Headlines

'ಕವಚ' ಒಪ್ಪಂನ ಸಂಪೂರ್ಣ ನಕಲಲ್ಲ : ನಿರ್ದೇಶಕ ವಾಸು
  ಕರುನಾಡ ಚಕ್ರವರ್ತಿ ಡಾ.ಶಿವರಾಜ್‌ಕುಮಾರ್‌ ಮೊದಲ ಬಾರಿಗೆ ಅಂಧನ ಪಾತ್ರದಲ್ಲಿ ನಟಿಸಿರುವ 'ಕವಚ' ಸಿನಿಮಾ ಮಲಯಾಳಂನ 'ಒಪ್ಪಂ' ರಿಮೇಕ್‌ ಆಗಿದ್ದರೂ, ಆ ಸಿನಿಮಾದ ಕಂಪ್ಲೀಟ್‌ ನಕಲಲ್ಲ ಎನ್ನುವುದು ನಿರ್ದೇಶಕರ ಮಾತಾಗಿದೆ. . ಚಿತ್ರ ಒಪ್ಪಂ ರೀಮೇಕ್‌ ಆಗಿದ್ದರೂ ಈ ಸಿನಿಮಾದಲ್ಲಿ ಕನ್ನಡದ ಸೊಗಡಿದೆ.... More detail
ಜ.19ಕ್ಕೆ ಮೈಸೂರಿನಲ್ಲಿ ಲಕ್ಷಾಂತರ ಅಭಿಮಾನಿಗಳ...
ನಿಖಿಲ್‌ಕುಮಾರ್‌ ನಟನೆಯ ಬಹು ನಿರೀಕ್ಷಿತ 'ಸೀತಾರಾಮಾ ಕಲ್ಯಾಣ' ಸಿನಿಮಾದ ಟ್ರೇಲರ್‌ ಮತ್ತು ಪ್ರೀ ರಿಲೀಸ್‌ ಕಾರ್ಯಕ್ರಮ ಮೈಸೂರಿನಲ್ಲಿ ಜ.19ಕ್ಕೆ ನಡೆಯುತ್ತದೆ. . ಈ ಕಾರ್ಯಕ್ರಮದಲ್ಲಿ ಸರಿ ಸುಮಾರು ಮೂರು ಲಕ್ಷ ಮಂದಿ ಸೇರುವ ಸಾಧ್ಯತೆ ಇದೆ ಎಂದು ಚಿತ್ರತಂಡ ತಿಳಿಸಿದೆ. ಈಗಾಗಲೇ ಬಿಡುಗಡೆಯಾಗಿರುವ ಟೀಸರ್‌ನಲ್ಲಿ ಭರ್ಜರಿ... More detail
ಚಿತ್ರೀಕರಣ ಕಂಪ್ಲೀಟ್‌ ಮಾಡಿದ ಯಜಮಾನ; ಜ.15ಕ್ಕೆ ಮೊದಲ...
ಚ್ಯಾಲೆಂಜಿಂಗ್ ಸ್ಟಾರ್ ದರ್ಶನ್‌ ನಟನೆಯ 'ಯಜಮಾನ' ಸಿನಿಮಾದ ಚಿತ್ರೀಕರಣ ಕಂಪ್ಲೀಟ್‌ ಆಗಿದೆ. 2018ರ ಕೊನೆಯ ಎರಡು ದಿನ ಮತ್ತು 2019ರ ಆರಂಭದ ಎರಡು ದಿನಗಳು ಬೆಂಗಳೂರಿನ ಮಿನರ್ವ ಮಿಲ್‌ನಲ್ಲಿ ಹಾಕಿದ್ದ ಭರ್ಜರಿ ಸೆಟ್‌ನಲ್ಲಿ ಹಾಡಿನ ಶೂಟಿಂಗ್‌ ಮುಗಿಸುವ ಮೂಲಕ ಚಿತ್ರವನ್ನೂ ಕಂಪ್ಲೀಟ್‌ ಮಾಡಿದೆ ಚಿತ್ರತಂಡ. . ಶೈಲಜಾ... More detail
ಲೂಸ್ ಮಾದ ಯೋಗಿ ಅಭಿನಯದ `ಲಂಬೋದರ’ ಈ ವಾರ ತೆರೆಗೆ
ವೃಷಾಂಕ್ ಮೂವೀ ಮೇಕರ್ಸ್ ಲಾಂಛನದಲ್ಲಿ ವಿಶ್ವೇಶ್ವರ್ ಪಿ ಹಾಗೂ ರಾಘವೇಂದ್ರ ಭಟ್ ಅವರು ನಿರ್ಮಿಸಿರುವ `ಲಂಬೋದರ` ಚಿತ್ರ ಈ ವಾರ ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದೆ. . ರಘುಶಾಸ್ತ್ರಿ(ರನ್ ಆಂಟೋನಿ), ಪ್ರಶಾಂತ್(ರಂಗನ ಸ್ಟೈಲ್) ಹಾಗೂ ಕೋಲಾರ ಸೀನ(ಜಸ್ಟ್ ಮದ್ವೇಲಿ) ನಿರ್ದೇಶಕರ ಬಳಿ ಕೆಲಸ ಮಾಡಿ ಅನುಭವವಿರುವ ಕೃಷ್ಣರಾಜ್ ಕಥೆ, ಚಿತ್ರಕಥೆ ಬರೆದು ನಿರ್ದೆಶಿಸಿರುವ ಈ... More detail
ಉದಯ ಟಿವಿಯಲ್ಲಿ ರಾಧಿಕಾ ಶರತ್‍ಕುಮಾರ್ ಅಭಿನಯದ ಧಾರಾವಾಹಿ...
  ಅದ್ದೂರಿ ಧಾರಾವಾಹಿಗಳಿಂದ ಮನೆಮಾತಾಗಿರುವ ಉದಯ ಟಿವಿ ಈಗ ಮತ್ತೊಂದು ಹೊಸ ಧಾರಾವಾಹಿಯನ್ನು ಕನ್ನಡದ ಕಿರುತೆರೆಗೆ ತರಲು ಸಿದ್ಧವಾಗಿದೆ. ತಾಯಿ ಹಾಗೂ ಮಗಳ ನಡುವಿನ ಶತಮಾನಗಳ ಹಿಂದಿನ ಸಂಘರ್ಷದ ಕಥಾಹಂದರ ಹೊಂದಿರುವ “ಚಂದ್ರಕುಮಾರಿ” ಧಾರಾವಾಹಿ ಇದೇಜನವರಿ 7 ರಿಂದ ಸೋಮವಾರದಿಂದ ಶುಕ್ರವಾರದ ವರೆಗೆರಾತ್ರಿ 8 ಗಂಟೆಗೆ ಪ್ರಸಾರವಾಗುತ್ತಿದೆ.. ಶತಮಾನಗಳ... More detail
prev
next

Nov 19

tarakaasura

ttm

adweb

udgharsha

 

ಗೋಲ್ದನ್ ಸ್ಟಾರ್ ಗಣೇಶ್ ಅಭಿನಯದ `99` ಚಿತ್ರದ ಮುಹೂರ್ತ ಸಮಾರಂಭ ಇತ್ತೀಚೆಗೆ ಮೋದಿ ಆಸ್ಪತ್ರೆ ಬಳಿಯ ಗಣಪತಿ ದೇವಸ್ಥಾನದಲ್ಲಿ ನೆರವೇರಿತು.

.

ರಾಮು ಫಿಲಂಸ್ ಲಾಂಛನದಲ್ಲಿ ರಾಮು ಅವರು ನಿರ್ಮಿಸುತ್ತಿರುವ 39ನೇ ಚಿತ್ರವಿದು. ಈ ಹಿಂದೆ ಗಣೇಶ್ ಅಭಿನಯದ ಸೂಪರ್ ಹಿಟ್ ಚಿತ್ರ `ಮುಂಗಾರು ಮಳೆ`ಯ ಮುಹೂರ್ತ ಕೂಡ ಇದೇ ದೇವಸ್ಠಾನದಲ್ಲಿ ನೆರವೇರಿತ್ತು.

IMG 20181208 WA0014

.

ಪ್ರೀತಂ ಗುಬ್ಬಿ ನಿರ್ದೇಶಿಸುತ್ತಿರುವ ಈ ಚಿತ್ರಕ್ಕೆ ಇದೇ ತಿಂಗಳ 20ರಿಂದ ಚಿತ್ರೀಕರಣ ಆರಂಭವಾಗಲಿದೆ. ಬೆಂಗಳೂರು ಹಾಗೂ ಮಂಗಳೂರಿನಲ್ಲಿ ಒಂದೇ ಹಂತದ ಚಿತ್ರೀಕರಣ ನಡೆಯಲಿದೆ. ಅರ್ಜುನ್ ಜನ್ಯ ಈ ಚಿತ್ರಕ್ಕೆ ಸಂಗೀತ ನೀಡುತ್ತಿದ್ದು, ಸಂತೋಷ್ ರೈ ಪಾತಾಜೆ ಛಾಯಾಗ್ರಹಣ ಹಾಗೂ ಕೆ.ಎಂ.ಪ್ರಕಾಶ್ ಸಂಕಲನ ಈ ಚಿತ್ರಕ್ಕಿದೆ.

.

ಗಣೇಶ್ ಅವರಿಗೆ ನಾಯಕಿಯಾಗಿ ಜಾಕಿ ಭಾವನ ನಟಿಸುತ್ತಿದ್ದಾರೆ.

ಸಂಪೂರ್ಣ ಹೊಸಬರೇ ತುಂಬಿರುವ 'ಆದಿ ಪುರಾಣ' ಸಿನಿಮಾದಲ್ಲಿ ಕಾಲೇಜು ಹುಡುಗರ ಜೀವನವನ್ನು ಹೇಳಿದ್ದಾರಂತೆ ನಿರ್ದೇಶಕರು.

.
ಈಗಾಗಲೇ ಚಿತ್ರದ ಹಾಡುಗಳನ್ನು ಪ್ರೆಕ್ಷ ಕರು ಮೆಚ್ಚಿದ್ದು, ಟ್ರೇಲರ್‌ ಅಂತೂ ಸೂಪರ್‌ ಹಿಟ್‌ ಆಗಿದೆ. ಸೆನ್ಸಾರ್‌ ಮಂಡಳಿಯ ಕೆಲ ಸದಸ್ಯರು ಚಿತ್ರದ ಕಂಟೆಂಟ್‌ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನು ಆಡಿದ್ದಾರೆ. ಬದುಕಿನ ಮೌಲ್ಯಗಳನ್ನು ಮನರಂಜನೆಯ ಮೂಲಕ ತೋರಿಸುವ ಒಂದು ಸಣ್ಣ ಪ್ರಯತ್ನ ಮಾಡುತ್ತಿದ್ದೇವೆ ಎನ್ನುತ್ತದೆ ಚಿತ್ರತಂಡ.
.
ಈ ಸಿನಿಮಾದ ಮೂಲಕ ಶಶಾಂಕ್‌ ನಾಯಕನಾಗಿ ಸ್ಯಾಂಡಲ್‌ವುಡ್‌ಗೆ ಎಂಟ್ರಿ ಕೊಡುತ್ತಿದ್ದಾನೆ. ಅಹಲ್ಯ ಸುರೇಶ್‌ ಮತ್ತು ಮೋಕ್ಷಾ ಕುಶಾಲ್‌ ಎಂಬ ಇಬ್ಬರು ನಾಯಕಿಯರು ಸಿನಿಮಾದಲ್ಲಿದ್ದಾರೆ.

ಈ ಸಿನಿಮಾ ಇದೇ ವಾರ ಬಿಡುಗಡೆಯಾಗುತ್ತಿದೆ.

 

ಸುಶೀಲ್ ಕಮಾರ್ ಅವರು ನಿರ್ಮಿಸಿ, ನಾಯಕನ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಚಿತ್ರ ಆರೋಹಣ. ಇದೊಂದು ಪಕ್ಕಾ ಹಳ್ಳಿ ಸೊಗಡಿನಲ್ಲಿ ನಡೆಯುವಂಥ ಪ್ರೇಮ ಕಥಯಾಗಿದ್ದು ಶ್ರೀಧರ್ ಶೆಟ್ಟಿ ಈ ಚಿತ್ರಕ್ಕೆ ಕಥೆ ಚಿತ್ರಕಥೆ ಸಂಭಾಷಣೆ ಹಾಗು ಸಾಹಿತ್ಯ ಬರೆದು ನಿರ್ದೇಶನ ಮಾಡಿದ್ದಾರೆ. ಮೂರು ಹಾಡುಗಳು ಹಾಗೂ ನಾಲ್ಕು ಬಿಟ್ ಗೀತೆಗಳನ್ನೂಳಗೊಂಡಿರುವ ಆರೋಹಣ ಚಿತ್ರಕ್ಕೆ ಆರ್.ಎನ್.ಉತ್ತಮ್ ರಾಜ್ ಸಂಗೀತ ಸಂಯೋಜನೆ ಮಾಡಿದ್ದಾರೆ.
.
ಒಬ್ಬ ಮನುಷ್ಯ ಜೀವದಲ್ಲಿ ಬರುವಂಥ ಸಮಸ್ಯೆಗಳು ಆರೋಹಣದಂತೆ ಕಂಟಿನ್ಯೂ ಆಗುತ್ತಲೇ ಹೋಗುತ್ತದೆ. ಒಬ್ಬ ತಂದೆಯನ್ನು ಮಗನಾದವನು ಹೇಗೆಲ್ಲಾ ನೋಡಿಕೊಳ್ಳಬಹುದು ಎಂದು ಈ ಚಿತ್ರದಲ್ಲಿ ಭಾವನಾತ್ಮಕ ಸನ್ನಿವೇಶಗಳ ಜೊತೆಗೆ ನಿರೂಪಿಸಲಾಗಿದೆ ಇದೆಲ್ಲದರ ಜೊತೆಗೆ ಒಂದು ಹಾರರ್ ಹಾಗು ಥ್ರಿಲ್ಲರ್ ಕಂಟೆಂಟೆ ಕೂಡ ಈ ಚಿತ್ರದಲ್ಲಿರುವುದು ವಿಶೇಷ ಮೊನ್ನೆ ನಡೆದ ಚಿತ್ರದ ಪತ್ರಿಕಾಗೋಷ್ಠಿಯಲ್ಲಿ ಚಿತ್ರದ ನಾಯಕ ನಟ ಹಾಗು ನಿರ್ಮಾಪಕ ಸುಶೀಲ್ ಕುಮಾರ್, ನಾಯಕಿ ಪ್ರೀತಿ ಮಡಿಕೇರಿ ಹಾಗು ನಿರ್ದೇಶಕ ಶ್ರೀಧರ್ ಶಟ್ಟಿ ಕೂಡ ಹಾಜರಿದ್ದು ಚಿತ್ರದ ಬಗ್ಗೆ ಹೇಳಿಕೊಂಡರು ಬಿಡುಗಡೆಗೆ ಸಿದ್ದವಾಗಿರುವ ಈ ಚಿತ್ರಕ್ಕೆ ಸೆನ್ಸಾರ್ ಮಂಡಳಿ `ಎ’ ಪ್ರಮಾಣ ಪತ್ರ ನೀಡಿದ್ದು ಇದನ್ನು ತಿರಸ್ಕರಿಸಿದ ನಿರ್ಮಾಪಕ ಸುಶೀಲ್ ಕುಮಾರ್ ಟ್ರಬ್ಯೂನಲ್ ಮೊರೆ ಹೋಗಿದ್ದರು ಹೀಗೆ ಚಿತ್ರ ಆರಂಭಸಿದಾಗಿನಿಂದಲೂ ಸತತ ಹೋರಾಟ ಮಾಡಿಕೊಂಡೇ ಬಂದಿದ್ದು ಈಗ ರಿಲೀಸ್ ಹಂತಕ್ಕೆ ಚಿತ್ರವನ್ನು ತೆಗೆದುಕೊಂಡು ಬಂದಿರುವುದಾಗಿ ಹೇಳಿÀದ್ದಾರೆ ಪ್ರತಿಯೊಬ್ಬ ಮನುಷ್ಯನಲ್ಲೂ ಒಂದು ಕೊರತೆ ಇದ್ದೇ ಇರುತ್ತದೆ ಅದನ್ನು ಹೊರಗೆ ತೋರಿಸಿಕೊಳ್ಳದೆ ಇಟ್ಟುಕೊಂಡರೆ ಏನೆಲ್ಲ ಆಗಬಹುದು ಎಂದು ಈ ಚಿತ್ರ ಹೇಳುತ್ತದೆ.
.
ನಂತರ ನಿರ್ದೇಶಕರು ಮಾತನಾಡಿ ಆರಂಭದಲ್ಲಿ ಒಂದು ಲವ್ ಸಬ್ಜಕ್ಟ್ ಅಂತ ಆರಂಭಿಸಿದ್ದೆವು ನಂತರ ಅದು ಥ್ರಿಲ್ಲರ್ ಹಾಗು ಹಾರರ್ ಕಥಯಾಗಿ ರೂಪುಗೊಂಡಿತು. ಬಿಡದಿ, ರಾಮನಗರ ಹಾಗು ಸಕಲೇಶಪುರದ ಸುತ್ತಮುತ್ತ ಈ ಚಿತ್ರಕ್ಕೆ ಚಿತ್ರೀಕರಣ ನಡೆಸಲಾಗಿದೆ. ಈ ಚಿತ್ರದÀಲ್ಲಿ ಬರುವ 4 ಬಿಟ್ ಹಾಡುಗಳನ್ನು ನಟ, ಗಾಯಕ ರವಿಶಂಕರ ಗೌಡ ಹಾಡಿದ್ದಾರೆ. ಆಂರಭಲ್ಲಿ ಆರ್ಮಿಯಲ್ಲಿ ಸೇವೆ ಸಲ್ಲಿಸುತ್ತಿದ್ದ ಸುಶೀಲ್ ಕುಮಾರ್ ಸದ್ಯ ಸಾಫ್ಟವೇರ್ ಕಂಪನಿಯಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ. ಚಿತ್ರದಲ್ಲಿ ನಾಲ್ಕು ಕಡೆ ಡಬಲ್ ಮೀನಿಂಗ್ ಡೈಲಾಗ್‍ಗಳು ಹಾಗು ಮರ್ಡರ್ ಸೀನ್ ಇರುವುದರಿಂದ ಚಿತ್ರಕ್ಕೆ ‘ಎ’ ಪ್ರಮಾಣ ಪತ್ರ ಕೊಟ್ಟಿರುವುದಾಗಿ ನಿರ್ಮಾಪಕ ಸುಶೀಲ್ ಕುಮಾರ್ ಹೇಳಿದರು.

ಇಂದಿನ ಪ್ರಸ್ತುತ ಬದುಕಿಗೆ ಹತ್ತಿರವಾದ ಕಥಾವಸ್ತುವಿರುವ “ಲೈಫ್ ಜೊತೆ ಒಂದ್ ಸೆಲ್ಫಿ” :

—————

ದಿನಕರ್‌ ತೂಗದೀಪ ನಿರ್ದೇಶನದ ಮಹತ್ವಾಕಾಂಕ್ಷೆಯ ಚಿತ್ರ “ಲೈಫ್‌ ಜತೆ ಒಂದು ಸೆಲ್ಫಿ ” ಸಿನಿಮಾದಲ್ಲಿ ಟೆಕ್ಕಿಯೊಬ್ಬ ನಿರ್ದೇಶಕನಾಗಬೇಕು ಎಂಬ ಕನಸಿರುವ ಹುಡುಗ,ಮೊತ್ತೊಬ್ಬ ಮಲ್ಟಿ ಮಿಲಿನಿಯರ್‌ , ಸ್ವತಂತ್ರವಾಗಿ ಬದುಕಬೇಕೆಂದಿರುವ ಬೋಲ್ಡ್‌ ಹುಡುಗಿ, ಈ ಮೂವರ ಜರ್ನಿಯೇ ಸಿನಿಮಾದ ಕಥೆಯಾಗಿದೆ.
.
ದಿನಕರ್‌ ಪತ್ನಿ ಬರೆದಿರುವ ಈ ಕಥೆ, ಇಂದಿನ ಪ್ರಸ್ತುತ ಬದುಕಿಗೆ ಹತ್ತಿರವಾಗಿದೆಯಂತೆ. ಕಷ್ಟಗಳು ಬಂದಾಗ ಎದೆಗುಂದದೆ, ಎಲ್ಲವನ್ನು ಪರಿಹರಿಸಿಕೊಳ್ಳುವತ್ತ ಗಮನ ಹರಿಸಬೇಕು ಎಂಬುದು ಸಿನಿಮಾದ ತಿರುಳು.
.
ಚಿತ್ರಕ್ಕೆ ಮೊನ್ನೆ ಸೆನ್ಸಾರ್ ಆಗಿದ್ದು, ವರಮಹಾಲಕ್ಷ್ಮಿ ಹಬ್ಬದ ಪ್ರಯುಕ್ತ ಆಗಸ್ಟ್ ೨೪ ರಂದು ಬಿಡುಗಡೆಯಾಗುತ್ತಿದೆ.
.

ಪ್ರಜ್ವಲ್‌ ದೇವರಾಜ್‌, ಪ್ರೇಮ್‌, ಹರಿಪ್ರಿಯಾ ಈ ಸಿನಿಮಾದ ಮುಖ್ಯ ಪಾತ್ರಧಾರಿಗಳು. ಸಮೃದ್ಧಿ ಮಂಜುನಾಥ್‌ ಈ ಚಿತ್ರಕ್ಕೆ ಬಂಡವಾಳ ಹೂಡಿದ್ದಾರೆ.

ಹೊಸ ಪ್ರತಿಭೆ ಕುಶಾಲ್‌ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಕನ್ನಡಕ್ಕಾಗಿ ಒಂದನ್ನು ಒತ್ತಿ ಚಿತ್ರ ತನ್ನ ಮೇಕಿಂಗ್‌ ಸ್ಟೈಲ್‌ನಿಂದ ಸ್ಯಾಂಡಲ್‌ವುಡ್‌ನ ಗಮನ ಸೆಳೆಯುತ್ತಿದೆ.
.
ಹೌದು, ಸಂಪೂರ್ಣ ಹೊಸಬರನ್ನಿಟ್ಟುಕೊಂಡು ವಿಶಿಷ್ಟ ಟೈಟಲ್‌ ಇಟ್ಟು ಸಿನಿಮಾ ಮಾಡಿರುವ ಕುಶಾಲ್‌, ಮೇಕಿಂಗ್‌ ಸ್ಟೈಲ್‌ ಬಗ್ಗೆ ಎಲ್ಲರೂ ಮಾತನಾಡುತ್ತಿದ್ದಾರೆ. ಪತ್ರಕರ್ತ ಮತ್ತು ಕನ್ನಡ ಹೋರಾಟಗಾರನ ನಡುವಿನ ಸ್ನೇಹದ ಕಥೆಯನ್ನು ಈ ಸಿನಿಮಾದಲ್ಲಿ ಹೇಳಲಾಗಿದೆಯಂತೆ.
.
ಕನ್ನಡಕ್ಕಾಗಿ ಒಂದನ್ನು ಒತ್ತಿ ಪೋಸ್ಟರ್‌ಗಳು ಎಲ್ಲರ ಗಮನ ಸೆಳೆಯುತ್ತಿವೆ, ಜತೆಗೆ ಯೋಗರಾಜ್‌ಭಟ್‌ ಬರೆದಿರುವ ಟೈಟಲ್‌ ಟ್ರ್ಯಾಕ್‌ನ ವಿಡಿಯೋ ಬಿಡುಗಡೆಯಾಗಿದ್ದು,ಅದು ಸೋಷಿಯಲ್‌ ಮಿಡಿಯಾದಲ್ಲಿ ವೈರಲ್‌ ಆಗಿದೆ.
.
ಕನ್ನಡಕ್ಕಾಗಿ ಒಂದನ್ನು ಒತ್ತಿ ಸಿನಿಮಾ ಇದೇ ಶುಕ್ರವಾರ ರಾಜ್ಯದ್ಯಾಂತ ತೆರೆಗೆ ಬರುತ್ತಿದೆ. ಎಡ್‌ಬಿಡಂಗಿ ಟಾಕೀಸ್‌ ಬ್ಯಾನರ್‌ನಡಿ ಈ ಸಿನಿಮಾ ನಿರ್ಮಾಣವಾಗಿದೆ.
.
#KannadakkagiOndannuOtti #Cineloka
ಕ್ರಿಸ್ಟಲ್ ಪಾರ್ಕ್ ಲಾಂಛನದಲ್ಲಿ ಟಿ.ಆರ್.ಚಂದ್ರಶೇಖರ್ ಅವರು ನಿರ್ಮಿಸುತ್ತಿರುವ `ಗುಬ್ಬಿ ಮೇಲೆ ಬ್ರಹ್ಮಾಸ್ತ್ರ` ಚಿತ್ರದ ಮುಹೂರ್ತ ಸಮಾರಂಭ ಬೆಂಗಳೂರಿನ ರಾಜರಾಜೇಶ್ವರಿ ನಗರದ ಶ್ರೀರಾಜರಾಜೇಶ್ವರಿ ದೇವಸ್ಥಾನದಲ್ಲಿ ನೆರವೇರಿತು. ಚಿತ್ರದ ಮೊದಲ ಸನ್ನಿವೇಶಕ್ಕೆ ನಟ ನೀನಾಸಂ ಸತೀಶ್ ಆರಂಭ ಫಲಕ ತೋರಿದರು. ಜುಲೈ ತಿಂಗಳಲ್ಲಿ ಚಿತ್ರದ ಚಿತ್ರೀಕರಣ ಆರಂಭವಾಗಲಿದ್ದು, ಬೆಂಗಳೂರು ಸುತ್ತಮುತ್ತ ಒಂದೇ ಹಂತದ ಚಿತ್ರೀಕರಣ ನಡೆಯಲಿದೆ.
.
`ಚಮಕ್`, `ಬೀರಬಲ್`, `ಅಯೋಗ್ಯ` ಹಾಗೂ `ಜಾನ್ ಸೀನ` ಚಿತ್ರಗಳ ನಂತರ ಟಿ.ಆರ್. ಚಂದ್ರಶೇಖರ್ ಅವರು ನಿರ್ಮಿಸುತ್ತಿರುವ ಐದನೇ ಚಿತ್ರ `ಗುಬ್ಬಿ ಮೇಲೆ ಬ್ರಹ್ಮಾಸ್ತ್ರ`. ಈ ಚಿತ್ರವನ್ನು ಸುಜಯ್ ಶಾಸ್ತ್ರಿ ನಿರ್ದೇಶಿಸುತ್ತಿದ್ದಾರೆ. ಪ್ರದೀಪ್ ಬಿ.ವಿ ಹಾಗೂ ಸುಜಯ್ ಚಿತ್ರಕ್ಕೆ ಕಥೆ ಬರೆದೆರೆ, ಚಿತ್ರಕಥೆ ಹಾಗೂ ಸಂಭಾಷಣೆಯನ್ನು ಪ್ರಸನ್ನ ವಿ.ಎಂ ಬರೆದಿದ್ದಾರೆ. ಸುನಿತ್ ಹಲಗೇರಿ ಛಾಯಾಗ್ರಹಣ ಹಾಗೂ ಎಸ್. ಶ್ರೀಕಾಂತ್ ಅವರ ಸಂಕಲನ ಈ ಚಿತ್ರಕ್ಕಿದೆ.
.
`ಒಂದು ಮೊಟ್ಟೆಯ ಕಥೆ` ಖ್ಯಾತಿಯ ರಾಜ್ ಶೆಟ್ಟಿ ಈ ಚಿತ್ರದ ನಾಯಕ. ಕವಿತಾ ಗೌಡ ನಾಯಕಿಯಾಗಿ ನಟಿಸುತ್ತಿರುವ ಈ ಚಿತ್ರದಲ್ಲಿ ಮೂಲತಃ ರಂಗಬೂಮಿ ಕಲಾವಿದರು ಹಾಗೂ ಈ ಚಿತ್ರದ ನಿರ್ದೇಶಕರು ಆಗಿರುವ ಸುಜಯ್ ಶಾಸ್ತ್ರಿ ಅಭಿನಯಿಸುತ್ತಿದ್ದಾರೆ. ಬಾಲಾಜಿ ಮನೋಹರ್ ಸೇರಿದಂತೆ ಮುಂತಾದವರ ತಾರಾಬಳಗ ಈ ಚಿತ್ರಕ್ಕಿದೆ.
.
#GubbiMeleBramhastra #Cineloka
ಡಾಲಿ ಪಾತ್ರದ ಮೂಲಕ ಸೆನ್ಸೇಶನ್‌ ಕ್ರಿಯೇಟ್‌ ಮಾಡಿರುವ ಧನಂಜಯ ಈಗ ರಘು ದೀಕ್ಷೀತ್‌ ಸಂಗೀತ ನಿರ್ದೇಶನ ಮಾಡಿರುವ 'ಆರ್ಕೆಸ್ಟ್ರಾ' ಸಿನಿಮಾಗೆ 11 ಹಾಡುಗಳನ್ನು ಬರೆದಿದ್ದಾರೆ.
.
 ಬಾರಿಸು ಕನ್ನಡ ಡಿಂಡಿಮವ ವಿಡಿಯೋವನ್ನು ನಿರ್ದೇಶನ ಮಾಡಿರುವ ಸುನೀಲ್‌ ಮೈಸೂರು ಮೊದಲ ಬಾರಿಗೆ ಆ್ಯಕ್ಷನ್‌ ಕಟ್‌ ಹೇಳುತ್ತಿರುವ ಆರ್ಕೆಸ್ಟ್ರಾ ಒಂದು ಮ್ಯೂಸಿಕಲ್‌ ಸಿನಿಮಾವಾಗಿದೆ. ಈ ಸಿನಿಮಾದಲ್ಲಿ ಒಟ್ಟು ಹನ್ನೊಂದು ಹಾಡುಗಳಿದ್ದು, ಎಲ್ಲ ಹಾಡುಗಳನ್ನು ಧನಂಜಯ ಬರೆದಿದ್ದಾರೆ.
.
 ಮೊದಲಿನಿಂದಲೂ, ಕಥೆ ಕವನಗಳನ್ನು ಬರೆಯುತ್ತಿದ್ದ, ಧನಂಜಯ ಅವರಿಗೆ ಸಿನಿಮಾ ಸಾಹಿತ್ಯ ಇದೇ ಮೊದಲು. 'ಗೆಳೆಯ ಸುನೀಲ್‌ ಮೈಸೂರುಗೆ ನಾನು ಬರೆಯುತ್ತೇನೆ ಎಂದು ಗೊತ್ತಿತ್ತು, ಹಾಗಾಗಿ ನನ್ನ ಹತ್ತಿರ ಹಾಡುಗಳನ್ನು ಬರೆಸಿಕೊಂಡಿದ್ದಾರೆ. ಇದು ನನ್ನ ಮೊದಲ ಪ್ರಯತ್ನ ಜನ ಮೆಚ್ಚಿಕೊಳ್ಳಬೇಕಷ್ಟೇ' ಎನ್ನುತ್ತಾರೆ ಧನಂಜಯ.
.
#Orchestra #Cineloka
ಶಿವಣ್ಣ ಮತ್ತು ಕಿಚ್ಚ ಸುದೀಪ್ ನಟನೆಯ,ಪ್ರೇಮ್ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಬಹು ನಿರೀಕ್ಷಿತ ಚಿತ್ರ 'ದಿ ವಿಲನ್‌' ವರಮಹಾಲಕ್ಷ್ಮಿ ಹಬ್ಬಕ್ಕೆ ಬಿಡುಗಡೆಯಾಗಬಹುದು ಎಂಬ ಮುನ್ಸೂಚನೆ ಸಿಕ್ಕಿದೆ.
.
ಇತ್ತೀಚೆಗೆ ಮೇ 1 ಸಿನಿಮಾದ ಆಡಿಯೋ ಬಿಡುಗಡೆ ಸಮಾರಂಭದಲ್ಲಿ ಸಿಕ್ಕಿದ್ದ ಸುದೀಪ್‌, "ದಿ ವಿಲನ್‌ ಚಿತ್ರದ ಡಬ್ಬಿಂಗ್‌ ಈಗಾಗಲೇ ನಡೆಯುತ್ತಿದೆ. ಒಂದು ದಿನದ ಡಬ್ಬಿಂಗ್‌ ಬಾಕಿ ಇದೆ, ಅದರ ಜತೆಗೆ ಮೂರು ದಿನ ಹಾಡಿನ ಚಿತ್ರೀಕರಣ ಬಾಕಿ ಇದೆ. ಇಷ್ಟು ಮುಗಿದರೆ ವಿಲನ್‌ ಚಿತ್ರದಲ್ಲಿ ನನ್ನ ಭಾಗದ ಕೆಲಸ ಮುಗಿಯುತ್ತದೆ" ಎಂದು ಹೇಳಿದ್ದಾರೆ.
.
'ದಿ ವಿಲನ್‌' ಒಂದು ಪಕ್ಕಾ ಕಮರ್ಷಿಯಲ್‌ ಎಂಟರ್‌ಟೈನರ್‌ ಆಗಿದ್ದು, ವರಮಹಾಲಕ್ಷ್ಮಿ ಹಬ್ಬಕ್ಕೆ ಬಿಡುಗಡೆ ಆಗಬಹುದು ಎಂದು ಹೇಳುತ್ತಾರೆ ಸುದೀಪ್‌.
.
ಒಟ್ಟಿನಲ್ಲಿ ಶಿವಣ್ಣ ಮತ್ತು ಸುದೀಪ್‌ ಅಭಿಮಾನಿಗಳ ಕುತೂಹಲಕ್ಕೆ ಆಗಸ್ಟ್‌ನಲ್ಲಿ ಉತ್ತರ ಸಿಗಬಹುದು.
.
#TheVillian #DrShivanna #KicchaSudeep #Cineloka
ಆರ್ಥಿಕ ಶಿಸ್ತನ್ನು ಹೇಳಿಕೊಡುವ 'ಕಾನೂರಾಯಣ' : ಚಿತ್ರ ವಿಮರ್ಶೆ
-----------
ರಾಜ್ಯಾದ್ಯಾಂತ ಹೆಸರು ಮಾಡಿರುವ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಸ್ವಸಹಾಯ ಸಂಘಗಳು ಹಳ್ಳಿಗಳಲ್ಲಿ ರೈತರನ್ನು ಸ್ವಾವಲಂಬಿಗಳನ್ನಾಗಿ ಮಾಡುತ್ತಿದೆ. ಈ ಗ್ರಾಮೀಣಾಭಿವೃದ್ಧಿ ಸಂಘಟನೆಯ ಮಹತ್ವವನ್ನು ಸಾರುವ ಸಿನಿಮಾವೆ ಕಾನೂರಾಯಣ.
.
ಇದು ಒಬ್ಬ ವ್ಯಕ್ತಿಯ ಕಥೆಯಲ್ಲ ಬದಲಿಗೆ ಒಂದು ಹಳ್ಳಿಯ ಕಥೆ. ಕಾನೂರು ಎಂಬ ಹಳ್ಳಿಯಲ್ಲಿನ ಜನರಿಗೆ ಸಾಕಷ್ಟು ಸಮಸ್ಯೆಗಳು. ಈ ಎಲ್ಲರ ಸಮಸ್ಯೆಗಳಿಗೆ ಹಣದ ಅಭಾವವೆ ಮೂಲ ಕಾರಣ. ಮಹಿಳೆಯರು ಆರ್ಥಿಕ ಶಿಸ್ತು ಹಾಗೂ ಉಳಿತಾಯ ಮಾಡುವುದನ್ನು ಕಲಿತುಕೊಳ್ಳಬೇಕು, ಇದರ ಜತೆಗೆ ಸಾಲದ ಹೊರೆಯಿಂದಾಗಿ ಆಗುತ್ತಿರುವ ರೈತರ ಸಾವಿನ ಸಂಖ್ಯೆ ಕಡಿಮೆಯಾಗಬೇಕು ಎನ್ನುವ ಸಂದೇಶವನ್ನು ಕಾನೂರಾಯಣ ಸಿನಿಮಾ ನೀಡುತ್ತದೆ.
.
ಈ ಸಂದೇಶವನ್ನು ನೀಡಲು ನಿರ್ದೇಶಕ ನಾಗಾಭರಣ ಶ್ರೀ ಧರ್ಮಸ್ಥಳ ಕ್ಷೇತ್ರದ ಗ್ರಾಮೀಣಾಭಿವೃದ್ಧಿ ಸಂಘವನ್ನು ಬಳಸಿಕೊಂಡಿದ್ದಾರೆ. ಕಾನೂರಿನ ಹಳ್ಳಿಗರಿಗೆ ಆರ್ಥಿಕ ಶಿಸ್ತು, ಉಳಿತಾಯದ ಬಗ್ಗೆ ಅರಿವು ಮೂಡಿಸಲು ಸಿನಿಮಾದ ನಾಯಕನನ್ನುಆ ಸ್ವಸಹಾಯ ಸಂಘಗಳ ಒಕ್ಕೂಟದ ಸದಸ್ಯನಾಗಿಸಿದ್ದಾರೆ.
.
ಹಳ್ಳಿಗರಿಗೆ ಆರ್ಥಿಕ ಶಿಸ್ತನ್ನು ನಾಯಕ ಹೇಳುತ್ತಿದ್ದರೆ, ಊರಿನ ಇನ್ನೊಂದು ವರ್ಗದ ಜನ ಇದನ್ನು ತಪ್ಪು ಎನ್ನತ್ತಿರುತ್ತಾರೆ. ಇದೆಲ್ಲವನ್ನು ದಾಟಿ ಕಾನೂರಿನ ಮಂದಿ ಆರ್ಥಿಕ ಶಿಸ್ತನ್ನು ರೂಢಿಸಿಕೊಳ್ಳುತ್ತಾರೋ ಇಲ್ಲವೋ ಎಂಬುದು ಚಿತ್ರಕಥೆ.
.
ಗ್ರಾಮೀಣ ಭಾಗದ ಆರ್ಥಿಕ ವ್ಯವಸ್ಥೆಗೆ ಸ್ವಸಹಾಯ ಸಂಘಗಳು ಹೇಗೆ ನೆರವಾಗುತ್ತವೆ ಎಂಬುದರ ಬಗ್ಗೆ ಸ್ಯಾಂಡಲ್‌ವುಡ್‌ನಲ್ಲಿ ಮೊದಲ ಬಾರಿಗೆ ಮೂಡಿ ಬಂದಿರುವ ಸಿನಿಮಾ ಕಾನೂರಾಯಣ.
.
ಕರ್ನಾಟಕದ ಅನೇಕ ಹಳ್ಳಿಗಳಲ್ಲಿ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಸ್ವಸಹಾಯ ಸಂಘಗಳ ಒಕ್ಕೂಟ ಮಾಡುತ್ತಿದ್ದ ಕೆಲಸಗಳನ್ನು ತೆರೆಯ ಮೇಲೆ ತರುವುದರ ಜೊತೆಗೆ, ಜಾಗೃತಿ ಮೂಡಿಸಲಾಗಿದೆ.
.
ಪ್ರತಿಯೊಬ್ಬರಿಗೂ ಆರ್ಥಿಕ ಶಿಸ್ತು ಬಹಳ ಮುಖ್ಯ, ಎನ್ನುವ ಜಾಗೃತಿಗಾಗಿ ಸಿನಿಮಾ ಮಾಡಿರುವುದರಿಂದ ಮನರಂಜನೆಯನ್ನು ನಿರೀಕ್ಷೆ ಮಾಡಲು ಸಾಧ್ಯವಿಲ್ಲ. ಆದರೆ ಸಿಕ್ಕ ಅವಕಾಶದಲ್ಲಿಯೇ ಒಂದಷ್ಟು ಕಮಷಿರ್ಯಲ್‌ ಅಂಶಗಳನ್ನು ಬೆರೆಸಿದ್ದಾರೆ ನಾಗಾಭರಣ.
ಹಳ್ಳಿ ರಾಜಕೀಯದ ದೃಶ್ಯಗಳು ಒಂದಷ್ಟು ಎಳೆದಂತೆ ಅನ್ನಿಸುತ್ತವೆ. ಆದರೂ ಸಿನಿಮಾದ ಆಶಯದಿಂದಾಗೆ ಗಮನ ಸೆಳೆಯುತ್ತದೆ. ಇನ್ನು ನಾಯಕ ಸ್ಕಂದ ತಮ್ಮ ಪಾತ್ರಕ್ಕೆ ಜೀವ ತುಂಬಿದ್ದಾರೆ.
.
ಹಳ್ಳಿ ಹುಡುಗಿಯಾಗಿ ಡಿಗ್ಲಾಮ್‌ ರೋಲ್‌ನಲ್ಲಿ ಸೋನುಗೌಡ ನೋಡುಗರಿಗೆ ಇಷ್ಟವಾಗುತ್ತಾರೆ. ಎಲ್ಲ ರೀತಿಯ ಪಾತ್ರಗಳನ್ನು ನಿರ್ವಹಿಸಬಲ್ಲೆ ಎಂಬುದನ್ನು ಸೋನು ಮತ್ತೊಮ್ಮೆ ಪ್ರೂವ್ ಮಾಡಿದ್ದಾರೆ. ಉಳಿದಂತೆ, ದೊಡ್ಡಣ್ಣ, ಅಶ್ವತ್ಥ್ ನೀನಾಸಂ, ಮನು ಹೆಗಡೆ, ಕರಿಸುಬ್ಬು,ಕಡ್ಡಿಪುಡಿ ಚಂದ್ರು, ಸುಂದರ್‌ ರಾಜ್‌, ಸುಂದರ್‌, ಗಿರಿಜಾ ಲೋಕೇಶ್‌, ಜಾನ್ವಿ ಜ್ಯೋತಿ, ಹೀಗೆ ಎಲ್ಲರೂ ತಮಗೆ ವಹಿಸಿದ ಕೆಲಸವನ್ನು ನೀಟಾಗಿ ಮಾಡಿದ್ದಾರೆ. ವಾಸುಕಿ ವೈಭವ್‌ ಸಂಗೀತದಲ್ಲಿ ಹಾಡುಗಳು ಕಿವಿಗೆ ಇಂಪಾಗಿ ಕೇಳಿಸುತ್ತವೆ.
.
ರೇಟಿಂಗ್‌: 3/5.
#Kanoorayana #Cineloka
ಡಾ. ಶಿವಣ್ಣ ಅಭಿನಯದ,ಸಾಹಸ ನಿರ್ದೇಶಕ ರವಿವರ್ಮಾ ನಿರ್ದೇಶನದ "ರುಸ್ತುಂ" ಸಿನಿಮಾ ಅಣ್ಣಾವ್ರ ಹುಟ್ಟು ಹಬ್ಬದಂದು ಸೆಟ್ಟೇರಲಿದ್ದು, ಈ ಸಿನಿಮಾದಲ್ಲಿ ಹರೀಶ್‌ ಉತ್ತಮನ್‌, ಮಹೇಂದ್ರನ್‌, ಅರ್ಜುನ್‌ಗೌಡ ಶಿವಣ್ಣನ ಎದುರು ನಟಿಸಲಿದ್ದಾರೆ.
.
ಟಗರು ಚಿತ್ರದ ನಂತರ ಶಿವರಾಜ್‌ಕುಮಾರ್‌ ರುಸ್ತುಂನಲ್ಲಿ ಮತ್ತೊಮ್ಮೆ ಖಡಕ್‌ ಪೊಲೀಸ್‌ ಆಫೀಸರ್‌ ರೋಲ್‌ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಹಿಂದೆ ರುಸ್ತುಂಗೆ ಸುನಿಲ್‌ ಶೆಟ್ಟಿ, ಮನೋಜ್‌ ಬಾಜಪೇಯಿ ಸೇರಿದಂತೆ ಬಾಲಿವುಡ್‌ನ ನಟರ ಖಳನಟರಾಗಿ ಕಾಣಿಸಿಕೊಳ್ಳುತ್ತಾರೆ ಎನ್ನಲಾಗಿತ್ತು. ಆದರೆ ಡೇಟ್ಸ್‌ ಸಮಸ್ಯೆ ಬಂದಿದ್ದು, ನಿರ್ದೇಶಕರು ಕಡೆಗೆ ಮಹೇಂದ್ರನ್‌ ಮತ್ತು ಹರೀಶ್‌ ಉತ್ತಮನ್‌ ಕಡೆ ವಾಲಿದ್ದಾರೆ.
.
ಹರೀಶ್‌ ಉತ್ತಮನ್‌ ತೆಲುಗು ಮತ್ತು ತಮಿಳು ಚಿತ್ರರಂಗದಲ್ಲಿ ನಟಿಸಿ ಹೆಸರು ಮಾಡಿದ್ದಾರೆ. ಮಹೇಂದ್ರನ್‌ ನಿರ್ದೇಶಕ, ಬರಹಗಾರ ನಟರಾಗಿ ತಮಿಳು ಚಿತ್ರರಂಗದಲ್ಲಿ ಕಳೆದ ಎರಡು ದಶಕಗಳಿಗೂ ಹೆಚ್ಚು ವರ್ಷಗಳಿಂದ ಕೆಲಸ ಮಾಡುತ್ತಿದ್ದಾರೆ. ಅರ್ಜುನ್‌ ಗೌಡಗೆ ಇದು ಮೊದಲ ಚಿತ್ರವಾಗಿದೆ.
.
ಜಯಣ್ಣ ಬೋಗೇಂದ್ರ ಈ ಚಿತ್ರವನ್ನು ನಿರ್ಮಾಣ ಮಾಡುತ್ತಿದ್ದಾರೆ. ಏ.24ಕ್ಕೆ ರುಸ್ತುಂ ಸಿನಿಮಾದ ಫರ್ಸ್ಟ್ ಲುಕ್ ಪೋಸ್ಟರ್‌ ಮತ್ತು ಮೋಷನ್ ಪೋಸ್ಟರ್ ಬಿಡುಗಡೆಯಾಗುತ್ತದೆ.
.
#Rustum #Cineloka #DrShivanna
  •  Start 
  •  Prev 
  •  1  2  3 
  •  Next 
  •  End 
Page 1 of 3

kismat

aaadi nigif

ad free

Cineloka TV

Photo Gallery

ರಿಯಲ್ ಸ್ಟಾರ್ ಉಪೇಂದ್ರ ರಾಜ್ಯ ರಾಜಕೀಯದಲ್ಲಿ ಯಾವ ಪಕ್ಷ ಸೇರಬೇಕು.?
  • Votes: (0%)
  • Votes: (0%)
  • Votes: (0%)
  • Votes: (0%)
  • Votes: (0%)
Total Votes:
First Vote:
Last Vote:
Go to top