mugulu

ad free

ad free

raj vishnu

Sunil HC Gowda

Sunil HC Gowda


ರೆಗ್ಯುಲರ್ ಫಾಮ್ರ್ಯಾಟ್ ಬಿಟ್ಟು ಹೊಸತನದ ನಿರೂಪಣೆ, ಕಥೆ ಹೊಂದಿರುವ ಧಾರಾವಾಹಿಗಳು, ರಿಯಾಲಿಟಿ ಷೋಗಳ ಮೂಲಕ ಕನ್ನಡ ಕಿರುತೆರೆ ವೀಕ್ಷಕರ ಮನೆಮಾತಾಗಿ ಮುಂದುವರೆದಿರುವ ಜೀ ಕನ್ನಡ ವಾಹಿನಿ ಸಧ್ಯದಲ್ಲೇ ಮೊದಲ ಸ್ಥಾನಕ್ಕೆ ಲಗ್ಗೆ ಇಡುತ್ತಿದೆ. ನಾಗಿಣಿ, ಗಂಗಾ, ಬ್ರಹ್ಮಗಂಟು, ಜೋಡಿ ಹಕ್ಕಿ, ಪತ್ತೆದಾರಿ ಪ್ರತಿಭಾ, ಸುಬ್ಬಲಕ್ಷ್ಮಿ ಸಂಸಾರದಂಥ ಯಶಸ್ವಿ ಧಾರಾವಾಹಿಗಳನ್ನು ಕೊಟ್ಟ ನಂತರ ಇದೀಗ ಮತ್ತೊಂದು ಹಾರರ್ ಕಥಾನಕವನ್ನು ಅರ್ಪಿಸಲು ಸಿದ್ದವಾಗಿದೆ. ನಿಗೂಢರಾತ್ರಿ ಎಂಬ ರೋಮಾಂಚಕ ಹಾರರ್ ಧಾರಾವಾಹಿಯನ್ನು ಇದೇ ಜುಲೈ 17ರಿಂದ ಆರಂಭಿಸುತ್ತಿದೆ. ಸೋಮವಾರದಿಂದ ಶುಕ್ರವಾರದವರೆಗೆ ರಾತ್ರಿ 10-30ಕ್ಕೆ ನಿಗೂಢ ರಾತ್ರಿ ಪ್ರಸಾರವಾಗಲಿದೆ.

ಮಲೆನಾಡಿನ ಸುಂದರ ಹಳ್ಳಿಯ ಆಗರ್ಭ ಶ್ರೀಮಂತ ಸೂರ್ಯ ನಾರಾಯಣ ಅವರ ಮನೆಯಲ್ಲಿ ನಡೆಯುವ ಹಲವಾರು ವಿಚಿತ್ರ ಘಟನೆಗಳನ್ನು ನಿಗೂಢರಾತ್ರಿ ಹೇಳಲಿದೆ. ಸೂರ್ಯ ನಾರಾಯಣ ಮತ್ತು ಆತನ ಆರು ಜನ ಮಕ್ಕಳು ವಾಸವಾಗಿರುವ ಆ ಮನೆಯಲ್ಲಿ ಸರಣಿಯಂತೆ ಒಂದರ ಮೇಲೊಂದು ಅನುಮಾನಾಸ್ಪದವಾದ ಘಟನೆಗಳು ನಡೆಯುತ್ತವೆ. ಅಲ್ಲದೆ ಆ ಮನೆಯ ಹಿರಿಯ ಸೂರ್ಯ ನಾರಾಯಣ ಅವರ ಅನಿರೀಕ್ಷಿತ ಸಾವು ಮನೆಯವರಿಗೆ ಮತ್ತಷ್ಟು ಆತಂಕವನ್ನು ಸೃಷ್ಟಿ ಮಾಡುತ್ತದೆ. ಆ ಮನೆಯ ಸುತ್ತ ಸುತ್ತುತ್ತಿದ್ದ ಪ್ರೇತಾತ್ಮವೇ ಸೂರ್ಯ ನಾರಾಯಣನನ್ನು ಬಲಿ ತೆಗೆದುಕೊಂಡಿದೆ ಎಂದು ನಂಬುವ ಮನೆಯವರು ಆ ಎಲ್ಲಾ ಸಮಸ್ಯೆಗಳಿಂದ ಹೇಗೆ ಪಾರಾಗುತ್ತಾರೆ ಮತ್ತು ನಡೆಯುತ್ತಿರುವ ಕಲ್ಪನೆಗೂ ನಿಲುಕದ ಭಯಾನಕ ಚಟುವಟಿಕೆಗಳನ್ನು ಅವರು ಹೇಗೆ ತಡೆಯುತ್ತಾರೆ ಎಂಬ ಕತುಹಲಕಾರಿ ಚಿತ್ರಕಥೆಯೊಂದಿಗೆ ಈ ಧಾರಾವಾಹಿಯು ಮೂಡಿ ಬರಲಿದೆ. ಹಾರರ್ ಕಥೆಗಳಲ್ಲಿಯೇ ಇದು ಹೊಸ ಟ್ರೆಂಡ್ ಸೃಷ್ಟಿ ಮಾಡಲಿದೆ ಎನ್ನಲಾಗುತ್ತಿದೆ.

ನಿಗೂಢ ರಾತ್ರಿ ಧಾರಾವಾಹಿಯನ್ನು ಜೋನಿ ಫಿಲ್ಮ್ಸ್ ಸಂಸ್ಥೆಯು ನಿರ್ಮಿಸುತ್ತಿದೆ. ಕಿರುತೆರೆಯ ಮತ್ತು ರಂಗಭೂಮಿಯ ಹಲವಾರು ಹೆಸರಾಂತ ಕಲಾವಿದರು ಹಾಗೂ ತಂತ್ರಜ್ಞರು ಈ ಧಾರಾವಾಹಿಯಲ್ಲಿ ಕೆಲಸ ಮಾಡುತ್ತಿರುವುದು ಇಲ್ಲಿ ವಿಶೇಷ. ಈಗಾಗಲೇ ಹಲವಾರು ಹಾಸ್ಯ ಧಾರಾವಾಹಿಗಳನ್ನು ನಿರ್ದೇಶಿಸಿ ಈಗ ಜೀ ಕನ್ನಡ ವಾಹಿನಿಯ ಡ್ರಾಮಾ ಜ್ಯೂನಿಯರ್ಸ್ ಮತ್ತು ಕಾಮಿಡಿ ಕಿಲಾಡಿಗಳು ಕಾರ್ಯಕ್ರಮಗಳ ಮೂಲಕ ಗುರುತಿಸಿಕೊಂಡಿರುವ ಪ್ರತಿಭೆ ಮಾಸ್ಟರ್ ಆನಂದ್ ಮೊದಲ ಬಾರಿಗೆ ಹಾರರ್ ಧಾರಾವಾಹಿಯೊಂದನ್ನು ನಿರ್ದೇಶನ ಮಾಡುವ ಜವಾಬ್ದಾರಿ ಹೊತ್ತುಕೊಂಡಿದ್ದಾರೆ. ಈಗಾಗಲೇ ತನ್ನ ವಿನೂತನ ಪ್ರೋಮೊಗಳ ಮೂಲಕ ನೋಡುಗರಲ್ಲಿ ಕುತೂಹಲ ಹುಟ್ಟಿಸಿರುವ ನಿಗೂಢ ರಾತ್ರಿ ಧಾರಾವಾಹಿ ಇದೇ ಜುಲೈ 17ರಂದು ರಾತ್ರಿ 10.30ಕ್ಕೆ ಪ್ರಸಾರ ಆರಂಭಿಸಲಿದೆ.

 

ಇತ್ತೀಚಿನ ದಿನಗಳಲ್ಲಿ ರ್ಯಾಂಪ್ ಮ್ಯೂಸಿಕ್ ಆಲ್ಬಂ ಕನ್ನಡದಲ್ಲೂ ಹೊಸ ಕ್ರೇಜ್ ಹುಟ್ಟಿಸುತ್ತಿದೆ. ಸಾಮಾನ್ಯವಾಗಿ ಹಾಲಿವುಡ್, ಬಾಲಿವುಡ್‍ನಲ್ಲಷ್ಟೇ ಹೆಸರಾಗಿದ್ದ ಈ ಸಂಸ್ಕøತಿ ಇದೀಗ ಕನ್ನಡದಲ್ಲೂ ಅಷ್ಟೇ ಜನಪ್ರಿಯತೆ ಗಳಿಸುತ್ತಿದೆ. ಕಳೆದ ವರ್ಷ ರಿಲೀಸಾಗಿದ್ದ 3 ಪೆಗ್ ಇತ್ತೀಚಿಗಷ್ಟೇ ಹೊರಬಂದ ಬಡ್ಡೆತದೆ ಮೊದಲಾದ ಆಲ್ಬಂಗಳ ಜೊತೆ ಈಗ ಮತ್ತೊಂದು ಹೊಸ ಆಲ್ಬಂ ಸೇರ್ಪಡೆಯಾಗಿದೆ. ಮಿಡ್ಲ್‍ಕ್ಲಾಸ್ ಬಾಯ್ಸ್ (ಎಂಸಿಬಿ) ಎಂಬ ಹೆಸರಿನ ಈ ವಿಡಿಯೋ ಸಾಂಗ್ ಮೊನ್ನೆ ಶ್ರೀ. ಚಾಮುಂಡೇಶ್ವರಿ ಸ್ಟುಡಿಯೋದಲ್ಲಿ ಬಿಡುಗಡೆಯಾಯಿತು. ಚಿರಂಜೀವಿಯವರ ನೃತ್ಯ ಸಂಯೋಜನೆ ಹಾಗೂ ನಿರ್ದೇಶನದಲ್ಲಿ ಮೂಡಿಬಂದಿರುವ ಈ ಹಾಡಿನಲ್ಲಿ ನಟಿ ಪೂಜಾ ಹಾಗೂ ಟೋನಿ ಅಭಿನಯಿಸಿದ್ದಾರೆ.

ಈ ಹಾಡಿಗೆ ಬಂಡವಾಳ ಹಾಕಿ ನಿರ್ಮಿಸಿದ ನಟೇಶ್ ಮಾತಾನಾಡಿ ಇತ್ತೀಚಿನ ದಿನಗಳಲ್ಲಿ ಐಟಿಬಿಟಿಯಿಂ ಕನ್ನಡ ಬಲುದೂರ ಹೋಗಿದೆ ಎಂಬ ಭಾವನೆಯನ್ನು ದೂರಮಾಡಬೇಕೆಂಬ ಉದ್ದೇಶದಿಂದ ಬಹುತೇಕ ಐಟಿಬಿಟಿ ಉದ್ಯೋಗಿಗಳೆ ಸೇರಿ ಮಾಡಿರುವ ವಿಡಿಯೋ ಸಾಂಗ್ ಇದು, ಸಮಾನ ಮನಸ್ಕ ಸ್ನೇಹಿತರು ಐಟಿಬಿಟಿಯಲ್ಲಿ ಕನ್ನಡ ಬಾರದವರನ್ನೆಲ್ಲ ಸೇರಿಸಿಕೊಂಡು ಈ ಹಾಡನ್ನು ಮಾಡಿದ್ದೇವೆ ಎಂದರು.

ಈ ಹಾಡಿನ ನಿರ್ದೇಶಕ ಚಿರಂಜೀವಿ ಮಾತಾನಾಡಿ 6 ತಿಂಗಳ ಹಿಂದೆ ಈ ಸಾಂಗನ್ನು ಪ್ಲಾನ್ ಮಾಡಿದ್ದವು ಬೇರೆ ಭಾಷೆಯವರಿಗಿಂತ ನಾವೇನು ಕಡಿಮೆ ಇಲ್ಲ ಎಂದು ತೋರಿಸಿಕೊಳ್ಳಲು ಈ ಸಣ್ಣ ಪ್ರಯತ್ನ ಮಾಡಿದ್ದೇವೆ, ಮುಂದೆಯು ಇಂತಹ ಹಲವಾರು ಪ್ರಯತ್ನಗಳನ್ನು ಮಾಡುವ ಉದ್ದೇಶವಿದೆ ಎಂದು ಹೇಳಿದರು.
ಎಂಸಿಬಿ ಹಾಡಿನಲ್ಲಿ ಅಭಿನಯಿಸಿದ ನಟಿ ಪೂಜಾ ಮಾತಾನಾಡಿ ನಾನು ಪಸ್ಟ್ ಟೈಮ್ ಆಕ್ಟ್ ಮಾಡಿರುವ ಹಾಡಿದು, ಹಾಡು ಇಷ್ಟೊಂದು ಸುಂದರವಾಗಿ ಮೂಡಿಬರಲು ಡಿಓಪಿ ಉದಯ್‍ರವರೇ ಕಾರಣ, 3 ಪೆಗ್ ಹಾಡಿಗೆ ಖಂಡಿತ ಸ್ಪರ್ಧೆ ನೀಡುವಂತಹ ಸಾಂಗ್ ಇದು ಎಂದು ಹೇಳಿದರು, ನಾಯಕ ನಟ ಟೋನಿ ಮಾತಾನಾಡಿ ಎಲ್ಲೋ ಇದ್ದ ನನ್ನನ್ನು ಈ ಹಾಡಿನಲ್ಲಿ ಆಕ್ಟ್ ಮಾಡಿಸುವ ಮೂಲಕ ಬೆಳಕಿಗೆ ತಂದಿದ್ದಾರೆ ನಟೇಶ್‍ರವರು ಎಂ.ಎನ್.ಸಿ ಟೀಮ್ ನನ್ನನ್ನು ಈವರೆಗೆ ಕರೆದುಕೊಂಡು ಬಂದಿದ್ದಾರೆ. ಒಳ್ಳೆಯ ಕನ್ನಡಿಗರು ನನ್ನನ್ನು ಬೆಳೆಸುತ್ತಿದ್ದಾರೆ ಎಂದು ಹೇಳಿದರು.

ಈ ಹಾಡಿಗೆ ಮ್ಯೂಸಿಕ್ ಕಂಪೋಸ್ ಮಾಡಿರುವ ಶಶಾಂಕ್‍ಶೇಷಗಿರಿ ಮಾತಾನಾಡಿ ನಾನು ಈವರೆಗೆ 360 ಕ್ಕೂ ಹೆಚ್ಚು ಹಾಡುಗಳನ್ನು ಹಾಡಿದ್ದೇನೆ ನನ್ನ ಬಾಲ್ಯದ ಗೆಳೆಯ ಚರಣ್‍ರವರಿಂದ ನನಗೆ ಈ ಆಲ್ಬಂನಲ್ಲಿ ಕೆಲಸ ಮಾಡುವ ಅವಕಾಶ ಬಂತು, ಒಳ್ಳೆಯ ಟೋನ್, ಲಿರಿಕ್ ಇದ್ದಾಗ ಹಾಡುವುದಕ್ಕೂ ನಿಜಕ್ಕೂ ಖುಷಿಯಾಗುತ್ತದೆ ಎಂದು ಹೇಳಿದರು. ಮುಖ್ಯ ಅತಿಥಿಯಾಗಿ ಆಗಮಿಸಿದ್ದ ಮುರುಳಿ ಮಾಸ್ಟರ್ ಮಾತಾನಾಡಿ ಹೊಸ ಹುಡುಗರಿಗೆ ಪ್ರೋತ್ಸಾಹ ನೀಡಿದರೆ ಖಂಡಿತ ಇಂತಹ ಹಲವಾರು ಎಲೆಮರೆಯ ಪ್ರತಿಭೆಗಳು ಬೆಳಕಿಗೆ ಬರುತ್ತವೆ. ಟೋನಿ ಹಾಗೂ ಪೂಜಾ ಅದ್ಬುತವಾಗಿ ಆಕ್ಟ್ ಮಾಡಿದ್ದಾರೆ, ಕ್ಯಾಮರಾ ವರ್ಕ್ ಕೂಡ ಸುಂದರವಾಗಿ ಮೂಡಿ ಬಂದಿದೆ ಎಂದು ಹೇಳಿದರು.

 

ಅಂದು 1984 ರಲ್ಲಿ ಕಾಶಿನಾಥ್ ಅವರ ಅನುಭವ. ಇಂದು 2017 ರಲ್ಲಿ ನಿರ್ದೇಶಕ ಎಸ್ ಉಮೇಶ್ ಅವರ `ಹೊಸ ಅನುಭವ' ಸ್ವಾಗತ್ ಕ್ರಿಯೇಷನ್ ಅಡಿಯಲ್ಲಿ. ಕನ್ನಡ ಚಿತ್ರರಂಗದಲ್ಲಿ ಜನಪ್ರಿಯ ಚಿತ್ರಗಳಾದ ಅವಳೇ ನನ್ನ ಹೆಂಡತಿ, ತುಂಬಿದ ಮನೆ ಹಾಗೂ ಇನ್ನಿತರ ಚಿತ್ರಗಳ ನಿರ್ದೇಶನ ಮಾಡಿದ ಉಮೇಶ್ ಇಂದು `ಹೊಸ ಅನುಭವ' ಪ್ರೇಕ್ಷಕರಿಗೆ ಕೊಡಲು ಬಂದಿದ್ದಾರೆ.

ಈ ಹೊಸ ಅನುಭವ ಚಿತ್ರದಲ್ಲಿ ನಾಯಕರಾಗಿ ಯಾರು ಇಲ್ಲ. ಇದು ಚಿತ್ರದ ನಿರ್ಮಾಪಕ ಬಿ ಆರ್ ರಮಣಪ್ಪ ಅವರ ಕಥೆ, ಸಾಹಿತ್ಯ, ಸಹ ಸಂಭಾಷಣೆ ಬರೆದು ಒಂದು ಪಾತ್ರದಲ್ಲಿ ಸಹ ಕಾಣಿಸಿಕೊಂಡಿದ್ದಾರೆ. ಎಸ್ ಉಮೇಶ್ ಹಾಗೂ ಕೆ ಪದ್ಮನಾಭನ್ ಅವರು ಸಹ ನಿರ್ಮಾಪಕರುಗಳು.

ಸಂಚಾರಿ ವಿಜಯ್ ಹಾಗೂ ನಿರ್ದೇಶಕ ಎಸ್ ನಾರಾಯಣ್ ಅವರು ಅತಿಥಿ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಖಳನಾಗಿ ಪದ್ಮನಾಭನ್, ಬಡ್ಡಿ ಬಂಗಾರಮ್ಮ ಆಗಿ ರುದ್ರಾಣಿ ರಾಜ್, ಯಶಸ್ವಿನಿ ಮೊದಲ ಚಿತ್ರದಲ್ಲಿ ನಾಯಕಿ ಆಗಿ ಕಾಣಿಸಿಕೊಂಡಿದ್ದಾರೆ. ಎ ಟಿ ರವಿಶ್ ಅವರು ಮೂರು ಹಾಡುಗಳಿಗೆ ರಾಗ ಸಂಯೋಜನೆ, ಕವಿತಾ ಎಸ್ ಸಂಕಲನ, ಎ ವಿ ರಮೇಶ್ ಅವರ ಛಾಯಾಗ್ರಹಣ ನೀಡಿದ್ದಾರೆ.

 

ಪ್ರತಿಯೊಬ್ಬ ಮನುಷ್ಯನ ಜೀವನದಲ್ಲೂ ಅನೇಕ ಪ್ರಥಮಗಳು ನಡೆದಿರುತ್ತವೆ. ಮೊದಲ ತೊದಲು ಮಾತು, ಮೊದಲ ಪ್ರೀತಿ, ಮೊದಲ ಮುತ್ತು ಹೀಗೆ ಹಲವಾರು ಪ್ರಥಮಗಳನ್ನು ನಾವು ಕಂಡಿರುತ್ತೇವೆ, ಅನುಭವಿಸುತ್ತೇವೆ. ಅದೇ ರೀತಿ ಇಲ್ಲೊಬ್ಬ ನಿರ್ದೇಶಕ ಗಂಡು ಹೆಣ್ಣಿನ ನಡುವೆ ಮೊದಲು ಹುಟ್ಟುವ ಪ್ರೀತಿಯ ಕಥೆಯೊಂದನ್ನು ಹೇಳುವ ಪ್ರಯತ್ನ ಮಾಡಿದ್ದಾರೆ. ಆರ್.ಜೆ.ರಾಜೇಶ್, ಕವಿತಾಗೌಡ ಮೊದಲ ಬಾರಿಗೆ ಬೆಳ್ಳಿ ತೆರೆಗೆ ಪಾದಾರ್ಪಣೆ ಮಾಡುತ್ತಿರುವ ಈ ಚಿತ್ರದ ಹೆಸರು “ಫಸ್ಟ್ ಲವ್” ಯಲ್ಲಿ ಅವರ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ ಈ ಚಿತ್ರದ ಟೇಸರ ಅನಾವರಣ ಸಮಾರಂಭ ಮೊನ್ನೆ ಚಾಮುಂಡೇಶ್ವರ ಸ್ಟುಡಿಯೋದಲ್ಲಿ ನೆರವೇರಿತು. ಅಶೋಕ. ವಿ.ಲಮಾಣಿ ಅವರ ನಿರ್ಮಾಣ ಸಾರಥ್ಯದಲ್ಲಿ ಮೂಡಿ ಬರುತ್ತಿರುವ ಈ ಚಿತ್ರಕ್ಕೆ ಶ್ರೀಧರ.ವಿ.ಸಂಭ್ರಮ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಹಿರಿಯ ನಟಿ ಶ್ರೀಮತಿ ಪ್ರೇಮ ಈ ಹೊಸ ಟೇಸರನ್ನು ಬಿಡುಗಡೆಗೊಳಿಸಿದರು. ಸ್ನೇಹ ನಾಯರ್ ದ್ವಿತೀಯ ನಾಯಕಿಯಾಗಿ ಕಾಣಿಸಿಕೊಂಡಿರುವ ಈ ಚಿತ್ರದ ಉಳಿದ ಪಾತ್ರ ವರ್ಗಗಳಲ್ಲಿ ರಾಜು ತಾಳಿ ಕೋಟೆ ನಟಿಸಿದ್ದಾರೆ. ಶ್ರೀನಿವಾಸ ಪತ್ತಾರ ಈ ಚಿತ್ರದ ಕಾರ್ಯಕಾರಿ ನಿರ್ಮಾಪಕರಾಗಿ ಕಾರ್ಯ ನಿರ್ವಹಿಸಿದ್ದಾರೆ.

ಸಮಾರಂಭದಲ್ಲಿ ಮಾತನಾಡಿದ ನಿರ್ದೇಶಕ ಮಲ್ಲೆ ನಾನು ಈ ಕಥೆಯನ್ನು ರೆಡಿ ಮಾಡಿಕೊಂಡು ಸಿನಿಮಾ ಮಾಡಲು ಹೊರಟಾಗ ನಿರ್ಮಾಪಕರು ತುಂಬಾ ಸಪೋರ್ಟ್ ಮಾಡಿದರು. ಬಿಜಾಪುರ ಸುತ್ತಮುತ್ತಲ ಪ್ರಮುಖ ಪ್ರವಾಸಿ ತಾಣಗಳಲ್ಲಿ ಹಾಗೂ ಚಿಕ್ಕಮಗಳೂರಿನಲ್ಲಿ ಹಾಡುಗಳನ್ನು ಚಿತ್ರೀಕರಣ ಮಾಡಿದ್ದೇವೆ. ಪ್ರತಿಯೊಬ್ಬರ ಲೈಫ್‍ನಲ್ಲಿ ಎಲ್ಲೋ ಒಂದು ಕಡೆ ನಡೆದಿರಬಹುದಾದಂಥ ಕಥೆಯಿದು. ಶ್ರೀನಿವಾಸ ಪತ್ತಾರ ಅವರ ಬಳಿ ನಾನು ಮಾಡಿಕೊಂಡ ಕಥೆ ತೆಗೆದುಕೊಂಡು ಹೋದಾಗ ಅವರು ತಮ್ಮ ಸ್ನೇಹಿತನ ಜೀವನದಲ್ಲಿ ನಡೆದಂಥ ಒಂದು ಘಟನೆಯನ್ನು ಹೇಳಿದರು. ಅದನ್ನೇ ಇಟ್ಟುಕೊಂಡು ಸ್ಕ್ರಿಪ್ಟ್ ಮಾಡಿದ್ದೇನೆ. ಈ ಸಿನಿಮಾ ನೋಡಿದ ನಂತರ ಎಲ್ಲೋ ಒಂದು ಕಡೆ ತಮ್ಮ ಹಿಂದಿನ ಪ್ರೇಮ ಕಥೆ ನೆನಪಾಗುತ್ತದೆ ಎಂದು ಹೇಳಿದರು.


ನಿರ್ಮಾಪಕ ಶ್ರೀನಿವಾಸ ಪತ್ತಾರ ಮಾತನಾಡಿ ಜೀವನದಲ್ಲಿ ಎಲ್ಲರೂ ಸಿನಿಮಾಗಳನ್ನು ಮಾಡುತ್ತಾರೆ. ಆದರೆ ನಮ್ಮ ಚಿತ್ರದಲ್ಲಿ ಲವ್‍ಸ್ಟೋರಿ ಜೊತೆಗೆ ಒಳ್ಳೆಯ ಸಂದೇಶವನ್ನು ಹೇಳಿದ್ದೇನೆ. ಸಿನಿಮಾ ನೋಡಿದಾಗ ಅದೇನೆಂದು ಅರ್ಥವಾಗುತ್ತದೆ. ರೀಯಲ್ ಆಗಿ ನಡೆದಂಥ ಘಟನೆಯನ್ನು ಇಟ್ಟುಕೊಂಡು ಮಾಡಿದ ಚಿತ್ರವಿದು. ಶ್ರೀಧರ್ ಸಂಭ್ರಮ ಅವರು ಮಾಡಿಕೊಟ್ಟಿರುವ ಐದು ಹಾಡುಗಳೂ ಒಂದಕ್ಕಿಂತ ಒಂದು ವೆರೈಟಿಯಾಗಿ ಮೂಡಿಬಂದಿದೆ ಎಂದು ಹೇಳಿದರು.
ಸಂಗೀತ ನಿರ್ದೇಶಕ ಶ್ರೀಧರ್.ವಿ. ಸಂಭ್ರಮ ಮಾತನಾಡುತ್ತ ಎಲ್ಲಿ ಅವರು ತುಂಬಾ ಸೊಗಸಾಗಿ ಈ ಚಿತ್ರವನ್ನು ತೆರೆಯ ಮೇಲೆ ತಂದಿದ್ದಾರೆ. ಅದಕ್ಕೆ ಪೂರಕವಾಗಿ ಹಾಡುಗಳು ಮೂಡಿಬಂದಿದೆ. ಅಶೋಕ್ ಲಮಾಣಿ ಹಾಗೂ ಶ್ರೀನಿವಾಸ್ ಪತ್ತಾರ ಸೇರಿ 4 ಜನ ನಿರ್ಮಾಪಕರು ಈ ಚಿತ್ರವನ್ನು ನಿರ್ಮಿಸಿದ್ದಾರೆ. ನಾನು ಕೂಡ ಒಂದು ಹಾಡನ್ನು ಬರೆದಿದ್ದೇನೆ. ಪ್ರೇಮ ಅವರಂಥ ಹಿರಿಯ ಕಲಾವಿದೆಯ ಜೊತೆ ಉಪೇಂದ್ರ “ಮತ್ತೆ ಬಾ” ಸಿನಿಮಾದಲ್ಲಿ ಕೆಲಸ ಮಾಡುತ್ತಿದ್ದೇನೆ. ಅವರ ಸಿನಿಮಾಗಳನ್ನು ನೋಡಿದಾಗ ಇಂಥವರ ಜೊತೆ ಕೆಲಸ ಮಾಡುವ ಅವಕಾಶ ಬರುತ್ತಾ ಅಂತ ಯೋಚಿಸುತ್ತಿದ್ದವು ಎಂದು ಹೇಳಿದರು.

ನಾಯಕ ರಾಜೇಶ್ ಮಾತನಾಡುತ್ತ ನನ್ನಂಥ ಹೊಸಬನ ಮೇಲೆ ನಿರ್ಮಾಪಕರು ಇಷ್ಟೊಂದು ಬಂಡವಾಳ ಹಾಕಿದ್ದಾರೆ. ಕಥೆ ಅದ್ಭುತವಾಗಿದೆ. ಚಿತ್ರವನ್ನು ಪ್ರಮೋಷನ್ ಮಾಡಲು ಲಕ್ಕಿ ಡ್ರಾ ಕೂಪನ್ ಮಾಡಿದ್ದೇವೆ. ಈಗ 100 ರೂ ಕೊಟ್ಟು ಟಿಕೇಟ್ ಖರೀದಿಸಿದರೆ ಚಿತ್ರ ರಿಲೀಸಾದ ನಂತರ ಯಾವುದಾದರೂ ಥಿಯೇಟರಿನಲ್ಲಿ ಸಿನಿಮಾ ನೋಡಬಹುದು. ಅಲ್ಲದೆ 1 ಲಕ್ಷ ಟಿಕೇಟುಗಳಿ ಲಕ್ಕಿ ಡ್ರಾ ಮಾಡುತ್ತೇವೆ. ಕಾರು, ಬುಲೆಟೆ ಸೇರಿದಂತೆ ಹಲವಾರು ಬಹುಮಾನಗಳನ್ನು ಡ್ರಾದಲ್ಲಿ ವಿಜೇತರಾದವರಿಗೆ ಕೊಡುತ್ತೇವೆ ಎಂದು ಹೇಳಿದರು.


ಸುಮಾರು 5 ದಶಕಗಳ ಹಿಂದೆ ಪುಟ್ಟಣ್ಣ ಕಣಗಾಲರ ನಿರ್ದೇಶನದಲ್ಲಿ ಕಪ್ಪು-ಬಿಳುಪು ಎಂಬ ಚಲನಚಿತ್ರವು ನಿರ್ಮಾಣವಾಗಿತ್ತು. ದಿ.ಕಲ್ಪನಾ ಅವರ ಅಭಿನಯದಲ್ಲಿ ಮೂಡಿಬಂದಿದ್ದ ಆ ಚಿತ್ರ ಸೂಪರ್‍ಹಿಟ್ ಆಗಿತ್ತು. ಈಗ 48 ವರ್ಷಗಳ ನಂತರ ಮತ್ತೆ ಅದೇ ಹೆಸರಿನಲ್ಲಿ ಕನ್ನಡ ಚಲನ ಚಿತ್ತವೊಂದು ನಿರ್ಮಾಣವಾಗುತ್ತಿದೆ. ಬಾಲನಟನಾಗಿ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದ ಜೀವಾ ಕಳೆದ ವರ್ಷ ವ್ಯಾಟ್ಸ್‍ಪ್ ಲವ್ ಎಂಬ ಚಿತ್ರದ ಮೂಲಕ ನಾಯಕನಾಗಿ ಬಡ್ತಿ ಪಡೆದಿದ್ದರು. ಈಗ ಕಪ್ಪು-ಬಿಳುಪು ಚಿತ್ರದಲ್ಲೂ ನಾಯಕನಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಚಿತ್ರದ ಸ್ಕ್ರಿಪ್ಟ್ ಪೂಜ ಹಾಗೂ ಪಸ್ಟ್ ಲುಕ್, ಮೋಷನ್ ಪೋಸ್ಟರ್ ಅನಾವರಣ ಸಮಾರಂಭ ಕಳೆದವಾರ ರೇಣುಕಾಂಭ ಥಿಯೇಟರಿನಲ್ಲಿ ನೆರವೇರಿತು.

ಶ್ರೀವತ್ಸ ನಾಡಿಗ ಅವರು ಚಿತ್ರದ ಫಸ್ಟ್‍ಲುಕ್ ಮೋಷನ್ ಪೋಸ್ಟರ್ ಅನಾವರಣಗೊಳಿಸಿದರು. ಹಿರಿಯ ನಿರ್ದೇಶಕರ ತಿಪಟೂರು ರಘು ಮುಖ್ಯ ಅತಿಥಿಗಳಾಗಿ ಭಾಗವಹಿಸಿ ಚಿತ್ರ ತಂಡಕ್ಕೆ ಶುಭ ಹಾರೈಸಿದರು. ಮಂಜುಶಿವನ್ ಈ ಚಿತ್ರಕ್ಕೆ ಕಥೆ, ಚಿತ್ರಕಥೆ ಬರೆದು ನಿರ್ದೇಶನ ಮಾಡುತ್ತಿದ್ದಾರೆ. 2 ತಮಿಳು ಹಾಗೂ ಒಂದು ಕನ್ನಡ ಚಿತ್ರಕ್ಕೆ ಸಹಾಯಕ ನಿರ್ದೇಶಕನಾಗಿ ಕೆಲಸ ಮಾಡಿರುವ ಮಂಜು ಶಿವನ್ ಈ ಚಿತ್ರದ ಮೂಲಕ ಸ್ವತಂತ್ರ ನಿರ್ದೇಶನಕ್ಕಿಳಿದಿದ್ದಾರೆ.

ಚಿತ್ರದ ಬಗ್ಗೆ ಮಾತನಾಡಿದ ನಾಯಕ ನಟ ಜೀವ ಇದೊಂದು ವಿಭಿನ್ನ ಪ್ರಯತ್ನ ನಾನು ನಾಯಕನಾಗಿ ಕಾಣಿಸಿಕೊಳ್ಳುತ್ತಿರುವ 2ನೇ ಚಿತ್ರವಿದು. ಬೆಂಗಳೂರಿನಲ್ಲಿ ಚಿಕ್ಕಮಕ್ಕಳನ್ನು ಉಪಯೋಗಿಸಿಕೊಂಡು ವಯಸ್ಸಾದವರನ್ನು ಹೇಗೆ ಯಾಮಾರಿಸುತ್ತಾರೆ ಎಂಬುದನ್ನು ಈ ಚಿತ್ರದಲ್ಲಿ ಹೇಳಿದ್ದೇವೆ. ಇಂಥ ಪ್ರಕರಣಗಳನ್ನು ತಡೆಗಟ್ಟುವುದು ಹೇಗೆ. ನಮ್ಮವರು ಇನ್ನು ಏಕೆ ಹಿಂದುಳಿದಿದ್ದಾರೆ, ಅದಕ್ಕೆ ಕಾರಣ ಏನು ಎಂಬ ಬಗ್ಗ ಕೂಡ ನಮ್ಮ ಚಿತ್ರದಲ್ಲಿ ಹೇಳುವ ಪ್ರಯತ್ನ ಮಾಡಿದ್ದೇವೆ. ಕಾನೂನಿನ ಮೂಲಕ ಇದನ್ನು ಹೇಗೆ ತಡೆಗಟ್ಟಬಹುದು ಎಂದು ಚಿತ್ರಕಥೆ ಮಾಡಿಕೊಂಡಿದ್ದೇವೆ.

ಬೆಂಗಳೂರಿನಲ್ಲಿ ಹಿಂದುಳಿದಿರುವಂಥ ಅನೇಕ ಏರಿಯಾಗಳಿವೆ. ಅವುಗಳನ್ನು ನಮ್ಮ ಚಿತ್ರದ ಶೂಟಿಂಗ್‍ನಲ್ಲಿ ಬಳಸಿಕೊಳ್ಳುತ್ತಿದ್ದೇವೆ. ಎಲ್ಲೆಲ್ಲಿ ಪ್ರಾಬ್ಲಂ ಇದೆ ಅಂತ ತೀರಿಸಿಕೊಟ್ಟಿದೆ ಸರ್ಕಾರಕ್ಕೂ ಇದರಿಂದ ಸಹಕಾರಿಯಾಗುತ್ತದೆ ಎಂಬ ನಂಬಿಕೆಯಿದೆ. ಜುಲೈ 15 ರಿಂದ ಶೂಟಿಂಗ್ ಆರಂಭಿಸಿ 3 ಹಂತಗಳಲ್ಲಿ ಮುಗಿಸುವ ಪ್ಲಾನ್ ಇದೆ. ದಸರಾ ವೇಳೆಗೆ ಚಿತ್ರವನ್ನು ರಿಲೀಸ್ ಮಾಡಲು ಯೋಜನೆಯಿಂದ ಎಂದು ಹೇಳಿದರು.

ನಿರ್ದೇಶಕ ಮಂಜು ಶಿವನ್ ಮಾತನಾಡಿ ಒಂದು ಸ್ಟ್ರಾಂಗ್ ಕಂಟೆಂಟ್ ಇರುವ ಚಿತ್ರ ಜನರಿಗೆ ಕಾನೂನಿನ ಬಗ್ಗೆ ಅರಿವು ಇರುವುದಿಲ್ಲ. ಅದನ್ನು ತಿಳಿಸುವ ಪ್ರಯತ್ನ ಈ ಚಿತ್ರದಲ್ಲಿ ಮಾಡಿದ್ದೇವೆ ಎಂದು ಹೇಳಿದರು.
ಚಿತ್ರದ ನಾಯಕಿ ಪಾತ್ರವನ್ನು ಪೂಜಾ ಶರ್ಮ ಕಾಣಿಸಿಕೊಳ್ಳುತ್ತಿದ್ದಾರೆ. ಮೂಲತ: ಮಾಡೆಲ್ ಆದ ಇವರು ಮೊದಲ ಬಾರಿಗೆ ಚಿತ್ರರಂಗ ಪ್ರವೇಶಿಸುತ್ತಿದ್ದಾರೆ. ಮತ್ತೊಬ್ಬ ನಾಯಕಿಯಾಗಿ ಐಶ್ವರ್ಯ ನಟಿಸುತ್ತಿದ್ದಾರೆ. ಜೆ.ಪಿ.ಆರ್.ಜಿ. ಫಿಲಂಸ್ ಬ್ಯಾನರ್ ಅಡಿಯಲ್ಲಿ ಈ ಸಿನಿಮಾ ನಿರ್ಮಾಣವಾಗುತ್ತಿದೆ. ಕಾವೇರಿಗೌಡ ಈ ಚಿತ್ರದ ಛಾಯಾಗ್ರಾಹಕರು, ಬಿ.ಆರ್.ಹೇಮಂತಕುಮಾರ ಈ ಚಿತ್ರದ ಸಂಗೀತ ನಿರ್ದೇಶಕರು.

ಹಾರರ್ ‘ಗಾಯತ್ರಿ’ ಹಾಡುಗಳ ಅನಾವರಣ :

ಇತ್ತೀಚಿನ ದಿನಗಳಲ್ಲಿ ಹಾರರ್ ಚಿತ್ರಗಳೇ ಸಿನಿ ಪ್ರೇಕ್ಷಕರನ್ನು ಹೆಚ್ಚಾಗಿ ಆಕರ್ಷಿಸುತ್ತಿವೆ. ಕರ್ವ, 6-5=2, ಲಾಸ್ಟ್‍ಬಸ್ ಸೇರಿದಂತೆ ಹಲವಾರು ಚಿತ್ರಗಳಲ್ಲಿ ಹಾರರ್ ಕಂಟೆಂಟ್ ಇರೋದೇ ಗೆಲುವಿನ ಮೂಲ ಸೂತ್ರವಾಗಿತ್ತು. ಈಗ ಮತ್ತೊಂದು ಅಂಥದೇ ಎಳೆ ಹೊಂದಿರುವ ಚಿತ್ರ ಸ್ಯಾಂಡಲ್‍ವುಡ್‍ನಲ್ಲಿ ಸದ್ದು ಮಾಡುತ್ತಿದೆ. ಅ ಚಿತ್ರದ ಹೆಸರು ಗಾಯಿತ್ರಿ. ಸತ್ಯ ಸಾಮ್ರಾಟ್ ಅವರ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ ಈ ಚಿತ್ರದ ಹಾಡುಗಳ ಧ್ವನಿಸುರುಳಿ ಬಿಡುಗಡೆ ಸಮಾರಂಭ ಮೊನ್ನೆ ನೆರವೇರಿತು. ಒಂದು ಮನೆ ಹಾಗೂ ಅಲ್ಲಿ ವಾಸವಿರುವ ಕುಟುಂಬದ ಹಿನ್ನಲೆಯಲ್ಲಿ ನಡೆಯುವಂಥ ಹಾರರ್ ಕಥೆಯಿದು. ಈಗಾಗಲೇ ಚಿತ್ರೀಕರಣ ಪೂರೈಸಿರುವ ಚಿತ್ರ ತಂಡ ಸಧ್ಯ ಪೋಸ್ಟ್ ಪ್ರೊಡಕ್ಷನ್ ಕೆಲಸದಲ್ಲಿ ಬ್ಯುಸಿಯಾಗಿದೆ.

ಸಮಾರಂಭದಲ್ಲಿ ಮಾತನಾಡಿದ ನಿರ್ದೇಶಕ ಸತ್ಯ ಸಾಮ್ರಾಟ್ ಒಂದು ಮನೆಗೆ 3 ಜನ ಹುಡುಗರು ಅತಿಥಿಗಳಾಗಿ ಹೋಗುತ್ತಾರೆ. ಅಲ್ಲಿ ವಾಸವಿದ್ದ ಕುಟುಂಬದಲ್ಲಿ ಮೂವರು ಹೆಣ್ಣು ಮಕ್ಕಳಿರುತ್ತಾರೆ. ಈ ಹುಡುಗರು ಅಲ್ಲಿಗೆ ಹೋದಾಗ ಅಲ್ಲಿ ಅನೇಕ ವಿಚಿತ್ರ ಘಟನೆಗಳು ನಡೆಯುತ್ತವೆ. ಅದಕ್ಕೆಲ್ಲಾ ಕಾರಣವೇನು. ನಿಜಕ್ಕೂ ಆ ಮನೆಯಲ್ಲಿ ದೆವ್ವ ಇದೆಯೇ, ಇಲ್ಲವೇ ಅಂತ ಹೇಳುವುದೇ ನಮ್ಮ ಚಿತ್ರದ ಕಥೆ. ಸಕಲೇಶಪುರ, ಮಂಗಳೂರು, ಬೆಂಗಳೂರು ಹಾಗೂ ಚೆನ್ನೈ ಸುತ್ತ ಮುತ್ತ ಈ ಚಿತ್ರಕ್ಕೆ ಶೂಟಿಂಗ್ ನಡೆಸಿದ್ದೇವೆ. ರೋಹಿತ್ ಶೆಟ್ಟಿ, ಸ್ಮೈಲ್ ಶಿವು ಹಾಗೂ ಚೇತನ್ ನಾಯಕರಾಗಿ ಈ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಇಂದಿನ ಯುವ ಜನಾಂಗಕ್ಕೆ ಒಂದು ಉತ್ತಮ ಸಂದೇಶ ಈ ಚಿತ್ರದಲ್ಲಿದೆ. ದುಶ್ಚಟಗಳಿಗೆ ಬಲಿಯಾಗುವಂಥ ಯುವ ಜನಾಂಗ ಯಾವ ರೀತಿಯಲ್ಲಿ ಹಾಳಾಗುತ್ತಿದೆ ಎಂಬುದನ್ನು ಈ ಚಿತ್ರದಲ್ಲಿ ತೋರಿಸಿದ್ದೇವೆ ಎಂದು ಹೇಳಿದರು. 2 ಕನ್ನಡ ಹಾಗೂ 2 ತಮಿಳು ಚಿತ್ರಗಳಲ್ಲಿ ಸಹಾಯಕ ನಿರ್ದೇಶಕನಾಗಿ ಕೆಲಸ ಮಾಡಿರುವ ಸತ್ಯ ಸಾಮ್ರಾಟ್ ಈ ಚಿತ್ರದ ಮೂಲಕ ಸ್ವತಂತ್ರ ನಿರ್ದೇಶನಕ್ಕಿಳಿದಿದ್ದಾರೆ. ಈ ಚಿತ್ರದ ಕಥೆ, ಚಿತ್ರಕಥೆ ಹಾಗೂ ಸಂಭಾಷಣೆಗಳನ್ನೂ ಕೂಡ ಅವರೇ ಬರೆದಿದ್ದಾರೆ.

ನಯನಕೃಷ್ಣ ಅವರು ಈ ಚಿತ್ರದ ಐಟಂ ಹಾಡೊಂದಕ್ಕೆ ಹೆಜ್ಜೆ ಹಾಕಿದ್ದಾರೆ. ಶ್ಯಾಮ್ ಸಿಂಧನೂರು ಈ ಚಿತ್ರದ ಛಾಯಾಗ್ರಾಹಕರು. ಭಾರತಿಗೌಡ ಹಾಗೂ ವಿ.ಕುಮಾರ್ ಈ ಚಿತ್ರಕ್ಕೆ ಬಂಡವಾಳ ಹಾಕಿ ನಿರ್ಮಾಣ ಮಾಡಿದ್ದಾರೆ. ಸಿ.ರವಿ ಅವರ ಸಂಗೀತ ಸಂಯೋಜನೆಯಲ್ಲಿ ಈ ಚಿತ್ರದ ನಾಲ್ಕು ಹಾಡುಗಳು ಮೂಡಿ ಬಂದಿವೆ, ಎರಡು ರೋಮ್ಯಾಂಟಿಕ್, ಒಂದು ಐಟಂ ಹಾಗೂ ಒಂದು ಪ್ಯಾಥೋ ಸಾಂಗ್ ಈ ಚಿತ್ರದಲ್ಲಿದೆ. ಲಹರಿ ವೇಲು ಹಾಗೂ ನಿರ್ಮಾಪಕ ಕೃಷ್ಣೇಗೌಡ ಸೇರಿ ಈ ಚಿತ್ರದ ಹಾಡುಗಳನ್ನು ಲೋಕಾರ್ಪಣೆ ಮಾಡಿದರು. ಚೇತನ್, ಶೋಭರಾಣಿ ಸ್ಮೈಲ್ ಶಿವು, ಪೂಜಾ, ರಂಜಿತಾ ಮೊಹನ್ ಜುನೇಜಾ, ದಯಾನಂದ್, ಬ್ಯಾಂಕ್ ಜನಾರ್ಧನ್ ಹಾಗೂ ಇತರರು ಈ ಚಿತ್ರದ ತಾರಾಬಳಗದಲ್ಲಿದ್ದಾರೆ.

When was the last time we all saw a Kannada horror movie with fantastic research work and befitting screenplay writing? Classic horror movies are a rarity in kannada cinema arena.

So, first of all a big hearty congratulations to the talented director KM Chaitanya who has touched the horror genre in a very effective manner, though a remake it will definitely made a mark in to the audiences mind.

Aake starring Chiru Sarja, Sharmila Maandre has everything the audience would expect from a horror genre movie

Sharmila Mandre is wannabe actress and she gets separated from her husband as he preferred film career over her and their one-year old child. At one point of time, Sharmila gets threatened by a money lender and hence she decides to participate in a contest to watch a horror movie and the condition is to watch it alone in the movie hall with no declination of Blood pressure or pulses as they are totally monitored. You should watch out the film on big screen to know the rest of the suspense and surprise.

This movie cannot be totally rated as a horror movie as this has a sensational crime angle to it as well. The director has beautifully dealt about the life style of present generation too.

The one and only negative aspect about Aake would be its slow pace narration, it can be overlooked by the content of the film. Also Editing could have been better at places to make the movie crispier.

KM Chaitanya has come up with horror movie after his highly successful Aatagara and we could say he has done a neat job.

Talking about the technicalities of the movie – BGM from Gurukiran is top notch and it could be rated as one of the best BGM for a horror movie.

Performance wise, Chiru Sarja has really done a fabulous Job, but the whole movie sits on Sharmeila Mandre’s Shoulders and she has tried very hard to balance it. We could say she has achieved the task but could have done wonders with little more effort.

Supporting actors like Prakash Belavadi,Sneha, Achyuth,Balaji Manohar have supported well and add essence to the movie.

This movie could boast of high productional values as Eros international have ventured in to Kannada cinemas through this movie and they live up to the standards they have set.

All in all this movie is a well made horror thriller movie, though doesn’t cater much to Front Benchers, it will be liked by class audience.

Cineloka Rating : 3.5/5

ಈ ಹಿಂದೆ ಬಂಗಾರಿ ಚಿತ್ರವನ್ನು ನಿರ್ದೇಶಿಸಿದ್ದ ಮಾ ಚಂದ್ರು ಬಹಳ ದಿನಗಳ ನಂತರ ಇದೀಗ ಮತ್ತೊಂದು ಚಿತ್ರವನ್ನು ಕೈಗೆತ್ತಿಕೊಂಡಿದ್ದಾರೆ. ಸಸ್ಪೆನ್ಸ್, ಥ್ರಿಲ್ಲರ್ ಕಥೆ ಹೊಂದಿದ ‘ಶಿವನಪಾದ' ಚಿತ್ರದ ಮುಹೂರ್ತ ಸಮಾರಂಭ ಕಳೆದ ಸೋಮವಾರ ಕಂಠೀರವ ಸ್ಟುಡಿಯೋದಲ್ಲಿ ನೆರವೇರಿತು. ನಿವೃತ್ತ ಪೊಲೀಸ್ ಅಧಿಕಾರಿ ಹೆಚ್.ಟಿ. ಸಾಂಗ್ಲಿಯಾನ ಈ ಚಿತ್ರದ ಮೂಲಕ ಪುನಃ ಕಲಾವಿದನಾಗಿ ಬಣ್ಣ ಹಚ್ಚುತ್ತಿದ್ದಾರೆ. ಒಬ್ಬ ಪೊಲೀಸ್ ಅಧಿಕಾರಿಯಾಗಿಯೇ ಅವರು ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಶಿವನ ಪಾದ ಉತ್ತರ ಕರ್ನಾಟಕ ಏರಿಯಾದಲ್ಲಿರುವ ಒಂದು ಸ್ಥಳ. ಚಿತ್ರದಲ್ಲಿ ಆ ಲೊಕೇಶನ್ ಕೂಡ ಒಂದು ಪಾತ್ರವಾಗಿ ಬರುತ್ತದೆ. ಚಿತ್ರದ ಬಹುತೇಕ ಕಥೆ ಜರ್ನಿಯಲ್ಲಿ ನಡೆಯುತ್ತದೆ ಎಂಬದಾಗಿ ಮುಹೂರ್ತದ ನಂತರ ನಡೆದ ಪತ್ರಿಕಾಗೋಷ್ಠಿಯಲ್ಲಿ ನಿರ್ದೇಶಕ ಮಾ ಚಂದ್ರು ಹೇಳಿದರು.

ಒಬ್ಬ ಪೊಲೀಸ್ ಅಧಿಕಾರಿಯ ಪಾತ್ರ ಚಿತ್ರದಲ್ಲಿದ್ದು ಆ ಪಾತ್ರವನ್ನು ಸಾಂಗ್ಲಿಯಾನ ಅವರ ಕೈನಲ್ಲೇ ಮಾಡಿಸಿದರೆ ಸೂಕ್ತ ಎಂದೆನಿಸಿ ಅವರ ಬಳಿ ಹೋದೆವು. ಅವರು ಮೊದಲು ಕಥೆಯನ್ನು ಕೇಳಿ ನಂತರ ಒಪ್ಪಿದರು. ಜು.2 ರಿಂದ ಆರಂಭಿಸಿ 45 ದಿನಗಳ ಕಾಲ ಬೆಂಗಳೂರು, ಮೈಸೂರು, ತಲಕಾಡು ಸುತ್ತಮುತ್ತ ಚಿತ್ರೀಕರಣ ನಡೆಸುವ ಪ್ಲಾನ್ ಹಾಕಿಕೊಂಡಿದ್ದೇವೆ. ಈ ಚಿತ್ರದಲ್ಲಿ 2 ಜೋಡಿಗಳು ಪ್ರಮುಖವಾಗಿ ಬರುತ್ತವೆ. ಚಿರಶ್ರೀ-ಆನಂದ್, ಹಾಗೂ ಮಮತಾ ರಾಹುತ್-ಕೃಷ್ಣ. ಈ ಜೋಡಿಗಳಾಗಿ ಕಾಣಿಸಿಕೊಂಡಿದ್ದಾರೆ ಎಂದು ಕೂಡ ಮಾಚಂದ್ರು ಅವರು ಹೇಳಿಕೊಂಡರು.

ನಂತರ ಹೆಚ್.ಟಿ.ಸಾಂಗ್ಲಿಯಾನ ಮಾತನಾಡುತ್ತ ನಾನು ಎಸ್.ಪಿ.ಆಗಿದ್ದಾಗ ಹಲವಾರು ಕ್ರೈಂ ಘಟನೆಗಳನ್ನು ಎದುರಿಸಿದ್ದೇನೆ. ಅಂಥಾ ಒಂದಿಷ್ಟು ಘಟನೆಗಳು ಈ ಚಿತ್ರದಲ್ಲಿಯೂ ಬರುತ್ತವೆ. ಹಲವಾರು ನೈಜ ಘಟನೆಗಳನ್ನು ಕೂಡ ಈ ಚಿತ್ರದಲ್ಲಿ ಬಳಸಿಕೊಂಡಿದ್ದಾರೆ. ಕಥೆ ಜನರಿಗೆ ಕುತೂಹಲ ಮೂಡಿಸುತ್ತದೆ ಎಂಬುದಾಗಿ ಅವರು ಹೇಳಿದರು. ನಿರ್ಮಾಪಕರಲ್ಲೊಬ್ಬರಾದ ಟಿ.ಮಂಜುನಾಥ ಮಾತನಾಡುತ್ತ ಮಾ ಚಂದ್ರು ಬಂದು ಈ ಕಥೆ ಹೇಳಿದರು. ಶಿವನಪಾದ ಎಂದರೆ 2 ರೀತಿಯ ಅರ್ಥ ಬರುತ್ತದೆ. ನಮ್ಮ ಚಿತ್ರದಲ್ಲಿ ಅದನ್ನು ಪಾಸಿಟಿವ್ ಆಗಿಯೇ ತೋರಿಸಿದ್ದೇವೆ. ಚಿತ್ರದಲ್ಲಿ ಹಲವಾರು ಟ್ವಿಸ್ಟ್‍ಗಳಿವೆ. ಹಾರರ್ ಎಫೆಕ್ಟ್ ಕೂಡ ಇದೆ ಎಂದು ಹೇಳಿದರು.
ಮತ್ತೊಬ್ಬ ನಿರ್ಮಾಪಕ ಪ್ರಕಾಶ್ ಮಾತನಾಡುತ್ತ ಕಥೆ ತುಂಬಾ ಇಂಟರೆಸ್ಟಿಂಗ್ ಆಗಿತ್ತು. ವಿನಯ್‍ರಾಜ್‍ಕುಮಾರ್ ಅವರ 3ನೇ ಚಿತ್ರವನ್ನೂ ತಾವೇ ನಿರ್ಮಿಸುತ್ತಿರುವುದಾಗಿ ಹೇಳಿಕೊಂಡರು. ಸಂಗೀತ ನಿರ್ದೇಶಕ ವೀರಸಮರ್ಥ ಮಾತನಾಡುತ್ತ ಚಿತ್ರದಲ್ಲಿ 2 ಹಾಡುಗಳು ಮಾತ್ರವಿದ್ದು ಮಾಂಟೇಜ್ ಹಾಗೂ ಥ್ರಿಲ್ಲರ್ ಹಾಡುಗಳಿವೆ ಎಂದು ಹೇಳಿದರು. ನಾಯಕಿ ಚಿರಶ್ರೀ ಮಾತನಾಡಿ ಒಬ್ಬ ಇನೋಸೆಂಟ್ ಹುಡುಗಿಯಾಗಿ ಈ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದೇನೆ. ಸಾಂಗ್ಲಿಯಾನ ಅವರ ಜೊತೆ ಅಭಿನಯಿಸುತ್ತಿರುವುದಕ್ಕೆ ತುಂಬಾ ಖುಷಿಯಾಗ್ತಿದೆ ಎಂದು ಹೇಳಿದರು.

ನಟ ಆನಂದ್ ಈ ಚಿತ್ರದಲ್ಲಿ ಒಬ್ಬ ನಿರ್ದೇಶಕನ ಪಾತ್ರ ಮಾಡಿದ್ದಾರೆ. ಕೃಷ್ಣ ಈ ಹಿಂದೆ ಮಾತುಕತೆ ಚಿತ್ರದಲ್ಲಿ ಅಭಿನಯಿಸಿದ್ದರು. ಇದು ಅವರ 2ನೇ ಚಿತ್ರ. ನಂದಕುಮಾರ ಈ ಚಿತ್ರದ ಛಾಯಾಗ್ರಾಹಕರು.
ಈ ಚಿತ್ರದಲ್ಲಿ ಬರುವ ಪಾತ್ರಗಳಿಗೆಲ್ಲ ಅವರ ನಿಜವಾದ ಹೆಸರನ್ನೇ ಬಳಸಿಕೊಂಡಿದ್ದಾರೆ. ಈ ಪಾತ್ರಗಳನ್ನು ಕೂಡ ಅದೇ ರೀತಿ ರೂಪಿಸಿದ್ದಾರೆ. ನಿರ್ಮಾಪಕ ಮಂಜುನಾಥ ಅವರು ಗಾಂಧೀನಗರದಲ್ಲಿ ವಿತರಕರಾಗಿಯೂ ಕೆಲಸ ಮಾಡಿದ್ದಾರೆ. ಸದ್ಯ ಲ್ಯಾಂಡ್ ಡೆವಲಪರ್ ಆಗಿದ್ದು ಒಂದು ಸ್ಥಳೀಯ ವಾಹಿನಿಯನ್ನು ಕೂಡ ನಡೆಸುತ್ತಿದ್ದಾರೆ.

ವಿ.ಪಿ.ಕಂಬೈನ್ಸ್ ಲಾಂಛನದಡಿಯಲ್ಲಿ ವಿ.ಶ್ರೀನಿವಾಸ್ (ನಾಗೇನಹಳ್ಳಿ) ನಿರ್ಮಿಸಿರುವ ಚೊಚ್ಚಲ ಕಾಣಿಕೆ “ನಮ್ಮೂರ ಹೈಕ್ಳು” ಚಿತ್ರವು ಇದೇ 30 ರಂದು ರಾಜ್ಯಾದ್ಯಂತ ತೆರೆಕಾಣಲಿದೆ.

ಚಿತ್ರಕ್ಕೆ ಮನು ಛಾಯಾಗ್ರಹಣ, ಶಕೀಲ್ ಅಹಮ್ಮದ್ ಸಂಗೀತ, ಕಲೈ, ರಘು ನೃತ್ಯ, ಥ್ರಿಲ್ಲರ್ ಮಂಜು ಸಾಹಸ, ವೇಣು ನಿರ್ಮಾಣ ಮೇಲ್ವಿಚಾರಣೆಯಿದ್ದು, ಚಿತ್ರದ ಕಥೆ ಚಿತ್ರಕಥೆ, ಸಾಹಿತ್ಯ, ಸಂಭಾಷಣೆ ಮತ್ತು ನಿರ್ದೇಶನ ಪ್ರಸನ್ನ ಚಿತ್ರದ ಸಹ ನಿರ್ಮಾಪಕರು ರಂಗರಾಜು ಹಾಸನ್.

ತಾರಾಗಣದಲ್ಲಿ ರಘುಹಾಸನ್, ದೀಪ್ತಿ ಮನ್ನೆ, ಮಜಾ ಟಾಕೀಸ್‍ನ ಪವನ್, ಕುರಿಸುನೀಲ್, ತೇಜಸ್ ವಿನಯ್‍ರಾಮ್, ಮಮತಾ ರಾವುತ್, ರಚಿತಾ, ಅಣ್ಣಯ್ಯ, ಸುಚೇಂದ್ರ ಪ್ರಸಾದ್, ರಮೇಶ್ ಭಟ್, ಎಂ.ಎಸ್. ಉಮೇಶ್, ಚಿಕ್ಕಣ್ಣ, ಬಿರಾದಾರ್ ಮುಂತಾದವರಿದ್ದು ವಿಶಿಷ್ಟ ಪಾತ್ರವೊಂದರಲ್ಲಿ ಸತ್ಯಜಿತ್ ಕಾಣಿಸಿಕೊಳ್ಳಲಿದ್ದಾರೆ.

 

23 ವರ್ಷಗಳಿಂದ ಕನ್ನಡಿಗರ ಮನೆಮಾತಾಗಿರುವ ಉದಯ ವಾಹಿನಿ ವೀಕ್ಷಕರಿಗೆ ಮನರಂಜನೆಯನ್ನು ನೀಡುತ್ತಾ ಬಂದಿದೆ.ಹಾಗೆ ಈಗ ಮತ್ತೊಂದು ಹೊಸ ಧಾರಾವಾಹಿಯನ್ನು ಕನ್ನಡಿಗರ ಮಡಿಲಿಗೆ ಹಾಕಲು ಸಿದ್ಧವಾಗಿದೆ. ಇದೇ ಜೂನ್ 26ರಿಂದ ಸೋಮವಾರದಿಂದ ಶುಕ್ರವಾರದವರೆಗೆ ರಾತ್ರಿ 8ಕ್ಕೆ ತ್ಯಾಗಮಯಿ, ಸ್ನೇಹಮಯಿ ಹುಡುಗಿಯ ಕಥೆ “ಕಾವೇರಿ” ಪ್ರಸಾರವಾಗಲಿದೆ.

“ಕಾವೇರಿ” ಬೆಂಕಿಯಲ್ಲಿ ಅರಳಿದ ಹೂ, ತಾನು ನೊಂದರೂಮನೆಯವರಿಗೆ ನೆರಳನ್ನು ನೀಡುವಾಕೆ. ಇನ್ನೂ ನಾಯಕ ಸಂತೋಷ, ಜನ್ಮತ: ಆಗರ್ಭ ಶ್ರೀಮಂತನಾದರೂ ತನ್ನತಂದೆಯದುರ್ಬುದ್ಧಿ, ಲೋಭತನದಿಂದಕುಪಿತನಾಗಿ ಮನೆಯಿಂದ ಹೊರಬಂದಿರುತ್ತಾನೆ. ಕಾವೇರಿಯ ಮಾನವೀಯ ಮೌಲ್ಯಗಳನ್ನು ಕಂಡು ಅವಳೆಡೆಗೆ ಆಕರ್ಷಿತನಾಗಿರುತ್ತಾನೆ. ಆದರೆ ಅವಳಿಗೆ ತನ್ನ ಮನಸ್ಸಿನ ಪಿಸುಮಾತನ್ನು ಹೇಳಬೇಕು ಎಂದು ಅವಳ ಮನೆಗೆ ಬಂದಾಗಅಲ್ಲಿ ಅವಳ ನಿಶ್ಚಿತಾರ್ಥ ನಡೆಯಿತ್ತಿರುತ್ತದೆ. ಆದರೆ ವಿಧಿಯಾಟದಿಂದಕಾವೇರಿಯ ಮದುವೆ ಮುರಿದುಬೀಳುತ್ತದೆ. ಭವಿಷ್ಯದಲ್ಲಿಕಾವೇರಿ ಮದುವೆಯಾಗದಿದ್ದರೂ ಹೆಂಡತಿಯಾಗಿ ಮತ್ತುಜನ್ಮ ನೀಡದಿದ್ದರೂ ತಾಯಿಯಾಗಿ ಬದುಕುವ ಅನಿವಾರ್ಯತೆಯಲ್ಲಿ ಬೀಳುತ್ತಾಳೆ. ಆದರೆ ಸಂತೋಷನ ನಿಷ್ಕಲ್ಮಷ ಪ್ರೀತಿಗೆ ಕಾವೇರಿ ಒಲಿಯುತ್ತಾಳಾ ಎಂಬುದುಕಾದು ನೋಡಬೇಕಾಗಿದೆ.
ಕಾವೇರಿಯ ಪಾತ್ರದಲ್ಲಿ ನಟಿ ಪ್ರಿನ್ಸಿಕೃಷ್ಣನ್ ನಟಿಸಿದರೆ ನಾಯಕನಾಗಿ ಶ್ರೀಧರ ನಟಿಸುತ್ತಿದ್ದಾರೆ. ಪ್ರಧಾನ ಪಾತ್ರದಲ್ಲಿಜನಪ್ರೀಯ ನಟರಾದ ಅಶ್ವಿನಿ ಗೌಡ,ಸುರೇಶ್‍ರೈ,ಶ್ರೀಕಾಂತ ಹೆಬ್ಳಿಕರ್ ಮತ್ತು ನಟಿಸುತ್ತಿದ್ದಾರೆ.“ಕಾವೇರಿ” ನ್ಯೂ ಡಿ-ಟು ಮಿಡಿಯಾ ನಿರ್ಮಾಣದಲ್ಲಿಮೂಡಿಬರುತ್ತಿದೆ. ನಿರ್ದೇಶನದ ಜವಾಬ್ದಾರಿಯನ್ನು ವಿನೋದ ಫೀಲ್ಸ್ ವಹಿಸಿಕೊಂಡಿದ್ದಾರೆ.
“ಕಾವೇರಿ” ಕೇವಲ ಪಾತ್ರವಲ್ಲದೇ ಅದು ಸಮಸ್ತ ಹೆಣ್ತನದ ರಾಯಭಾರಿ ಎನ್ನುವುದು ನಿರ್ದೇಶಕ ವಿನೋದ ಮಾತು.
ಇದೇ ಸಂದರ್ಭದಲ್ಲಿ “ಕಾವೇರಿ” ಧರಾವಾಹಿಯನ್ನು ನೋಡಿಚಿನ್ನಗೆಲ್ಲಿಎಂಬುದರ ಮೂಲಕ ಉದಯ ವೀಕ್ಷಕರಿಗೆ ಚಿನ್ನದ ಸುರಿಮಳೆ ಹರಿಸಲಿದೆ. ಜೂನ್ 26ರಿಂದ ಜೂಲೈ07ರವರೆಗೆ ಧಾರಾವಾಹಿಯಲ್ಲಿ ಕೇಳುವ ಪ್ರಶ್ನೆಗೆ ಉತ್ತರಿಸಿದ ವಿನ್ನರ್‍ಗಳಿಗೆ 100ಗ್ರಾಮದವರಗೆ ಬಂಗಾರವನ್ನು ಗೆಲ್ಲುವ ಅವಕಾಶವಿದೆ.
“ಕಾವೇರಿ” ಇದೇ ಜೂನ್ 26ರಿಂದ ಸೋಮವಾರದಿಂದ ಶುಕ್ರವಾರದವರೆಗೆ ರಾತ್ರಿ 8ಕ್ಕೆ ಉದಯಟಿವಿಯಲ್ಲಿ ಪ್ರಸಾರವಾಗಲಿದೆ.

  •  Start 
  •  Prev 
  •  1  2 
  •  Next 
  •  End 
Page 1 of 2

bharjari

ad free

ad free

ಈ ಬಾರಿಯ 'ವೀಕೆಂಡ್ ವಿದ್ ರಮೇಶ್' ಶೋ ನ ನಿಮಗೆ ಅತೀ ಇಷ್ಟವಾದ ಸಂಚಿಕೆ ಯಾರದ್ದು?
  • Votes: (0%)
  • Votes: (0%)
  • Votes: (0%)
  • Votes: (0%)
  • Votes: (0%)
Total Votes:
First Vote:
Last Vote:
Go to top