‘ದಂಡುಪಾಳ್ಯಂ 4’ ಚಿತ್ರವನ್ನು ತಿರಸ್ಕರಿಸಿದ ಸೆನ್ಸಾರ್‌ ಮಂಡಳಿ

 ‘ದಂಡುಪಾಳ್ಯಂ 4’ ಚಿತ್ರವನ್ನು ತಿರಸ್ಕರಿಸಿದ ಸೆನ್ಸಾರ್‌ ಮಂಡಳಿ

 


ಸುಮನ್‌ ರಂಗನಾಥ್‌ ನಟಿಸಿರುವ ದಂಡುಪಾಳ್ಯಂ-4 ಚಿತ್ರವನ್ನು ಸೆನ್ಸಾರ್‌ ಮಂಡಳಿ ರಿಜೆಕ್ಟ್‌ ಮಾಡಿದೆ.

ಆದರೆ ಯಾವುದೇ ಕಾರಣ ನೀಡದೆ ಸಿನಿಮಾವನ್ನು ತಿರಸ್ಕರಿಸಿರುವ ಸೆನ್ಸಾರ್‌  ಮಂಡಳಿ ವಿರುದ್ಧ ನಿರ್ಮಾಪಕ ವೆಂಕಟ್‌ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ನವೆಂಬರ್‌ ತಿಂಗಳಿನಲ್ಲಿ ಸೆನ್ಸಾರ್‌ಗಾಗಿ ವೆಂಕಟ್‌ ಅರ್ಜಿ ಸಲ್ಲಿಸಿದ್ದರಂತೆ. ಯಾವುದೇ ಸ್ಪಷ್ಟ ಕಾರಣ ನೀಡದೇ ತಿರಸ್ಕಾರ ಮಾಡಿ, ರವೈಸ್ಡ್‌ ಕಮಿಟಿ ಮುಂದೆ ಹೋಗಲು  ಹೇಳಿದ್ದಾರಂತೆ ಸೆನ್ಸಾರ್‌ ಮಂಡಳಿ ಅಧಿಕಾರಿಗ ಡಿ ಎನ್‌ ಶ್ರೀನಿವಾಸಪ್ಪ.

.

ಈ ಬಗ್ಗೆ ನಿರ್ಮಾಪಕ ವೆಂಕಟ್‌ ಮಾಧ್ಯಮಗಳ ಜತೆ ಮಾತನಾಡಿ ‘ನಾವು ಕಷ್ಟಪಟ್ಟು ಸಿನಿಮಾ ಮಾಡಿರುತ್ತೇವೆ. ಆದರೆ ಸೆನ್ಸಾರ್‌ ಮಂಡಳಿಯವರು ತಮ್ಮ ಅವೈಜ್ಞಾನಿಕ ನಿಲುವಿನಿಂದ ತೊಂದರೆಯಾಗಿದೆ. ಯಾವುದೇ ಕಾರಣಗಳನ್ನು ನೀಡದೇ ರಿವೈಸ್ಡ್‌ ಕಮಿಟಿಗೆ ಹೋಗಿ ಎಂದಿದ್ದಾರೆ. ಇದು ಕನ್ನಡದ ನಿರ್ಮಾಪಕರ ಶೋಷಣೆಯಾಗಿದೆ,’ಎಂದು ಅವರು ಹೇಳಿದರು.

.

ಸಿನಿಮಾದಲ್ಲಿ ಅಕ್ಷೇಪಾರ್ಹ ಸನ್ನಿವೇಶಗಳಿದ್ದರೆ ಕತ್ತರಿಸಿ ಬಿಡುಗಡೆ ಮಾಡಲು ನಾನು ರೆಡಿ, ಅದನ್ನು ಬಿಟ್ಟು ಸಿನಿಮಾವನ್ನೇ ರಿಜೆಕ್ಟ್‌ ಮಾಡುವುದು ಎಂದರೇ ಏನು. ಈಗ ರಿವೖಸ್ಡ್‌ ಕಮಿಟಿಗೆ ಹೋಗುವುದರಿಂದ ನನಗೆ ಬಿಡುಗಡೆಗೆ ಮೂರು ತಿಂಗಳು ತಡವಾಗಿ, ಆರ್ಥಿಕ ಸಂಕಷ್ಟ ಎದುರಾಗುತ್ತದೆ ಎಂದು ಬೇಸರ ವ್ಯಕ್ತಪಡಿಸಿದರು ವೆಂಕಟ್‌. 


Digiqole ad

Nithyanand Amin

Leave a Reply