ಟಿಗೆ ಕೆಲಸ ಮಾಡಿತ್ತು. ಇವರಿಬ್ಬರು ಮಾಡಿದ ಸಿನಿಮಾಗಳು ಹಿಟ್‌ ಆಗಿದ್ದವು, ಹಾಗಾಗಿ ಈ ಬಾರಿಯೂ ಈ ಜೋಡಿ ಮೇಲೆ ಸಹಜವಾಗಿಯೇ ನೀರಿಕ್ಷೆಗಳಿರುತ್ತವೆ.

ಕನ್ನಡ ರಜತ ಪರದೆಯ ಮೇಲೆ ಮತ್ತೊಂದು ಸಸ್ಪೆನ್ಸ್ ಹಾಗೂ ಥ್ರಿಲ್ಲರ್ "ಕಾರ್ನಿ". ದುನಿಯಾ ರಶ್ಮಿ ಪ್ರಧಾನ ಭೂಮಿಕೆಯಲ್ಲಿ ಇರುವ ಈ ಚಿತ್ರ ಗೋಕುಲ ಎಂಟರ್ಟೈನರ್ಸ್ ಹಾಗೂ ವಿನಿ ಸ್ಟುಡಿಯೋ ಅಡಿಯಲ್ಲಿ ತಯಾರಾಗಿದ್ದು ಇದೇ ಶುಕ್ರವಾರ(ಸೆ.14) ಬಿಡುಗಡೆ ಆಗುತ್ತಿದೆ.

.

`ಕಾರ್ನಿ' ಎಂಬುದು ದುರ್ಗ ದೇವಿಯ ಅಸ್ತ್ರ. ಈ ಆಸ್ತ್ರ ಯಾರ ಸಂಹಾರಕ್ಕಾಗಿ ಎಂಬುದು ಕುತೂಹಲ ಹುಟ್ಟಿಸುವ ವಿಷಯ. ಬಹುತೇಕ ರಾತ್ರಿಯ ಹೊತ್ತಿನಲ್ಲೇ ಚಿತ್ರೀಕರಣ ಮಾಡಿರುವ ಈ ಚಿತ್ರದಲ್ಲಿ ನಾಯಕಿ ರಶ್ಮಿ ಅವರಿಗೆ ಮಾತು ಬಹಳ ಕಡಿಮೆ. ಇದು ಶಕ್ತಿ ಹಾಗೂ ಯುಕ್ತಿಯ ನಡುವಿನ ಹೋರಾಟ.


.
ಈ ಚಿತ್ರವನ್ನು ಗೋವಿಂದರಾಜು ನಿರ್ಮಾಣ ಮಾಡಿದ್ದಾರೆ. ಆಲೋಕ್ ಗೋವಿಂದಪ್ಪ ಸಹ ನಿರ್ಮಾಪಕ. ವಿನೀ ಅವರ ಕಥೆ, ಚಿತ್ರಕಥೆ, ನಿರ್ದೇಶನದಲ್ಲಿ ಮೂಡಿಬಂದಿರುವ ಈ ಚಿತ್ರದ ನಾಯಕ ಹಾಗೂ ಖಳ ನಾಯಕ ನಿರಂತ್. ಕನ್ನಡದಲ್ಲಿ ಬಿಡುಗಡೆ ಆದ ದಿನೇಷ್ ಬಾಬು ನಿರ್ದೇಶನದ ?ಇದು ಸಾಧ್ಯ? ಚಿತ್ರದ ಪ್ರೇರಣೆ ಇಂದ ವಿನೀ ಈ ಚಿತ್ರವನ್ನು ನಿರ್ದೇಶನ ಮಾಡಿದ್ದಾರೆ. ಈ ಹಿಂದೆ ಇವರು ಲೈಫು ಸೂಪರ್ರು ಚಿತ್ರ ನಿರ್ದೇಶನ ಮಾಡಿದವರು.
.
ನಾಯಕಿ ರಶ್ಮಿ ಅವರು ಈ ಚಿತ್ರದಲ್ಲಿ ಕೆಲವು ಸಾಹಸ ಮಾಡಿದ್ದಾರೆ. ಬಹುತೇಕ ಮೂಕಿ ಆಗಿಯೇ ಅವರ ಪಾತ್ರ ಸಾಗುತ್ತದೆ. ರಾಜೇಶ್ ರಾಮಕೃಷ್ಣ ಈ ಚಿತ್ರದಲ್ಲಿ ಪೊಲೀಸ್ ಅಧಿಕಾರಿಯ ಪಾತ್ರ ಮಾಡಿದ್ದಾರೆ.
ಸೂರ್ಯೋದಯ ಛಾಯಾಗ್ರಹಣ, ಅರಿಂದಂ ಗೋಸ್ವಾಮಿ ಸಂಗೀತ, ವಿನಯ್ ಆಲೂರ್ ಸಂಕಲನ ಹಾಗೂ ಕಲರಿಂಗ್ ಮಾಡಿದ್ದಾರೆ.

ತಮ್ಮ ಕಾಮಿಡಿ ಪಂಚಿಂಗ್‌ ಡೈಲಾಗ್‌ಗಳ ಮೂಲಕ ಸ್ಯಾಂಡಲ್‌ವುಡ್‌ನಲ್ಲಿ ಗಮನ ಸೆಳೆದಿದ್ದ ಡೈಲಾಗ್ ರೈಟರ್ ಪ್ರಶಾಂತ್‌ ರಾಜಪ್ಪ ನಿರ್ದೇಶನಕ್ಕಿಳಿದಿದ್ದಾರೆ, ಅವರ ಮೊದಲ ಚಿತ್ರದಲ್ಲಿ ನಟ ಅನಿಶ್‌ ಹಳ್ಳಿ ಹುಡುಗನಾಗಿ ನಟಿಸುತ್ತಿದ್ದಾರಂತೆ. ಚಿತ್ರತಂಡ ಚಿತ್ರಕ್ಕೆ "ಕೇಡಿ ನಂ.1" ಎಂದು ಹೆಸರಿಟ್ಟಿದ್ದಾರೆ.

.
ಅಕಿರಾ ಸಿನಿಮಾದಲ್ಲಿ ಮಾಡ್‌ ಹುಡುಗನಾಗಿ ಕಾಣಿಸಿಕೊಂಡು, ವಾಸು ನಾನ್‌ ಪಕ್ಕಾ ಕಮರ್ಶಿಯಲ್‌ ಸಿನಿಮಾದಲ್ಲಿ ಪಕ್ಕಾ ಲೋಕಲ್‌ ಆಗಿ ನಟಿಸಿದ್ರು ಅನಿಶ್‌. ಈಗ ಪ್ರಶಾಂತ್‌ ರಾಜಪ್ಪ ನಿರ್ದೇಶನ ಮಾಡುತ್ತಿರುವ ಸಿನಿಮಾದಲ್ಲಿ ಮೊದಲ ಬಾರಿಗೆ ಹಳ್ಳಿ ಹೈದನಾಗಿ ಕಾಣಿಸಿಕೊಳ್ಳುತ್ತಿದ್ದಾರಂತೆ.
.
ವಾಸು ಚಿತ್ರದಂತೆ ಈ ಸಿನಿಮಾವನ್ನು ಸಹ ಅನಿಶ್‌ ಅವರೇ ನಿರ್ಮಾಣ ಮಾಡುತ್ತಿದ್ದಾರೆ.
.

 

ಸ್ಯಾಂಡಲ್‌ವುಡ್‌ನಲ್ಲಿ ಇತ್ತೀಚೆಗೆ ವಿಶಿಷ್ಟ ಮತ್ತು ವಿಚಿತ್ರ ಶೀರ್ಷಿಕೆಗಳು ಸಿನಿಮಾಗಳಾಗುತ್ತಿವೆ. ಆ ಸಾಲಿಗೆ ಹೊಸ ಸೇರ್ಪಡೆ "ಅಟ್ಟಯ್ಯ v/s ಹಂದಿ ಕಾಯೋಳು".
.
ಮಳವಳ್ಳಿಯಲ್ಲಿ ನಡೆದ ಕ್ರೆಂ ಸ್ಟೊರಿಗೆ ದೃಶ್ಯದ ಟಚ್‌ ನೀಡಿದ್ದಾರಂತೆ ನಿರ್ದೇಶಕ ನಿರ್ದೇಶಕ ಲೋಕೇಂದ್ರ ಸೂರ್ಯ.
ಒಂದು ಗದ್ದೆಗೆ ಬೇರೆಯವರ ಹಂದಿಗಳು ನುಗ್ಗಿದಾಗ ಜಗಳ ಆರಂಭವಾಗುತ್ತದೆ. ಈ ಜಗಳ ಕಡೆಗೆ ಕೊಲೆಯ ವರೆಗೂ ಹೋಗುವ ಕಥೆ ಅಟ್ಟಯ್ಯ ವರ್ಸಸ್‌ ಹಂದಿ ಕಾಯೋಳು ಸಿನಿಮಾದಲ್ಲಿದೆ. ನಗರದಿಂದ ಬಂದ ಇಂಜಿನಿಯರ್‌ ಹುಡುಗ ಈ ಗೊಂದಲದಲ್ಲಿ ಸಿಕ್ಕಿಕೊಳ್ಳುತ್ತಾನೆ. ಚಿತ್ರದಲ್ಲಿ ಕತೆಯೇ ಹೀರೊ. ಲವ್, ಹಳ್ಳಿಯ ಚಿತ್ರಣ ಎಲ್ಲವೂ ಇದೆ’ ಎಂದಿದ್ದಾರೆ ಲೋಕೇಂದ್ರ ಸೂರ್ಯ.
.
ಈ ಸಿನಿಮದಲ್ಲಿ ನಾಯಕಿಯಾಗಿ ಚೈತ್ರಾ ನಟಿಸಿದ್ದಾರೆ. ಈ ಚಿತ್ರದಲ್ಲಿ ಹಳ್ಳಿಯ ಗೌಡನ ಮಗಳಾಗಿ ನಟಿಸಿರುವ ಇವರು, ಡಿಗ್ಲಾಮ್‌ ಪಾತ್ರದಲ್ಲಿದ್ದಾರಂತೆ. ಚಿತ್ರದಲ್ಲಿ ಅಟ್ಟಯ್ಯನಾಗಿ ಪ್ರೊಫೆಸರ್ ಎ. ಮಾದೇವಯ್ಯ, ಲೋಕೇಂದ್ರ, ಕೆಂಪೇಗೌಡ, ಎಡಿಟರ್‌ ವಿನಯ್‌ ಕೂರ್ಗ್‌, ಅರ್ಜುನ್‌ ಮತ್ತಿತರರು ನಟಿಸಿದ್ದಾರೆ. ವಿಜಯ್‌ ಪ್ರಕಾಶ್‌ ಒಂದು ಹಾಡನ್ನು ಹಾಡಿದ್ದಾರೆ. ಯಶವಂತ್‌ ಭೂಪತಿ ಸಂಗೀತ ನೀಡಿದ್ದಾರೆ.

 

ಇರುವುದೆಲ್ಲವ ಬಿಟ್ಟು ಸಿನಿಮಾದ ಬಿಡುಗಡೆಗಾಗಿ ಕಾದಿರುವ ಮೇಘನಾ ತಮ್ಮ ಸಿನಿಮಾ ಟೀಮ್‌ ಜತೆ ಎಕೋ ಫ್ರೆಂಡ್ಲಿ ಗಣಪನನ್ನು ಪೂಜಿಸಿದ್ದಾರೆ.
.
ಕಾಂತ ಕನ್ನಲಿ ನಿರ್ದೇಶನ ಮಾಡಿರುವ ಇರುವುದೆಲ್ಲವ ಬಿಟ್ಟು ಸಿನಿಮಾ ತನ್ನ ಹಾಡು ಮತ್ತು ಟ್ರೇಲರ್‌ನಿಂದಾಗಿ ಗಮನ ಸೆಳೆದಿದೆ, ಇದೇ 21ಕ್ಕೆ ಸಿನಿಮಾ ಬಿಡುಗಡೆಯಾಗಲಿದ್ದು, ಗಣೇಶ ಹಬ್ಬದ ಸಮಯದಲ್ಲಿ ನಟಿ ಮೇಘನ ರಾಜ್‌ ಚಿತ್ರತಂಡದೊಡನೆ ಸೇರಿಕೊಂಡು ಎಕೋ ಫ್ರೆಂಡ್ಲಿ ಗಣೇಶನನ್ನು ಪೂಜೆ ಮಾಡಿದ್ದಾರೆ.
.

ಹೌದು, ಮಂಗಳವಾರ ಇರುವುದೆಲ್ಲವ ಬಿಟ್ಟು ಚಿತ್ರದ ನಾಯಕರಾದ ಶ್ರೀ,ತಿಲಕ್‌ ನಿರ್ದೇಶಕ ಕಾಂತಕನ್ನಲಿ ನಿರ್ಮಾಪಕ ದೇವರಾಜ್‌ ಮತ್ತು ಇಡೀ ಚಿತ್ರತಂಡ ಎಕೋ ಫ್ರೆಂಡ್ಲಿ ಗಣಪತಿಯನ್ನು ಪೂಜೆ ಮಾಡಿದ್ದಾರೆ.
.

ಕಾರ್ಪೋರೇಟ್‌ ಜಗತ್ತಿನ ಕಥೆ ಹೇಳುವ ಈ ಚಿತ್ರಕ್ಕೆ ತಮಿಳು ನಟ ಸಿಂಬು ಹಾಡಿದ್ದಾರೆ, ನಟ ಶ್ರೀಮುರುಳಿ ಹಿನ್ನೆಲೆ ಧ್ವನಿ ನೀಡಿದ್ದಾರೆ. ಈ ಸಿನಿಮಾಗೆ ಶ್ರೀಧರ್‌ ಸಂಭ್ರಮ್‌ ಸಂಗೀತ ನೀಡಿದ್ದು, ದೇವರಾಜ್‌ ದಾವಣಗೆರೆ ಬಂಡವಾಳ ಹೂಡಿದ್ದಾರೆ.
.

ಇದೇ ಮೊದಲ ಬಾರಿಗೆ ತಿಲಕ್‌ ಹಾಗೂ ಶ್ರೀ ಜತೆ ಮೇಘನಾ ರಾಜ್‌ ತೆರೆ ಹಂಚಿಕೊಂಡಿದ್ದಾರೆ. ಚಿತ್ರದ ಟೈಟಲ್‌ ಬಹಳ ವಿಭಿನ್ನವಾಗಿದ್ದು, ಸಿನಿಮಾದಲ್ಲಿ ಏನಿರಬಹುದು ಎಂಬ ಕುತೂಹಲ ಸೃಷ್ಟಿಯಾಗಿದೆ.

 

ದೇವನೂರು ಚಂದ್ರು ನಿರ್ದೇಶನದ ಗ್ರಾಮಾಯಣ ಚಿತ್ರಕ್ಕಾಗಿ ಗಡ್ಡ ಬಿಟ್ಟು ಪಕ್ಕಾ ಹಳ್ಳಿ ಹುಡುಗನಾಗಿದ್ದಾರೆ.
ಅನಂತು ಸಿನಿಮಾದಲ್ಲಿ ಲಾಯರ್‌ ಆಗಿರುವ ವಿನಯ್‌, ಗ್ರಾಮಾಯಣದಲ್ಲಿ ಸಿಕ್ಸ್ತ್‌ ಸೀನ ಎಂಬ ಹಳ್ಳಿ ಹುಡುಗನ ಕ್ಯಾರೆಕ್ಟರ್‌ ಮಾಡುತ್ತಿದ್ದಾರೆ.
.
ಗಾಜನೂರಿನಲ್ಲಿ ಅಣ್ಣಾವ್ರು ಹುಟ್ಟಿದ ಮನೆಯಲ್ಲಿ ಚಿತ್ರೀಕರಣಗೊಂಡ ಟೀಸರ್‌ನ್ನು ಕಳೆದ ವಾರ ಬಿಡುಗಡೆ ಮಾಡಲಾಗಿತ್ತು. ಆ ಟೀಸರ್‌ನಲ್ಲಿ ವಿನಯ್‌ ಲುಕ್‌ ಕಂಡು ಎಲ್ಲರೂ ಮೆಚ್ಚಿಕೊಂಡಿದ್ದಾರೆ.
.

ಹಳ್ಳಿ ಹುಡುಗನಾಗಲು ವಿನಯ್‌ ಚಿತ್ರತಂಡದ ಜತೆ ಲೊಕೇಶನ್‌ ನೋಡಲು ಎಲ್ಲ ಕಡೆ ಹೋಗಿ ಬಂದಿದ್ದಾರೆ. ಈ ಸಿನಿಮಾದ ಶೂಟಿಂಗ್‌ಗಾಗಿ ಕುತೂಹಲದಿಂದ ಕಾಯುತ್ತಿದ್ದೇನೆ ಎಂದು ಅವರು ಹೇಳಿದ್ದಾರೆ.

ದುನಿಯಾ ವಿಜಯ್‌ ನಟನೆಯ "ಕುಸ್ತಿ" ಸಿನಿಮಾಗೆ ಬಜ಼ಾರ್ ಬೆಡಗಿ ಅದಿತಿ ಪ್ರಭುದೇವ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ.

.

ಕುಸ್ತಿ ಅಖಾಡದ ಕಥೆಯನ್ನು ಹೊಂದಿರುವ ಈ ಸಿನಿಮಾದಲ್ಲಿ ದುನಿಯಾ ವಿಜಯ್‌ ತಮ್ಮ ಪುತ್ರ ಸಾಮ್ರಾಟ್‌ರನ್ನು ಬೆಳ್ಳಿತೆರೆಗೆ ಪರಿಚಯ ಮಾಡಿಸುತ್ತಿದ್ದಾರೆ. ಚೂರಿಕಟ್ಟೆ ಖ್ಯಾತಿಯ ರಾಘು ಶಿವಮೊಗ್ಗ ಈ ಚಿತ್ರಕ್ಕೆ ಆ್ಯಕ್ಷನ್‌ ಕಟ್‌ ಹೇಳುತ್ತಿದ್ದಾರೆ.

.

ಅಕ್ಟೋಬರ್‌ ಮೊದಲ ವಾರದಿಂದ ಶೂಟಿಂಗ್‌ ಆರಂಭವಾಗಲಿದ್ದು, ಈಗಾಗಲೇ ಉತ್ತರ ಕರ್ನಾಟಕದ ಸಾಕಷ್ಟು ಕಡೆಗಳಲ್ಲಿ ನಿರ್ದೇಶಕರು ಲೊಕೇಶನ್‌ ನೋಡಿಕೊಂಡು ಬಂದು ಫೈನಲ್‌ ಮಾಡಿದ್ದಾರೆ.

.
ಈ ಸಿನಿಮಾದಲ್ಲಿ ಅದಿತಿ ಸಕ್ಕತ್ ಬಬ್ಲಿ ಮತ್ತು ಬಹಳ ಆ್ಯಕ್ಟಿವ್‌ ಆಗಿರುವ ಹುಡುಗಿಯಾಗಿ ಕಾಣಿಸಿಕೊಳ್ಳಲಿದ್ದಾರಂತೆ. ಅದಿತಿ ನಟನೆಯ ಬಜಾರ್‌ ಚಿತ್ರ ರಿಲೀಸ್‌ಗೆ ರೆಡಿಯಾಗಿದೆ.

ಅಗ್ನಿ ಸಾಕ್ಷಿ ವಿಜಯ್‌ ಸೂರ್ಯ ಮತ್ತು ಮೇಘಶ್ರಿ ನಟನೆಯ ಕದ್ದು ಮುಚ್ಚಿ ಆಡಿಯೋ ಇತ್ತೀಚೆಗೆ ಬಿಡುಗಡೆಯಾಯಿತು. ಈ ಚಿತ್ರಕ್ಕೆ ನಾದಬ್ರಹ್ಮ ಹಂಸಲೇಖ ಸಂಗೀತ ಮತ್ತು ಸಾಹಿತ್ಯ ನೀಡಿದ್ದಾರೆ.
.
ಪೋಷಕರಿಲ್ಲದ, ಅವರ ಪ್ರೀತಿ ವಂಚಿತ ಹುಡುಗನ ಕಥೆಯನ್ನು ನಿರ್ದೇಶಕರು ಈ ಸಿನಿಮಾದಲ್ಲಿ ಹೇಳುತ್ತಿದ್ದಾರೆ. ಶ್ರೀಮಂತ ಕುಟುಂಬದಲ್ಲಿ ಬೆಳೆದ ಹುಡುಗನಿಗೆ ಅವನ ತಂದೆ ತಾಯಿಯ ಪ್ರೀತಿ ಸಿಗುವುದಿಲ್ಲ, ಆಗ ಆತ ಪ್ರೀತಿಯನ್ನು ಅರಸಿಕೊಂಡು ಹೋರಡುತ್ತಾನೆ. ಹೀಗೆ ಹೋರಟಾಗ ನಡೆಯುವ ಘಟನೆಗಳನ್ನು ಸಿನಿಮಾ ಮಾಡಿದ್ದಾರಂತೆ. ಕದ್ದು ಮುಚ್ಚಿ ಸಿನಿಮಾಗೆ ಆ್ಯಕ್ಷನ್‌ ಕಟ್‌ ಹೇಳಿದ್ದಾರೆ. ಈ ಸಿನಿಮಾದಲ್ಲಿ ಮೇಘಶ್ರೀ ಮುಗ್ಧ ಹುಡುಗಿಯಾಗಿ ಕಾಣಿಸಿಕೊಂಡಿದ್ದಾರೆ ಮೇಘಶ್ರೀ.
.
ಬಹಳಷ್ಟು ವರ್ಷಗಳ ನಂತರ ನಾದಬ್ರಹ್ಮ ಹಂಸಲೇಖ ಸಾಹಿತ್ಯ ಮತ್ತು ಸಂಗೀತ ನೀಡಿರುವ ಸಿನಿಮಾ 'ಕದ್ದು ಮುಚ್ಚಿ'. ಬಹಳ ದಿನಗಳ ನಂತರ ಬಂದರೂ ಸಾಕಷ್ಟು ಮೆಲೋಡಿ ಟ್ಯೂನ್‌ಗಳನ್ನು ಹಂಸಲೇಖ ನೀಡಿದ್ದಾರಂತೆ. ಹಂಸಲೇಖ ಅವರ ಸಾಹಿತ್ಯ ಮತ್ತು ಸಂಗೀತವನ್ನು ಇಡೀ ಚಿತ್ರತಂಡ ಮೆಚ್ಚಿಕೊಂಡಿತು.
.
ಈ ಸಿನಿಮಾದ ವಿಶೇಷವೆಂದರೆ ಮಾರೀಚನನ್ನು ಕೊಂದ ಜಾಗ ಕೊಶವಾರ ಜಾಗದಲ್ಲಿ ಚಿತ್ರೀಕರಣ ಮಾಡಲಾಗಿದೆ.

Page 1 of 17

LJOS nigif

May 1st

ad free

ರಿಯಲ್ ಸ್ಟಾರ್ ಉಪೇಂದ್ರ ರಾಜ್ಯ ರಾಜಕೀಯದಲ್ಲಿ ಯಾವ ಪಕ್ಷ ಸೇರಬೇಕು.?
  • Votes: (0%)
  • Votes: (0%)
  • Votes: (0%)
  • Votes: (0%)
  • Votes: (0%)
Total Votes:
First Vote:
Last Vote:
Go to top