IB anigif

Ayugya Gif

adweb

udgharsha

24ವರ್ಷಗಳ ಹಿಂದೆ ಪ್ರಪ್ರಥಮ ಬಾರಿಗೆ ಧಾರಾವಾಹಿಗಳನ್ನ ಕನ್ನಡದ ಪ್ರೇಕ್ಷಕರಿಗೆ ಉಣಬಡಿಸಿ, ಅನೇಕ ಮನರಂಜನಾ ಕಾರ್ಯಕ್ರಮಗಳು ಮತ್ತು ವಿಭಿನ್ನ ಹೊಸ ಧಾರಾವಾಹಿಗಳನ್ನ ನೀಡುತ್ತಾ ಬಂದಿರುವ ಉದಯ ಟಿವಿ ಈಗಾಗಲೇ ನಂದಿನಿ, ಕಾವೇರಿ, ಮಾನಸ ಸರೋವರ,ಜೋಜೋ ಲಾಲಿ, ಕಣ್ಮಣಿ ಅಂಥಹ ಧಾರಾವಾಹಿಗಳನ್ನು ನೀಡಿ ಈಗ ಉದಯ ಟಿವಿ ಮತ್ತೊಂದು ವಿನೂತನರೀತಿಯಧಾರಾವಾಹಿಯನ್ನು ಕರುನಾಡ ಮಡಿಲಿಗೆ ಹಾಕಲು ಸಿದ್ಧವಾಗಿದೆ. “ಮಾಯಾ” ಜುಲೈ 9ರಿಂದ ಸೋಮವಾರದಿಂದ ಶುಕ್ರವಾರದ ವರೆಗೆರಾತ್ರಿ 7.30ಕ್ಕೆ ಪ್ರಸಾರವಾಗಲಿದೆ.
.
"ಪುನರಪಿ ಮರಣಂ.. ಪುನರಪಿ ಜನನಂ" ಎನ್ನುವುದು ನಮ್ಮ ಭಾರತೀಯ ಸಂಸ್ಕøತಿಯಲ್ಲಿನ ಆಳವಾದ ನಂಬಿಕೆ. ದೇಹ ನಾಶವಾದರೂಆತ್ಮಕ್ಕೆ ವಿನಾಶವಿಲ್ಲಾ ಎನ್ನುವುದು ಆಧ್ಯಾತ್ಮದ ಸಾರ. ಇವೆರಡರ ಮಿಶ್ರಣವೇ "ಮಾಯಾ" ಧಾರಾವಾಹಿಯ ಮೂಲ.
ಸಾವಿರಾರು ವರ್ಷಗಳ ಹಿಂದೆ ಕಣ್ಮೆರೆಯಾದ ಆತ್ಮವನ್ನು ಮತ್ತೆ ಈ ಕಾಲದಲ್ಲಿತನ್ನ ಹಿಡಿತಕ್ಕೆ ತೆಗೆದುಕೊಂಡು ಇಡೀ ಪ್ರಪಂಚದಲ್ಲಿ ತನ್ನ ಸಾಮ್ರಾಜ್ಯವನ್ನು ಸ್ಥಾಪನೆ ಮಾಡಬೇಕೆನ್ನುವುದು ಕಾಲಾಂತಕನ ಆಸೆ. ಅವನ ಆಸೆ ನೆರವೇರದೆ ದುಷ್ಟ ಶಕ್ತಿಗಳನ್ನು ತಡೆಯಬೇಕೆಂಬ ಇನ್ನೊಂದು ಗುಂಪು. ಕಾಲಾಂತಕನಿಗೆ ಬೆಂಬಲವಾಗಿ ನಿಲ್ಲುವರಣ ಮಾಯಾ.
ಇಂದಿನ ಜನ್ಮದಲ್ಲಿ ಅರವಿಂದ್, ಯಕ್ಷ ಮತ್ತು ದರ್ಶಿನಿ ಯಾಗಿ ಹುಟ್ಟಿರುವ ಮೂರುಜನರೇಈ ಕಥೆಯಕೇಂದ್ರ ಬಿಂದುಗಳು. ಯಾರ ಜೊತೆಗೆ ಯಾರು ಸೇರಿದರೆ ಒಳ್ಳೆಯದನ್ನು ಸಾಧಿಸಬಹುದು? ಯಾರನ್ನ ಯಾರಿಂದ ದೂರಾ ಮಾಡಬೇಕು? ಯಾರಿಂದ ಯಶಸ್ಸು ದೊರೆಯುತ್ತದೆ?ಎನ್ನುವ ಹೋರಾಟವೇ ಕಾಲದ ಹಾಗೂ ಕಾಲಾಂತಕನ ಮಾಯೆ.
.
ಈ ಧಾರಾವಾಹಿಯ ಕಥೆಯೇ ಹೊಸ ರೀತಿಯ ಹಂದರವಾಗಿರುವುದಲ್ಲದೇ..ಅದಕ್ಕೆ ಪೂರಕವಾದ ಜಾಗಗಳು, ಮನಸೆಳೆಯುವ ಗ್ರಾಫಿಕ್ಸ್.. ನವೀನ ಮಾದರಿಯ ತಂತ್ರಜ್ಞಾನದ ಉಪಯೋಗ ಎಲ್ಲವೂ ವೀಕ್ಷಕರನ್ನು ಆಶ್ವರ್ಯಗೊಳ್ಳುವಂತೆ ಮಾಡುತ್ತದೆ. ಪ್ರೀತಿ, ಪ್ರೇಮ ಮತ್ಸರ,ಹಗೆ, ಹಾಸ್ಯ ಹೀಗೆ ಮನರಂಜಿಸಲು ಬೇಕಾಗುವ ಎಲ್ಲ ಅಂಶಗಳೂ ಈ ಧಾರಾವಾಹಿಯಲ್ಲಿ ಅಡಕವಾಗಿದೆ.
ಈಗಾಗಲೇ ಕರ್ನಾಟಕದಲ್ಲಿ ಮನೆ ಮಾತಾಗಿರುವ "ನಂದಿನಿ" ಧಾರಾವಾಹಿಯನ್ನು ನಿರ್ಮಾಣ ಮಾಡುತ್ತೀರುವಅವ್ನಿಟೆಲಿ ಮೀಡಿಯ ಈ "ಮಾಯಾ" ಧಾರಾವಾಹಿಯನ್ನುತಯಾರಿಸುತ್ತಿದ್ದಾರೆ.ನಂದಾಸ್ ಮತ್ತು ನಾರಾಯಣ ಮೂರ್ತಿ ನಿರ್ದೇಶನದ ಹೊಣೆ ಹೊತ್ತಿದ್ದಾರೆ.
.
ತಾರಾಗಣದಲ್ಲಿ ಸರಯೂ ಧಾರಾವಾಹಿಯ ಮೂಲಕ ಹೆಸರಾದ ಶ್ವೇತ ನಾಯಕಿಯಾಗಿ, ಆಕಾಂಕ್ಷ ಮತ್ತೊರ್ವ ನಾಯಕಿಯಾಗಿ,ಅಜಯ್ ಈ ಧಾರಾವಾಹಿಯ ನಾಯಕನಾಗಿ ಅಭಿನಯಿಸತ್ತಿದ್ದಾರೆ.ಹಿರಿಯಯ ನಟ ಉಮೇಶ್, ವಿನಯರಾಮ್ ಪ್ರಸಾದ್,ಮೋಹನ್ ಶರ್ಮ, ಅಶೋಕ್ ಮುಂತಾದವರು ಈ ಧಾರಾವಾಹಿಗೆ ಸಾಥ್ ನೀಡಿದ್ದಾರೆ.
.
ಶೀರ್ಷಿಕೆ ಸಂಗೀತ ವನ್ನು ಸತ್ಯ,ಸಂಕಲನವನ್ನು ಶ್ರೀಕಾಂತ್,ಸಾಹಿತ್ಯ-ಸಂಭಾಷಣೆಯನ್ನು ಉದಯ್ ಮತ್ತು ಛಾಯಾಗ್ರಹಣ-ನಿರ್ದೇಶನ: ಭಾನು ಅವರು ವಹಿಸಿಕೊಂಡಿದ್ದಾರೆ. ಈ ಧಾರಾವಾಹಿಯ ಕಥೆ-ಚಿತ್ರಕತೆ, ಸಲಹೆ-ನಿರ್ಮಾಣ ಸುಂದರ್ ಸಿ ನಿರ್ವಹಿಸುತ್ತಿದ್ದಾರೆ.
ಫ್ಯಾಂಟಸಿ, ಸಾಮಾಜಿಕ ಮೆಗಾಧಾರಾವಾಹಿ "ಮಾಯಾ" ಜುಲೈ 9ರಿಂದ ರಾತ್ರಿ ಸೋಮವಾರದಿಂದ ಶುಕ್ರವಾರದ ವರೆಗೆ ರಾತ್ರಿ 7.30ಕ್ಕೆ ಉದಯ ಟಿವಿಯಲ್ಲಿ ಪ್ರಸಾರವಾಗುತ್ತದೆ.
#Maaya #UdayaTv #Cineloka
 
ತನ್ನ ಟೈಟಲ್‌ನಿಂದ ಗಮನ ಸೆಳೆಯುತ್ತಿರುವ ಸಂಕಷ್ಟಕರ ಗಣಪತಿ ಸಿನಿಮಾದಲ್ಲಿ ನಾಯಕನ ಎಡಗೈ ಅವನನ್ನು ಸಂಕಷ್ಟಕ್ಕೆ ದೂಡುತ್ತದಂತೆ.
.
ಹೌದು ಅರ್ಜುನ್‌ಕುಮಾರ್‌ ನಿರ್ದೇಶನದಲ್ಲಿ ಮೂಡಿ ಬಂದಿರುವ ಈ ಚಿತ್ರದಲ್ಲಿ ಏಲಿಯನ್‌ ಹ್ಯಾಂಡ್‌ ಸಿಂಡ್ರೋಮ್‌ ಎಂಬ ಖಾಯಿಲೆಯಿಂದ ನಾಯಕ ಬಳಲುತ್ತಿರುತ್ತಾನೆ. ಈ ಖಾಯಿಲೆಯಿಂದಾಗಿ ಆತ ಸಾಕಷ್ಟು ಸಂಕಷ್ಟಕ್ಕೆ ಒಳಗಾಗುತ್ತಾನಂತೆ.
ನಿರ್ದೇಶಕ ಅರ್ಜುನ್‌ಕುಮಾರ್‌ ಈ ಹಿಂದೆ ಪನ್ಮಂಡ್ರಿ ಕ್ರಾಸ್‌ ಎಂಬ ಕಿರು ಚಿತ್ರವನ್ನು ನಿರ್ದೇಶನ ಮಾಡಿದ್ದರು.
.
’ಈ ಚಿತ್ರದಲ್ಲಿ ನಾಯಕ ಕಾರ್ಟೂನಿಸ್ಟ್‌ ಆಗಬೇಕು ಎಂಬ ಕನಸು ಕಂಡಿರುತ್ತಾನೆ. ಅವನ ವೃತ್ತಿ ಬದುಕು ಸೆಟಲ್‌ ಆಗುತ್ತಿದೆ ಎನ್ನುವ ಹೊತ್ತಿಗೆ ಅವನಿಗೆ ಏಲಿಯನ್‌ ಹ್ಯಾಂಡ್‌ ಡಿಸಾಡರ್‌ ಆಗುತ್ತದೆ. ಈ ಖಾಯಿಲೆ ಪ್ರಪಂಚದಲ್ಲಿ ನೂರು ಜನಕ್ಕೆ ಮಾತ್ರ ಬರುತ್ತದೆ. ಇದಕ್ಕೆ ತುತ್ತಾದ ನಾಯಕನಿಗೆ ಆತನ ಎಡಗೈ ಸಂಪೂರ್ಣ ಹಿಡಿತ ತಪ್ಪುತ್ತದೆ. ಬೇರೆ ಏನೇ ಕೆಲಸ ಮಾಡುತ್ತಿದ್ದರೂ, ಎಡಗೈ ಮಾತ್ರ ಇನ್ನೆನೋ ಕೆಲಸ ಮಾಡುತ್ತಿರುತ್ತದೆ. ಇದರಿಂದ ಆತ ಒಂದಷ್ಟು ಸಮಸ್ಯೆಗಳಿಗೆ ಸಿಲುಕಿಕೊಳ್ಳುತ್ತಾನೆ. ಇದನ್ನೆ ನಾನು ಕಾಮಿಡಿಯಾಗಿ ಹೇಳಿದ್ದೇನೆ ಎನ್ನುತ್ತಾರೆ ಅರ್ಜುನ್‌ ಕುಮಾರ್‌.
.
ನಾಯಕ ಲಿಖಿತ್‌ ಮತ್ತು ನಿರ್ದೇಶಕ ಅರ್ಜುನ್‌ಕುಮಾರ್‌ ಈ ಸ್ಕ್ರಿಪ್ಟ್‌ಗಾಗಿ, ಈ ಖಾಯಿಲೆಗೆ ತುತ್ತಾದವರನ್ನು ಮತ್ತು ಅದಕ್ಕೆ ಚಿಕಿತ್ಸೆ ನೀಡುವ ವೈದ್ಯರನ್ನು ಭೇಟಿ ಮಾಡಿ ಸಾಕಷ್ಟು ಸಲಹೆಗಳನ್ನು ಪಡೆದಿದ್ದಾರೆ. ಡೈನಮೇಟ್‌ ಫಿಲಂಸ್‌ ಬ್ಯಾನರ್‌ ಅಡಿಯಲ್ಲಿ ರಾಜೇಶ್‌ಬಾಬು, ಫೈಜಾನ್‌ ಖಾನ್‌, ಜೊಡಿದಾರ್‌ ಬಿ.ಎಸ್‌.ಹೇಮಂತ್‌ಕುಮಾರ್‌, ಪ್ರಮೋದ್‌ ನಿಂಬಾಳ್ಕರ್‌, ಎ ಚೆಲುವರಾಜ ನಾಯ್ಡು ಮಾಡಿದ್ದಾರೆ.
 
ಇದೆ ಜುಲೈ ತಿಂಗಳಲ್ಲಿ ಚಿತ್ರ ತೆರೆಗೆ ಬರುತ್ತಿದೆ.
.
#SankashtaKaraGanapati #Cineloka
ಹೊಸ ಪ್ರತಿಭೆ ಕುಶಾಲ್‌ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಕನ್ನಡಕ್ಕಾಗಿ ಒಂದನ್ನು ಒತ್ತಿ ಚಿತ್ರ ತನ್ನ ಮೇಕಿಂಗ್‌ ಸ್ಟೈಲ್‌ನಿಂದ ಸ್ಯಾಂಡಲ್‌ವುಡ್‌ನ ಗಮನ ಸೆಳೆಯುತ್ತಿದೆ.
.
ಹೌದು, ಸಂಪೂರ್ಣ ಹೊಸಬರನ್ನಿಟ್ಟುಕೊಂಡು ವಿಶಿಷ್ಟ ಟೈಟಲ್‌ ಇಟ್ಟು ಸಿನಿಮಾ ಮಾಡಿರುವ ಕುಶಾಲ್‌, ಮೇಕಿಂಗ್‌ ಸ್ಟೈಲ್‌ ಬಗ್ಗೆ ಎಲ್ಲರೂ ಮಾತನಾಡುತ್ತಿದ್ದಾರೆ. ಪತ್ರಕರ್ತ ಮತ್ತು ಕನ್ನಡ ಹೋರಾಟಗಾರನ ನಡುವಿನ ಸ್ನೇಹದ ಕಥೆಯನ್ನು ಈ ಸಿನಿಮಾದಲ್ಲಿ ಹೇಳಲಾಗಿದೆಯಂತೆ.
.
ಕನ್ನಡಕ್ಕಾಗಿ ಒಂದನ್ನು ಒತ್ತಿ ಪೋಸ್ಟರ್‌ಗಳು ಎಲ್ಲರ ಗಮನ ಸೆಳೆಯುತ್ತಿವೆ, ಜತೆಗೆ ಯೋಗರಾಜ್‌ಭಟ್‌ ಬರೆದಿರುವ ಟೈಟಲ್‌ ಟ್ರ್ಯಾಕ್‌ನ ವಿಡಿಯೋ ಬಿಡುಗಡೆಯಾಗಿದ್ದು,ಅದು ಸೋಷಿಯಲ್‌ ಮಿಡಿಯಾದಲ್ಲಿ ವೈರಲ್‌ ಆಗಿದೆ.
.
ಕನ್ನಡಕ್ಕಾಗಿ ಒಂದನ್ನು ಒತ್ತಿ ಸಿನಿಮಾ ಇದೇ ಶುಕ್ರವಾರ ರಾಜ್ಯದ್ಯಾಂತ ತೆರೆಗೆ ಬರುತ್ತಿದೆ. ಎಡ್‌ಬಿಡಂಗಿ ಟಾಕೀಸ್‌ ಬ್ಯಾನರ್‌ನಡಿ ಈ ಸಿನಿಮಾ ನಿರ್ಮಾಣವಾಗಿದೆ.
.
#KannadakkagiOndannuOtti #Cineloka
 
ಇತ್ತೀಚಿನ ದಿನಗಳಲ್ಲಿ ಸಸ್ಪೆನ್ಸ್‌ ಮತ್ತು ಥ್ರಿಲ್ಲರ್‌ ಸಿನಿಮಾಗಳು ಕನ್ನಡದಲ್ಲಿ ಜಾಸ್ತಿಯಾಗುತ್ತಿವೆ. ಆ ಸಾಲಿಗೆ ಹೊಸ ಸೇರ್ಪಡೆ 6 ನೇ ಮೈಲಿ.
.
ಸಂಚಾರಿ ವಿಜಯ್‌ ಮುಖ್ಯ ಭೂಮಿಕೆಯ ‘6ನೇ ಮೈಲಿ’ ಚಿತ್ರ ತನ್ನ ಟ್ರೇಲರ್‌ ಮತ್ತು ಒಂದೇ ಒಂದು ಹಾಡಿನಿಂದಾಗಿ ಗಮನ ಸೆಳೆದಿದೆ. ಸಿನಿಮಾದ ಫಸ್ಟ್‌ಲುಕ್‌ ಸಹ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ. ವಿಜಯ್‌ ಮೊದಲ ಬಾರಿಗೆ ರಗಡ್‌ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ.
.
ನಡು ರಾತ್ರಿಯಲ್ಲಿ ಪಶ್ಚಿಮ ಘಟ್ಟಗಳಿಗೆ ಟ್ರೆಕ್ಕಿಂಗ್‌ ಹೋಗಿ ಕಾಣೆಯಾಗುವ ಎರಡು ತಂಡಗಳ ಕಥೆಯನ್ನು ನಿರ್ದೇಶಕ ಸೀನಿ ಇಲ್ಲಿ ಹೇಳುತ್ತಿದ್ದಾರಂತೆ. ಈ ಸಿನಿಮಾದಲ್ಲಿ ನಕ್ಸಲ್‌, ಡಕಾಯಿತರು ಹೀಗೆ ಅನೇಕ ಪಾತ್ರಗಳು ಬಂದು ಹೋಗುತ್ತವೆ.
.
ಸಂಚಾರಿ ವಿಜಯ್‌ ಜತೆ ಆರ್‌ಜೆ ನೇತ್ರ, ಹೇಮಂತ್‌ಕುಮಾರ್‌, ಮೈತ್ರಿ ಜಗ್ಗಿ, ಜಾನ್ಹವಿ ಹೀಗೆ ಅನೇಕ ಕಲಾವಿದರು ತಾರಾಗಣದಲ್ಲಿ ಇದ್ದಾರೆ. ಆರು ಮಂದಿ ಕನ್ನಡದ ರೇಡಿಯೋ ಆರ್‌ಜೆಗಳು ಒಟ್ಟಿಗೆ ನಟಿಸಿರುವ ಮೊದಲ ಸಿನಿಮಾ ಕೂಡ ಇದಾಗಿದೆ. ಡಾ. ಶೈಲೇಶ್‌ಕುಮಾರ್‌ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ.
.
 
ಚಿತ್ರ ಇದೇ ಜುಲೈ 6 ರಂದು ರಾಜ್ಯಾದ್ಯಂತ ತೆರೆಗೆ ಬರುತ್ತಿದೆ.
.
#6neMaili #Cineloka #SanchariVijay

ಗೋಲ್ಡನ್ ಸ್ಟಾರ್ ಗಣೇಶ್ ನಾಯಕರಾಗಿ ನಟಿಸುತ್ತಿರುವ ನೂತನ ಚಿತ್ರ `ಗೀತಾ’. ಎಸ್.ಎಸ್.ಫಿûಲಂಸ್ ಹಾಗೂ ಗೋಲ್ಡನ್ ಮೂವೀಸ್ ಮೂಲಕ ಸೈಯದ್ ಸಲಾಂ ಹಾಗೂ ಶಿಲ್ಪಾಗಣೇಶ್ ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ಇತ್ತೀಚೆಗೆ ಬಿಡುಗಡೆಯಾಗಿ ಜನಮನಸೂರೆಗೊಂಡ `ಮುಗುಳುನಗೆ’ ಚಿತ್ರ ಇವರ ನಿರ್ಮಾಣದಲ್ಲೇ ಮೂಡಿಬಂದಿತ್ತು.

.

`ಮಿಸ್ಟರ್ & ಮಿಸ್ಸಸ್ ರಾಮಾಚಾರಿ’ ಹಾಗೂ `ರಾಜಕುಮಾರ’ ಚಿತ್ರಗಳಿಗೆ ಸಂತೋಷ್ ಆನಂದರಾಮ್ ಅವರ ಜೊತೆ ಕಾರ್ಯ ನಿರ್ವಹಿಸಿ ಅನುಭವವಿರುವ ವಿಜಯ್ ನಾಗೇಂದ್ರ ಈ ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ. ಇದು ಅವರ ಚೊಚ್ಚಲ ನಿರ್ದೇಶನದ ಚಿತ್ರ.

.

ಜುಲೈ 2 ಗಣೇಶ್ ಅವರ ಹುಟ್ಟಿದ ದಿನಕ್ಕಾಗಿ ಈ ಚಿತ್ರದ ವಿಶೇಷ ಫೋಟೋಶೂಟ್ ಕೂಡ ಮಾಡಲಾಗಿದೆ. ಸೆಪ್ಟಂಬರ್‍ನಲ್ಲಿ ಚಿತ್ರೀಕರಣ ಆರಂಭವಾಗಲಿದೆ. ಈ ಚಿತ್ರದ ನಾಯಕಾರಾಗಿ ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯಿಸುತ್ತಿದ್ದಾರೆ. ಉಳಿದಂತೆ ಈ ಚಿತ್ರದಲ್ಲಿ ಹೆಸರಾಂತ ನಟ - ನಟಿಯರ ತಾರಾಬಳಗವಿರುತ್ತದೆ ಎಂದು ನಿರ್ದೇಶಕರು ತಿಳಿಸಿದ್ದಾರೆ.

.

ವಿ.ಹರಿಕೃಷ್ಣ ಅವರು `ಗೀತಾ’ಗೆ ಸಂಗೀತ ನೀಡುತ್ತಿದ್ದಾರೆ ಹಾಗೂ ಶ್ರೀಶ ಕುದುವಳ್ಳಿ ಛಾಯಾಗ್ರಹಣ ಮಾಡುತ್ತಿದ್ದಾರೆ ನಿರ್ದೆಶಕ ವಿಜಯ್ ನಾಗೇಂದ್ರ ಅವರೆ ಚಿತ್ರಕ್ಕೆ ಕಥೆ, ಚಿತ್ರಕಥೆ ಬರೆದಿದ್ದಾರೆ. ನಾಯಕಿ ಸೇರಿದಂತೆ ಉಳಿದ ಕಲಾವಿದ ಹಾಗೂ ತಂತ್ರಜû್ಞರ ಆಯ್ಕೆ ನಡೆಯುತ್ತಿದೆ.

.

#Cineloka #Geetha

ಸಾಮಿ ಪಿಕ್ಚರ್ಸ್ ಲಾಂಛನದಡಿಯಲ್ಲಿ ನಿರ್ಮಾಪಕ ಶ್ರೀ ದೀಪಕ್‍ ಸಾಮಿ ನಿರ್ಮಿಸುತ್ತಿರುವ ಇನ್ನೂ ಹೆಸರಿಡದ "ಪ್ರೊಡಕ್ಷನ್ ನಂ.1" ಚಿತ್ರದ ಚಿತ್ರೀಕರಣ ಇದೇ 25 ರಂದು ರಾಜರಾಜೇಶ್ವರಿ ನಗರದಲ್ಲಿರುವ ಶ್ರೀ ನಿಮಿಷಾಂಭ ದೇವಸ್ಥಾನದಲ್ಲಿ ಆರಂಭವಾಯಿತು.
.
ಚಿತ್ರದ ಮುಹೂರ್ತ ದೃಶ್ಯಕ್ಕೆ ಮೊದಲ ಬಾರಿಗೆ ಹಾರರ್‍ ಚಿತ್ರವೊಂದರಲ್ಲಿ ಅಭಿನಯಿಸುತ್ತಿರುವ ಗೋಲ್ಡನ್ ಸ್ಟಾರ್‍ ಗಣೇಶ್‍ ಕ್ಯಾಮರಾ ಎದುರಿಸಿದರು. ಯಶಸ್ವಿ ನಿರ್ದೇಶಕ ನಾಗಣ್ಣ ಮೊದಲ ಬಾರಿಗೆ ಗಣೇಶ್‍ ಚಿತ್ರವನ್ನು ನಿರ್ದೇಶಿಸುತ್ತಿದ್ದಾರೆ.
.
ಚಿತ್ರದ ಮುಹೂರ್ತ ದೃಶ್ಯಕ್ಕೆ ವಿತರಕ ಹೆಚ್.ಡಿ. ಗಂಗರಾಜ್‍ ಕ್ಯಾಮರಾ ಚಾಲೂ ಮಾಡಿದರೆ ಶ್ರೀ ಅರ್ಜುನ್‍ ಗುರೂಜಿ ಆರಂಭ ಫಲಕ ತೋರಿಸಿದರು.
.
ಚಿತ್ರಕ್ಕೆ ನಂಜುಂಡ ಸಂಭಾಷಣೆ, ವಿಘ್ನೇಶ್‍ಛಾಯಾಗ್ರಹಣ, ಅರ್ಜುನ್‍ಜನ್ಯಾ ಸಂಗೀತ, ರವಿವರ್ಮ ಸಾಹಸ, ಸುರೇಶ್‍ ಅರಸ್ ಸಂಕಲನ, ನಾರಾಯಣ್ ನಿರ್ದೇಶನ ಸಹಕಾರವಿದ್ದು, ಹಲವಾರು ಯಶಸ್ವೀ ಚಿತ್ರಗಳನ್ನು ನಿರ್ದೇಶಿಸಿದ ಯಶಸ್ವಿ ನಿರ್ದೇಶಕ ನಾಗಣ್ಣ ಮೊಟ್ಟ ಮೊದಲ ಬಾರಿಗೆ ಗಣೇಶ್‍ ಚಿತ್ರವನ್ನು ನಿರ್ದೇಶಿಸುವ ಹೊಣೆ ಹೊತ್ತಿದ್ದಾರೆ.
.
ತಾರಾಗಣದಲ್ಲಿ ಗಣೇಶ್, ರೋನಿಕ ಸಿಂಗ್, ಸುಂದರ್‍ ರಾಜ್ ಶೋಭರಾಜ್, ಚಿ. ಗುರುದತ್, ರವಿಶಂಕರ್‍ ಗೌಡ, ಸಾಧುಕೋಕಿಲ ಮುಂತಾದವರಿದ್ದಾರೆ.
.
#GoldenStarGanesh #Cineloka

'ಚಮಕ್‌' ಚಿತ್ರದ ಚಿತ್ರದ ನಂತರ ಸಿಂಪಲ್‌ ಸುನಿ , ನವ ನಟ ಧನ್ವೀರ್‌ಗಾಗಿ 'ಬಜಾರ್‌' ಎಂಬ ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ಈ ಚಿತ್ರಕ್ಕಾಗಿ ನಟ ಧನ್ವೀರ್‌ ತಮ್ಮ ದೇಹವನ್ನು ಹುರಿಗೊಳಿಸಿದ್ದು, ಖಡಕ್‌ ಸಿಕ್ಸ್‌ ಪ್ಯಾಕ್‌ ಮಾಡಿಕೊಂಡಿದ್ದಾರೆ.

.

ಕೆಲ ದಿನಗಳ ಹಿಂದೆ 'ಬಜಾರ್‌' ಚಿತ್ರದ ಟೀಸರ್‌ ಬಿಡುಗಡೆಯಾದಾಗ ಧನ್ವೀರ್‌ ಬಗ್ಗೆ ಸ್ಯಾಂಡಲ್‌ವುಡ್‌ನಲ್ಲಿ ಒಳ್ಳೆ ಮಾತುಗಳು ಕೇಳಿ ಬಂದಿದ್ದವು. ಈ ಸಿನಿಮಾದಲ್ಲಿನ ಒಂದು ಫೈಟ್‌ ಸೀನ್‌ಗಾಗಿ ನಾಯಕ ಧನ್ವೀರ್‌ ದೇಹವನ್ನು ಹುರಿಗೊಳಿಸಿ ಸಿಕ್ಸ್‌ ಪ್ಯಾಕ್‌ ಮಾಡಿಕೊಂಡಿದ್ದಾರೆ. ಈ ಸಿಕ್ಸ್‌ ಪ್ಯಾಕ್‌ ಫೋಟೋಗಳು ಸೋಶಿಯಲ್ ಮೀಡಿಯಾಗಳಲ್ಲಿ ಸಾಕಷ್ಟು ಸದ್ದು ಮಾಡುತಿದ್ದು, ಸ್ಯಾಂಡಲ್ವುಡ್‌ಗೆ ಮತ್ತೊಬ್ಬ ಸಿಕ್ಸ್ ಪ್ಯಾಕ್‌ ಹೀರೋ ಬಂದಂತಾಗಿದೆ.
.

'ಬಜಾರ್‌' ಚಿತ್ರ ಸುನಿಯವರ ಹಿಂದಿನ ಸಿನಿಮಾಗಳಿಗಿಂತಲೂ ಬಹಳ ವಿಭಿನ್ನವಾಗಿದ್ದು, ದೊಡ್ಡ ಮಟ್ಟದ ಮಾಸ್‌ ಸಿನಿಮಾ ಇದಾಗುತ್ತದೆ ಎನ್ನುತ್ತಿದೆ ಚಿತ್ರತಂಡ.
.
#Bazaar #Cineloka

 

ರಾಧಿಕಾ ಚೇತನ್ ಮುಖ್ಯ ಭೂಮಿಕೆಯಲ್ಲಿರುವ “ಅಸತೋಮ ಸದ್ಗಮಯ” ಚಿತ್ರವು ಇದೇ ಬರುವ ಜುಲೈ 6ರಂದು ಕರ್ನಾಟಕದಾದ್ಯಂತ ಬಿಡುಗಡೆಗೊಳ್ಳಲಿದೆ. ಈಗಾಗಲೇ ಈ ಚಿತ್ರದ ಟ್ರೇಲರ್ ಮತ್ತು ಹಾಡುಗಳು ಬಿಡುಗಡೆಗೊಂಡಿದ್ದು ಚಿತ್ರಪ್ರೇಮಿಗಳಲ್ಲಿ ಕುತೂಹಲ ಮೂಡಿಸಿದೆ.
.

ಪ್ರಸ್ತುತ ಜನರೇಶನ್ ಯಾವ ದಿಕ್ಕಿನಲ್ಲಿ ಬೆಳೆಯುತ್ತಿದ್ದೆ, ಹೆತ್ತವರು ತಮ್ಮ ಮಕ್ಕಳನ್ನ ಯಾವ ರೀತಿಯಲ್ಲಿ ಬೆಳೆಸುತ್ತಿದ್ದಾರೆ, ಇದರಿಂದ ಆಗುವ ಅನಾಹುತಗಳೇನು ಎಂಬುದನ್ನ ಈ ಚಿತ್ರದಲ್ಲಿ ಬೆಳಕು ಚೆಲ್ಲಲಾಗಿದೆ.

.
ಪ್ರಮುಖವಾಗಿ ಹೆತ್ತವರು ತಮ್ಮ ಮಕ್ಕಳು ತುಂಬಾ ಪ್ರತಿಭಾವಂತರೂ ಹಾಗೂ ಬುದ್ಧಿವಂತರಾಗಿರಬೇಕೆಂದು ಬಯಸುತ್ತಾರೆ. ಮಕ್ಕಳು ಅತ್ತ್ಯುತ್ತಮ ಶಾಲೆಗಳಲ್ಲಿ ಓದಬೇಕು, 90ಶೇಕಡಕ್ಕಿಂತಲೂ ಹೆಚ್ಚು ಮಾಕ್ರ್ಸ್ ತಗೋಬೇಕು ಎಂಬ ನಿಟ್ಟಿನಲ್ಲಿ ಬೆಳೆಸುತ್ತಾರೆ. ಹೆತ್ತವರು ತಮ್ಮ ಮಕ್ಕಳ ಕರಿಯರ್ ಬಗ್ಗೆ ಜಾಸ್ತಿ ಆಸಕ್ತರಾಗಿರುತ್ತಾರೆ. ತಂತಮ್ಮ ಕರಿಯರ್‍ನಲ್ಲಿ ಬಹಳ ಎತ್ತರಕ್ಕೆ ಬೆಳೆದು ದೊಡ್ಡ ಸಾಧನೆ ಮಾಡಬೇಕೆಂದು ಬಯಸುತ್ತಾರೆ. ಆದರೆ ಸಂಬಂದಗಳ ಬಗ್ಗೆ, ಮೌಲ್ಯಗಳ ಬಗ್ಗೆಯಾಗಲಿ ಹಾಗೂ ಇತರರೊಂದಿಗೆ ಬೆರೆಯುವ ಬಗ್ಗೆಯಾಗಲಿ ಜಾಸ್ತಿ ಒತ್ತು ಕೊಡುವುದಿಲ್ಲ. ಇದರಿಂದ ಆಗುವ ಅನಾಹುತಗಳೇನು ಎಂಬುದನ್ನ ಈ ಚಿತ್ರದಲ್ಲಿ ಮನಮುಟ್ಟುವಂತೆ ಹೇಳಲಾಗಿದೆ ಎನ್ನುತ್ತಾರೆ ನಿರ್ದೇಶಕರಾದ ರಾಜೇಶ್ ವೇಣೂರ್‍ರವರು.
.
ಐಕೇರ್ ಮೂವೀಸ್ ಬ್ಯಾನರ್‍ನಡಿಯಲ್ಲಿ ಅಶ್ವಿನ್ ಜೊಸ್ಸಿ ಪಿರೇರಾರವರು ನಿರ್ಮಿಸಿರುವ ಈ ಚಿತ್ರದಲ್ಲಿ ರಾಧಿಕಾ ಚೇತನ್ ಜೊತೆಗೆ ಹೊಸ ಪ್ರತಿಭೆಗಳಾದ ಕಿರಣ್ ರಾಜ್ ಹಾಗೂ ಲಾಸ್ಯ ನಾಗರಾಜ್‍ರವರು ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.
ಇದೊಂದು ಫ್ಯಾಮಿಲಿ ಎಂಟರ್‍ಟೈನ್‍ಮೆಂಟ್ ಸಿನೆಮಾವಾಗಿದ್ದು, ಕುಟುಂಬ ಸಮೇತರಾಗಿ ನೋಡಬಹುದಾಗಿದೆ.
.
#AsathomaSadgamaya #Cineloka

ಕ್ರಿಸ್ಟಲ್ ಪಾರ್ಕ್ ಲಾಂಛನದಲ್ಲಿ ಟಿ.ಆರ್.ಚಂದ್ರಶೇಖರ್ ಅವರು ನಿರ್ಮಿಸುತ್ತಿರುವ `ಗುಬ್ಬಿ ಮೇಲೆ ಬ್ರಹ್ಮಾಸ್ತ್ರ` ಚಿತ್ರದ ಮುಹೂರ್ತ ಸಮಾರಂಭ ಬೆಂಗಳೂರಿನ ರಾಜರಾಜೇಶ್ವರಿ ನಗರದ ಶ್ರೀರಾಜರಾಜೇಶ್ವರಿ ದೇವಸ್ಥಾನದಲ್ಲಿ ನೆರವೇರಿತು. ಚಿತ್ರದ ಮೊದಲ ಸನ್ನಿವೇಶಕ್ಕೆ ನಟ ನೀನಾಸಂ ಸತೀಶ್ ಆರಂಭ ಫಲಕ ತೋರಿದರು. ಜುಲೈ ತಿಂಗಳಲ್ಲಿ ಚಿತ್ರದ ಚಿತ್ರೀಕರಣ ಆರಂಭವಾಗಲಿದ್ದು, ಬೆಂಗಳೂರು ಸುತ್ತಮುತ್ತ ಒಂದೇ ಹಂತದ ಚಿತ್ರೀಕರಣ ನಡೆಯಲಿದೆ.
.
`ಚಮಕ್`, `ಬೀರಬಲ್`, `ಅಯೋಗ್ಯ` ಹಾಗೂ `ಜಾನ್ ಸೀನ` ಚಿತ್ರಗಳ ನಂತರ ಟಿ.ಆರ್. ಚಂದ್ರಶೇಖರ್ ಅವರು ನಿರ್ಮಿಸುತ್ತಿರುವ ಐದನೇ ಚಿತ್ರ `ಗುಬ್ಬಿ ಮೇಲೆ ಬ್ರಹ್ಮಾಸ್ತ್ರ`. ಈ ಚಿತ್ರವನ್ನು ಸುಜಯ್ ಶಾಸ್ತ್ರಿ ನಿರ್ದೇಶಿಸುತ್ತಿದ್ದಾರೆ. ಪ್ರದೀಪ್ ಬಿ.ವಿ ಹಾಗೂ ಸುಜಯ್ ಚಿತ್ರಕ್ಕೆ ಕಥೆ ಬರೆದೆರೆ, ಚಿತ್ರಕಥೆ ಹಾಗೂ ಸಂಭಾಷಣೆಯನ್ನು ಪ್ರಸನ್ನ ವಿ.ಎಂ ಬರೆದಿದ್ದಾರೆ. ಸುನಿತ್ ಹಲಗೇರಿ ಛಾಯಾಗ್ರಹಣ ಹಾಗೂ ಎಸ್. ಶ್ರೀಕಾಂತ್ ಅವರ ಸಂಕಲನ ಈ ಚಿತ್ರಕ್ಕಿದೆ.
.
`ಒಂದು ಮೊಟ್ಟೆಯ ಕಥೆ` ಖ್ಯಾತಿಯ ರಾಜ್ ಶೆಟ್ಟಿ ಈ ಚಿತ್ರದ ನಾಯಕ. ಕವಿತಾ ಗೌಡ ನಾಯಕಿಯಾಗಿ ನಟಿಸುತ್ತಿರುವ ಈ ಚಿತ್ರದಲ್ಲಿ ಮೂಲತಃ ರಂಗಬೂಮಿ ಕಲಾವಿದರು ಹಾಗೂ ಈ ಚಿತ್ರದ ನಿರ್ದೇಶಕರು ಆಗಿರುವ ಸುಜಯ್ ಶಾಸ್ತ್ರಿ ಅಭಿನಯಿಸುತ್ತಿದ್ದಾರೆ. ಬಾಲಾಜಿ ಮನೋಹರ್ ಸೇರಿದಂತೆ ಮುಂತಾದವರ ತಾರಾಬಳಗ ಈ ಚಿತ್ರಕ್ಕಿದೆ.
.
#GubbiMeleBramhastra #Cineloka
 
ಅರ್ಜುನ್ ಆರ್ಯ ನಾಯಕ ನಟರಾಗಿ ನಟಿಸಿರುವ, ಇತ್ತೀಚೆಗೆ ಟ್ರೇಲರ್‌ ಮತ್ತು ಹಾಡಿನಿಂದ ಸದ್ದು ಮಾಡಿದ್ದ "ಹೈಪರ್‌" ಸಿನಿಮಾ ಇದೇ 29ಕ್ಕೆ ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದೆ.
.
ಎಂ ಬಿಗ್‌ ಪಿಕ್ಚರ್ಸ್‌ ಬ್ಯಾನರ್‌ ನಡಿ ಈ ಸಿನಿಮಾ ನಿರ್ಮಾಣವಾಗಿದ್ದು, ಗಣೇಶ್‌ ವಿನಾಯಕ್‌ ನಿರ್ದೇಶನ ಮಾಡಿದ್ದಾರೆ.
.
ಈ ಹಿಂದೆ ತಮಿಳು ಚಿತ್ರರಂಗದಲ್ಲಿ ಕೆಲಸ ಮಾಡಿರುವ ಗಣೇಶ್‌ ಅವರಿಗೆ ಇದು ಕನ್ನಡದಲ್ಲಿ ಮೊದಲ ಸಿನಿಮಾ. ಸಂಬಂಧಗಳ ಮಹತ್ವವನ್ನು ತಿಳಿಸುವ ಕಥೆ ಇದರಲ್ಲಿದ್ದು, ಹಾಡುಗಳ ಚಿತ್ರೀಕರಣವನ್ನು ಜಮ್ಮು-ಕಾಶ್ಮೀರ, ಮಡಿಕೇರಿ ಸೇರಿದಂತೆ ಹಲವು ಕಡೆಗಳಲ್ಲಿ ಮಾಡಲಾಗಿದೆ.
.
ಈ ಚಿತ್ರಕ್ಕೆ ಡಿ ಇಮಾನ್‌ ಹಾಗೂ ಎಲ್ವಿನ್‌ ಸಂಗೀತ ನೀಡಿದ್ದಾರೆ. ಶಕ್ತಿವೇಲ್‌ ಅವರ ಛಾಯಾಗ್ರಹಕರಾಗಿ ಕೆಲಸ ಮಾಡಿದ್ದಾರೆ. ಅರ್ಜುನ್‌ ಆರ್ಯ, ಶೀಲಾ, ರಂಗಾಯಣ ರಘು, ಶೋಭರಾಜ್‌, ಬುಲೆಟ್‌ ಪ್ರಕಾಶ್‌, ಅಚ್ಯುತಕುಮಾರ್‌, ಶ್ರೀನಿವಾಸಪ್ರಭು ಮತ್ತಿತರರು ನಿಟಸಿದ್ದಾರೆ.
.
#Hyper #Cineloka

 

ಬಿಗ್‌ಬಾಸ್‌ ವಿನ್ನರ್‌ ಪ್ರಥಮ್‌ ನಟನೆಯ ಎಂಎಲ್‌ಎ ಚಿತ್ರದ ವಿಡಿಯೋ ಹಾಡನ್ನು ಇತ್ತೀಚೆಗೆ ಆ್ಯಕ್ಷನ್‌ ಪ್ರಿನ್ಸ್‌ ಧ್ರುವ ಸರ್ಜಾ ಬಿಡುಗಡೆ ಮಾಡಿದರು.
.
ಅರಳೋ ತಾವರೆಯೇ ಎಂಬ ರೊಮ್ಯಾಂಟಿಕ್‌ ಹಾಡು ಇದಾಗಿದ್ದು, ವಿಕ್ರಂ ಸುಬ್ರಹ್ಮಣ್ಯ ಇದನ್ನು ಕಂಪೋಸ್‌ ಮಾಡಿದ್ದಾರೆ. ಈ ಹಾಡು ಈಗಾಗಲೇ 90 ಸಾವಿರಕ್ಕೂ ಹೆಚ್ಚು ಮಂದಿಯಿಂದ ನೋಡಲ್ಪಟ್ಟಿದೆ.
.

ಎಂಎಲ್‌ಎ ಚಿತ್ರವನ್ನು ಮಯೂರ ನಿರ್ದೇಶನ ಮಾಡಿದ್ದಾರೆ. ಆಗುಂಬೆ, ಕಳಸ, ಕುದುರೆಮುಖ ಸೇರಿದಂತೆ ಸಾಕಷ್ಟು ಕಡೆಗಳಲ್ಲಿ ಚಿತ್ರೀಕರಣ ಮಾಡಲಾಗಿದೆ. ಈ ಹಾಡಿನಲ್ಲಿ ಪ್ರಥಮ್‌, ಸೂಟ್‌ ಬೂಟ್‌ ಧರಿಸಿ ಟಿಪ್‌ ಟಾಪ್‌ ಆಗಿ ಕಾಣುತ್ತಾರೆ.
.
ಎಂಎಲ್‌ಎ ಚಿತ್ರದಲ್ಲಿ ಸ್ಪರ್ಶ ರೇಖಾ ರಾಜಕಾರಣಿಯಾಗಿ ಕಾಣಿಸಿಕೊಂಡಿದ್ದಾರೆ. ಅವರದ್ದು, ನೆಗೆಟಿವ್‌ ಇಮೇಜ್‌ ಇರುವ ಪಾತ್ರವಂತೆ. ಈ ಚಿತ್ರಕ್ಕೆ ಸೆನ್ಸಾರ್‌ನಿಂದ ಯು/ಎ ಪ್ರಮಾಣ ಪತ್ರವನ್ನು ನೀಡಲಾಗಿದೆ.

 

ಕನ್ನಡ ದೃಶ್ಯ ಮಾಧ್ಯಮದಲ್ಲಿ ಜೀ ಕನ್ನಡ ವಾಹಿನಿಯು ಇಲ್ಲಿಯವರೆಗೂ ರಿಯಾಲಿಟಿ ಶೋಗಳ ಮೂಲಕ ಮನರಂಜನಾ ಕಾರ್ಯಕ್ರಮಗಳನ್ನು ರೂಪಿಸುವುದರೊಂದಿಗೆ ಹೊಸ ಮೈಲಿಗಲ್ಲುಗಳನ್ನು ಸೃಷ್ಟಿಸುತ್ತಾ, ಸಾಮಾಜಿಕ ಬದ್ದತೆಯನ್ನು ಏಕಕಾಲಕ್ಕೆ ಉಳಿಸಿಕೊಳ್ಳುತ್ತಾ ಹೆಜ್ಜೆ ಹಾಕುತ್ತಿದೆ. ಹೀಗೆ ಆರಂಭವಾದ ಕಾರ್ಯಕ್ರಮಗಳಲ್ಲಿ “ಸರಿಗಮಪ, ಡ್ರಾಮಾ ಜ್ಯೂನಿಯರ್ಸ್, ವೀಕೆಂಡ್ ವಿತ್ ರಮೇಶ್, ಕಾಮಿಡಿ ಕಿಲಾಡಿಗಳು, ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್, ಕಿಲಾಡಿ ಕುಟುಂಬ” ಪ್ರಮುಖ ಕಾರ್ಯಕ್ರಮಗಳಾಗಿ ರೂಪುಗೊಂಡು ಅದ್ಭುತ ಯಶಸ್ಸನ್ನು ಕಂಡಿವೆ.
.

ವಾಹಿನಿಯ ಈ ಕಾರ್ಯಕ್ರಮಗಳಲ್ಲಿ ಹಾಸ್ಯಕ್ಕೆ ಮನೆಮಾತಾದ ಮತ್ತು ಅತಿ ಹೆಚ್ಚು ಜನಮನ್ನಣೆ ಗಳಿಸಿದ “ಕಾಮಿಡಿ ಕಿಲಾಡಿಗಳು sಸೀಸನ್ 2” ಫಿನಾಲೆ ಕಳೆದ “ಭಾನುವಾರ ದಿನಾಂಕ 17.06.2018 ರಂದು ವಿಜಯಪುರದ ಡಾ: ಬಿ,ಆರ್ ಅಂಬೇಡ್ಕರ್ ಕ್ರೀಡಾಂಗಣ” ದಲ್ಲಿ ಸಾವಿರಾಕ್ಕು ಹೆಚ್ಚು ನೆರೆದಂತ ವೀಕ್ಷಕರಿಗೆ ತಮ್ಮ ಎಂಟ್ರಿ ಡ್ಯಾನ್ಸ್ ಮೂಲಕ ರಂಜಿಸಿದ ನಿರೂಪಕ ಮಾಸ್ಟರ್ ಆನಂದ್ ಹಾಗು ತ್ರಿವಳಿ ಜೆಡ್ಜಸ್ ಜಗ್ಗೇಶ್, ರಕ್ಷಿತ ಹಾಗು ನಿರ್ದೇಶಕ ಯೋಗರಾಜ್ ಭಟ್‍ರವರು ತಮ್ಮ ಕಾವ್ಯಶೈಲಿಯ ಮಾತುಗಳಿಂದ ಅಲ್ಲಿನ ಕಲೆ, ಸಂಸ್ಕøತಿ, ಮತ್ತು ಕಲಾವಿದರುಗಳಿಗೆ ಆ ಮಣ್ಣಿನಲ್ಲಿ ಸಿಗುತ್ತಿರುವ ಪ್ರೋತ್ಸಾಹ, ಅಭಿಮಾನಗಳ ಬಗ್ಗೆ ವೆರ್ಣಿಸಿದ್ದು ಅವರ ಆನಂದವನ್ನು ಮತ್ತಷ್ಟು ಇಮ್ಮಡಿಗೊಳಿಸಿತು.
.

ಇಡೀ “ಕಾಮಿಡಿ ಕಿಲಾಡಿಗಳು ಸೀಸನ್ 2” ಪ್ರಯಾಣದ ಬಗ್ಗೆ ಮತ್ತು ಕಿಲಾಡಿಗಳ ಪ್ರತಿಭೆಯ ಬಗ್ಗೆ ತೀರ್ಪುಗಾರರು ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದರೆ, ಕಿಲಾಡಿಗಳು ತಮ್ಮ ಬದುಕಿಗೊಂದು ಉತ್ತಮ ವೇದಿಕೆಯನ್ನು ಜೀ ಕನ್ನಡ ವಾಹಿನಿ ಈ “ಕಾಮಿಡಿ ಕಿಲಾಡಿಗಳು” ವೇದಿಕೆಯಿಂದ ಮಾಡಿಕೊಟ್ಟಿದೆ ಎಂದು ಸಂತೋಷ ಮತ್ತು ಭಾವಾನಾತ್ಮಕವಾಗಿ ಹಂಚಿಕೊಂಡು ಎಲ್ಲರನ್ನು ಕೆಲಕ್ಷಣ ಭಾವುಕರನ್ನಾಗಿ ಮಾಡಿಸಿದ್ದು ಒಂದು ಅವಿಸ್ಮರಣೀಯ.
.

ಪ್ರತಿಯೊಂದು ಆರಂಭಕ್ಕು ದೀಪ ಬೆಳಗಿಸುವುದು ಸಾಂಕೇತಿಕ, ಅದರಂತೆ ಕ್ರೀಡಾಂಗಣದಲ್ಲಿ ನೆರೆದ ಸಾವಿರಾರು ವೀಕ್ಷಕರು ತಮ್ಮ ಮೊಬೈಲ್ ಟಾರ್ಚ್ ಆನ್ ಮಾಡುವುದರ ಮೂಲಕ ಇಡೀ ನಕ್ಷತ್ರಲೋಕವೇ ಧರೆಗಿಳಿದಂತೆ ಕಾಣಿಸುತ್ತ ವೇದಿಕೆಗೆ ದೃಷ್ಟಿ ಚುಕ್ಕಿಯಿಟ್ಟಂತೆ ವಿಸ್ಮಯಗೊಳಿಸಿತು.
.

ಫಿನಾಲೆಗೆಂದೆ ಸಜ್ಜುಗೊಂಡಿದ್ದ “ಪುಂಗಿನಾದ, ವಾಯ್ಸ್ ಪ್ರಾಬ್ಲಮ್, ದಿ ವಿಲನ್” ಸ್ಕಿಟ್ ಗಳ ಮೂಲಕ ಪ್ರೇಕ್ಷಕರನ್ನು ನಗೆಗಡಲಿಗೆ ಕರೆದೊಯ್ದ ನಮ್ಮ ಕಿಲಾಡಿಗಳು ಅಲ್ಲಿನ ಸ್ಥಳೀಯ “ವೃತ್ತಿ ರಂಗಭೂಮಿ ಮತ್ತು ಚಿತ್ರನಟರಾದ ಶ್ರೀಯುತ ರಾಜು ತಾಳಿಕೋಟೆ” ರವರು ಬರೆದು ನಿರ್ದೇಶಿಸಿ ಸಾವಿರಾರು ಪ್ರದರ್ಶನ ಕಂಡಂತಹ “ಕಲಿಯುಗದ ಕುಡುಕ” ನಾಟಕವನ್ನು ಅಭಿನಯಿಸಿದ್ದು ವಿಶೇಷವಾಗಿತ್ತು ಹಾಗು ರಾಜು ತಾಳಿಕೋಟೆರವರು ತಮ್ಮ ಮ್ಯಾನರಿಸಂ ಹಾಗು ಪಂಚ್ ಮೂಲಕ ಜನರನ್ನು ರಂಜಿಸಿದ್ದಲ್ಲದೇ ಜಗ್ಗೇಶ್ ರವರ ಜೊತೆ ಜುಗಲ್ಬಂಧಿ ಗೆ ನಿಲ್ಲುತ್ತ ಪಂಚ್ ಮೇಲೆ ಪಂಚ್ ನೀಡಲು ವೀಕ್ಷಕರು ಹುಚ್ಚೆದ್ದು ಕುಣಿಯುತ್ತ ತಮ್ಮ ಹರ್ಷ ವ್ಯಕ್ತಪಡಿಸಿದರು.
ಈ ಎಲ್ಲ ಸಂಭ್ರಮಗಳ ಜೊತೆಗೆ ನಿರ್ದೇಶಕ ಯೋಗರಾಜ್ ಭಟ್ ರವರ “ಪಂಚತಂತ್ರ” ಚಿತ್ರದ ನಾಯಕ ವಿಹಾನ್ ತಮ್ಮ ಡ್ಯಾನ್ಸ್ ಮೂಲಕ ವೀಕ್ಷಕರನ್ನು ರಂಜಿಸಿದ್ದು ವಿಶೇಷವಾಗಿತ್ತು.
.

ವರ್ಣರಂಜಿತ ಸಂಜೆಯಲ್ಲಿ ಆರಂಭಗೊಂಡ ಕಿಲಾಡಿ ವೇದಿಕೆಯ ಆರ್ಭಟ ಮರುದಿನ ಮುಂಜಾನೆ ವೇಳೆಗೆ “ಕಾಮಿಡಿ ಕಿಲಾಡಿಗಳು ಸೀಸನ್ 2” ಕಿಲಾಡಿ ಪಟ್ಟ ಯಾರ ಪಾಲಿಗೆ” ಎಂಬುದನ್ನು ಘೋಷಣೆ ಮಾಡುವುದರ ಮೂಲಕ ಮುಕ್ತಾಯಗೊಂಡಿತು.
.

“ಕಾಮಿಡಿ ಕಿಲಾಡಿಗಳು ಸೀಸನ್ 2 ವಿನ್ನರ್” ಯಾರು ಎಂಬ ಕುತೂಹಲದ ನಿಮ್ಮ ಪ್ರಶ್ನೆಗೆ ಉತ್ತರ ಇದೇ ದಿನಾಂಕ 24 ಭಾನುವಾರ ಸಂಜೆ 6 ಕ್ಕೆ ಪ್ರಸಾರವಾಗುವ ಗ್ರ್ಯಾಂಡ್ ಫಿನಾಲೆಯನ್ನು ತಪ್ಪದೇ ವೀಕ್ಷಿಸಿ.

ಈಗಿನ ಕಾಲದ ಯುವಕರು ಸೃಷ್ಟಿಸುತ್ತಿರುವ ಸಮಸ್ಯೆಗಳನ್ನು ನಿರ್ದೇಶಕ ಶ್ರೀನಿ ಸಿನಿಮಾಡಿ ಅದಕ್ಕೆ "ಕೆಲವು ದಿನಗಳ ನಂತರ" ಎಂದು ಹೆಸರಿಟ್ಟಿದ್ದಾರೆ. ಇದು ಹಾರರ್ ಥ್ರಿಲ್ಲರ್‌ ಸಿನಿಮಾವಾಗಿದೆ.
.
ಇಂದಿನ ಕಾಲದ ಹುಡುಗರು ಅನುಭವಿಸುತ್ತಿರುವ ಕಷ್ಟಗಳಿಗೆ ಅವರೇ ಮಾಡಿಕೊಂಡಿರುವ ತಪ್ಪುಗಳು ಕಾರಣ ಎನ್ನುವುದನ್ನು ಈ ಸಿನಿಮಾ ಹೇಳುತ್ತದೆ. ಈ ಚಿತ್ರದಲ್ಲಿ ನಟಿ ಶುಭಾ ಪೂಂಜಾ ಮುಖ್ಯ ಪಾತ್ರದಲ್ಲಿ ನಟಿಸುತ್ತಿದ್ದಾರೆ.
.
ಬೆಂಗಳೂರು,ಚಿಕ್ಕಮಗಳೂರು, ಸಾವನದುರ್ಗದಲ್ಲಿ ಚಿತ್ರೀಕರಣ ನಡೆದಿರುವ ಈ ಸಿನಿಮಾದಲ್ಲಿ ಕಾಮಿಡಿ ಕಿಲಾಡಿಗಳು ಖ್ಯಾತಿಯ ಲೊಕೇಶ್‌ ನಟಿಸಿದ್ದಾರೆ. ಜಗದೀಶ್‌ ಅವರು ನಾಯಕ ನಟನಾಗಿ ಅಭಿನಯಿಸುತ್ತಿದ್ದಾರೆ. ಸೋನುಪಾಟೀಲ್‌ ಮುಖ್ಯ ಪಾತ್ರದಲ್ಲಿ ನಟಿಸಿದ್ದು, ಇಲ್ಲಿ ಕಥೆಯೇ ಹೀರೋ ಮತ್ತು ಹಿರೋಯಿನ್‌ ಎನ್ನುತ್ತಾರೆ ಅವರು.
.
ಎಚ್‌.ಪಿ. ಮುತ್ತುರಾಜ,ಬಿ.ಎಂ. ವಸಂತ್‌ ಕುರ್ಮಾ ಹಾಗೂ ಚಂದ್ರಕುಮಾರ್‌ ಈಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಮುರಳೀಧರ್‌ ಹಾಗೂ ನವೀನ್‌ ಕುಮಾರ್‌ ಸಿನಿಮಾಟೋಗ್ರಫರ್‌ ಆಗಿ ಕಾರ್ಯನಿರ್ವಹಿಸಿದ್ದಾರೆ. ಈ ಚಿತ್ರದಲ್ಲಿ ಆರು ತಿಂಗಳ ಮಗುವೊಂದನ್ನು 3ಡಿ ಮೂಲಕ ಚಿತ್ರಿಸಲಾಗಿದೆ.
.
ಚಿತ್ರವು ಇದೆ ಜೂನ್ 22 ರಂದು ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದೆ.
 
#KelavuDinagalaNantara #Cineloka

 

ಚಿತ್ರರಂಗದಲ್ಲಿ ಇತ್ತೀಚೆಗೆ ಆಲ್ಬಂ ಮ್ಯೂಜಿಕ್ ಟ್ರೆಂಡ್ ಆಗುತ್ತಿದೆ. ಈ ಹಿಂದೆ ಹಾಲಿವುಡ್, ಬಾಲಿವುಡ್ ನಲ್ಲಿ ಮಾತ್ರ ಕೇಳಿಬರುತ್ತಿದ್ದ ಮ್ಯೂಜಿಲ್ ಆಲ್ಬಂ ಕನ್ನಡದಲ್ಲಿಯೂ ಹೆಚ್ಚು ಜನಪ್ರಿಯವಾಗುತ್ತಿದೆ. ಶರಣ್ ಮ್ಯೂಜಿಕ್ ಅಕಾಡೆಮಿ ಸಂಸ್ಥೆಯು ಕನ್ನಡ ಹಾಗೂ ಹಿಂದಿ ಭಾಷೆಯ ಎರಡು ವಿಡಿಯೋ ಆಲ್ಬಂಗಳನ್ನು ಹೊರತಂದಿದೆ. ಹಿಂದೂಸ್ಥಾನಿ ಗಾಯಕ ಶರಣ್ ಚೌದರಿ ಅವರ ಸಂಗೀತ ಸಂಯೋಜನೆ ಹಾಗೂ ನಿರ್ದೇಶನದಲ್ಲಿ ಮೂಡಿಬಂದಿರುವ ‘’ಮನಸೇ ನಿನ್ನ ದಾರಿಯು ಎಲ್ಲಿಗೆ’’ ಎಂಬ ಕನ್ನಡದ ವಿಡಿಯೋ ಆಲ್ಬಂ ಹಾಗೂ ಏ ಮನ್ ಕಹಾನ್ ಚಲಾ ಎಂಬ ಹಿಂದಿ ವಿಡಿಯೋ ಆಲ್ಬಂಗಳ ಲೋಕಾರ್ಪಣೆ ಸಮಾರಂಭ ಮಲ್ಲೇಶ್ವರಂನ ಎಸ್.ಆರ್.ವಿ. ಥಿಯೇಟರ್ ನಲ್ಲಿ ನೆರವೇರಿತು.

.

ಯುವ ಸಂಗೀತ ನಿರ್ದೇಶಕ ಪೂರ್ಣಚಂದ್ರ ತೇಜಸ್ವಿ ಅವರು ಈ ಎರಡು ಆಲ್ಬಂಗಳನ್ನು ಲೋಕಾರ್ಪಣೆ ಮಾಡಿದರು. ಈ ಸಮಾರಂಭದಲ್ಲಿ ಮುಖ್ಯ ಅತಿಥಿಗಳಾಗಿ ನಿರ್ಮಾಪಕ ವಿಶ್ವ ಕಾರಿಯಪ್ಪ, ನವೀನ್ ಚಂದ್ರ, ಬಿಗ್ ಎಫ್ ಎಂ ನ ಆರ್.ಜೆ. ಶ್ರುತಿ ಸೇರಿದಂತೆ, ಹಲವರು ಆಗಮಿಸಿ ಶರಣ್ ಚೌದರಿ ಅವರ ಈ ಹೊಸ ಪ್ರಯತ್ನಕ್ಕೆ ಶುಭ ಕೋರಿದರು. ಈ ವಿಡಿಯೋ ಆಲ್ಬಂನಲ್ಲಿ ಅನುರಾಧ ಭಟ್ ಹಾಗೂ ರುಮಿತ್ ಕೆ. ಅವರ ಗಾಯನವಿದ್ದು, ಧನುಶ್ರೀ ಹಾಗೂ ರುಮಿತ್ ಅವರ ಅಭಿನಯವಿದೆ. ವಿಜಯ್ ಅವರ ಸಾಹಿತ್ಯ ಹಾಗೂ ಟಗರು ಖ್ಯಾತಿಯ ರಾಜು ಈ ಹಾಡುಗಳಿಗೆ ಕೊರಿಯೋಗ್ರಫಿ ಮಾಡಿದ್ದಾರೆ.

.

ಸಮಾರಂಭಕ್ಕೂ ಮುನ್ನ ಈ ಎರಡು ವಿಡಿಯೋ ಸಾಂಗ್ ಗಳನ್ನು ತೆರೆಯ ಮೇಲೆ ಪ್ರದರ್ಶಿಸಲಾಯಿತು. ನಂತರ ಈ ಆಲ್ಬಂಗಳ ಕುರಿತಂತೆ ಮಾತನಾಡಿದ ಶರಣ್ ಚೌದರಿ ನಾನು ಈ ಹಿಂದೆ ಗೆಳೆತನ ಎಂಬ ಮ್ಯೂಜಿಕ್ ಆಲ್ಬಂ ಮಾಡಿದ್ದೆ. ಕೇಳುಗರಿಂದ ಉತ್ತಮ ಪ್ರತಿಕ್ರಿಯೆ ಬಂದಿತ್ತು. ಸಂಗೀತ ಕ್ಷೇತ್ರಗಳಲ್ಲಿ ಹಲವಾರು ವರ್ಷಗಳಿಂದಲೂ ಸೇವೆ ಸಲ್ಲಿಸುತ್ತಿರುವ ನಾನು ಏನಾದರೂ ಹೊಸತನ್ನು ನೀಡಬೇಕು ಹಾಗೂ ಹೊಸ ಯುವ ಪ್ರತಿಭೆಗಳನ್ನು ಪ್ರೋತ್ಸಾಹಿಸಬೇಕು ಎಂಬ ನಿಟ್ಟಿನಲ್ಲಿ ಈ ಎರಡು ಸಂಗೀತ ಗುಚ್ಚಗಳನ್ನು ಹೊರತಂದಿದ್ದೇನೆ. ಇಂದಿನಿಂದ ಸೋಷಿಯಲ್ ಮೀಡಿಯಾಗಳಲ್ಲಿ ಈ ಹಾಡುಗಳನ್ನು ವೀಕ್ಷಿಸಬಹುದಾಗಿದೆ. ಈ ಆಲ್ಬಂಗಳ ನಿರ್ಮಾಣದಲ್ಲಿ ನನ್ನ ಹಲವಾರು ಸ್ನೇಹಿತರು ಕೈಜೋಡಿಸಿದ್ದಾರೆ. ಬೆಂಗಳೂರು ಸುತ್ತಮುತ್ತ ಈ ಹಾಡುಗಳನ್ನು ಚಿತ್ರೀಕರಿಸಿದ್ದೇವೆ. ಈ ರೊಮ್ಯಾಂಟಿಕ್ ಡ್ಯುಯೆಟ್ ಹಾಡುಗಳು ಸಂಗೀತ ಪ್ರಿಯರನ್ನು ತಕ್ಷಣವೇ ಸೆಳೆಯುವಂತಿದೆ. ಜನಪ್ರಿಯ ಆಲ್ಬಂಗಳ ಸಾಲಿಗೆ ನಮ್ಮ ಈ ಆಲ್ಬಂ ಕೂಡ ಸೇರಲಿದೆ ಎಂಬ ವಿಶ್ವಾಸವನ್ನು ವ್ಯಕ್ತಪಡಿಸಿದರು.

 

ಸಂಚಾರಿ ವಿಜಯ್‌ ಮುಖ್ಯ ಭೂಮಿಕೆಯಲ್ಲಿರುವ 6 ನೇಮೈಲಿ ಚಿತ್ರ ಸೆನ್ಸಾರ್‌ ಆಗಿದ್ದು, ಅದಕ್ಕೆ ಯು/ಎ ಪ್ರಮಾಣ ಪತ್ರ ನೀಡಲಾಗಿದೆ.
.
ಸೀನಿ ನಿರ್ದೇಶನ ಮಾಡಿರುವ, ಸಸ್ಪೆನ್ಸ್‌ ಥ್ರಿಲ್ಲರ್‌ ಚಿತ್ರ ಇದಾಗಿದ್ದು, ಇದರಲ್ಲಿ ಆರ್‌ಜೆ ನೇತ್ರಾ, ಸುದೇಶ್‌ ಸೇರಿದಂತೆ ಬಹು ತಾರಾಗಣವೇ ಇದೆ. ಈ ಚಿತ್ರದಲ್ಲಿ ಒಂದು ಹಾಡಿದ್ದು ಅದನ್ನು ನಟ ವಸಿಷ್ಠ ಸಿಂಹ ಹಾಡಿದ್ದಾರೆ. ಈ ಹಾಡು ಈಗಾಗಲೇ ಸೂಪರ್‌ ಹಿಟ್‌ ಆಗಿದೆ. ಈ ಹಾಡಿಗೆ ಡೆತ್‌ಮೆಟಲ್‌ ಮ್ಯೂಸಿಕ್‌ ಎಂಬ ಹೊಸ ಫಾರ್ಮಾ್ಯಟ್‌ನ್ನು ಬಳಸಲಾಗಿದೆ.
.

ಡಾ. ಶೈಲೇಶ್‌ಕುಮಾರ್‌ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಸದ್ಯದಲ್ಲೇ 6 ನೇ ಮೈಲಿ ತೆರೆಗೆ ಬರುತ್ತದೆ.

#6neMaili #Cineloka

 
ಈ ಅಭಿಯಾನ ಚಾನೆಲ್‍ನ ಹೊಸ ಧಾರಾವಾಹಿ, `ಕಮಲಿ'ಗೆ ಪೂರಕವಾಗಿದ್ದು ಹಳ್ಳಿಯಿಂದ ನಗರಕ್ಕೆ ಬಂದ ಹುಡುಗಿಯೊಬ್ಬಳು ಸವಾಲುಗಳನ್ನು ಹೇಗೆ ಎದುರಿಸುತ್ತಾಳೆ ಎನ್ನುವುದನ್ನು ನಿರೂಪಿಸುತ್ತದೆ.
.
ರಾಜ್ಯದಾದ್ಯಂತ ವಿದ್ಯಾರ್ಥಿಗಳು ತಮ್ಮಉನ್ನತಅಧ್ಯಯನಕ್ಕಾಗಿ ನಗರಗಳಿಗೆ ಬರುತ್ತಾರೆ, ಈ ಹಿನ್ನೆಲೆಯಲ್ಲಿ ಚಾನೆಲ್‍ ರ್ಯಾಗಿಂಗ್‍ನ ದುಷ್ಪರಿಣಾಮಗಳ ಕುರಿತು ಅರಿವನ್ನು ಉಂಟು ಮಾಡುವ ಮಹತ್ತರ ಜವಾಬ್ದಾರಿ ತೆಗೆದುಕೊಂಡಿದೆ. ಜೀóಕನ್ನಡದ ಹೊಸ ಕಾರ್ಯಕ್ರಮ ಈ ಅಭಿಯಾನದ ಮುಂಚೂಣಿಯಲ್ಲಿದ್ದು, ಕರ್ನಾಟಕದ ವಿದ್ಯಾರ್ಥಿ ಸಮುದಾಯದಲ್ಲಿ ಸಕಾರಾತ್ಮಕ ಬದಲಾವಣೆ ತರಲು ಒತ್ತು ನೀಡಲಿದೆ.
.
ಕಮಲಿ ಧಾರಾವಾಹಿಯು ತನ್ನ ಶಿಕ್ಷಣದಲ್ಲಿ ಸಾಧನೆ ಮಾಡಬೇಕೆಂಬ ಹಂಬಲವುಳ್ಳ ಯುವತಿಯ ಕಥೆಯಾಗಿದ್ದು ಆಕೆ ತನಗೆ ಎದುರಾದ ಎಲ್ಲ ಅಡೆತಡೆಗಳನ್ನೂ ನಿವಾರಿಸಿ ಕಬಡ್ಡಿ ಆಟಗಾರ್ತಿಯಾಗುತ್ತಾಳೆ. ನಟಿ ಅಮೂಲ್ಯ ನಟನೆಯ ಕಮಲಿ ಹಲವು ಅಡೆತಡೆಗಳು ಎದುರಾದರೂ ದಿಟ್ಟತನದಿಂದ ಎದುರಿಸುವ ಬದ್ಧತೆ ಹೊಂದಿರುತ್ತಾಳೆ, ಹಳ್ಳಿಯಿಂದ ದೊಡ್ಡ ನಗರಕ್ಕೆ ಕಬಡ್ಡಿ ಪಟುವಾಗಬೇಕು ಹಾಗೂ ಉನ್ನತ ಅಧ್ಯಯನ ಮಾಡಬೇಕು ಎಂಬ ಬಯಕೆಯುಳ್ಳ ಅವಳಿಗೆ ರ್ಯಾಗಿಂಗ್‍ ದೊಡ್ಡ ಅಡ್ಡಿಯಾಗುತ್ತದೆ.
.
ರ್ಯಾಗಿಂಗ್‍ ದೇಶಾದ್ಯಂತ ಶಿಕ್ಷಣ ಸಂಸ್ಥೆಗಳನ್ನು ಕಾಡುತ್ತಿರುವ ಬಹುಮುಖ್ಯ ಸಮಸ್ಯೆಯಾಗಿದ್ದು ಈ ಅಭಿಯಾನದ ಮೂಲಕ ಜೀó ಕನ್ನಡ ರ್ಯಾಗಿಂಗ್‍ನ ದುಷ್ಪರಿಣಾಮಗಳ ವಿರುದ್ಧ ಒಗ್ಗೂಡಿಸುವ ವಿಶಿಷ್ಟ ಪ್ರಯತ್ನ ಮಾಡುತ್ತಿದೆ. ಕಿರುನಾಟಕ ಮತ್ತು ಪೋಸ್ಟ್‍ಕಾರ್ಡ್ ವಿತರಣೆಯ ಮೂಲಕ ಈ ಅಭಿಯಾನ ಇಂದು ಬೆಂಗಳೂರಿನಲ್ಲಿ ಪ್ರಾರಂಭವಾಯಿತು. ಚಾನೆಲ್ ನಗರದ ಸುರಾನಾಕಾಲೇಜ್ ಪೀಣ್ಯ, ಶ್ರೀ ಲಕ್ಷ್ಮಿಗ್ರೂಪ್‍ ಆಫ್‍ ಇನ್ಸ್‍ಟಿಟ್ಯೂಷನ್ ಮತ್ತು ಸುರಾನಾ ಕಾಲೇಜ್‍ ಕೆಂಗೇರಿ ಒಳಗೊಂಡು ನಾಲ್ಕು ಕಾಲೇಜುಗಳಿಗೆ ಭೇಟಿ ನೀಡಿತು. ಇದಲ್ಲದೆ ತುಮಕೂರು, ಹಾಸನ, ಶಿವಮೊಗ್ಗ, ಚಿಕ್ಕಮಗಳೂರು ಮತ್ತು ಹುಬ್ಬಳ್ಳಿಯ ವಿವಿಧ ನಗರಗಳಲ್ಲಿರುವ 25 ಕಾಲೇಜುಗಳಲ್ಲಿ ಅಭಿಯಾನ ನಡೆಯಲಿದೆ.
.
ಈ ವಿನೂತನಅಭಿಯಾನಯುವ ವಿದ್ಯಾರ್ಥಿ ಸಮುದಾಯವನ್ನು ಸಂಪರ್ಕಿಸುವ ಉದ್ದೇಶ ಹೊಂದಿದ್ದು ಪ್ರತಿಯೊಂದು ಕಾಲೇಜಿನಲ್ಲಿ ನಾಲ್ಕು ಸದಸ್ಯರ ತಂಡವು ರ್ಯಾಗಿಂಗ್ ಹೇಗೆ ವಿದ್ಯಾರ್ಥಿಯ ಜೀವನದಲ್ಲಿ ಋಣಾತ್ಮಕ ಪರಿಣಾಮ ಬೀರುತ್ತದೆ ಎಂದು ಕಿರುನಾಟಕ ಪ್ರದರ್ಶನ ನೀಡುತ್ತದೆ.ಈ ಕಿರುನಾಟಕ ಮತ್ತು ಆಟಗಳ ನಂತರ ಕಮಲಿ ಶೈಲಿಯ ಪೋಸ್ಟ್ ಕಾರ್ಡ್‍ಗಳನ್ನು ವಿದ್ಯಾರ್ಥಿಗಳಿಗೆ ಹಂಚಲಾಗುತ್ತದೆ, ಅದರಲ್ಲಿ ರ್ಯಾಗಿಂಗ್ ಬಾಧಿತರಿಗೆ ಹೆಲ್ಪ್‍ಲೈನ್ ಒಳಗೊಂಡಿರುತ್ತದೆ. ರ್ಯಾಗಿಂಗ್ ವಿರೋಧಿ ಸಂದೇಶ ಒಳಗೊಂಡ ಈ ಪೋಸ್ಟ್‍ ಕಾರ್ಡ್‍ಗಳು ಬಾಧಿತ ವಿದ್ಯಾರ್ಥಿಗಳಿಗೆ ಮಾತನಾಡಲು ಮತ್ತು ಅವರ ಅನುಭವ ಹಂಚಿಕೊಳ್ಳಲು ಸೂಚಿಸುತ್ತವೆ. ಜೀóಕನ್ನಡದ ಪ್ರತಿನಿಧಿಗಳು ಯಾವುದೇ ಬಗೆಯ ದೂರುಗಳನ್ನು ಆಲಿಸಲು ಸ್ಥಳದಲ್ಲಿದ್ದು ವಿದ್ಯಾರ್ಥಿಗಳಿಗೆ ಮಾರ್ಗದರ್ಶನ ನೀಡುತ್ತಾರೆ. ವಿದ್ಯಾರ್ಥಿಗಳು ಒಂದುಗಂಟೆಯಕಾರ್ಯಕ್ರಮದಲ್ಲಿ ಸಕ್ರಿಯವಾಗಿ ಭಾಗವಹಿಸುವಂತೆ ಉತ್ತೇಜಿಸಲಾಗುತ್ತಿದ್ದು ಪ್ರದರ್ಶನ, ಮಾಹಿತಿಪೂರ್ಣ ಮತ್ತು ನಿರ್ಣಾಯಕ ಮಾಹಿತಿ ಹೊಂದಿರುತ್ತದೆ.
.
ಈ ಅಭಿಯಾನ ಪ್ರಾರಂಭಿಸುವಕುರಿತುಜೀóಕನ್ನಡ ಬ್ಯುಸಿನೆಸ್ ಹೆಡ್‍ರಾಘವೇಂದ್ರ ಹುಣಸೂರು, `ರ್ಯಾಗಿಂಗ್‍ ದೇಶದಲ್ಲಿ ಅತ್ಯಂತ ಪ್ರಮುಖ ಸಮಸ್ಯೆಯಾಗಿದೆ ಮತ್ತು ಜೀó ಕನ್ನಡದಲ್ಲಿ ಈ ಸಮಸ್ಯೆಯನ್ನು ನಿವಾರಿಸಲು ಬದ್ಧರಾಗಿದ್ದೇವೆ. ನಮ್ಮ ಹೊಸದಾಗಿ ಪ್ರಾರಂಭವಾಗುವ ಕಮಲಿ ಧಾರಾವಾಹಿ ಈ ಅಭಿಯಾನದಲ್ಲಿ ಮುಂಚೂಣಿಯಲ್ಲಿದ್ದು ರ್ಯಾಗಿಂಗ್‍ನ ಪರಿಣಾಮಗಳ ಕುರಿತು ವಿದ್ಯಾರ್ಥಿ ಸಮುದಾಯದಲ್ಲಿ ಅರಿವನ್ನುಂಟು ಮಾಡುತ್ತದೆ ಮತ್ತು ರ್ಯಾಗಿಂಗ್ ಬಾಧಿತರಲ್ಲಿ ವಿಶ್ವಾಸ ಮೂಡಿಸುತ್ತದೆ' ಎಂದರು.
.
#ZeeKannada #Kamali #Cineloka
ನಟ, ನಿರ್ದೇಶಕ ಪ್ರಮೋದ್ ಚಕ್ರವರ್ತಿ ನಿರ್ದೇಶನದಲ್ಲಿ ಕರುನಾಡ ಚಕ್ರವರ್ತಿ ಡಾ. ಶಿವಣ್ಣ ಅಭಿನಯಸುತ್ತಿರುವ ಹೊಸ ಚಿತ್ರಕ್ಕೆ "ದ್ರೋಣ" ಎಂದು ಹೆಸರಿಡಲಾಗಿದೆ.
.
ಈ ಚಿತ್ರದಲ್ಲಿ ಶಿವಣ್ಣ ಸ್ಕೂಲ್ ಟೀಚರ್ ಆಗಿ ನಟಿಸುತ್ತಿದ್ದಾರೆ.ಇತ್ತೀಚೆಗೆ ಚಿತ್ರಕ್ಕಾಗಿ ಶಿವಣ್ಣರ ಫೋಟೋಶೂಟ್ ಮಾಡಿಸಲಾಯಿತು.
.
#Drona #Cineloka #KarunadaChakravarthy #DrShivanna
 
ಸ್ಯಾಂಡಲ್‌ವುಡ್‌ನಲ್ಲಿ ಇತ್ತೀಚೆಗೆ ಹೊಸ ಹೊಸ ಪ್ರತಿಭೆಗಳು ಗಮನ ಸೆಳೆಯುವಂತಹ ಸಿನಿಮಾ ಮಾಡುತ್ತಿದ್ದಾರೆ, ಆ ಸಾಲಿಗೆ ಹೊಸ ಸೇರ್ಪಡೆಯಾಗಿ 'ಕಟ್ಟು ಕಥೆ' ಸೇರಬಹುದು. ಈಗಾಗಲೇ ಬಿಡುಗಡೆಯಾಗಿರುವ ಹಾಡುಗಳು, ಟ್ರೇಲರ್‌ ಎಲ್ಲವೂ ಭರವಸೆ ಹುಟ್ಟಿಸಿದೆ. ಒಂದಷ್ಟು ಮಾಹಿತಿ ಮತ್ತು ಕಲ್ಪನೆ ಎರಡನ್ನೂ ಸೇರಿಸಿ ಒಂದೊಳ್ಳೆ ಸಸ್ಪೆನ್ಸ್‌ ಥ್ರಿಲ್ಲರ್‌ ಸಿನಿಮಾ ಮಾಡಿದ್ದಾರೆ ನಿರ್ದೇಶಕ ರಾಜ್‌ ಪ್ರವೀಣ್‌.
ಎ ರಿಯಲ್‌ ಸ್ಟೋರಿ ಎಂಬ ಅಡಿಬರಹದೊಂದಿಗೆ ತಯಾರಾಗಿರುವ ಈ ಸಿನಿಮಾ ಇದೇ ಜೂ.15ಕ್ಕೆ ಬಿಡುಗಡೆಯಾಗುತ್ತಿದೆ.
.
ನಿಜ ಜೀವನದ ಒಂದು ಘಟನೆಯನ್ನು ಇಟ್ಟುಕೊಂಡು ಅದಕ್ಕೆ ಪೂರಕವಾಗಿ ಹಲವು ಸಂಗತಿಗಳನ್ನು ಸೇರಿಸಿ ಸಿನಿಮಾ ಮಾಡಿದ್ದಾರಂತೆ ನಿರ್ದೇಶಕರು. ಈ ಚಿತ್ರದ ನಾಯಕ ಕಿವುಡ. ಒಂದು ಹೇಳಿದರೆ ಇನ್ನೇನೋ ತಿಳಿದುಕೊಳ್ಳುತ್ತಾನೆ. ಇದರಿಂದ ಹಲವು ಅವಾಂತರಗಳು ಸೃಷ್ಟಿಯಾಗುತ್ತದೆ. ಇದನ್ನು ಹಾಸ್ಯಾತ್ಮಕವಾಗಿ ಹೇಳಿಕೊಂಡು ಹೋಗುವ ಪ್ರಯತ್ನ ಮಾಡಿದ್ದಾರಂತೆ.
.
ಮಿತ್ರ ಈ ಚಿತ್ರದಲ್ಲಿ ಮೂರು ಬೇರೆ ಬೇರೆ ಛಾಯೆಯ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ನಾಯಕ ಸೂರ್ಯ ಮತ್ತು ನಾಯಕಿ ಸ್ವಾತಿ ಕೊಂಡೆ ಇಬ್ಬರಿಗೂ ಇದು ಎರಡನೇ ಸಿನಿಮಾ. ರಾಜೇಶ್‌ ನಟರಂಗ ಈ ಚಿತ್ರದಲ್ಲಿ ಪೊಲೀಸ್‌ ಅಧಿಕಾರಿಯಾಗಿ ಕಾಣಿಸಿಕೊಂಡಿದ್ದಾರೆ.
.
ಟಗರು ಚಿತ್ರ ಖ್ಯಾತಿ ಮಾಸ್ತಿ ಈ ಚಿತ್ರಕ್ಕೂ ಸಂಭಾಷಣೆ ಬರೆದಿದ್ದಾರೆ. ಮೈಸೂರಿನ ಸ್ವೀಟ್‌ ಮಹಾದೇವ ಈ ಚಿತ್ರಕ್ಕೆ ಹಣ ಹೂಡಿದ್ದಾರೆ. ಎನ್‌. ಸವಿತಾ ಕೂಡ ಅವರಿಗೆ ಕೈ ಜೋಡಿಸಿದ್ದಾರೆ.
#KattuKathe #Cineloka

ನೈಜ ಘಟನೆಯನ್ನು ಆಧರಿಸಿ ತಯಾರಾಗಿರುವ ಎಂಎಂಸಿಎಚ್‌ ಚಿತ್ರದ ಆಡಿಯೋ ಬಿಡುಗಡೆಯಾಗಿದ್ದು, ಆನ್‌ಲೈನ್‌ನಲ್ಲಿ ಸದ್ದು ಮಾಡುತ್ತಿದೆ. 

.
ಈ ಚಿತ್ರದಲ್ಲಿ ಮೊದಲ ಬಾರಿಗೆ ಐವರು ನಾಯಕಿಯರು ಒಟ್ಟಾಗಿ ನಟಿಸುತ್ತಿದ್ದಾರೆ. ಮೆಲೋಡಿ ಕಿಂಗ್‌ ಎಂದೇ ಹೆಸರು ಮಾಡಿರುವ ಶ್ರೀಧರ್‌ ಸಂಭ್ರಮ್‌ ಈ ಸಿನಿಮಾಗಾಗಿ ನಾಲ್ಕು ಹಾಡುಗಳನ್ನು ಕಂಪೋಸ್‌ ಮಾಡಿದ್ದಾರೆ. ಇತ್ತೀಚೆಗೆ ಐವರು ನಾಯಕಿಯರು ತಮ್ಮ ತಾಯಂದಿರ ಜತೆಯಲ್ಲಿ ಕಾರ್ಯಕ್ರಮಕ್ಕೆ ಬಂದಿದ್ದರು.
.
ರಾಗಿಣಿ,ಮೇಘನಾ ರಾಜ್‌, ಸಂಯುಕ್ತ ಬೆಳವಾಡಿ, ದೀಪ್ತಿ ಮತ್ತು ಪ್ರಥಮಾ ಹಾಗೂ ಇವರ ಅಮ್ಮಂದಿರಾದ ಸುಧಾ ಬೆಳವಾಡಿ, ಸುಮಿತ್ರಾ, ವಿನಯ ಪ್ರಸಾದ್‌ ಮತ್ತು ಪ್ರಮಿಳಾ ಜೋಷಾಯ್‌ ಪಾಲ್ಗೊಂಡಿದ್ದರು. ಜತೆಗೆ ಚಿತ್ರದ ನಿರ್ದೇಶಕ ಮುಸ್ಸಂಜೆ ಮಹೇಶ್‌, ಸಂಗೀತ ನಿರ್ದೇಶಕ ಶ್ರೀಧರ್‌ ಚಿತ್ರದ ಸಂಗೀತದ ಬಗ್ಗೆ ಮಾತನಾಡಿದರು.
.
ಈ ಸಿನಿಮಾದಲ್ಲಿ ಕೈಲಾಶ್‌ ಖೇರ್‌, ಶ್ರೇಯಾ ಘೋಷಾಲ್‌, ಅನೂಪ್‌ ಒಂದೊಂದು ಹಾಡನ್ನು ಹಾಡಿದ್ದಾರಂತೆ. ಈ ಸಿನಿಮಾದಲ್ಲಿ ಹಿನ್ನೆಲೆ ಸಂಗೀತ ಕೂಡಾ ಬಹಳ ವಿಶೇಷವಾಗಿದೆ ಎನ್ನುತ್ತಾರೆ ನಿರ್ದೇಶಕ ಶ್ರೀಧರ್‌. ಎಂಎಂಸಿಎಚ್‌ 90ರ ಕಾಲಘಟ್ಟದಲ್ಲಿ ನಡೆದ ನೈಜ ಘಟನೆಯನ್ನು ಆಧರಿಸಿದೆ. ಎಸ್‌.ಪುರೋಷತ್ತಮ್‌, ಜೆ.ಜಾನಕಿರಾಮ್‌, ಅರವಿಂದ್‌ ಈ ಚಿತ್ರಕ್ಕೆ ಬಂಡವಾಳ ಹೂಡಿದ್ದಾರೆ.

#MMCH #Cineloka

 

‘’ಕಲರ್ಸ್ ಸೂಪರ್’’ ವಾಹಿನಿಯು ಯಶಸ್ವಿಯಾಗಿ ಎರಡು ವರ್ಷ ಪೂರೈಸಿದ ಹಿನ್ನಲೆಯಲ್ಲಿ ಇದೇ ತಿಂಗಳು ವೀಕ್ಷಕರಿಗೆ ಎಂಟು ವಿಭಿನ್ನ ಮನರಂಜನೆಯ ರಸದೌತಣದ ಕಾರ್ಯಕ್ರಮಗಳನ್ನು ನೀಡಲು ಸಿದ್ದತೆಗಳನ್ನು ಮಾಡಿಕೊಂಡಿದೆ. ಭಕ್ತಿಪ್ರಧಾನ ಕತೆ ಹೊಂದಿರುವ ‘’ಇವಳೇ ವೀಣಾಪಾಣಿ’’. ಅಪ್ಪ ಅಮ್ಮನ ಹಾರೈಕೆಯಲ್ಲಿ ಬೆಳೆದ ಮಗಳು 32 ಜನ ಇರುವ ಕೂಡುಕುಟುಂಬದಲ್ಲಿ ಸವಾಲುಗಳನ್ನು ಎದುರಿಸಿ ಹೇಗೆ ಬದುಕು ಸಾಗಿಸುತ್ತಾಳೆ ಎನ್ನುವ ಕೌಟಂಬಿಕ ಧಾರವಾಹಿ ‘’ಮನಯೇ ಮಂತ್ರಾಲಯ’’. ಮಂಡೆ ಬಿಸಿ ಮಾಡುವ ನಿಟ್ಟಿನಲ್ಲಿ ತೀರ್ಪುಗಾರರಾಗಿ ರಚಿತಾರಾಮ್, ಗುರುಕಿರಣ್, ಮತ್ತು ನಿರಂಜನ್‍ದೇಶಪಾಂಡೆ ಸಾರಥ್ಯದ ಹೊಸ ಸೀಜನ್‍ದಲ್ಲಿ ‘’ಮಜಾಭಾರತ’’. ಕಥಾನಾಯಕಿ ಚುಕ್ಕಿ ಮದುವೆ ಸಿದ್ದತೆಯಲ್ಲಿ ಏನಾದರೂ ಎಡವಟ್ಟು ಮಾಡಿಕೊಳ್ಳುತ್ತಾಳಾ, ಅದರಿಂದ ಅವಳ ಬದುಕಿನ ದಿಕ್ಕು ಬದಲಾಗುತ್ತದಾ? ಎಂದು ಹೇಳುವ ‘’ರಾಜ ರಾಣಿ’’. ಶ್ರಾವಣಿ ನಂಬಿದ ಸಿದ್ದಿ ವಿನಾಯಕ ಕೊಟ್ಟ ವರ ಎಂಥದ್ದು. ಅದು ಅವಳ ಬದುಕಿನಲ್ಲಿ ಹೇಗೆ ಬಿರುಗಾಳಿ ತರುತ್ತದೆ ಕಥನವುಳ್ಳ ‘’ಮಾಂಗಲ್ಯಂ ತಂತು ನಾನೇನ’’.

.


ಹೊಸ ಹೊಸ ಪ್ರತಿಭೆಗಳಿಗೆ ವೇದಿಕೆ ಮಾಡಿಕೊಡುವ ‘’ಕನ್ನಡ ಕೋಗಿಲೆ” ಸಂಗೀತ ಕಾರ್ಯಕ್ರಮದಲ್ಲಿ ಸಾಧುಕೋಕಿಲ, ಗಾಯಕಿ ಅರ್ಚನಾಉಡುಪ, ಬಿಗ್‍ಬಾಸ್ ವಿಜೇತ ಚಂದನ್‍ಶೆಟ್ಟಿ ತೀರ್ಪಗಾರರಾಗಿರುತ್ತಾರೆ. ಮಾಯಾಮೃಗ, ಮನ್ವಂತರ, ಮುಕ್ತ ಧಾರವಾಹಿಗಳನ್ನು ನಿರ್ದೇಶನ ಮಾಡಿರುವ ಟಿ.ಎನ್.ಸೀತಾರಾಮ್ ಬಹಳ ವರ್ಷಗಳ ನಂತರ ಕಿರುತೆರೆಗೆ ಹಿಂದುರಿಗಿ ನಟಿಸಿ, ನಿರ್ದೇಶನ ಮಾಡುತ್ತಿರುವ ‘’ಮಗಳು ಜಾನಕಿ’’. ಹದಿನಾಲ್ಕು ವರ್ಷಗಳ ಹಿಂದೆ ಎಲ್ಲರ ಮನೆಮಾತಾಗಿದ್ದ ಚಿದಾನಂದ್, ಶಾಲಿನಿ ಅಭಿನಯಿಸಿದ್ದ ಹಾಸ್ಯ ಧಾರವಾಹಿ ‘’ಪಾಪ ಪಾಂಡು’’ ಮತ್ತೋಮ್ಮೆ ಬರಲು ಸಜ್ಜಾಗಿದೆ. ಇದರಲ್ಲಿ ಪಾಂಡುಗೆ ಮಗ, ಸೊಸೆ ಸೇರ್ಪಡೆಯಾಗಿರುವುದು ವಿಶೇಷ. ಎಲ್ಲವು ಜೂನ್ ಸೂಪರ್ ತಿಂಗಳಲ್ಲಿ ಪ್ರಸಾರವಾಗಲಿದೆ.

.

 
ಸ್ಯಾಂಡಲ್‌ವುಡ್‌ನಲ್ಲಿ ಹೊಸಬರ ಸಿನಿಮಾಗಳು ಮತ್ತೆ ಜೋರಾಗುತ್ತಿದೆ. ಆ ಸಾಲಿಗೆ ಹೊಸ ಸೇರ್ಪರೆ ಶತಾಯ ಗತಾಯ. ಈ ಚಿತ್ರ ಇದೇ ಶುಕ್ರವಾರ ಅಂದರೆ ಜೂ.8ಕ್ಕೆ ಬಿಡುಗಡೆಯಾಗಲಿದೆ.
.
ಶತಾಯ ಗತಾಯ ಸಸ್ಪೆನ್ಸ್‌ ಥ್ರಿಲ್ಲರ್ ಚಿತ್ರವಾಗಿದ್ದು, ನೂರಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ಬಾಡಿ ಬಿಲ್ಡರ್‌ ರಘು ರಾಮಪ್ಪ ಈ ಚಿತ್ರಕ್ಕೆ ನಾಯಕರಾಗಿದ್ದರೆ. ಡಿಪ್ಲೊಮಾ ಇನ್ ಆಟೊಮೊಬೈಲ್ ಮಾಡಿರುವ ಯುವ ಪ್ರತಿಭೆ ಸಂದೀಪ್ ಗೌಡ ಸುಮಾರು ನಾಲ್ಕು ಕಿರುಚಿತ್ರಗಳನ್ನು ನಿರ್ದೇಶಿಸಿ ಈಗ ಶತಾಯಗತಾಯ ಚಿತ್ರದ ಮೂಲಕ ಪೂರ್ಣ ಪ್ರಮಾಣದ ನಿರ್ದೇಶಕರಾಗಿದ್ದಾರೆ. ಜತೆಗೆ ಅವರೇ ಬಂಡವಾಳ ಹೂಡಿದ್ದಾರೆ.
.
ಈ ಚಿತ್ರದಲ್ಲಿ ತಾಯಿ ಮಗನ ಸೆಂಟಿಮೆಂಟ್ ಮುಖ್ಯ ಕಥಾ ಹಂದರವಾಗಿದೆ. ಜತೆಗೆ ಸುಮಾರು 60 ವರ್ಷ ಹಿಂದೆ ನಡೆದಂತಹ ನೈಜ ಘಟನೆಯನ್ನು ಆಧರಿಸಿ ಸಂದೀಪ್‌ ಈ ಕಥೆಯನ್ನು ಮಾಡಿಕೊಂಡಿದ್ದಾರೆ. ತಾಯಿಗೆ ಆದ ಅನ್ಯಾಯದ ವಿರುದ್ಧ ಮಗ ಸೇಡನ್ನು ತೀರಿಸಿಕೊಳ್ಳುವ ಎಳೆ ಈ ಚಿತ್ರದಲ್ಲಿದೆಯಂತೆ.
.
ರಘು ರಾಮಪ್ಪ ಅವರಿಗೆ ಸೋನು ಎಸ್‌ ಗೌಡ ನಾಯಕಿಯಾಗಿದ್ದಾರೆ. ಚಿತ್ರದಲ್ಲಿ ನಾಲ್ಕು ಹಾಡು ಒಂದು ಥೀಮ್ ಸಾಂಗ್ಸ್ ಇದ್ದು , ರವಿನಂದನ್ ಜೈನ್ ಸಂಗೀತವನ್ನು ಒದಗಿಸಿದ್ದಾರೆ.
.
#ShatayaGataya #Cineloka

 

ರೈನ್‌ ಬೋ ಪ್ರೊಡಕ್ಷನ್ ಬ್ಯಾನರ್‌ನಡಿಯಲ್ಲಿ ಶಮಂತ್‌ ನಿರ್ಮಾಣ ಮಾಡಿರುವ ಆದಿ ಪುರಾಣ ಚಿತ್ರಕ್ಕಾಗಿ ತಮಿಳಿನ ಖ್ಯಾತ ಗಾಯಕ ಗಾನಬಾಲ ಹಾಡಿದ್ದಾರೆ. ಸಂಕಲನಕಾರ ಮೋಹನ್‌ ಕಾಮಾಕ್ಷಿ ನಿರ್ದೇಶನದಲ್ಲಿ ತಯಾರಾಗಿರುವ ಈ ಚಿತ್ರದ ವಿಶೇಷ ಹಾಡಿಗೆ ವಿಶೇಷ ಧ್ವನಿ ಬೇಕಾಗಿತ್ತು, ಆಗ ಗಾನ ಬಾಲ ಅವರಿಗೆ ಟ್ರ್ಯಾಕ್‌ ಕೇಳಿಸಿ ಅವರಿಂದ ಕನ್ನಡ ಹಾಡನ್ನು ಹಾಡಿಸಿದೆ ಚಿತ್ರತಂಡ.
.

ಮುಗ್ಧ ಹುಡುಗ ಆದಿ. ಅವನ ಬಾಳಿನಲ್ಲಿ ಘಟಿಸುವ ಅನೇಕ ಸಂದರ್ಭಗಳನ್ನು ವಿಭಿನ್ನ ಚಿತ್ರಕಥೆಯ ಮೂಲಕ ಕಟ್ಟಿಕೊಡುವ ಪ್ರಯತ್ನ ಇಲ್ಲಿದೆ. ನಾಯಕ ಶಶಾಂಕ್‌ಗೆ ಜೋಡಿಯಾಗಿ ಅಹಲ್ಯ ಸುರೇಶ್‌ ಹಾಗೂ ಮೋಕ್ಷ ಕುಶಾಲ್‌ ಕಾಣಿಸಿಕೊಂಡಿದ್ದಾರೆ. ಉಳಿದಂತೆ ರಂಗಾಯಣ ರಘು, ಜೈದೇವ್, ಕರಿ ಸುಬ್ಬು, ನಾಗೇಂದ್ರ ಷಾ, ಡಾ.ವತ್ಸಲಾ ಮೋಹನ್‌, ಶಕ್ತಿ ವೆಲ್‌, ಸಮೀರ, ರಾಧ ಮೊದಲಾದವರು ತಾರಾಗಣದಲ್ಲಿದ್ದಾರೆ.
.

ವಿಕ್ರಮ ವಸಿಷ್ಠ, ಚಂದನ ಹಾಗೂ ಸಿದ್ದಾರ್ಥ್‌ ಕಾಮತ್‌ ಸಂಗೀತ ಸಂಯೋಜಿಸಿದ್ದಾರೆ. ಗಾನ ಬಾಲ ತಮಿಳಿನಲ್ಲಿ ಗಾಯಕರಾಗಿ ದೊಡ್ಡ ಹೆಸರು ಮಾಡಿದ್ದರು. ಇದ್ದಕ್ಕಿದ್ದ ಹಾಗೆ, ಹಾಡುವುದನ್ನು ನಿಲ್ಲಿಸಿದ್ದ ಅವರು ಆದಿಪುರಾಣಕ್ಕೆ ಹಾಡುವ ಮೂಲಕ ಗಾಯನ ಕ್ಷೇತ್ರಕ್ಕೆ ವಾಪಾಸ್ಸಾಗಿದ್ದಾರೆ.

#AadiPurana #Cineloka

 
ನಿರ್ದೇಶಕ ಸೂರಿ ಈಗ ಟಗರು ಚಿತ್ರದ ಯಶಸ್ಸಿನಲ್ಲಿದ್ದಾರೆ, ಭಾನುವಾರ ನೂರನೇ ದಿನದ ಸಂಭ್ರಮವನ್ನು ಅಭಿಮಾನಿಗಳ ಜತೆ ಹಂಚಿಕೊಂಡ ಸೂರಿ, ಶಿವರಾಜ್‌ಕುಮಾರ್‌ ಮತ್ತು ಅಪ್ಪು ಅವರಿಗಾಗಿ ಟಗರು-2 ಚಿತ್ರ ಮಾಡುವುದಾಗಿ ಹೇಳಿದ್ದಾರೆ.
.
ಈ ವರ್ಷ ಶತದಿನ ಪೂರೈಸಿದ ಮೊದಲ ಚಿತ್ರವಾಗಿ ಟಗರು ಹೊರ ಹೊಮ್ಮಿದೆ. ಜನ ಈಗ ಟಗರು ಸಿಕ್ವೇಲ್‌ ಮಾಡಿ ಎಂದು ಸೂರಿಯವರನ್ನು ಕೇಳುತ್ತಿದ್ದಾರಂತೆ.
ಟಗರು 2 ಮಾಡಬೇಕೆಂಬ ಆಸೆ ನನಗೂ ಇದ್ದು, ಅದು ಟಗರುಗಿಂತಲೂ ದೊಡ್ಡ ಮಟ್ಟದಲ್ಲಿ ಹಿಟ್‌ ಆಗಬೇಕು, ಅಲ್ಲದೇ ಇದು ಟಗರು ಚಿತ್ರದ ಮುಂದಿನ ಭಾಗವಲ್ಲ ಅಲ್ಲಿ ಎರಡು ಖಡಕ್‌ ಟಗರುಗಳ ಕಥೆ ಹೇಳಲು ಇಷ್ಟಪಡುತ್ತೇನೆ ಆ ಎರಡು ಟಗರುಗಳು ಪುನೀತ್‌ ಮತ್ತು ಶಿವರಾಜ್‌ಕುಮಾರ್‌ ಆಗಿರುತ್ತಾರೆ ಎಂದು ಹೇಳಿದ್ದಾರೆ ಸೂರಿ.
.
ನಿರ್ದೇಶಕ ಸೂರಿ ಶಿವಣ್ಣ ಮತ್ತು ಅಪ್ಪು ಇಬ್ಬರನ್ನು ತಲೆಯಲ್ಲಿ ಇಟ್ಟುಕೊಂಡು ಕಥೆ ಮಾಡಬೇಕು. ಇಬ್ಬರ ಅಭಿಮಾನಿಗಳನ್ನು ಅವರು ತೃಪ್ತಿಪಡಿಸಬೇಕು. ಸೂರಿ ಈಗ ಧನಂಜಯ ಮತ್ತು ನಿವೇದಿತಾ ಜತೆ 'ಪಾಪ್‌ ಕಾರ್ನ್‌ ಮಂಕಿ ಟೈಗರ್‌' ಸಿನಿಮಾ ಮಾಡುತ್ತಿದ್ದಾರೆ. ಒಟ್ಟಿನಲ್ಲಿ ಅಪ್ಪು ಮತ್ತು ಶಿವಣ್ಣ ಒಂದೇ ಸಿನಿಮಾದಲ್ಲಿ ನಟಿಸುವ ದಿನಗಳು ಬಹಳ ದೂರವಿಲ್ಲ .
.
#Tagaru #Cineloka #PowerStarPuneethRajkumar #KarunadaChakravarthy #DrShivanna
ಅಮೇರಿಕಾ ಅಮೇರಿಕಾ, ಅಮೃತ ಧಾರೆ ಖ್ಯಾತಿಯ ನಾಗತಿಹಳ್ಳಿ ಚಂದ್ರಶೇಖರ್‌ ನಿರ್ದೇಶನ ಮಾಡುತ್ತಿರುವ ಹೊಸ ಚಿತ್ರಕ್ಕೆ ಗುರುನಂದನ್‌ ಮತ್ತು ಮಾನ್ವಿತಾ ಹರೀಶ್‌ ಜೋಡಿಯಾಗಿದ್ದಾರೆ.
.
ಈ ಚಿತ್ರ ಬಹುತೇಕ ಲಂಡನ್‌ನಲ್ಲಿಯೇ ಚಿತ್ರೀಕರಣಗೊಳ್ಳಲಿದೆ. ಇಲ್ಲಿ ಗುರುನಂದನ್‌ ಮತ್ತು ಮಾನ್ವಿತಾ ಇಬ್ಬರ ಪಾತ್ರಕ್ಕೆ ಬಹಳ ಮಹತ್ವವಿದೆಯಂತೆ. ಈ ಕಥೆಯನ್ನು ನಾಗತಿಹಳ್ಳಿಯವರ ಪುತ್ರಿ ಬರೆದಿದ್ದಾರೆ.
.
ಗುರುನಂದನ್‌ ಫಸ್ಟ್‌ ರಾಯಂಕ್‌ ರಾಜು ಮತ್ತು ರಾಜು ಕನ್ನಡ ಮೀಡಿಯಂ ಸಿನಿಮಾದಿಂದ ಸೂಪರ್‌ ಹಿಟ್‌ ಚಿತ್ರಗಳ ನಾಯಕ ಎಂಬ ಬಿರುದು ಪಡೆದುಕೊಂಡಿದ್ದಾರೆ. ಒಟ್ಟಿನಲ್ಲಿ ಗುರುನಂದನ್‌ ಮತ್ತು ಮಾನ್ವಿತಾ ಸದ್ಯದಲ್ಲೇ ಲಂಡನ್‌ ಫ್ಲೈಟ್‌ ಹತ್ತುವುದು ಪಕ್ಕಾ ಆಗಿದೆ.
.
#Cineloka

ಜೂನ್ 15 ರಂದು ಬಿಡುಗಡೆಯಾಗಬೇಕಿದ್ದ "ಶತಾಯ ಗತಾಯ" ಚಿತ್ರವು ಒಂದು ವಾರ ಮೊದಲೇ ಅಂದರೆ ಜೂನ್ 8 ರಂದೇ ಚಿತ್ರ ಬಿಡುಗಡೆಯಾಗುತ್ತಿದೆ.

ಸಂದೀಪ್ ಗೌಡ ನಿರ್ಮಿಸಿ,ನಿರ್ದೇಶಿಸಿರುವ ಈ ಚಿತ್ರದಲ್ಲಿ ರಘು ರಾಮಪ್ಪ ನಾಯಕರಾಗಿ ನಟಿಸಿದ್ದಾರೆ.

ಮರ್ಡರ್‌ ಮಿಸ್ಟರಿ ಸಿನಿಮಾಗಳಿಗೆ ರೋಚಕತೆ ಬಹಳ ಮುಖ್ಯ, ಅದಿದ್ದರೆ ಮಾತ್ರ ಪ್ರೇಕ್ಷಕರು ಸಿನಿಮಾವನ್ನು ನೋಡುತ್ತಾರೆ. ಈ ವಾರ ಬಿಡುಗಡೆಯಾಗಿರುವ ವೆನಿಲ್ಲಾ ಚಿತ್ರ ಕೂಡಾ ಮರ್ಡರ್‌ ಮಿಸ್ಟರಿ ಆದರೆ, ರೋಚಕತೆಯನ್ನು ಉಳಿಸಿಕೊಳ್ಳುವಲ್ಲಿ ನಿರ್ದೇಶಕ ಜಯತೀರ್ಥ ಕೊಂಚ ಸೋತಿದ್ದಾರೆ.
.
ಒಂದು ಕೊಲೆ ನಾಯಕ ಮತ್ತು ನಾಯಕಿಗೆ ಸುತ್ತಿಕೊಳ್ಳುತ್ತದೆ. ಈ ಸಮಯದಲ್ಲಿ ನಾಯಕಿ ದೇಶ ಬಿಟ್ಟು ಹೊರಡುತ್ತಾಳೆ. ಅದು ನಾಯಕನಿಗೆ ತಿಳಿಯುವುದಿಲ್ಲ, ಆದರೆ ಪೊಲೀಸರು ಆ ಕೊಲೆಯ ಹಿಂದೆ ಬಿದ್ದು, ಅದಕ್ಕೂ ನಾಯಕನಿಗೂ ಲಿಂಕ್‌ ಇದೆ ಎಂದು ತಿಳಿದು ಅವನ ಹಿಂದೆ ಬೀಳುತ್ತಾರೆ. ಹೀಗೆ ಒಂದು ಕೊಲೆಯನ್ನು ತನಿಖೆ ಮಾಡಲು ಹೊರಟ ಪೊಲೀಸರಿಗೆ ಮತ್ತೆರೆಡು ಕೊಲೆಗಳು ತಿಳಿಯುತ್ತವೆ. ಕೊಲೆಗಳ ಸುತ್ತ ಹೆಣೆಯುವ ಸಸ್ಪೆನ್ಸ್‌ ಕಥೆಯನ್ನು ಸಮಾಜದಲ್ಲಿ ಸಭ್ಯತೆಯ ಪೋಷಾಕು ತೊಟ್ಟು ಜನರನ್ನು ವಂಚಿಸಿ ಲಾಭಮಾಡಿಕೊಳ್ಳುವವರ ಕಥೆ ಜತೆ ಹೇಳಿದ್ದಾರೆ ನಿರ್ದೇಶಕ ಜಯತೀರ್ಥ.
.
ಸಾಮಾನ್ಯವಾಗಿ ಸಸ್ಪೆನ್ಸ್ ಥ್ರಿಲ್ಲರ್‌ ಕಥೆಗಳು ಸಾಧಾರಣವಾಗಿದ್ದರೂ, ಬಿಗಿಯಾದ ನಿರೂಪಣೆಯಿಂದ ಗಮನ ಸೆಳೆಯುತ್ತವೆ. ಅಲ್ಲದೆ, ಇಂತಹ ಕಥೆಯಲ್ಲಿ ಜನ ಒಬ್ಬರ ಮೇಲೆ ಅನುಮಾನ ಬರುವಂತೆ ಮಾಡಿದ್ರೆ, ಅದು ಯಶಸ್ವಿಯಾಗುತ್ತದೆ. ನಿರ್ದೇಶಕರು ಸಿನಿಮಾದಲ್ಲಿ ಸಾಕಷ್ಟು ಜನರ ಮೇಲೆ ಅನುಮಾನ ಮೂಡುವಂತಹ ದೃಶ್ಯಗಳನ್ನು ಪೋಣಿಸಿ, ಒಂದಷ್ಟು ಕನ್‌ಫ್ಯೂಸ್‌ ಮಾಡಿದ್ದಾರೆ.
.
ಈ ಕನ್‌ಫ್ಯೂಸ್‌ನಿಂದಾಗಿ ಸೀಟಿನ ತುದಿಗೆ ಕುಳಿತುಕೊಳ್ಳಬೇಕಾಗಿದ್ದ ಜನ, ಆರಾಮಾಗಿ ಕುಳಿತು ಸಿನಿಮಾ ನೋಡುತ್ತಾರೆ. ಚಿತ್ರದ ಮೊದಲರ್ಧ ಸಪ್ಪೆ ಎನಿಸುತ್ತದೆ, ದ್ವಿತೀಯಾರ್ಧದ ಕೊನೆಯ 30 ನಿಮಿಷ ಚಿತ್ರದ ಜೀವಾಳ. ಥ್ರಿಲ್ಲರ್‌ ಚಿತ್ರಗಳಿಗೆ ಬ್ಯಾಗ್ರೌಂಡ್‌ ಮ್ಯೂಸಿಕ್‌ ಬಹಳ ಮುಖ್ಯವಾಗುತ್ತದೆ. ಆದರೆ ವೆನಿಲ್ಲಾದಲ್ಲಿ ಅದು ಸಾಧಾರಣ ಎನಿಸುತ್ತದೆ. ಈ ಹಿಂದೆ ಗಮನ ಸೆಳೆದಿದ್ದ, ಬಿ ಜೆ ಭರತ್‌ ಇಲ್ಲಿ ಕೊಂಚ ನೀರಸ ಎನಿಸುತ್ತಾರೆ.
.
ಕಲಾವಿದರ ಆಯ್ಕೆಯಲ್ಲೂ ನಿರ್ದೇಶಕರು ಎಡವಿದ್ದಾರೆ. 2-3 ಪಾತ್ರಗಳನ್ನು ಬಿಟ್ಟರೆ ಬಹುಕೇತ ಹೊಸಬರೆ ಇರೋದ್ರಿಂದ ಅಭಿನಯದಲ್ಲಿ ಅನುಭವದ ಕೊರತೆ ಎದ್ದು ಕಾಣುತ್ತದೆ.
ಸಿನಿಮಾದಲ್ಲಿ ಪೊಲೀಸರು ಬಹಳ ಬೇಜವಬ್ದಾರಿಯಿಂದ ವರ್ತನೆ ಮಾಡುತ್ತಾರೆ. ನಾಯಕ ಅವಿನಾಶ್‌ ತಮ್ಮ ಮೊದಲ ಪ್ರಯತ್ನವನ್ನು ಸ್ವಲ್ಪ ಚೆನ್ನಾಗಿ ಬಳಸಿಕೊಂಡಿದ್ದಾರೆ. ಆದರೆ ಅವರ ಅಭಿನಯ ಇನ್ನಷ್ಟು ಮಾಗಬೇಕಿದೆ. ನಾಯಕಿ ಸ್ವಾತಿ ಕೊಂಡೆ ಮುದ್ದು ಮುದ್ದಾಗಿ ಕಾಣಿಸಿಕೊಂಡಿದ್ದಾರೆ. ಉಳಿದಂತೆ ಮನಸ್ಸಿನಲ್ಲಿ ಉಳಿಯುವಂತಹ ಪಾತ್ರಗಳು ಯಾವು ಇಲ್ಲ.
.
'ವೆನಿಲ್ಲಾ' ಎಂದರೇನು ಎಂಬುದು ತಿಳಿಯುವುದಕ್ಕೆ ನೀವು ಸಿನಿಮಾ ನೋಡಬೇಕು. ಚಿತ್ರದಲ್ಲಿ ಒಂದೊಳ್ಳೆ ಸಂದೇಶವಿದೆ. ಅದನ್ನು ಕಮರ್ಷಿಯಲ್ ಚಿತ್ರದಲ್ಲಿ ಹೇಳೊ ಪ್ರಯತ್ನ ಮಾಡಿರುವ ಜಯತೀರ್ಥ ಅವರಿಗೆ ಮೆಚ್ಚುಗೆ ವ್ಯಕ್ತಪಡಿಸಬೇಕು.
.
ಒಟ್ಟಿನಲ್ಲಿ ಚಿತ್ರಕಥೆಯಲ್ಲಿ ಮತ್ತಷ್ಟು ಶ್ರಮ ಹಾಕಿದ್ದರೆ, ಈ ಚಿತ್ರ ರೋಚಕ ಮರ್ಡರ್ ಮಿಸ್ಟರಿ ಸಿನಿಮಾವಾಗುತ್ತಿತ್ತು,ಆದರೂ ಒಮ್ಮೆ ನೋಡಲಡ್ಡಿಯಿಲ್ಲ.
ರೇಟಿಂಗ್ - 2.75/5
#Vanilla #Cineloka

ಪವರ್‌ ಸ್ಟಾರ್‌ ಪುನೀತ್‌ರಾಜ್‌ಕುಮಾರ್‌ ನಟನೆಯ ನಟ ಸಾರ್ವಭೌಮ ಚಿತ್ರದ ಪೋಸ್ಟರ್‌ ಒಂದು ಸೋಷಿಯಲ್‌ ಮಿಡಿಯಾದಲ್ಲಿ ವೈರಲ್‌ ಆಗಿದೆ. ಈ ಪೋಸ್ಟರ್‌ನಲ್ಲಿ ಅಪ್ಪು ಕೈ ಮಾತ್ರ ಇದ್ದು, ಅದರಲ್ಲಿ ಒಂದು ಕಪ್ಪು ಬಣ್ಣದ ದಾರದಿಂದ ತಯಾರಿಸಿದ ಬ್ರೇಸ್‌ಲೆಟ್‌ ಕೈಗೆ ಕಟ್ಟಿಕೊಂಡಿದ್ದಾರೆ.

 

ಈ ಕಪ್ಪು ದಾರ ಸಿನಿಮಾದ ಕಥೆಗೆ ಬಹಳ ಮುಖ್ಯವಂತೆ, ಎಂದಿದ್ದಾರೆ ಪವನ್‌ ಒಡೆಯರ್‌. ಈ ಸಿನಿಮಾದಲ್ಲಿ ಶ್ರೀನಿವಾಸ ಮೂರ್ತಿ ತಂದೆಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಅವರು ಈ ದಾರವನ್ನು ಕಟ್ಟಿರುತ್ತಾರಂತೆ.

ಈ ಚಿತ್ರ ಮೊದಲು ಹಾರರ್‌ ಚಿತ್ರ ಎಂದು ಸುದ್ದಿಯಾಗಿತ್ತು, ಹಾಗಾಗಿ ದುಷ್ಟ ಶಕ್ತಿಗಳನ್ನು ಎದುರಿಸಲಿ ಎಂಬ ಉದ್ದೇಶದಿಂದ ಈ ದಾರವನ್ನು ತಂದೆ ಪಾತ್ರಧಾರಿ ಶ್ರೀನಿವಾಸ ಮೂರ್ತಿ ಕಟ್ಟಿರುತ್ತಾರೆ ಎಂಬ ಸುದ್ದಿ ಹಬ್ಬಿದೆ.

ಚಿತ್ರದಲ್ಲಿ ಪವರ್ ಸ್ಟಾರ್ ಪುನೀತ್‌ ಪ್ರೆಸ್ ಫೋಟೋಗ್ರಾಫರ್‌ ಆಗಿ ನಟಿಸಿದ್ದಾರೆ. ಈಗಾಗಲೇ ಶೇ 40ರಷ್ಟು ಚಿತ್ರೀಕರಣ ಕಂಪ್ಲೀಟ್‌ ಆಗಿದ್ದು, ಮುಂದಿನ ಶೆಡ್ಯೂಲ್‌ ಬಳ್ಳಾರಿಯಲ್ಲಿ ನಡೆಯಲಿದೆಯಂತೆ.

ತನ್ನ ಟೈಟಲ್‌ನಿಂದ ಗಮನ ಸೆಳೆದಿರುವ 'ಸಂಕಷ್ಟಕರ ಗಣಪತಿ' ಸಿನಿಮಾದ ಟ್ರೇಲರ್‌ ಈಗ ಯೂಟ್ಯೂಬ್‌ನಲ್ಲಿ ಟ್ರೆಂಡಿಂಗ್‌ನಲ್ಲಿದೆ. ಇದು ಏಲಿಯನ್‌ ಹ್ಯಾಂಡ್‌ ಸಿಂಡ್ರೋಮ್‌ ಎಂಬ ಖಾಯಿಲೆಯನ್ನು ಆಧರಿಸಿದ ಚಿತ್ರವಾಗಿದೆ. ಈ ಹಿಂದೆ ಪನ್ಮಂಡಿ ಕ್ರಾಸ್‌ ಎಂಬ ಕಿರು ಚಿತ್ರ ಮಾಡಿ ಗಮನ ಸೆಳೆದಿದ್ದ ಅರ್ಜುನ್‌ಕುಮಾರ್‌, ಸಂಕಷ್ಟಕರ ಗಣಪತಿಗೆ ಆ್ಯಕ್ಷನ್‌ ಕಟ್‌ ಹೇಳಿದ್ದಾರೆ.


ಒಂದಷ್ಟು ಸಿನಿಮಾಗಳಲ್ಲಿ ನಟಿಸಿದ್ದ ಲಿಖಿತ್‌ ಶೆಟ್ಟಿ ಈ ಸಿನಿಮಾದ ನಾಯಕ.ಶ್ರುತಿ ಗೋರಾಡಿಯಾ ನಾಯಕಿ.

.

ಈ ಸಿನಿಮಾದ ನಾಯಕನಿಗೆ ಏಲಿಯನ್‌ ಹ್ಯಾಂಡ್‌ ಡಿಸಾರ್ಡರ್‌ ಎಂಬ ಖಾಯಿಲೆ ಬರುತ್ತದೆ. ಈ ಖಾಯಿಲೆ ಪ್ರಪಂಚದಲ್ಲಿ ನೂರು ಜನಕ್ಕೆ ಮಾತ್ರ ಬರುತ್ತದೆ. ಇದಕ್ಕೆ ತುತ್ತಾದ ನಾಯಕನಿಗೆ ಆತನ ಎಡಗೈ ಸಂಪೂರ್ಣ ಹಿಡಿತ ತಪ್ಪುತ್ತದೆ. ಬೇರೆ ಏನೇ ಕೆಲಸ ಮಾಡುತ್ತಿದ್ದರೂ, ಎಡಗೈ ಮಾತ್ರ ಇನ್ನೇನೋ ಕೆಲಸ ಮಾಡುತ್ತಿರುತ್ತದೆ. ಇದರಿಂದ ಆತ ಒಂದಷ್ಟು ಸಮಸ್ಯೆಗಳಿಗೆ ಸಿಲುಕಿಕೊಳ್ಳುತ್ತಾನೆ. ಇದನ್ನೇ ಸಿನಿಮಾದಲ್ಲಿ ನಿರ್ದೇಶಕರು ಕಾಮಿಡಿಯಾಗಿ ಹೇಳಿದ್ದಾರಾಂತೆ.

.

ಮಂಗಳವಾರ ಬಿಡುಗಡೆಯಾಗಿರುವ ಟ್ರೇಲರ್‌ ಯೂಟ್ಯೂಬ್‌ನಲ್ಲಿ ಟ್ರೆಂಡ್ ಆಗ್ತಿದೆ. ಪ್ರೇಕ್ಷಕರಿಗೆ ಕುತೂಹಲ ಮೂಡಿಸುವಲ್ಲಿ ಚಿತ್ರತಂಡ ಗೆದ್ದಿದೆ.

ಡೈನಮೇಟ್‌ ಫಿಲಂಸ್‌ ಬ್ಯಾನರ್‌ ಅಡಿಯಲ್ಲಿ ರಾಜೇಶ್‌ಬಾಬು, ಫೈಜಾನ್‌ ಖಾನ್‌, ಜೊಡಿದಾರ್‌, ಬಿ.ಎಸ್‌.ಹೇಮಂತ್‌ಕುಮಾರ್‌, ಪ್ರಮೋದ್‌ ನಿಂಬಾಳ್ಕರ್‌, ಎ ಚೆಲುವರಾಜ ನಾಯ್ಡು ಜಂಟಿಯಾಗಿ ನಿರ್ಮಾಣ ಮಾಡಿದ್ದಾರೆ.

 
ಚಾಲೆಂಜಿಂಗ್‌ ಸ್ಟಾರ್‌ ದರ್ಶನ್‌ ಈಗ ವನ್ಯ ಜೀವಿ ರಕ್ಷಣೆಗೆ ನಿಂತಿದ್ದಾರೆ. ಅರ್ಥಾತ್‌ ಮೈಸೂರು ಮೃಗಾಲಯ ಮತ್ತು ಅರಣ್ಯ ಇಲಾಖೆಯ ರಾಯಭಾರಿಯಾಗಿ ನೇಮಕವಾಗಿದ್ದಾರೆ.
.
ಈ ಹಿಂದೆಯೇ ದರ್ಶನ್‌ ಮೃಗಾಲಯದಲ್ಲಿ ಅನೇಕ ಪ್ರಾಣಿಗಳನ್ನು ದತ್ತು ತೆಗೆದುಕೊಂಡು ಸಾಕಲು ಧನ ಸಹಾಯ ಮಾಡಿದ್ದಾರೆ. ಹಲವು ವರ್ಷಗಳಿಂದ ಒಂದು ಆನೆ ಮತ್ತು ಒಂದು ಹುಲಿಯನ್ನು ದರ್ಶನ್‌ ದತ್ತು ಪಡೆದು ಅದಕ್ಕೆ ಆಗುವ ಖರ್ಚು ನೀಡುತ್ತಿರುತ್ತಾರೆ.
.
ಈಗಾಗಲೇ ದರ್ಶನ್‌ ವೃಕ್ಷ ಸಂರಕ್ಷಣೆ ಕುರಿತ ‘ಪ್ಲಾಂಟ್‌ ಎ ಟ್ರೀ’(Plant a Tree) ಎಂಬ ಸಾಕ್ಷ್ಯ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಕರ್ನಾಟಕದ ಅಭಯಾರಣ್ಯಗಳಲ್ಲಿ ಚಿತ್ರೀಕರಣ ಮಾಡಲಾಗುತ್ತಿದೆ. ಮಲೆಮಹದೇಶ್ವರ ಬೆಟ್ಟ, ನಾಗರಹೊಳೆ, ಬಂಡೀಪುರ ಮತ್ತಿತರ ಕಾಡುಗಳಲ್ಲಿ ಚಿತ್ರೀಕರಣಗೊಳ್ಳುತ್ತಿದೆ. ಜೂನ್‌ 5 ರಂದು ಇದು ರಿಲೀಸ್‌ ಆಗಲಿದೆ.
.
#ChallengingStarDarshan #Cineloka

ಝೀ ಕನ್ನಡದ ನಾಗಿಣಿ ಧಾರಾವಾಹಿ ತಂಡದಿಂದ ಅಂಬರೀಶ್ ಜನ್ಮ ದಿನಾಚರಣೆ :

----------

ಕನ್ನಡ ಚಿತ್ರರಂಗದ ಖ್ಯಾತ ನಟ, ರಾಜಕಾರಣಿ `ರೆಬೆಲ್ ಸ್ಟಾರ್' ಅಂಬರೀಶ್ ಅವರ 66ನೇ ಜನ್ಮ ದಿನಾಚರಣೆಯನ್ನು ಈ ವರ್ಷ ನಾಗಿಣಿ ಧಾರಾವಾಹಿ ತಂಡ ಸಂಭ್ರಮದಿಂದ ಆಚರಿಸಿತು.

.

ಕಲಾವಿದರ ಸಂಘದ ಅಧ್ಯಕ್ಷ ಅಂಬರೀಶ್ ಬಿಡುವಿನ ಸಮಯದಲಿ ್ಲಅವರ ಮಿತ್ರರಾದ ಹಿರಿಯ ನಟ ಅಮಿತಾಭ್ ಬಚ್ಚನ್ ಹಾಗೂ ರಜನೀಕಾಂತ್ ಅವರ ಚಲನಚಿತ್ರಗಳನ್ನು ವೀಕ್ಷಿಸಲು ಇಷ್ಟಪಡುತ್ತಾರೆ; ಅಲ್ಲದೆ ಅವರ ಮನೆಯಲ್ಲಿರುವ 3 ಟೀವಿ ಸೆಟ್‍ಗಳಲ್ಲಿ ಝೀಕನ್ನಡದ ನಾಗಿಣಿ ಧಾರಾವಾಹಿಯನ್ನು ಒಂದು ಕಂತು ಕೂಡಾ ತಪ್ಪಿಸಿಕೊಳ್ಳದೆ ವೀಕ್ಷಿಸುತ್ತಾರೆ. ಪ್ರತಿನಿತ್ಯ ಅವರು ರಾತ್ರಿ 9.00ರಿಂದ 9.30ರವರೆಗಿನ ಅವಧಿ ನಾಗಿಣಿ ಧಾರಾವಾಹಿ ವೀಕ್ಷಣೆಗೆ ಮೀಸಲಾಗಿರುತ್ತದೆ, ಆ ಸಮಯದಲ್ಲಿ ಅವರು ಯಾರನ್ನೂ ಭೇಟಿಯಾಗುವುದಿಲ್ಲ ಮತ್ತು ಈ ಅವಧಿಯಲಿ ್ಲಯಾರೂ ಅವರಿಗೆ ತೊಂದರೆ ಕೊಡುವಂತಿಲ್ಲ.

.

ನಾಗಿಣಿ ಧಾರಾವಾಹಿ ಕುರಿತಾದ ಅವರ ಪ್ರೀತಿಯನ್ನು ಸಂಭ್ರಮಿಸುವ ಹಿನ್ನೆಲೆಯಲ್ಲಿ ಈ ವರ್ಷ ಝೀಕನ್ನಡ ಅವರ ಹುಟ್ಟುಹಬ್ಬವನ್ನು ಅನಿರೀಕ್ಷಿತವಾಗಿ ಆಯೋಜಿಸಿದ್ದು ಅದಕ್ಕಾಗಿ ನಾಗಿಣಿ ಮುದ್ರಿತ ಕೇಕ್, ನಾಗಿಣಿ ಕಲಾವಿದರು ಮತ್ತು ಮುಖ್ಯ ಕಲಾವಿದೆ ನಾಗಿಣಿ ದಿರಿಸು ಧರಿಸಿ ಈ ವಿಶೇಷ ದಿನಕ್ಕಾಗಿ ಕಂಗೊಳಿಸಿದರು.

.

ಈ ಅನಿರೀಕ್ಷಿತವಾಗಿ ಆಯೋಜಿಸಿದ್ದ ಅಂಬರೀಶ್ ಅವರ ಜನ್ಮ ದಿನಾಚರಣೆ ಇಡೀ ಕನ್ನಡ ಚಿತ್ರರಂಗಕ್ಕೆ ಸಂಭ್ರಮ ತಂದಿದ್ದಲ್ಲದೆ ರಾಕಿಂಗ್ ಸ್ಟಾರ್ ಯಶ್ ಹಾಗೂ ಸ್ಯಾಂಡಲ್‍ವುಡ್ ಕಿಂಗ್ ಶಿವರಾಜ್‍ಕುಮಾರ್ ಅವರೂ ಭಾಗಿಯಾದರು.

.

#ZeeKannada #Cineloka #Nagini

 

Page 4 of 14

na anigif

aaadi nigif

ad free

ರಿಯಲ್ ಸ್ಟಾರ್ ಉಪೇಂದ್ರ ರಾಜ್ಯ ರಾಜಕೀಯದಲ್ಲಿ ಯಾವ ಪಕ್ಷ ಸೇರಬೇಕು.?
  • Votes: (0%)
  • Votes: (0%)
  • Votes: (0%)
  • Votes: (0%)
  • Votes: (0%)
Total Votes:
First Vote:
Last Vote:
Go to top