nata

ttm

adweb

udgharsha

Sunil HC Gowda

Sunil HC Gowda

 

ಬ್ರೇಕ್ ಫ್ರೀ ಸಿನಿಮಾಸ್ ಲಾಂಛನದಲ್ಲಿ ಸಂತೋಷ್ ಮಹಂತೇಶ್ ಹಾಗೂ ನರಸಿಂಹಮೂರ್ತಿ ಅವರು ನಿರ್ಮಿಸಿರುವ `ಡಿ.ಕೆ.ಬೋಸ್` ಚಿತ್ರದ ಚಿತ್ರೀಕರಣ ಮುಕ್ತಾಯವಾಗಿದೆ. ಮಾರ್ಚ್ 15 ರಂದು ಚಿತ್ರ ತೆರೆಗೆ ಬರಲಿದೆ. ಚಿತ್ರದ ಟ್ರೇಲರ್ ಫೆಬ್ರವರಿ 24 ರಂದು ಬಿಡುಗಡೆಯಾಗಲಿದೆ.

.

`ಡೈಮೆಂಡ್ ಹುಡುಕಿಕೊಂಡು ಮಂಗಳೂರಿಗೆ ಇಬ್ಬರು ಕಳ್ಳರು ಬರುತ್ತಾರೆ. ಅವರು ಬಂದ ಮೇಲೆ ಅಲ್ಲಿ ಏನೇನು ಘಟನೆಗಳು ನಡೆಯುತ್ತದೆ ಎನ್ನುವ ಕಥಾ ಹಂದರವುಳ್ಳ ಈ ಚಿತ್ರವನ್ನು ಚಿತ್ರದ ನಿರ್ಮಾಪಕರಲೊಬ್ಬರಾದ ಸಂತೋಷ್ ಮಹಂತೇಶ್ ಅವರ ಸಹೋದರ ಸಂದೀಪ್ ಮಹಂತೇಶ್ ನಿರ್ದೇಶಿಸಿದ್ದಾರೆ. ಕಥೆ, ಚಿತ್ರಕಥೆಯನ್ನು ನಿರ್ದೇಶಕರೆ ಬರೆದಿದ್ದಾರೆ. ಮಂಗಳೂರು ಸುತ್ತಮುತ್ತ ಚಿತ್ರಕ್ಕೆ 21 ದಿನಗಳ ಚಿತ್ರೀಕರಣ ನಡೆದಿದೆ.

.

ಎರಡು ಹಾಡುಗಳಿರುವ ಈ ಚಿತ್ರಕ್ಕೆ ಡೊಲ್ವಿನ್ ಸಂಗೀತ ನೀಡಿದ್ದಾರೆ. ಉದಯ್ ಬಲ್ಲಾಳ್ ಛಾಯಾಗ್ರಹಣ ಹಾಗೂ ಸುರೇಶ್ ಆರ್ಮುಗಂ ಸಂಕಲನವಿರುವ ಈ ಚಿತ್ರದ ತಾರಾಬಳಗದಲ್ಲಿ ಪೃಥ್ವಿ ಅಂಬರ್, ಭೋಜರಾಜ್ ವಾಮಂಜೂರ್, ಶೋಭ್‍ರಾಜ್ ಪಾವೂರ್, ರಿಷ ನಿಜಗುಣ್, ರಘು ಪಾಂಡೇಶ್ವರ್ ಮುಂತಾದವರಿದ್ದಾರೆ.

ವಯಸ್ಸು 50 ದಾಟಿದರೂ ಚಿರ ಯುವಕನಂತೆ ನಟಿಸುವ ಸ್ಯಾಂಡಲ್‌ವುಡ್‌ನ ಸೆಂಚುರಿ ಸ್ಟಾರ್‌ ಶಿವರಾಜ್‌ಕುಮಾರ್‌ ಚಿತ್ರರಂಗಕ್ಕೆ ಕಾಲಿಟ್ಟು ಮಂಗಳವಾರಕ್ಕೆ 33 ವರ್ಷಗಳಾಗಿವೆ. ಫೆಬ್ರವರಿ 16 1986 ರಂದು ಶಿವಣ್ಣರ ಮೊದಲ ಸಿನಿಮಾ "ಆನಂದ್" ಬಿಡುಗಡೆಯಾಗಿತ್ತು.

.

ಆನಂದ್ ಸಿನಿಮಾದ ಮೂಲಕ ಬೆಳ್ಳಿತೆರೆ ಪ್ರವೇಶ ಮಾಡಿದ ಶಿವಣ್ಣ ನೂರಕ್ಕೂ ಅಧಿಕ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಆನಂದ್‌ ನಂತರ ರಥಸಪ್ತಮಿ, ಮನಮೆಚ್ಚಿದ ಹುಡುಗಿ ಸೂಪರ್‌ ಹಿಟ್‌ ಆದವು ಹಾಗಾಗಿ ಅವರಿಗೆ ಹ್ಯಾಟ್ರಿಕ್‌ ಹಿರೋ ಎಂಬ ಬಿರುದನ್ನು ಅಭಿಮಾನಿಗಳು ನೀಡಿದರು. ಜನುಮದ ಜೋಡಿ, ಓಂ,ಜೋಗಿ,ಟಗರು ಸೇರಿದಂತೆ ಹಲವು ಬಿಗ್ ಬ್ಲಾಕ್ ಬಸ್ಟರ್ ಹಿಟ್ ಸಿನಿಮಾಗಳನ್ನು ನೀಡಿರುವ ಶಿವರಾಜ್‌ಕುಮಾರ್‌ ಇಂದಿಗೂ ಸ್ಯಾಂಡಲ್‌ವುಡ್‌ನ ಅತಿ ಬೇಡಿಕೆಯ ನಟ.

.

ಇಂದಿಗೆ ಶಿವಣ್ಣ ಸ್ಯಾಂಡಲ್ವುಡ್‌ಗೆ ಕಾಲಿಟ್ಟು 33 ವರ್ಷವಾಗಿದೆ ಈ ಪ್ರಯುಕ್ತ ಅಭಿಮಾನಿಗಳು ಇದನ್ನು ಸಂಭ್ರಮಿಸಲು ತಯಾರಾಗಿದ್ದರು ಆದರೆ ಪುಲ್ವಾಮ ಅಟ್ಯಾಕ್‌ ಆದ ಕಾರಣ ಶಿವರಾಜ್‌ಕುಮಾರ್‌ ಸಂಭ್ರಮಾಚರಣೆ ಮಾಡದಂತೆ ಮನವಿ ಮಾಡಿದ್ದಾರೆ. ಶಿವಣ್ಣನ ಮನವಿಗೆ ಒಪ್ಪಿದ ಅಭಿಮಾನಿಗಳು ಹುತಾತ್ಮ ಯೋಧ ಗುರು ಅವರ ಊರಿಗೆ ಹೋಗಿ ಅವರ ಕುಟುಂಬಕ್ಕೆ ಆರ್ಥಿಕ ಸಹಾಯ ಮಾಡಿ ಬಂದಿದ್ದಾರೆ. ಒಟ್ಟಿನಲ್ಲಿ ಶಿವರಾಜ್‌ಕುಮಾರ್‌ ಅವರ 33ರ ಸಂಭ್ರಮವನ್ನು ಅಭಿಮಾನಿಗಳು ವಿಶಿಷ್ಟವಾಗಿ ಆಚರಿಸಿದ್ದಾರೆ.

 

ಸಿಂಪಲ್ಲಾಗಿನ್ನೊಂದು ಲವ್‌ಸ್ಟೋರಿ ಚೂರಿಕಟ್ಟೆ ಮೂಲಕ ಗಮನ ಸೆಳೆದಿದ್ದ ನಟ ಪ್ರವೀಣ್‌ ತೇಜ್‌ ಈ ಸ್ಟ್ರೈಕರ್‌ ಸಿನಿಮಾ ಮೂಲಕ ತೆರೆ ಮೇಲೆ ಬರಲು ತಯಾರಿ ನಡಿಸಿದ್ದಾರೆ. ಪವನ್ ತ್ರಿವಿಕ್ರಮ ಎಂಬುವವರು ಮೊದಲ ಬಾರಿಗೆ ನಿರ್ದೇಶನ ಮಾಡಿರುವ ಈ ಸಿನಿಮಾ ಸಸ್ಪೆನ್ಸ್‌ ಥ್ರ್ಲಿಲ್ಲರ್‌ ಸಬ್ಜೆಕ್ಟ್‌ ಅಂತೆ.

.

ಚೂರಿ ಕಟ್ಟೆ ಸಿನಿಮಾದದಂತಹ ಯಶಸ್ವಿ ಸಸ್ಪೆನ್ಸ್‌ ಥ್ರಿಲ್ಲರ್‌ ಸಬ್ಜೆಕ್ಟ್ ನಲ್ಲಿ ಕಾಣಿಸಿಕೊಂಡಿದ್ದು ಪ್ರವೀಣ್‌ ಮತ್ತೊಮ್ಮೆ ಅದೇ ಥರಹದ ಸಿನಿಮಾದಲ್ಲಿ ನಟಿಸಲು ಕಥೆಯೇ ಮುಖ್ಯ ಕಾರಣವಂತೆ. ಪ್ರವಣೀ ಜತೆ ಭಜರಂಗಿ ಸೌರವ್ ಲೋಕಿಶಿಲ್ಪಾ ಮಂಜುನಾಥ್ , ಧರ್ಮಣ್ಣ ಕಡೂರು ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

.

ಸದ್ಯಕ್ಕೆ ರಿಲೀಸ್ ಆಗಿರುವ ಸಿನಿಮಾದ ಟೀಸರ್ ಮತ್ತು ಪೋಸ್ಟರ್ಗಳು ಗಮನ ಸೆಳೆಯುತ್ತಿದ್ದು ಇದೇ 22ಕ್ಕೆ ಚಿತ್ರ ಬಿಡುಗಡೆಯಾಗಲಿದೆ. 

ಗರುಡಾದ್ರಿ ಪ್ರೊಡಕ್ಷನ್ ಅಡಿಯಲ್ಲಿಜಿಶಂಕರಪ್ಪಸಿ.ರಮೇಶ್ ಬಾಬು ಹಾಗೆ ಸಿ.ಸುರೇಶ್ ಬಾಬು ಸ್ಟ್ರೈಕರ್ ಸಿನಿಮಾವನ್ನ ನಿರ್ಮಿಸಿದ್ದಾರೆ

This email address is being protected from spambots. You need JavaScript enabled to view it." data-hovercard-id="This email address is being protected from spambots. You need JavaScript enabled to view it." class="ajn bofPge">
ReplyForward

ಚಿತ್ರ: ಬೆಲ್ ಬಾಟಂ

ನಿರ್ದೇಶಕ: ಜಯತೀರ್ಥ
ಸಂಗೀತ ನಿರ್ದೇಶಕ: ಅಜನೀಶ್ ಲೋಕನಾಥ್
ನಿರ್ಮಾಣ: ಗೋಲ್ಡನ್ ಹಾರ್ಸ್ ಸಿನಿಮಾಸ್

ತಾರಾಗಣ: ರಿಷಬ್ ಶೆಟ್ಟಿ, ಹರಿಪ್ರಿಯಾ, ಅಚ್ಯುತ್ ಕುಮಾರ್, ಪ್ರಮೋದ್ ಶೆಟ್ಟಿ, ಯೋಗರಾಜ್ ಭಟ್

-----

ಥ್ರಿಲ್ಲರ್‌ ಕಥೆ ಹೇಳುವಾಗ ರೋಮಾಂಚಕಾರಿ ಚಿತ್ರಕಥೆ ಇರಬೇಕು. ಮತ್ತು ದೃಶ್ಯದಿಂದ ದೃಶ್ಯಕ್ಕೆ ಕೂತಹಲ ಮೂಡಿಸುತ್ತಿರಬೇಕು. ಆದರೆ ಈ ಎಲ್ಲ ಬೇಲಿಗಳನ್ನು ಮುರಿದು ಸಸ್ಪೆನ್ಸ್‌ ಥ್ರಿಲ್ಲರ್‌ ಕಥೆಯನ್ನು ಹಾಸ್ಯದ ಮೂಲಕ ಪ್ರೇಕ್ಷಕರಿಗೆ ಉಣಬಡಿಸಿದೆ ಬೆಲ್‌ಬಾಟಮ್‌ ಸಿನಿಮಾ.

ಕೋಲಾರದ ಬಳಿ ನಡೆದ ನೈಜ ಘಟನೆಗೆ ಕಥಾ ರೂಪ ಕೊಟ್ಟು ಅದನ್ನು ಸಿನಿಮಾ ಲಾಂಗ್ವೇಜ್‌ ಇಳಿಸಿದ್ದಾರೆ ಜಯತೀರ್ಥ ಆ್ಯಂಡ್‌ ಟೀಮ್‌. ಇಡೀ ಸಿನಿಮಾವನ್ನು 70 ಮತ್ತು 80ರ ದಶಕದಲ್ಲಿ ಕಟ್ಟಿಕೊಟ್ಟಿರುವದೇ ಈ ಸಿನಿಮಾದ ಹೈಲೈಟ್‌.

.

ಸಿನಿಮಾದ ಟೈಟಲ್‌ನಲ್ಲಿಯೇ ಇರುವಂತೆ ಇದು ಡಿಟೆಕ್ಟಿವ್‌ ದಿವಾಕರನ [ರಿಷಬ್‌ ಶೆಟ್ಟಿ] ಸಾಹಸ ಗಾಥೆ. ದಿವಾಕರ ಇಲ್ಲಿ ಡಿಟೆಕ್ಟಿವ್‌ ಆಗುವುದಕ್ಕೆ ಮುನ್ನ ಒಬ್ಬ ಸಾಮಾನ್ಯ ಪೊಲೀಸ್‌ ಕಾನ್‌ಸ್ಟೇಬಲ್‌ ಆಗಿರುತ್ತಾನೆ. ತನ್ನ ಚಾಕಚಕ್ಯತೆಯಿಂದ ಮೇಲಾಧಿಕಾರಿಗಳು ಕಂಡು ಹಿಡಿಯಲು ಆಗದ ಕೇಸ್‌ ಒಂದನ್ನು ಪರಿಹರಿಸಿ ಇಡೀ ಸ್ಟೇಷನ್‌ನಲ್ಲಿ ಹೀರೋ ಆಗುತ್ತಾನೆ. ಅದೇ ಅವನಿಗೆ ಮತ್ತೊಂದು ಪ್ರಮುಖ ಕೇಸ್‌ ಹುಡುಕಿಕೊಡುತ್ತದೆ. ಆದರೆ ಇದು ಮೂರು ಪೊಲೀಸ್‌ ಸ್ಟೇಷನ್‌ಗಳಿಗೆ ತಲೆನೋವಾಗಿದ್ದ ಕೇಸ್‌ ಆಗಿರುತ್ತದೆ. ದಿವಾಕರ ಇದನ್ನು ಕಂಡು ಹಿಡಿಯದಿದ್ದರೆ ಮೂರು ಜನ ಸಬ್‌ ಇನ್‌ಸ್ಪೆಕ್ಟರ್‌ಗಳ ಕೆಲಸಕ್ಕೆ ಕುತ್ತು ಬರುವಂತಹದ್ದಾಗಿರುತ್ತದೆ. ಆ ಕೇಸ್‌ ಯಾವುದು, ಅದನ್ನು ದಿವಾಕರ ಹೇಗೆ ಪರಿಹರಿಸುತ್ತಾನೆ. ಅದಕ್ಕೆ ಆತ ಬಳಸುವ ಟ್ರಿಕ್‌ಗಳಾವುವು. ಇವೆಲ್ಲವೂ ಸಿನಿಮಾದ ಚಿತ್ರಕಥೆಯಾಗಿದೆ. ಇದನ್ನೆಲ್ಲ ನೋಡಲು ಒಮ್ಮೆ ಚಿತ್ರಮಂದಿರಕ್ಕೆ ಹೋಗಲೇಬೇಕು.

.

ಒಂದು ಸಾಮಾನ್ಯ ಕೇಸ್‌ ಅಂದುಕೊಳ್ಳುವಾಗಲೇ ತಿರುಳುಗಳು ನಿಧಾನವಾಗಿ ಬಿಚ್ಚಿಕೊಳ್ಳುತ್ತಾ ಹೋಗುತ್ತವೆ. ಆ ತಿರುಳುಗಳಿಗೆ ಹಾಸ್ಯದ ಲೇಪನ ಸಿನಿಮಾ ನೋಡುವ ಪ್ರೇಕ್ಷಕರನ್ನು ಸೀಟಿನ ತುದಿಗೆ ಕಟ್ಟಿಹಾಕುತ್ತವೆ. ಈ ವಿಚಾರದಲ್ಲಿ ಸಂಭಾಷಣೆಕಾರ ರಘು ನಿಡುವಳ್ಳಿ ಅವರ ಬರವಣಿಗೆ ಪ್ರಶಂಸೆಗೆ ಒಳಪಡುತ್ತದೆ.

.

ಕಥೆ 80 ರ ದಶಕದಲ್ಲಿ ನಡೆಯುವುದರಿಂದ ಅದನ್ನು ಸಮರ್ಥವಾಗಿ ಕಟ್ಟಿಕೊಟ್ಟಿದೆ ಚಿತ್ರತಂಡ. ಎಲ್ಲಿಯೂ ಆಧುನಿಕತೆಯ ಲವಲೇಶವೂ ಕಾಣುವುದಿಲ್ಲ. ಇದು ನೋಡುಗನಿಗೆ ಹೊಸದಾಗಿ ಕಂಡು ಸಿನಿಮಾ ಕಲರ್‌ಫುಲ್ ಮೇಕಿಂಗ್‌ ಅನ್ನಿಸುತ್ತದೆ.

.

ಮೊದಲ ಬಾರಿಗೆ ನಾಯಕರಾಗಿರುವ ರಿಷಬ್‌ ಶೆಟ್ಟಿ ಚೊಚ್ಚಲ ಪ್ರಯತ್ನದಲ್ಲಿಯೇ ಸಿಕ್ಸರ್‌ ಬಾರಿಸಿದ್ದಾರೆ. ಕಾಮಿಡಿ, ಲವರ್‌ ಬಾಯ್‌, ಖಡಕ್‌ ಡಿಟೆಕ್ಟಿವ್‌ ಹೀಗೆ ಎಲ್ಲ ಪಾತ್ರದಲ್ಲಿಯೂ ಮಿಂದೆದ್ದಿದ್ದಾರೆ. ಬೊಗಸೆ ತುಂಬ ಆಸೆ ನೀಡುವೆ ಎಂಬ ಹಾಡಿನಷ್ಟೇ ಸುಂದರವಾಗಿ ಹರಿಪ್ರಿಯಾ ನಟಿಸಿದ್ದಾರೆ. ಪ್ರಮೋದ್ ಶೆಟ್ಟಿ, ಯೋಗರಾಜ್ ಭಟ್, ಅಚ್ಯುತ್ ಕುಮಾರ್‌ ಎಲ್ಲರೂ ತಮ್ಮ ಪಾತ್ರಗಳಿಗೆ ನ್ಯಾಯ ಸಲ್ಲಿಸಿದ್ದಾರೆ. ಸೆಗಣಿ ಪಿಂಟೋ ಆಗಿ ಸುಜಯ್‌ ಶಾಸ್ತ್ರಿ ಮತ್ತು ಪಿ ಡಿ ಸತೀಶ್‌ ಚಂದ್ರ ಕಾಂಪಿಟೇಶನ್‌ನಲ್ಲಿ ನಗಿಸುತ್ತಾರೆ. ಸಿನಿಮಾಟೋಗ್ರಫರ್‌ ಅರವಿಂದ್‌ ಕಶ್ಯಪ್‌, ಸಂಗೀತ ನಿರ್ದೇಶಕ ಅಜನೀಶ್‌ ಲೋಕನಾಥ್‌ ಅವರ ಕೆಲಸ ಸಿನಿಮಾದ ಕಲರ್‌ ಅನ್ನು ಹೆಚ್ಚಿಸಿದೆ.

 

.

80ರ ದಶಕದ ರೆಟ್ರೋ ಫಿಲ್‌ ಮತ್ತು ಒಂದೊಳ್ಳೆ ಸಸ್ಪೆನ್ಸ್‌ ಥ್ರಿಲ್ಲರ್‌ ಕಥೆಯನ್ನು ನೋಡಲು ಬೆಲ್‌ಬಾಟಮ್‌ ಚಿತ್ರವನ್ನು ನೋಡಲೇಬೇಕು.

ರೇಟಿಂಗ್ - 4/5

ರಿಷಬ್‌ ಶೆಟ್ಟಿ ನಟನೆಯ ಬೆಲ್‌ಬಾಟಮ್‌ ಚಿತ್ರಕ್ಕೆ ಹತ್ತು ವರ್ಷಗಳ ಹಿಂದೆ ಕೋಲಾರದಲ್ಲಿ ನಡೆದಿದ್ದ ದರೋಡೆಯೇ ಪ್ರೇರಣೆಯಂತೆ.

.

ಇದೇ ವಾರ ಅಂದರೆ 15ರಂದು ಬಿಡುಗಡೆಯಾಗುತ್ತಿರುವ ಈ ಸಿನಿಮಾದಲ್ಲಿ ರಿಷಬ್‌ ಶೆಟ್ಟಿ ಡಿಟೆಕ್ಟಿವ್‌ ದಿವಾಕರ ಎಂಬ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಜಯತೀರ್ಥ ಆ್ಯಕ್ಷನ್‌ ಕಟ್‌ ಹೇಳುತ್ತಿದ್ದಾರೆ. ಹರಿಪ್ರಿಯಾ ರಿಷಬ್‌ ಶೆಟ್ಟಿಗೆ ಜೋಡಿಯಾಗಿದ್ದಾರೆ. ಈಗಾಗಲೇ ಬಿಡುಗಡೆಯಾಗಿರುವ ಟ್ರೇಲರ್‌ ಮತ್ತು ಹಾಡುಗಳು ಸಿನಿಮಾದ ಬಗ್ಗೆ ಕುತೂಹಲ ಸೃಷ್ಟಿ ಮಾಡಿದೆ.

.

ಈಗ ಸಿನಿಮಾ ನೈಜ ಕಥೆಯನ್ನು ಆಧರಿಸಿದೆ ಎಂಬ ವಿಷಯ ಕೂಡಾ ಸೇರಿಕೊಂಡು ಸಿನಿಮಾದ ಮೇಲಿನ ನಿರೀಕ್ಷೆ ದೊಡ್ಡದಾಗಿದೆ.

 

ಅಯೋಗ್ಯ ಸಿನಿಮಾದ ಯಶಸ್ಸಿನ ನಂತರ ನಟ ಸತೀಶ್‌ ಅವರ ಚಂಬಲ್‌ ಬಿಡುಗಡೆಗೆ ಸಿದ್ಧವಾಗಿದೆ. ಈ ಸಿನಿಮಾದ ಟ್ರೇಲರ್‌ ಬಿಡುಗಡೆಯಾಗಿದ್ದು, ಅದನ್ನು ನೋಡಿದರೆ ಇದು ಐಎಎಸ್‌ ಅಧಿಕಾರಿ ಡಿ ಕೆ ರವಿ ಕಥೆ ಇದ್ದ ಹಾಗಿದೆ.

.

ಹೌದು ಚಂಬಲ್‌ ಸಿನಿಮಾದ ಟ್ರೇಲರ್ ನೋಡಿದ ತಕ್ಷಣ ಸಾಮಾನ್ಯರಿಗೆ ಬರುವ ಅಭಿಪ್ರಾಯ ಇದಾಗಿದೆ. ಈ ಸಿನಿಮಾವನ್ನು ಜೇಕಬ್‌ ವರ್ಗೀಸ್‌ ನಿರ್ದೇಶನ ಮಾಡಿದ್ದಾರೆ.

.

ಈ ಹಿಂದೆ ಜೇಕಬ್‌ ಪೃಥ್ವಿ, ಸವಾರಿ ಸಿನಿಮಾಗಳಿಗೆ ಆ್ಯಕ್ಷನ್‌ ಕಟ್ ಹೇಳಿದ್ದರು. ಚಂಬಲ್‌ನಲ್ಲಿ ಸತೀಶ್‌ ಜಿಲ್ಲಾಧಿಕಾರಿಯಾಗಿ, ಕಮರ್ಷಿಯಲ್‌ ಟ್ಯಾಕ್ಸ್‌ ಆಫೀಸರ್‌ ಆಗಿ ಕಾಣಿಸಿಕೊಂಡಿದ್ದಾರಂತೆ. ಇದು ಡಿ ಕೆ ರವಿ ಕಥೆಯಾ ಎಂಬ ಪ್ರಶ್ನೆಗೆ ನಮ್ಮ ಸಿನಿಮಾ ಅಚಾನಕ್ಕಾಗಿ ಅವರ ಬದುಕಿಗೆ ಹೋಲಿಕೆಯಾಗುತ್ತಿದೆ ಎನ್ನುತ್ತದೆ ಚಿತ್ರತಂಡ. ಒಟ್ಟಿನಲ್ಲಿ ಈ ಸಿನಿಮಾ ಟ್ರೇಲರ್‌ನಿಂದ ಗಮನ ಸೆಳೆಯುತ್ತಿದೆ.

.

ಚಿತ್ರವನ್ನು ಇದೇ ಫೆಬ್ರವರಿ 22 ರಂದು ತೆರೆಗೆ ತರಲು ಚಿತ್ರತಂಡ ನಿರ್ಧರಿಸಿದೆ.

ಚಿತ್ರ: ನಟಸಾರ್ವಭೌಮ

ನಿರ್ಮಾಪಕ: ರಾಕ್‌ಲೈನ್‌ ವೆಂಕಟೇಶ್‌
ನಿರ್ದೇಶನ: ಪವನ್‌ ಒಡೆಯರ್‌
ಸಂಗೀತ: ಡಿ. ಇಮಾನ್
ತಾರಗಣ: ಪುನೀತ್ ರಾಜ್‌ಕುಮಾರ್‌, ರಚಿತಾ ರಾಮ್‌, ಅನುಪಮಾ ಪರಮೇಶ್ವರನ್‌, ರವಿಶಂಕರ್‌, ಚಿಕ್ಕಣ್ಣ

.

ಪವರ್ ಸ್ಟಾರ್ ಪುನೀತ್‌ರಾಜ್‌ಕುಮಾರ್‌ ಅವರ ಸಿನಿಮಾಗಳಲ್ಲಿ ಫೈಟ್ಸ್‌, ಡಾನ್ಸ್‌, ಹಾಡು, ಲವ್‌ಸ್ಟೋರಿ , ಫ್ಯಾಮಿಲಿ ಸೆಂಟಿಮೆಂಟ್‌ ಎಲ್ಲವೂ ಇರುತ್ತದೆ. ಆದರೆ ನಟಸಾರ್ವಭೌಮದಲ್ಲಿ ಇದೆಲ್ಲದರ ಜತೆಗೆ ಹಾರರ್‌ ಎಲಿಮೆಂಟ್‌ ಸೇರಿಕೊಂಡು ಪ್ರೇಕ್ಷಕರಿಗೆ ಥ್ರಿಲ್‌ ನೀಡುತ್ತದೆ.

.

ನಾಯಕ ಗಗನ್‌ ದೀಕ್ಷೀತ್‌[ ಪುನೀತ್‌] ಕೋಲ್ಕತ್ತದಿಂದ ಬೆಂಗಳೂರಿಗೆ ವರ್ಗವಾಗಿ ಬರುವ ಪತ್ರಕರ್ತ. ಈತ ಬೆಂಗಳೂರಿಗೆ ಯಾರೊ ಒಬ್ಬರನ್ನು ಹುಡುಕಿಕೊಂಡು ಬರುತ್ತಾನೆ. ಬೆಂಗಳೂರಿಗೆ ಬಂದ ತಕ್ಷಣ ಕೇಂದ್ರದ ಸಚಿವರೊಬ್ಬರನ್ನು ಪ್ರಾಣಾಪಯದಿಂದ ಪಾರು ಮಾಡುತ್ತಾನೆ. ಆದರೆ ಇದೇ ಕೇಂದ್ರ ಸಚಿವರನ್ನು ಅವರ ಬರ್ತ್‌ಡೇ ಪಾರ್ಟಿಯಲ್ಲಿ ಹೊಡೆದು ನೆಲಕ್ಕೆ ಉರುಳಿಸುತ್ತಾನೆ. ಅದು ಯಾಕೆ, ಆ ಕೇಂದ್ರ ಸಚಿವರಿಗೂ ಗಗನ್‌ಗೂ ಏನು ಸಂಬಂಧ, ಜತೆಗೆ ಆತ ಬೆಂಗಳೂರಿಗೆ ಹುಡುಕಿಕೊಂಡ ಬಂದಿದ್ದು ಯಾರನ್ನು, ಇನ್ನು ಬಿಡುಗಡೆಯಾಗಿರುವ ಟ್ರೇಲರ್‌ನಲ್ಲಿ ಪುನೀತ್‌ ಮೈ ಮೇಲೆ ದೆವ್ವಬಂದಿದೆ ಎಂಬುದು ಎಲ್ಲರಿಗೂ ಗೊತ್ತಾಗಿದೆ. ಆದರೆ ಅದು ಯಾಕೆ, ಆ ದೆವ್ವ ಯಾರು, ಪುನೀತ್‌ ಮೇಲೆ ಯಾಕೆ ಬಂದಿದೆ ಇಂತಹ ಹಲವು ಪ್ರಶ್ನೆಗಳನ್ನು ಸಿನಿಮಾದಲ್ಲಿಯೇ ನೋಡಬೇಕು.

.

ಎಲ್ಲ ಹಾರರ್‌ ಕಥೆಯಲ್ಲಿರುವಂತೆ ಈ ಸಿನಿಮಾದಲ್ಲಿಯೂ ಒಂದು ರಿವೇಂಜ್‌ ಕಥೆ ಇದೆ, ಆದರೆ ಪವನ್‌ ಒಡೆಯರ್‌ ಅದನ್ನು ತೆರೆ ಮೇಲೆ ತಂದಿರುವ ರೀತಿ ಚೆನ್ನಾಗಿದೆ. ಸಾಮಾನ್ಯ ಕಥೆಗೆ ಪುನೀತ್‌ ಅವರ ಸ್ಟಾರ್‌ಗಿರಿಯನ್ನು ಮಿಕ್ಸ್‌ ಮಾಡಿ , ಅದ್ಭುತವಾದ ಡಾನ್ಸ್‌,ಅಭಿಮಾನಿಗಳಿಗಾಗಿ ಅಭಿಮಾನದ ಡೈಲಾಗ್ಸ್‌ಗಳು, ಸುಮಧುರ ಹಾಡುಗಳು, ಹೀಗೆ ಎಲ್ಲವನ್ನು ಸೇರಿಸಿ ಸಿನಿಮಾವನ್ನು ಪಕ್ಕಾ ಎಂಟರ್‌ಟೇನರ್ ಮಾಡಿದ್ದಾರೆ. ಕೊಲ್ಕತಾದಲ್ಲಿ ಶೂಟ್ ಮಾಡಿರುವ ದೃಶ್ಯಗಳು ಮನಸ್ಸಿಗೆ ಹತ್ತಿರವಾಗುತ್ತವೆ.

ಸಿನಿಮಾ ಸಂಪೂರ್ಣ ಅಪ್ಪುಮಯ ಮಾಡಿರುವ ನಿರ್ದೇಶಕ ಪವನ್, ನಾಯಕಿಯರಿಗೆ ಹೆಚ್ಚು ಕೆಲಸ ಕೊಟ್ಟಿಲ್ಲ. ಚಿತ್ರದಲ್ಲಿ ಕೆಲವೊಂದು ದೃಶ್ಯಗಳ ಡಿಟೈಲಿಂಗ್ ಮಿಸ್ ಹೊಡೆದಿದೆ.

.

ಪುನೀತ್‌ರಾಜ್‌ಕುಮಾರ್‌ ಅವರು ಡಾನ್ಸ್‌, ಫೈಟ್ಸ್‌, ಲವ್‌ ಸೀನ್‌, ಸೆಂಟಿಮೆಂಟ್‌, ಕಾಮಿಡಿ ಎಲ್ಲದರಲ್ಲೂ ನೂರಕ್ಕೆ ನೂರರಷ್ಟು ಅಂಕ ಗಳಿಸಿದ್ದಾರೆ. ಹಾಗಾಗಿ ಅವರಿಗೆ ನಟಸಾರ್ವಭೌಮ ಎಂಟ ಟೈಟಲ್‌ ಸೂಟ್‌ ಆಗುತ್ತದೆ. ಇಬ್ಬರು ನಾಯಕಿಯರಲ್ಲಿ ಹೆಚ್ಚು ಮನಸ್ಸಿನಲ್ಲಿ ಉಳಿಯುವುದು ಅನುಪಮಾ ಪರಮೇಶ್ವರನ್‌. ರಚಿತಾ ಮುದ್ದಾಗಿ ಕಂಡರೂ, ಅವರಿಗೆ ಸ್ಕ್ರೀನ್‌ ಸ್ಪೇಸ್‌ ಕಮ್ಮಿಯೇ ಇದೆ. ಇನ್ನು ರವಿಶಂಕರ್‌ ಎಂದಿನಂತೆ ಅಬ್ಬರಿಸಿದ್ದಾರೆ. ಅಚ್ಯುತ್‌ಕುಮಾರ್‌ ಅವರದ್ದು ವಿಶೇಷ ಪ್ರಯತ್ನ. ಚಿಕ್ಕಣ್ಣ ಮತ್ತು ಸಾಧುಕೋಕಿಲಾ ನಗಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

.

ವೈದಿ ಅವರ ಕ್ಯಾಮೆರಾ, ಇಮಾನ್  ಅವರ ಸಂಗೀತ ಎರಡೂ ಹದವಾಗಿ ಬೆರೆತು ಸಿನಿಮಾ ಕಲರ್‌ಫುಲ್‌ ಆಗಿ ಕಂಡಿದೆ.ಪೀಟರ್ ಹೆನ್ ಅವರ ಸಾಹಸ ನಿರ್ದೇಶನ ಇನ್ನೂ ಚೆನ್ನಾಗಿರಬಹುದಿತ್ತು. ಪುನೀತ್‌ ಅವರನ್ನು ಅದ್ಭುತವಾಗಿ ಕುಣಿಸಿರುವ ನೃತ್ಯ ನಿರ್ದೇಶಕರು ಸಹ ಪ್ರಶಂಸಾರ್ಹರು. ಯಾವುದೇ ಕೊರತೆ ಇಲ್ಲದೆ ಸಿನಿಮಾ ಮಾಡಿರುವುದು ಎದ್ದು ಕಾಣುತ್ತದೆ. ಇದರ ಸಂಪೂರ್ಣ ಕ್ರೆಡಿಟ್‌ ರಾಕ್‌ಲೈನ್‌ ವೆಂಕಟೇರಶ್‌ ಅವರದ್ದು.

.

ಒಟ್ಟಿನಲ್ಲಿ ನಟಸಾರ್ವಭೌಮ ಫ್ಯಾಮಿಲಿ ಕಮ್‌ ಮಾಸ್‌ ಆಡಿಯನ್ಸ್‌ ಇಷ್ಟಪಡುವಂತಹ ಸಿನಿಮಾವಾಗಿದೆ. ಅದರಲ್ಲು ಅಪ್ಪು ಫ್ಯಾನ್ಸ್‌ ಅಂತೂ ಸಖತ್‌ ಎಂಜಾಯ್‌ ಮಾಡುತ್ತಾರೆ.

ರೇಟಿಂಗ್‌ : 3.75/5

ಕನ್ನಡ ಸಿನಿ ಪ್ರೇಕ್ಷಕರಿಗೆ ಸಸ್ಪೆನ್ಸ್ ಥ್ರಿಲರ್ ಚಿತ್ರಗಳ ಹುಚ್ಚು ಹಿಡಿಸಿದ ಮಾಸ್ಟರ್ ಡೈರೆಕ್ಟರ್ ಸುನೀಲ್ ಕುಮಾರ್ ದೇಸಾಯಿ, ಉದ್ಘರ್ಷದ ಮೂಲಕ ಈಗ ಮತ್ತೆ ದೊಡ್ಡ ನಿರೀಕ್ಷೆ ಹುಟ್ಟುಹಾಕಿದ್ದಾರೆ.

.

ಈ ಬಾರಿ ಮತ್ತೊಂದು ಸರ್ಪ್ರೈಸ್ ನೀಡಿರೋ ದೇಸಾಯಿ, ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅವರಿಂದ 'ಉದ್ಘರ್ಷ' ಚಿತ್ರದ ಟ್ರೇಲರ್ಗೆ ಸೈಲಂಟ್ ಆಗಿಯೇ ಡಬ್ಬಿಂಗ್ ಮಾಡಿಸಿದ್ದಾರೆ. ಕನ್ನಡ, ತೆಲುಗು, ತಮಿಳು, ಮಲಯಾಳಂನಲ್ಲಿ ಮೂಡಿ ಬಂದಿರೋ ಈ ಚಿತ್ರದ ಟ್ರೇಲರ್ ಕಂಡು ಫುಲ್ ಇಂಪ್ರೆಸ್ ಆಗಿರೋ ಕಿಚ್ಚ ಸುದೀಪ್, ಅತ್ಯಂತ ಖುಷಿಯಿಂದಲೇ ಕಂಠದಾನ ಮಾಡಿದ್ದಾರೆ.

.

ಸೋಮವಾರ ಹೈದರಾಬಾದ್ಗೆ ತೆರಳಿದ್ದ ನಿರ್ದೇಶಕ ಸುನೀಲ್ ಕುಮಾರ್ ದೇಸಾಯಿ, ನಿರ್ಮಾಪಕರಾದ ಆರ್. ದೇವರಾಜ್ ಸುದೀಪ್ ಅವರನ್ನು ಭೇಟಿಯಾಗಿ ಮಾತುಕತೆ ನಡೆಸಿದ್ದಾರೆ. ಜೊತೆಗೆ ಹೈದರಾಬಾದ್ನಲ್ಲಿಯೇ ಸುದೀಪರಿಂದ ಟ್ರೇಲರ್ಗೆ ಡಬ್ಬಿಂಗ್ ಮಾಡಿಸಿದ್ದಾರೆ.

.

ವಿಶೇಷ ಅಂದರೆ ನಾಲ್ಕೂ ಭಾಷೆಯಲ್ಲೂ ಸುದೀಪ್ರದ್ದೇ ಧ್ವನಿ ಕೇಳಲಿದ್ದು, ಚಿತ್ರದ ಬಗ್ಗೆ ಮತ್ತಷ್ಟು ನಿರೀಕ್ಷೆ ಹೆಚ್ಚಾಗಲು ಕಾರಣವಾಗಿದೆ.

.

ಇನ್ನು ಬಹುಭಾಷೆಯಲ್ಲಿ ಮೂಡಿ ಬಂದಿರೋ ಉದ್ಘರ್ಷದಲ್ಲಿ ಮಿಸ್ಟರ್ ವರ್ಲ್ಡ್ ಠಾಕೂರ್ ಅನೂಪ್ ಸಿಂಗ್ ನಾಯಕನಾಗಿ ಅಭಿನಯಿಸಿದ್ದಾರೆ ತಾನ್ಯಾ ಹೋಪ್, ಧನ್ಸಿಕಾ ನಾಯಕಿಯರಾಗಿ ಅಭಿನಯಿಸಿದ್ದಾರೆ. ಇನ್ನು ಮೋಸ್ಟ್ ವಾಂಟೆಡ್ ವಿಲನ್ ಕಬೀರ್ ಸಿಂಗ್ ದುಹಾನ್, ಶ್ರವಣ್ ರಾಘವೇಂದ್ರ, ಬಾಹುಬಲಿ ಪ್ರಭಾಕರ್ ಇನ್ನೂ ಮುಂತಾದವರು ವಿಲನ್ ಆಗಿ ಅಭಿನಯಿಸಿದ್ದಾರೆ. ಜೊತೆಗೆ ವಂಶಿ ಕೃಷ್ಣ, ಕನ್ನಡಿಗ ಕಿಶೋರ್, ನಟಿ ಹರ್ಷಿಕಾ ಪೂಣಚ್ಚ ವಿಶೇಷ ಪಾತ್ರದಲ್ಲಿ ನಟಿಸಿದ್ದಾರೆ.

ಸಿನಿಮಾ ಪ್ರಿಯರಿಗೆ ಡ್ಯಾನ್ಸ್, ನಟನೆ, ನಿರ್ದೇಶನ ಮತ್ತು ಮಾಡಲಿಂಗ್ ಕಲಿಯಲು ‘ಫ್ಲೆಮಿಂಗೋ ಸೆಲಬ್ರಿಟಿಸ್ ವರ್ಡ್ ಪ್ರೈ. ಲಿಮಿಟೆಡ್’ ತರಭೇತಿ ಸಂಸ್ಥೆಯು ಧವನ್‌ ಸೋಹ ಸಾರಥ್ಯದಲ್ಲಿ 2013ರಲ್ಲಿ ಪ್ರಾರಂಭ ಮಾಡಿದ್ದಾರೆ. ಉತ್ತಮ ವಿದ್ಯಾರ್ಥಿಗಳನ್ನು ಅಡಿಷನ್ ಮಾಡಿ ಕಿರುತೆರೆ, ಹಿರಿತೆರೆಗೆ ಶಿಪಾರಸ್ಸು ಮಾಡಲಾಗುತ್ತಿದೆ. ಈಗಾಗಲೇ ಹಲವು ಪ್ರತಿಭೆಗಳು ಚಿತ್ರರಂಗ ಹಾಗೂ ಮಾಡಲಿಂಗ್ ಕ್ಷೇತ್ರದಲ್ಲಿ ಬ್ಯುಸಿ ಇದ್ದಾರೆ. ಪ್ರತಿ ವರ್ಷ ಸೆಲಬ್ರಿಟಿಸ್ ಕ್ಯಾಲೆಂಡರ್ ಹೊರತರಲಾಗುತ್ತಿದೆ. ಅಲ್ಲದೆ ಕಳೆದ ನಾಲ್ಕು ವರ್ಷಗಳಿಂದ ಫ್ಯಾಷನ್ ವೀಕ್, ಮಾಡಲಿಂಗ್, ಫಿಲಿಂ ಅವಾರ್ಡ್‌ಗಳನ್ನು ನೀಡುತ್ತಾ ವಿದ್ಯಾರ್ಥಿಗಳನ್ನು ಪ್ರೋತ್ಸಾಹಿಸುತ್ತಾ ಬಂದಿದೆ.

.

ಈ ವರ್ಷದಿಂದ ಕನ್ನಡ ಚಿತ್ರರಂಗದ ಸಾಧಕರಿಗೆ ಗೌರವಿಸುವ ಸಲುವಾಗಿ ಫ್ಲಾಮಿಗೊ ವಾರ್ಷಿಕ ಪ್ರಶಸ್ತಿಯನ್ನು ನೀಡಲು ನಿರ್ಧರಿಸಿದ್ದಾರೆ.

.

2018 ರ ಫಿಲಿಂ ಪ್ರಶಸ್ತಿ ಪ್ರಧಾನವನ್ನು ಹಿರಿಯ ಹಾಗೂ ಕಿರಿಯ ಕಲಾವಿದರು, ತಂತ್ರಜ್ಘರನ್ನು ಗುರುತಿಸಿ ಗೌರವಿಸಲಾಯಿತು. ಇದರ ಸಾಲಿಗೆ ಜೀವಮಾನದ ಚಿತ್ರರಂಗದ ಸಾಧನೆಗಾಗಿ ಅನುಭವಿ ನಟ ಶ್ರೀನಾಥ್, ನಿರ್ದೆಶಕ ಭಾರ್ಗವ, ಗಿರಿಜಾಲೋಕೇಶ್, ವನಿತಾವಾಸು, ಪದ್ಮವಾಸಂತಿ, ಸುಜಾತ, ಚಂದ್ರಕಲಾಮೋಹನ್, ಬ್ಯಾಂಕ್‌ಜನಾರ್ಧನ್, ಧರ್ಮಕೀರ್ತಿರಾಜ್, ಸೇರಿದಂತೆ ಮೂವತ್ತು ಸಾಧಕರುಗಳಿಗೆ ಪ್ರಶಸ್ತಿಗಳನ್ನು ವಿತರಣೆ ಮಾಡಿ ಗೌರವಿಸಲಾಯಿತು.

 

ಸುಮನ್‌ ರಂಗನಾಥ್‌ ನಟಿಸಿರುವ ದಂಡುಪಾಳ್ಯಂ-4 ಚಿತ್ರವನ್ನು ಸೆನ್ಸಾರ್‌ ಮಂಡಳಿ ರಿಜೆಕ್ಟ್‌ ಮಾಡಿದೆ.

ಆದರೆ ಯಾವುದೇ ಕಾರಣ ನೀಡದೆ ಸಿನಿಮಾವನ್ನು ತಿರಸ್ಕರಿಸಿರುವ ಸೆನ್ಸಾರ್‌  ಮಂಡಳಿ ವಿರುದ್ಧ ನಿರ್ಮಾಪಕ ವೆಂಕಟ್‌ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ನವೆಂಬರ್‌ ತಿಂಗಳಿನಲ್ಲಿ ಸೆನ್ಸಾರ್‌ಗಾಗಿ ವೆಂಕಟ್‌ ಅರ್ಜಿ ಸಲ್ಲಿಸಿದ್ದರಂತೆ. ಯಾವುದೇ ಸ್ಪಷ್ಟ ಕಾರಣ ನೀಡದೇ ತಿರಸ್ಕಾರ ಮಾಡಿ, ರವೈಸ್ಡ್‌ ಕಮಿಟಿ ಮುಂದೆ ಹೋಗಲು  ಹೇಳಿದ್ದಾರಂತೆ ಸೆನ್ಸಾರ್‌ ಮಂಡಳಿ ಅಧಿಕಾರಿಗ ಡಿ ಎನ್‌ ಶ್ರೀನಿವಾಸಪ್ಪ.

.

ಈ ಬಗ್ಗೆ ನಿರ್ಮಾಪಕ ವೆಂಕಟ್‌ ಮಾಧ್ಯಮಗಳ ಜತೆ ಮಾತನಾಡಿ ‘ನಾವು ಕಷ್ಟಪಟ್ಟು ಸಿನಿಮಾ ಮಾಡಿರುತ್ತೇವೆ. ಆದರೆ ಸೆನ್ಸಾರ್‌ ಮಂಡಳಿಯವರು ತಮ್ಮ ಅವೈಜ್ಞಾನಿಕ ನಿಲುವಿನಿಂದ ತೊಂದರೆಯಾಗಿದೆ. ಯಾವುದೇ ಕಾರಣಗಳನ್ನು ನೀಡದೇ ರಿವೈಸ್ಡ್‌ ಕಮಿಟಿಗೆ ಹೋಗಿ ಎಂದಿದ್ದಾರೆ. ಇದು ಕನ್ನಡದ ನಿರ್ಮಾಪಕರ ಶೋಷಣೆಯಾಗಿದೆ,’ಎಂದು ಅವರು ಹೇಳಿದರು.

.

ಸಿನಿಮಾದಲ್ಲಿ ಅಕ್ಷೇಪಾರ್ಹ ಸನ್ನಿವೇಶಗಳಿದ್ದರೆ ಕತ್ತರಿಸಿ ಬಿಡುಗಡೆ ಮಾಡಲು ನಾನು ರೆಡಿ, ಅದನ್ನು ಬಿಟ್ಟು ಸಿನಿಮಾವನ್ನೇ ರಿಜೆಕ್ಟ್‌ ಮಾಡುವುದು ಎಂದರೇ ಏನು. ಈಗ ರಿವೖಸ್ಡ್‌ ಕಮಿಟಿಗೆ ಹೋಗುವುದರಿಂದ ನನಗೆ ಬಿಡುಗಡೆಗೆ ಮೂರು ತಿಂಗಳು ತಡವಾಗಿ, ಆರ್ಥಿಕ ಸಂಕಷ್ಟ ಎದುರಾಗುತ್ತದೆ ಎಂದು ಬೇಸರ ವ್ಯಕ್ತಪಡಿಸಿದರು ವೆಂಕಟ್‌. 

Page 1 of 43

kismat

aaadi nigif

ad free

ರಿಯಲ್ ಸ್ಟಾರ್ ಉಪೇಂದ್ರ ರಾಜ್ಯ ರಾಜಕೀಯದಲ್ಲಿ ಯಾವ ಪಕ್ಷ ಸೇರಬೇಕು.?
  • Votes: (0%)
  • Votes: (0%)
  • Votes: (0%)
  • Votes: (0%)
  • Votes: (0%)
Total Votes:
First Vote:
Last Vote:
Go to top