IB anigif

Ayugya Gif

adweb

udgharsha

 ಕ್ರೇಜಿ ಸ್ಟಾರ್‌ ರವಿಚಂದ್ರನ್‌ ಮತ್ತು ಚಿರಂಜೀವಿ ಸರ್ಜಾ ನಟನೆಯ ಸೀಜರ್‌ ಚಿತ್ರದ ವಿವಾದಿತ ಡೈಲಾಗ್‌ನ್ನು ಚಿತ್ರತಂಡ ಕತ್ತರಿಸಿದೆ.
.
ಜನವರಿ 7ರಂದು ಯೂಟ್ಯೂಬಲ್ಲಿ ರಿಲೀಸ್ ಆಗಿದ್ದ 'ಸೀಜರ್'​ ಚಿತ್ರದ ಟ್ರೈಲರ್​ನಲ್ಲಿ 'ಹಸು ತಲೆ ಕಡಿಯೋದೂ ಒಂದೇ, ಹೆತ್ತ ತಾಯಿಯ ತಲೆಹಿಡಿಯೋದೂ ಒಂದೇ' ಎಂದು ರವಿಚಂದ್ರನ್ ಡೈಲಾಗ್ ಹೊಡೆಯುತ್ತಾರೆ,. ಆದರೆ ಇದೀಗ ರವಿಚಂದ್ರನ್ ಹೇಳಿದ ಡೈಲಾಗ್ಗೆ ಸೋಶಿಯಲ್ ಮೀಡಿಯಾಗಳಲ್ಲಿ ಸಿಕ್ಕಾಪಟ್ಟೆ ವಿರೋಧ ವ್ಯಕ್ತವಾಗಿತ್ತು. ನಿರ್ದೇಶಕ ವಿನಯ್ ಕೃಷ್ಣ ಗೆ ಸೋಶಿಯಲ್ ಮೀಡಿಯಾಗಳಲ್ಲಿ ಬೈಗುಳ ಕೂಡಾ ಕೇಳಿ ಬಂದಿದೆ.
.
ಈ ಹಿನ್ನೆಲೆಯಲ್ಲಿ ವಿನಯ್ ಕೃಷ್ಣ ಈ ಡೈಲಾಗ್​ನ್ನು ತೆಗೆದಿದ್ದಾರೆ. ಸೀಜರ್‌ ಚಿತ್ರ ಕಾರು ಲೋನ್‌ ಮಾಫಿಯಾ ಸುತ್ತ ನಡೆಯುವ ಸಿನಿಮಾವಾಗಿದೆ. ಚಿತ್ರದಲ್ಲಿ ಚಿರು ಸರ್ಜಾ, ಪಾರುಲ್ ಯಾದವ್ ಮುಖ್ಯಪಾತ್ರದಲ್ಲಿ ಕಾಣಿಸಿಕೊಂಡಿದ್ದು ಬಿಗ್​ಬಾಸ್​ ವಿನ್ನರ್​ ಚಂದನ್ ಶೆಟ್ಟಿ ಸಂಗೀತ ನೀಡಿದ್ದಾರೆ.
.
#Seizer #Cineloka
"ಅಸತೋಮ ಸದ್ಗಮಯ" ಚಿತ್ರದ ಟ್ರೇಲರ್ ಈಗಾಗಲೇ ಬಿಡುಗಡೆಯಾಗಿದೆ. ಚಿತ್ರದ ಟ್ರೇಲರ್ ಸಿಕ್ಕಿರುವ ರೆಸ್ಪಾನ್ಸ್‍ಗೆ ಚಿತ್ರತಂಡ ಈಗಾಗಲೆ ಫುಲ್ ಖುಷಿಯಾಗಿದೆ.
.
ಟ್ರೇಲರ್ ನೋಡುವಾಗ ಇದೊಂದು ಎಜುಕೇಶನ್ ಸಿಸ್ಟಂ ಬಗ್ಗೆ ಮಾಡಿರುವಂತಹ ಸಿನೆಮಾ, ಹೆತ್ತವರು ಮತ್ತು ಮಕ್ಕಳ ಸಂಬಂದದ ಬಗ್ಗೆ, ಮುಚ್ಚುತ್ತಿರುವ ಸರಕಾರಿ ಶಾಲೆಗಳ ಸುತ್ತ ಕಥೆಯನ್ನು ಹೆಣೆಯಲಾಗಿದೆ ಎಂಬುದು ತಿಳಿಯುತ್ತದೆ. ಜೊತೆಗೆ ಹಾರರ್, ಸಸ್ಪೆನ್ಸ್, ರೊಮ್ಯಾನ್ಸ್ ಕೂಡ ಇರುವುದರಿಂದ ಇದು ಬರೀ ಮೆಸೇಜ್ ಸಿನೆಮಾವಲ್ಲದೆ ಎಲ್ಲ ಕಮರ್ಷಿಯಲ್ ಎಲಿಮೆಂಟ್ಸ್‍ನಿಂದ ಕೂಡಿರುವಂತಹ ಸಿನೆಮಾ ಎಂಬುದು ತಿಳಿಯುತ್ತದೆ.
.
ಟ್ರೇಲರ್‍ಗೆ ಕನ್ನಡ ಚಿತ್ರರಂಗದ ತಾರೆಯರಾದ, ಶರಣ್, ಚಂದನ್ ಶೆಟ್ಟಿ, ಕಿರಿಕ್ ಕೀರ್ತಿ, ಇಂದ್ರಜಿತ್ ಲಂಕೇಶ್, ಪ್ರಥಮ್ ಮುಂತಾದವರು ಉತ್ತಮ ಪ್ರತಿಕ್ರೀಯಯನ್ನ ನೀಡಿದ್ದಾರೆ ಎನ್ನುತ್ತಾರೆ ನಿರ್ದೇಶಕರು. "ಅಸತೋಮ ಸದ್ಗಮಯ" ಚಿತ್ರದ ಹಾಡುಗಳು ಇತ್ತೀಚೆಗಷ್ಟೇ ಬಿಡುಗಡೆಯಾಗಿದ್ದು, ನಿಧಾನವಾಗಿ ಕನ್ನಡ ಸಂಗೀತ ಪ್ರೇಮಿಗಳನ್ನ ಆಕರ್ಷಿಸುತ್ತಿದೆ. ಚಿತ್ರದ ಎಲ್ಲಾ ಹಾಡುಗಳು ಉತ್ತಮವಾಗಿದ್ದು, ವಿಜಯ್ ಪ್ರಕಾಶ್ ಹಾಡಿರುವಂತಹ ಸ್ಕ್ರಿಪ್ಟ್ ಬರೆದೋನು ಹಾಡು ಹಾಗೂ ಓ ಸಂಜೆ ಹಾಡಿನ ಬಗ್ಗೆ ಬಹಳಷ್ಟು ಮಂದಿ ಸ್ವತಹ ಫೋನ್ ಮಾಡಿ ಹೇಳುತ್ತಿದ್ದಾರೆ ಎನ್ನುತ್ತಾರೆ ನಿರ್ದೇಶಕರು.
.
ರಾಧಿಕಾ ಚೇತನ್ ಪ್ರಮುಖ ಭೂಮಿಕೆಯಲ್ಲಿರುವ ಈ ಚಿತ್ರವನ್ನ ಐಕೇರ್ ಬ್ಯಾನರಿನಡಿಯಲ್ಲಿ, ಅಶ್ವಿನ್ ಪಿರೇರಾರವರು ನಿರ್ಮಿಸುತ್ತಿದ್ದು, ರಾಜೇಶ್ ವೇಣೂರ್ ನಿರ್ದೇಶಿಸುತ್ತಿದ್ದಾರೆ.
.

ಕೆಲ ತಿಂಗಳುಗಳ ಹಿಂದೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದ ಚಿರಂಜೀವಿ ಸರ್ಜಾ ಮತ್ತು ಮೇಘನಾ ರಾಜ್‌ ಇದೇ ಮೇ ೨ಕ್ಕೆ ವಿವಾಹ ಬಂಧನಕ್ಕೊಳಗಾಗುತ್ತಿದ್ದಾರೆ. 

ಹಲವು ದಿನಗಳ ಜೋಡಿ ಹಕ್ಕಿಗಳಾದ ಇಬರಿಬ್ಬರ ಮದುವೆ ಬೆಂಗಳೂರಿನ ಅರಮನೆ ಮೈದಾನದ ವೈಟ್ ಪೆಟಲ್ಸ್ ನಲ್ಲಿ ಅದ್ಧೂರಿಯಾಗಿ ನಡೆಯಲಿದೆ.ಅದೇ ದಿನ ಸಂಜೆ ಆರತಕ್ಷತೆಯನ್ನೂ ಆಯೋಜಿಸಲಾಗಿದೆ.
.

ಒಂದು ದಶಕದಿಂದ ಸ್ನೇಹಿತರಾಗಿದ್ದ ಈ ಜೋಡಿ ಕಳೆದ ವರ್ಷ ನಿಶ್ಚಿತಾರ್ಥ ಮಾಡಿಕೊಂಡಿತ್ತು. ಇದೀಗ ಇದೇ ಮೇ.2ರಂದು ಬೆಳಿಗ್ಗೆ 10.30ರಿಂದ 11ಗಂಟೆಯೊಳಗೆ ಸಲ್ಲುವ ಶುಭ ಮಿಥುನ ಲಗ್ನದಲ್ಲಿ, ಹಿಂದೂ ಧರ್ಮದ ಸಾಂಪ್ರದಾಯದಂತೆ ವಿವಾಹ ನೆರವೇರಲಿದೆ. ವಿವಾಹಕ್ಕೆ ಒಂದು ವಾರ ಮುಂಚಿತವಾಗಿಯೇ ಹಲವು ಕಾರ್ಯಕ್ರಮಗಳು ನಡೆಯಲಿದೆ. ಏಪ್ರಿಲ್ ಕಡೆಯ ವಾರದಲ್ಲಿ ಹಳದಿ ಕಾರ್ಯಕ್ರಮ ಏರ್ಪಡಿಸಲಾಗಿದ್ದು, ಮೇಘನಾ ಮನೆಯಲ್ಲಿ ಮೆಹಂದಿ ಮತ್ತು ಸಂಗೀತ ಕಾರ್ಯಕ್ರಮ ನಡೆಯಲಿದೆ.
.

ಮೇ.2 ರಂದು ಸಾಂಪ್ರದಾಯಿಕ ಕಾಂಚೀವರಂ ಸೀರೆಯನ್ನು ಮೇಘನಾ ಧರಿಸಲಿದ್ದು, ಚಿರು ಕೂಡ ಸಾಂಪ್ರದಾಯಿಕ ಉಡುಪಿನಲ್ಲಿ ಮಿಂಚಲಿದ್ದಾರೆ. ಅದೇ ದಿನ ಸಂಜೆ ಆರತಕ್ಷತೆ ಕೂಡ ಇದ್ದು ಗ್ಲಿಟರ್ ಮತ್ತು ಗೋಲ್ಡ್ ಥೀಮ್'ನಲ್ಲಿ ಚಿರು ಹಾಗೂ ಮೇಘನಾ ಕಂಗೊಳಿಸಲಿದ್ದಾರೆ.
.

ಮೇಘನಾ ತಾಯಿ ಪ್ರಮಿಳಾ ಜೋಷಾಯ್ ಕ್ಯಾಥೊಲಿಕ್ ಆಗಿರುವುದರಿಂದ ನಗರದ ಚರ್ಚ್'ನಲ್ಲಿ ಕ್ಯಾಥೊಲಿಕ್ ಸಂಪ್ರದಾಯದಂತೆಯೂ ವಿವಾಹ ನಡೆಯಲಿದೆ ಎನ್ನಲಾಗುತ್ತಿದೆ. ಇದೊಂದು ಇಂಗ್ಲಿಷ್ ಥೀಂ ಕಾರ್ಯಕ್ರಮವಾಗಿರುತ್ತದೆ.
.
#MeghanaChiru #Cineloka

ತನ್ನ ಟೈಟಲ್‌ನಿಂದಲೇ ಗಮನ ಸೆಳೆಯುತ್ತಿರುವ ಅಟೆಂಪ್ಟ್‌ ಟು ಮರ್ಡರ್‌ ಸಿನಿಮಾದಲ್ಲಿ ಯಾವುದೇ ಕೊಲೆ ನಡೆಯುವುದಿಲ್ಲವಂತೆ ಬದಲಿಗೆ ಕೊಲೆ ಪ್ರಯತ್ನ ನಡೆಯುತ್ತದೆ.
.
ಮೂರ್ನಾಲ್ಕು ಕಿರುಚಿತ್ರ ನಿರ್ಮಿಸಿ ನಿರ್ದೇಶಿಸಿದ ಅನುಭವವಿರುವ ಅಮರ್‌ ಎಂಬುವವರು ಈ ಸಿನಿಮಾವನ್ನು ನಿರ್ದೇಶನ ಮಾಡಿದ್ದಾರೆ.
ಕಾರ್ಪೋರೇಶನ್‌ ಸರ್ಕಲ್‌ನ 'ಎಟಿಎಂ'ನಲ್ಲಿ ಮಹಿಳೆ ಮೇಲೆ ನಡೆದ ಹಲ್ಲೆಯೇ ಚಿತ್ರದ ಕೇಂದ್ರ ವಸ್ತುವಾಗಿದೆ. ಹಲ್ಲೆಯನ್ನು ಆಧರಿಸಿದ ಸಿನಿಮಾವಾದರೂ ರಕ್ತದ ಕಲೆಗಳು ಕಾಣಸಿಗುವುದಿಲ್ಲ. ಭಯ ಹುಟ್ಟಿಸುವ ದೃಶ್ಯಗಳಿಲ್ಲ ಎಂದು ನಿರ್ದೇಶಕ ಅಮರ್‌ ಹೇಳುತ್ತಾರೆ.
.
666A4769
ಈ ಸಿನಿಮಾದಲ್ಲಿ ಧಾರಾವಾಹಿ ನಟ ಚಂದು ಬಿ ಗೌಡ ಮುಖ್ಯಪಾತ್ರದಲ್ಲಿ ನಟಿಸಿದ್ದಾರೆ. ಹಲವು ಧಾರಾವಾಹಿಗಳಲ್ಲಿ ನಟಿಸಿ ಸಿನಿಮಾ ಪ್ರವೇಶಕ್ಕೆ ಹಂಬಲಿಸುತ್ತಿದ್ದ ಇವರೆಗೆ ಎಟಿಎಂ ಮೊದಲ ಸಿನಿಮಾ. ಶೋಭಿತಾ ಇಲ್ಲಿ ಐಟಿ ಕಂಪನಿಯ ಉದ್ಯೋಗಿಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಸಿನಿಮಾದಲ್ಲಿ ಕ್ರೈಂ ಮತ್ತು ಪ್ರೀತಿಯನ್ನು ಒಟ್ಟಿಗೆ ತೋರಿಸಲಾಗಿದೆ. ಈ ಫ್ಯಾಕ್ಟರ್‌ ಪ್ರೇಕ್ಷಕರಿಗೆ ಇಷ್ಟವಾಗಲಿದೆ ಎನ್ನುವುದು ಚಿತ್ರತಂಡದ ಅಭಿಪ್ರಾಯ.
.
ಚಿತ್ರದಲ್ಲಿ ವಿನಯ್ ಮತ್ತು ವಿಜೆ ಹೇಮಲತಾ ಕೂಡ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.
ಬೆಂಗಳೂರು, ಮೈಸೂರು, ಬನ್ನೇರುಘಟ್ಟದ ಸುತ್ತಮುತ್ತ ಚಿತ್ರೀಕರಣ ನಡೆಸಲಾಗಿದೆ. ಎಸ್‌.ವಿ. ನಾರಾಯಣ ಮತ್ತು ಎಸ್‌.ವಿ. ಕೃಷ್ಣಮೂರ್ತಿ ಚಿತ್ರಕ್ಕೆ ಬಂಡವಾಳ ಹೂಡಿದ್ದಾರೆ. ರವಿದೇವ್ ಮತ್ತು ಜೀತ್‌ಸಿಂಗ್ ಸಂಗೀತ ನೀಡಿದ್ದಾರೆ.
.
 ಚಿತ್ರ ಏಪ್ರಿಲ್ 20ರಂದು ರಾಜ್ಯಾದ್ಯಂತ ತೆರೆಗೆ ಬರಲಿದೆ.
.
#ATM #Cineloka #AttemptToMurder
ಹಳ್ಳಿಯಿಂದ ಸಿಟಿಗೆ ಬರುವ ಹುಡುಗರಿಬ್ಬರು ಅಲ್ಲಿ ಯಾವ ರೀತಿ ಸಂದರ್ಭಗಳನ್ನು ಎದುರಿಸಿದರು ಎಂಬ ಕಥಾಹಂದರವನ್ನಿಟ್ಟುಕೊಂಡು ಮಾಡಿದ ಚಿತ್ರ ‘ಯಾರ್ ಯಾರೋ ಗೋರಿ ಮೇಲೆ’ ರಾಘುಚಂದ್ ಕಥೆ-ಚಿತ್ರಕಥೆ ಬರೆದು ನಿರ್ದೇಶನ ಮಾಡಿರುವ ಈ ಚಿತ್ರದ ಹಾಡುಗಳ ಧ್ವನಿಸುರುಳಿ ಬಿಡುಗಡೆ ಸಮಾರಂಭ ಇತ್ತೀಚೆಗೆ ರೇಣುಕಾಂಭ ಥಿಯೇಟರ್‍ನಲ್ಲಿ ನಡೆಯಿತು.
 
.
ಇಬ್ಬರು ನಾಯಕರ ಸುತ್ತ ನಡೆಯುವ ಈ ಕಥೆಯಲ್ಲಿ ನಾಲ್ಕು ಹಾಡುಗಳಿದ್ದು, 2 ಸಾಹಸ ದೃಶ್ಯಗಳಿವೆ. ಅಭಿ ಹಾಗೂ ರಾಜ್ ಈ ಚಿತ್ರದ ಇಬ್ಬರು ನಾಯಕರಾಗಿದ್ದು ರಾಜ್ (ಪುಟ್ಟರಾಜು) ನಾಯಕನಾಗಿ ಅಭಿನಯಿಸುವುದರೊಂದಿಗೆ ನಿರ್ಮಾಣದ ಜವಾಬ್ದಾರಿಯನ್ನೂ ಸಹ ಹೊತ್ತುಕೊಂಡಿದ್ದಾರೆ. ಶಿವಮೊಗ್ಗ ಮೂಲದ ವರ್ಷ ಈ ಚಿತ್ರದಲ್ಲಿ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ.
.
D8H 4816
ಚಿತ್ರದ 2 ಹಾಡುಗಳ ಹಾಗೂ ಟೀಸರ್ ಪ್ರದರ್ಶನದ ನಂತರ ನಡೆದ ಪತ್ರಕಾಗೋಷ್ಠಿಯಲ್ಲಿ ಮಾತನಾಡಿದ ನಿರ್ದೇಶಕ ರಾಘುಚಂದ್ ನಿರ್ದೇಶಕನಾಗಬೇಕು ಎಂಬುದು ನನ್ನ ಬಹುದಿನಗಳ ಕನಸು. ಸುಮಾರು ವರ್ಷಗಳಿಂದ ಕಷ್ಟಪಟ್ಟು ಕೊನೆಗೆ ನನ್ನ ಸ್ನೇಹಿತನ ಮೂಲಕ ನಿರ್ದೇಶಕನಾದೆ. ಲೋಕಿ ಅದ್ಭುತವಾದ 4 ಹಾಡುಗಳನ್ನು ಮಾಡಿದ್ದಾರೆ. ಇದೊಂದು ಸಸ್ಪೆನ್ಸ್ ಹಾಗೂ ಥ್ರಿಲ್ಲರ್ ಕಥಾನಕ ತೆಲುಗು, ತಮಿಳು ಚಿತ್ರಗಳ ರೇಂಜ್‍ನಲ್ಲಿ ಈ ಚಿತ್ರ ಮಾಡಿದ್ದೇವೆ. ಹುಟ್ಟು ಸಾವಿನ ಮಧ್ಯೆ ಸಂದರ್ಭ ನಮ್ಮನ್ನು ಹೇಗೆಲ್ಲಾ ಆಟ ಆಡಿಸುತ್ತದೆ ಎಂದು ಈ ಚಿತ್ರದ ಮೂಲಕ ಹೇಳಿದ್ದೇವೆ. ಈ ಚಿತ್ರದ 80 ರಷ್ಟು ಭಾಗದ ಚಿತ್ರೀಕರಣ ನಡೆದಿರುವುದು ಬಳ್ಳಾರಿ ಸುತ್ತಮುತ್ತ. ಉಳಿದಂತೆ ಸಕಲೇಶಪುರ, ಬೆಂಗಳೂರು, ಶ್ರೀರಂಗಪಟ್ಟಣದಲ್ಲೂ ಶೂಟಿಂಗ್ ಮಾಡಿದ್ದೇವೆ ಎಂದು ಹೇಳಿದರು.
.
ನಾಯಕ ಕಂ ನಿರ್ಮಾಪಕ ಪುಟ್ಟರಾಜು ಮಾತನಾಡಿ ನಾನು ಬಳ್ಳಾರಿಯವನು ನಮ್ಮ ಪೋಷಕರು ವ್ಯಾಪಾರ ಮಾಡಿಕೊಂಡಿದ್ದಾರೆ. ಸಿನಿಮಾ ರಂಗದಲ್ಲಿ ಇದು ನನ್ನ ಏಳು ವರ್ಷಗಳ ಹೋರಾಟ. ನನ್ನ ಸ್ನೇಹಿತನಿಗೂ ಒಂದು ಅವಕಾಶ ಬೇಕಿತ್ತು. ನಾನೂ ಕೂಡ ತೆರೆಯ ಮೇಲೆ ಕಾಣಿಸಿಕೊಳ್ಳಬೇಕಾಗಿತ್ತು. ಹಾಗಾಗಿ ಈ ಸಿನಿಮಾಗೆ ಬಂಡವಾಳ ಹೂಡಲು ನಿರ್ಧರಿಸಿದೆ. ಮನೆಯಲ್ಲೂ ಕೂಡ ಎಲ್ಲರೂ ಸಪೋರ್ಟ್ ಮಾಡಿದರು. ಚಿತ್ರದಲ್ಲಿ ನನ್ನದು ಒಬ್ಬ ಸೈಕೋ ತರದ ಪಾತ್ರ. ಚಿತ್ರ ಸೀನ್ ಟು ಸೀನ್ ಕುತೂಹಲ ಕೆರಳಿಸುತ್ತಾ ಹೋಗುತ್ತದೆ ಎಂದು ಹೇಳಿದರು.
.
D8H 4866
ನಂತರ ಮತ್ತೊಬ್ಬ ನಟ ಅಭಿ ಮಾತನಾಡಿ ನಾನೂ ಕೂಡ ಅಸಿಸ್ಟೆಂಟ್ ಡೈರೆಕ್ಟರ್ ಆಗಿ ಕೆಲ ವರ್ಷಗಳಿಂದ ಕೆಲಸ ಮಾಡಿದ್ದೇನೆ. ವಿರಾಟ್ ಚಿತ್ರದಿಂದ ಕಲಾವಿದನಾಗಿಯೂ ಕಾಣಿಸಿಕೊಂಡಿದ್ದೇನೆ. ಫೇಸ್‍ಬುಕ್ ಮೂಲಕ ನಾನು ಈ ತಂಡಕ್ಕೆ ಪರಿಚಿತನಾದೆ. ಈ ಚಿತ್ರದಲ್ಲಿ ನನ್ನದು ಡಬಲ್ ರೋಲ್. ಇದೊಂದು ತ್ರಿಕೋನ ಪ್ರೇಮಕಥೆ. ಪಕ್ಕಾ ರಾ ಲವ್ ಸಬ್ಜೆಕ್ಟ್ ಎಂದು ಚಿಕ್ಕದಾಗಿ ತನ್ನ ಪರಿಚಯ ಮಾಡಿಕೊಂಡರು. ನಂತರ ನಾಯಕಿ ವರ್ಷ ಮಾತನಾಡಿ ನಾನು ತೆರೆಯ ಮೇಲೆ ಕಾಣಿಸಿಕೊಳ್ಳಬೇಕು ಎಂಬುದು ನನ್ನ ತಾತನ ಆಸೆಯಾಗಿತ್ತು. ನನಗೆ ಆಕ್ಟಿಂಗ್ ಬಗ್ಗೆ ನನಗೇನು ಗೊತ್ತಿದ್ದಿಲ್ಲ. ಈ ಚಿತ್ರದಲ್ಲಿ ವರ್ಕ್ ಮಾಡಿ ಸಾಕಷ್ಟು ಕಲಿತೆ. ಈ ತರದ ಅವಕಾಶ ಮುಂದೆ ನನಗೆ ಸಿಗಲಿ ಎಂದು ಹೇಳಿದರು.
.
ಸಂಗೀತ ನಿರ್ದೇಶಕ ಲೋಕಿ ಮಾತನಾಡಿ ಹಂಸಲೇಖ ಅವರ ದೇಸಿ ಕಾಲೇಜಿನಲ್ಲಿ ವರ್ಕ್ ಮಾಡಿದ್ದೆ. ವೆರೈಟಿ ಸಾಂಗ್ ಈ ಚಿತ್ರದಲ್ಲಿದೆ ಎಂದು ಹೇಳಿದರು. ವಿನು ಮನಸು ಈ ಚಿತ್ರಕ್ಕೆ ಹಿನ್ನೆಲೆ ಸಂಗೀತ ಒದಗಿಸಿದ್ದಾರೆ. ಪ್ರದೀಪ್ ಗಾಂಧಿ ಈ ಚಿತ್ರದ ಛಾಯಾಗ್ರಾಹಕರು. ಯಾರ್ ಯಾರೋ ಗೋರಿ ಮೇಲೆ ಚಿತ್ರದ ಹಾಡುಗಳ ಧ್ವನಿಸುರುಳಿಯನ್ನು ಹಿರಿಯ ನಿರ್ದೇಶಕ ಹೆಚ್.ವಾಸು, ಎಂ.ಡಿ.ಶ್ರೀಧರ್ ಹಾಗೂ ತೆಲುಗು ನಟ ಶಫಿ ಸೇರಿ ಬಿಡುಗಡೆ ಮಾಡಿದರು.
.
#YaarYaaroGoriMele #Cineloka
ಕಳೆದ ವರ್ಷ ಬಿಡುಗಡೆಯಾಗಿದ್ದ ಶುದ್ಧಿ ಚಿತ್ರದ ಮೂಲಕ ಸ್ಯಾಂಡಲ್ವುಡ್ನ ಸೂಕ್ಷ್ಮ ಸಂವೇದನೆಯುಳ್ಳ ನಿರ್ದೇಶಕ ಎಂಬ ಹೆಸರು ಮಾಡಿದ್ದ, ಆದರ್ಶ್ ಈಶ್ವರಪ್ಪ "ಭಿನ್ನ" ಎಂಬ ಸಿನಿಮಾವನ್ನು ಮಾಡುತ್ತಿದ್ದಾರೆ.
.
 ಈ ಕಥೆಯನ್ನು ಪುಟ್ಟಣ ಕಣಗಾಲ್ ಅವರ 'ಶರಪಂಜರ'ವನ್ನು ಆಧಾರವಾಗಿಟ್ಟುಕೊಂಡು ಮಾಡಿದ್ದಾರಂತೆ. ಈ ಸಿನಿಮಾದ ನಾಯಕಿಯ ಹೆಸರು ಸಹ ಕಾವೇರಿ ಎಂದೆ ಇರುತ್ತದೆ. ಶರಪಂಜರದಲ್ಲಿ ಕಾವೇರಿ ಕ್ಯಾರೆಕ್ಟರ್ ಮಾಡಿದ್ದ ಕಲ್ಪನಾ ಅವರ ನಟನಾ ಶೈಲಿ ಆದರ್ಶ್ ಚಿತ್ರದಲ್ಲಿಯೂ ಇರುತ್ತದಂತೆ.
ಆ ಚಿತ್ರದ ಫರ್ಸ್ಟ್ ಲುಕ್ ಪೋಸ್ಟರ್ ಇಲ್ಲಿದೆ.
.
#Bhinna #Cineloka
 
ಇದೇ ಶುಕ್ರವಾರ ಬಿಡುಗಡೆಯಾಗುತ್ತಿರುವ 'ಸೀಜರ್‌' ಸಿನಿಮಾದಲ್ಲಿ ಚಿರಂಜೀವಿ ಸರ್ಜಾ ತಮ್ಮ ಡಿಫ್ರೆಂಟ್‌ ಲುಕ್‌ನಲ್ಲಿ ಮಿಂಚುತ್ತಿದ್ದಾರೆ. ವಿಶೇಷ ಎಂದರೆ ಈಚಿತ್ರದಲ್ಲಿ ಚಿರು ಕಾರ್‌ ಸೀಜ್‌ ಮಾಡುವ ವ್ಯಕ್ತಿಯಾಗಿ ನಟಿಸಿದ್ದಾರೆ.
.
ವಿನಯ್‌ಕೃಷ್ಣ ನಿದೇಶನದ ಈ ಚಿತ್ರದಲ್ಲಿ ರವಿಚಂದ್ರನ್‌, ಸಾವಿರಾರು ಕಾರುಗಳಿಗೆ ಸಾಲ ನೀಡುವ ದೊಡ್ಡ ಫೈನಾನ್ಶಿಯರ್‌ ಪಾತ್ರದಲ್ಲಿ ಕಾಣಿಸಿಕೊಂಡರೆ. ಕೊಟ್ಟ ಸಾಲ ಮರಳಿ ಬಾರದೇ ಇದ್ದಾಗ, ಅಂತಹ ವಾಹನಗಳನ್ನು ಸೀಜ್‌ ಮಾಡುವ ಯುವಕನ ಪಾತ್ರದಲ್ಲಿ ಚಿರಂಜೀವಿ ಸರ್ಜಾ ನಟಿಸಿದ್ದಾರೆ. ಸಾಲದಲ್ಲಿ ಪಡೆದ ವಾಹನಗಳನ್ನು ತನ್ನ ಸಮಾಜ ವಿರೋಧಿ ಕೃತ್ಯಗಳಿಗೆ, ಅರಾಜಕ ದಂಧೆಗಳಿಗೆ ಬಳಸಿಕೊಳ್ಳುವ ಪಾತ್ರದಲ್ಲಿ ಪ್ರಕಾಶ್‌ ರೈ ಕಾಣಿಸಿಕೊಂಡಿದ್ದಾರೆ.
.
 D8H 4205
ಈ ಚಿತ್ರದಲ್ಲಿ ವಿಶಿಷ್ಟವಾದ ಮೀಸೆ ಬಿಟ್ಟು ಚಿರು ಮಿಂಚುತ್ತಿದ್ದಾರೆ. ಈ ಚಿತ್ರವನ್ನು ನಿರ್ಮಾಪಕರು ಕನ್ನಡ ಸೇರಿದಂತೆ ನಾಲ್ಕು ಭಾಷೆಗಳಲ್ಲಿ ಬಿಡುಗಡೆ ಮಾಡುತ್ತಿದ್ದಾರೆ. ಚಂದನ್‌ ಶೆಟ್ಟಿ ಈ ಚಿತ್ರಕ್ಕೆ ಸಂಗೀತ ಸಂಯೋಜನೆ ಮಾಡುವುದರ ಜತೆಗೆ ಸಾಹಿತ್ಯ ಕೂಡ ಬರೆದ್ದಾರೆ. ಪಾರೂಲ್‌ ಯಾದವ್‌ ನಾಯಕಿಯಾಗಿ ನಟಿಸಿದ್ದಾರೆ.
.
#Seizer #Cineloka

 

ದುನಿಯಾ ವಿಜಯ್‌ ಅವರ ಬಹು ನಿರೀಕ್ಷಿತ ಚಿತ್ರ ಕುಸ್ತಿಗೆ ವಿಜಯ್‌ ಅವರು ಸಕಲ ತಯಾರಿಗಳನ್ನು ಮಾಡಿಕೊಳ್ಳುತ್ತಿದ್ದಾರೆ. ಅನಿಲ್‌ ಮಂಡ್ಯ ನಿರ್ದೇಶನ ಮಾಡುತ್ತಿರುವ ಈ ಚಿತ್ರದ ಮೂಲಕ ವಿಜಯ್‌ ತಮ್ಮ ಪುತ್ರ ಸಾಮ್ರಾಟ್‌ರನ್ನು ಬೆಳ್ಳಿತೆರೆಗೆ ತರುತ್ತಿದ್ದಾರೆ. ಇಡೀ ಸಿನಿಮಾ ಮಟ್ಟಿ ಕುಸ್ತಿಯನ್ನು ಆಧರಿಸಿದ್ದ ಚಿತ್ರವಾಗಿದ್ದು, ಅದಕ್ಕಾಗಿ ವಿಜಿ ಮತ್ತು ಸಾಮ್ರಾಟ್‌ ಈಗಾಗಲೇ ಭರ್ಜರಿ ತಯಾರಿ ಆರಂಭಿಸಿದ್ದಾರೆ.

 

WhatsApp Image 2018 04 10 at 3.35.42 PM

ವಿಜಯ್‌ ಉತ್ತರ ಕರ್ನಾಟಕದಿಂದ ರಾಷ್ಟ್ರೀಯ ಮಟ್ಟದ ನಾಲ್ವರು ಕುಸ್ತಿಪಟುಗಳನ್ನು ಕರೆಸಿ ಅವರಿಂದ ಪಟ್ಟುಗಳನ್ನು ಕಲಿಯುತ್ತಿದ್ದಾರೆ. ತಾವು ಕಲಿಯುವುದರ ಜತೆಗೆ ತಮ್ಮ ಪುತ್ರ ಸಾಮ್ರಾಟ್‌ಗೂ ಕಲಿಸುತ್ತಿದ್ದಾರೆ. ಪುತ್ರ ಸಾಮ್ರಾಟ್‌ಗೆ ಈಗ ಬೇಸಿಗೆ ರಜೆ ಇದೆ. ಹಾಗಾಗಿ ಪ್ರತಿ ದಿನ ಬೆಳಗ್ಗೆ ಮತ್ತು ಸಂಜೆ ಎರಡು ಹೋತ್ತು ಕುಸ್ತಿ, ಫಿಟ್‌ನೆಸ್‌ ಬಗ್ಗೆ ವಿಜಯ್‌ ಖುದ್ದು ತರಬೇತಿ ನೀಡುತ್ತಿದ್ದಾರೆ. ಇದರ ಜತೆಯಲ್ಲಿ ರಾಷ್ಟ್ರ ಮಟ್ಟದಲ್ಲಿ ಬಾಲಕರ ಕುಸ್ತಿಯಲ್ಲಿ ಹೆಸರು ಮಾಡಿರುವ ಒಬ್ಬ ಹುಡುಗ ಸಿನಿಮಾದಲ್ಲಿ ನಟಿಸುತ್ತಿದ್ದಾನೆ.

 

 

ಈ ಕಥೆಯನ್ನು ದುನಿಯಾ ವಿಜಯ್‌ ಅವರೇ ಬರೆದಿದ್ದು, ಅದಕ್ಕಾಗಿ ಸಾಕಷ್ಟು ಕುಸ್ತಿಪಟುಗಳಿಂದ ಮಾಹಿತಿ ಪಡೆದಿದ್ದಾರೆ. ಕುಸ್ತಿ ಕಲೆ ನಶಿಸಿಹೋಗುತ್ತಿರುವ ಹೊತ್ತಲ್ಲಿ ದುನಿಯಾ ವಿಜಯ್‌ ಕುಸ್ತಿಯನ್ನು ಆಧಾರವಾಗಿಟ್ಟುಕೊಂಡು ಒಳ್ಳೆ ಸಿನಿಮಾ ಮಾಡಲು ಹೊರಟಿದ್ದಾರೆ. ಈ ಚಿತ್ರದ ಚಿತ್ರೀಕರಣ ಜೂನ್‌ನಲ್ಲಿ ಆರಂಭವಾಗಲಿದೆ.

ವಿನಯ್‌ ಕೃಷ್ಣ ನಿರ್ದೇಶನದ ಸೀಜರ್‌ ಚಿತ್ರ ಈ ವಾರ ಬಿಡುಗಡೆಯಾಗಲಿದೆ. ಈ ಚಿತ್ರದಲ್ಲಿ ಯುವ ಸಾಮ್ರಾಟ್‌ ಚಿರಂಜೀವಿ ಸರ್ಜಾ ಜತೆ ಕ್ರೇಜಿಸ್ಟಾರ್‌ ರವಿಚಂದ್ರನ್‌ ನಟಿಸಿದ್ದು, ರವಿಚಂದ್ರನ್‌ಗಾಗಿ ಚಿತ್ರತಂಡ ವಿಶಿಷ್ಟ ಕಾರನ್ನು ಡಿಸೈನ್‌ ಮಾಡಿದೆ.

 

ಈ ಸಿನಿಮಾದಲ್ಲಿ ರವಿಚಂದ್ರನ್‌ ಕಾರುಗಳಿಗೆ ಫೈನಾನ್ಸ್‌ ಮಾಡುವ ಫೈನಾನ್ಸಿಯರ್‌ ಪಾತ್ರದಲ್ಲಿ ನಟಿಸಿದ್ದು, ಇವರ ಆಫೀಸ್‌ನ ಟೇಬಲ್‌ ಕೂಡಾ ಕಾರಿನ ಆಕಾರದಲ್ಲಿಯೇ ತಯಾರಿಸಲಾಗಿದೆ.

 

ಅಲ್ಲದೇ, ರವಿಚಂದ್ರನ್‌ ಅಭಿನಯದ ಏಕಾಂಗಿ ಚಿತ್ರದಲ್ಲಿ ಒಂದು ಕಪ್ಪು ಸ್ಯಾಂಟ್ರೋ ಕಾರನ್ನು ಬಳಸಿದ್ದರು. ಸೀಜರ್‌ನಲ್ಲಿ ಅದೇ ರೀತಿಯ ಮತ್ತೊಂದು ಕಾರನ್ನು ಇವರು ಸಿನಿಮಾ ಪೂರ್ತಿ ಬಳಸಿದ್ದಾದೆ. ತ್ರಿವಿಕ್ರಮ… ನಿರ್ಮಾಣ ಮಾಡಿರುವ ಈ ಚಿತ್ರದಲ್ಲಿ ರವಿಚಂದ್ರನ್‌ ಬಳಸುವ ಕಾರ್‌ ನಂಬರ್‌ ಪ್ಲೇಟ್‌ 'ಕೆಎ 01 ವೈ ಜೆಡ್‌' ಅಂತಿದೆ. ಅಲ್ಲದೇ, ಕಾರಿನ ಮುಂದೆ ಕ್ರೇಜಿ ಸ್ಟಾರ್‌, ಕಾರಿನ ಗೇರ್‌ನ್ನ್ನು ತಲೆಬುರುಡೆಯಲ್ಲಿ ವಿನ್ಯಾಸ ಮಾಡಲಾಗಿದೆ. ಕಾರಿನ ಹಿಂದೆ ಒಂದು ಸಾಲು- ಇನ್‌ಜೂರ್ಡ್‌ ಬೈ ಮಾಫಿಯಾ ಎಂದು ಬರೆಸಲಾಗಿದೆ.

ravi

 

ಇಡೀ ಸಿನಿಮಾ ಕಾರ್‌ ಮಾಫಿಯಾ ಸುತ್ತ ಸಾಗುತ್ತದೆ. ಪಾರುಲ್‌ ಯಾದವ್‌ ಈ ಚಿತ್ರದ ನಾಕಿಯಾಗಿದ್ದಾರೆ.
ಏಪ್ರಿಲ್ 13 ರಂದು ಚಿತ್ರ ತೆರೆಗೆ ಬರುತ್ತಿದೆ.

ಆರ್‌ ಜೆ ರೋಹಿತ್ ಮತ್ತು ರವಿಚಂದ್ರನ್‌ ನಟನೆಯ ಬಕಾಸುರ ಚಿತ್ರ ಇದೇ 27ಕ್ಕೆ ಬಿಡುಗಡೆಯಾಗಲಿದೆ.
ಕರ್ವ ಮೂಲಕ ಗಮನ ಸೆಳೆದಿದ್ದ ನಿರ್ದೇಶಕ ನವನೀತ್‌ 'ಬಕಾಸುರ' ಚಿತ್ರವನ್ನು ನಿರ್ದೇಶನ ಮಾಡಿದ್ದಾರೆ.ದುಡ್ಡಿನ ಹಿಂದೆ ಹೋಗುವ ಮನುಷ್ಯನಿಗೆ ಯಾವ ರೀತಿಯ ತೊಂದರೆಗಳು ಬರುತ್ತವೆ ಎಂಬುದನ್ನು ಚಿತ್ರದಲ್ಲಿ ಹೇಳಲಾಗಿದೆಯಂತೆ. ನಟ ರೋಹಿತ್‌ ತನ್ನ ಸ್ನೇಹಿತರೊಂದಿಗೆ ಸೇರಿಕೊಂಡು ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ.
.
ವಿಶೇಷ ಎಂದರೆ ರವಿಚಂದ್ರನ್‌ ಈ ಚಿತ್ರದಲ್ಲಿ ನೆಗೆಟಿವ್ ಶೇಡ್‌ ಇರುವ ಪಾತ್ರದಲ್ಲಿ ನಟಿಸಿದ್ದಾರೆ. ಗಾಂಧಾರಿ ಸೀರಿಯಲ್‌ ಖ್ಯಾತಿಯ ಕಾವ್ಯ ಗೌಡ ಈ ಚಿತ್ರದ ನಾಯಕಿಯಾಗಿದ್ದಾರೆ.
.
ದುಡ್ಡು ಮನುಷ್ಯನ ಅಲ್ಟಿಮೇಟ್‌ ಗುರಿಯಾಗಬಾರದು, ದುಡ್ಡಿನ ಹಿಂದೆ ಹೋದರೆ ಸಮಾಜದಲ್ಲಿ, ಮನೆಯಲ್ಲಿ ಎಲ್ಲಿಯೂ ಬೆಲೆ ಸಿಗುವುದಿಲ್ಲ ಎಂಬ ಅಂಶವನ್ನು ಕಮರ್ಷಿಯಲ್‌ ಅಂಶಗಳನ್ನು ಇಟ್ಟುಕೊಂಡು ಹೇಳಲಾಗಿದೆ.
 
ಜಯಣ್ಣ ಫಿಲಂಸ್ ವಿತರಣೆ ಮೂಲಕ ಚಿತ್ರ ತೆರೆಗೆ ಬರುತ್ತಿದೆ.
.
#Buckaasuura #Cineloka

 
ಸ್ಯಾಂಡಲ್‌ವುಡ್‌ನಲ್ಲಿ ಇತ್ತೀಚೆಗೆ ಸತ್ಯಕಥೆಗಳನ್ನು ಆಧರಿಸಿದ ಚಿತ್ರಗಳು ಹೆಚ್ಚಾಗಿ ತೆರೆಗೆ ಬರುತ್ತಿವೆ. ಇದೀಗ ಅದೇ ಸಾಲಿನಲ್ಲಿ 'ಎಟಿಎಂ' ಚಿತ್ರ ಕೂಡಾ ಸೇರುತ್ತದೆ. ಈ ಚಿತ್ರದ ಇದೇ 20 ಕ್ಕೆ ಬಿಡುಗಡೆಯಾಗಲಿದೆ.
.
ಅಮರ್‌ ನಿರ್ದೇಶನದಲ್ಲಿ ಮೂಡಿಬಂದಿರುವ ಈ ಚಿತ್ರದಲ್ಲಿ ನಿರ್ದೇಶಕರು ಸತ್ಯಕಥೆಯನ್ನು ಆಧರಿಸಿ ಸಿನಿಮಾ ಮಾಡಿದ್ದಾರೆ. ಈಗಾಗಲೇ ಬಿಡುಗಡೆಯಾಗಿರುವ ಟ್ರೇಲರ್‌ ಮತ್ತು ಹಾಡುಗಳು ಜನರನ್ನು ಸೆಳೆದಿದೆ.
.
ಕೆಲವು ವರ್ಷಗಳ ಹಿಂದೆ ಹಿಂದೆ ಬೆಂಗಳೂರಿನ ಕಾಪೋರೇಷನ್‌ ವೃತ್ತದಲ್ಲಿನ ಎಟಿಎಂ ಒಂದರಲ್ಲಿ ಮಹಿಳೆಯ ಮೇಲೆ ಮಾರಣಾಂತಿಕವಾದ ಹಲ್ಲೆ ನಡೆದು ದೇಶದ ಗಮನ ಸೆಳೆದಿತ್ತು. ಇದೇ ಘಟನೆಯನ್ನು ಆಧರಿಸಿ ಈ ಚಿತ್ರವನ್ನು ಕಮರ್ಷಿಯಲ್‌ ಅಂಶಗಳನ್ನು ತುಂಬಿ ನಿರ್ಮಾಣ ಮಾಡಲಾಗಿದೆ.
.
ಇದು ಒಂದು ಕ್ರೈಂ ಓರಿಯಂಟೆಡ್ ಚಿತ್ರ ಎಂಬಂತೆ ಕಂಡರೂ ಈ ಚಿತ್ರದಲ್ಲೆಲ್ಲೂ ಕೊಲೆಗಳನ್ನು ವೈಭವೀಕರಿಸಿಲ್ಲವಂತೆ. ಈ ನೈಜ ಘಟನೆಗೆ ಸಿನಿಮಾ ಟಚ್‌ ನೀಡಿದ್ದಾರೆ ನಿರ್ದೇಶಕ ಅಮರ್‌. ವಿನಯ್ ಈ ಚಿತ್ರದ ಮೂಲಕ ನಾಯಕರಾಗಿ ನಟಿಸುತ್ತಿದ್ದಾರೆ. ಚಂದು ಗೌಡ, ಶೋಭಿತಾ, ಆ್ಯಂಕರ್‌ ಹೇಮಾ ಸೇರಿದಂತೆ ಸಾಕಷ್ಟು ಮಂದಿ ನಟಿಸಿದ್ದಾರೆ.
.
#AttemptToMurder #Cineloka

ರಾಘವೇಂದ್ರ ರಾಜ್‌ಕುಮಾರ್‌ ನಾಯಕರಾಗಿದ್ದ ಹಳೇ ನಂಜುಂಡಿ ಕಲ್ಯಾಣದಲ್ಲಿ ಮದುವೆಯ ಬಗೆಗಿನ ಸರ್ಕಸ್‌ ನಡೆಯುತ್ತದೆ, ಈ ವಾರ ಬಿಡುಗಡೆಯಾಗುತ್ತಿರುವ ನಂಜುಂಡಿ ಕಲ್ಯಾಣದಲ್ಲಿಯೂ ಮದುವೆ ಬಗೆಗಿನ ಸರ್ಕಸ್‌ ನಡೆಯುತ್ತದೆ.

 

ತಾನು ಇಷ್ಟಪಟ್ಟವರ ಜತೆ ಮದುವೆಯಾಗಲು ಸಿನಿಮಾದ ನಾಯಕ ಮಾಡುವ ನಾನಾ ವಿಧದ ಸರ್ಕಸ್ಸೇ ಈ ಚಿತ್ರದ ಕಥೆ. ಬಹಳ ಗಂಭೀರ ವಿಷಯವನ್ನು ಈ ಚಿತ್ರದಲ್ಲಿ ಹಾಸ್ಯದೊಂದಿಗೆ ಹೇಳಲಾಗಿದೆ. ಈ ಕಾರಣಕ್ಕಾಗಿ ಚಿತ್ರ ಎಲ್ಲ ವರ್ಗದ ಪ್ರೇಕ್ಷಕರಿಗೂ ಇಷ್ಟವಾಗಲಿದೆ.

 

 ಸಲಿಂಗಿಗಳು ಮದುವೆಯಾಗುವುದು ನಮ್ಮ ದೇಶದಲ್ಲಿ ನಡೆಯುವುದು ಬಹಳ ಕಡಿಮೆ. ಆದರೆ ವಿದೇಶದಲ್ಲಿ ಇದೆಲ್ಲ ಕಾಮನ್‌, ಹೀಗೆ ವಿದೇಶದಲ್ಲಿ ಸಲಿಂಗಿಯನ್ನು ಮದುವೆಯಾಗಿ ಬಂದು ನಮ್ಮ ದೇಶದಲ್ಲಿ ಏನು ಕಷ್ಟ ಪಡುತ್ತಾನೆ ಎನ್ನುವುದನ್ನು ಚಿತ್ರದಲ್ಲಿನಿರ್ದೇಶಕರು ಹೇಳಿದ್ದಾರೆ. ನಿರ್ದೇಶಕರಿಗೆ ಈ ಸಿನಿಮಾವನ್ನು ನಮ್ಮ ಜನ ಹೇಗೆ ತೆಗೆದುಕೊಳ್ಳುತ್ತಾರೆ ಎಂಬುದೇ ಕುತೂಹಲವಾಗಿದೆಯಂತೆ. ಈ ಚಿತ್ರದಲ್ಲಿ ಎಲ್ಲ ಕಮರ್ಷಿಯಲ್‌ ಅಂಶಗಳು ಇವೆ.

  

ಮಡಮಕ್ಕಿ ಖ್ಯಾತಿಯ ತನುಷ್‌ ಶಿವಣ್ಣ ಚಿತ್ರದ ನಾಯಕ. ಮೊದಲ ಬಾರಿಗೆ ಅವರು ಹೊಸರೀತಿಯ ಪಾತ್ರವನ್ನು ಮಾಡಿದ್ದಾರೆ. ಶ್ರವ್ಯ ನಾಯಕಿಯಾಗಿ ಕಾಣಿಸಿಕೊಂಡಿದ್ದು, ಕುರಿ ಪ್ರತಾಪ್‌ ಗೇ ಪಾತ್ರ ನಿರ್ವಹಿಸಿದ್ದಾರೆ. 

ಪ್ರತಿ ಸಿನಿಮಾ ಆರಂಭಕ್ಕೂ ಮುನ್ನ ಪ್ರಸಾರವಾಗುವ ನೋ ಸ್ಮೋಕಿಂಗ್‌ ಜಾಹಿರಾತಿನಲ್ಲಿ ಕಾಣಿಸಿಕೊಂಡಿದ್ದ ಬಾಲಕಿ ಸಿಮ್ರಾನ್‌ ನಟೇಕರ್‌ ಕೊನೆಗೂ ಕನ್ನಡಕ್ಕೆ ಬಂದಿದ್ದಾರೆ.ಈ ಹುಡುಗಿ ಕನ್ನಡ ಸಿನಿಮಾದಲ್ಲಿ ನಟಿಸಲಿದ್ದಾರೆ ಎಂಬ ಸುದ್ದಿ ಹಬ್ಬಿತ್ತು. ಈಗ ಅವರು ಬಂದು ಸದ್ದಿಲ್ಲದೇ ಶೂಟಿಂಗ್‌ ನಡೆಯುತ್ತಿದೆ.

 

ಇತ್ತೀಚೆಗೆ ಈ ಚಿತ್ರದ ಮುಹೂರ್ತ ಸಹ ನಡೆದಿದೆ. ಸಿಮ್ರನ್‌ ನಟೇಕರ್‌ ಈಗಾಗಲೇ ಬಾಲಿವುಡ್‌ ಸೇರಿದಂತೆ ಹಲವು ಭಾಷೆಯ ಸಿನಿಮಾಗಳಲ್ಲಿ ನಟಿಸಿರುವ ಇವರನ್ನು ನಾನಿ ಸಿನಿಮಾ ಖ್ಯಾತಿಯ ಸುಮಂತ್‌ ಕಾಜಲ್‌ ಸಿನಿಮಾ ಮೂಲಕ ಕನ್ನಡಕ್ಕೆ ಕರೆತಂದಿದ್ದಾರೆ.

 

ನನಗೆ ಕನ್ನಡ ಸಿನಿಮಾದಲ್ಲಿ ನಟಿಸುತ್ತಿರುವುದಕ್ಕೆ ನನಗೆ ಬಹಳ ಖುಷಿಯಾಗಿದೆ. ಸುಮಂತ್‌ ಅವರು ನನಗೆ ಮೊದಲ ಸಿನಿಮಾದಲ್ಲಿಯೇ ಒಳ್ಳೆ ಪಾತ್ರ ನೀಡಿದ್ದಾರೆ. ಈ ಚಿತ್ರದಲ್ಲಿ ಎನ್‌ಆರ್‌ಐ ಪಾತ್ರದಲ್ಲಿ ನಟಿಸುತ್ತಿದ್ದೇನೆ ಎಂದು ಮಾಧ್ಯಮಗಳಿಗೆ ತಿಳಿಸಿದರು ಸಿಮ್ರನ್‌.

ಕಾಜಲ್‌ ಚಿತ್ರ ಒಂದು ಮ್ಯೂಸಿಕಲ್‌ ಲವ್‌ಸ್ಟೋರಿಯಂತೆ. ಸಂಪೂರ್ಣ ಕುಟುಂಬ ಸಮೇತ ನೋಡುವಂತಹ ಕಥೆ ಇದಾಗಿದ್ದು, ಹಳ್ಳಿಯ ಹಿನ್ನೆಲೆಯಲ್ಲಿ ಸಿನಿಮಾವನ್ನು ಕಟ್ಟಿಕೊಡುವ ಪ್ರಯತ್ನ ಮಾಡುತ್ತಿದ್ದಾರೆ ನಿರ್ದೇಶಕ ಸುಮಂತ್‌.

 

 

ಕಾಜಲ್‌ ಸಿನಿಮಾದಲ್ಲಿ ಟೀನೇಜ್‌ಗೆ ಹೇಳಿ ಮಾಡಿಸಿದ ಕಥೆ. ಈ ಚಿತ್ರದಲ್ಲಿ ಹೊಸ ಪೀಳಿಗೆಯ ಲೈಫ್‌ ಸ್ಟೈಲ್‌ ಜತೆ ಸುಂದರ ಪ್ರೇಮಕಥೆ ಕೂಡ ಇದೆ. ಇವುಗಳ ಜತೆ ಈ ಸಿನಿಮಾ ಬಿಳಿ ಕತ್ತೆಯೊಂದು ಪ್ರಮುಖ ಪಾತ್ರ ಮಾಡುತ್ತಿದೆ.

ಕರಿಯ-೨, ಗಣಪ ಚಿತ್ರಗಳ ಮೂಲಕ ಮಾಸ್‌ ಹೀರೋ ಆಗಿದ್ದ ಸಂತೋಷ್‌ ಬಾಲರಾಜ್‌ ಈ ಚಿತ್ರಕ್ಕೆ ನಾಯಕರಾಗಿದ್ದಾರೆ. ಸಂತೋಷ್‌ ಅವರಿಗೆ ಐದನೇ ಸಿನಿಮಾ ಇದಾಗಿದ್ದು, ಇದೇ ಮೊದಲ ಬಾರಿಗೆ ಕಾಲೇಜ್‌ ವಿದ್ಯಾರ್ಥಿಯಾಗಿ ಕಾಣಿಸಿಕೊಂಡಿದ್ದಾರೆ. ನಾಯಕಿಯ ತಾಯಿಯ ಪಾತ್ರದಲ್ಲಿ ಸುಹಾಸಿನಿ ನಟಿಸುವ ಸಾಧ್ಯತೆಗಳಿದೆಯಂತೆ.

 

 

ಟ್ರೇಲರ್‌ ಮೂಲಕ ಗಮನ ಸೆಳೆದಿದ್ದ ಅಸತೋಮ ಸದ್ಗಮಯ ಸಿನಿಮಾದ ಹಾಡುಗಳು ಇತ್ತೀಚೆಗೆ ಚಂದನ್ ಶೆಟ್ಟಿ ಅವರು ಆಡಿಯೋ ಬಿಡುಗಡೆ ಮಾಡಿದರು.

 


ಈ ಚಿತ್ರವನ್ನು ರಾಜೇಶ್‌ ವೇಣೂರು ನಿರ್ದೇಶನದ ಈ ಚಿತ್ರದಲ್ಲಿ ಹಾರರ್‌ ಅಂಶಗಳ ಜತೆ ಮಕ್ಕಳ ಶಿಕ್ಷಣ ವ್ಯವಸ್ಥೆಯಲ್ಲಿ ಆಗುತ್ತಿರುವ ಬದಲಾವಣೆಗಳು ಸಹ ಇದೆಯಂತೆ. ಈ ಚಿತ್ರವನ್ನು ಮಕ್ಕಳು, ಹೆತ್ತವರು ನೋಡಲೇಬೇಕಾಗಿದೆ. ಬುದ್ದಿವಂತಿಕೆ-ಭಾವನೆಗಳು ಎರಡನ್ನು ಚೆನ್ನಾಗಿ ತೋರಿಸಲಾಗಿದೆ. ಪ್ರಸಕ್ತ ತಲೆಮಾರಿನವರು ಇಂಟಲಿಜೆನ್ಸ್‌ಗೆ ಬೆಲೆ ಕೊಡುವಂತೆ, ಕುಟುಂಬದ ಕಡೆ ಗಮನ ಹರಿಸುವುದಿಲ್ಲ. ಆದರೆ ಕುಟುಂಬ ಬಹಳ ಮುಖ್ಯ ಎಂಬುದನ್ನು ನಿರ್ದೇಶಕರು ಈ ಚಿತ್ರದ ಮೂಲಕ ಹೇಳಿದ್ದಾರೆ.

 

 

ಈ ಚಿತ್ರದ ಟ್ರೇಲರ್‌ನ್ನು ಇತ್ತೀಚೆಗೆ ದುಬೈನನಲ್ಲಿ ಬಿಡುಗಡೆ ಮಾಡಲಾಗಿತ್ತು..ದಕ್ಷಿಣ ಕನ್ನಡ ಜಿಲ್ಲೆಯ ಭಾಗಗಳು, ಮಂಡ್ಯ, ಬೆಂಗಳೂರು ಸುತ್ತಮುತ್ತ ಚಿತ್ರೀಕರಣ ನಡೆಸಲಾಗಿದೆ. ದುಬೈನಲ್ಲಿರುವ ದೀಪಕ್‌,ಪ್ರದೀಪ್‌ ಹಾಸ್ಯ ಪಾತ್ರದಲ್ಲಿ ಚೆನ್ನಾಗಿ ನಟಿಸಿದ್ದಾರೆ. ಮುಸ್ಲಿಂ ರಾಷ್ಟ್ರಗಳು, ಯುಎಸ್‌ಎ, ಯುಕೆ, ಸಿಂಗಪೂರ್‌ನಲ್ಲಿ ಏಕ ಕಾಲಕ್ಕೆ ಬಿಡುಗಡೆ ಮಾಡಲಾಗುವುದು. ಕರ್ನಾಟಕದಲ್ಲಿ ಏಪ್ರಿಲ್‌ ಕೊನೆವಾರದಲ್ಲಿ ತೆರೆಕಾಣಿಸಲು ಯೋಜನೆ ಹಾಕಲಾಗಿದೆ.

 

 

ಈ ಚಿತ್ರದಲ್ಲಿ ರಾಧಿಕಾ ಚೇತನ್‌ ನಾಯಕಿಯಾಗಿದ್ದಾರೆ. ಇವರ ಜತೆ ಬಿಗ್‌ಬಾಸ್‌ ಖ್ಯಾತಿಯ ಲಾಸ್ಯ ನಾಗರಾಜ್‌ ವಿದೇಶದ ವ್ಯಾಮೋಹ ಇಟ್ಟುಕೊಂಡಿರುವ ಹುಡುಗಿಯಾಗಿ ನಟಿಸಿದ್ದಾರೆ. ಹಾರರ್‌, ಮೆಸೆಜ್‌ ಎಲ್ಲವೂ ಈ ಚಿತ್ರದಲ್ಲಿದೆ. ಇನ್ನು ಬಿಡುಗಡೆಯಾಗಿರುವ ಹಾಡುಗಳು ಎಲ್ಲರಿಗೂ ಇಷ್ಟವಾಗುತ್ತಿವೆ.

 
ಕಿಚ್ಚ ಸುದೀಪ್‌ ಅವರ ಸಿನಿಮಾ ಕೆರಿಯರ್‌ಗೆ ದೊಡ್ಡ ಬ್ರೇಕ್‌ ನೀಡಿದ್ದು 'ಹುಚ್ಚ' ಚಿತ್ರ. ಈಗ 'ಹುಚ್ಚ-2' ಚಿತ್ರ ಇದೇ 6 ರಂದು ಬಿಡುಗಡೆಯಾಗುತ್ತಿದೆ.
ಡಾರ್ಲಿಂಗ್‌ ಸಿನಿಮಾ ಮೂಲಕ ಫೇಮಸ್‌ ಆಗಿದ್ದ ಕೃಷ್ಣ 'ಹುಚ್ಚ-2'ನಲ್ಲಿ ಹುಚ್ಚನಾಗಿದ್ದಾರೆ. ಹಿಂದೆ ಸುದೀಪ್‌ ಅವರ 'ಹುಚ್ಚ' ಸಿನಿಮಾವನ್ನು ನಿರ್ದೇಶನ ಮಾಡಿದ್ದ ಓಂಪ್ರಕಾಶ್‌ ರಾವ್‌ 'ಹುಚ್ಚ-2' ಚಿತ್ರವನ್ನು ಡೈರೆಕ್ಟ್ ಮಾಡಿದ್ದಾರೆ.
ಇದೊಂದು ಪಕ್ಕಾ ಅಕ್ಷ್ಯನ್ ಥ್ರಿಲ್ಲರ್‌ ಚಿತ್ರವಾಗಿದ್ದು, ಕೃಷ್ಣ ಅವರ ಡಿಫ್ರೆಂಟ್‌ ಲುಕ್‌ ಎಲ್ಲರಿಗೂ ಇಷ್ಟವಾಗಿದೆ.
ಡಾರ್ಲಿಂಗ್‌ ಕೃಷ್ಣನ ಜೋಡಿಯಾಗಿ ಶ್ರಾವ್ಯ ರಾವ್‌ ಅಭಿನಯಿಸಿದ್ದು, ವಿಶೇಷ ಪಾತ್ರದಲ್ಲಿ ಸಾಯಿ ಕುಮಾರ್‌ ಕಾಣಿಸಿಕೊಂಡಿದ್ದಾರೆ. ಇನ್ನುಳಿದಂತೆ ಮಾಳವಿಕಾ ಅವಿನಾಶ್‌ ನಾಯಕನ ತಾಯಿ ಪಾತ್ರದಲ್ಲಿ ಮಿಂಚಿದ್ದಾರೆ. ಅವಿನಾಶ್‌, ಓಂ ಪ್ರಕಾಶ್‌ ರಾವ್‌ ಸೇರಿದಂತೆ ಹಲವರು ಅಭಿನಯಿಸಿದ್ದಾರೆ.
ರೇಣುಕಾ ಮೂವೀಸ್‌ ಮೇಕರ್ಸ್‌ ಬ್ಯಾನರ್‌ನಡಿ ಉಮೇಶ್‌ ರೆಡ್ಡಿ ಎಂಬುವವರು ಈ ಚಿತ್ರವನ್ನ ನಿರ್ಮಾಣ ಮಾಡಿದ್ದಾರೆ. ಈ ಸಿನಿಮಾದ ಹಾಡುಗಳಿಗೆ ಅನೂಪ್‌ ಸೀಳಿನ್‌ ಸಂಗೀತ ಸಂಯೋಜಿಸಿದ್ದಾರೆ.
#Huccha2 #Cineloka
ಸ್ಯಾಂಡಲ್‌ವುಡ್‌ನ ಹಿರಿಯ ನಿರ್ದೇಶಕ ಎನ್‌ ಓಂಪ್ರಕಾಶ್‌ ರಾವ್‌ 50ರ ಮೈಲಿಗಲ್ಲಿನಲ್ಲಿದ್ದು, ತಾವು ನಿರ್ದೇಶನ ಮಾಡಲಿರುವ 50 ನೇ ಚಿತ್ರದಲ್ಲಿ ಹ್ಯಾಟ್ರಿಕ್ ಹೀರೊ ಡಾ.ಶಿವರಾಜ್‌ಕುಮಾರ್‌ ನಟಿಸುತ್ತಾರೆ ಎಂದು ಹೇಳಿದ್ದಾರೆ.
.
ಅಲ್ಲದೆ ಈ ಚಿತ್ರಕ್ಕೆ 'ತ್ರಿವಿಕ್ರಮ' ಎಂದು ಟೈಟಲ್‌ ಸಹ ಇಡಲಾಗಿದೆಯಂತೆ. ಶಿವರಾಜ್‌ಕುಮಾರ್‌ ಅವರ 50 ನೇ ಸಿನಿಮಾವನ್ನು ಓಂ ಪ್ರಕಾಶ್‌ ರಾವ್‌ ನಿರ್ದೇಶನ ಮಾಡಿದ್ದರು. ಈಗ ಓಂಪ್ರಕಾಶ್‌ ಅವರ 50 ನೇ ಸಿನಿಮಾಗೆ ಶಿವಣ್ಣ ನಾಯಕರಾಗಿ ನಟಿಸುವುದು ಪಕ್ಕಾ ಆಗಿದೆ. ಅಲ್ಲದೆ ಈ ಚಿತ್ರದಲ್ಲಿ ಬಾಲಿವುಡ್‌ನ ಸಂಜಯ್‌ ದತ್‌ ವಿಲನ್‌ ಆಗಿ ನಟಿಸುತ್ತಾರಂತೆ.
.
  
'ತ್ರಿವಿಕ್ರಮ' ಐದು ಭಾಷೆಗಳಲ್ಲಿ ತಯಾರಾಗುತ್ತಿದ್ದು, ಕನ್ನಡದಲ್ಲಿ ಶಿವಣ್ಣ ಹಾಗೂ ಇತರ ಭಾಷೆಗಳಲ್ಲಿ ಬೇರೆ ನಾಯಕರು ಇರಲಿದ್ದಾರೆ. ಆದರೆ, ಐದು ಭಾಷೆಗಳಲ್ಲೂ ಸಂಜಯ್‌ ದತ್‌ ಅವರೇ ವಿಲನ್‌ ಆಗಿ ನಟಿಸಲಿದ್ದಾರೆ ಎಂದು ಓಂ ಪ್ರಕಾಶ್ ರಾವ್ ಹೇಳಿಕೊಂಡಿದ್ದಾರೆ.
.
  
#KarunadaChakravarthy #DrShivanna #TriVikrama #Cineloka

ಹಿಂದಿಯ ಸೂಪರ್‌ ಹಿಟ್ ಚಿತ್ರ ಕ್ವೀನ್‌ನ ಕನ್ನಡ ಅವತರಿಣಿಕೆ ಬಟರ್‌ ಫ್ಲೈ ಚಿತ್ರದ ಮತ್ತೊಂದು ಶೆಡ್ಯೂಲ್‌ ಏಪ್ರಿಲ್‌ 3 ರಿಂದ ಮೈಸೂರಿನಲ್ಲಿ ಆರಂಭವಾಗಲಿದೆ.

 

ಹಿಂದಿಯಲ್ಲಿ ಕಂಗನಾ ಮಾಡಿದ್ದಪಾತ್ರವನ್ನು ಪಾರುಲ್‌ ಯಾದವ್‌ ಮಾಡುತ್ತಿದ್ದು, ಈಗಾಗಲೇ ಪ್ಯಾರೀಸ್‌ ಸೇರಿದಂತೆ ಹೊರ ದೇಶಗಳಲ್ಲಿ ಚಿತ್ರೀಕರಣ ಮುಗಿಸಿ ಬಂದಿದೆ ಚಿತ್ರತಂಡ. ಕರ್ನಾಟಕದ ಗೋಕಣಧದಲ್ಲಿಯೂ ಶೂಟಿಂಗ್‌ ಕಂಪ್ಲೀಟ್‌ ಮಾಡಿದ್ದು, ಮುಂದಿನ ಶೆಡ್ಯೂಲ್‌ ಮೈಸೂರಿನಲ್ಲಿ ಎನ್ನಲಾಗುತ್ತಿದೆ.

 

ಈ ಚಿತ್ರದಲ್ಲಿ ಶಶಿ ವರುಣ್‌ ನಾಯಕರಾಗಿ ನಟಿಸುತ್ತಿದ್ದಾರೆ. ರಮೇಶ್‌ ಅರವಿಂದ್‌ ಆ್ಯಕ್ಷನ್‌ ಕಟ್‌ ಹೇಳುತ್ತಿದ್ದು, ಇದನ್ನು ಯಥಾವತ್‌ ರಿಮೇಕ್‌ ಮಾಡದೇ, ಆ ಚಿತ್ರದ ಥೀಮ್‌ ಮಾತ್ರ ತೆಗೆದುಕೊಂಡು ನಮ್ಮ ಭಾವನೆಗಳಿಗೆ ತಕ್ಕ ದೃಶ್ಯಗಳನ್ನು ಕಟ್ಟುತ್ತಿದ್ದಾರಂತೆ.

 

ನಿರ್ಮಾಪಕರಾದ ಮನು ಕುಮಾರನ್, ನಿರ್ದೇಶಕರಾದ ರಮೇಶ್ ಅರವಿಂದ್ ಮತ್ತು ನಾಯಕಿ ಪರುಲ್ ಯಾದವ್ ಇತ್ತೀಚೆಗೆ ಚಾಮುಂಡಿ ಬೆಟ್ಟಕ್ಕೆ ತೆರಳಿ ಚಾಮುಂಡೇಶ್ವರಿ ಮಾತೆಯ ಆಶೀರ್ವಾದವನ್ನು ಪಡೆದರು.

ವಿವಿಧ್ ಫಿಲಂಸ್ ಲಾಂಛನದಡಿಯಲ್ಲಿ ಶ್ರೀಯುತ ಪ್ರಶಾಂತ್‍ರೆಡ್ಡಿ, ದೇವರಾಜ್ ಚಿಕ್ಕಣ್ಣ ನಿರ್ಮಿಸಿರುವ ಸೈಬರ್ ಕ್ರೈಂ ಥ್ರಿಲ್ಲರ್ "ಗುಳ್ಟು" ಚಿತ್ರವು ಇದೇ 30 ರಂದು ರಾಜ್ಯಾದ್ಯಂತ ತೆರೆಕಾಣಲಿದೆ.
 
ಟೀಸರ್ಸ್ ಮತ್ತು ಟ್ರೈಲರ್ ನಿಂದ ಸಿನಿರಸಿಕರಲ್ಲಿ ಕುತೂಹಲ ಮೂಡಿಸಿರುವ ಈ ಚಿತ್ರಕ್ಕೆ ಯಾವ ರೀತಿ ರೆಸ್ಪಾನ್ಸ್ ಸಿಗಲಿದೆ ನೋಡಬೇಕು.
ಚಿತ್ರಕ್ಕೆ ಶಾಂತಿಸಾಗರ್ ಛಾಯಾಗ್ರಹಣ, ಜಯಂತ್‍ಕಾಯ್ಕಿಣಿ, ಕಿರಣ್‍ಕಾವೇರಪ್ಪ, ಅನುಪ್‍ರಾಮಸ್ವಾಮಿ ಸಾಹಿತ್ಯ, ಅಮಿತ್‍ಆನಂದ್ ಸಂಗೀತ, ವರದರಾಜ್ ಕಲೆ, ಭರತ್ ಸಂಕಲನ, ಅಜರ್ ನೃತ್ಯ, ವಿಕ್ರಮ್ ಸಾಹಸವಿದ್ದು, ಚಿತ್ರದ ಸಂಭಾಷಣೆ ಹಾಗೂ ನಿರ್ದೇಶನದೊಂದಿಗೆ ಈ ಚಿತ್ರದ ಮೂಲಕ ನಿರ್ದೇಶಕರಾಗಿ ಜನಾರ್ಧನ್ ಪರಿಚಯವಾಗಲಿದ್ದಾರೆ.
 
ತಾರಾಗಣ ನವೀನ್‍ಶಂಕರ್, ಸೋನುಗೌಡ, ಅವಿನಾಶ್, ರಂಗಾಯಣರಘು, ರಾಮ್‍ಧನುಷ್, ಅಪೂರ್ವ ಮುಂತಾದವರಿದ್ದಾರೆ.
 
#Gultoo #Cineloka

ನಿರ್ದೇಶಕ ದಯಾಳ್‌ ಒಟ್ಟೊಟ್ಟಿಗೆ 'ಆ ಕರಾಳ ರಾತ್ರಿ' ಮತ್ತು 'ಪುಟ 109' ಎಂಬ ಎರಡು ಚಿತ್ರಗಳ ಮುಹೂರ್ತವನ್ನು ಒಟ್ಟಿಗೆ ಮಾಡಿದ್ದರು. ಈಗ ಎರಡೂ ಚಿತ್ರಗಳ ಚಿತ್ರೀಕರಣವನ್ನು ಅವರು ಮುಗಿಸಿದ್ದು, ಪೋಸ್ಟ್‌ ಪ್ರೊಡಕ್ಷನ್‌ ಕೆಲಸದಲ್ಲಿ ತೊಡಗಿಸಿಕೊಂಡಿದ್ದಾರೆ.

 


ಜಯರಾಮ್‌ ಕಾರ್ತಿಕ್‌, ಅನುಪಮಾ ಗೌಡ, ಜಯ ಶ್ರೀನಿವಾಸನ್‌ ಸೇರಿದಂತೆ ಸಾಕಷ್ಟು ಮಂದಿ ಕಲಾವಿದರನ್ನು ಇಟ್ಟುಕೊಂಡು 'ಆ ಕರಾಳ ರಾತ್ರಿ' ಸಿನಿಮಾವನ್ನು ಮಲೆನಾಡಲ್ಲಿ ಒಂದೇ ಶೆಡ್ಯೂಲ್‌ನಲ್ಲಿ ಶೂಟಿಂಗ್‌ ಮಾಡಿ ಮುಗಿಸಿದ್ದರು. ಇದಾದ ನಂತರ ಅಂದರೆ ಯುಗಾದಿ ಹಬ್ಬದ ದಿನ 'ಪುಟ 109'ಕ್ಕೆ ಪೂಜೆ ಮಾಡಿ ಅಂದೇ ಆ ಚಿತ್ರದ ಶೂಟಿಂಗ್‌ ಆರಂಭಿಸಿದ್ದರು. ಈಗ ಅದರ ಶೂಟಿಂಗ್‌ ಸಹ ಕಂಪ್ಲೀಟ್‌ ಆಗಿದೆ.

 


'ಪುಟ 109'ರಲ್ಲಿ ಜೆಕೆ ಮತ್ತು ನವೀನ್‌ ಕೃಷ್ಣ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರಕ್ಕೆ ನವೀನ್‌ ಕೃಷ್ಣ ಬರಹಗಾರರಾಗಿ ಕೆಲಸ ಮಾಡಿದ್ದಾರೆ. ಒಟ್ಟಿನಲ್ಲಿ ದಯಾಳ್‌ ಅಂದುಕೊಂಡಂತೆ ಎರಡು ಚಿತ್ರಗಳ ಶೂಟಿಂಗ್‌ ಕಂಪ್ಲೀಟ್‌ ಪೋಸ್ಟ್‌ ಪ್ರೊಡಕ್ಷನ್‌ನಲ್ಲಿ ಬ್ಯುಸಿಯಾಗಿದ್ದಾರೆ. ಸದ್ಯದಲ್ಲೇ ಈ ಎರಡೂ ಚಿತ್ರಗಳನ್ನು ತೆರೆ ಮೇಲೆ ಕಾಣಬಹುದು.

 

 


ಸೀನಿ ಆ್ಯಕ್ಷನ್‌ ಕಟ್‌ ಹೇಳಿರುವ '6ನೇ ಮೈಲಿ' ಚಿತ್ರವನ್ನು ನಿರ್ಮಾಣ ಮಾಡಿರುವುದು ದಕ್ಷಿಣ ಭಾರತದ ಖ್ಯಾತ ನ್ಯೂರೋ ಸರ್ಜನ್‌ ಡಾ. ಶೈಲೇಶ್‌ ಕುಮಾರ್‌.

 

 

ಹೌದು ಹರಿಹರ ಮೂಲದವರಾದ ಶೈಲೇಶ್‌ ಅವರಿಗೆ ಸಿನಿಮಾ ಮೇಲೆ ಬಹಳ ಪ್ರೀತಿ ಮತ್ತು ಆಸಕ್ತಿ. ಒಳ್ಳೆ ಸಿನಿಮಾ ಮಾಡಬೇಕು ಎಂದು ಉತ್ತಮ ಕಥೆಗಾಗಿ ಹುಡುಕುತ್ತಿದ್ದಾಗೆ ಸೀನಿಯವರು ಸಿಕ್ಕಿದ್ದಾರೆ. ಸೀನಿ ಹೇಳಿದ ಕಥೆ ಕೇಳಿ ಇಂಪ್ರೆಸ್‌ ಆದ ಶೈಲೇಶ್‌ಕುಮಾರ್‌ '6ನೇ ಮೈಲಿ' ಚಿತ್ರಕ್ಕೆ ಬಂಡವಾಳ ಹಾಕುವುದಾಗಿ ಹೇಳಿದ್ದಾರೆ. ಆಗ ತಯಾರಾಗಿದ್ದೇ ಈ ಚಿತ್ರ.

 

 

ಸಸ್ಪೆನ್ಸ್‌ ಥ್ರಿಲ್ಲರ್‌ ಸಬ್ಜೆಕ್ಟ್‌ ಇರುವ ಈ ಚಿತ್ರದಲ್ಲಿ ಸಂಚಾರಿ ವಿಜಯ್‌, ಆರ್‌ ಜೆ ನೇತ್ರಾ, ಸುದೇಶ್‌ ಸೇರಿದಂತೆ ಸಾಕಷ್ಟು ಮಂದಿ ನಟಿಸಿದ್ದಾರೆ. ಈ ಚಿತ್ರದಲ್ಲಿ ಒಂದೇ ಒಂದು ಹಾಡಿದ್ದು ಅದನ್ನು ವಸಿಷ್ಠ ಸಿಂಹ ಹಾಡಿದ್ದಾರೆ. ಈ ಹಾಡಿಗೆ ಡೆತ್‌ ಮೆಟಲ್‌ ಮ್ಯೂಸಿಕ್‌ ಬಳಸಲಾಗಿದೆ. ಈ ಹಾಡನ್ನು ಸುದೀಪ್‌ ಮೆಚ್ಚಿಕೊಂಡು ಟ್ವೀಟ್ ಮಾಡಿದ್ದರು.

 

'ಮಡಮಕ್ಕಿ' ಸಿನಿಮಾ ಮೂಲಕ ಭರವಸೆ ಮೂಡಿಸಿದ್ದ ನಟ ತನುಷ್‌ ಈಗ 'ನಂಜುಂಡಿ ಕಲ್ಯಾಣ'ದ ಮೂಲಕ ಸ್ಯಾಂಡಲ್‌ವುಡ್‌ಗೆ ವಾಪಾಸ್‌ ಆಗಿದ್ದಾರೆ.

 

1989ರಲ್ಲಿ ತೆರೆ ಕಂಡು ದೊಡ್ಡ ಮಟ್ಟದ ಯಶಸ್ಸು ಕಂಡಿದ 'ನಂಜುಂಡಿ ಕಲ್ಯಾಣ' ಸಿನಿಮಾದ ಶೀರ್ಷಿಕೆಯು 28 ವರ್ಷಗಳ ಬಳಿಕ ಬಳಸಲಾಗುತ್ತಿದೆ.

 

 

ಈಗಿನ ನಂಜುಂಡಿ ಕಲ್ಯಾಣವನ್ನು ರಂಗಕರ್ಮಿ ನಟ ರಾಜೇಂದ್ರ ಕಾರಂತ್‌ ನಿರ್ದೇಶನ ಮಾಡುತ್ತಿದ್ದಾರೆ. ಇದೊಂದು ಸಂಪೂರ್ಣ ಹಾಸ್ಯಮಯ ಚಿತ್ರವಾಗಿದ್ದು, ಕ್ಲೈಮಾಕ್ಸ್‌ ಭಾಗದ 20 ನಿಮಿಷ ಪ್ರೇಕ್ಷಕರನ್ನು ಕಾಡಿ ಅವರಿಂದ ಕಣ್ಣುಗಳನ್ನು ಒದ್ದೆಯಾಗುವಂತೆ ಮಾಡುತ್ತದಂತೆ. ಹಠಮಾರಿ ತಾಯಿಯ ಮನಸ್ಸನ್ನು ಪರಿವರ್ತಿಸಿ ಪ್ರೀತಿಸಿದ ಹುಡುಗಿಯನ್ನು ಹೇಗೆ ಮದುವೆಯಾಗುತ್ತಾನೆ ಎಂಬುದು ಸಿನಿಮಾದ ಸ್ಟೋರಿ.

 

 

ತನುಷ್‌ ನಾಯಕನಾಗಿ ಕಾಣಿಸಿಕೊಂಡಿದ್ದರೆ ಶ್ರಾವ್ಯ ನಾಯಕಿ. ಮಂಜುನಾಥ ಹೆಗಡೆ, ಪದ್ಮಜಾ ರಾವ್‌ ಮತ್ತು ಕುರಿ ಪ್ರತಾಪ್‌ ತಾರಾಗಣದಲ್ಲಿ ಇದ್ದಾರೆ. ಕಾಮಿಡಿ ದೃಶ್ಯಗಳನ್ನು ವಿಭಿನ್ನವಾಗಿ ಹೇಳುವ ಪ್ರಯತ್ನ ಮಾಡಿದ್ದಾರಂತೆ ನಿರ್ದೇಶಕರು . ಮುಂದಿನ ವಾರ(ಏಪ್ರಿಲ್ 6) ಈ ಚಿತ್ರ ಬಿಡುಗಡೆಯಾಗಲಿದ್ದು, ಪ್ರೇಕ್ಷಕರಿಗೆ ರಸದೌತಣ ನೀಡುವುದು ಖಂಡಿತಾ ಎನ್ನುತ್ತದೆ ಚಿತ್ರತಂಡ.

ದುನಿಯಾ ಚಿತ್ರದಿಂದ ವಿಜಯ್‌ ನಟಿಸುವ ಸಿನಿಮಾಗಳೆಂದರೆ ಬಹುತೇಕ ಬರೀ ಆ್ಯಕ್ಷನ್‌ ಸಿನಿಮಾಗಳು, ಹೊಡೆದಾಟ ಬಡಿದಾಟಗಳೇ ಇರುತ್ತವೆ ಎನ್ನುತ್ತಾರೆ, ಆದರೆ 'ಜಾನಿ ಜಾನಿ ಎಸ್‌ ಪಾಪಾ' ಸಿನಿಮಾದಲ್ಲಿ ವಿಜಯ್‌ ಅವರು ಸ್ಟೈಲಿಷ್‌ ಕಾಸ್ಟ್ಯೂಮ್‌ ಹಾಕಿಕೊಂಡು ಇಡೀ ಸಿನಿಮಾ ಮಿಂಚಿದ್ದಾರೆ.

 

DUXqdCmVQAAy9jP

ಹೌದು ಜಾನಿ ಜಾನಿಯಲ್ಲಿ ಒಳ್ಳೊಳ್ಳೆ ಬಟ್ಟೆ, ಗಾಗಲ್ಸ್‌ ಹಾಕಿಕೊಂಡು ಮಿಂಚಿದ್ದಾರೆ ಎಂದು ಹೇಳಲಾಗುತ್ತಿದೆ. ಈ ಹಿಂದೆ 'ಜಾನಿ ಮೇರಾ ನಾಮ್‌' ಚಿತ್ರದಲ್ಲಿಯೂ ವಿಜಿ ಸ್ಟೈಲಿಷ್‌ ಆಗಿ ಕಾಣಿಸಿಕೊಂಡಿದ್ದರು. ಈಗ ಇದು ಅದರ ಮುಂದಿನ ಭಾಗವಾಗಿದ್ದು, ಇದರಲ್ಲಿಯೂ ಅವರು ಅದಕ್ಕಿಂತ ಸ್ಟೈಲಿಷ್‌ ಆಗಿದ್ದಾರೆ.

 

 

ಇದೇ 30ಕ್ಕೆ ಚಿತ್ರ ಬಿಡುಗಡೆಯಾಗಲಿದ್ದು, ಈಗಾಗಲೇ ಬಿಡುಗಡೆಯಾಗಿರುವ ಟೀಸರ್‌ ಮತ್ತು ಪೋಸ್ಟರ್‌ಗಳು ಜನರಿಗೆ ಇಷ್ಟವಾಗಿದೆ.
ಚಿತ್ರದಲ್ಲಿ ಹೊಸ ಪದ್ಮಾವತಿಯಾಗಿ ರಚಿತಾ ರಾಮ್ ಕಾಣಿಸಿಕೊಂಡಿದ್ದಾರೆ. ಪ್ರೀತಂ ಗುಬ್ಬಿ ಇದರ ನಿರ್ದೇಶಕರು.

ನಟ, ನಿರ್ದೇಶಕ ಎಸ್ ಮೋಹನ್ ಇದ್ದ ಕಡೆ ನಗು, ಸಂಭ್ರಮ ಇರಲೇಬೇಕು. ಅದನ್ನು ಮೋಹನ್ "ಹೆಲೋ ಮಾಮಾ"...ಥೂ ಹಂಗ್ ಕರಿಬೇಡ್ರೊ ಚಿತ್ರದಲ್ಲಿ ಮುಂದುವರೆಸಿಕೊಂಡು ಬಂದಿದ್ದಾರೆ.

 

ಬಿ ಕೆ ಚಂದ್ರಶೇಖರ್ ಅವರ ಪ್ರಗತಿ ಸಿನಿಮಾಸ್ ಅಡಿಯಲ್ಲಿ ತಯಾರಾಗಿರುವ ಈ ಚಿತ್ರವನ್ನ ಇತ್ತೀಚಿಗೆ ಸೆನ್ಸಾರ್ ಮಂಡಳಿ ವೀಕ್ಷಿಸಿ ಯು/ಎ ಅರ್ಹತಾ ಪತ್ರವನ್ನು ನೀಡಿದೆ. ರಾಜಣ್ಣ ಹಾಗೂ ಕೃಷ್ಣ ಪ್ರಸಾದ್ ಈ ಚಿತ್ರದ ಜಂಟಿ ನಿರ್ಮಾಪಕರು.

 

 ಅನಿವಾರ್ಯವಾಗಿ ಹಾಗೂ ಕೆಲವೊಮ್ಮೆ ಅವಶ್ಯಕತೆ ಇಂದ ಸಮಾಜದಲ್ಲಿ 'ಮಾಮಾ' ಪದವನ್ನು ಬಳಕೆ ಮಾಡಲಾಗುತ್ತದೆ. ನಿರ್ದೇಶಕ ಮೋಹನ್ ಅವರು ಹಲವಾರು ಬಗೆಗಳಲ್ಲಿ ಆ ಪದವನ್ನು ಉಪಯೋಗ ಮಾಡಿಕೊಂಡಿದ್ದಾರೆ. ಮೋಹನ್, ಸಂಪ್ರತ, ಅರವಿಂದ್ ರಾವ್, ಭೂಮಿಕಾ, ಸೌಜನ್ಯ ಮುಖ್ಯ ತಾರಾಗಣದಲ್ಲಿ ಇದ್ದಾರೆ.

 

ಈ ಚಿತ್ರಕ್ಕೆ ಕಥೆ, ಚಿತ್ರಕಥೆ, ಸಂಭಾಷಣೆ ಹಾಗೂ ನಿರ್ದೇಶನ ಎಸ್ ಮೋಹನ್ ಮಾಡಿದ್ದರೆ, ಡಿ ಪ್ರಸಾದ್ ಬಾಬು ಛಾಯಾಗ್ರಹಣ, ಧರಂ ದೀಪ್ ಸಂಗೀತ ಒದಗಿಸಿದ್ದಾರೆ.

ಚಾಲೆಂಜಿಂಗ್ ಸ್ಟಾರ್ ದರ್ಶನ್‌ ಅಭಿನಯದ 51 ನೇ ಚಿತ್ರ 'ಯಜಮಾನ'ದ ಎರಡನೇ ಹಂತದ ಶೂಟಿಂಗ್‌ ಸೋಮವಾರದಿಂದ (ಮಾರ್ಚ್ 25) ಚಿಕ್ಕಮಗಳೂರಿನಲ್ಲಿ ಆರಂಭವಾಗಿದೆ. ಪಿ ಕುಮಾರ್‌ ಆ್ಯಕ್ಷನ್‌ ಕಟ್‌ ಹೇಳುತ್ತಿರುವ ಈ ಚಿತ್ರದಲ್ಲಿ ರಶ್ಮಿಕಾ ಮಂದಣ್ಣ, ತಾನ್ಯ ಹೋಪ್‌ ನಾಯಕಿಯರಾಗಿ ನಟಿಸುತ್ತಿದ್ದಾರೆ.
 
ಮೈಸೂರಿನಲ್ಲಿ ಮೊದಲ ಶೆಡ್ಯೂಲ್‌ನ್ನು ಚಿತ್ರತಂಡ ಇತ್ತೀಚೆಗೆ ಮುಗಿಸಿದೆ. ಈಗ ಎರಡನೇ ಶೆಡ್ಯೂಲ್‌ಗಾಗಿ ಚಿಕ್ಕಮಗಳೂರಿನಲ್ಲಿ ಬೀಡು ಬಿಟ್ಟಿದ್ದು, ಇಲ್ಲಿ ದರ್ಶನ್‌, ರಶ್ಮಿಕಾ, ದೇವರಾಜ್ ಮತ್ತು ಇನ್ನೂ ಕೆಲವು ಪ್ರಮುಖ ಕಲಾವಿದರು ಪಾಲ್ಗೊಳ್ಳಲಿದ್ದಾರೆ.
 
ಧನಂಜಯ, ರವಿಶಂಕರ್‌, ಅನೂಪ್‌ ಸಿಂಗ್‌ ಠಾಕೂರ್‌ ದರ್ಶನ್‌ಗೆ ಎದುರಾಗಿ ನಟಿಸುತ್ತಿದ್ದಾರೆ. ಹರಿಕೃಷ್ಣ ಈ ಸಿನಿಮಾಗೆ ಸಂಗೀತ ನೀಡುತ್ತಿದ್ದಾರೆ,ಬಹದ್ದೂರ್ ಚೇತನ್ ಡೈಲಾಗ್ ಬರೆದಿದ್ದಾರೆ.
 
 
  
ವಿಶೇಷ ಎಂದರೆ ಸುಮಾರು 90 ದಿನಗಳ ಕಾಲ್‌ಶೀಟ್‌ನ್ನು ದರ್ಶನ್‌ ಈ ಚಿತ್ರಕ್ಕಾಗಿ ನೀಡಿದ್ದಾರಂತೆ. ಬಿ ಸುರೇಶ್ ಮತ್ತು ಶೈಲಜಾ ನಾಗ್‌ ಈ ಚಿತ್ರಕ್ಕೆ ಬಂಡವಾಳ ಹೂಡುತ್ತಿದ್ದಾರೆ.
 
 
#Yajamana #ChallengingStarDarshan #Cineloka
ಸ್ಯಾಂಡಲ್‌ವುಡ್‌ನಲ್ಲಿ ಹೊಸ ಹೊಸ ನಿರ್ದೇಶಕರು ಹೊಸ ರೀತಿಯಲ್ಲಿ ಸಿನಿಮಾಗಳನ್ನು ಮಾಡುತ್ತಿರುತ್ತಾರೆ. ಆ ಸಾಲಿಗೆ 'ಇದೀಗ ಬಂದ ಸುದ್ದಿ' ಸಿನಿಮಾ ಕೂಡಾ ಸೇರುತ್ತದೆ. ತನ್ನ ವಿಶಿಷ್ಟ ಟೈಟಲ್‌ನಿಂದಲೇ ಗಮನ ಸೆಳೆಯುತ್ತಿರುವ ಈ ಚಿತ್ರ ಸಂಪೂರ್ಣ ಹೊಸಬರ ಪ್ರಯತ್ನ.
 
ಎಸ್‌ ಆರ್‌ ಪಾಟೀಲ್‌ ಎಂಬ ಉತ್ತರ ಕರ್ನಾಟಕದ ಯುವ ಪ್ರತಿಭೆ ನಿರ್ದೇಶನ ಮಾಡಿರುವ ಈ ಸಿನಿಮಾದಲ್ಲಿ ಸಂದೇಶ ಕೂಡಾ ಇದೆಯಂತೆ. ಈಗಾಗಲೇ ಟ್ರೇಲರ್‌ ಮತ್ತು ಪೋಸ್ಟರ್‌ಗಳು ಆನ್‌ಲೈನಲ್ಲಿ ಸುದ್ದಿ ಮಾಡಿದ್ದು, ಸಿನಿಮಾದಲ್ಲಿ ಗಂಭೀರ ವಿಚಾರದ ಬಗ್ಗೆ ಹೇಳಿದ್ದಾರೆ ಎನ್ನಲಾಗಿದೆ.
 
 
ಚಿತ್ರದಲ್ಲಿ ಕನ್ನಡಿಗ ಬಲರಾಮ, ಮಾಧವ್‌, ಶಿವಕುಮಾರ್‌ ಲೋಕೇಶ್ವರಿ ನಾಗರಾಜ, ಸಂಗೀತ ವಿಜಯ, ಬೇಬಿ ಚೈತನ್ಯ ಹಾಗೂ ಮಾಸ್ಟರ್‌ ವೃಶಾಂಕ್‌ ಹೀಗೆ ಇನ್ನೂ ಅನೇಕರು ನಟಿಸಿದ್ದಾರೆ. ಇದೇ 30ಕ್ಕೆ ಈ ಚಿತ್ರ ಬಿಡುಗಡೆಯಾಗಲಿದೆ.
 
 
#IdeegaBandaSuddi #Cineloka
 
 ಪ್ರೀತಮ್ ಗುಬ್ಬಿ ನಿರ್ದೇಶನದಲ್ಲಿ ಮೂಡಿ ಬಂದಿರುವ 'ಜಾನಿ ಜಾನಿ ಎಸ್ ಪಾಪಾ' ಸಿನಿಮಾದಲ್ಲಿ ದುನಿಯಾ ವಿಜಯ್ ರಾಮನಾಗಿದ್ದಾರೆ, ರಂಗಾಯಣ ರಘು ಹನುಮಂತನ ಅವತಾರವೆತ್ತಿದ್ದಾರೆ.
 
ಇದೇ 30ಕ್ಕೆ ಚಿತ್ರ ತೆರೆಗೆ ಬರುತ್ತಿದ್ದು, ಈ ಸಿನಿಮಾದಲ್ಲಿ ವಿಜಯ್‌ ಸಿಕ್ಸ್ ಪ್ಯಾಕ್ ರಾಮನಾಗಿದ್ದಾರೆ. ಚಿತ್ರದಲ್ಲಿ ಬರುವ ಒಂದು ಸಣ್ಣ ದೃಶ್ಯದಲ್ಲಿ ವಿಜಯ್‌ ರಾಮನ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ. ರಾಮನವಮಿ ಹಬ್ಬದ ದಿನ ಈ ರಾಮನ ಅವತಾರದ ಟೀಸರ್‌ನ್ನು ಚಿತ್ರತಂಡ ಬಿಡುಗಡೆ ಮಾಡಿದ್ದು,ಅಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿದೆ.
 
 WhatsApp Image 2018 03 25 at 3.04.09 PM
ಈ ಹಿಂದೆ ಪ್ರೀತಮ್‌ ಗುಬ್ಬಿ ಮತ್ತು ದುನಿಯಾ ವಿಜಯ್‌ ಜತೆಯಾಗಿ 'ಜಾನಿ ಮೇರಾ ನಾಮ,ಪ್ರೀತಿ ಮೇರಾ ಕಾಮ್' ಮಾಡಿದ್ದರು. ಈಗ ಅದರ ಮುಂದುವರೆದ ಭಾಗವಾಗಿ 'ಜಾನಿ ಜಾನಿ ಎಸ್ ಪಾಪ' ಸಿನಿಮಾ ಮಾಡಿದ್ದಾರೆ . ಕಳೆದ ಬಾರಿಯಂತೆ ಈ ಬಾರಿಯೂ ಕಾಮಿಡಿ ಇಟ್ಟುಕೊಂಡು ಜನರಿಗೆ ಫುಲ್ ಎಂಟರ್ಟೈನ್ಮೆಂಟ್ ನೀಡಲು ಬರುತ್ತಿದ್ದಾರಂತೆ.
 
ಈ ಸಿನಿಮಾದಲ್ಲಿ ರಾಮನ ಅವತಾರ ಯಾಕೆ ಬರುತ್ತದೆ ಎಂಬುದನ್ನು ಸಿನಿಮಾ ನೋಡಿಯೇ ತಿಳಿದುಕೊಳ್ಳಬೇಕು ಅಂತಾರೆ ನಿರ್ದೇಶಕ ಪ್ರೀತಂ ಗುಬ್ಬಿ.
'ಜಾನಿ....'ಯನ್ನು ದುನಿಯಾ ವಿಜಯ್‌ ಅವರು ತಮ್ಮ ಹೋಮ್‌ ಬ್ಯಾನರ್‌ ಆದ ದುನಿಯಾ ಟಾಕೀಸ್‌ ಬ್ಯಾನರ್‌ನಡಿ ನಿರ್ಮಾಣ ಮಾಡಿದ್ದಾರೆ.
#JohnnyJohnnyYesPapa #Cineloka #DuniyaVijay
 
ರಾಜೇಶ್ ವೇಣೂರು ನಿರ್ದೇಶನದಲ್ಲಿ ಅಶ್ವಿನ್ ಪಿರೇರಾರವರು ನಿರ್ಮಿಸುತ್ತಿರುವ “ಅಸತೋಮ ಸದ್ಗಮಯ” ಚಿತ್ರದ ಟ್ರೇಲರ್ ಮಾರ್ಚ್ 23ರಂದು, ದುಬೈನ ಹೋಟೇಲ್ ಫಾರ್ಚೂನ್ ಪ್ಲಾಜಾದಲ್ಲಿ ಬಿಡುಗಡೆಗೊಂಡಿತು. ಫಾರ್ಚೂನ್ ಗ್ರೂಪ್ ಆಫ್ ಹೋಟೇಲ್ಸ್‍ನ ಮಾಲಕರಾದ ಪ್ರವೀಣ್ ಶೆಟ್ಟಿಯವರು ಈ ಟ್ರೇಲರನ್ನು ಬಿಡುಗಡೆಗೊಳಿಸಿದರು. ನಂತರ ಮಾತನಾಡಿದ ಅವರು, ಕನ್ನಡದ ಚಿತ್ರವನ್ನು ದುಬೈಗೆ ತಂದು ಟ್ರೇಲರ್ ರಿಲೀಸ್ ಮಾಡ್ತಾ ಇರೋದು ಕನ್ನಡಿಗರಾದ ನಮಗೆಲ್ಲರಿಗೂ ತುಂಬಾ ಸಂತೋಷದ ವಿಚಾರ. ಈ ಚಿತ್ರ ಮನರಂಜನೆ ಜೊತೆಗೆ ಉತ್ತಮ ಮೆಸೇಜ್ ಇರುವಂತಹ ಚಿತ್ರ ಎಂದು ಟ್ರೇಲರ್ ನೋಡುವಾಗ ಅರ್ಥವಾಗುತ್ತದೆ. ಈ ಚಿತ್ರ ಯಶಸ್ವಿಯಾಗಿ, ಕರ್ನಾಟಕದಾದ್ಯಂತ ಮನೆಮಾತಾಗಲಿ ಎಂದು ಹಾರೈಸಿದರು.
 
ನಂತರ ಮಾತನಾಡಿದ ಜೈನ್ ಮಿಲನ್ ಅದ್ಯಕ್ಷರಾದ ದೇವ್ ಕುಮಾರ್ ಕಾಂಬ್ಳಿಯವರು, ಚಿತ್ರದ ಹೆಸರು ತುಂಬಾ ಅರ್ಥಗರ್ಬಿತವಾಗಿದೆ, ಟ್ರೇಲರ್ ನೋಡುವಾಗ ಇದರಲ್ಲಿ ಸರಕಾರಿ ಶಾಲೆಗಳ ಅವನತಿ ಬಗ್ಗೆ ಪ್ರಸ್ತಾಪವಿರುವುದು ಗೋಚರಿಸುತ್ತದೆ, ನಾನು ಕೂಡಾ ಸರ್ಕಾರಿ ಶಾಲೆಯಲ್ಲೇ ಓದಿರೋನು ಆದರೆ ದೇವರು ನನಗೆ ಯಾವುದರಲ್ಲೂ ಕಮ್ಮಿ ಮಾಡಿಲ್ಲ, ಈ ಚಿತ್ರ ಯಶಸ್ವಿಯಾಗಿ ನೂರು ದಿನ ಪೂರೈಸಲಿ ಎಂದು ಶುಭ ಹಾರೈಸಿದರು.
 
ಅರುಣ್ ಮುತುಗಡೂರ್ ಮಾತನಾಡಿ, “ಅಸತೋಮ ಸದ್ಗಮಯ” ಎನ್ನುವ ಶಬ್ದ ಕೇಳುವಾಗಲೇ ನಮ್ಮ ನೆನಪು ಶಾಲದಿನಗಳೆಡೆಗೆ ಜಾರುತ್ತದೆ. ಯಾಕೆಂದರೆ ಓದುವಾಗ ನಮ್ಮ ದಿನಚರಿ ಪ್ರಾರಂಭವಾಗುತ್ತಿದ್ದದ್ದೇ ಅಸತೋಮ ಸದ್ಗಮಯ ಮಂತ್ರದಿಂದ, ಈ ಚಿತ್ರದಲ್ಲಿ ಕೂಡ ಸರ್ಕಾರಿ ಶಾಲೆಯ ಪ್ರಸ್ತಾಪವಿರುವುದರಿಂದ, ಈ ಟೈಟಲ್ ಸೂಕ್ತವಾಗಿದೆ ಎಂದರು.
 
ಚಿತ್ರದ ನಿರ್ಮಾಪಕರಾದ ಅಶ್ವಿನ್ ಪಿರೇರಾ ಮಾತನಾಡಿ, ಕನ್ನಡ ಚಿತ್ರಗಳಾಗಲೀ ಅಥವಾ ಯಾವುದೇ ಕನ್ನಡ ಕಾರ್ಯಕ್ರಮಗಳಿಗೆ ನೀವು ನೀಡಿದ ಪ್ರೋತ್ಸಾಹ, ನಮ್ಮನ್ನು ಟ್ರೇಲರ್ ಬಿಡುಗಡೆಗೆ ಇಲ್ಲಿಯ ತನಕ ಕರೆದುಕೊಂಡು ಬಂದಿದೆ. ನಮ್ಮ ಚಿತ್ರಕ್ಕೂ ಇದೇ ತರಹ ಪ್ರೋತ್ಸಾಹ ನೀಡಬೇಕಾಗಿ ಕೇಳಿಕೊಂಡರು.
 
#AsathomaSadgamaya #Cineloka
'ನಟಸಾರ್ವಭೌಮ' ಚಿತ್ರದಲ್ಲಿ ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಯಾವ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ ಎಂಬ ಕೂತುಹಲ ಪ್ರೇಕ್ಷಕರಲ್ಲಿತ್ತು. ಆ ಕುತೂಹಲಕ್ಕೆ ಈಗ ತೆರೆಬಿದ್ದಿದೆ.
 
ಅಪ್ಪು ತಮ್ಮ 28ನೇ ಚಿತ್ರ 'ನಟಸಾರ್ವಭೌಮ'ದಲ್ಲಿ ರಿಪೋರ್ಟರ್‌ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಪವನ್‌ ಒಡೆಯರ್ ನಿರ್ದೇಶನದ ರಾಕ್‌ಲೈನ್‌ ವೆಂಕಟೇಶ್‌ ನಿರ್ಮಾಣ ಮಾಡುತ್ತಿರುವ ಈ ಚಿತ್ರದ ಶೂಟಿಂಗ್‌ ಭರ್ಜರಿಯಾಗಿ ನಡೆಯುತ್ತಿದೆ. ರವಿಶಂಕರ್‌ ಎಂಟ್ರಿ ಸೀನ್‌ ಅನ್ನು ಇತ್ತೀಚೆಗೆ ಮೈಸೂರಿನ ವಿಮಾನ ನಿಲ್ದಾಣದಲ್ಲಿ ಚಿತ್ರೀಕರಿಸಿದ್ದಾರೆ.
ಈ ಚಿತ್ರದಲ್ಲಿ ಪುನೀತ್‌ ರಾಜ್‌ಕುಮಾರ್‌ಗೆ ರಚಿತಾ ರಾಮ್‌ ನಾಯಕಿಯಾಗಿದ್ದಾರೆ. ರಚಿತಾ ರಾಮ್‌ ನಟನೆಯ ಜಾನಿ ಜಾನಿ ಎಸ್‌ ಪಪ್ಪಾ ಈ ವಾರ ಬಿಡಗುಡೆಯಾಗಲಿದೆ.
 
 
ಅಪ್ಪು ಹುಟ್ಟು ಹಬ್ಬಕ್ಕೆ ಬಿಡುಗಡೆ ಮಾಡಿದ್ದ ಚಿತ್ರದ ಫರ್ಸ್ಟ್ ಲುಕ್ ಅಭಿಮಾನಿಗಳಿಗೆ ಖುಷಿ ಕೊಟ್ಟಿತ್ತು. ಪ್ರತಿ ಸಿನಿಮಾದಲ್ಲಿಯೂ ವಿಭಿನ್ನ ಪಾತ್ರಗಳನ್ನು ಮಾಡುವ ಪುನೀತ್‌ ರಾಜ್‌ಕುಮಾರ್‌ ಈ ಬಾರಿ ರಿಪೋರ್ಟರ್‌ ಆಗಿ ಯಾವ ಮೋಡಿ ಮಾಡುತ್ತಾರೋ ಕಾದು ನೋಡಬೇಕಿದೆ.
 
#Cineloka #NataSarvabhowma #PowerStarPuneethRajkumar
 
ಎಂ.ಬಿಗ್‌ ಪಿಕ್ಚರ್ಸ್‌ ಲಾಂಛನದಲ್ಲಿ ತಯಾರಾಗಿರುವ 'ಹೈಪರ್‌' ಸಿನಿಮಾದ ಟ್ರೇಲರ್‌ ಈಗ ಹಿಟ್‌ ಆಗಿದ್ದು, 22 ಲಕ್ಷಕ್ಕೂ ಹೆಚ್ಚು ಮಂದಿ ವೀಕ್ಷಿಸಿದ್ದಾರೆ.
ಜಮ್ಮು, ಕಾಶ್ಮೀರ, ಮಡಿಕೇರಿ, ಬೆಂಗಳೂರು ಮುಂತಾದ ಕಡೆ ಚಿತ್ರೀಕರಣ ನಡೆದಿರುವ ಈ ಚಿತ್ರದಲ್ಲಿ ಅರ್ಜುನ್‌ ಆರ್ಯ ನಾಯಕರಾಗಿದ್ದಾರೆ.
ನಾಯಕ ಅರ್ಜುನ್‌ ಆರ್ಯ ಬರೆದಿರುವ ಈ ಕಥೆಗೆ ಗಣೇಶ್‌ ವಿನಾಯಕ್‌ ಎಂಬುವವರು ಆ್ಯಕ್ಷನ್‌ ಕಟ್‌ ಹೇಳಿದ್ದಾರೆ.
ಕಾಲೇಜ್‌ ಲವ್‌ ಸ್ಟೊರಿ ಹಾಗೂ ಅಪ್ಪ- ಮಗಳ ಭಾಂಧವ್ಯದ ಕಥಾ ಹಂದರ ಈ ಚಿತ್ರದಲ್ಲಿದ್ದು, ಐದು ಹಾಡುಗಳನ್ನು ಹೊಂದಿದೆ. ತಮಿಳಿನ ಖ್ಯಾತ ಸಂಗೀತ ನಿರ್ದೇಶಕ ಡಿ ಇಮಾನ್‌ ಈ ಚಿತ್ರಕ್ಕೆ ಮ್ಯೂಸಿಕ್‌ ಕಂಪೋಸ್‌ ಮಾಡಿದ್ದಾರೆ. ಎ.ಪಿ.ಅರ್ಜುನ್‌, ಬಹದ್ದೂರ್‌ ಚೇತನ್‌, ದಿಲ್‌ವಾಲ ಅನಿಲ್‌ ಹಾಗೂ ಗೌಸ್‌ಫಿರ್‌ ಬರೆದಿದ್ದಾರೆ.
 
ಅರ್ಜುನ್‌ ಆರ್ಯ, ಶೀಲ, ರಂಗಾಯಣ ರಘು, ಶೊಭರಾಜ್‌, ಬುಲೆಚ್‌ ಪ್ರಕಾಶ್‌, ಅಚ್ಯುತಕುಮಾರ್‌ ಸೇರಿದಂತೆ ಸಾಕಷ್ಟು ಮಂದಿ ಈ ಚಿತ್ರದಲ್ಲಿ ನಟಿಸಿದ್ದಾರೆ.
ಟ್ರೇಲರ್ ಲಿಂಕ್ : https://www.youtube.com/watch?v=TCLX6LPSCSs

ಸೀನಿ ನಿರ್ದೇಶನದ '6ನೇ ಮೈಲಿ' ಚಿತ್ರದಲ್ಲಿ ಒಂದೇ ಒಂದು ಹಾಡಿದ್ದು, ಆ ಹಾಡನ್ನು ಕಿಚ್ಚ ಸುದೀಪ್‍ ಮೆಚ್ಚಿಕೊಂಡು ಟ್ವೀಟ್‍ ಮಾಡಿದ್ದಾರೆ.

 

ಡೆತ್‍ ಮೆಟಲ್‍ ಮ್ಯೂಸಿಕ್‍ ಬಳಸಿದ್ದ ಹಾಡು ಬಿಡುಗಡೆಗೂ ಮುನ್ನವೇ ಸುದ್ದಿ ಮಾಡಿತ್ತು. "6ನೇ ಮೈಲಿ" ಚಿತ್ರದ ಈ ಹಾಡಿಗೆ ಲಂಡನ್‍ನಲ್ಲಿ ಗ್ರ್ಯಾಮಿ ಅವಾರ್ಡ್‍ ವಿನ್ನರ್ಸ್‍ ಬಳಿ ಡೆತ್‍ ಮೆಟಲ್‍ ಮ್ಯೂಸಿಕ್‍ ಕಂಪೋಸ್‍ ಮಾಡಿಸಲಾಗಿತ್ತು. ಈ ಹಾಡನ್ನು ಇತ್ತೀಚೆಗೆ ಸುದೀಪ್‍ ಕೇಳಿದ್ದಾರೆ, ಕೇಳಿ ಇದರಲ್ಲಿ ಬಳಸಿರುವ ಮ್ಯೂಸಿಕ್‍ ಬಗ್ಗೆ ಮತ್ತು ಹಾಡಿದ ವಸಿಷ್ಠ ಸಿಂಹ ಬಗ್ಗೆಯೂ ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ.

 

ಈ ಚಿತ್ರದಲ್ಲಿ ನಟ ಸಂಚಾರಿ ವಿಜಯ್‌ ವಿಭಿನ್ನ ಪಾತ್ರದಲ್ಲಿ ನಟಿಸಿದ್ದು, ಟ್ರಕ್ಕಿಂಗ್‌ ಲೀಡರ್‌ ಆಗಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರದಲ್ಲಿ ರಿಯಲ್‌ ಆರ್‌ಜೆಗಳ ತಂಡವೊಂದು ನಟಿಸಿರುವುದು ವಿಶೇಷ.

 

ಟ್ರಕ್ಕಿಂಗ್‌ಗೆ ಹೋದ ಎರಡು ತಂಡಗಳು 6ನೇ ಮೈಲಿಯ ಸಮೀಪ ದಾರಿ ತಪ್ಪುತ್ತಾರೆ. ಇದು ಹೇಗಾಗುತ್ತದೆ. ಮುಂದೆ ಏನಾಗುತ್ತದೆ ಎನ್ನುವುದು ಚಿತ್ರದ ಕತೆ. ಇದರ ಜತೆ ನಕ್ಸಲರ ಸ್ಟೋರಿಯೂ ಇದೆ ಎನ್ನುವ ಸುದ್ದಿಯಿದೆ.

Page 6 of 14

na anigif

aaadi nigif

ad free

ರಿಯಲ್ ಸ್ಟಾರ್ ಉಪೇಂದ್ರ ರಾಜ್ಯ ರಾಜಕೀಯದಲ್ಲಿ ಯಾವ ಪಕ್ಷ ಸೇರಬೇಕು.?
  • Votes: (0%)
  • Votes: (0%)
  • Votes: (0%)
  • Votes: (0%)
  • Votes: (0%)
Total Votes:
First Vote:
Last Vote:
Go to top