anigif mufti

anigif athiratha

adweb

raj vishnu

ಈ ವಾರ ತೆರೆಗೆ "ಒನ್ಸ್ ಮೋರ್ ಕೌರವ" :

 

ಗ್ರಾಮೀಣ ಭಾಷೆ ಮತ್ತು ಬದುಕಿಗೆ ಹತ್ತಿರಾದ ಸಿನಿಮಾಗಳ ಮೂಲಕವೇ ಹೆಸರಾದವರು ನಿರ್ದೇಶಕ ಎಸ್. ಮಹೇಂದರ್. ಒಂದಷ್ಟು ಕಾಲ ನೇಪಥ್ಯದಲ್ಲಿದ್ದಂತೆ ಕಂಡಿದ್ದ ಮಹೇಂದರ್ ಮತ್ತೆ ನಿರ್ದೇಶನ ಮಾಡಿರೋ ಚಿತ್ರ ಒನ್ಸ್ ಮೋರ್ ಕೌರವ. ಈ ವಾರ ರಾಜ್ಯಾದ್ಯಂತ ತೆರೆ ಕಾಣುತ್ತಿರುವ ಈ ಚಿತ್ರದ ಬಗ್ಗೆ ತಾನೇ ತಾನಾಗಿ ಪ್ರೇಕ್ಷಕರ ವಲಯದಲ್ಲೊಂದು ನಿರೀಕ್ಷೆ, ಚರ್ಚೆಗಳು ಹುಟ್ಟಿಕೊಂಡಿವೆ.

ಎಸ್. ಮಹೇಂದರ್ ನಿರ್ದೇಶನದ ಚಿತ್ರವೆಂದರೆ ಪಕ್ಕಾ ಹಳ್ಳಿ ಸೊಗಡಿನ ಪ್ರೇಮಕಥೆ, ಅದರ ಜೊತೆ ಜೊತೆಗೇ ಮಾಸ್ ಎಲಿಮೆಂಟುಗಳ ನ್ನೂ ಸೇರಿಸಿ ಕಾಡುವಂಥಾ ದೃಷ್ಯಾವಳಿಗಳನ್ನು ಹೊಂದಿರುತ್ತವೆ. ಆದರೆ ಈ ಹೊತ್ತಿನ ಟ್ರೆಂಡಿಗೆ ಅಪ್‍ಡೇಟ್ ಆಗುತ್ತಲೇ ಹಳೇ ಫ್ಲೇವರ್ ಬಿಟ್ಟುಕಡದಂತೆ ಒನ್ಸ್ ಮೋರ್ ಕೌರವ ಚಿತ್ರವನ್ನು ಅವರು ಕಟ್ಟಿ ಕೊಟ್ಟಿದ್ದಾರಂತೆ.

ಈ ವಾರ ತೆರೆಗೆ ಬರುತ್ತಿರುವ ಈ ಚಿತ್ರದಲ್ಲಿ ಹಳೇ ತಲೆಮಾರಿನ ನಟ ನಟಿಯರನೇಕರು ಮತ್ತೆ ಮುಖ್ಯ ಪಾತ್ರಗಳಲ್ಲಿ ಕಾಣಿಸಿಕೊಂಡಿರೋದು ವಿಶೇಷ. ಇವರ ಜೊತೆ ಜೊತೆಗೇ ಹೊಸಾ ಪ್ರತಿಭೆಗಳೂ ಅಭಿನಯಿಸಿದ್ದಾರೆ. ನರೇಶ್ ಗೌಡ ನಾಯಕನಾಗಿರೋ ಈ ಚಿತ್ರದಲ್ಲಿ ಅನುಷಾ ರಂಗನಾಥ್ ಮೊದಲ ಸಲ ಹಳ್ಳಿ ಹುಡುಗಿಯಾಗಿ ಕಾಣಿಸಿಕೊಂಡಿದ್ದಾರೆ.

ಈಗಾಗಲೇ ಈ ಚಿತ್ರದ ಹಾಡು ಟ್ರೈಲರ್ ಮುಂತಾದವು ಅಚ್ಚರಿಗೊಳ್ಳುವಂತೆ ಟಾಕ್ ಕ್ರಿಯೇಟ್ ಮಾಡಿವೆ. ಹಾಡುಗಳಂತೂ ಎಲ್ಲೆಡೆ ಗುನುಗುನಿಸಿಕೊಳ್ಳುತ್ತಿವೆ. ಈ ಚಿತ್ರದ ಮೂಲಕ ಮತ್ತೆ ಎಸ್ ಮಹೇಂದರ್ ಪರ್ವ ಆರಂಭವಾಗುವ ಎಲ್ಲ ಲಕ್ಷಣಗಳೂ ಇವೆ.

ಒಬ್ಬ ಪ್ರಾಮಾಣಿಕ ಪೆÇಲೀಸ್ ಅಧಿಕಾರಿ ಒಂದು ಹಳ್ಳಿಯನ್ನು ಹೇಗೆಲ್ಲಾ ಅಭಿವೃದ್ಧಿಗೊಳಿಸಬಹುದು ಎಂಬುದನ್ನು ಈ ಸಿನಿಮಾದ ಮೂಲಕ ಹೇಳಹೊರಟಿದ್ದಾರೆ. ನಿಮಾದಲ್ಲಿನ ಏಳೂ ಹಾಡುಗಳನ್ನು ಕೆ. ಕಲ್ಯಾಣ್ ಬರೆದಿದ್ದಾರೆ. ಅವರ ಸಾಲುಗಳಿಗೆ ಶ್ರೀಧರ್ ಸಂಭ್ರಮ್ ಸಂಗೀತ ಹೊಸೆದಿದ್ದಾರೆ.

ನಾಯಕ, ನಿರ್ಮಾಪಕ ನರೇಶ್ ಗೌಡ ಈ ಸಿನಿಮಾ ಮಾಡುತ್ತೇನೆ ಎಂದು ಹೊರಟಾಗ ಹಲವಾರು ಸ್ನೇಹಿತರು ಸಹಾಯ ಮಾಡುವುದಾಗಿ ಹೇಳಿದ್ದರಂತೆ. ಕೊನೆಗೆ ಎಲ್ಲರೂ ಕೈಕೊಟ್ಟಾಗ ತಾವೇ ನಿರ್ಮಾಣ ಮಾಡುವುದಕ್ಕೆ ನಿರ್ಧರಿಸಿದ್ದರು. ಮಹೇಂದರ್ ಮೂಲಕ ನನ್ನ ಕನಸು ನನಸಾಗುತ್ತಿದೆ. ಒಂದು ಒಳ್ಳೆಯ ಸಿನಿಮಾ ಮಾಡಿದ ಖುಷಿ ನನಗಿದೆ ಅನ್ನೋದು ನರೇಶ್ ಅವರ ಅಭಿಪ್ರಾಯ. ನಾಯಕಿ ಅನೂಷಾ ಈ ಸಿನಿಮಾದಲ್ಲಿ ಯಾರಿಗೂ ಅಂಜದ ಬೋಲ್ಡ್ ಹುಡುಗಿಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಒನ್ಸ್ ಮೋರ್ ಕೌರವ ಸಿನಿಮಾದಲ್ಲಿ ಸುಮಾರು 20 ಜನರನ್ನು ಪರಿಚಯಿಸಿದ್ದಾರೆ.

ಶ್ರೀಧರ್ ವಿ ಸಂಭ್ರಮ್ ಸಂಗೀತ, ಕೃಷ್ಣಕುಮಾರ್ ಛಾಯಾಗ್ರಹಣ, ಕೆ.ಎಂ. ಪ್ರಕಾಶ್ ಸಂಕಲನ, ಬಿ.ಎ. ಮಧು ಸಂಭಾಷಣೆ, ಪಳನಿರಾಜ್, ಡಿಫರೆಂಟ್ ಡ್ಯಾನಿ ಸಾಹಸ ಈ ಚಿತ್ರಕ್ಕಿದೆ.

Rate this item
(0 votes)
Login to post comments

bharjari

ad

ad free

ರಿಯಲ್ ಸ್ಟಾರ್ ಉಪೇಂದ್ರ ರಾಜ್ಯ ರಾಜಕೀಯದಲ್ಲಿ ಯಾವ ಪಕ್ಷ ಸೇರಬೇಕು.?
  • Votes: (0%)
  • Votes: (0%)
  • Votes: (0%)
  • Votes: (0%)
  • Votes: (0%)
Total Votes:
First Vote:
Last Vote:
Go to top