anigif mufti

anigif athiratha

adweb

raj vishnu

ಕಿಚ್ಚ ಸುದೀಪ್‍ರಿಂದ ಮಿಸ್ಟರ್ ಎಲ್‍ಎಲ್‍ಬಿ ಆಡಿಯೋ ರಿಲೀಸ್ :

 
ಆರ್.ವಿ. ಕ್ರಿಯೇಷನ್ಸ್ ಲಾಂಛನದಲ್ಲಿ ರಘುವರ್ಧನ್ ಅವರು ನಿರ್ಮಿಸಿ, ನಿರ್ದೇಶಿಸುತ್ತಿರುವ ಮಿಸ್ಟರ್ ಎಲ್.ಎಲ್.ಬಿ. ಚಲನಚಿತ್ರದ ಹಾಡುಗಳ ಧ್ವನಿಸುರುಳಿ ಬಿಡುಗಡೆ ಸಮಾರಂಭವು ಮೊನ್ನೆ ಶ್ರೀ ಚಾಮುಂಡೇಶ್ವರಿ ಸ್ಟುಡಿಯೋದಲ್ಲಿ ವರ್ಣರಂಜಿತವಾಗಿ ನೆರವೇರಿತು.
ನಟ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಮುಖ್ಯ ಅತಿಥಿಗಳಾಗಿ ಆಗಮಿಸಿ ಈ ಚಿತ್ರದ ಹಾಡುಗಳನ್ನು ಲೋಕಾರ್ಪಣೆ ಮಾಡಿದರು.ನಿವೃತ್ತ ಐ.ಎ.ಎಸ್. ಅಧಿಕಾರಿ ಸಿ. ಸೋಮಶೇಖರ್ ಅವರು ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದರು. ನಿರ್ದೇಶಕ ರಘುವರ್ಧನ್, ನಾಯಕ ಶಿಶಿರ್, ಸಂಗೀತ ನಿರ್ದೇಶಕ ಮಂಜುಚರಣ್, ಛಾಯಾಗ್ರಾಹಕ ಸುರೇಶ್‍ಬಾಬು, ನಟ ಶ್ರವಂತ ಹಾಗೂ ಇತರರು ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದರು. ಈ ಸಂದರ್ಭದಲ್ಲಿ ಮಾತನಾಡಿದ ನಾಯಕ ಶಿಶಿರ್ ಮಿ.ಎಲ್‍ಎಲ್‍ಬಿ ಎಂದ ಕೂಡಲೇ ನಾಯಕ ಒಬ್ಬ ಲಾಯರ್ ಇರಬಹುದೆಂದು ತಕ್ಷಣ ಅಂದುಕೊಳ್ಳುತ್ತಾರೆ. ಆದರೆ ನಮ್ಮ ಚಿತ್ರದಲ್ಲಿ ಲ್ಯಾಂಡ್ ಲಾರ್ಡ್ ಭದ್ರ ಎನ್ನುವುದನ್ನು ಎಲ್‍ಎಲ್‍ಬಿ ಎಂದು ತೋರಿಸಿದ್ದೇವೆ. ಆತ ಇಡೀ ಊರಿಗೇ ಕ್ವಾಟ್ಲೆ ಕೊಡುವಂಥ ವ್ಯಕ್ತಿಯಾಗಿರುತ್ತಾನೆ. ಊರವರನ್ನು ಸದಾ ಗೋಳು ಹುಯ್ದುಕೊಳ್ಳುವಂಥ ವ್ಯಕ್ತಿ ಒಮ್ಮೆ ಊರನ್ನೇ ಬಿಟ್ಟು ಹೋಗುತ್ತಾನೆ. ನಂತರ 2 ದಿನದಲ್ಲಿ ವಾಪಸ್ ಬರುತ್ತಾನೆ. ಆತನಿಗೆ ಊರಲ್ಲಿ ಒಂದು ಲವ್ ಕೂಡ ಆಗುತ್ತದೆ. ಕೊನೆಗೆ ಆತ ತನ್ನ ಪ್ರೀತಿಯನ್ನು ಉಳಿಸಿಕೊಳ್ತಾನಾ ಇಲ್ಲವಾ ಎನ್ನುವುದೇ ಈ ಚಿತ್ರದ ಕಥೆ, ಈವರೆಗೆ ನಾನು ಸೀರಿಯಲ್‍ಗಳಲ್ಲಿ ಸೀರಿಯಸ್‍ನೆಸ್ ರೋಲ್‍ಗಳನ್ನೇ ಮಾಡಿಕೊಂಡು ಬಂದಿದ್ದೆ. ಈ ಥರದ ಪಾತ್ರವನ್ನು ಮಾಡಬಹುದು ಎಂಬ ನಂಬಿಕೆಯಿಂದ ರಘುವಧರ್ನ್ ಈ ಪಾತ್ರವನ್ನು ನೀಡಿದ್ದಾರೆ. ಯಾವುದೇ ಅಬ್ಬರ, ಏರಿಳಿತಗಳಿಲ್ಲದೇ ಸಾಗುವಂಥ ಸಿನಿಮಾ. ಕಿಚ್ಚ ಸುದೀಪ್‍ರನ್ನು ನಾನು ಸೋಷಿಯಲ್ ನೆಟ್‍ವರ್ಕ್ ಮೂಲಕ ಸಂಪರ್ಕ ಮಾಡಿದೆ. ಅಷ್ಟಕ್ಕೇ ನನ್ನನ್ನು ಮನೆಗೆ ಕರೆಸಿಕೊಡು ಮಾತನಾಡಿ ಚಿತ್ರರಂಗದಲ್ಲಿ ಹೇಗೆ ಬೆಳೆಯಬೇಕು ಎಂದು ಸಲಹೆ ನೀಡಿದರು ಎನ್ನುತ್ತಾ ಸುದೀಪ್‍ರನ್ನು ಹೊಗಳಿದರು.
ಸಂಗೀತ ನಿರ್ದೇಶಕ ಮಂಜುಚರಣ್ ಮಾತನಾಡುತ್ತ ರಘು ನನಗೆ ಹಿಂದಿನಿಂದಲೂ ಪರಿಚಯ. ಚಿತ್ರದಲ್ಲಿ 5 ಹಾಡುಗಳಿದ್ದು, ನಾಯಕನ ಇಂಟ್ರಡಕ್ಷನ್, ಮೆಲೋಡಿ, ಪ್ಯಾಥೋ, ಐಟಂ ಹೀಗೆ ಎಲ್ಲಾ ರೀತಿಯಲ್ಲಿ ಮೂಡಿಬಂದಿವೆ ಎಂದು ಹೇಳಿದರು, ನಟ ಸುದೀಪ್ ಮಾತನಾಡಿ ನನಗೆ ಎಲ್‍ಎಲ್‍ಬಿ ಅನ್ನೋ ಹೆಸರಿಗೂ, ಚಿತ್ರದ ನಾಯಕನ ಗೆಟಪ್‍ಗೂ ಸಂಬಂಧವೇ ಇಲ್ವಲ್ಲ ಅನ್ಸಿತ್ತು. ಅದು ಈಗ ಗೊತ್ತಾಯ್ತು. ಶಿಶಿರ ಅವರಲ್ಲಿ ಒಳ್ಳೇ ಪ್ರತಿಭೆಯಿದೆ. ಸಿನಿಮಾ ಮಾಡೋದು ದೊಡ್ಡದಲ್ಲ. ಇತ್ತೀಚಿನ ದಿನಗಳಲ್ಲಿ ಒಳ್ಳೊಳ್ಳೇ ಸಿನಿಮಾಗಳು ನಿರ್ಮಾಣವಾಗ್ತಿದ್ದರೂ, ರಿಲೀಸ್ ಹಂತದಲ್ಲಿ ಎಡವುತ್ತಾರೆ. ಈ ಟ್ರಾಫಿಕ್‍ನಲ್ಲಿ ಹುಷಾರಾಗಿ ಬಂದರೆ ಮಾತ್ರ ಗೆಲ್ಲಲು ಸಾಧ್ಯ ಎಂದು ಹೇಳಿದರು. ಚಿತ್ರದ ನಿರ್ದೇಶಕ ರಘುವರ್ಧನ್ ಮಾತನಾಡುತ್ತ ಇದು ನನ್ನ ನಿರ್ದೇಶನದ 2ನೇ ಚಿತ್ರ. ಗುಣವಂತ ನನ್ನ ನಿರೀಕ್ಷೆಯನ್ನು ತಲುಪಲಿಲ್ಲ. ಸ್ವಲ್ಪ ಗೊಂದಲದಲ್ಲಿದ್ದೆ. ಎಲ್ಲಾ ಸ್ನೇಹಿತರ ಸಹಕಾರ, ಪ್ರೋತ್ಸಾಹದಿಂದ ಈ ಚಿತ್ರವನ್ನು ಮಾಡಿದ್ದೇವೆ. ಶಿಶಿರಗೆ ಈ ಕಥೆಯನ್ನು ಹೇಳಿದಾಗ ಅವರು ತುಂಬಾ ಇಷ್ಟಪಟ್ಟು ಆ್ಯಕ್ಟ್ ಮಾಡಿದರು. ಹೊಸಬರ ಜೊತೆ ಕೆಲಸ ಮಾಡಿದ್ದು ನಿಜಕ್ಕೂ ಸಾರ್ಥಕ ಎನ್ನಿಸಿತು ಎಂದು ಹೇಳಿದರು. ಚಿತ್ರ ಈಗಾಗಲೇ ರಿಲೀಸ್ ಹಂತಕ್ಕೆ ಬಂದಿದ್ದು ಮುಂದಿನ ತಿಂಗಳು ಬಿಡುಗಡೆಯಾಗುವ ಸಾಧ್ಯತೆಯಿದೆ. ಸ್ಯಾಂಡ್ ಆರ್ಟ್ ಮೂಲಕ ಈ ಚಿತ್ರದ ಪೋಸ್ಟರ್ ಲಾಂಚ್ ಮಾಡಲಾಯಿತು.
ಈ ಚಿತ್ರಕ್ಕೆ ಸುರೇಶ್‍ಬಾಬು ಅವರ ಛಾಯಾಗ್ರಹಣ, ವಂಜು ಚರಣ್ ವರ ಸಂಗೀತ ಸಂಯೋಜನೆ, ರಾಜು ಬೆಳಗೆರೆ ಅವರ ಸಂಭಾಷಣೆ, ತ್ರಿಭುವನ್, ಕಲೈ ಮಾಸ್ಟರ್ ಅವರ ನೃತ್ಯ ನಿರ್ದೇಶನ, ಗಿರೀಶ್ ಕುಮಾರ್ ವರ ಸಂಕಲನ, ಗೌಸ್‍ಪೀರ್, ಮಂಜು ಚರಣ್ ಅವರ ಸಾಹಿತ್ಯ ರಚನೆಯಿದೆ. ಮಿಸ್ಟರ್ ಎಲ್.ಎಲ್.ಬಿ. ಚಿತ್ರದ ಪ್ರಮುಖ ತಾರಾಗಣದಲ್ಲಿ ಶಿಶಿರಶಾಸಿ, ಲೇಖಚಂದ್ರ, ಸುಜಯ್ ಹೆಗಡೆ, ನಂದಿನಿ, ಬಿ.ವಿ.ಜತ್ತಿ, ನಾರಾಯಣಸ್ವಾಮಿ, ನಿರಂಜನ್, ಶಾಂತ ಆಚಾರ್ಯ, ಮೈಸೂರು ನಾಗರತ್ನ, ಕೆಂಪೇಗೌಡ, ನಂಜಪ್ಪ ಮುಂತಾದವರಿದ್ದಾರೆ.
#AbhinayaChakravarthyKicchaSudeep #MrLLB #Cineloka
Rate this item
(0 votes)
Login to post comments

bharjari

ad

ad free

ರಿಯಲ್ ಸ್ಟಾರ್ ಉಪೇಂದ್ರ ರಾಜ್ಯ ರಾಜಕೀಯದಲ್ಲಿ ಯಾವ ಪಕ್ಷ ಸೇರಬೇಕು.?
  • Votes: (0%)
  • Votes: (0%)
  • Votes: (0%)
  • Votes: (0%)
  • Votes: (0%)
Total Votes:
First Vote:
Last Vote:
Go to top