tarakaasura

ttm

adweb

udgharsha

ಸ್ಯಾಂಡಲ್‌ವುಡ್‌ನಲ್ಲಿ ಹೊಸ ಹೊಸ ನಿರ್ದೇಶಕರು ಹೊಸ ರೀತಿಯಲ್ಲಿ ಸಿನಿಮಾಗಳನ್ನು ಮಾಡುತ್ತಿರುತ್ತಾರೆ. ಆ ಸಾಲಿಗೆ 'ಇದೀಗ ಬಂದ ಸುದ್ದಿ' ಸಿನಿಮಾ ಕೂಡಾ ಸೇರುತ್ತದೆ. ತನ್ನ ವಿಶಿಷ್ಟ ಟೈಟಲ್‌ನಿಂದಲೇ ಗಮನ ಸೆಳೆಯುತ್ತಿರುವ ಈ ಚಿತ್ರ ಸಂಪೂರ್ಣ ಹೊಸಬರ ಪ್ರಯತ್ನ.
 
ಎಸ್‌ ಆರ್‌ ಪಾಟೀಲ್‌ ಎಂಬ ಉತ್ತರ ಕರ್ನಾಟಕದ ಯುವ ಪ್ರತಿಭೆ ನಿರ್ದೇಶನ ಮಾಡಿರುವ ಈ ಸಿನಿಮಾದಲ್ಲಿ ಸಂದೇಶ ಕೂಡಾ ಇದೆಯಂತೆ. ಈಗಾಗಲೇ ಟ್ರೇಲರ್‌ ಮತ್ತು ಪೋಸ್ಟರ್‌ಗಳು ಆನ್‌ಲೈನಲ್ಲಿ ಸುದ್ದಿ ಮಾಡಿದ್ದು, ಸಿನಿಮಾದಲ್ಲಿ ಗಂಭೀರ ವಿಚಾರದ ಬಗ್ಗೆ ಹೇಳಿದ್ದಾರೆ ಎನ್ನಲಾಗಿದೆ.
 
 
ಚಿತ್ರದಲ್ಲಿ ಕನ್ನಡಿಗ ಬಲರಾಮ, ಮಾಧವ್‌, ಶಿವಕುಮಾರ್‌ ಲೋಕೇಶ್ವರಿ ನಾಗರಾಜ, ಸಂಗೀತ ವಿಜಯ, ಬೇಬಿ ಚೈತನ್ಯ ಹಾಗೂ ಮಾಸ್ಟರ್‌ ವೃಶಾಂಕ್‌ ಹೀಗೆ ಇನ್ನೂ ಅನೇಕರು ನಟಿಸಿದ್ದಾರೆ. ಇದೇ 30ಕ್ಕೆ ಈ ಚಿತ್ರ ಬಿಡುಗಡೆಯಾಗಲಿದೆ.
 
 
#IdeegaBandaSuddi #Cineloka
 
 ಪ್ರೀತಮ್ ಗುಬ್ಬಿ ನಿರ್ದೇಶನದಲ್ಲಿ ಮೂಡಿ ಬಂದಿರುವ 'ಜಾನಿ ಜಾನಿ ಎಸ್ ಪಾಪಾ' ಸಿನಿಮಾದಲ್ಲಿ ದುನಿಯಾ ವಿಜಯ್ ರಾಮನಾಗಿದ್ದಾರೆ, ರಂಗಾಯಣ ರಘು ಹನುಮಂತನ ಅವತಾರವೆತ್ತಿದ್ದಾರೆ.
 
ಇದೇ 30ಕ್ಕೆ ಚಿತ್ರ ತೆರೆಗೆ ಬರುತ್ತಿದ್ದು, ಈ ಸಿನಿಮಾದಲ್ಲಿ ವಿಜಯ್‌ ಸಿಕ್ಸ್ ಪ್ಯಾಕ್ ರಾಮನಾಗಿದ್ದಾರೆ. ಚಿತ್ರದಲ್ಲಿ ಬರುವ ಒಂದು ಸಣ್ಣ ದೃಶ್ಯದಲ್ಲಿ ವಿಜಯ್‌ ರಾಮನ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ. ರಾಮನವಮಿ ಹಬ್ಬದ ದಿನ ಈ ರಾಮನ ಅವತಾರದ ಟೀಸರ್‌ನ್ನು ಚಿತ್ರತಂಡ ಬಿಡುಗಡೆ ಮಾಡಿದ್ದು,ಅಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿದೆ.
 
 WhatsApp Image 2018 03 25 at 3.04.09 PM
ಈ ಹಿಂದೆ ಪ್ರೀತಮ್‌ ಗುಬ್ಬಿ ಮತ್ತು ದುನಿಯಾ ವಿಜಯ್‌ ಜತೆಯಾಗಿ 'ಜಾನಿ ಮೇರಾ ನಾಮ,ಪ್ರೀತಿ ಮೇರಾ ಕಾಮ್' ಮಾಡಿದ್ದರು. ಈಗ ಅದರ ಮುಂದುವರೆದ ಭಾಗವಾಗಿ 'ಜಾನಿ ಜಾನಿ ಎಸ್ ಪಾಪ' ಸಿನಿಮಾ ಮಾಡಿದ್ದಾರೆ . ಕಳೆದ ಬಾರಿಯಂತೆ ಈ ಬಾರಿಯೂ ಕಾಮಿಡಿ ಇಟ್ಟುಕೊಂಡು ಜನರಿಗೆ ಫುಲ್ ಎಂಟರ್ಟೈನ್ಮೆಂಟ್ ನೀಡಲು ಬರುತ್ತಿದ್ದಾರಂತೆ.
 
ಈ ಸಿನಿಮಾದಲ್ಲಿ ರಾಮನ ಅವತಾರ ಯಾಕೆ ಬರುತ್ತದೆ ಎಂಬುದನ್ನು ಸಿನಿಮಾ ನೋಡಿಯೇ ತಿಳಿದುಕೊಳ್ಳಬೇಕು ಅಂತಾರೆ ನಿರ್ದೇಶಕ ಪ್ರೀತಂ ಗುಬ್ಬಿ.
'ಜಾನಿ....'ಯನ್ನು ದುನಿಯಾ ವಿಜಯ್‌ ಅವರು ತಮ್ಮ ಹೋಮ್‌ ಬ್ಯಾನರ್‌ ಆದ ದುನಿಯಾ ಟಾಕೀಸ್‌ ಬ್ಯಾನರ್‌ನಡಿ ನಿರ್ಮಾಣ ಮಾಡಿದ್ದಾರೆ.
#JohnnyJohnnyYesPapa #Cineloka #DuniyaVijay
 
ರಾಜೇಶ್ ವೇಣೂರು ನಿರ್ದೇಶನದಲ್ಲಿ ಅಶ್ವಿನ್ ಪಿರೇರಾರವರು ನಿರ್ಮಿಸುತ್ತಿರುವ “ಅಸತೋಮ ಸದ್ಗಮಯ” ಚಿತ್ರದ ಟ್ರೇಲರ್ ಮಾರ್ಚ್ 23ರಂದು, ದುಬೈನ ಹೋಟೇಲ್ ಫಾರ್ಚೂನ್ ಪ್ಲಾಜಾದಲ್ಲಿ ಬಿಡುಗಡೆಗೊಂಡಿತು. ಫಾರ್ಚೂನ್ ಗ್ರೂಪ್ ಆಫ್ ಹೋಟೇಲ್ಸ್‍ನ ಮಾಲಕರಾದ ಪ್ರವೀಣ್ ಶೆಟ್ಟಿಯವರು ಈ ಟ್ರೇಲರನ್ನು ಬಿಡುಗಡೆಗೊಳಿಸಿದರು. ನಂತರ ಮಾತನಾಡಿದ ಅವರು, ಕನ್ನಡದ ಚಿತ್ರವನ್ನು ದುಬೈಗೆ ತಂದು ಟ್ರೇಲರ್ ರಿಲೀಸ್ ಮಾಡ್ತಾ ಇರೋದು ಕನ್ನಡಿಗರಾದ ನಮಗೆಲ್ಲರಿಗೂ ತುಂಬಾ ಸಂತೋಷದ ವಿಚಾರ. ಈ ಚಿತ್ರ ಮನರಂಜನೆ ಜೊತೆಗೆ ಉತ್ತಮ ಮೆಸೇಜ್ ಇರುವಂತಹ ಚಿತ್ರ ಎಂದು ಟ್ರೇಲರ್ ನೋಡುವಾಗ ಅರ್ಥವಾಗುತ್ತದೆ. ಈ ಚಿತ್ರ ಯಶಸ್ವಿಯಾಗಿ, ಕರ್ನಾಟಕದಾದ್ಯಂತ ಮನೆಮಾತಾಗಲಿ ಎಂದು ಹಾರೈಸಿದರು.
 
ನಂತರ ಮಾತನಾಡಿದ ಜೈನ್ ಮಿಲನ್ ಅದ್ಯಕ್ಷರಾದ ದೇವ್ ಕುಮಾರ್ ಕಾಂಬ್ಳಿಯವರು, ಚಿತ್ರದ ಹೆಸರು ತುಂಬಾ ಅರ್ಥಗರ್ಬಿತವಾಗಿದೆ, ಟ್ರೇಲರ್ ನೋಡುವಾಗ ಇದರಲ್ಲಿ ಸರಕಾರಿ ಶಾಲೆಗಳ ಅವನತಿ ಬಗ್ಗೆ ಪ್ರಸ್ತಾಪವಿರುವುದು ಗೋಚರಿಸುತ್ತದೆ, ನಾನು ಕೂಡಾ ಸರ್ಕಾರಿ ಶಾಲೆಯಲ್ಲೇ ಓದಿರೋನು ಆದರೆ ದೇವರು ನನಗೆ ಯಾವುದರಲ್ಲೂ ಕಮ್ಮಿ ಮಾಡಿಲ್ಲ, ಈ ಚಿತ್ರ ಯಶಸ್ವಿಯಾಗಿ ನೂರು ದಿನ ಪೂರೈಸಲಿ ಎಂದು ಶುಭ ಹಾರೈಸಿದರು.
 
ಅರುಣ್ ಮುತುಗಡೂರ್ ಮಾತನಾಡಿ, “ಅಸತೋಮ ಸದ್ಗಮಯ” ಎನ್ನುವ ಶಬ್ದ ಕೇಳುವಾಗಲೇ ನಮ್ಮ ನೆನಪು ಶಾಲದಿನಗಳೆಡೆಗೆ ಜಾರುತ್ತದೆ. ಯಾಕೆಂದರೆ ಓದುವಾಗ ನಮ್ಮ ದಿನಚರಿ ಪ್ರಾರಂಭವಾಗುತ್ತಿದ್ದದ್ದೇ ಅಸತೋಮ ಸದ್ಗಮಯ ಮಂತ್ರದಿಂದ, ಈ ಚಿತ್ರದಲ್ಲಿ ಕೂಡ ಸರ್ಕಾರಿ ಶಾಲೆಯ ಪ್ರಸ್ತಾಪವಿರುವುದರಿಂದ, ಈ ಟೈಟಲ್ ಸೂಕ್ತವಾಗಿದೆ ಎಂದರು.
 
ಚಿತ್ರದ ನಿರ್ಮಾಪಕರಾದ ಅಶ್ವಿನ್ ಪಿರೇರಾ ಮಾತನಾಡಿ, ಕನ್ನಡ ಚಿತ್ರಗಳಾಗಲೀ ಅಥವಾ ಯಾವುದೇ ಕನ್ನಡ ಕಾರ್ಯಕ್ರಮಗಳಿಗೆ ನೀವು ನೀಡಿದ ಪ್ರೋತ್ಸಾಹ, ನಮ್ಮನ್ನು ಟ್ರೇಲರ್ ಬಿಡುಗಡೆಗೆ ಇಲ್ಲಿಯ ತನಕ ಕರೆದುಕೊಂಡು ಬಂದಿದೆ. ನಮ್ಮ ಚಿತ್ರಕ್ಕೂ ಇದೇ ತರಹ ಪ್ರೋತ್ಸಾಹ ನೀಡಬೇಕಾಗಿ ಕೇಳಿಕೊಂಡರು.
 
#AsathomaSadgamaya #Cineloka
'ನಟಸಾರ್ವಭೌಮ' ಚಿತ್ರದಲ್ಲಿ ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಯಾವ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ ಎಂಬ ಕೂತುಹಲ ಪ್ರೇಕ್ಷಕರಲ್ಲಿತ್ತು. ಆ ಕುತೂಹಲಕ್ಕೆ ಈಗ ತೆರೆಬಿದ್ದಿದೆ.
 
ಅಪ್ಪು ತಮ್ಮ 28ನೇ ಚಿತ್ರ 'ನಟಸಾರ್ವಭೌಮ'ದಲ್ಲಿ ರಿಪೋರ್ಟರ್‌ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಪವನ್‌ ಒಡೆಯರ್ ನಿರ್ದೇಶನದ ರಾಕ್‌ಲೈನ್‌ ವೆಂಕಟೇಶ್‌ ನಿರ್ಮಾಣ ಮಾಡುತ್ತಿರುವ ಈ ಚಿತ್ರದ ಶೂಟಿಂಗ್‌ ಭರ್ಜರಿಯಾಗಿ ನಡೆಯುತ್ತಿದೆ. ರವಿಶಂಕರ್‌ ಎಂಟ್ರಿ ಸೀನ್‌ ಅನ್ನು ಇತ್ತೀಚೆಗೆ ಮೈಸೂರಿನ ವಿಮಾನ ನಿಲ್ದಾಣದಲ್ಲಿ ಚಿತ್ರೀಕರಿಸಿದ್ದಾರೆ.
ಈ ಚಿತ್ರದಲ್ಲಿ ಪುನೀತ್‌ ರಾಜ್‌ಕುಮಾರ್‌ಗೆ ರಚಿತಾ ರಾಮ್‌ ನಾಯಕಿಯಾಗಿದ್ದಾರೆ. ರಚಿತಾ ರಾಮ್‌ ನಟನೆಯ ಜಾನಿ ಜಾನಿ ಎಸ್‌ ಪಪ್ಪಾ ಈ ವಾರ ಬಿಡಗುಡೆಯಾಗಲಿದೆ.
 
 
ಅಪ್ಪು ಹುಟ್ಟು ಹಬ್ಬಕ್ಕೆ ಬಿಡುಗಡೆ ಮಾಡಿದ್ದ ಚಿತ್ರದ ಫರ್ಸ್ಟ್ ಲುಕ್ ಅಭಿಮಾನಿಗಳಿಗೆ ಖುಷಿ ಕೊಟ್ಟಿತ್ತು. ಪ್ರತಿ ಸಿನಿಮಾದಲ್ಲಿಯೂ ವಿಭಿನ್ನ ಪಾತ್ರಗಳನ್ನು ಮಾಡುವ ಪುನೀತ್‌ ರಾಜ್‌ಕುಮಾರ್‌ ಈ ಬಾರಿ ರಿಪೋರ್ಟರ್‌ ಆಗಿ ಯಾವ ಮೋಡಿ ಮಾಡುತ್ತಾರೋ ಕಾದು ನೋಡಬೇಕಿದೆ.
 
#Cineloka #NataSarvabhowma #PowerStarPuneethRajkumar
 
ಎಂ.ಬಿಗ್‌ ಪಿಕ್ಚರ್ಸ್‌ ಲಾಂಛನದಲ್ಲಿ ತಯಾರಾಗಿರುವ 'ಹೈಪರ್‌' ಸಿನಿಮಾದ ಟ್ರೇಲರ್‌ ಈಗ ಹಿಟ್‌ ಆಗಿದ್ದು, 22 ಲಕ್ಷಕ್ಕೂ ಹೆಚ್ಚು ಮಂದಿ ವೀಕ್ಷಿಸಿದ್ದಾರೆ.
ಜಮ್ಮು, ಕಾಶ್ಮೀರ, ಮಡಿಕೇರಿ, ಬೆಂಗಳೂರು ಮುಂತಾದ ಕಡೆ ಚಿತ್ರೀಕರಣ ನಡೆದಿರುವ ಈ ಚಿತ್ರದಲ್ಲಿ ಅರ್ಜುನ್‌ ಆರ್ಯ ನಾಯಕರಾಗಿದ್ದಾರೆ.
ನಾಯಕ ಅರ್ಜುನ್‌ ಆರ್ಯ ಬರೆದಿರುವ ಈ ಕಥೆಗೆ ಗಣೇಶ್‌ ವಿನಾಯಕ್‌ ಎಂಬುವವರು ಆ್ಯಕ್ಷನ್‌ ಕಟ್‌ ಹೇಳಿದ್ದಾರೆ.
ಕಾಲೇಜ್‌ ಲವ್‌ ಸ್ಟೊರಿ ಹಾಗೂ ಅಪ್ಪ- ಮಗಳ ಭಾಂಧವ್ಯದ ಕಥಾ ಹಂದರ ಈ ಚಿತ್ರದಲ್ಲಿದ್ದು, ಐದು ಹಾಡುಗಳನ್ನು ಹೊಂದಿದೆ. ತಮಿಳಿನ ಖ್ಯಾತ ಸಂಗೀತ ನಿರ್ದೇಶಕ ಡಿ ಇಮಾನ್‌ ಈ ಚಿತ್ರಕ್ಕೆ ಮ್ಯೂಸಿಕ್‌ ಕಂಪೋಸ್‌ ಮಾಡಿದ್ದಾರೆ. ಎ.ಪಿ.ಅರ್ಜುನ್‌, ಬಹದ್ದೂರ್‌ ಚೇತನ್‌, ದಿಲ್‌ವಾಲ ಅನಿಲ್‌ ಹಾಗೂ ಗೌಸ್‌ಫಿರ್‌ ಬರೆದಿದ್ದಾರೆ.
 
ಅರ್ಜುನ್‌ ಆರ್ಯ, ಶೀಲ, ರಂಗಾಯಣ ರಘು, ಶೊಭರಾಜ್‌, ಬುಲೆಚ್‌ ಪ್ರಕಾಶ್‌, ಅಚ್ಯುತಕುಮಾರ್‌ ಸೇರಿದಂತೆ ಸಾಕಷ್ಟು ಮಂದಿ ಈ ಚಿತ್ರದಲ್ಲಿ ನಟಿಸಿದ್ದಾರೆ.
ಟ್ರೇಲರ್ ಲಿಂಕ್ : https://www.youtube.com/watch?v=TCLX6LPSCSs

ಸೀನಿ ನಿರ್ದೇಶನದ '6ನೇ ಮೈಲಿ' ಚಿತ್ರದಲ್ಲಿ ಒಂದೇ ಒಂದು ಹಾಡಿದ್ದು, ಆ ಹಾಡನ್ನು ಕಿಚ್ಚ ಸುದೀಪ್‍ ಮೆಚ್ಚಿಕೊಂಡು ಟ್ವೀಟ್‍ ಮಾಡಿದ್ದಾರೆ.

 

ಡೆತ್‍ ಮೆಟಲ್‍ ಮ್ಯೂಸಿಕ್‍ ಬಳಸಿದ್ದ ಹಾಡು ಬಿಡುಗಡೆಗೂ ಮುನ್ನವೇ ಸುದ್ದಿ ಮಾಡಿತ್ತು. "6ನೇ ಮೈಲಿ" ಚಿತ್ರದ ಈ ಹಾಡಿಗೆ ಲಂಡನ್‍ನಲ್ಲಿ ಗ್ರ್ಯಾಮಿ ಅವಾರ್ಡ್‍ ವಿನ್ನರ್ಸ್‍ ಬಳಿ ಡೆತ್‍ ಮೆಟಲ್‍ ಮ್ಯೂಸಿಕ್‍ ಕಂಪೋಸ್‍ ಮಾಡಿಸಲಾಗಿತ್ತು. ಈ ಹಾಡನ್ನು ಇತ್ತೀಚೆಗೆ ಸುದೀಪ್‍ ಕೇಳಿದ್ದಾರೆ, ಕೇಳಿ ಇದರಲ್ಲಿ ಬಳಸಿರುವ ಮ್ಯೂಸಿಕ್‍ ಬಗ್ಗೆ ಮತ್ತು ಹಾಡಿದ ವಸಿಷ್ಠ ಸಿಂಹ ಬಗ್ಗೆಯೂ ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ.

 

ಈ ಚಿತ್ರದಲ್ಲಿ ನಟ ಸಂಚಾರಿ ವಿಜಯ್‌ ವಿಭಿನ್ನ ಪಾತ್ರದಲ್ಲಿ ನಟಿಸಿದ್ದು, ಟ್ರಕ್ಕಿಂಗ್‌ ಲೀಡರ್‌ ಆಗಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರದಲ್ಲಿ ರಿಯಲ್‌ ಆರ್‌ಜೆಗಳ ತಂಡವೊಂದು ನಟಿಸಿರುವುದು ವಿಶೇಷ.

 

ಟ್ರಕ್ಕಿಂಗ್‌ಗೆ ಹೋದ ಎರಡು ತಂಡಗಳು 6ನೇ ಮೈಲಿಯ ಸಮೀಪ ದಾರಿ ತಪ್ಪುತ್ತಾರೆ. ಇದು ಹೇಗಾಗುತ್ತದೆ. ಮುಂದೆ ಏನಾಗುತ್ತದೆ ಎನ್ನುವುದು ಚಿತ್ರದ ಕತೆ. ಇದರ ಜತೆ ನಕ್ಸಲರ ಸ್ಟೋರಿಯೂ ಇದೆ ಎನ್ನುವ ಸುದ್ದಿಯಿದೆ.

ದುನಿಯಾ ವಿಜಯ್‌ ಮತ್ತು ರಚಿತಾ ರಾಮ್‌ ನಟನೆಯ 'ಜಾನಿ ಜಾನಿ ಎಸ್‌ ಪಪ್ಪಾ' ಸಿನಿಮಾ ಸೆನ್ಸಾರ್‌ ಆಗಿದ್ದು, ಯು/ಎ ಪ್ರಮಾಣ ಪತ್ರ ಸಿಕ್ಕಿದೆ.

 

ಈಗಾಗಲೇ ಆಡಿಯೋ ಬಿಡುಡೆಯಾಗಿದ್ದು, ಜನರಿಂದ ಉತ್ತಮ ಪ್ರತಿಕ್ರಿಯೆ ಪಡೆದುಕೊಳ್ಳುತ್ತಿದೆ. ಇದೇ 30ಕ್ಕೆ ಸಿನಿಮಾ ಬಿಡುಗಡೆಯಾಗಲಿದ್ದು, ಪ್ರೀತಂ ಗುಬ್ಬಿ ಇದಕ್ಕೆ ಆ್ಯಕ್ಷನ್‌ ಕಟ್‌ ಹೇಳಿದ್ದಾರೆ.
ಜಾನಿ ಮೇರಾ ನಾಮ್‌ ಪ್ರೀತಿ ಮೇರಾ ಕಾಮ್‌ ಚಿತ್ರದ ಸಿಕ್ವೇಲ್‌ ಇದಾಗಿದ್ದು, ಫುಲ್‌ ಫನ್‌ನಿಂದ ಚಿತ್ರ ಕೂಡಿರುತ್ತದೆ ಎಂದು ಚಿತ್ರತಂಡ ಹೇಳಿದೆ.

 

ರಂಗಾಯಣ ರಘು, ಗಡ್ಡಪ್ಪ, ಅಚ್ಯುತಕುಮಾರ್‌ ಸೇರಿದಂತೆ ಸಾಕಷ್ಟು ಮಂದಿ ಈ ಸಿನಿಮಾದಲ್ಲಿ ನಟಿಸಿದ್ದಾರೆ. ಮೋಹನ್‌ ಬಿ ಕೆರೆ ಸೆಟ್‌ನ್ಲಲಿ ಈ ಚಿತ್ರದಕ್ಕಾಗಿ ವಿಶೇಷ ಸೆಟ್‌ ಹಾಕಲಾಗಿತ್ತು.

ದುನಿಯಾ ವಿಜಯ್‌ ತಮ್ಮ ಹೋಮ್‌ ಬ್ಯಾನರ್‌ ದುನಿಯಾ ಟಾಕೀಸ್‌ನಿಂದ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ.

 

ಹಿಂದಿ ಭಾಷೆಯಲ್ಲಿ ಸಿಕ್ಕಾಪಟ್ಟೆ ಬೇಡಿಕೆ ಇರುವ ಹಾಸ್ಯ ನಟ ಜಾನಿ ಲಿವರ್‌ 'ಗರ' ಎಂಬ ಕನ್ನಡ ಸಿನಿಮಾ ಮೂಲಕ ಸ್ಯಾಂಡಲ್‌ವುಡ್‌ಗೆ ಕಾಲಿಟ್ಟಿದ್ದಾರೆ. ತನ್ನ ವಿಶಿಷ್ಠವಾದ ಆಂಗಿಕ ಅಭಿನಯ ಶೈಲಿಯಿಂದಲೇ ಭಾರೀ ಮೋಡಿ ಮಾಡಿರೋ ಜಾನಿ, ಹಿಂದಿಯ ಬಹುತೇಕ ಸೂಪರ್‌ ಸ್ಟಾರ್‌ಗಳ ಜತೆ ನಟಿಸಿದ್ದಾರೆ.

 

'ಗರ' ಚಿತ್ರದಲ್ಲಿ ಕಿರುತೆರೆ ನಟ ಆರ್ಯನ್ & ಬಿಗ್‌ಬಾಸ್‌ ಖ್ಯಾತಿಯ ಟಿವಿ ನಿರೂಪಕ ರೆಹಮಾನ್‌ ನಾಯಕರಾಗಿ ನಟಿಸಿದ್ದಾರೆ.ನಾಯಕಿಯರಾಗಿ ನೇಹಾ ಪಾಟೀಲ್ ಮತ್ತು ಅವಂತಿಕಾ ಮೋಹನ್ ಇದ್ದಾರೆ. ಮುರಳಿಕೃಷ್ಣ ಇದರ ಕ್ಯಾಪ್ಟನ್‌ ಆಗಿದ್ದಾರೆ.ಈಗಾಗಲೇ ಚಿತ್ರೀಕರಣ ಕಂಪ್ಲೀಟ್‌ ಆಗಿದೆ.

 

ಜಾನಿ ಲಿವರ್‌ ಮತ್ತು ಸಾಧುಕೋಕಿಲಾ ಅವರ ಭಾಗದ ದೃಶ್ಯಗಳನ್ನು ಚಿತ್ರೀಕರಿಸಿಕೊಳ್ಳುವ ಮೂಲಕ ಕುಂಬಳಕಾಯಿ ಒಡೆಯಲಾಗಿದೆಯಂತೆ.

ಮುರಳಿಕೃಷ್ಣ ಈ ಕಥೆ ಹೇಳಿದಾಗ ಅದರ ಸೊಗಸಿಗೆ ಮನ ಸೋತೇ ರೆಹಮಾನ್‌ ನಟಿಸಲು ಒಪ್ಪಿಕೊಂಡಿದ್ದರಂತೆ. ಈ ಕಥೆಯಲ್ಲಿ ಒಂದು ಪಾತ್ರವನ್ನು ಆಯ್ಕೆ ಮಾಡಿಕೊಳ್ಳುವ ಅವಕಾಶವನ್ನೂ ನಿರ್ದೇಶಕರು ಕೊಟ್ಟಿದ್ದರಂತೆ. ಈ ಸಿನಿಮಾದಲ್ಲಿ ಅವರ ಪಾತ್ರಕ್ಕೆ ಮೂರು ಶೇಡ್‌ ಇದ್ದು, ನನ್ನ ಕೈಲಾದಷ್ಟುನ್ನು ನಾನು ಮಾಡಿದ್ದೇನೆ ಎಂದು ಅವರು ಮಾಧ್ಯಮಗಳಿಗೆ ತಿಳಿಸಿದರು.

 

ಈ ಚಿತ್ರದಲ್ಲಿಯೂ ಜಾನಿ ಲಿವರ್‌ ಸಾಧು ಕೋಕಿಲಾರ ಅಣ್ಣನಾಗಿ ನಟಿಸಿದ್ದಾರೆ. ಈ ಸಿನಿಮಾದಲ್ಲಿ ಜಾನಿ-ಸಾಧು ಕಾಂಬಿನೇಶನ್‌ ಸಿಕ್ಕಾಪಟ್ಟೆ ಇಷ್ಟವಾಗುತ್ತದಂತೆ.

 
ಸ್ಯಾಂಡಲ್‌ವುಡ್‌ನಲ್ಲಿ ಇತ್ತೀಚೆಗೆ ಸಾಕಷ್ಟು ಸಿನಿಮಾಗಳು ಟೈಟಲ್‌ನಿಂದ ಗಮನ ಸೆಳೆಯುತ್ತಿವೆ. ಈ ಸಾಲಿಗೆ ಹೊಸ ಸೇರ್ಪಡೆ ಮಂಗಳವಾರ ರಜಾದಿನ ಎಂಬ ಸಿನಿಮಾ ಕೂಡಾ ಸೇರ್ಪಡೆಯಾಗಿದೆ.
 
 
ತ್ರಿವರ್ಗ ಫಿ‚ಲಂಸ್‌ ಲಾಂಛನದಲ್ಲಿ ಟೀಮ್‌ ತ್ರಿವರ್ಗ ನಿರ್ಮಾಣ ಮಾಡುತ್ತಿರುವ ಈ ಚಿತ್ರದಲ್ಲಿ ಕಿರಿಕ್‌ ಪಾರ್ಟಿ ಖ್ಯಾತಿಯಚಂದನ್‌ ಆಚಾರ್‌ ನಾಯಕರಾಗಿ ನಟಿಸುತ್ತಿದ್ದಾರೆ. ಈಗಾಗಲೇ ಚಿತ್ರೀಕರಣ ಆರಂಭವಾಗಿದ್ದು, ಬೆಂಗಳೂರು ಸುತ್ತಮುತ್ತ ಶೂಟಿಂಗ್‌ ನಡೆಯುತ್ತಿದೆ.
 
ಯುವಿನ್‌ ಎಂಬ ಹೊಸ ಹುಡುಗ ಈ ಚಿತ್ರಕ್ಕೆ ಕಥೆ ಚಿತ್ರಕಥೆ ಸಂಭಾಷಣೆ ಬರೆದು ನಿರ್ದೇಶನವನ್ನು ಮಾಡುತ್ತಿದ್ದಾರೆ. ಯೋಗರಾಜ್‌ ಭಟ್‌ ಹಾಗೂ ಗಡ್ದ ಜಿ ಅವರ ಬಳಿ ಸಹ ನಿರ್ದೇಶಕರಾಗಿದ್ದ ಯುವಿನ್‌ಗೆ ಮಂಗಳವಾರ ರಜಾ ದಿನ ಮೊದಲ ಅನುಭವವಾಗಿದೆ. ಉದಯ್‌ ಲೀಲಾ ಅವರ ಛಾಯಾಗ್ರಹಣರುವ ಈ ಚಿತ್ರಕ್ಕೆ ಪ್ರಚೋತ್‌ ಡಿಸೋಜ ಅವರ ಸಂಗೀತ ನಿರ್ದೇಶನದೆ. ಜಯಂತ್‌ ಕಾಯ್ಕಿಣಿ, ಚಂದನ್‌ ಶೆಟ್ಟಿ, ಯೋಗರಾಜ್‌ ಭಟ್‌ ಈ ಚಿತ್ರದ ಹಾಡುಗಳನ್ನು ಬರೆದಿದ್ದಾರೆ.
 
 
ಇದೊಂದು ಹಾಸ್ಯ ಪ್ರಧಾನ ಚಿತ್ರವಾಗಿದ್ದು, ಚಂದನ್‌ಗೆ ನಾಯಕಿಯಾಗಿ ಲಾಸ್ಯ ನಾಗರಾಜ್‌ ನಟಿಸುತ್ತಿದ್ದಾರೆ. ಗೋಪಾಲಕೃಷ್ಣ ದೇಶಪಾಂಡೆ ಚಿತ್ರದ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳುತ್ತಿದ್ದಾರೆ.
ನಾಯಕ ಚಂದನ್‌ ಆಚಾರ್‌ ಚಿತ್ರದಲ್ಲಿ ಕ್ಷೌರಿಕನ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.
#MangalaVaaraRajaDina #Cineloka

 

ಒಟ್ಟೊಟ್ಟಿಗೆ ಎರಡು ಚಿತ್ರಗಳನ್ನು ಅನೌನ್ಸ್‌ ಮಾಡಿದ್ದ ನಿರ್ದೇಶಕ ದಯಾಳ್‌ ಪದ್ಮನಾಭನ್‌ ಈಗ ಒಂದು ಚಿತ್ರದ ಶೂಟಿಂಗ್‌ ಮುಗಿಸಿ ಮತ್ತೊಂದನ್ನು ಆರಂಭಿಸಿದ್ದಾರೆ.

 

ಹೌದು ಆ ಕರಾಳ ರಾತ್ರಿ ಮತ್ತು ಪುಟ 109 ಎಂಬ ಎರಡು ಚಿತ್ರವನ್ನು ದಯಾಳ್‌ ಒಟ್ಟಿಗೆ ಆರಂಭಿಸಿದ್ದರು. ಅದರಲ್ಲಿ ಮೊನ್ನೆ ಯುಗಾದಿ ದಿನ ಮಧ್ಯ ರಾತ್ರಿ 2 ಗಂಟೆಯ ಹೊತ್ತಿಗೆ ಆ ಕರಾಳ ರಾತ್ರಿ ಶೂಟಿಂಗ್‌ ಕಂಪ್ಲೀಟ್‌ ಮಾಡಿದ್ದಾರೆ. ಈಗ ಪುಟ 109 ಎಂಬ ಸಿನಿಮಾದ ಚಿತ್ರೀಕರಣವನ್ನು ಆರಂಭಿಸಿದ್ದಾರೆ.

ಯುಗಾದಿ ದಿನ ಮಧ್ಯ ರಾತ್ರಿ ಆ ಕರಾಳ ರಾತ್ರಿಗೆ ಕುಂಬಳಕಾಯಿ ಹೊಡೆದ ದಯಾಳ್‌, ಬೆಳಗ್ಗೆ 6 ಗಂಟೆಗೆ ಪುಟ 109ಕ್ಕೆ ಹೇಮಾವತಿ ನದಿಯ ಬಳಿ ಇರುವ ಗಣೇಶ ದೇವಸ್ಥಾನದಲ್ಲಿ ಪೂಜೆ ಮಾಡಿದ್ದಾರೆ.

 

ಸದ್ಯ ಬಾಳೂರು ಕಾಫಿ ಎಸ್ಟೇಟ್‌ನಲ್ಲಿ ಶೂಟಿಂಗ್‌ ನಡೆಸುತ್ತಿದ್ದು, ಇದರಲ್ಲಿ ಜಯರಾಮ್‌ ಕಾರ್ತಿಕ್‌ ಮತ್ತು ನವೀನ್‌ ಕೃಷ್ಣ ನಟಿಸುತ್ತಿದ್ದಾರೆ. ಜೆಕೆ ಇಲ್ಲಿ ಪೊಲೀಸ್‌ ಆಫೀಸರ್‌ ರೋಲ್‌ ಮಾಡುತ್ತಿದ್ದಾರೆ. ಒಟ್ಟಿನಲ್ಲಿ ದಯಾಳ್‌ ಬಹಳ ಫಾಸ್ಟಾಗಿ ಸಿನಿಮಾಗಳನ್ನು ಮುಗಿಸುತ್ತಿದ್ದಾರೆ.

ಟೈಟಲ್‌ಗಳಿಂದ ಗಮನ ಸೆಳೆಯುತ್ತಿರುವ ಸಿನಿಮಾಗಳ ಸಾಲಿಗೆ ಸೇರಿರುವ ಪ್ರಯಾಣಿಕರ ಗಮನಕ್ಕೆ ಸಿನಿಮಾದಲ್ಲಿ ಬಸ್‌ನಲ್ಲಿ ಪ್ರಯಾಣ ಮಾಡುವಾಗ ಪ್ರಯಾಣಿಕರ ನಡುವೆ ನಡೆಯುವ ಘಟನೆಗಳೇ ಕಥೆಯಾಗಿದೆಯಂತೆ.
 
ಈ ಚಿತ್ರದ ಆಡಿಯೋ ಇತ್ತೀಚೆಗೆ ಬಿಡುಗಡೆಯಾಯಿತು. ಕಾರ್ಯಕ್ರಮಕ್ಕೆ ನಿರ್ದೇಶಕರಾದ ಯಶಸ್ವಿ ಎ ಪಿ ಅರ್ಜುನ್‌ ಮತ್ತು ಭರ್ಜರಿ ಚೇತನ್‌ ಅತಿಥಿಗಳಾಗಿ ಆಗಮಿಸಿದ್ದರು.
 
ಈ ಚಿತ್ರದಲ್ಲಿ ಎರಡು ಹಾಡುಗಳಿದ್ದು, ಎ ಪಿ ಅರ್ಜುನ್‌ ಮತ್ತು ಭರ್ಜರಿ ಚೇತನ್‌ಕುಮಾರ್‌ ಬರೆದಿದ್ದಾರೆ. ರಾತ್ರಿ 6.30 ರಿಂದ 10.30ರ ಒಂದು ಬಸ್‌ನಲ್ಲಿ ಈ ಕಥೆ ನಡೆಯುತ್ತದೆ. ಕತ್ತಲಾದ ಮೇಲೆ ಬೆಂಗಳೂರು ಜಗತ್ತು ಹೇಗಿರುತ್ತೆ ಎಂಬುದನ್ನು ತೋರಿಸಿರುವುದು ಈ ಚಿತ್ರದ ವಿಶೇಷ. ಈ ಚಿತ್ರಕ್ಕೆ ಮನೋಹರ್‌ ಎಂಬುವವರು ನಿರ್ದೇಶನ ಮಾಡಿದ್ದು, ಇದು ಇವರಿಗೆ ಮೊದಲ ಸಿನಿಮಾವಾಗಿದೆ.
 
ಪ್ರಯಾಣಿಕರ ಗಮನಕ್ಕೆ ಸಿನಿಮಾದಲ್ಲಿ ಏಳು ಪ್ರಮುಖ ಪಾತ್ರಗಳಿವೆ. ಈಗಾಗಲೇ ಶೂಟಿಂಗ್‌ ಕಂಪ್ಲೀಟ್‌ ಮಾಡಿರುವ ಚಿತ್ರತಂಡ, ಪೋಸ್ಟ್‌ ಪ್ರೊಡಕ್ಷನ್‌ ಕೆಲಸದಲ್ಲಿ ಬ್ಯುಸಿಯಾಗಿದೆ.
 
ಬೆಂಗಳೂರು ಸುತ್ತಮುತ್ತ ಚಿತ್ರೀಕರಣ ನಡೆಸಿರುವು ಈ ಚಿತ್ರದಲ್ಲಿ ಚಾಲಕನಾಗಿ ಭರತ್‌, ಕಾಮಿಡಿ ಕಿಲಾಡಿಗಳು ಖ್ಯಾತಿ ಲೋಕೇಶ್‌ ಕಂಡಕ್ಟರ್‌ ಆಗಿ ಕಾಣಿಸಿಕೊಂಡಿದ್ದಾರೆ. ಅಮಿತಾರಂಗನಾಥ್‌ ,ಪವಿತ್ರಾ, ನಿನಾದ್‌ ಹರೀಶ್‌ ಷಾ, ದೀಪಕ್‌ ಶೆಟ್ಟಿ, ಅಮಿತಾ, ಗೋಪಾಲ್‌ಕೃಷ್ಣ ದೇಶಪಾಂಡೆ, ಪ್ರಣಯಮೂರ್ತಿ ನಟಿಸಿದ್ದಾರೆ.
 
3 ಪೆಗ್ ಖ್ಯಾತಿಯ ವಿಜೇತ್‌ ಕೃಷ್ಣ ಸಂಗೀತ ಒದಗಿಸಿದ್ದಾರೆ. ಸುರೇಶ್‌ ಮತ್ತು ವಕೀಲರಾಗಿರುವ ಮೋಹನ್‌ಕುಮಾರ್‌ ಈ ಚಿತ್ರಕ್ಕೆ ನಿರ್ಮಾಪಕರಾಗಿದ್ದಾರೆ.
#PrayanikaraGamanakke #Cineloka

 

ಸ್ಯಾಂಡಲ್‌ವುಡ್‌ನಲ್ಲಿ ನೈಜ ಘಟನೆಗಳನ್ನು ಆಧರಿಸಿ ಹೆಚ್ಚೆಚ್ಚು ಚಿತ್ರಗಳನ್ನು ಮಾಡುತ್ತಿದ್ದಾರೆ. ಈಗ ಬಿಡುಗಡೆಗೆ ಸಿದ್ಧವಾಗಿರುವ ಎಟಿಎಂ (ಅಟೆಂ ಟು ಮರ್ಡರ್‌) ಸಹ ನೈಜ ಘಟನೆಗಳನ್ನು ಇಟ್ಟುಕೊಂಡು ಮಾಡಿರುವ ಸಿನಿಮಾವಾಗಿದೆ.

 

ಈ ಚಿತ್ರದ ಟ್ರೇಲರ್‌ನ್ನು ಇತ್ತೀಚೆಗೆ ಕಿಚ್ಚ ಸುದೀಪ್‌ ಬಿಡುಗಡೆ ಮಾಡಿದರು. ‘ನಮ್ಮ ಅಕ್ಕ-ಪಕ್ಕದಲ್ಲಿ ನಡೆದ ಘಟನೆಯನ್ನು ತೆಗೆದುಕೊಂಡು ಕಥೆ ಮಾಡಿದ್ದಾರೆಂದು ಗೊತ್ತಾಯಿತು, ಟ್ರೇಲರ್ ಚೆನ್ನಾಗಿದೆ. ಹಿನ್ನಲೆ ಸಂಗೀತ, ವಿನಯ ಗೌಡ ಕಂಠ ಚೆನ್ನಾಗಿ ಮೂಡಿ ಬಂದಿದೆ. ಮಲೆಯಾಳಂ ಚಿತ್ರರಂಗದಲ್ಲಿ ಯುವ ಪ್ರತಿಭೆಗಳು ಉತ್ತಮ ಸಿನಿಮಾಗಳನ್ನು ನೀಡುತ್ತಿದ್ದಾರೆ. ಅಂತಹ ಪ್ರಯತ್ನಗಳು ಸ್ಯಾಂಡಲ್‌ವುಡ್‌ನಲ್ಲಿಯೂ ನಡೆಯುತ್ತಿರುವುದು ನಿಜಕ್ಕೂ ಸಂತೋಷದ ವಿಷಯ . ಇನ್ನು ಒಳ್ಳೆಯ ಕಂಟೆಂಟ್‌ ಕೊಟ್ಟರೆ ಪ್ರೆಕ್ಷಕರು ಒಪ್ಪಿಕೊಳ್ತಾರೆ, ಮತ್ತು ಮೆಚ್ಚಿಕೊಳ್ತಾರೆ, ಸಿನಿಮಾವನ್ನು ಸರಿಯಾದ ಸಮಯದಲ್ಲಿ ಬಿಡುಗಡೆ ಮಾಡಿ ಎಂದು ಚಿತ್ರತಂಡಕ್ಕೆ ಸಲಹೆ ನೀಡಿ, ಟ್ರೇಲರ್‌ ಬಿಡುಗಡೆ ಮಾಡಿದರು.

 

ಮುಗ್ಧ ಕ್ಯಾಬ್‌ ಚಾಲಕನೊಬ್ಬ ತನಗೆ ಗೊತ್ತಿಲ್ಲದೆ ತೊಂದರೆಯಲ್ಲಿ ಸಿಲುಕಿ ಹಾಕಿಕೊಂಡು, ಅನುಭವಿಸುವ ಕಷ್ಟವನ್ನು ಇಲ್ಲಿ ತೋರಿಸಲಾಗಿದೆಯಂತೆ. ಈ ಪಾತ್ರದಲ್ಲಿ ಸೀರಿಯಲ್‌ ನಟ ಚಂದು ನಟಿಸಿದ್ದಾರೆ. 2013 ಎಟಿಎಂನಲ್ಲಿ ನಡೆದ ನೈಜ ಘಟನೆಯನ್ನು ಈ ಚಿತ್ರಕ್ಕಾಗಿ ಬಳಸಿಕೊಳ್ಳಲಾಗಿದೆ.

 

ಈ ಚಿತ್ರವನ್ನು ನಾರಾಯಣ್‌ ಎಂಬುವವರು ನಿರ್ಮಾಣ ಮಾಡಿದ್ದಾರೆ. ಈ ಚಿತ್ರಕ್ಕೆ ಅಮರ್‌ ಆ್ಯಕ್ಷನ್‌ ಕಟ್‌ ಹೇಳಿದ್ದಾರೆ. ಖಾಸಗಿ ವಾಹಿನಿಯಲ್ಲಿ ಆ್ಯಂಕರ್‌ ಆಗಿರುವ ಹೇಮಾ, ಶೋಬಿತಾ ನಟಿಸಿದ್ದಾರೆ.

 
ಒಂದು ಮೊಟ್ಟೆಯ ಕಥೆ ಮೂಲಕ ಪ್ರೇಕ್ಷಕರನ್ನು ಮೋಡಿ ಮಾಡಿದರಾಜ್.ಬಿ.ಶೆಟ್ಟಿಯಿಂದ ಹಿಡಿದು ನಿತ್ಯೋತ್ಸವದ ಕವಿ ನಿಸಾರ್‍ ಅಹಮ್ಮದ್‍ವರೆಗೆ, ಸಾಲು ಸಾಲು ಮರಗಳಿಂದ ಹಸಿರಿಗೇ ಉಸಿರು ನೀಡಿದ ಸಾಲು ಮರದತಿಮ್ಮಕ್ಕನಿಂದ ಪವರ್‍ಸ್ಟಾರ್ ಪುನಿತ್‍ವರೆಗೆ...ಯಶ್, ಹಂಸಲೇಖ, ರವಿಚಂದ್ರನ್, ಸಂತೋಷ್‍ಹೆಗ್ಡೆ ಸೇರಿದಂತೆ ಗಣ್ಯಾತೀ ಗಣ್ಯರು, 20 ಪ್ರಶಸ್ತಿಗಳು, ಹಿರಿಯರ ಅನುಭವದ ಮಾತಿಗೆ, ಕಿರಿಯರ ಮನರಂಜನೆಯ ಬಾತು. ಹಾಡು, ನೃತ್ಯ, ಕುಣಿತ, ನಗುವಿನ ಕಚಗುಳಿ...ಹೀಗೆ ಸಮಸ್ತ ಕರ್ನಾಟಕದ ಹೆಮ್ಮೆಯನ್ನೇ ಕಣ್ಣೆದುರಿಗೆ ಕಟ್ಟಿಕೊಟ್ಟ ಜೀಕನ್ನಡ ವಾಹಿನಿಯ‘ಹೆಮ್ಮೆಯಕನ್ನಡಿಗ 2018’.
ಕನ್ನಡ ಕಿರುತೆರೆ ಲೋಕದಲ್ಲಿ ವರ್ಷಪೂರ್ತಿ ವಿಶಿಷ್ಠ ಕಾರ್ಯಕ್ರಮಗಳನ್ನು ಬಿತ್ತರಿಸಿ ಕರುನಾಡಿನ ಮನೆ-ಮನಗಳಿಗೆ ವ್ಯಾಪಿಸಿರುವ ಜೀ ಕನ್ನಡ, ನಮ್ಮ ನಾಡು-ನುಡಿಗಾಗಿ ಶ್ರಮಿಸಿದ ಸಾಧಕರನ್ನುಗೌರವಿಸಲು `ಹೆಮ್ಮೆಯಕನ್ನಡಿಗ 2018’ ಎಂಬ ವಿನೂತನಕಾರ್ಯಕ್ರಮವನ್ನು ಸಾದರಪಡಿಸುತ್ತಿದೆ. ಸಮಾಜದ ವಿವಿಧ ಕ್ಷೇತ್ರಗಳಾದ ಮನರಂಜನೆ, ಕ್ರೀಡೆ, ಸಮಾಜಸೇವೆ, ಪತ್ರಿಕೋದ್ಯಮ, ಸಾಹಿತ್ಯ ಮೊದಲಾದ ವಲಯಗಳಲ್ಲಿ ಅಪಾರ ಸಾಧನೆಗೈದುನಾಡಿನಘನತೆಗಗನದೆತ್ತರಕ್ಕೆ ಏರಿಸಿದವರನ್ನು ಕಾರ್ಯಕ್ರಮದಲ್ಲಿಸನ್ಮಾನಿಸುತ್ತಿದೆ.
ಕರುನಾಡಿನ ನಡೆದಾಡುವ ದೇವರೆನಿಸಿರುವ ಶ್ರೀಸಿದ್ಧಗಂಗಾ ಮಠದಪರಮಪೂಜ್ಯ ಶ್ರೀ ಡಾ||ಶಿವಕುಮಾರ ಸ್ವಾಮೀಜಿಯವರಿಗೆ‘ಕನ್ನಡದಹೆಮ್ಮೆ’ಗೌರವವನ್ನು ಸಮರ್ಪಿಸಲಾಯಿತು. ಜೀಕನ್ನಡ ವಾಹಿನಿ ಶ್ರೀಮಠಕ್ಕೆ ತೆರಳಿ ಶ್ರೀಗಳ ಸನ್ನಿಧಾನದಲ್ಲೇಅವರಿಗೆ ಈ ಗೌರವ ಸಲ್ಲಿಸಿದ್ದು ವಿಶೇಷವಾಗಿತ್ತು. ಗೌರವ ಸ್ವೀಕರಿಸಿ ಆಶೀರ್ವಚನ ನೀಡಿದ ಶ್ರೀಗಳು ಜೀಕನ್ನಡದ ಈ ಕಾರ್ಯಕ್ರಮವನ್ನು ಶ್ಲಾಘಿಸಿದರು. ವಾಹಿನಿಯಿಂದಇನ್ನಷ್ಟುಉತ್ತಮ ಕಾರ್ಯಕ್ರಮಗಳು ಬರಲಿ ಎಂಬ ಆಶಯ ವ್ಯಕ್ತಪಡಿಸಿದರು.
ಇದಲ್ಲದೆ ಹೆಮ್ಮೆಯ ಸಾಹಿತಿ, ಹೆಮ್ಮೆಯ ಪತ್ರಕರ್ತ ಸೇರಿದಂತೆ 19 ಕ್ಷೇತ್ರಗಳಲ್ಲಿ ಅನನ್ಯ ಸಾಧನೆ ಮಾಡಿದ ಸಾಧಕರನ್ನು ಆಹ್ವಾನಿಸಿ, ಅಭಿನಂದಿಸಲಾಯಿತು. ಸಾಧಕರಿಗೆ, ಅವರಷ್ಟೆ ಸಾಧನೆ ಮಾಡಿದಗಣ್ಯರಿಂದಲೇ ಈ ಗೌರವ ಸಲ್ಲಿಸಿದ್ದು ಮತ್ತೊಂದು ವಿಶೇಷವಾಗಿತ್ತು. ಕಾರ್ಯಕ್ರಮದಚಿತ್ರೀಕರಣ ಈಗಾಗಲೇ ಪೂರ್ತಿಗೊಂಡಿದ್ದು, ಮಾರ್ಚ್.17,18ರಂದುರಾತ್ರಿ 7.30ಕ್ಕೆ ಜೀಕನ್ನಡ ವಾಹಿನಿಯಲ್ಲಿಈ ಕಾರ್ಯಕ್ರಮ ಪ್ರಸಾರವಾಗಲಿದೆ.
ಯಾರಿಗೆಲ್ಲ ಗೌರವ??
ನಿತ್ಯೋತ್ಸವದ ಕವಿ ನಿಸಾರ್‍ಅಹಮ್ಮದ್‍ಅವರಿಗೆ ಜನಪದ ಕವಿ, ಪದ್ಮಶ್ರಿ ಪುರಸ್ಕøತ ದೊಡ್ಡರಂಗೇಗೌಡರು‘ಹೆಮ್ಮೆಯಸಾಹಿತಿ’ ಪ್ರಶಸ್ತಿ ನೀಡಿ ಗೌರವಿಸಿದರು.
ವಿಜಯಕರ್ನಾಟಕ ಪತ್ರಿಕೆ ಮೂಲಕ ಕನ್ನಡ ಪತ್ರಿಕೋದ್ಯಮದಲ್ಲೊಂದುಹೊಸ ಅಲೆ ಹುಟ್ಟುಹಾಕಿದ ವಿಶ್ವೇಶ್ವರ ಭಟ್ಟರಿಗೆ ನಾಡೋಜ ಪಾಟೀಲ್ ಪುಟ್ಟಪ್ಪನವರು‘ಹೆಮ್ಮೆಯಪತ್ರಕರ್ತ’ಗೌರವ ನೀಡಿ ಸನ್ಮಾಸಿದರು.
ಸಾವಿನಲ್ಲೂ ಮಾನವೀಯತೆ ಮರೆದುತನ್ನ ಕಣ್ಣುಗಳನ್ನು ದಾನ ನೀಡಿದ ಹರೀಶ್ ನಂಜಪ್ಪಅವರಿಗೆ ಹೆಮ್ಮೆಯ ಶ್ರೀಸಾಮಾನ್ಯ ಗೌರವ ನೀಡಲಾಯಿತು. ಹರೀಶ್ ನಂಜಪ್ಪ ತಾಯಿ ಗೀತಾ ಅವರು ಪಬ್ಲಿಕ್ ಟಿ.ವಿಯ ಎಚ್.ಆರ್.ರಂಗನಾಥ್‍ಅವರಿಂದ ಈ ಗೌರವ ಪಡೆದರು.
ಸಾಲು, ಸಾಲು ಮರಗಳನ್ನು ನೆಟ್ಟು ಹಸಿರಿಗೆ ಉಸಿರು ನೀಡಿದ ಸಾಲು ಮರದತಿಮ್ಮಕ್ಕನವರಿಗೆ, ಕನ್ನಡಚಿತ್ರರಂಗದ ಹೆಸರಾಂತ ನಟಿಲಕ್ಷ್ಮಿ‘ಹೆಮ್ಮೆಯಸಮಾಜಸೇವಕರು’ಪ್ರಶಸ್ತಿನೀಡಿ ಗೌರವಿಸಿದರು.
ನೈಸರ್ಗಿಕ ಕೃಷಿಯಲ್ಲಿ ಕ್ರಾಂತಿಯ ಹರಿಕಾರ ಕೋಲಾರದ ನಾರಾಯಣರೆಡ್ಡಿಯವರು ದುನಿಯಾ ವಿಜಯ್‍ ಅವರಿಂದ‘ಹೆಮ್ಮೆಯ ರೈತ’ಪ್ರಶಸ್ತಿ ಸ್ವೀಕರಿಸಿದರು.
ಮಹಿಳಾ ಕ್ರಿಕೆಟ್‍ನಲ್ಲಿ ಸಾಧನೆಗೈದ ರಾಜೇಶ್ವರಿ ಗಾಯಕ್‍ವಾಡ್ ಮತ್ತು ವೇದಾ ಕೃಷ್ಣಮೂರ್ತಿಅವರನ್ನು ನಟಿ ಲಕ್ಷ್ಮಿಅಮ್ಮ‘ಹೆಮ್ಮೆಯ ಕ್ರೀಡಾಪಟು’ಪ್ರಶಸ್ತಿಯೊಂದಿಗೆ ಗೌರವಿಸಿದರು.
ನಾಡಿಗೆ ಅನೇಕ ದಿಗ್ಗಜರನ್ನು ನೀಡಿದ ರಂಗಸಂಸ್ಥೆ ನೀನಾಸಂಗೆ ನವರಸನಾಯಕ ಜಗ್ಗೇಶ್‘ಹೆಮ್ಮೆಯ ರಂಗಸೇವೆ’ಪ್ರಶಸ್ತಿ ನೀಡಿದರು.
5 ರೂಪಾಯಿ ವೈದ್ಯರೆಂದೇ ಪ್ರಸಿದ್ಧರಾದ ಡಾ.ಶಂಕರೇಗೌಡ ಅವರನ್ನು ನಿವೃತ್ತ ಲೋಕಾಯುಕ್ತ ಸಂತೋಷ ಹೆಗ್ಡೆ ‘ಹೆಮ್ಮೆಯ ವೈದ್ಯ’ ಬಿರುದಿನೊಂದಿಗೆ ಗೌರವಿಸಿದರು.
ಐಪಿಎಸ್ ಮಾಡಿದ ಮೊದಲ ಕನ್ನಡತಿ ಎಂಬ ಖ್ಯಾತಿಯ ರೂಪಾ ಮುದ್ಗಿಲ್‍ ಅವರಿಗೆ ವಿಜಯ್‍ರಾಘವೇಂದ್ರ ಅವರು ‘ಹೆಮ್ಮೆಯ ಸಾಧಕಿ’ ಗೌರವ ನೀಡಿದರು.
ರಾಜ್‍ಕುಮಾರ್‍ಚಿತ್ರದ ಮೂಲಕ ಕನ್ನಡಚಿತ್ರರಂಗದಲ್ಲಿ ಹೊಸದೊಂದು ಹವಾ ಸೃಷ್ಟಿಸಿದ ನಿರ್ದೇಶಕ ಸಂತೋಷ್‍ ಆನಂದರಾಮ್‍ಅವರಿಗೆ ಚಿತ್ರರಂಗದ ಹಿರಿಯ ನಿರ್ದೇಶಕ ಭಾರ್ಗವ ಅವರು‘ಹೆಮ್ಮೆಯ ನಿರ್ದೇಶಕ’ಗೌರವ ನೀಡಿದರು.
ರಾಜಕುಮಾರ ಚಿತ್ರಕ್ಕೆ ರಾಕ್‍ಲೈನ್ ವೆಂಕಟೇಶ್‘ಹೆಮ್ಮೆಯ ಚಲನಚಿತ್ರ’ ಎಂಬ ಗೌರವ ನೀಡಿದರು.
ಪವರ್ ಸ್ಟಾರ್ ಪುನೀತ್‍ರಾಜ್‍ಕುಮಾರ್‍ ಅವರಿಗೆ ರವಿಚಂದ್ರನ್ ‘ಹೆಮ್ಮೆಯ ನಾಯಕನಟ’ ಗೌರವ ನೀಡಿ ಅಭಿನಂದಿಸಿದರು.
ರಶ್ಮಿಕಾ ಮಂದಣ್ಣ ಅವರಿಗೆ ರಕ್ಷಿತ್ ಶೆಟ್ಟಿ ‘ಹೆಮ್ಮೆಯ ನಟಿ’ ಎಂಬ ಗೌರವ ಸಲ್ಲಿಸಿದರು.
ಕ್ರೇಜಿಸ್ಟಾರ್‍ರವಿಚಂದ್ರನ್‍ ಅವರ ಈವರೆಗಿನ ಸಿನಿಮಾರಂಗದ ಸಾಧನೆಗಾಗಿ "ಹೆಮ್ಮೆಯ ಚಿತ್ರಬ್ರಹ್ಮ’ ಗೌರವ ನೀಡಲಾಯಿತು. ರವಿಚಂದ್ರನ್‍ ಮಕ್ಕಳಾದ ಮನೋರಂಜನ್, ವಿಕ್ರಂ ಅವರು ಈ ಗೌರವ ನೀಡಿದ್ದು ವಿಶೇಷವಾಗಿತ್ತು.
ನಟರಮೇಶ್‍ಅರವಿಂದ್‍ ಅವರಿಗೆ ಚಿತ್ರನಟ ಯಶ್ ‘ಹೆಮ್ಮೆಯ ಸ್ಫೂರ್ತಿ’ ಗೌರವ ನೀಡಿ ಗೌರವಿಸಿದರು.
ವಿ.ನಾಗೇಂದ್ರ ಪ್ರಸಾದಅವರಿಗೆ ಸಾಹಿತಿ, ಬರಹಗಾರ ಜೋಗಿ ಹಾಗೂ ನಟಿ ಸಾನ್ವಿ ಶ್ರೀವಾಸ್ತವ್ ‘ಹೆಮ್ಮೆಯ ಚಿತ್ರಸಾಹಿತಿ’ ಗೌರವ ಸಲ್ಲಿಸಿದರು.
ನಾದಬ್ರಹ್ಮ ಹಂಸಲೇಖ ಹೆಸರಾಂತ ಗಾಯಕ ವಿಜಯ್‍ಪ್ರಕಾಶ್‍ ಅವರಿಗೆ ‘ಹೆಮ್ಮೆಯ ಧ್ವನಿ’ ಗೌರವನೀಡಿ ಗೌರವಿಸಿದರು.
ಸಂಗೀತ ನಿರ್ದೇಶಕ ಅರ್ಜುನ್‍ಜನ್ಯ ಅವರಿಗೆ ನಟ ಶ್ರೀಮುರುಳಿ ‘ಹೆಮ್ಮೆಯ ಸಂಗೀತಗಾರ’ ಗೌರವ ನೀಡಿ ಗೌರವಿಸಲಾಯಿತು.
ಒಂದು ಮೊಟ್ಟೆಯ ಕಥೆ ಖ್ಯಾತಿಯ ರಾಜ್.ಬಿ.ಶೆಟ್ಟಿ ಅವರಿಗೆ ಯೋಗ್‍ರಾಜ್ ಭಟ್‍ ಅವರು ‘ಹೆಮ್ಮೆಯ ಹೊಸಪ್ರತಿಭೆ’ ಎಂಬ ಗೌರವ ನೀಡಿದರು.
ಜೀ ಕನ್ನಡ ವಾಹಿನಿಯೇ ಸಿದ್ಧಪಡಿಸಿದ ಕರುನಾಡಿನ ವಿಶೇಷತೆಯನ್ನು ಬಿಂಬಿಸುವ ‘ಹೆಮ್ಮೆಯಕನ್ನಡಿಗ’ವಿಶೇಷಗೀತೆಗೆ ನಿರೂಪಕಿ ಅನುಶ್ರಿ ನಾಡಿನ ಅನೇಕ ಕಲಾತಂಡಗಳೊಂದಿಗೆ ಹೆಜ್ಜೆಹಾಕಿದರು. ನಿರುಪಮಾ ರಾಜೇಂದ್ರ ಅವರ ನೃತ್ಯ, ಪ್ರವೀಣ್‍ಡಿ.ರಾವ್ ಸಂಗೀತ ತಂಡದೊಂದಿಗೆ ವಿಜಯ್ ಪ್ರಕಾಶ್, ಸಂಗೀತ ಕಟ್ಟಿ, ಫಯ್ಯಾಜ್‍ಖಾನ್‍ ಅವರ ಗಾಯನ, ನಟ ದುನಿಯಾ ವಿಜಯ್, ರಂಗಾಯಣರಘು, ಶರಣ್, ನಟಿ ಸಾನ್ವಿ ಶ್ರೀವಾಸ್ತವ್ ಸೇರಿದಂತೆ ಅನೇಕ ಚಿತ್ರ, ಧಾರಾವಾಹಿ ನಟ, ನಟಿಯರು ವಿವಿಧ ಗೀತೆಗಳಿಗೆ ಹೆಜ್ಜೆ ಹಾಕಿದ್ದಾರೆ.
ರಮೇಶ್‍ಅರವಿಂದ್ ನಿರೂಪಣೆಯೊಂದಿಗೆ ಮನರಂಜನೆಯ ಹಬ್ಬದೂಟವನ್ನು ಹೊಂದಿರುವ ‘ಹೆಮ್ಮೆಯಕನ್ನಡಿಗ’ಮಾರ್ಚ್.17,18 ರಂದು ರಾತ್ರಿ 7.30ಕ್ಕೆ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗಲಿದೆ.
#Cineloka #HemmeyaKannadiga #ZeeKannada

 

18 ವರ್ಷಗಳ ಹಿಂದೆ ವಿ ರವಿಚಂದ್ರನ್ ಅಭಿನಯಿಸಿದ ‘ಓ ಪ್ರೇಮವೇ ಬಿಡುಗಡೆಗೊಂಡಿತ್ತು. ಅದೇ ಶೀರ್ಷಿಕೆ ಹೊಂದಿರುವ ಮತ್ತೊಂದು ಚಿತ್ರ ಈ ವಾರ ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದೆ.

 

ಲಂಡನ್ ಫಿಲ್ಮ್ ಅಕಾಡೆಮಿಯಲ್ಲಿ ಡೈರೆಕ್ಷನ್‌ ಕೋರ್ಸ್‌ ಮಾಡಿರುವ ಮನೋಜ್ ಈ ಚಿತ್ರಕ್ಕೆ ಆ್ಯಕ್ಷನ್‌ ಕಟ್‌ ಹೇಳಿ ಸ್ವತಃ ನಾಯಕರಾಗಿದ್ದಾರೆ. ಶ್ರೀಮತಿ ಸಿ ಟಿ ಚಂಚಲ ಕುಮಾರಿ ಅವರು ಬಂಡವಾಳ ಹಾಕಿದ್ದಾರೆ.

 

ಕ್ರೇಜಿ ಸ್ಟಾರ್ ವಿ ರವಿಚಂದ್ರನ್ ಅವರಿಂದ ಸ್ಪೂರ್ತಿಗೊಂಡಿದ್ದ ಮನೋಜ್ ತ್ರಿಕೋನ ಪ್ರೇಮ ಕಥೆಯೊಂದನ್ನು ಆಯ್ಕೆ ಮಾಡಿಕೊಂಡು ಸಿನಿಮಾ ಮಾಡಿದ್ದಾರೆ. ನಿಜ ಜೀವನದಲ್ಲಿ ಸಂಭವಿಸಿದ ಘಟನೆಯೊಂದಕ್ಕೆ ಒಂದಿಷ್ಟು ಸಿನಿಮ್ಯಾಟಿಕ್ ಅಂಶಗಳನ್ನು ಸೇರಿಸಿ ಈ ಚಿತ್ರ ಮಾಡಲಾಗಿದೆಯಂತೆ.

 

ಮನೋಜ್‌ ಈ ಮುಂಚೆ ಮೊಗ್ಗಿನ ಮನಸು ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು. ಮನೋಜ್ ಕುಮಾರ್ಗೆಜೋಡಿಯಾಗಿ ನಿಕ್ಕಿ ಗರ್ಲಾನಿ ಹಾಗೂ ಅಪೂರ್ವ ನಟಿಸಿದ್ದಾರೆ. ರಂಗಾಯಣ ರಘು, ಸಾಧು ಕೋಕಿಲ, ಬುಲೆಟ್ ಪ್ರಕಾಶ್, ಪ್ರಶಾಂತ್ ಸಿದ್ದಿ ಹಾಗೂ ವಿಶೇಷ ಪಾತ್ರದಲ್ಲಿ ಹುಚ್ಚ ವೆಂಕಟ್ ಅಭಿನಯಿಸಿದ್ದಾರೆ.

 

ಈ ಚಿತ್ರಕ್ಕೆ ಆನಂದ್ ರಾಜ ವಿಕ್ರಮ್ ಹಾಗೂ ರಾಹುಲ್ ದೇವ್ ಸಂಗೀತ ನೀಡಿದ್ದಾರೆ. ಈ ಚಿತ್ರದಲ್ಲಿ ಆರು ಹಾಡುಗಳಿದ್ದು ಎರಡು ಹಾಡುಗಳನ್ನು ಸ್ವಿಟ್ಜರ್ ಲ್ಯಾಂಡ್ ಅಲ್ಲಿ ಚಿತ್ರೀಕರಿಸಲಾಗಿದೆ

 
ಪ್ರಪ್ರಥಮ ಬಾರಿಗೆ ಧಾರಾವಾಹಿಗಳನ್ನ ಕನ್ನಡದ ಪ್ರೇಕ್ಷಕರಿಗೆ ಉಣಬಡಿಸಿ, ಸತತ 23 ವರ್ಷಗಳಿಂದ ಅನೇಕ ಮನರಂಜನಾ ಕಾರ್ಯಕ್ರಮಗಳು ಮತ್ತು ವಿಭಿನ್ನ ಹೊಸ ಧಾರಾವಾಹಿಗಳನ್ನ ನೀಡುತ್ತಾ ಬಂದಿರುವ ಉದಯ ಟಿವಿ ಈಗಾಗಲೇ ಜನಮನಗೆದ್ದಿದೆ. ಇದೀಗ ಹೊಚ್ಚ ಹೊಸ ಧಾರಾವಾಹಿಯೊಂದನ್ನು ಪ್ರೇಕ್ಷಕರಿಗೆ ನೀಡಲುಉದಯ ಟಿವಿ ಸಜ್ಜಾಗಿದೆ. ಒಂದು ರೋಮಾಂಚಕ ಪ್ರೇಮಕಥೆಯಾದ “ಕಣ್ಮಣಿ” ಮಾರ್ಚ್ 19ರಿಂದ ಸೋಮವಾರದಿಂದ ಶುಕ್ರವಾರ ರಾತ್ರಿ 10:00ಕ್ಕೆ ಪ್ರಸಾರವಾಗಲಿದೆ.
“ಕಣ್ಮಣಿ” ಒಂದು ರೋಮಾಂಚಕ, ತ್ರಿಕೋನ ಪ್ರೇಮಕಥೆ. ಹೆಸರೇ ಹೇಳುವಂತೆ ಇದುಎಲ್ಲರ ಪ್ರೀತಿಗೆ ಪಾತ್ರಳಾಗುವ ನಾಯಕಿ ಕೇಂದ್ರಿತ ಧಾರಾವಾಹಿ. ತನಗೆ ಇರೋ ಸಮಸ್ಯೆಗಳ ನಡುವೆ ಎಲ್ಲರಿಗೂ ಪ್ರೀತಿ ಹಂಚಿಅವರ ಪ್ರೀತಿಗೆ ಪಾತ್ರಳಾಗುವ ಒಬ್ಬ ದಿಟ್ಟ ಹುಡುಗಿ ಅಂಜಲಿ. ತನ್ನ ಜೀವನದಲ್ಲಿ ನಡೆದ ಅಹಿತಕರ ಘಟನೆಯಿಂದ ನೊಂದ ನಾಯಕಿತನ್ನ ಹೊಸ ಬದುಕು ಹೇಗೆ ಕಟ್ಟಿಕೊಳ್ಳುತ್ತಾಳೆ. ಅವಳ ಮುಂದೆ ಎದುರಾಗುವ ವ್ಯಕ್ತಿಗಳನ್ನು, ಸವಾಲುಗಳನ್ನ ಹೇಗೆ ಎದುರಿಸುತ್ತಾಳೆ ಅನ್ನುವುದೇ ಈ ಕಥೆಯ ತಿರುಳು.
ಕೋಟ್ಯಾಂತರ ರೂಪಾಯಿ ಆಸ್ತಿ ಇರುವ ಒಬ್ಬ ಕಡಕ್ ಬಿಸಿನೆಸ್‍ಮ್ಯಾನ್ ದ್ವಾರಕನಾಥ್‍ಅಲಿಯಾಸ್‍ಡಿ.ಕೆ. “ತಾನುತಪ್ಪು ಮಾಡಲ್ಲ, ತಪ್ಪು ಮಾಡಿದವರನ್ನೂ ಬಿಡಲ್ಲ” ಅನ್ನೋದು ಇವನ ಘೋಷವಾಕ್ಯ. ಹೆಂಡತಿಕಾವ್ಯ ಸತ್ತು ನಾಲ್ಕು ವರ್ಷಗಳಾದರೂ ಇನ್ನೊಂದು ಮದುವೆಯಾಗದೆ ಅವಳ ನೆನಪಲ್ಲಿಇರೋಅಮರ ಪ್ರೇಮಿ. ಮಡದಿ ಮುಮತಾಜ್‍ಗಾಗಿ ಶಹಜಾನ್‍ ತಾಜ್ ಮಹಲ್ ಕಟ್ಟಿಸಿದ್ರೆ, ಡಿಕೆ ಹೆಂಡತಿ ಮೇಲಿನ ಪ್ರೀತಿಗೆಕಾವ್ಯ ಮಹಲ್ ಕಟ್ಟಿಸಿ ಇತಿಹಾಸ ಸೃಷ್ಟಿಸಲು ಹೊರಟವನು. ಅದಕ್ಕಾಗಿ ಏನೂ ಬೇಕಾದ್ರೂ ಮಾಡಲು ಸಿದ್ಧ ಇವನು. ಮುಂದೊಂದು ದಿನ ತನ್ನ ಹೆಂಡತಿಯ ರೂಪವುಳ್ಳ ಹುಡುಗಿಯೊಬ್ಬಳು ಇವನಿಗೆ ಎದುರಾಗುತ್ತಾಳೆ. ಅವಳು ಅವನ ಹೆಂಡಿತಿಯೇ, ಸತ್ತಿರುವವಳು ಎದುರಿಗೆ ಬರಲು ಹೇಗೆ ಸಾಧ್ಯಾ? ಅಥವಾ ಅವಳೇ ಬೇರೆನಾ? ಇದು ಇವನ ಕಥೆ.
ಕಣ್ಮಣಿಯ ಇನ್ನೊಬ್ಬ ನಾಯಕ ಕಿಶನ್. ತುಂಬು ಕುಟುಂಬದಲ್ಲಿ ಬೆಳದಿರೋ ಇವನು ಸಂಸ್ಕಾರವಂತನೂ, ತುಂಟನೂ ಹೌದು. ಸ್ವಂತಃ ಕಂಪನಿ ಇದ್ರೂ ಪ್ರೀತಿಗಾಗಿ ಕೂಲಿ ಕೆಲಸ ಮಾಡೋಕು ಸಿದ್ಧ. ನಾಯಕಿಯ ಒಳ್ಳೆತನಕ್ಕೆ ಮನಸೋಲುವ ಕಿಶನ್ ಅವಳ ಮುಂದೆ ಪ್ರೇಮ ಭಿಕ್ಷೆ ಬೇಡುತ್ತಾನೆ. ನಾಯಕಿ ತನ್ನ ಜೀವನದಲ್ಲಿ ನಡೆದಘಟನೆ ಹೇಳಿ ಅವನಿಂದದೂರ ಹೋಗ್ತಾಳೆ. ಕಿಶನ್‍ ತನ್ನ ಪ್ರೀತಿಯನ್ನ ಹೇಗೆ ಪಡೆಯುತ್ತಾನೆ, ನಾಯಕಿ ಅವನಿಗೆ ಸಿಗುತ್ತಾಳಾ? ಅನ್ನೋದು ಇವನ ಕಥೆ.
ಪ್ರತೀ ಸಂಚಿಕೆಯಲ್ಲೂ ಕುತುಹಲಕಾರಿ ತಿರುವುಗಳನ್ನು ಹೊಂದಿದ್ದು, ಡಿಕೆ, ಅಂಜಲಿ, ಕಿಶನ್ ಈ ಮೂವರ ನಡುವೆ ನಡೆಯುವ ರೋಮಾಂಚಕ ಪ್ರೇಮಕಥೆಯೇಕಣ್ಮಣಿ. ಇಲ್ಲಿ ಪ್ರತಿಯೊಂದು ಪಾತ್ರಗಳು ತಮ್ಮದೇ ಆದ ಔಚಿತ್ಯವನ್ನು ಹೊಂದಿರುವುದು ಈ ಕಥೆಯ ವಿಶೇಷ.
ಕಣ್ಮಣಿ “ಪಾರಿಜಾತ ಟೆಲಿ ಎಂಟರ್‍ಟ್ರೆನರ್ಸ್” ಬ್ಯಾನರ್ ಅಡಿ ನಿರ್ಮಾಣವಾಗುತ್ತಿದೆ. ಚಿತ್ರಕಥೆದೇವ್, ವೆಂಕಟ್‍ರಾಮ್‍ ಅವರದ್ದು, ಸಂಭಾಷಣೆರೂಪಾ ಪ್ರಭಾಕರ್, ಎಸ್. ಎಂ.ಪಾಟೀಲ್, ರಾಜಶೇಖರ್ ಬರೆಯುತ್ತಿದ್ದಾರೆ. ನಿರ್ದೇಶಕ ಪೃಥ್ವಿರಾಜ್‍ ಕುಲ್‍ಕರ್ಣಿ ಅವರು ನಿರ್ದೇಶಿಸುತ್ತಿದ್ದು, ಜೀವ ಅವರು ಛಾಯಾಗ್ರಹಣ ಜವಾಬ್ದಾರಿ ಹೊತ್ತಿದ್ದಾರೆ.
ಹಲವು ಧಾರಾವಾಹಿಗಳಲ್ಲಿ ನಟಿಸಿ ಸೈ ಎನಿಸಿಕೊಂಡ ದಿವ್ಯಾ ಶೈಲೇಶ್ ನಾಯಕಿಅಂಜಲಿ ಪಾತ್ರ ನಿಭಾಯಿಸುತ್ತಿದ್ದಾರೆ, ಕಿರುತೆರೆಗೆ ಈಗ ತಾನೆ ಕಾಲಿಟ್ಟ ದರ್ಶಕ್‍ಗೌಡ ‘ಡಿ.ಕೆ’ ಪಾತ್ರ ಹಾಗೂ ಇನ್ನೊಬ್ಬ ನಾಯಕ ‘ಕಿಶನ್’ ಪಾತ್ರವನ್ನು ನಂದೀಶ್‍ ಅಂದಗಾರ ಮಾಡುತ್ತಿದ್ದಾರೆ. ಬೆಂಗಳೂರು ನಾಗೇಶ್, ಮೈಸೂರು ಮಾಲತಿ, ಗಿರೀಶ್, ಮೈಸೂರು ಶೋಭಾ, ನಾಯಕ್, ಸುಜಾತ, ಬೇಬಿ ಶ್ರೀಲಕ್ಷ್ಮಿ, ಸಿಂಚನ್ ಮುಂತಾದವರು ತಾರಾಬಳಗದಲ್ಲಿದ್ದಾರೆ.
ತಾರಾಬಳಗವೂ ಶಕ್ತವಾಗಿದ್ದು, ಈಗಾಗಲೇ ಮೂವತ್ತಕ್ಕೂ ಹೆಚ್ಚು ಸಂಚಿಕೆಗಳನ್ನು ಚಿತ್ರೀಕರಿಸಲಾಗಿದೆ. ನಿರೀಕ್ಷಿತ ಫಲಿತಾಂಶವೇ ಬಂದಿದ್ದು, ಕನ್ನಡ ಕಿರುತೆರೆ ಮಾರುಕಟ್ಟೆಯಲ್ಲಿ ಹೊಸ ಮೈಲಿಗಲ್ಲಾಗಲಿದೆ ಎಂಬ ವಿಶ್ವಾಸ ಧಾರಾವಾಹಿ ತಂಡದ್ದು. ಹಾಗೆ ಕಣ್ಮಣಿ ಧಾರಾವಾಹಿಯ ಶೀರ್ಷಿಕೆ ಗೀತೆಯನ್ನ ಸುಕನ್ಯಾ ಹಾಸನ್ ಬರೆದಿದ್ದು, ಶ್ರೀಧರ್ ಸಂಭ್ರಮ್, ಹಿತನ್ ಹಾಸನ್ ಸಂಗೀತ ನಿರ್ದೇಶನ ಮಾಡಿದ್ದಾರೆ.
ತ್ರಿಕೋನ ಕಥೆಯ “ಕಣ್ಮಣಿ” ಇದೇ ಮಾರ್ಚ್ 19ರಿಂದ ಸೋಮವಾರದಿಂದ ಶುಕ್ರವಾರದವರೆಗೆ ರಾತ್ರಿ 10.00ಕ್ಕೆ ಉದಯಟಿವಿಯಲ್ಲಿ ಪ್ರಸಾರವಾಗಲಿದೆ.
 
#Kanmani #Cineloka #UdayaTV

ಚಿರು ಸರ್ಜಾ, ನಿಷ್ವಿಕ ನಾಯ್ಡು ಅಭಿನಯದ, ದ್ವಾರಕೀಶ್ ಚಿತ್ರ ನಿರ್ಮಾಣದ ೫೧ನೇ ಚಿತ್ರ “ಅಮ್ಮ ಐ ಲವ್ ಯು” ಚಿತ್ರದ ಫಸ್ಟ್ ಲುಕ್ ಯುಗಾದಿ ಹಬ್ಬದ ದಿನ ಬಿಡುಗಡೆ ಮಾಡುವುದಾಗಿ ಚಿತ್ರತಂಡ ತಿಳಿಸಿದೆ.

 

ಕೆ ಎಂ ಚೈತನ್ಯ ನಿರ್ದೇಶನದ ಈ ಚಿತ್ರದ ಚಿತ್ರೀಕರಣ ಮುಗಿದಿದ್ದು, ಸದ್ಯ ಪೋಸ್ಟ್ ಪ್ರೊಡಕ್ಷನ್ ಕೆಲಸದಲ್ಲಿ ನಿರತವಾಗಿದೆ ಚಿತ್ರತಂಡ. ಗುರುಕಿರಣ್ ಸಂಗೀತವಿರುವ ಹಾಡುಗಳು ಏಪ್ರಿಲ್ ತಿಂಗಳಲ್ಲಿ ಬಿಡುಗಡೆಯಾಗಲಿವೆಯಂತೆ.

 

ತಾರಾಗಣದಲ್ಲಿ ಸಿತಾರಾ, ಪ್ರಕಾಶ್ ಬೆಳವಾಡಿ, ಬಿರಾದಾರ್,ಚಿಕ್ಕಣ್ಣ, ರವಿಕಾಳೆ ಕೂಡ ಇದ್ದಾರೆ.

 

ಇತ್ತೀಚೆಗಷ್ಟೇ 'ಅಮ್ಮ ಐಲವ್‌ ಯೂ' ಚಿತ್ರೀಕರಣ ಮುಗಿಸಿರುವ ಚಿರಂಜೀವಿ ಸರ್ಜಾ ತಮ್ಮ ಮುಂದಿನ ಚಿತ್ರ 'ರಾಜಮಾರ್ತಂಡ'ದಲ್ಲಿ ಮೂವರು ನಾಯಕಿಯರ ಜತೆ ರೊಮ್ಯಾನ್ಸ್‌ ಮಾಡಲಿದ್ದಾರೆ. ರಾಮ್‌ ನಾರಾಯಣ್‌ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ ಈ ಚಿತ್ರದಲ್ಲಿ ದೀಪ್ತಿ ಸತಿ, ತ್ರಿವೇಣಿ ರಾವ್‌ ಇಬ್ಬರು ನಾಯಕಿಯರಾದರೆ, ಇನ್ನೊಬ್ಬ ನಾಯಕಿಯ ಆಯ್ಕೆ ನಡೆಯಬೇಕಿದೆ.

 

ದೀಪ್ತಿ ಸತಿ ಈ ಹಿಂದೆ ನಿಖಿಲ್‌ಕುಮಾರ್‌ ನಟನೆಯ ಜಾಗ್ವಾರ್‌ ಸಿನಿಮಾದಲ್ಲಿ ನಟಿಸಿದ್ದರು. ಇಂಡಸ್ಟ್ರಿಗೆ ಎಂಟ್ರಿಯಾಗಿ ಮೂರೇ ವರ್ಷ ಕಳೆದರೂ, ಕನ್ನಡ, ಮಲಯಾಳಂ, ತಮಿಳು ಸೇರಿದಂತೆ ಎಲ್ಲ ದಕ್ಷಿಣ ಭಾರತದ ಎಲ್ಲ ಭಾಷೆಗಳಲ್ಲಿಯೂ ನಟಿಸಿದ್ದಾರೆ.

 

 ಟಗರು ಚಿತ್ರದಲ್ಲಿ ಕಾನ್‌ಸ್ಟೇಬಲ್‌ ಸರೋಜ ಎಂಬ ಪಾತ್ರದಿಂದ ಫೇಮಸ್‌ ಆದ ತ್ರಿವೇಣಿ ರಾವ್‌ 'ರಾಜಮಾರ್ತಂಡ' ಚಿತ್ರದ ಮೂಲಕ ನಾಯಕಿಯ ಪಾತ್ರಕ್ಕೆ ಭಡ್ತಿ ಪಡೆದಿದ್ದಾರೆ. ಈಗಾಗಲೇ ಮೈಸೂರಿನಲ್ಲಿ ಚಿತ್ರೀಕರಣ ನಡೆಯುತ್ತಿದ್ದು, ಈ ಇಬ್ಬರೂ ಶೂಟಿಂಗ್‌ನಲ್ಲಿ ಭಾಗವಹಿಸಿದ್ದಾರೆ. ಮೂರನೇ ನಾಯಕಿ ಸದ್ಯದಲ್ಲೇ ತಂಡ ಸೇರಲಿದ್ದಾರೆ

ಯೋಗರಾಜ್‌ಭಟ್ಟರ ಶಿಷ್ಯ ಮಹೇಶಕುಮಾರ್‌ ನಿರ್ದೇಶನದ ಅಯೋಗ್ಯ ಚಿತ್ರ ಮಂಡ್ಯ ಸುತ್ತಮುತ್ತ ಶೂಟಿಂಗ್‌ ಕಂಪ್ಲೀಟ್‌ ಮಾಡಿದೆ.ಸತತವಾಗಿ 38 ದಿನಗಳ ಕಾಲ ಚಿತ್ರೀಕರಣ ನಡೆಸಿದ ನಿರ್ದೇಶಕ ಮಹೇಶ್‌, ಹಾಡುಗಳು ಮತ್ತು ನಾಯಕಿಯ ಎಂಟ್ರಿ ಸೀನ್‌ ಮಾತ್ರ ಬಾಕಿ ಉಳಿಸಿಕೊಂಡಿದ್ದಾರೆ.

 

ಗ್ರಾಮಪಂಚಾಯಿತಿ ಅಧ್ಯಕ್ಷ ಮತ್ತು ಸದಸ್ಯನ ನಡುವೆ ನಡೆಯುವ ಜಿದ್ದಾಜಿದ್ದಿಯನ್ನು ಕಾಮಿಡಿಯಾಗಿ ತೋರಿಸಲು ಮಹೇಶ್‌ ಈ ಕಥೆಯನ್ನು ಹೆಣೆದಿದ್ದಾರೆ. ನೀನಾಸಂ ಸತೀಶ್‌ ಮತ್ತು ರಚಿತಾ ರಾಮ್‌ ಈ ಚಿತ್ರಕ್ಕೆ ನಾಯಕ ನಾಯಕಿ, ರವಿಶಂಕರ್‌, ಶಿವರಾಜ್‌ ಕೆ ಆರ್‌ ಪೇಟೆ, ಸಾಧುಕೋಕಿಲಾ ಸೇರಿದಂತೆ ಸಾಕಷ್ಟು ಮಂದಿ ಕಲಾವಿದರು ಇದರಲ್ಲಿ ನಟಿಸಿದ್ದಾರೆ.

 

 

ಚಮಕ್‌ ಚಿತ್ರವನ್ನು ನಿರ್ಮಾಣ ಮಾಡಿದ್ದ ಟಿ ಆರ್‌ ಚಂದ್ರಶೇಖರ್‌ ಈ ಸಿನಿಮಾಗೆ ಬಂಡವಾಳ ಹೂಡಿದ್ದಾರೆ. ಈ ಸಿನಿಮಾದ ಚಿತ್ರೀಕರಣದಲ್ಲಿ ತೆಗೆದ ಕೆಲ ಫೋಟೋಗಳು ಇತ್ತೀಚೆಗೆ ಆನ್‌ಲೈನ್‌ನಲ್ಲಿ ಸದ್ದು ಮಾಡಿದ್ದವು.

ಮಫ್ತಿ ಚಿತ್ರದ ನಂತರ ಶ್ರೀಮುರುಳಿ ನಟಿಸುತ್ತಿರುವ ಚಿತ್ರಕ್ಕೆ ಭರ್ಜರಿ ಚೇತನ್‌ಕುಮಾರ್‌ ನಿರ್ದೇಶನ ಮಾಡುತ್ತಾರೆ ಎಂಬ ಸುದ್ದಿ ಹಬ್ಬಿದೆ.

 

ಮಫ್ತಿಯ ಯಶಸ್ಸಿನ ನಂತರ ಶ್ರೀಮುರಳಿ ಸಾಕಷ್ಟು ಕಥೆಗಳನ್ನು ಕೇಳಿದ್ದರು. ಆದರೆ ಅದಾವುದು ಫೈನಲ್‌ ಆಗಿಲ್ಲ. ಮೂಲಗಳ ಪ್ರಕಾರ ರೋರಿಂಗ್ ಸ್ಟಾರ್ ಮುರಳಿ ಅವರು ಬಹದ್ದೂರ್,ಭರ್ಜರಿ ಖ್ಯಾತಿಯ ಚೇತನ್ ಕುಮಾರ್ ಹೇಳಿರುವ ಕಥೆಯನ್ನು ಓಕೆ ಮಾಡಿದ್ದು, ಯುಗಾದಿ ಹಬ್ಬದಂದು (ಮಾರ್ಚ್ 18) ಅಧಿಕೃತವಾಗಿ ಅನೌನ್ಸ್ ಮಾಡಲಿದ್ದಾರಂತೆ.

 

ಹಿಂದೊಮ್ಮೆ ಪತ್ರಕರ್ತರಿಗೆ ಸಿಕ್ಕಾಗ ನನ್ನ ಮುಂದಿನ ಚಿತ್ರ ಫ್ಯಾಮಿಲಿ ಎಂಟರ್‌ಟೇನರ್ ಆಗಿರತ್ತದೆಂದು ಶ್ರೀಮುರಳಿಯವರು ಹೇಳಿಕೊಂಡಿದ್ದರು. ಹೇಳಿ ಕೇಳಿ ಚೇತನ್ ಕೂಡ ಮಾಸ್ ಕಂ ಫ್ಯಾಮಿಲಿ ಎಂಟರ್‌ಟೇನರ್ ಗಳನ್ನು ನೀಡಿ ಗೆದ್ದಿರುವುದರಿಂದ ಸಹಜವಾಗಿ ಶ್ರೀ ಮುರಳಿ ಅವರತ್ತ ಒಲವು ತೋರಿದ್ದಾರೆನ್ನಲಾಗಿದೆ.

ಸ್ಯಾಂಡಲ್‌ವುಡ್‌ ನಿರ್ಮಾಪಕ ಕೆ ಮಂಜು ಪುತ್ರ ಶ್ರೇಯಸ್‌ ಮತ್ತು ನಿಶ್ವಿಕಾ ನಾಯ್ಡು ನಟನೆಯ ಪಡ್ಡೆ ಹುಲಿ ಚಿತ್ರಕ್ಕೆ ಇತ್ತೀಚೆಗೆ ಮುಹೂರ್ತ ಆಚರಿಸಿಕೊಂಡಿದೆ.

ಕೆ. ಮಂಜು ಪುತ್ರ ಶ್ರೇಯಸ್‌ಗೆ ಇದು ಡೆಬ್ಯೂ ಮೂವಿ ಆಗಿದ್ದು, ನಟ ಸುದೀಪ್‌,ಪುನೀತ್‌ ರಾಜ್‌ಕುಮಾರ್‌ ಸೇರಿದಂತೆ ಸಾಕಷ್ಟು ಮಂದಿ ಚಿತ್ರರಂಗದ ಗಣ್ಯರು ಬಂದು ಶ್ರೇಯಸ್‌ಗೆ ವಿಷ್‌ ಮಾಡಿದರು.

 

ಈ ಚಿತ್ರದ ನಾಯಕಿ ನಿಶ್ವಿಕಾ ನಾಯ್ಡು ‘ವಾಸು - ಪಕ್ಕಾ ಕಮರ್ಷಿಯಲ್‌’ ಮತ್ತು ‘ಅಮ್ಮ ಐ ಲವ್‌ ಯು’ ಎಂಬ ಎರಡು ಚಿತ್ರಗಳಲ್ಲಿ ನಿಶ್ವಿಕಾ ನಾಯಕಿಯಾಗಿ ನಟಿಸಿದ್ದರು. ಆ ಎರಡು ಚಿತ್ರಗಳು ಬಿಡುಗಡೆಯಾಗುವ ಮುನ್ನವೇ ‘ಪಡ್ಡೆ ಹುಲಿ’ ಚಿತ್ರಕ್ಕೆ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ.

 

ಚಿತ್ರವನ್ನು ಗುರು ದೇಶಪಾಂಡೆ ನಿರ್ದೇಶಿಸುತ್ತಿದ್ದು, ಉಳಿದ ತಾರಾಗಣದ ಆಯ್ಕೆ ನಡೆಯುತ್ತಿದೆ. ಚಿತ್ರಕ್ಕೆ ಅಜನೀಶ್‌ ಲೋಕನಾಥ್‌ ಸಂಗೀತ ಮತ್ತು ಕೆ.ಎಸ್‌. ಚಂದ್ರಶೇಖರ್‌ ಛಾಯಾಗ್ರಹಣ ಇದೆ. ರಮೇಶ್‌ರೆಡ್ಡಿ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ.

 

ಪಡ್ಡೆ ಹುಲಿ’ ಚಿತ್ರವು ಇವತ್ತಿನ ಟ್ರೆಂಡ್‌ಗೆ ಇರುವ ಒಂದು ಕಾಲೇಜ್‌ ಲವ್‌ ಸ್ಟೋರಿ ಚಿತ್ರವಾಗಿರುತ್ತದೆ ಎನ್ನುತ್ತಾರೆ ನಿರ್ದೇಶಕ ಗುರು ದೇಶಪಾಂಡೆ. ಇಲ್ಲೊಂದು ಯೂಥ್‌ ಸ್ಟೋರಿ ಇರಲಿದ್ದು, ಈಗಿನ ಕಾಲದ ಪ್ರೇಮ ಲೋಕ’ ಎನ್ನುತ್ತಾರೆ ಗುರು ದೇಶಪಾಂಡೆ.

ಈ ಚಿತ್ರಕ್ಕಾಗಿ ಈಗಾಗಲೇ ಅದ್ಧೂರಿಯಾಗಿ ಫೋಟೋ ಶೂಟ್‌, ಪ್ರೋಮೋ ಶೂಟ್‌ನ್ನು ನಿರ್ದೇಶಕರು ಮಾಡಿಸಿದ್ದಾರೆ.

 
'ಅಂಬಿ ನಿಂಗೆ ವಯಸ್ಸಾಯ್ತೋ' ಚಿತ್ರದಲ್ಲಿ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್‌ ನಟಿಸುತ್ತಾರೆ, ಆದರೆ ಯಾವ ಲುಕ್‌ನಲ್ಲಿ ಇರುತ್ತಾರೆ ಎಂಬುದು ಯಾರಿಗೂ ಗೊತ್ತಿರಲಿಲ್ಲ, ಸೋಮವಾರ ರಾತ್ರಿ ನೆಲಮಂಗಲದ ಮೋಹನ್‌ ಬಿ ಕೆರೆ ಸ್ಟುಡಿಯೋದಲ್ಲಿ ಸುದೀಪ್‌ ಎಂಟ್ರೀ ಸೀನ್‌ ಚಿತ್ರೀಕರಣ ಮಾಡಲಾಗಿದ್ದು, ಸುದೀಪ್‌ ಬಿಳಿ ಶರ್ಟ್‌ ಮತ್ತು ಬಿಳಿ ಕಚ್ಚೆ ಪಂಚೆ ತೊಟ್ಟು ಎಂಟ್ರಿ ಕೊಟ್ಟಿದ್ದಾರೆ.

ಮೊದಲ ದೃಶ್ಯದಲ್ಲೇ ಕಬ್ಬಡಿ ಮೂಲಕ ಸುದೀಪ್‌ ಅವರನ್ನು ಇಂಟ್ರಡ್ಯೂಸ್‌ ಮಾಡಲಾಗುತ್ತಿದೆ.

ಈ ಸಿನಿಮಾದಲ್ಲಿ ಸುದೀಪ್‌ ಯಂಗ್‌ ಅಂಬರೀಷ್‌ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇನ್ನು ಅಂಬರೀಷ್‌ ಅವರ ಹೈಟ್‌ ಒಂದು ಮ್ಯಾಚ್‌ ಆಗುವುದಿಲ್ಲ, ಅದಕ್ಕಾಗಿ ಸಿಜಿ ವರ್ಕ್‌ ಸಹ ಮಾಡಲಾಗುತ್ತದೆ.

ಅಂಬರೀಷ್‌ಗೆ ಸುಹಾಸಿನಿ ಜೋಡಿಯಾದರೆ, ಸುದೀಪ್‌ಗೆ ಶ್ರುತಿ ಹರಿಹರನ್‌ ಜೋಡಿಯಾಗಿದ್ದಾರೆ. ಶ್ರುತಿ ಹರಿಹರನ್‌ ಇಲ್ಲಿ ಯಂಗ್‌ ಸುಹಾಸಿನಿಯಾಗಲಿದ್ದಾರೆ. ಕಿಚ್ಚ ಕ್ರಿಯೇಶನ್ಸ್‌ ನಡಿ ಜಾಕ್‌ ಮಂಜು ಈ ಚಿತ್ರಕ್ಕೆ ಬಂಡವಾಳ ಹೂಡುತ್ತಿದ್ದಾರೆ. ಗುರುದತ್‌ ಗಾಣಿಗ ಇದರ ನಿರ್ದೇಶಕರು. ಒಟ್ಟಿನಲ್ಲಿ 'ಅಂಬಿ..' ಅಖಾಡದಲ್ಲಿ ಕಿಚ್ಚ ಸೋಮವಾರದಿಂದ ಕಬ್ಬಡಿ ಆಡುತ್ತಿದ್ದಾರೆ.

#AmbiNingVayassaitho #Cineloka #AbhinayaChakravarthy #KicchaSudeep

 
 
ಪುನೀತ್‌ ರಾಜ್‌ಕುಮಾರ್‌ ಅವರ 28 ನೇ ಚಿತ್ರದ ನಾಯಕಿ ಬದಲಾಗಿದ್ದಾರೆ. ಸೋಮವಾರದಿಂದ ಚಿತ್ರೀಕರಣ ಆರಂಭಿಸಿರುವ ಚಿತ್ರಕ್ಕೆ ಈ ಮೊದಲು ತೆಲುಗಿನ ಪ್ರಿಯಾಂಕ ಜ್ವಾಲಾಕರ್‌ ನಾಯಕಿಯಾಗಿದ್ದರು. ಈಗ ಅದೇ ಜಾಗಕ್ಕೆ ಡಿಂಪಲ್‌ ಕ್ವೀನ್‌ ರಚಿತಾ ರಾಮ್‌ ಎಂಟ್ರಿ ಕೊಟ್ಟಿದ್ದಾರೆ.
 
ಪವನ್‌ ಒಡೆಯರ್ ನಿರ್ದೇಶನದ ರಾಕ್‌ಲೈನ್‌ ವೆಂಕಟೇಶ್‌ ಉಸ್ತುವಾರಿಯಲ್ಲಿ ನಿರ್ಮಾಣವಾಗುತ್ತಿರು ಈ ಚಿತ್ರಕ್ಕೆ ಮೊದಲು ಪ್ರಿಯಾಂಕ ಜ್ವಾಲಕರ್‌ ಆಯ್ಕೆಯಾಗಿದ್ದರು. ಆದರೆ ಡೇಟ್ಸ್‌ ಕ್ಲಾಶ್‌ ಆಗುತ್ತದೆ ಎಂಬ ಕಾರಣಕ್ಕೆ ಚಿತ್ರತಂಡ ರಚಿತಾ ರಾಮ್‌ ಮೊರೆ ಹೋಗಿದೆ.
 
ಮಂಗಳವಾರದಿಂದ ರಚಿತಾ ಶೂಟಿಂಗ್‌ನಲ್ಲಿ ಪಾಲ್ಗೊಂಡಿದ್ದು, ಅಪ್ಪು ಮತ್ತು ರಚಿತಾ ಕಾಂಬಿನೇಶನ್‌ನ ಒಂದಷ್ಟು ದೃಶ್ಯಗಳನ್ನು ಯಲಹಂಕ ಬಳಿ ಶೂಟಿಂಗ್‌ ಮಾಡಿಕೊಂಡಿದ್ದಾರೆ ನಿರ್ದೇಶಕ ಪವನ್‌ ಒಡೆಯರ್‌. ರಚಿತಾ ರಾಮ್‌ ಈ ಹಿಂದೆ ಚಕ್ರವ್ಯೂಹದಲ್ಲಿ ಪುನೀತ್‌ ಜತೆ ರೊಮ್ಯಾನ್ಸ್‌ ಮಾಡಿದ್ದರು.
 
ರಚಿತಾ ರಾಮ್‌ ನಟನೆಯ 'ಜಾನಿ ಜಾನಿ ಎಸ್‌ ಪಪ್ಪಾ' ಚಿತ್ರೀಕರಣ ಇತ್ತೀಚೆಗೆ ಕಂಪ್ಲೀಟ್‌ ಆಯಿತು. ಇನ್ನು ನೀನಾಸಂ ಸತೀಶ್‌ ನಾಯಕರಾಗಿರುವ 'ಅಯೋಗ್ಯ'ದಲ್ಲಿಯೂ ರಚಿತಾ ರಾಮ್‌ ನಾಯಕಿಯಾಗಿದ್ದಾರೆ. ಒಟ್ಟಿನಲ್ಲಿ ಅಪ್ಪು ಮತ್ತು ರಚಿತಾ ಮತ್ತೆ ಒಂದಾಗಿರುವು ಇಬ್ಬರ ಅಭಿಮಾನಿಗಳಿಗೂ ಖುಷಿ ತಂದಿದೆ.

ಯುಎಫ್‍ಓ, ಕ್ಯೂಬ್ ಸಮಸ್ಯೆಗೆ ತಾತ್ಕಾಲಿಕ ಪರಿಹಾರ, ಈ ವಾರ ಚಿತ್ರಗಳು ಬಿಡುಗಡೆಯಾಗಲಿವೆ.
----------------

ಯುಎಫ್‍ಓ ಮತ್ತು ಕ್ಯೂಬ್ ಸಮಸ್ಯೆಗೆ ತಾತ್ಕಾಲಿಕ ಪರಿಹಾರ ಸಿಕ್ಕಿದ್ದು, ಈ ಶುಕ್ರವಾರದಿಂದ ಹೊಸ ಚಿತ್ರಗಳು ಬಿಡುಗಡೆಯಾಗಲಿವೆ.

ಬಿಡುಗಡೆ ಮುಂದಕ್ಕೆ ಹಾಕಿದ್ದ ಚಿತ್ರಗಳಿಗೆ ಮೊದಲ ಆದ್ಯತೆ ನೀಡಲಾಗಿದ್ದು, ಈ ವಾರ ದಂಡುಪಾಳ್ಯ-3, ಇದಂ ಪ್ರೇಮಂ ಜೀವನಂ ಮತ್ತು ನನ್ನಿಷ್ಟ ಚಿತ್ರಗಳು ಬಿಡುಗಡೆಯಾಗಲಿವೆ.

 

ಡಿಜಿಟಲ್ ಸರ್ವಿಸ್ ಪ್ರೊವೈಡರ್ಸ್ 15 ದಿನಗಳ ಕಾಲ ಕಾಲಾವಕಾಶ ನೀಡಿದ್ದು, ಸದ್ಯಕ್ಕೆ ಸಿನಿಮಾಗಳನ್ನು ಬಿಡುಗಡೆ ಮಾಡಲು ನಿರ್ಧರಿಸಿದೆ ಚಲನಚಿತ್ರ ವಾಣಿಜ್ಯ ಮಂಡಳಿ.
ಚಿತ್ರ ನಿರ್ಮಾಪಕರ ಹಿತಾ ದೃಷ್ಟಿಯಿಂದ ಈ ನಿರ್ಧಾರ ಕೈಕೊಂಡಿದ್ದು, ಈ ವಿಷಯವಾಗಿ ನಾಳೆ ವಾಣಿಜ್ಯ ಮಂಡಳಿಯಲ್ಲಿ ಅಧ್ಯಕ್ಷರು ಪತ್ರಿಕಾಗೋಷ್ಟಿ ಏರ್ಪಡಿಸಿದ್ದಾರೆ.

#Cineloka

"ರಾಂಬೊ 2" ಸಿನಿಮಾದ ಸ್ಪೇಷಲ್‌ ಹಾಡಿನಲ್ಲಿ ಶರಣ್‌ ಜತೆ ಐವರು ಬೆಡಗಿಯರು ನೃತ್ಯ ಮಾಡಿದ್ದಾರೆ. ಬೆಂಗಳೂರಿನ ಇನ್ನೋವೆಟಿವ್‌ ಫಿಲಂ ಸಿಟಿಯಲ್ಲಿ ಹಾಡಿನ ಚಿತ್ರೀಕರಣ ಮಾಡಿದ್ದಾರೆ ಚಿತ್ರತಂಡ.

WhatsApp Image 2018 03 13 at 3.57.33 PM

ಶರಣ್ ಅವರ ಇಂಟ್ರೊಡಕ್ಷನ್ ಸಾಂಗ್ ಇದಾಗಿದ್ದು, ಈ ಹಾಡಿನಲ್ಲಿ ಶ್ರುತಿ ಹರಿಹರನ್‌, ಶುಭಾ ಪೂಂಜಾ, ಸಂಚಿತಾ ಪಡುಕೋಣೆ, ಭಾವನರಾವ್‌, ಮಯೂರಿ ನಟಿಸುತ್ತಿದ್ದಾರೆ. ಈ ಐದು ಜನ ನಟಿಮಣಿಯರು ಈ ಹಿಂದೆ ಶರಣ್‌ ನಟನೆಯ ಸಿನಿಮಾಗಳಲ್ಲಿ ನಾಯಕಿಯರಾಗಿದ್ದರು.

WhatsApp Image 2018 03 13 at 3.55.44 PM

"ರಾಂಬೊ 2" ಚಿತ್ರವನ್ನು ಅಟ್ಲಾಂಟ ನಾಗೇಂದ್ರ ನಿರ್ಮಾಣ ಮಾಡಿದ್ದಾರೆ, ಅವರಿಗೆ ಚಿತ್ರದ ತಂತ್ರಜ್ಞರು ಸಾಥ್ ನೀಡಿದ್ದಾರೆ. ಎಲ್ಲ ತಂತ್ರಜ್ಞರು ಪೇಮೆಂಟ್‌ ತೆಗೆದುಕೊಳ್ಳದೇ ಈ ಚಿತ್ರಕ್ಕಾಗಿ ಕೆಲಸ ಮಾಡಿದ್ದಾರೆ.

WhatsApp Image 2018 03 13 at 3.57.34 PM

ಆಶಿಕಾ ರಂಗನಾಥ್‌, ಚಿಕ್ಕಣ್ಣ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ರಸ್ತೆಯಲ್ಲಿ ನಡೆಯುವ ಕಥೆ ಇದಾಗಿದ್ದು, ಎರಡು ಕಾರುಗಳು ಸಹ ಮುಖ್ಯ ಪಾತ್ರ ನಿರ್ವಹಿಸಿವೆ.ದಿಲ್‌ವಾಲ ಖ್ಯಾತಿಯ ಅನಿಲ್‌ಕುಮಾರ್‌ ಈ ಚಿತ್ರಕ್ಕೆ ಆ್ಯಕ್ಷನ್‌ ಕಟ್‌ ಹೇಳುತ್ತಿದ್ದಾರೆ. ಅರ್ಜುನ್ ಜನ್ಯ ಅವರ ಮ್ಯೂಸಿಕ್ ಚಿತ್ರಕ್ಕಿದೆ.

 

 

ಓಂ ಬಾಲಾಜಿ ಎಂಟರ್ ಪ್ರೈಸಸ್ ಲಾಂಛನದಲ್ಲಿ ಎನ್.ನರಸಿಂಹಲು ಅವರು ನಿರ್ಮಿಸುತ್ತಿರುವ `ತಾರಾಕಾಸುರ` ಚಿತ್ರಕ್ಕಾಗಿ ಚೇತನ್ ಕುಮಾರ್ ಅವರು ಬರೆದಿರುವ `ಚಂದಮಾಮ ಕಥೆ ಕೇಳಿದ್ದೆ, ಲೈನು ಹಾಕೋರನ್ನ ನೋಡಿದ್ದೆ, ಲವ್ವು ಮಾಡೋರನ್ನ ಬೈತಿದ್ದೆ, ಈಗ ನಾನೇ ಲವ್ವಲ್ ಬಿದ್ದು ಮಕ್ಕರ್ ಆಗೋದೆ` ಎಂಬ ಹಾಡಿನ ಚಿತ್ರೀಕರಣ ಆದಿಚುಂಚನಗಿರಿ ಬೆಟ್ಟದಲ್ಲಿ ಮೂರುದಿನಗಳ ಕಾಲ ನಡೆದಿದೆ.

 

ಮಾನ್ವಿತ ಹರೀಶ್, ವೈಭವ್, ಕರಿಸುಬ್ಬು, ಎಂ.ಕೆ.ಮಠ ಅಭಿನಯಿಸಿದ ಈ ಹಾಡಿನ ಚಿತ್ರೀಕರಣದಲ್ಲಿ 500ಕ್ಕೂ ಹೆಚ್ಚು ಸಹ ಕಲಾವಿದರು, 200ಕ್ಕೂ ಹೆಚ್ಚು ಜಾನಪದ ಕಲಾವಿದರು ಭಾಗವಹಿಸಿದ್ದರು. ಮುರಳಿ ಅವರು ನೃತ್ಯ ನಿರ್ದೇಶನ ಮಾಡಿದ ಈ ಹಾಡನ್ನು ನವೀನ್ ಸಜ್ಜು ಹಾಡಿದ್ದಾರೆ.

 

ಹಿಂದೆ `ರಥಾವರ` ಎಂಬ ಯಶಸ್ವಿ ಚಿತ್ರ ನಿರ್ದೇಶಿಸಿದ್ದ ಚಂದ್ರಶೇಖರ್ ಬಂಡಿಯಪ್ಪ `ತಾರಾಕಾಸುರ` ಚಿತ್ರದ ನಿರ್ದೇಶಕರು. ನಿರ್ದೇಶಕರೆ ಚಿತ್ರಕ್ಕೆ ಕಥೆ, ಚಿತ್ರಕಥೆ ಹಾಗೂ ಸಂಭಾಷಣೆ ಬರೆದಿದ್ದಾರೆ.
ಧರ್ಮವಿಶ್ ಸಂಗೀತ ನಿರ್ದೇಶನದ ಈ ಚಿತ್ರಕ್ಕೆ ಕುಮಾರ್ ಗೌಡ ಅವರ ಛಾಯಾಗ್ರಹಣವಿದೆ. ಕೆ.ಎಂ.ಪ್ರಕಾಶ್ ಸಂಕಲನ, ಜಾಲಿ ಬಾಸ್ಟಿನ್, ಡ್ಯಾನಿ ಸಾಹಸ ನಿರ್ದೇಶನ ಹಾಗೂ ಮುರಳಿ ಅವರ ನೃತ್ಯ ನಿರ್ದೇಶನ ಈ ಚಿತ್ರಕ್ಕಿದೆ.

 

ವೈಭವ್ ನಾಯಕರಾಗಿ ನಟಿಸುತ್ತಿರುವ ಈ ಚಿತ್ರದ ನಾಯಕಿ ಮಾನ್ವಿತ ಹರೀಶ್. ಹಾಲಿವುಡ್‍ನ ನಟ ಡ್ಯಾನಿ ಸ¥sóÁನಿ ಕೂಡ ಈ ಚಿತ್ರದಲ್ಲಿ ಅಭಿನಯಿಸಿದ್ದಾರೆ. ಜೈಜಗದೀಶ್, ಎಂ.ಕೆ.ಮಠ, ಕರಿಸುಬ್ಬು ಮುಂತಾದವರು ಈ ಚಿತ್ರದ ತಾರಾಬಳಗದಲ್ಲಿದ್ದಾರೆ.

 

ಆರ್ಯ ಅವರ ಮೊದಲ ಕನ್ನಡ ಸಿನಿಮಾ 'ರಾಜರಥ'. ಇದರಲ್ಲಿ ಅವರು 'ವಿಶ್ವ' ಎಂಬ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಪಾತ್ರದ ಫಸ್ಟ್ ಲುಕ್ ಸಂಚಲನವನ್ನೇ ಸೃಷ್ಠಿಸಿತು. ಚಿತ್ರದಲ್ಲಿನ ಅವರ ಲುಕ್ ಕಿಚ್ಚ ಸುದೀಪ್ ರವರಿಂದ ಸ್ಫೂರ್ತಿಎಂದು ಚಿತ್ರದ ನಿರ್ದೇಶಕ ಅನೂಪ್ ಭಂಡಾರಿ ತಿಳಿಸಿದ್ದಾರೆ.

 

ಕಿಚ್ಚ ಸುದೀಪ್ ಅವರು ಅನೂಪ್ ಮತ್ತು ನಿರೂಪ್ ತಂದೆ ಸುಧಾಕರ್ ಭಂಡಾರಿ ಅವರ ಟಿವಿ ಧಾರಾವಾಹಿ ಪ್ರೇಮದ ಕಾದಂಬರಿಯಲ್ಲಿ 90ರ ದಶಕದಲ್ಲಿ ಕೆಲಸ ಮಾಡಿದ್ದರು. ಅಂದಿನಿಂದ ಸುದೀಪ್ ಅವರನ್ನು ಮನಸ್ಸಿನಲ್ಲಿಟ್ಟುಕೊಂಡು ಹಲವಾರು ಕಥೆಗಳನ್ನು ಅನೂಪ್ ಹಾಗು ನಿರೂಪ್ ಚರ್ಚಿಸುತ್ತಿದ್ದರು. ತಮ್ಮ ಎಂಜಿನಿಯರಿಂಗ್ ದಿನಗಳಲ್ಲಿ ಅನೂಪ್ ಅವರು "ಯೋಧಾ" ಎಂಬ ಶೀರ್ಷಿಕೆಯಡಿ ಒಂದು ಸ್ಕ್ರಿಪ್ಟ್ ತಯಾರಿಸಿ , ಸುದೀಪ್ ಅವರು ಪೋಲೀಸ್ ಪಾತ್ರ ನಿಭಾಯಿಸಿದರೆ ಚೆನ್ನಾಗಿ ಮೂಡಿ ಬರುತ್ತದೆ ಎಂಬ ಆಲೋಚನೆ ಅನೂಪ್ ಅವರಿಗೆ ತಮ್ಮೆ ಎಂಜಿನಿಯರಿಂಗ್ ದಿನಗಳಲ್ಲಿಯೇ ಬಂದಿತ್ತು.

 

2010 ರಲ್ಲಿ ಅನೂಪ್, 'ವರ್ಡ್ಸ್' ಎಂಬ ಪ್ರಶಸ್ತಿ ಗೆದ್ದ ಕಿರುಚಿತ್ರ ನಿರ್ದೇಶಿಸಿದಾಗ, ಪತ್ರಿಕಾಗೋಷ್ಠಿಗೆ ಅತಿಥಿಯಾಗಿ ಬಂದ ಸುದೀಪ್ ರಿಂದ ಪ್ರಶಂಸೆ ಗಳಿಸಿದ್ದರು. ಆ ಸಮಯದಲ್ಲಿ ಅನೂಪ್ 'ರಾಜರಥ'ದ ಡ್ರಾಫ್ಟ್ ಮಾಡುತ್ತಿದ್ದರು. ಸುದೀಪ್ ಅವರ ವೇಷಭೂಷಣ, ನೀಲಿ ಕುರ್ತಾ, ಜೀನ್ಸ್ ಮತ್ತು ಸ್ಯಾಂಡಲ್ಸ್ ಗಳು ಕೂಡಲೇ ಅನೂಪ್ ಗೆ ಇಷ್ಟವಾಗಿ, "ಕಥೆಯಲ್ಲಿ ಬರುವ ವಿಶ್ವ ಪತ್ರದಂತೆಯೇ ಇದೆಯಲ್ಲ ಎಂದನಿಸಿತಂತೆ!". 'ರಾಜರಥ'ದ ಕೆಲಸ ಶುರುವಾದಂತೆ ವಸ್ತ್ರ ವಿನ್ಯಾಸಕರಾದ ಪತ್ನಿ ನೀತಾ ಶೆಟ್ಟಿಗೆ ಇದೇ ಸಲಹೆ ನೀಡಿದರು, ಅದನ್ನೇ ಕಾರ್ಯರೂಪಕ್ಕೂ ತರಲಾಯಿತು.

 

ಆರ್ಯರ ಸಹಾಯಕರು ತಮ್ಮ ಯಜಮಾನರ ವೇಷಭೂಷಣವನ್ನು ತುಂಬಾ ಇಷ್ಟಪಟ್ಟರು, ಅವರು 'ರಾಜರಥ'ದಲ್ಲಿ ಅತ್ಯುತ್ತಮವಾಗಿ ಕಾಣುತ್ತಾರೆ ಎಂದು ಅವರೆಲ್ಲರೂ ಭಾವಿಸಿದರು. ಆರ್ಯ ಪರದೆಯಮೇಲೆ ನಟಿಯರ ಜೊತೆ ಪ್ರಾಣಯರಾಜನ ಪಾತ್ರ ಮಾಡದೆ, ಈ ಚಿತ್ರದಲ್ಲಿ ಆರ್ಯ ವಿಭಿನ್ನ ಪಾತ್ರ ಮಾಡುವುದನ್ನು ನೋಡಿ ತುಂಬಾ ಖುಷಿಪಟ್ಟರು. ಆರ್ಯ, ಅವರು ಸಂಭಾಷಣೆಗಳನ್ನು ಜಿಮ್ನಲ್ಲಿ, ತಿನ್ನುವಾಗ, ಮಲಗಿದ್ದಾಗ, ಅಕ್ಷರಶಃ ಎಲ್ಲೆಡೆ ಅಭ್ಯಾಸ ಮಾಡುತಿದ್ದರು, ಇದನ್ನು ಕಂಡ ಆರ್ಯ ಅವರ ಸಹಾಯಕರು "ನಿರ್ದೇಶಕ ಅನುಪ್ ಭಂಡಾರಿ ಆರ್ಯರನ್ನು ಚಿತ್ರಹಿಂಸಿಸುತ್ತಿದ್ದಾರೆಂದು" ಹಾಸ್ಯದಿಂದ ಹೇಳುತ್ತಿದ್ದರು. ಕನ್ನಡ ಭಾಷೆ ಆರ್ಯರಿಗೆ ಹೊಸದಾಗಿದ್ದರಿಂದ ತಮ್ಮ ಸಾಲುಗಳನ್ನು ಹಾಗು ಅಭಿವ್ಯಕ್ತಿಗಳನ್ನು ಸರಿಯಾದ ರೀತಿಯಲ್ಲಿ ಪಡೆದುಕೊಳ್ಳುವುದಕ್ಕಾಗಿ ಆರ್ಯ ಸಂಪೂರ್ಣವಾಗಿ ಗಮನವಹಿಸುತ್ತಿದ್ದರು. ತೆಲುಗು ಅವರ ಮೊದಲ ಭಾಷೆ ಅಲ್ಲ ಹಾಗಾಗಿ ಅವರು ತೆಲುಗಿನ ಸಾಲುಗಳನ್ನು ಪೂರ್ವಾಭ್ಯಾಸ ಮಾಡಿಕೊಳ್ಳುತ್ತಿದ್ದರು.
ಆರ್ಯ ರಂಗಿತರಂಗದ ದೊಡ್ಡ ಅಭಿಮಾನಿಯಾದ ಕಾರಣ, ತಾನು ಪ್ರೀತಿಯಿಂದ ಒಪ್ಪಿಕೊಂಡಿರುವ ಪಾತ್ರಕ್ಕೆ ಅತ್ಯುತ್ತಮವಾದ ಅಭಿನಯ ನೀಡಬೇಕೆಂಬ ಉದ್ದೇಶ ಅವರದಾಗಿತ್ತು.

 

'ರಾಜರಥ' ತಂಡದ ಪ್ರಕಾರ ಕೆಲಸ ಮಾಡುವ ಅತ್ಯಂತ ವಿನಮ್ರ ವ್ಯಕ್ತಿಯಲ್ಲಿ ಆರ್ಯ ಸಹ ಒಬ್ಬರು. "ಅವರು ಸಮಯಕ್ಕೆ ಸೆಟ್ಟಿನಲ್ಲಿರುತ್ತಾರೆ ಮತ್ತು ಪ್ರಶ್ನಿಸದೆಯೇ ಪಾತ್ರಕ್ಕೆ ಅಗತ್ಯವಿರುವ ನಟನೆಯನ್ನು ಮಾಡುತ್ತಿದ್ದರು" ಎಂದು ನಿರ್ದೇಶಕ ಅನುಪ್ ಭಂಡಾರಿ ತಿಳಿಸಿದ್ದಾರೆ.

 

ರಾಜರಥ ರೋಮ್ಯಾನ್ಸ್, ಕಾಮಿಡಿ, ಸಂಗೀತದ ಅಂಶವಿರುವ ಚಿತ್ರ. ಅಜಯ್ ರೆಡ್ಡಿ, ಅಂಜು ವಲ್ಲಭನೆನಿ, ವಿಷು ದಕ್ಕಪ್ಪಗಾರಿ ಮತ್ತು ಸತೀಶ್ ಶಾಸ್ತ್ರಿ ಅವರನ್ನು ಒಳಗೊಂಡಂತೆ ಜಾಲಿಹಿಟ್ಸ್ ಅವರು ಪ್ರಪಂಚದಾದ್ಯಂತ ಬಿಡುಗಡೆ ಮಾಡುತಿದ್ದಾರೆ.

 
ಈ ಬಾರಿ ಯುಗಾದಿ ಹಬ್ಬಕ್ಕೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್‌ ಮತ್ತು ಪವರ್ ಸ್ಟಾರ್ ಪುನೀತ್‌ರಾಜ್‌ಕುಮಾರ್‌ ಮನೆಗಳಿಗೆ ಬರಲಿದ್ದಾರೆ. ಹೌದು ಈ ಇಬ್ಬರು ನಟಿಸಿದ ಸೂಪರ್‌ ಹಿಟ್‌ ಚಿತ್ರಗಳಾದ ಅಂಜನಿಪುತ್ರ ಮತ್ತು ತಾರಕ್‌ ಸಿನಿಮಾಗಳು ಟಿವಿಯಲ್ಲಿ ಪ್ರಸಾರವಾಗುತ್ತಿದೆ.
ದರ್ಶನ್‌ ನಟನೆಯ ತಾರಕ್‌ ಚಿತ್ರ ಸ್ಟಾರ್‌ ಸುವರ್ಣದಲ್ಲಿ ಯುಗಾದಿ ಹಬ್ಬದ ದಿನ ಪ್ರಸಾರವಾಗಲಿದೆ. ಪುನೀತ್‌ ರಾಜ್‌ಕುಮಾರ್‌ ಅವರ ‘ಅಂಜನಿಪುತ್ರ’ ಸಿನಿಮಾ ಕೂಡ ಅದೇ ದಿನ ಪ್ರಸಾರ ಆಗುತ್ತಿದೆ. ಯುಗಾದಿ ಹಬ್ಬಕ್ಕೆ ಉದಯ ಟಿವಿಯಲ್ಲಿ ಪುನೀತ್‌ ಸಿನಿಮಾ ಸಂಜೆ ಆರು ಗಂಟೆಗೆ ಟೆಲಿಕಾಸ್ಟ್‌ ಆಗುತ್ತಿದೆ.
ಕನ್ನಡದ ಸ್ಟಾರ್‌ ನಟರಾದ ದರ್ಶನ್‌ ಮತ್ತು ಪುನೀತ್‌ ಅವರ ಸಿನಿಮಾಗಳು ಒಂದೇ ದಿನ ಕಿರುತೆರೆಯಲ್ಲಿ ಪ್ರಸಾರ ಆಗುತ್ತಿದ್ದು, ಯಾವ ಸಿನಿಮಾಗೆ ಟಿಆರ್‌ಪಿ ಹೆಚ್ಚಾಗಿ ಬರುತ್ತದೆ ಎಂಬ ಲೆಕ್ಕಾಚಾರ ಈಗಾಗಲೇ ಆರಂಭವಾಗಿದೆ.
ಇಲ್ಲಿಯವರೆಗೆ ಕನ್ನಡ ಕಿರುತೆರೆಯಲ್ಲಿ ‘ದೊಡ್ಮೆನೆ ಹುಡ್ಗ’ ಸಿನಿಮಾ ಅತಿ ಹೆಚ್ಚು ಟಿ ಆರ್‌ ಪಿ ಪಡೆದ ಸಿನಿಮಾವಾಗಿ ರೆಕಾರ್ಡ್‌ ಮಾಡಿದೆ.
ಒಟ್ಟಿನಲ್ಲಿ ಯುಗಾದ ಹಬ್ಬದ ದಿನ ಚಾಲೆಂಜಿಂಗ್ ಸ್ಟಾರ್ ಮತ್ತು ಪವರ್ ಸ್ಟಾರ್ ಅಭಿಮಾನಿಗಳಿಗೆ ನಿಜಕ್ಕೂ ಹಬ್ಬದ ವಾತಾವರಣ ಸೃಷ್ಟಿಯಾಗುತ್ತದೆ.
#AnjaniPutra #Tarak #ChallengingStarDarshan #PowerStarPuneethRajkumar #Cineloka

 

ಡಿಜಿಟಲ್‌ ಸರ್ವಿಸ್‌ ಪ್ರೊವೈಡರ್ಸ್ ವಿಧಿಸುತ್ತಿರುವ ದರವನ್ನು ಕಡಿತಗೊಳಿಸುವಂತೆ ಆಗ್ರಹಿಸಿ ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿಯು ಶುಕ್ರವಾರ ಥಿಯೇಟರ್‌ ಬಂದ್‌ಗೆ ಕರೆ ಕೊಟ್ಟಿತ್ತು. ಬೆಂಗಳೂರಿನಲ್ಲಿ ಮಾತ್ರ ಚಿತ್ರಮಂದಿರಗಳು ಬಂದ್‌ಗೆ ಸ್ಪಂದಿಸಿದ್ದು, ಉಳಿದಂತೆ ರಾಜ್ಯದ ಇತರೆಡೆ ಸಿನಿಮಾಮಂದಿರಗಳು ನಿರಾಂತಕವಾಗಿ ನಡೆದಿವೆ.


ಈ ವಿವಾದದಿಂದಾಗಿ ಚಿತ್ರರಂಗಕ್ಕೆ ಸುಮಾರು ನಲವತ್ತು ಕೋಟಿಗೂ ಅಧಿಕ ಮೊತ್ತದ ಆರ್ಥಿಕ ನಷ್ಟವಾಗಿದೆ ಎನ್ನಲಾಗುತ್ತಿದೆ.


ಈಗಾಗಲೇ ವಿಧಿಸುತ್ತಿರುವ ದರದಲ್ಲಿ ಶೇ 25ರಷ್ಟು ಕಡಿಮೆ ಮಾಡುವಂತೆ ಯುಎಫ್‌ಒ ಮತ್ತು ಕ್ಯೂಬ್‌ಗೆ ದಕ್ಷಿಣ ಭಾರತದ ಚಲನಚಿತ್ರ ವಾಣಿಜ್ಯ ಮಂಡಳಿಗಳಾದ ಕರ್ನಾಟಕ, ತಮಿಳುನಾಡು, ಆಂಧ್ರಪ್ರದೇಶ, ತೆಲಂಗಾಣ, ಕೇರಳ, ಪುದುಚೇರಿ ಒಟ್ಟಾಗಿ ಮನವಿ ಸಲ್ಲಿಸಿದ್ದವು. ಕರ್ನಾಟಕ ಹೊರತು ಪಡಿಸಿ ಉಳಿದೆಲ್ಲ ಮಂಡಳಿಗಳು ಮಾ.2ರಿಂದಲೇ ಹೊಸ ಸಿನಿಮಾ ಕೊಡದಂತೆ ನಿರ್ಣಯ ತಗೆದುಕೊಂಡಿದ್ದವು. ಆದರೂ, ದರ ಕಡಿತದ ಕುರಿತು ಒಮ್ಮತ ಮೂಡಿಲ್ಲ. ಎರಡು ಬಾರಿ ನಡೆದ ಮಾತಕತೆ ಕೂಡ ವಿಫಲವಾಗಿತ್ತು. ಹಾಗಾಗಿ ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿಯು ಥಿಯೇಟರ್‌ ಬಂದ್‌ ಮಾಡುವಂತಹ ನಿರ್ಧಾರ ತಗೆದುಕೊಂಡಿತ್ತು.

ನಿರ್ಮಾಪಕರಿಗೆ ಹೊರೆ ಆಗುವಂತಹ ದರ ನಿಗದಿ ಮಾಡಿದ ಪರಿಣಾಮ ಬಂದ್‌ ಅನಿವಾರ್ಯವಾಗಿತ್ತು, ಈಗ ಶುಕ್ರವಾರ ಎಲ್ಲ ಮಲ್ಟಿಪ್ಲೆಕ್ಸ್‌ಗಳು ಮತ್ತು ಚಿತ್ರಮಂದಿರಗಳನ್ನು ಬಂದ್‌ ಮಾಡಲಾಗಿದೆ. ಇಷ್ಟಾಗಿಯೂ ಡಿಜಿಟಲ್‌ ಸರ್ವಿಸ್‌ ಪ್ರೊವೈಡರ್ಸ್‌ ಮನವಿಗೆ ಸ್ಪಂದಿಸದೇ ಹೋದಲ್ಲಿ ಪರ್ಯಾಯ ಮಾರ್ಗದ ಬಗ್ಗೆ ವಾಣಿಜ್ಯ ಮಂಡಳಿಯು ಯೋಚಿಸುತ್ತದಂತೆ.

ಲೂಸ್‌ ಮಾದ ಯೋಗಿ ನಾಯಕರಾಗಿ ನಟಿಸಿರುವ 'ಯೋಗಿ ದುನಿಯಾ'ದಲ್ಲಿ ಅವರು ಟ್ರಾವೆಲ್‌ ಏಜೆಂಟ್‌ರಾಗಿ ನಟಿಸುತ್ತಿದ್ದಾರೆ. 

ಹರಿ ಎಂಬುವವರು ಮೊದಲ ಬಾರಿಗೆ ನಿರ್ದೇಶನ ಮಾಡುತ್ತಿರುವ ಈ ಚಿತ್ರದಲ್ಲಿ ಯೋಗಿ ಬೆಂಗಳೂರಿನ ಮೆಜೆಸ್ಟಿಕ್‌ನಲ್ಲಿ ರುವ ಟ್ರಾವೆಲ್‌ ಏಜೆಂಟ್‌ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ.

 

ಬೆಂಗಳೂರಿನ ಮೆಜಸ್ಟಿಕ್‌ ರಾತ್ರಿ ಆಗುತ್ತಿದ್ದಂತೆಯೇ ಅನೇಕ ರೂಪಗಳನ್ನು ಪಡೆದುಕೊಳ್ಳುತ್ತದೆ. ಅನೇಕ ಚಟುವಟಿಕೆಗಳು ನಡೆಯುತ್ತವೆ. ಇಂತಹ ಚಟುವಟಿಕೆಯಲ್ಲಿ ನಡೆದಂತಹ ಒಂದು ಘಟನೆಯನ್ನು ಇಟ್ಟುಕೊಂಡು ಹರಿ ಸಿನಿಮಾ ಮಾಡಿದ್ದಾರೆ.


ಈ ಸಿನಿಮಾದಲ್ಲಿ ಒಂದು ಹಾಡನ್ನು ಸತತವಾಗಿ 12 ಗಂಟೆಗಳ ಕಾಲ ನಿರಂತರ ಚಿತ್ರೀಕರಣ ಮಾಡಲಾಗಿದೆಯಂತೆ. ಈ ಹಾಡಿನಲ್ಲಿ ನಾಯಕ ಯೋಗಿ ಮತ್ತು ಹಿತಾ ಚಂದ್ರಶೇಖರ್‌ ಪಾಲ್ಗೊಂಡಿದ್ದಾರೆ.

 

ಯೋಗಿ ಸಹೋದರ ಮಹೇಶ್‌ ಈ ಸಿನಿಮಾದಲ್ಲಿ ನಾಯಕನ ಗೆಳೆಯನ ಪಾತ್ರ ಮಾಡಿದ್ದಾರೆ. ವಸಿಷ್ಠ ಸಿಂಹ, ಅಶ್ವತ್ಥ್‌ ನೀನಾಸಂ, ಸಂದೀಪ್‌ ಸೇರಿ ಪ್ರತಿಭಾವಂತರ ದಂಡೇ ಇಲ್ಲಿದೆ.

 

ಚಿತ್ರವು ಇದೇ ಮಾರ್ಚ್ 16 ರಂದು ತೆರೆಗೆ ಬರಲಿದೆ.

 

ವಿಭಿನ್ನ ಕಥೆ, ಹಾರರ್ ಹಿನ್ನೆಲೆಯಲ್ಲಿ ಮೂಡಿಬಂದಿರುವ ಸಿ 3 ಚಿತ್ರದ ಆಡಿಯೋ ಹಾಗೂ ಟ್ರೈಲರ್ ಅನಾವರಣ ಸಮಾರಂಭ ಇತ್ತೀಚೆಗೆ ನಡೆಯಿತು. ಈ ಹಿಂದೆ ಶಿವಮಣಿ, ಆಸ್ಕರ್ ಕೃಷ್ಣ, ಶ್ರೀನಿವಾಸರಾಜು ಮುಂತಾದ ನಿರ್ದೇಶಕರ ಬಳಿ ಕೆಲಸ ಮಾಡಿದ ಕೃಷ್ಣಕುಮಾರ್ ಬಿ. ಹೊಂಗನೂರು ಈ ಚಿತ್ರದ ಕಥೆ, ಚಿತ್ರಕಥೆ ಬರೆದು ನಿರ್ದೇಶನ ಮಾಡಿದ್ದಾರೆ. ಈ ಚಿತ್ರದಲ್ಲಿ ನಾಯಕ, ನಾಯಕಿ ಬಿಟ್ಟರೆ ಯಾವುದೇ ಪಾತ್ರಗಳಿಲ್ಲ, ಒಂದೆರಡು ಪಾತ್ರಗಳು ಕಂಡುಬಂದರೂ ಅದು ಒಂದೆರಡು ಸೀನ್‍ಗಳಲ್ಲಿ ಮಾತ್ರ. ಇಡೀ ಚಿತ್ರದ ಕಥೆ ನಡೆಯುವುದು ಒಂದೇ ರಾತ್ರಿಯಲ್ಲಿ ಹಾಗೂ ಒಂದೇ ಲೊಕೇಶನ್‍ನಲ್ಲಿ. ಕಿರುತೆರೆಯ ಲಕ್ಷ್ಮೀ ಬಾರಮ್ಮ ಖ್ಯಾತಿಯ ವಿಜಯಕುಮಾರ್ ಹಾಗೂ ಪ್ಯಾಟಿ ಹುಡ್ಗೀರ್ ಖ್ಯಾತಿಯ ಐಶ್ವರ್ಯ ಆ ಎರಡು ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

 

ಈಗಾಗಲೇ ಈ ಚಿತ್ರದ ಚಿತ್ರೀಕರಣ ಪೂರ್ಣಗೊಂಡಿದ್ದು, ಮೊನ್ನೆ ಚಿತ್ರದ ಆಡಿಯೋ ಸಿಡಿಯನ್ನು ಜ್ಯೋತಿಷಿ ಗಣಪತಿ ಹೆಬ್ಬಾರ್ ಅವರು ಬಿಡುಗಡೆ ಮಾಡಿದರು, ಇನ್ನು ಚಿತ್ರದ ಟ್ರೈಲರನ್ನು ನಿರ್ದೇಶಕ ಆಸ್ಕರ್ ಕೃಷ್ಣ ಲಾಂಚ್ ಮಾಡಿದರು. ಚಿತ್ರದಲ್ಲಿ ಕೇವಲ ಒಂದೇ ಹಾಡಿದ್ದು, ಅದಕ್ಕೆ ಡಾ.ನಾಗೇಂದ್ರ ಪ್ರಸಾದ್ ಸಾಹಿತ್ಯ ರಚಿಸಿದ್ದಾರೆ, ವಿಜಯ ಪ್ರಕಾಶ್ ಹಾಗೂ ಜೋಗಿ ಸುನೀತಾ ದನಿಗೂಡಿಸಿದ್ದಾರೆ. ಈ ಚಿತ್ರವನ್ನು ಬಿ.ಎಂ.ಚೇತನ್ ಅವರು ನಿರ್ಮಾಣ ಮಾಡಿದ್ದಾರೆ. ಆದಿಲ್ ನದಾಫ್ ಚಿತ್ರಕ್ಕೆ ಸಂಗೀತ ಸಂಯೋಜನೆ ಮಾಡಿದ್ದಾರೆ.

 

ಇಡೀ ರಾತ್ರಿ ಕಛೇರಿಯ ಒಳಗೇ ನಾಯಕ ಇರಬೇಕಾದ ಸಂದರ್ಭ ಒದಗಿಬಂದಿರುತ್ತದೆ. ಆ ಸಂದರ್ಭದಲ್ಲಿ ಆತನ ಮನಸ್ಸು ಏನೇನೆಲ್ಲಾ ಯೋಚನೆ ಮಾಡುತ್ತದೆ, ಮನುಷ್ಯ ಭಯ ಆದಾಗ ಹೇಗೆ ನಡೆದುಕೊಳ್ತಾನೆ, ಭಯ ಎದುರಿಸುವಾಗ ಹೇಗೆ ಧೈರ್ಯ ತಂದುಕೊಳ್ತಾನೆ ಎಂದು ಈ ಪಾತ್ರದ ಮೂಲಕ ನಿರ್ದೇಶಕರು ಹೇಳುವ ಪ್ರಯತ್ನ ಮಾಡಿದ್ದಾರೆ. ನಾಯಕ ಅಲ್ಲಿಂದ ಹೇಗೆ ಪಾರಾಗಿ ಹೊರಬರುತ್ತಾನೆ ಕೊನೆಯಲ್ಲಿ ಏನಾಗುತ್ತಾನೆ ಎನ್ನುವುದೇ ಈ ಚಿತ್ರದ ಕಥೆ. ಈ ಸಂದರ್ಭದಲ್ಲಿ ನಿರ್ದೇಶಕ ಕೃಷ್ಣಕುಮಾರ್ ಮಾತನಾಡುತ್ತ ಕೆಂಗೇರಿ ಬಳಿ ಸರ್ಕಾರಿ ಕಛೇರಿಯೊಂದರಲ್ಲಿ ಇಡೀ ಚಿತ್ರಕ್ಕೆ ಚಿತ್ರೀಕರಣ ನಡೆಸಲಾಗಿದೆ. ಒಂದು ಬಿಲ್ಡಿಂಗ್ ಒಳಗೆ ಒಬ್ಬ ವ್ಯಕ್ತಿಯ ಸುತ್ತ ನಡೆವ ಕಥೆ ಇಟ್ಟುಕೊಂಡು ಒಂದು ಎಕ್ಸ್‍ಪರಿಮೆಂಟ್ ಮಾಡಿದ್ದೇನೆ. ಈ ಮಧ್ಯೆ ನಾಯಕಿಯೂ ಬರುತ್ತಾಳೆ, ಆಕೆ ಹೇಗೆ, ಏಕೆ ಬರುತ್ತಾಳೆ ಅಂತ ಹೇಳುವುದೇ ಚಿತ್ರದ ಕಥೆ ಎಂದು ಹೇಳಿದರು. ನಂತರ ನಿರ್ಮಾಪಕರಾದ ಚೇತನ್ ಮಾತನಾಡುತ್ತ ಇದೇ ಮೊದಲಬಾರಿಗೆ ಚಿತ್ರವನ್ನು ನಿರ್ಮಾಣ ಮಾಡಿದ್ದೇನೆ. ನಂತರದಲ್ಲಿ ಇನ್ನೂ ಹಲವಾರು ಸಿನಿಮಾ ಮಾಡುವ ಯೋಜನೆಯಿದೆ ಎಂಬುದಾಗಿ ಹೇಳಿಕೊಂಡರು.

 

ಸಂಗೀತ ನಿರ್ದೇಶಕ ಆದಿಲ್ ನದಾಫ್ ಮಾತನಾಡುತ್ತ ಇದು ನನ್ನ ಸಂಗೀತ ನಿರ್ದೇಶನದ 2ನೇ ಚಿತ್ರ. ಚಿರದಲ್ಲಿ ಒಂದೇ ಒಂದು ಹಾಡಿದ್ದು, ಅಂಬಾರಿ ಏರಿ ನಾವು ಹೋಗೋಣ ಬಾರೋ ಎಂದ ಈ ಹಾಡನ್ನು ಡಾ.ನಾಗೇಂದ್ರ ಪ್ರಸಾದ್ ರಚಿಸಿದ್ದಾರೆ ಎಂದು ಹೇಳಿದರು. ಚಿತ್ರದ ನಾಯಕನಟ ವಿಜಯ ಕುಮಾರ್ ಮಾತನಾಡುತ್ತ ಒಬ್ಬ ಸಾಫ್ಟ್‍ವೇರ್ ಕಂಪನಿಯ ಹುಡುಗನಾಗಿ ನಾನೀ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದೇನೆ. ನಿರ್ದೇಶಕ ಕೃಷ್ಣಕುಮಾರ್ ನನಗೆ ಹತ್ತು ವರ್ಷಗಳ ಸ್ನೇಹಿತ. 28 ರಾತ್ರಿಗಳು ಒಂದೇ ಲೊಕೇಶನ್‍ನಲ್ಲಿ ಶೂಟ್ ಮಾಡಿದೆವು. ಒಬ್ಬನೇ ವ್ಯಕ್ತಿ ಒಂದು ಸ್ಥಳದಲ್ಲಿ ಬಂಧಿಯಾಗಿದ್ದಾಗ ಏನೆಲ್ಲ ತರ್ಲೆಗಳನ್ನು ಮಾಡಬಹುದು ಎಂದು ನನ್ನ ಪಾತ್ರದ ಮೂಲಕ ತೋರಿಸಿದ್ದಾರೆ ಎಂದು ಹೇಳಿದರು. ನಾಯಕಿ ಐಶ್ವರ್ಯ ಮಾತನಾಡುತ್ತ ಕಾಮಿಡಿ, ಥ್ರಿಲ್ಲರ್ ಎಲ್ಲಾ ಇರುವಂಥ ಎಂಟರ್‍ಟೈನ್‍ಮೆಂಟ್ ಪ್ಯಾಕೇಜ್ ಇದು. ನಾಯಕನನ್ನು ಗೋಳುಹುಯ್ದುಕೊಳ್ಳುವ ಪಾತ್ರ ಎಂದು ತನ್ನ ಪಾತ್ರದ ಬಗ್ಗೆ ಹೇಳಿಕೊಂಡರು.

Page 8 of 15

kismat

aaadi nigif

ad free

ರಿಯಲ್ ಸ್ಟಾರ್ ಉಪೇಂದ್ರ ರಾಜ್ಯ ರಾಜಕೀಯದಲ್ಲಿ ಯಾವ ಪಕ್ಷ ಸೇರಬೇಕು.?
  • Votes: (0%)
  • Votes: (0%)
  • Votes: (0%)
  • Votes: (0%)
  • Votes: (0%)
Total Votes:
First Vote:
Last Vote:
Go to top